రేషన్‌ షాపు భూమిపూజకు ఆటంకం

ఆందోళనకారులతో చర్చిస్తున్న తహసీల్దార్‌

హోసూరు వార్తలు..

హోసూరు: ప్రభుత్వ స్థలంలో రేషన్‌ దుకాణం ఏర్పాటుకు భూమిపూజ చేస్తుండగా ఈ స్థలం తన సొంతమని ఓ వ్యక్తి అడ్డుకొన్నారు. వివరాల మేరకు హోసూరు తాలూకా అచ్చెట్టిపల్లి పంచాయతీ యడపల్లి గ్రామంలో 160 రేషన్‌ కార్డులు ఉన్నాయని, రేషన్‌ దుకాణం ఏర్పాటు చేయాలని చాలా ఏళ్లుగా ప్రజలు కోరుతున్నారు. దీంతో జిల్లా అధికారులు దుకాణం నిర్మాణానికి రూ. 7 లక్షల నిధులను కేటాయించారు. గ్రామంలోని పోరంబోకు స్థలంలో సోమవారం భూమిపూజకు అధికారులు ఏర్పాట్లు చేయసాగారు. ఇంతలో గణేష్‌ అనే వ్యక్తి అడ్డుకొని ఈ స్థలం తనకే సొంతమని, రేషన్‌ దుకాణం నిర్మించరాదని అడ్డుకున్నాడు. తమకు ఎలాగైనా దుకాణం నిర్మించాలని గ్రామస్తులు హోసూరు సబ్‌కలెక్టర్‌ కార్యాలయం వద్ద ధర్నా చేయగా, తహసీల్దార్‌ సుబ్రమణ్యం వారితో చర్చించారు. రేషన్‌ దుకాణానికి స్థలాన్ని కేటాయిస్తానని హామీ ఇవ్వడంతో ఆందోళన విరమించారు.

1/1

ఏనుగు కళేబరం వద్ద పోలీసులు