TV
రోడ్డు ప్రమాదంలో అధ్యాపకురాలు మృతి
మేడికొండూరు : ద్విచక్ర వాహనంపై వెనుక కూర్చుని వెళుతున్న అధ్యాపకురాలి పవిట చెంగు చైన్స్‌ ప్యాకెట్లో పడిపోవడంతో అక్కడికక్కడే కింద పడి మృతిచెందారు. ఈ దుర్ఘటన మండలంలోని పేరేచర్ల – గుంటూరు రోడ్‌లోని ఆరో మైలు కాలనీ సమీపంలో గురువారం జరిగింది. గుంటూరు సమీపంలోని నల్లపాడు గ్రామానికి చెందిన దాసరి సుస్మిత(50) పల్నాడు జిల్లా మాచర్లలోని ఎస్‌కేబీఆర్‌ డిగ్రీ కాలేజ్‌లో లెక్చరర్‌గా పనిచేస్తున్నారు. రోజూ ఉదయం నల్లపాడు నుంచి మాచర్ల వెళ్లే ఎక్స్‌ప్రెస్‌ బస్సులో వెళ్లి వస్తుంటారు. గురువారం ఉదయం కూడా మాచర్లకు వెళ్లేందుకు నల్లపాడు సెంటర్‌కి వచ్చారు. అప్పటికే బస్సు వెళ్లిపోయింది. ఎలాగైనా పేరేచర్లలో ఆ బస్సు ఎక్కాలనే ఉద్దేశంతో తన కుమారుడు దాసరి ధనుష్‌ శ్రీవాత్సవను ద్విచక్రవాహనంపై పేరేచర్లలో దింపాలని కోరారు. దీంతో శ్రీవాత్సవ తల్లిని బైక్‌పై తీసుకెళ్తుండగా మార్గమధ్యలో సుస్మిత పవిట చెంగు ద్విచక్రవాహనం చైన్‌ ప్యాకెట్లో పడిపోయింది ఆ వేగానికి ఆమె అక్కడికక్కడే రోడ్డుపైన పడిపోవడంతో తలకు తీవ్ర గాయమై మరణించారు. విషయం తెలుసుకున్న మేడికొండూరు పోలీసులు ఘటన స్థలానికి వచ్చి మృతదేహాన్ని పోస్టుమార్టం నిమిత్తం గుంటూరు ప్రభుత్వ ఆసుపత్రి తరలించారు. కేసు నమోదు చేసి దర్యాప్తు చేస్తున్నారు.
రోడ్డు ప్రమాదంలో అధ్యాపకురాలు మృతి
Comments
Please login to add a commentAdd a comment