ఉత్సాహంగా ‘గణిత ప్రతిభా’ పరీక్ష

ఉత్సాహంగా ‘గణిత ప్రతిభా’ పరీక్ష

జనగామ రూరల్‌: జనగామ పట్టణంలోని ధర్మకంచ జెడ్పీహెచ్‌ఎస్‌లో బుధవారం జిల్లా స్థాయి గణిత ప్రతిభా పరీక్ష ఉత్సాహంగా జరిగింది. ఉదయం 11 నుంచి 12.30 గంటల వరకు జరిగిన ఈ పరీక్షకు జిల్లా నుంచి 100 మంది విద్యార్థులు హాజరయ్యా రు. టీఎంఎఫ్‌ జిల్లా అధ్యక్షుడు ఎం.లింగం ఆధ్వర్యాన జరిగిన ముగింపు సమావేశంలో డీఈఓ ఎం.రమేష్‌ మాట్లాడుతూ.. ఈ పరీక్షతో విద్యార్థులకు పోటీతత్వం అలవడుతుందన్నారు. అనంతరం ఇంగ్లిష్‌, తెలుగు మీడియం రెసిడెన్షియల్‌ పాఠశాలల నుంచి మొదటి మూడు స్థానాల్లో నిలిచిన 9 మంది విజేతలకు బహుమతులు ప్రదానం చేశారు. వీరు ఈనెల 18న జరిగే రాష్ట్ర స్థాయి పరీక్షలో పాల్గొంటారని నిర్వాహకులు తెలిపారు. కార్యక్రమంలో ఎంఈఓ రాజేందర్‌, జనరల్‌ సెక్రటరీ శ్రీనివాస్‌, హెచ్‌ఎం శ్రీనివాసులు, ఏఎంఓ శ్రీనివాస్‌ తదితరులు పాల్గొన్నారు.