రోడ్డు ప్రమాదంలో ఇద్దరికి గాయాలు

శాలిగౌరారం: రెండు బైక్‌లు ఎదురెదురుగా ఢీకొనడంతో ఇద్దరికి తీవ్ర గాయాలయ్యాయి. ఈ ఘటన శాలిగౌరారం, అడ్లూరు గ్రామాల శివారులో సోమవారం రాత్రి జరిగింది. శాలిగౌరారం ఎంపీడీఓ కార్యాలయంలో ఈ–పంచాయతీ కంప్యూటర్‌ ఆపరేటర్‌గా పనిచేస్తున్న సురేశ్‌, సీనియర్‌ అసిస్టెంట్‌ వెంకట్‌రెడ్డి సోమవారం రాత్రిలు విధులు ముగించుకొని బైక్‌పై నకిరేకల్‌కు వెళ్తున్నారు. అదే సమయంలో ఊట్కూరు గ్రామానికి చెందిన ఎలక్ట్రీషియన్‌ శీలం కృష్ణ నకిరేకల్‌ నుంచి శాలిగౌరారం వైపు బైక్‌పై వస్తూ శాలిగౌరారం, అడ్లూరు గ్రామాల శివారులో అదుపుతప్పి సురేశ్‌, వెంకట్‌రెడ్డి ప్రయాణిస్తున్న బైక్‌ను ఢీకొట్టాడు. ఈ ప్రమాదంలో సురేశ్‌ చెయ్యి విరగడంతో పాటు తలకు తీవ్ర గాయాలయ్యాయి. కృష్ణకు కూడా గాయాలు కాగా వెంకట్‌రెడ్డి స్వల్ప గాయాలతో బయటపడ్డాడు. సురేశ్‌, కృష్ణను 108 వాహనంలో నార్కట్‌పల్లిలోని కామినేని హాస్పిటల్‌కు తరలించారు.

ట్రాక్టర్‌ ఢీకొని..

నడిగూడెం: మండల కేంద్రానికి చెందిన దున్నా మధు మంగళవారం రాత్రి ఖమ్మం జిల్లా కూసుమంచి మండలం నాయకన్‌గూడెం నుంచి నడిగూడేనికి వస్తుండగా వీరాంజనేయనగర్‌ వద్ద ట్రాక్టర్‌ ఢీకొట్టింది. ఈ ప్రమాదంలో మధు గాయాలు కాగా.. స్థానికులు 108 వాహనంలో సూర్యాపేట ప్రాంతీయ ఆస్పత్రికి తరలించారు. ఈ ఘటనపై తమకు ఎలాంటి ఫిర్యాదు అందలేదని పోలీసులు తెలిపారు.