● కలెక్టర్‌ వెంకటేశ్‌ దోత్రేచింతలమానెపల్లి/బెజ్జూర్‌: భూభారతి చట్టంతో రైతుల భూముల సమస్యలు పరిష్కారమవుతాయని కలెక్టర్‌ వెంకటేశ్‌ దోత్రే అన్నారు. చింతలమానెపల్లి మండలం బాలాజీ అనుకోడ, బెజ్జూర్‌ మండల కేంద్రంలోని రైతువేదికల్లో బుధవారం ఎమ్మెల్సీ దండె విఠల్‌, అదనపు కలెక్టర్‌ ఎం.డేవిడ్‌, సబ్‌ కలెక్టర్‌ శ్రద్ధా శుక్లాతో కలిసి అవగాహన కల్పించారు. కలెక్టర్‌ మాట్లాడుతూ ప్రతీ వ్యక్తికి ఆధార్‌ ఉన్నట్లు భూముల సర్వే నంబర్‌కు ప్రభుత్వం భూధార్‌ జారీ చేస్తుందని తెలిపారు. భూభారతి చట్టంలో అప్పీలు చేసే అవకాశం ఉండటంతో భూవివాదాలకు పరిష్కారం లభిస్తుందన్నారు. జూన్‌ 2 నుంచి అన్ని మండలాల్లో చట్టం అమల్లోకి వస్తుందని పేర్కొన్నారు. అటవీ హద్దుల సమస్యల పరిష్కారం కోసం ఉమ్మడి సర్వేకు ప్రయత్నాలు జరుగుతున్నాయన్నారు. ధరణిని బొంద పెట్టి భూభారతి తెచ్చాం గత ప్రభుత్వం అమలు చేసిన ధరణిని బొందపెట్టి భూభారతి చట్టాన్ని తెచ్చామని ఎమ్మెల్సీ దండె విఠల్‌ అన్నారు. ధరణి పోర్టల్‌తో చాలామంది రైతులు బాధితులుగా మారిపోయారన్నారు. సమస్యలు పరిష్కారం కాకపోవడంతో అధికారులు సైతం ఇబ్బందులు పడ్డారని పేర్కొన్నారు. వీఆర్‌వో వ్యవస్థను ప్రవేశపెట్టి గ్రామాల్లో రెవెన్యూ సదస్సులు నిర్వహిస్తామని తెలిపారు. అనంతరం బెజ్జూర్‌లో సీఎం రేవంత్‌రెడ్డి చిత్రపటానికి క్షీరాభిషేకం చేశారు. ఆయా కార్యక్రమాల్లో డీఏవో శ్రీనివాసరావు, మార్కెట్‌ కమిటీ చైర్మన్‌ దేవయ్య, పీఏసీఎస్‌ చైర్మన్‌ ఓంప్రకాశ్‌, ఏడీఏ మనోహర్‌, తహసీల్దార్లు మునావర్‌ షరీఫ్‌, భూమేశ్వర్‌, ఎంపీడీవో ప్రవీణ్‌కుమార్‌, ఏవో నాగరాజు తదితరులు పాల్గొన్నారు.

రెబ్బెన(ఆసిఫాబాద్‌): స్కౌట్స్‌ అండ్‌ గైడ్స్‌ కార్యక్రమాలతో విద్యార్థి దశ నుంచే నాయకత్వ లక్షణాలు పెరుగుతాయని బెల్లంపల్లి ఏరియా జనరల్‌ మేనేజర్‌ విజయ భాస్కర్‌రెడ్డి అన్నారు. గోలేటి టౌన్‌షిప్‌లోని సింగరేణి ఉన్నత పాఠశాలలో బుధవారం భారత్‌ స్కౌట్స్‌ అండ్‌ గైడ్స్‌ డెన్‌ ప్రారంభించారు. జీఎం మాట్లాడుతూ సమాజ సేవతోపాటు అత్యవసర పరిస్థితుల్లో స్కౌట్స్‌ అండ్‌ గైడ్స్‌ అందించే సేవలు గొప్పవన్నారు. పాఠశాల స్థాయి నుంచే స్కౌట్స్‌ అండ్‌ గైడ్స్‌ కార్యక్రమాలు విద్యార్థుల్లో నాయకత్వ లక్షణాల పెంపు, స్వయంకృషితో ఎదగడం, శారీర క, మానసిక దృఢత్వానికి దోహదపడుతాయని తెలిపారు. ఎలాంటి పరిస్థితుల్లోనైనా జీవించగలిగే ఆత్మస్థైర్యాన్ని ఇస్తాయన్నారు. ఈ సందర్భంగా జా తీయ స్థాయిలో ప్రశంసలు అందుకున్న విద్యార్థులను అభినందించారు. స్కౌట్స్‌ అండ్‌ గైడ్స్‌ రూ పొందించిన గుడారం, నివాస సమూహాల నమూనాలను పరిశీలించారు. అనంతరం పాఠశాల విద్యార్థులకు ప్రగతి పత్రాలు అందించారు. రానున్న విద్యా సంవత్సరంలో విద్యార్థులంతా ఫస్ట్‌క్లాస్‌లో ఉత్తీర్ణత సాధించాలని, దీనిపై ఉపాధ్యాయులు ప్రత్యేక శ్రద్ధ చూపాలన్నారు. కార్యక్రమంలో పాఠశాల కరస్పాండెంట్‌ రెడ్డిమల్ల తిరుపతి, సీనియర్‌ పీవో ప్రశాంత్‌, హెచ్‌ఎం రవితేజ, ఉపాధ్యాయులు ఆర్లారెడ్డి, పీఈటీ భాస్కర్‌ తదితరులు పాల్గొన్నారు.

