సమన్వయంతో పనిచేయండి

● డీఈఓ రాధాకిషన్‌ ● 29, 30 తేదీల్లో జిల్లాస్థాయివైజ్ఞానిక మేళా

మెదక్‌ కలెక్టరేట్‌: ఈనెల 29, 30 తేదీల్లో జిల్లాస్థాయి వైజ్ఞానిక మేళాను నిర్వహిస్తున్నట్లు డీఈఓ రాధాకిషన్‌ తెలిపారు. ఈ మేరకు జిల్లా కేంద్రంలోని వెస్లీ ఉన్నత పాఠశాలలో బుధవారం ఏర్పాట్లను పరిశీలించారు. ఈసందర్భంగా ఆయన మాట్లాడుతూ.. అధికారులంతా సమన్వయంతో పనిచేసి విజయవంతం చేయాలని సూచించారు. మేళాకు జిల్లావ్యాప్తంగా 36 ప్రాజెక్టులు వచ్చేలా చర్యలు చేపడుతున్నట్లు తెలిపారు. వైజ్ఞానిక ప్రదర్శన నిర్వహణకు 16 కమిటీలు ఏర్పాటు చేశామన్నారు. ప్రతి ఎగ్జిబిట్‌లో నూతన ఆవిష్కరణలతో కూడిన బోధనా అభ్యాసన సామగ్రి ప్రదర్శించవచ్చని అన్నారు. అలాగే విద్యార్థులకు మిల్లెట్స్‌ ఫర్‌ సస్టెనబుల్‌ ఫ్యూచర్‌ అండ్‌ హెల్త్‌ అనే అంశంపై ఒకరోజు సెమినార్‌ ఉంటుందన్నారు. ప్రతి అంశంలో జిల్లాలోని 6, 7, 8, 9, 10 తరగతుల విద్యార్థులు పాల్గొనాలని సూచించారు. ఆయన వెంట జిల్లా సైన్స్‌ అధికారి రాజిరెడ్డి, అకాడమిక్‌ మానిటరింగ్‌ అధికారి సుదర్శనమూర్తి, ఎంఈఓ నీలకంఠం ఉన్నారు.