నూతన గుర్తింపు కార్డులు

నూతన గుర్తింపు కార్డులు

తిరుత్తణి: అన్నాడీఎంకే శ్రేణులకు నూతన గుర్తింపు కా ర్డులను మాజీమంత్రి రమణ అందజేశారు. అన్నాడీఎంకే కార్యదర్శిగా మాజీ సీఎం ఎడపాడి పళనిస్వామి పదవీ బాధ్యతలు చేపట్టిన తరువాత పార్టీని పటిష్టం చేసి కార్యకర్తల్లో విశ్వాసం పెంచే విధంగా నూతన గుర్తింపు కార్డులు పంపిణీకి శ్రీకారం చుట్టారు. ఇందులో భాగంగా తిరువలంగాడు యూనియన్‌లో ఎన్‌ఎన్‌కండ్రిగ, నల్లాట్టూరు, తాళవేడు, పూనిమాంగాడు, చివ్వాడ, పొన్పాడి సహా పది గ్రామాల్లో పార్టీ శ్రేణులకు గుర్తింపు కార్డులు పంపిణీ కార్యక్రమం గురువారం నిర్వహించారు. కార్యక్రమానికి యూనియన్‌ కార్యదర్శి న్యాయవాది శక్తివేల్‌ అధ్యక్షత వహించారు. ఆ పార్టీ తిరువళ్లూరు వెస్టు జిల్లా కార్యదర్శి, మాజీమంత్రి బీవీ రమణ, మాజీ ఎంపీ హరి, నియోజకవర్గ ఇన్‌చార్జ్‌ విజయకుమార్‌ తదితరులు పాల్గొని పార్టీ శ్రేణులకు నూతన గుర్తింపు కార్డులు అందజేశారు.