ఆసిఫాబాద్‌: కశ్మీర్‌లోని పహల్గాం సమీపంలో జరిగిన దారుణమైన ఉగ్ర దాడిని నిరసిస్తూ, ఈ దాడుల్లో ప్రాణాలు కోల్పోయిన వారికి నివాళిగా బుధవారం రాత్రి బజరంగ్‌దళ్‌ ఆధ్వర్యంలో జిల్లా కేంద్రంలోని వివేకానంద చౌక్‌ నుంచి కొవ్వొత్తులతో ర్యాలీ నిర్వహించారు. టూరిస్టులపై విచక్షణారహితంగా దాడి చేసి హతమార్చడాన్ని తీవ్రంగా ఖండించారు. నాయకులు మాట్లాడుతూ హిందువులపై దాడికి పాల్పడిన ముష్కరులకు తగిన గుణపాఠం చెప్పాలన్నారు. బీజేపీ నాయకులు అరిగెల మల్లికార్జున్‌, బజరంగ్‌దళ్‌, జాగో హిందూ జాగో, ఆర్‌ఎస్‌స్‌, హిందూ సంఘాల నాయకులు పాల్గొన్నారు.

● ఒకే కుటుంబంలో నలుగురు మృతి ● నెల క్రితం గ్రామం వదిలి వెళ్లిన కుటుంబాలు ● సమీప గ్రామంలోని ప్రాథమిక పాఠశాలలో తలదాచుకుంటున్న వైనం ● భయం వీడాలని కోరిన ఏఎస్పీ చిత్తరంజన్‌ సాక్షి, ఆసిఫాబాద్‌: ఆసిఫాబాద్‌ మండలం సమతులగుండం గ్రామం జిల్లా కేంద్రానికి 30 కిలోమీటర్ల దూరంలో ఉంది. ఈ గిరిజన గ్రామంలో 11 కుటుంబాలు కొన్నేళ్లుగా జీవిస్తున్నాయి. అక్కడి చేరుకోవాలంటే వాగులు వంకలు దాటాల్సిందే. ఎనిమిది కిలోమీటర్ల మేర రోడ్డు సౌకర్యమే లేదు. వ్యవసాయంపై ఆధారపడిన ఆ గ్రామస్తులు నెలరోజుల కిందట ఉన్న ఫలంగా ఇళ్లను ఖాళీ చేసి లింగాపూర్‌ మండలం భీమన్‌గొందిలోని ప్రాథమిక పాఠశాలలో తలదాచుకున్నారు. గత మార్చిలో గ్రామానికి చెందిన ఆత్రం రాజు(40), సోనుబాయి(35) దంపతులతోపాటు వారి కుమారులు భీము(22), మారుతి(20) అనారోగ్య కారణాలతో నెల రోజుల వ్యవధిలో మరణించడమే ఇందుకు కారణం. రాజు కుటుంబ సభ్యులు చనిపోవడంతో ఊరికి ఏదో పీడ ఆవహించిందన్న భయాందోళనతో 10 కుటుంబాలు గ్రామం వీడాయి. ఒక్క కుటుంబం మాత్రం చావోరేవో అన్న ధైర్యంతో అక్కడే ఉంటోంది. మూఢ నమ్మకం.. భయం చుట్టూ అడవులు.. ఆ అడవుల మధ్యలో ఆహ్లాదకరమైన ప్రకృతి ఒడిలో ఉన్న ఊరు భయంతో గజగజలాడుతోంది. భయాందోళనతో సమతులగుండం గ్రామ ప్రజలు ఇళ్లను ఖాళీ చేసి నెల రోజులుగా సమీప గ్రామంలో బిక్కుబిక్కు మంటూ జీవిస్తున్నారు. ఇది జిల్లావ్యాప్తంగా తీవ్ర చర్చనీయాంశమైంది. దీంతో ఏఎస్పీ చిత్తరంజన్‌ మంగళవారం ఉదయం ఆయా గ్రామాల్లో పర్యటించారు. సమతులగుండం ప్రజలను పరామర్శించారు. డాక్టర్‌తో వారికి వైద్యపరీక్షలు చేయించారు. భయం వీడి తిరిగి సొంత గ్రామానికి రావాలని గ్రామస్తులను కోరారు. పట్టువీడని గ్రామస్తులు జిల్లా కేంద్రానికి 30 