శలపాకలో నిందితుల ఇల్లు కూల్చివేత

శలపాకలో నిందితుల ఇల్లు కూల్చివేత

కాజులూరు: శలపాకలో ఐదు రోజుల క్రితం దారుణ హత్యలకు పాల్పడిన నిందితుల ఇంటిని మంగళవారం స్థానికులు కూల్చివేశారు. కుటుంబ కలహాల నేపథ్యంలో పొట్లకాయల నాగేశ్వరరావు, అతడి కుటుంబ సభ్యులు దీపావళి రాత్రి ఎదుట ఇంటిలోని బత్తుల చిన్నయ్య, బత్తుల రాజు, బత్తుల రమేష్‌ను హత్య చేసిన విషయం తెలిసిందే. ఈ ఘటనలో నిందితులైన పొట్లకాయల నాగేశ్వరారవు, పొట్లకాయల బేబీ, పొట్లకాయల సుబ్రహ్మణ్యం, పొట్లకాయల దొరబాబు, పొట్లకాయల వినోద్‌కుమార్‌, పొట్లకాయల సాయికిరణ్‌లను పోలీసులు అరెస్టు చేశారు. కాగా.. నిందితులను కఠినంగా శిక్షించాలంటూ గ్రామస్తులు ఆందోళనలు చేస్తున్నారు. ఈ నేపధ్యంలో సోమవారం గ్రామం నుంచి గొల్లపాలెం పోలీస్టేషన్‌కు, అక్కడి నుంచి కాకినాడ కలెక్టరెట్‌కు ర్యాలీ నిర్వహించిన అధికారులకు వినతి పత్రాలు సమర్పించారు. ఈ నేపథ్యంలో మంగళవారం గ్రామంలోని నిందితుల ఇంటిని కూల్చివేశారు.