TV
ట్రాక్టర్‌ తిరగబడి డ్రైవర్‌ మృతి
రామన్నపేట: పొలం దున్నుతుండగా ప్రమాదవశాత్తు ట్రాక్టర్‌ తిరగబడి డ్రైవర్‌ మృతిచెందాడు. ఈ ఘటన మంగళవారం రామన్నపేట మండలం వెల్లంకి గ్రామ శివారులో జరిగింది. గ్రామస్తులు, పోలీసులు తెలిపిన వివరాల ప్రకారం.. రామన్నపేట మండలం ఇంద్రపాలనగరం(తుమ్మలగూడెం) గ్రామానికి చెందిన పెద్దగోని నర్సింహ(54) ట్రాక్టర్‌తో రైతుల పొలాలు దున్నుతూ జీవనం సాగిస్తున్నాడు. అతడికి భార్య, ఇద్దరు కుమార్తెలు, ఒక కుమారుడు ఉన్నారు. గ్రామానికి చెందిన కాటెపల్లి మహేష్‌ వెల్లంకి గ్రామ శివారులో కౌలుకు చేస్తున్న పొలాన్ని మంగళవారం నర్సింహ ట్రాక్టర్‌తో దున్నుతుండగా ప్రమాదవశాత్తు తిరగబడింది. నర్సింహ ట్రాక్టర్‌ ఇంజన్‌, కల్టివేటర్‌ మధ్య ఇరుక్కోవడంతో తలకు స్టీరింగ్‌ బలంగా తాకడంతో అక్కడికక్కడే మృతిచెందాడు. చుట్టుపక్కల వారు గమనించి కుటుంబ సభ్యులకు సమాచారం అందించారు. మృతుడి భార్య నిర్మల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ పి. మల్లయ్య తెలిపారు. మృతదేహాను పోస్టుమార్టం నిమిత్తం రామన్నపేట ప్రభుత్వ ఆస్పత్రికి తరలించారు.
Comments
Please login to add a commentAdd a comment