కాళేశ్వరం రాజగోపురం నుంచి మెట్ల మార్గం

కాళేశ్వరం రాజగోపురం నుంచి మెట్ల మార్గం

కాళేశ్వరం: మహదేవపూర్‌ మండలం కాళేశ్వరం దేవస్థానం తూర్పు రాజగోపురం నుంచి శ్రీరామాలయం రోడ్డు వరకు మెట్ల మార్గం పనులను పంచాయతీరాజ్‌ అధికారులు ప్రారంభించారు. మాజీ సీఎం కేసీఆర్‌ గతంలో ఆలయ అభివృద్ధికి రూ.25కోట్ల నిధులు కేటాయించిన విషయం తెలిసిందే. ఆ నిధుల నుంచి రూ.50లక్షల వ్యయంతో 100మీటర్ల పొడవుతో సెంట్రల్‌ లైటింగ్‌తో అధునాతనంగా నిర్మించేందుకు పనులు ప్రారంభించారు. పనుల్లో భాగంగా ఇప్పటికే ఉన్న సీసీ రోడ్డు డ్రిల్లింగ్‌ చేసి తొలగిస్తున్నారు. ఆ మెట్ల మార్గంలో సీసీతోపాటు టైల్స్‌ వేయనున్నారు. కాగా, తూర్పు రాజగోపురం వద్దకు గోదావరి నుంచి, ఇటు బస్టాండ్‌ మీదుగా వచ్చే వాహనాలు ఇక మీదట అనుమతి లేదు. సూపరింటెండెంట్‌ శ్రీనివాస్‌, అర్చకులు ఫణీంద్రశర్మ, పీఆర్‌ ఇంజనీర్లు ఉన్నారు.

పనులు ప్రారంభించిన అధికారులు