కిలోమీటర్లలో దూరంలో ఉన్నప్పటికీ ఆ గ్రామం అభివృద్ధికి నేటికీ ఆమడ దూరంలోనే ఉంటోంది. పైగా మూఢ నమ్మకాలతో గిరిజనులు భయాందోళనకు గురవుతున్న ఘటనలు ఎన్నో జరుగుతున్నాయి. అపోహలను తొలగించడానికి జిల్లా యంత్రాంగం కృషి చేయకపోవడంతో సమతులగుండం ప్రజలు నేడు ఊరు ఖాళీ చేయాల్సిన దుస్థితి ఏర్పడింది. గ్రామానికి ఏదో పీడ ఆవహించిందన్న మూఢనమ్మకంలో గ్రామం వీడిన సమతులగుండం గ్రామస్తులు మళ్లీ తిరిగి ఊరికి చేరుకోవడానికి ససేమీరా అంటున్నారు. ఏఎస్పీ చిత్తరంజన్‌ స్వయంగా వెళ్లి వారితో మాట్లాడినా ఫలితం లేకుండా పోయింది. చివరకు మీకు నెలనెలా రేషన్‌ సరుకులు అందేలా సంబంధిత అధికార యంత్రాంగంతో మాట్లాడుతామని హామీ ఇచ్చినా.. వారు సుముఖంగా లేకపోవడం వారి భయాందోళనను తెలియజేస్తోంది. ఇప్పటికై నా జిల్లా ఉన్నతాధికారులు మూఢ నమ్మకాలపై కళాజాత బృందాలతో అవగాహన కల్పించాల్సిన అవసరం ఉంది.

పాఠశాలలకు వేసవి సెలవులు వచ్చాయి. ఈ నెల 9 నుంచి ప్రారంభమైన సమ్మెటీవ్‌ అసెస్మెంట్‌ పరీక్షలు 17 వరకు కొనసాగాయి. చివరిరోజు బుధవారం తల్లిదండ్రులతో సమావేశం నిర్వహించారు. అనంతరం 1 నుంచి 9వ తరగతి విద్యార్థులకు ప్రోగ్రెస్‌ కార్డులు ప్రదానం చేశారు. వసతిగృహాల్లోని విద్యార్థులు తల్లిదండ్రులతో కలిసి ఇంటిబాట పట్టారు. ఆసిఫాబాద్‌, కాగజ్‌నగర్‌ బస్టాండ్లు రద్దీగా మారాయి. ఈ నెల 13 నుంచి జూన్‌ 11 వరకు ప్రభుత్వం పాఠశాలలకు సెలవులు ప్రకటించింది. తిరిగి జూన్‌ 12న పాఠశాలలు పునఃప్రారంభం కానున్నాయి. – ఆసిఫాబాద్‌రూరల్‌

ఆసిఫాబాద్‌: జిల్లా కేంద్రంలోని సరస్వతి శిశుమందిర్‌లో ఐదు రోజులుగా కొనసాగుతున్న అటల్‌ టింకరింగ్‌ కమ్యూనిటీ డెవలప్‌మెంట్‌ ప్రోగ్రాం మంగళవారం ముగిసింది. ముఖ్య అతిథిగా హాజరైన జిల్లా సైన్స్‌ అధికారి కటు కం మధుకర్‌ మాట్లాడుతూ విద్యార్థులు నే ర్చుకున్న అంశాలను నిత్యజీవితంలో ఉపయోగించుకొని కొత్త ఆవిష్కరణలు చేయాలన్నారు. ఈ సందర్భంగా ఐదు రోజులుగా విద్యార్థులు నేర్చుకున్న అంశాలను ప్రదర్శించారు. అనంతరం వారికి ప్రశంసాపత్రాలు అందించారు. ఉదయం పాఠశాలలో గ్రాడ్యుయేషన్‌ డే నిర్వహించారు. కార్యక్రమంలో ట్రస్మా జిల్లా అధ్యక్షుడు దేవభూషణం, రాధాకృష్ణాచారి, సహాకార్యదర్శి భోగ మధుకర్‌, వేణుగోపాల్‌, శిక్షకులు సాయికృష్ణ, ల్యాబ్‌ ఇన్‌చార్జి శ్రీకాంత్‌, ప్రధానాచార్యులు గుండేటి కోటేశ్వర్‌రావు తదితరులు పాల్గొన్నారు.

