మైనారిటీ పథకాల పట్ల జాగృతి చేయండి

మైనారిటీ పథకాల పట్ల జాగృతి చేయండి

కోలారు: మైనారిటీ సముదాయాలలో వివిధ శాఖల సంక్షేమ కార్యక్రమాలపై అవగాహన, జాగృతి కలిగించాల్సిన అవసరం ఉందని జిల్లా కలెక్టర్‌ అక్రం పాషా తెలిపారు. మంగళవారం ఆర్డీవో కార్యలయంలో ప్రధాన మంత్రి 15 అంశాల కార్యక్రమాల అమలుపై నిర్వహించిన త్రైమాసిక అవధి ప్రగతి పరిశీలన సమావేశంలో మాట్లాడారు. ప్రధాన మంత్రి నూతన 15 అంశాల కార్యక్రమం అమలులో జిల్లాలో ఉత్తమ ప్రగతి సాధించింది. దీనిపై మైనారిటీ సముదాయాలలో తగిన జాగృతి చేయాల్సిన అవసరం ఉందన్నారు. ప్రతినెలా వచ్చే కేంద్ర, రాష్ట్ర ప్రభుత్వాల నిధులను ప్రభుత్వం నిర్ణయించిన నియమాలకు అనుగుణంగా మైనారిటీల అభివృద్ధికి ప్రత్యేకంగా రిజర్వు చేసి ఉంచాలన్నారు. అధికారులు తమ శాఖల పరిధిలో ప్రభుత్వ పథకాలపై ప్రజలకు సరైన అవగాహన కల్పించాలన్నారు. ప్రభుత్వ పథకాలను అర్హులైన లబ్దిదారులకు సకాలంలో సక్రమంగా అందించాలన్నారు. అల్పసంఖ్యాత వసతి నిలయాలలో, విద్యార్థి నిలయాలలో ఉత్తమ సౌలభ్యాలను కల్పిచండానికి అవసరమైన చర్యలు తీసుకోవాలని కోరారు. ఎలాంటి సమితి సభ్యుల నుంచి ఫిర్యాదులు రాకుండా జాగ్రత్తలు తీసుకోవాలన్నారు. సమావేశంలో జిల్లా ఎస్పీ బి నిఖిల్‌, కేజీఎఫ్‌ డీఎస్పీ పాండురంగ, జిల్లా పంచాయతీ యోజనాధికారి సుమా, జిల్లా అల్పసంఖ్యాత సంక్షేమ అధికారి మైలారప్ప తదితరులు పాల్గొన్నారు.