పూలహారం @ రూ.70,300

పూలహారం @ రూ.70,300

రొళ్ల: ఇప్పటివరకూ మనం వినాయకుడి లడ్డూ వేలం చూసి ఉంటాం. రూ.లక్షలు పలికిన వాటి గురించి తెలుసుకుని ఉంటాం. రొళ్ల మండలం జీరిగేపల్లిలో మాత్రం వినాయకుడి మెడలోని పూలహారం వేలం వేస్తారు. ఏటా జరిగే కార్యక్రమంలో గ్రామస్తులు భారీగా పోటీపడతారు. ఈ సారి గ్రామానికి చెందిన ముడుపన్న అనే వ్యక్తి ఏకంగా రూ.70,300కు వేలంపాటలో స్వామివారి పూల హారాన్ని దక్కించుకున్నారు.

బంతిపూల మాలకు భారీ రేటు

జీరిగేపల్లి గ్రామంలో ఏటా స్వామివారికి చవితి రోజున బంతిపూలతో చేసిన మాల వేస్తారు. మూడోరోజు నిమజ్జనం సందర్భంగా ఆ హారాన్ని వేలం వేస్తారు. ఆ వచ్చిన డబ్బును మరుసటి సంవత్సరం స్వామివారిని కొలువుదీర్చేందుకు ఉపయోగిస్తారు. స్వామివారి పూలహారం దక్కించుకున్న వారికి మంచి జరుగుతుంది అని గ్రామస్తులు విశ్వాసం. అందుకే మామూలు బంతిపూల హారం కూడా వేల రూపాయలు పలుకుతుంది. ఈసారి ఏకంగా రూ.70,300కు ముడుపన్న దక్కించుకుని సంబరపడ్డాడు.