● కలెక్టర్‌ వెంకటేశ్‌ దోత్రేలింగాపూర్‌/జైనూర్‌: భూ సమస్యల పరిష్కారం కోసం ప్రభుత్వం తీసుకువచ్చిన భూభారతి నూతన ఆర్‌వోఆర్‌ చట్టంపై రైతులకు అవగాహన ఉండాలని కలెక్టర్‌ వెంకటేశ్‌ దోత్రే అన్నారు. లింగాపూర్‌ మండలకేంద్రంతోపాటు సిర్పూర్‌(యూ) మండలం మహాగామ్‌, జైనూర్‌ మండలం గౌరిలోని రైతువేదికల్లో మంగళవారం అవగాహన సదస్సులు నిర్వహించారు. కలెక్టర్‌ మాట్లాడుతూ జిల్లాలోని అన్ని మండలాల్లో ఈ నెల 30 వరకు అవగాహన సదస్సు నిర్వహిస్తామని తెలిపారు. అప్పీల్‌ వ్యవస్థతో రైతులకు మేలు జరుగుతుందన్నారు. అనంతరం లింగాపూర్‌లో బావులు, బోర్లు వేయకుండా అటవీశాఖ అధికారులు అడ్డుకుంటున్నారని స్థానికులు ఆవేదన వ్యక్తం చేశారు. సమస్య పరిష్కరిస్తామని కలెక్టర్‌ వారికి హామీ ఇచ్చారు. సమావేశంలో ఎమ్మెల్సీ దండె విఠల్‌, అదనపు కలెక్టర్‌ డేవిడ్‌, ఆర్డీవో లోకేశ్వర్‌రావు, మార్కెట్‌ కమిటీ చైర్మన్‌ విశ్వనాథ్‌, ఎంపీడీవోలు రాంచందర్‌, రామకృష్ణారావు, తహసీల్దార్‌ ఉదయ్‌కుమార్‌, మండల ప్రత్యేకాధికారి జాదవ్‌ గుణవంత్‌రావు, డీటీ పెద్దిరాజు, ఏవో సంజయ్‌కుమార్‌, ఏఈ మల్లయ్య, ఎంపీవో రజనీకాంత్‌ తదితరులు పాల్గొన్నారు. రైతులకు అవగాహన కల్పించాలిఆసిఫాబాద్‌: భూభారతి చట్టంపై రైతులకు అవగాహన కల్పించాలని రాష్ట్ర రెవెన్యూ, గృహనిర్మాణ శాఖ మంత్రి పొంగులేటి శ్రీనివాస్‌రెడ్డి అన్నారు. మంగళవారం హైదరాబాద్‌ నుంచి రాష్ట్ర ప్రభుత్వ ప్రధాన కార్యదర్శి శాంతికుమారి, ఉన్నతాధికారులతో కలిసి కలెక్టర్లు, అదనపు కలెక్టర్లు, గృహనిర్మాణ శాఖ అధికారులతో భూభారతి ఆర్‌వోఆర్‌ చట్టం అవగాహన సదస్సులు, పైలట్‌ గ్రామాల్లో ఇందిరమ్మ ఇళ్ల నిర్మాణాలు, మిగిలిన గ్రామాల్లో అర్హుల జాబితా రూపకల్పన అంశాలపై వీడియో కాన్ఫరెన్స్‌ ద్వారా సమీక్షా సమావేశం నిర్వహించారు. రాష్ట్ర మంత్రి మాట్లాడుతూ జిల్లాల్లో భూభారతి నూతన ఆర్‌వోఆర్‌ చట్టంలోని అంశాలపై రైతులకు అవగాహన సదస్సులు నిర్వహించి, చట్టం హక్కులు, అంశాలను