అధ్యక్ష పదవులు ఖాళీ

లోకాయుక్త, రాష్ట్ర ఎన్నికల కమిషను, రాష్ట్ర మహిళా కమిషను, ఒడిశా విద్యుత్‌ నియంత్రణ కమిషను (ఓఈఆర్‌సి) అధ్యక్ష పదవులు దీర్ఘకాలంగా ఖాళీగా పడి ఉన్నాయి. దీంతో కార్యకలాపాలు స్తంభించాయి. లోకాయుక్త అధ్యక్ష పదవి ఆగస్టు నెల నుంచి ఖాళీ అయింది. ఈ పదవి భర్తీ కోసం గత ప్రభుత్వం ఆధ్వర్యంలో ఎంపిక కమిటీ ఖరారు చేసినా అభ్యర్థిని భర్తీ చేసేందుకు రాష్ట్ర ప్రభుత్వం ఇంత వరకు అనుమతించకపోవడంతో ఈ ప్రక్రియ పూర్తి కాలేదు. అవినీతి నియంత్రణలో కీలక పాత్ర పోషించాల్సిన ప్రతిష్టాత్మక లోకాయుక్త అధ్యక్షుడు లేకపోవడంతో బాధితులకు ఇబ్బందులు ఎదురవుతున్నాయి. డాక్టరు రాజేంద్ర ప్రసాద్‌ శర్మ అధ్యక్ష పదవీ కాలం పూర్తి అయిన నుంచి ఈ పదవి ఖాళీగా పడి ఉంది.