ఇళ్లలోనే వేడుకలు చేసుకుందాం..

¢ నూతన సంవత్సర వేడుకల్లో సందడంతా విద్యార్థులూ, యువతదే... పోలీసు ఆంక్షలు, నిబంధనలను పాటిస్తూ వేడుకలను తమ నివాసంలో తల్లిదండ్రులు, బంధువుల మధ్య నిర్వహించుకోవడం ఉత్తమం.

¢ ఎంత సందడి చేసినా అది ఇతరులకు ఇబ్బందికరంగా మారకూడదు. రోడ్లపై వెళ్తున్న పరిచయం లేనివారిని నిలువరించడం, వారి చుట్టూ గుమిగూడి హడావుడి చేయడం మంచిది కాదు.

¢ నూతన సంవత్సరం ఆగమనం వేళ బైకులూ, అందులోనూ హైస్పీడ్‌ బైకులకు దూరంగా ఉండాలి. అర్ధరాత్రి వేళ రద్దీగా ఉండే రోడ్లపై మితిమీరిన వేగంతో చక్కర్లు కొడుతూ ప్రాణాల మీదకు తెచ్చుకోవద్దు.. ఇతరులను భయబ్రాంతులకు గురిచేయొద్దు. మద్యానికి దూరంగా ఉండడం శ్రేయస్కరం.

¢ గత నాటుగేళ్లుగా జిల్లా వ్యాప్తంగా డ్రంక్‌ అండ్‌ డ్రైవ్‌ కేసులు భారీగా నమోదయ్యాయి. గతంలో ఈ కేసుల్లో పట్టుబడిన కేవలం జరిమానాలే విధించేవి. 31వ తేదీ రాత్రి ఏమాత్రం తేడా జరిగినా కేసులు నమోదు కావడంతో భవిష్యత్‌ ప్రశ్నార్థకంగా మారనుంది. ఈ విషయాన్ని గుర్తించాలి.

¢ పోలీసులు అప్రమత్తంగా వ్యవహరించాల్సి ఉంది. రద్దీ ప్రాంతాలు, ప్రార్థన మందిరాల దగ్గర పోలీసు పికెట్లు ఏర్పాటు చేసి ఉత్సవాల వేళ అపశ్రుతులు జరగకుండా నివారించాల్సిన అవసరం ఉంది. ఈమేరకు ఇప్పటికే ఎస్పీ శ్రీనివాస్‌ ఆదేశాలు జారీ చేశారు.