హోరాహోరీగా వెయిట్‌ లిఫ్టింగ్‌ పోటీలు

Published Mon, Nov 4 2024 1:39 AM | Last Updated on Mon, Nov 4 2024 1:39 AM

తెనాలి: ఆంధ్రప్రదేశ్‌ స్కూల్‌గేమ్స్‌ ఫెడరేషన్‌ ఆధ్వర్యంలో స్థానిక కోగంటి శివయ్య మున్సిపల్‌ హైస్కూలులో జరుగుతున్న 68వ ఆంధ్రప్రదేశ్‌ స్కూల్‌గేమ్స్‌ అంతర జిల్లాల (అండర్‌–17) బాలబాలికల వెయిట్‌లిఫ్టింగ్‌ పోటీలు రెండోరోజైన ఆదివారం కొనసాగాయి. పోటీల్లో 55 కిలోల బాలుర విభాగంలో గుంటూరు జిల్లాకు చెందిన జి.జయసాయికృష్ణ స్కాచ్‌లో 60 కిలోలు, క్లీన్‌ అండ్‌ జెర్క్‌లో 90 కిలోలతో సహా మొత్తం 150 కిలోలతో ప్రథమ స్థానం సాధించాడు. కడప, విశాఖకు చెందిన లిఫ్టర్లు ద్వితీయ, తృతీయ బహుహతులను గెలిచారు. బాలికల 40 కిలోల విభాగంలో పశ్చిమగోదావరి, 45 కిలోల విభాగంలో తూర్పుగోదావరి లిఫ్టర్లు ప్రథమస్థానంలో నిలిచారు. ఈ పోటీలకు ఎస్‌.కోటేశ్వరరావు, సీహెచ్‌ గోపీనాథ్‌, ఎ.వెంకటరామిరెడ్డి న్యియనిర్ణేతలుగా వ్యవహరించారు. ఆర్గనైజింగ్‌ కార్యదర్శిగా నాగశిరీష, వ్యాయామ అధ్యాపకుడు రమేష్‌, స్కూల్‌గేమ్స్‌ ఫెడరేషన్‌ ఎం.రవికుమార్‌ పర్యవేక్షించారు.