వివరించాలన్నారు. అలాగే పైలట్‌ గ్రామాల్లో చేపట్టిన ఇందిరమ్మ ఇళ్ల నిర్మాణ పనులు వేగవంతం చేయాలని, మిగిలిన గ్రామాల్లో ఇందిరమ్మ కమిటీ సభ్యులు ప్రతిపాదించిన జాబితాను గెజిటెడ్‌ అధికారులతో మరోసారి క్షేత్రస్థాయిలో పరిశీలించాలని ఆదేశించారు. సిర్పూర్‌(యూ) తహసీల్దార్‌ కార్యాలయం నుంచి కలెక్టర్‌ వెంకటేశ్‌ దోత్రే, అదనపు కలెక్టర్‌ డేవిడ్‌, ఆర్డీవో లోకేశ్వర్‌రావు వీడియో కాన్ఫరెన్స్‌కు హాజరు కాగా, జిల్లా కేంద్రంలోని కలెక్టరేట్‌ నుంచి అదనపు కలెక్టర్‌ దీపక్‌ తివారి, కాగజ్‌నగర్‌ సబ్‌ కలెక్టర్‌ శ్రద్ధా శుక్లా హాజరయ్యారు. కలెక్టర్‌ మాట్లాడుతూ భూభారతి చట్టంపై జిల్లాలోని ఆరు మండలాల్లో అవగాహన సదస్సులు నిర్వహించామని తెలిపారు. ఈ నెల 28 వరకు మిగిలిన తొమ్మిది మండలాల్లో పూర్తి చేస్తామన్నారు. పైలట్‌ గ్రామాల్లో ఇందిరమ్మ ఇళ్ల నిర్మాణ పనులు కొనసాగుతున్నాయని తెలిపారు.

● ఎమ్మెల్యే పాల్వాయి హరీశ్‌బాబుచింతలమానెపల్లి(సిర్పూర్‌): నియోజకవర్గ ప్రజల కు పూర్తిస్థాయిలో అందుబాటులో ఉంటానని ఎమ్మెల్యే పాల్వాయి హరీశ్‌బాబు అన్నారు. మండలంలోని బాలాజీ అనుకోడ రైతు వేదికలో మంగళవారం చింతలమానెపల్లి, బెజ్జూర్‌ మండలాలకు చెందిన 189 మంది లబ్ధిదారులకు కల్యాణలక్ష్మి, షాదీ ముబారక్‌ చెక్కులు అందించారు. ఎమ్మెల్యే మాట్లాడుతూ అటవీ ప్రాంతాలకు సమీపంలోని గ్రామాల శివార్లలో పోడు రైతులను అధికారులు ఇబ్బందులు కలిగించడం సరికాదన్నారు. అధికారులు తీరు మార్చుకోవాలని హితవు పలికారు. పోడు రైతులపై దాడులకు పాల్పడితే సహించేది లేదన్నారు. ఫారెస్టు అధికారులు భూముల్లోకి వస్తే తనకు సమాచారం అందించాలని, వెంటనే అందుబాటులోకి వస్తానని తెలిపారు. అనంతరం రవీంద్రనగర్‌లో రూ.35లక్షలతో నిర్మించిన సీసీరోడ్లను ప్రారంభించారు. కార్యక్రమంలో తహసీల్దార్లు మునావర్‌ షరీఫ్‌, భూమేశ్వర్‌, డీటీలు భీమ్లానాయక్‌, దౌలత్‌, బీజేపీ జిల్లా అధ్యక్షుడు దోని శ్రీశైలం తదితరులు పాల్గొన్నారు.

