TV
ఆటోమొబైల్‌ షాపులో అగ్ని ప్రమాదం
చిట్యాల: షార్ట్‌ సర్క్యూట్‌తో మంటలు చెలరేగి ఆటోమొబైల్‌ షాపు దగ్ధమైంది. ఈ ఘటన సోమవారం రాత్రి చిట్యాల మండల కేంద్రంలో జరిగింది. బాధితుడు, స్థానికులు తెలిపిన వివరాల ప్రకారం.. చిట్యాల పట్టణంలోని ఆటోనగర్‌లో శ్రీకాంత్‌ అనే వ్యక్తి మల్లికార్జున ఆటోమొబైల్‌ షాపు నిర్వహిస్తున్నాడు. సోమవారం అర్ధరాత్రి షార్ట్‌ సర్క్యూట్‌తో షాపులో అకస్మాత్తుగా మంటలు చెలరేగాయి. పక్కనే ఉన్న నిద్రిస్తున్న పలువురు మెకానిక్‌లు షాపు యజమానితో పాటు ఫైర్ సిబ్బందికి సమాచారం అందించారు. ఫైర్ సిబ్బంది వచ్చి మంటలను ఆర్పే ప్రయత్నం చేసినప్పటికీ షాపులోని సామాను పూర్తిగా కాలిబూడిదైంది. సుమారు రూ.50లక్షల వరకు నష్టం వాటిల్లినట్లు షాపు యజమాని తెలిపాడు. బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
ఫ రూ.50లక్షల ఆస్తి నష్టం
Comments
Please login to add a commentAdd a comment