రుద్రేశ్వరస్వామికి లక్ష పుష్పార్చన

రుద్రేశ్వరస్వామికి లక్ష పుష్పార్చన

హన్మకొండ కల్చరల్‌: కార్తీక మాసోత్సవాల్లో భాగంగా వేయిస్తంభాల దేవాలయంలో మంగళవారం రుద్రేశ్వరస్వామికి లక్ష పుష్పార్చన నిర్వహించారు. ఆలయ ప్రధానార్చకుడు గంగు ఉపేంద్రశర్మ అధ్వర్యంలో వేదపండితుడు మణికంఠశర్మ, అర్చకులు సుప్రభాత సేవ, మూలగణపతికి అభిషేకం, అలంకరణ, రుద్రేశ్వరస్వామికి రుద్రాభిషేకం, సామూహిక రుద్రాభిషేకా లు చేశారు. ప్రముఖ ఆధ్యాత్మికవేత్త డాక్టర్‌ కరుణాకర్‌–దీప్తి దంపతుల సౌజన్యంతో 21 రకాల పూలతో రుద్రేశ్వరుడికి లక్షపుష్పార్చన నిర్వహించారు. ఏకాదశి కావడంతో వివిధ ప్రాంతాల నుంచి అధిక సంఖ్యలో భక్తులు దేవాలయాన్ని సందర్శించారు. సాయంత్రం ప్రదోషకాల పూజలు, భజనలు చేశారు. దేవాలయ ప్రాంగణంలో కార్తీక దీపాలు వెలిగించారు.