బడిని పునఃప్రారంభించాలి

బడిని పునఃప్రారంభించాలి

కడెం: మండలంలోని పాండ్వపూర్‌ పంచాయతీ పరిధి పాండ్వపూర్‌తండా, కాశిగూడ గ్రామాలకు చెందిన 30 మంది విద్యార్థుల కోసం ప్రభుత్వ పాఠశాలను పునఃప్రారంభించాలని ఎస్సీ, ఎస్టీ ఉపాధ్యాయ సంఘం జిల్లా అధ్యక్షుడు భూక్యా రాజేశ్‌నాయక్‌ డిమాండ్‌ చేశారు. ఆదివారం పాండ్వపూర్‌ తండాకు వెళ్లి విద్యార్థుల తల్లిదండ్రులతో మాట్లాడి సమస్య తెలుసుకున్నారు. గతంలో ఈ రెండు గ్రామాల విద్యార్థుల కోసం గ్రామంలో పాఠశాలను నడిపించారని తెలిపారు. మూడేళ్లుగా ఉపాధ్యాయులు రాక విద్యార్థులు చదువుకు దూరమవుతున్నారని పేర్కొన్నారు. డ్యాంగూడలో పాఠశాల ఉన్నా దారి లేదని, పొలాలు దాటి వెళ్లేందుకు విద్యార్థులు భయపడుతున్నారని తెలిపారు. కలెక్టర్‌, ప్రజాప్రతినిధులు స్పందించి పాఠశాలను తెరిపించాలని రాజేశ్‌తోపాటు తల్లిదండ్రులు కోరుతున్నారు.