రిటర్నబుల్‌ ప్లాట్లకు రేపు ఈ–లాటరీ

తాడికొండ: భూసమీకరణలో భూములు అప్పగించిన రైతులకిచ్చే రిటర్నబుల్‌ ప్లాట్లకు ఈ నెల 23వ తేదీన ఈ–లాటరీ నిర్వహించనున్నారు. ఈ మేరకు ఏపీసీఆర్డీఏ కమిషనర్‌ కాటంనేని భాస్కర్‌ ఒక ప్రకటనలో తెలిపారు. విజయవాడ లెనిన్‌ సెంటర్‌లోని సంస్థ ప్రధాన కార్యాలయంలోని సమావేశ మందిరంలో ఈ–లాటరీ ఉంటుందన్నారు. అమరావతి 9 గ్రామాల్లోని రైతులకు ఆన్‌లైన్‌ ద్వారా ప్లాట్లను కేటాయించనున్నట్లు తెలిపారు. ఉదయం 10 నుంచి మధ్యాహ్నం ఒంటి గంట వరకు కృష్ణాయపాలెం, నవులూరు, బోరుపాలెం, నెక్కల్లు, తుళ్ళూరు గ్రామాల వారికి ఈ ప్రక్రియ చేపడతామని తెలిపారు. మధ్యాహ్నం 2 నుంచి సాయంత్రం 5 గంటల వరకు వెలగపూడి, మందడం, నిడమర్రు, అనంతవరం గ్రామాలకు చెందిన రైతులకు ఈ–లాటరీ నిర్వహించనున్నట్లు వెల్లడించారు.