వనపర్తిపై ‘కొల్లాపూర్‌’ నేతల పెత్తనం

వనపర్తిపై ‘కొల్లాపూర్‌’ నేతల పెత్తనం

గద్వాల, నాగర్‌కర్నూల్‌లో..

గద్వాల నియోజకవర్గంలో ఎమ్మెల్యే బండ్ల కృష్ణమోహన్‌రెడ్డి, జెడ్పీ మాజీ చైర్‌పర్సన్‌, డీసీసీ అధ్యక్షురాలు సరిత మధ్య వైరం కొనసాగుతోంది. కృష్ణమోహన్‌రెడ్డి బీఆర్‌ఎస్‌ నుంచి కాంగ్రెస్‌లో చేరడానికి కొల్లాపూర్‌కు చెందిన కీలకనేతనే కారణమని పార్టీలో ఇదివరకే ప్రచారం ఉంది. ఈ క్రమంలో సరితను కాదని ఎమ్మెల్యేకు సంబంధించిన వ్యక్తికి మార్కెట్‌ చైర్మన్‌ పదవి ఇవ్వడం, ప్రభుత్వ కొనుగోలు కేంద్రాల ఏర్పాటులోనూ ఆయన వర్గానికే ప్రాధాన్యం ఇవ్వడంపై పార్టీలో భిన్నాభిప్రాయాలు వ్యక్తమయ్యాయి. ఈ జిల్లాతో పాటు నాగర్‌కర్నూల్‌లో ప్రభుత్వ శాఖల అధికారులు, పోస్టింగ్‌లు, పైరవీలు ఇతరత్రా అంశాల్లో సదరు కీలకనేత, ఆయన అనుచరులదే పైచేయిగా నిలవడంతో స్థానిక నేతలు, శ్రేణులు అసంతృప్తిగా ఉన్నట్లు తెలుస్తోంది.