ఐదుగురి నామినేషన్లు

నల్లగొండ: నల్లగొండ – వరంగల్‌ – ఖమ్మం పట్టభద్రుల నియోజకవర్గ ఎమ్మెల్సీ స్థానానికి శుక్రవారం ఐదుగురు అభ్యర్థులు నామినేషన్లు దాఖలు చేశారు. కాంగ్రెస్‌ అభ్యర్థిగా తీన్మార్‌ మల్లన్న రెండు సెట్లు, స్వతంత్ర అభ్యర్థులుగా మాధవపెద్ది వెంకట్‌రెడ్డి ఒక సెట్‌, చంద్రశేఖర్‌ రెండు సెట్లు నామినేషన్‌ పత్రాలను నల్లగొండ కలెక్టరేట్‌లోని రిటర్నింగ్‌ అధికారి కార్యాలయంలో అందజేశారు. అలాగే, అలియన్స్‌ డెమొక్రటిక్‌ రీఫామ్స్‌ పార్టీ అభ్యర్థి ఈడ శేషగిరిరావు, తెలంగాణ సకల జనుల పార్టీ అభ్యర్థి నందిపాటి జానయ్య ఒక్కో సెట్‌ సమర్పించారు.