● బాలురలతో పోల్చితే ఉత్తమ ఫలితాలు సాధించిన వైనం ● రాష్ట్రస్థాయిలోనూ మెరుగుపడిన జిల్లా ర్యాంకు ● సెకండియర్‌లో 2, ఫస్టియర్‌లో 4వ స్థానం..ఆసిఫాబాద్‌రూరల్‌: ఇంటర్మీడియెట్‌ ఫలితాల్లో మ రోసారి బాలికలు మెరిశారు. బాలురలతో పోలిస్తే ఎక్కువ మంది ఉత్తీర్ణత సాధించారు. రాష్ట్రస్థాయిలో కూడా కుమురంభీం ఆసిఫాబాద్‌ జిల్లా స్థానం గతేడాదితో పోలిస్తే మెరుగుపడింది. కేజీబీ వీలు, గురుకులాలు, ప్రభుత్వ కళాశాలలు మెరుగైన ఉత్తీర్ణత శాతం నమోదు చేశాయి. తిర్యాణి ప్రభుత్వ జూనియర్‌ కళాశాలకు చెందిన బైపీసీ సెకండియర్‌ విద్యార్థి గున్నాల పూజిత 1000 మార్కులకు 990 మార్కులతో రాష్ట్రస్థాయి ర్యాంకు సాధించింది. ఫలితాలు ఇలా..మంగళవారం విడుదలైన ఇంటర్‌ ఫలితాల్లో సెకండియర్‌లో జిల్లా రెండో స్థానంలో నిలవగా, ఫస్టియర్‌ ఫలితాల్లో నాలుగో స్థానంలో నిలిచింది. కొన్నేళ్లుగా జిల్లా రెండు, మూడు స్థానాల్లో నిలుస్తున్న విషయం తెలిసిందే. అయితే గతేడాది మాత్రం ద్వితీయ సంవత్సరం ఫలితాల్లో 7, ప్రథమ సంవత్సరం ఫలితాల్లో 8వ స్థానంలో నిలిచింది. 2024– 25 విద్యాసంవత్సరంలో ఫస్టియర్‌ జనరల్‌ విభాగంలో 3,995 మంది విద్యార్థులు హాజరు కాగా, 2,816(70.49శాతం) మంది ఉత్తీర్ణత సాధించారు. ఒకేషనల్‌ విభాగంలో 761 మంది విద్యార్థులకు 538(70.70శాతం) మంది పాసయ్యారు. ద్వితీయ సంవత్సరం జనరల్‌ విభాగంలో 4,199 మంది విద్యార్థులు హాజరు కాగా, 3,339(79.52శాతం) మంది ఉత్తీర్ణత సాధించారు. ఒకేషనల్‌ విభాగంలో 721 మందికి 609(84.47) మంది ఉత్తీర్ణులయ్యారు. ఈ ఏడాది కూడా బాలురులతో పోల్చితే బాలికలే ఎక్కువ మంది పాసయ్యారు. ఫస్టియర్‌లో జనరల్‌, ఒకేషనల్‌ విభాగాల్లో 2,133 మంది బాలురులు పరీక్షలు రాయగా, 1,255 మంది ఉత్తీర్ణత సాధించారు. బాలికలు 2,623 మంది హాజరు కాగా, 2,099 మంది పాసయ్యారు. ఇక సెకండియర్‌లో 2,212 మంది బాలురులకు 1,564 మంది ఉత్తీర్ణులు కాగా, బాలికలు 2,708 మందికి 2384 మంది పాసయ్యారు. సత్తా చాటిన ‘ప్రభుత్వ’ విద్యార్థులుజిల్లా కేంద్రంలోని తెలంగాణ మోడల్‌ స్కూల్‌ విద్యార్థులు ఇంటర్‌ ఫలితాల్లో సత్తా చాటినట్లు ప్రిన్సిపాల్‌ మహేశ్వర్‌ తెలిపారు. ఫస్టియర్‌లో 157 మందికి 120 మంది, సెకండియర్‌లో 157 మందికి 156 మంది ఉత్తీర్ణులయ్యారు. ద్వితీయ సంవత్సరం ఎంపీసీ గ్రూపులో అదిబా తహిరీం 1000 మార్కులకు 971, హర్షిత 970, సమత 964, సౌమ్య 934, బైపీసీలో విద్య 968, సీఈసీలో సాహిత్య 932, ఎంఈసీలో శ్రీవిద్య 859 మార్కులు సాధించారు. ఇక ఫస్టియర్‌ ఎంపీసీ గ్రూపులో సైరి బాను 470 మార్కులకు 445, బైపీసీలో వైష్ణవి 440 మార్కులకు 425, సీఈసీలో చందన 500 మార్కులకు 478, ఎంఈసీలో వైష్ణవి 500 మార్కులకు 435 మార్కులు సాధించారు. జిల్లా కేంద్రంలో బాలికల గురుకుల కళాశాలలో ఫస్టియర్‌ విద్యార్థులు 124 మందికి 115 మంది(93 శాతం) ఉత్తీర్ణులు కాగా, సెకండియర్‌లో 108 మంది 108 మంది(వందశాతం), యూఆర్‌జేసీలో ఫస్టియర్‌ విద్యార్థులు 65 మందికి 62(95 శాతం), సెకండియర్‌లో 63 మందికి 61 మంది(97 శాతం) ఉత్తీర్ణత సాధించారు. ఆసిఫాబాద్‌లోని మహాత్మా జ్యోతిబా పూలే కళాశాలకు చెందిన ఎంపీసీ ఫస్టియర్‌ విద్యార్థిని అశ్విని 447, సెకండియర్‌ బైపీసీ విద్యార్థిని అంజలి 970 మార్కులు సాధించారు.

