రాణించిన జిల్లా క్రికెట్‌ క్రీడాకారులు

Published Mon, Nov 4 2024 12:18 AM | Last Updated on Mon, Nov 4 2024 12:18 AM

కాకుళం న్యూకాలనీ: జిల్లా బాలుర అండర్‌–14 క్రికెట్‌ జట్టు ఏసీఏ అంతర్‌ జిల్లాల క్రికెట్‌ టోర్నీలో సమష్టిగా రాణిస్తోంది. వైఎస్సార్‌ కడప జిల్లా వేదికగా వైఎస్‌ రాజారెడ్డి ఏసీఏ క్రికెట్‌ స్టేడియంలో ఏసీఏ అంతర్‌జిల్లాల అండర్‌–14 బాలుర మల్టీడేస్‌(త్రీడేస్‌ మ్యాచ్‌లు) క్రికెట్‌ టోర్నమెంట్‌లో కృష్ణా జిల్లాతో జరిగిన కీలక మ్యాచ్‌ డ్రాగా ముగిసినప్పటికీ.. ఫస్ట్‌ ఇన్నింగ్స్‌లో కీలకమైన ఆధిక్యాన్ని సాధించి మ్యాచ్‌ పాయింట్లను దక్కించుకుంది. అటు బ్యాటింగ్‌, ఇటు బౌలింగ్‌ రెండు విభాగాల్లో సమష్టిగా రాణించారు. ఈ మ్యాచ్‌లో శ్రీకాకుళం జిల్లా క్రికెటర్లు ఎస్‌వీఎస్‌ వివేక్‌నందా 181 బంతుల్లో 108 (12 ఫోర్లు, ఒక సిక్సర్‌) పరుగుల సెంచరీతో ఆకట్టుకోగా, సిమ్మ సాత్విక్‌ 52(నాటౌట్‌) పరుగులతో రాణించారు.