TV
బైక్‌ను ఢీకొన్న బొలేరో.. యువకుడి మృతి
ఎమ్మిగనూరురూరల్‌: పట్టణంలోని కలుగొట్ల రోడ్డు వద్ద పెట్రోల్‌ బంక్‌ ఆవరణలో బైక్‌ను బొలేరో వాహనం ఢీకొన్న ఘటనలో యువకుడు మృతిచెందాడు. ట్రాఫిక్‌ పోలీసులు తెలిపిన వివరాలు.. నందవరం మండలం కనకవీడు గ్రామానికి బోయ ఈరన్న(26), నాగరాజు బైక్‌పై ఎమ్మిగనూరుకు వచ్చారు. మిరప పైరుకు పిచికారీ చేసేందుకని పురుగు మందు తీసుకుని స్వగ్రామానికి బయలుదేరారు. కలుగొట్ల రోడ్డులోని పెట్రోల్‌ బంక్‌ వద్ద బైక్‌కు పెట్రోల్‌ వేయించుకుని ముందుకు కదులుతుండగా పక్కనే డీజిల్‌ వేయించుకుంటున్న బొలేరో వాహనం వేగంగా వచ్చి ఢీకొంది. ప్రమాదంలో బైక్‌పై వెనుక కూర్చున్న ఈరన్న, డ్రైవింగ్‌ చేస్తున్న నాగరాజు తీవ్రంగా గాయపడ్డారు. ఇద్దరినీ స్థానిక ప్రభుత్వాసుపత్రికి తరలించారు. ప్రథమ చికిత్స అనంతరం పరిస్థితి విషమంగా ఉండటంతో కర్నూలుకు తరలిస్తుండగా మార్గమధ్యంలో ఈరన్న మృతి చెందాడు. మృతుడికి భార్య పద్మావతి, కుమార్తెలు సంగీత, జ్యోతి, వెన్నల, కుమారుడు మహేష్‌ ఉన్నారు. కేసు నమోదు చేసుకున్నట్లు ట్రాఫిక్‌ పోలీసులు తెలిపారు.
Comments
Please login to add a commentAdd a comment