యువకుడి అదృశ్యం

యువకుడి అదృశ్యం

మిర్యాలగూడ టౌన్‌: మిర్యాలగూడ మండలం ఐలాపురం గ్రామానికి చెందిన యువకుడు అదృశ్యమయ్యాడు. మంగళవారం మిర్యాలగూడ రూరల్‌ ఎస్‌ఐ పిల్లి లోకేష్‌ తెలిపిన వివరాల ప్రకారం.. ఐలాపురం గ్రామానికి చెందిన బాణోతు శ్రీను కుటుంబంతో కలిసి చౌటుప్పల్‌ మండలం గుడిమల్కాపురంలో నివాసముంటూ సెంట్రింగ్‌ పనిచేస్తూ జీవనం సాగిస్తున్నాడు. శ్రీను పెద్ద కుమారుడు బాణోతు రాజేష్‌ (21) ఈ నెల 15వ తేదీన మిర్యాలగూడ మండలం మైసమ్మకుంటలో ఉంటున్న తన అమ్మమ్మ వద్దకు వెళ్తున్నానని చెప్పి ఇంటి నుంచి బయల్దేరాడు. రాజేష్‌ ఆ రోజు రాత్రి అమ్మమ్మ ఇంటి వద్దనే నిద్రించి 16వ తేదీ తెల్లవారుజామున వెళ్లిపోయాడు. అప్పటి నుంచి అతడి ఆచూకీ లభించడంలేదు. దీంతో రాజేష్‌ తండ్రి శ్రీను మంగళవారం మిర్యాలగూడ రూరల్‌ పోలీస్‌ స్టేషన్‌లో ఫిర్యాదు చేశాడు. ఈ మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.