రోడ్డు ప్రమాదంలో ముగ్గురికి తీవ్రగాయాలు

Published Tue, Dec 31 2024 2:01 AM | Last Updated on Tue, Dec 31 2024 2:01 AM

బనగానపల్లె రూరల్‌: మండలంలోని జ్వాలాపురం గ్రామ సమీపంలో దద్దణాల ప్రాజెక్టు వద్ద సోమవారం ఎదురెదురుగా రెండు లారీలు ఢీకొన్న ఘటనలో ముగ్గురు తీవ్రంగా గాయపడ్డారు. పోలీసులు తెలిపిన వివరాలు.. గుంతకల్లుకు చెందిన లారీ డ్రైవర్‌ బి ఎర్రన్న, క్లీనర్‌ అహమ్మద్‌ పెట్రోల్‌ లోడ్‌ ట్యాంకర్‌తో కోవెలకుంట్లకు బయల్దేరారు. తమిళనాడు రాష్ట్రం పెరంబలూరు జిల్లాకు చెందిన ప్రవీణ్‌ యనకండ్ల గ్రామ సమీపంలోని జయజ్యోతి సిమెంట్‌ కంపెనీ నుంచి క్లింకర్‌ లోడ్‌తో గుంతకల్లు వైపు బయల్దేరాడు. దద్దణాల ప్రాజెక్టు మలుపు వద్ద రెండు లారీలు ఎదురెదురుగా ఢీకొన్నాయి. లారీ డ్రైవర్‌ ప్రవీణ్‌ సీటులోనే ఇరుక్కుపోయాడు. మరో లారీ డ్రైవర్‌ ఎర్రన్న, క్లీనర్‌ అహమ్మద్‌ తీవ్రగాయాలపాలయ్యారు. ముగ్గురినీ స్థానికులు అంబులెన్స్‌లో బనగానపల్లె ప్రభుత్వ వైద్యశాలకు తరలించారు. పరిస్థితి విషమంగా ఉండడంతో నంద్యాల ప్రభుత్వ వైద్యశాలకు తరలించారు. ఎస్‌ఐ దుగ్గిరెడ్డి ఘటనా స్థలాన్ని పరిశీలించి కేసు నమోదు చేసి దర్యాప్తు చేస్తున్నారు.