TV
మాల సంఘం జిల్లా అధ్యక్షుడిగా రతన్‌కుమార్‌
కామారెడ్డి అర్బన్‌: మాల సంఘం జిల్లా కమిటీని శుక్రవారం స్థానిక ఆర్‌అండ్‌బీ అతిథి గృహంలో సంఘం రాష్ట్ర నాయకుడు అయ్యల సంతోష్‌ ఆధ్వర్యంలో ఏకగ్రీవంగా ఎన్నుకున్నారు. జిల్లా అధ్యక్షుడిగా సంకి రతన్‌కుమార్‌, ప్రధాన కార్యదర్శిగా నీరెడ్డి మైసయ్య, కోశాధికారిగా మైండ్ల ప్రభాకర్‌, ఉపాధ్యక్షులుగా పి పెద్ద సాయిలు, వాగ్మరే లక్ష్మణ్‌, పసుల నరేశ్‌ ఎన్నికయ్యారు. అనంతరం జిల్లా కార్యవర్గానికి సంతోష్‌ నియామకపత్రం అందజేశారు. కార్యక్రమంలో సంఘం నాయకులు శ్రీనివాస్‌, పాపయ్య, సాయిలు, రాజు, నరేశ్‌, మైసయ్య, కాశీరాం తదితరులు పాల్గొన్నారు.
ఆర్యవైశ్య కార్పొరేషన్‌
చైర్మన్‌కు అభినందనలు
బాన్సువాడ రూరల్‌: టీపీసీసీ రాష్ట్ర కార్యదర్శి, ఆర్యవైశ్య కార్పొరేషన్‌ చైర్మన్‌ కాల్వ సుజాత గుప్తాను శుక్రవారం బీర్కూర్‌కు చెందిన కాంగ్రెస్‌ పార్టీ రాష్ట్ర నాయకుడు అబ్దుల్‌ అహ్మద్‌ మర్యాద పూర్వకంగా కలిసి శాలువాతో ఘనంగా సన్మానించారు. కాంగ్రెస్‌ పార్టీ అధికారంలోకి రావడంలోనూ సుజాత కృషి ఉందన్నారు.
సిద్ధేశ్వర ఆలయ
అభివృద్ధికి కృషి చేస్తాం
తాడ్వాయి: సిద్ధేశ్వరాలయాన్ని మరింత అభివృద్ధి చెందేలా తమవంతు కృషి చేస్తామని ఎల్లారెడ్డి ఎమ్మెల్యే మదన్‌మోహన్‌, శాస్త్రవేత్త పైడి ఎల్లారెడ్డి అన్నారు. తాడ్వాయి మండలంలోని బ్రహ్మాజివాడిలో ఉన్న సిద్ధేశ్వరాలయంలో ఆలయ ఉత్సవాలను శుక్రవారం ఘనంగా నిర్వహించారు. ఈ ఉత్సవాలు పైడి ఎల్లారెడ్డి ఆధ్వర్యంలో కొనసాగుతున్నాయి. ఆలయంలో వారు ఉదయం ప్రత్యేక పూజలు, హోమం చేశారు. ఆలయానికి రోడ్లు, తాగు నీటిసమస్య, పలు సమస్యలు పరిష్కారమయ్యేలా కృషి చేస్తామన్నారు. అనంతరం భక్తులకు అన్నదానం నిర్వహించారు. అంతకు ముందు ఎమ్మెల్యే మదన్‌మోహన్‌ తాడ్వాయిలో ఉన్న శబరిమాతాశ్రమాన్ని సందర్శించారు. కార్యక్రమంలో ఆలయ కమిటీ సభ్యులు, పార్టీ నాయకులు, గ్రామ పెద్దలు పాల్గొన్నారు.
మాల సంఘం జిల్లా అధ్యక్షుడిగా రతన్‌కుమార్‌
మాల సంఘం జిల్లా అధ్యక్షుడిగా రతన్‌కుమార్‌
Comments
Please login to add a commentAdd a comment