త్రుటిలో తప్పిన ప్రమాదం

బోల్తాపడిన కంటైనర్‌

పరవాడ: లంకెలపాలెం–పరవాడ రహదారిలో సోమవారం భారీ కంటైనర్‌ బోల్తా పడింది. ప్రమాదంలో ఓ ఆటో నుజ్జునుజ్జువ్వగా ఎటువంటి ప్రాణ నష్టం లేకపోవడంతో అందరూ ఊపిరిపీల్చుకున్నారు. సోమవారం ఉదయం 11 గంటల సమయంలో లంకెలపాలెం నుంచి పరవాడ వైపు వస్తున్న భారీ కంటైనర్‌ మండల కాంప్లెక్సు కూడలికి రాగానే అదుపు తప్పి ఓ ఫాన్‌ షాపు వద్ద పార్క్‌ చేసిన ఆటోపై బోల్తా పడింది. ఈ ఘటనలో ఆటో నుజ్జు నుజ్జు అయింది. ఆ సమయంలో ఆటోలో ప్రయాణికులు లేకపోవడంతో భారీ ప్రమాదం తప్పింది. బోల్తా పడిన కంటైనర్‌లో డ్రైవర్‌ చాకచక్యంగా తప్పించుకోవడంతో ప్రాణాపయం నుంచి బయట పడ్డాడు. సమాచారం అందుకున్న పరవాడ పోలీసులు ప్రమాదానికి గల కారణాలను తెలుసుకున్నారు. ట్రాఫిక్‌ ఇబ్బందులు తలెత్తకుండా చర్యలు తీసుకున్నారు.