చేగుంటలో రగ్బీ పోటీలు

చేగుంటలో రగ్బీ పోటీలు

చేగుంట(తూప్రాన్‌): మండల కేంద్రమైన చేగుంట ప్రభుత్వ కళాశాల ఆవరణలో మంగళవారం ఉమ్మడి మెదక్‌ జిల్లా స్కూల్‌ గేమ్‌ ఫెడరేషన్‌ రగ్బీ పోటీలను నిర్వహించారు. వివిధ మండలాల నుంచి 350 మంది విద్యార్థులు పోటీల్లో పాల్గొనగా.. అండర్‌ 14, 17, 19 బాలబాలికల విభాగాల్లో పోటీలను నిర్వహించారు. 36 మంది బాలురను, 36 మంది బాలికలను రాష్ట్ర స్థాయి పోటీలకు ఎంపిక చేసినట్లు కోచ్‌ కరణం గణేష్‌రవికుమార్‌ తెలిపారు. వీరంతా ఈనెల 10 నుంచి మేడ్చల్‌ జిల్లా కేఎల్‌ఆర్‌ క్రికెట్‌ గ్రౌండ్‌లో జరిగే రాష్ట్ర స్థాయి పోటీల్లో పాల్గొంటారని పేర్కొన్నారు. ఈ పోటీలను మెదక్‌ జిల్లా ఎస్‌జీఎఫ్‌ కార్యదర్శి రమేశ్‌, పీఈటీల సంఘం జిల్లా అధక్షుడు నాగరాజు, సెలక్షన్‌ కమిటీ ఇంచార్జ్‌ శారద, రగ్బీ అసోసియేషన్‌ జిల్లా ప్రధాన కార్యదర్శి కరణం మల్లీశ్వరీ, సిద్దిపేట ఇంచార్జీ భరత్‌రెడ్డితో పాటు పలు మండలాలకు చెందిన రగ్బీ రెఫరీలు పాల్గొన్నారు.