● సత్తా చాటిన రాంటెంకి సుధాకర్‌ కౌటాల(సిర్పూర్‌): యూపీఎస్సీ– 2024 సివిల్‌ సర్వీసెస్‌ పరీక్ష ఫలితాల్లో కౌటాల మండలం బోదంపల్లి గ్రామానికి చెందిన రాంటెంకి సుధాకర్‌ ఆలిండియా స్థాయిలో 949 ర్యాంకు సాధించారు. నిరుపేద కు టుంబానికి చెందిన రాంటెంకి సోమయ్య, ప్రమీల దంపతులకు ముగ్గురు సంతానం. రెండో కుమారుడు సుధాకర్‌ విద్యాభ్యాసం మొత్తం ప్రభుత్వ పాఠశాలల్లో సాగింది. బోదంపల్లిలోని ప్రాథమిక పాఠశాలలో ఒకటో తరగతి నుంచి ఐదో తరగతి వరకు, ఆ తర్వాత పదో తరగతి వరకు సిర్పూర్‌(టి)లోని సాంఘిక సంక్షేమ బాలుర గురుకుల పాఠశాలలో పూర్తి చేశా రు. నాగోల్‌లోని గురుకుల కళాశాలలో ఇంటర్మీడియెట్‌ విద్యనభ్యసించారు. అనంతరం ఖరగ్‌పూర్‌ ఐఐటీలో మెకానిక్‌ ఇంజినీరింగ్‌ పూర్తి చేశారు. మొదటి నుంచే సివిల్స్‌లో సత్తా చాటాలనే పట్టుదలతో హైదరాబాద్‌లోని ఎస్సీ స్టడీ సర్కిల్‌లో ప్రత్యేక శిక్షణ పొందాడు. యూపీఎస్సీ పరీక్షల్లో మూడుసార్లు ప్రయత్నించి విఫ లం కాగా, నాలుగో ప్రయత్నంలో 949 ర్యాంకు సాధించాడు. సాంఘిక సంక్షేమ గురుకులాల్లో చదివిన మారుమూల ప్రాంతానికి చెందిన సుధాకర్‌ సివిల్స్‌ ర్యాంక్‌ సాధించడంపై బీఆర్‌ఎస్‌ రాష్ట్ర నేత ఆర్‌ఎస్‌ ప్రవీణ్‌కుమార్‌ ట్విటర్‌లో అభినందించారు. సుధాకర్‌ సివిల్స్‌లో సత్తా చాటడంతో మంగళవారం బోదంపల్లిలో సందడి నెలకొంది. స్థానికులు సుధాకర్‌ కుటుంబ సభ్యులను అభినందించారు. సోషల్‌ మీడియాలో శుభాంకాంక్షలు వెల్లువెత్తాయి.

● అదనపు కలెక్టర్‌ దీపక్‌ తివారి ఆసిఫాబాద్‌: జిల్లాలో భూగర్భ జలాల పెంపునకు కృషి చేయాలని అదనపు కలెక్టర్‌ దీపక్‌ తివారి అన్నారు. జిల్లా కేంద్రంలోని కలెక్టరేట్‌ సమావేశ మందిరంలో మంగళవారం కాగజ్‌నగర్‌ సబ్‌ కలెక్టర్‌ శ్రద్ధా శుక్లాతో కలిసి మున్సిపల్‌ కమిషనర్లు, భూగర్భ జలశాఖ, మిషన్‌ భగీరథ ఇంజినీర్లు, ప్రజారోగ్య కార్యనిర్వాహక శాఖ ఇంజినీర్లు, నీటి పారుదల శాఖ, గ్రామీణాభివృద్ధి శాఖ, పంచాయతీ శాఖ అధికారులతో కూడిన పర్యవేక్షక కమిటీతో సమావేశమయ్యారు. నీటి వినియోగం, పొదుపు, భూగర్భ నీటి మట్టం తరిగిపోకుండా తీసుకోవాల్సిన చర్యలపై సమీక్షించారు. అదనపు కలెక్టర్‌ మాట్లాడుతూ భూగర్భ నీటి మట్టాన్ని పెంపొందించేందుకు పర్యవేక్షక కమిటీ అవసరమైన చర్యలు తీసుకోవాలన్నారు. సాగునీరు, తాగునీరు పొదుపుగా వినియోగించడంపై ప్రజలకు అవగాహన కల్పించాలని సూచించారు. జిల్లాలో వాల్టా చట్టాన్ని పటిష్టంగా అమలు చేయాలన్నారు. చేతిపంపులు, బావులు, సాగునీటి చెరువులు, ప్రాజెక్టులు, వ్యవసాయ పంపుసెట్ల పూర్తి వివరాల నివేదిక రూపొందించాలని అధికారులను ఆదేశించారు.

