టాటా ఏస్‌ వాహనానికి అగ్ని ప్రమాదం

టాటా ఏస్‌ వాహనానికి అగ్ని ప్రమాదం

జైపూర్‌: మండలంలోని ఇందారం క్రాస్‌ రోడ్డు సమీపంలో ఉన్న శ్రీరాంపూర్‌ జీఎం కార్యాలయం వద్ద జాతీయ రహదారిపై ప్రయాణికులతో వెళ్తున్న టాటా ఏస్‌ వాహనం బుధవారం అగ్నిప్రమాదానికి గురైంది. ప్రయాణికులు సురక్షితంగా బయపడడంతో పెద్ద ప్రమాదం తప్పింది. మంచిర్యాల నుంచి చెన్నూర్‌ వైపు ప్రయాణికులతో వెళ్తున్న టాటా ఏసీ వాహనంలో ఒక్కసారిగా పొగలు రావడాన్ని గమనించిన డ్రైవర్‌ వాహనాన్ని పక్కన నిలిపాడు. ప్రయాణికులను కిందికి దింపేలోగానే మంటలు ఒక్కసారిగా చెలరేగాయి. వాహనం మొత్తం అంటుకోగా ఆర్పే ప్రయత్నం చేసినా ఫలితం లేకపోయింది. పెద్ద ఎత్తున మంటలు ఎగిసిపడడంతో కొద్ది క్షేణాల్లోనే వాహనం కాలిబూడిదైంది. అటు వైపున వెళ్తున్న వాహనదారులు అంతా భయాందోళనకు గురయ్యారు.