రాష్ట్ర స్థాయి ఖోఖో పోటీలు ప్రారంభం

రాష్ట్ర స్థాయి ఖోఖో పోటీలు ప్రారంభం

అనకాపల్లి: తుమ్మపాలలో స్కూల్‌ గేమ్స్‌ ఫెడరేషన్‌ అండర్‌–17 రాష్ట్రస్థాయి బాలబాలికల ఖోఖో పొటీలు శనివారం రాత్రి ప్రారంభమయ్యాయి. ఈ పోటీల్లో ఉమ్మడి 13 జిల్లాల నుంచి 400 మంది క్రీడాకారులు పాల్గొన్నారు. ప్రథమ, ద్వితీయ, తృతీయ స్థానాలు పొందిన క్రీడాకారులకు సోమవారం బహుమతులు అందజేయనున్నారు. ఉత్తమ క్రీడాప్రతిభ కనబర్చిన వారిని జాతీయ పోటీల్లో పాల్గొనే రాష్ట్ర జట్టుకు ఎంపిక చేస్తారు. ఏపీ క్రీడా ప్రాధికారిక సంస్థ రాష్ట్ర చైర్మన్‌ ఎ.రవినాయుడు ,ఉపవిద్యాశాఖ అధికారి అప్పారావు, తుమ్మపాల సర్పంచ్‌ తట్టా పెంటయ్యనాయుడు, ఖో ఖో రాష్ట్ర పర్యవేక్షకుడు రాధాకృష్ణ, జిల్లా స్కూల్‌గేమ్స్‌ కార్యదర్శి మోటూరి నాగేశ్వరరావు తదితరులు పాల్గొన్నారు.