నారాయణస్వామికి గౌరవ డాక్టరేట్‌

గౌరవ డాక్టరేట్‌ అందుకున్న నారాయణస్వామి

కోలారు: జిల్లా యాదవ సంఘం గౌరవ అధ్యక్షుడు వక్కలేరి కె నారాయణస్వామికి గ్లోబల్‌ హ్యూమన్‌ పీస్‌ యూనివర్సిటీ గౌరవ డాక్టరేట్‌ అందించింది. ఆయుర్వేద రంగంలో 1984 నుంచి చేసిన సాధనకు ఆయుష్‌ శాఖ ప్రశంసా పత్రాన్ని అందించింది. నారాయణస్వామి దాదాపు 30 వేల ఉచిత ఆయుర్వేద వైద్య శిబిరాలను నిర్వహించారు. పశువుల రక్షణకు ఆయుర్వేద మందులను తయారు చేసి యావత్‌ దేశానికి సరఫరా చేశారు. ఈనెల 10వ తేదీన చైన్నె నగరంలోని విశ్వ విద్యాలయ సభాంగణంలో నిర్వహించిన కార్యక్రమంలో నారాయణస్వామి ఈ గౌరవ డాక్టరేట్‌ను అందుకున్నారు. కార్యక్రమంలో యూనివర్సిటీ ఫౌండర్‌, చైర్మన్‌ డాక్టర్‌ పి మ్యాన్యుయెల్‌, ఉపకులపతి డాక్టర్‌ కె శ్రీనివాసన్‌ ఉన్నారు. ఈ సందర్భంగా నారాయణస్వామికి జిల్లా ప్రభుత్వ ఉద్యోగుల సంఘం అధ్యక్షుడు జి సురేష్‌బాబు, యాదవ సంఘం ప్రముఖులు అభినందనలు తెలిపారు.