కాగజ్‌నగర్‌రూరల్‌: భూ సమస్యల పరిష్కారం కోసం భూభారతి నూతన ఆర్‌వోఆర్‌ చట్టాన్ని తీసుకువచ్చినట్లు కలెక్టర్‌ వెంకటేశ్‌ దోత్రే తెలిపారు. కాగజ్‌నగర్‌ మండలం వంజిరీలోని రైతు వేదికలో భూభారతి చట్టంలోని హక్కులు, అంశాలపై సోమవారం ఏర్పాటు చేసిన అవగాహన సదస్సుకు ఎమ్మెల్సీ దండె విఠల్‌, ఎమ్మెల్యే పాల్వాయి హరీశ్‌బాబుతో కలిసి హాజరయ్యారు. కలెక్టర్‌ మాట్లాడుతూ భూభా రతి ద్వారా రికార్డుల్లో తప్పులను తహసీల్దార్‌ కార్యాలయంలో సరిచేసుకునే అవకాశం ఉందన్నారు. ఎమ్మెల్యే పాల్వాయి హరీశ్‌బాబు మాట్లాడుతూ ధరణి చట్టంతో కేసీఆర్‌ కుటుంబం మాత్రమే బాగుపడిందని ఆరోపించారు. కొత్త భూభారతి చట్టంలో అప్పీల్‌ వ్యవస్థను పటిష్టంగా అమలు చేయాలన్నారు. ఎమ్మెల్సీ దండె విఠల్‌ మాట్లాడుతూ ఒక్క రూపాయి ఖర్చు లేకుండా భూభారతి పోర్టల్‌లో రైతులు దరఖాస్తు చేసుకోవచ్చన్నారు. అదనపు కలెక్టర్‌ ఎం.డేవిడ్‌, కాగజ్‌నగర్‌ సబ్‌ కలెక్టర్‌ శ్రద్ధా శుక్లా, తహసీల్దార్‌ కిరణ్‌, డీఏవో శ్రీనివాసరావు, ఏవో రామకృష్ణ పాల్గొన్నారు. ‘భూభారతి’పై అవగాహన అవసరంసిర్పూర్‌(టి): భూభారతి ఆర్‌వోఆర్‌ చట్టంపై ప్రతిఒక్కరికి అవగాహన అవసరమని ఎమ్మెల్సీ దండె విఠల్‌, కలెక్టర్‌ వెంకటేశ్‌ దోత్రే అన్నారు. మండల కేంద్రంలోని రైతువేదికలో సోమవారం భూభారతి చట్టంపై అవగాహన సదస్సు నిర్వహించారు. అదనపు కలెక్టర్‌ డేవిడ్‌, కాగజ్‌నగర్‌ సబ్‌ కలెక్టర్‌ శ్రద్ధా శుక్లా, తహసీల్దార్‌ శ్రీనివాస్‌, సిబ్బంది పాల్గొన్నారు.

ఉమ్మడి జిల్లా నుంచి 30 వేల మంది ఆసిఫాబాద్‌: ఈ నెల 27న వరంగల్‌లో నిర్వహించే బీఆర్‌ఎస్‌ సిల్వర్‌జుబ్లీ వేడుకలకు ఉమ్మడి జిల్లా నుంచి 30 వేల మందిని తరలించనున్నాం. ఆసిఫాబాద్‌ నియోజకవర్గం నుంచి 350 ప్రత్యేక వాహనాలు ఏర్పాటు చేస్తున్నాం. అధిష్టానం ఆదేశాల మేరకు అన్ని ఏర్పాట్లు చురుకుగా జరుగుతున్నాయి. బీఆర్‌ఎస్‌ పార్టీ నాయకులు, అభిమానులు అధిక సంఖ్యలో హాజరై సభను విజయవంతం చేయాలి. – కోవ లక్ష్మి, ఆసిఫాబాద్‌ ఎమ్మెల్యే సాక్షి, ఆదిలాబాద్‌: భారత రాష్ట్ర సమితి (బీఆర్‌ఎస్‌) రజతోత్సవానికి సిద్ధమైంది. ఈ నెల 27న వరంగల్‌లో భారీ మహాసభకు శ్రీకారం చుట్టింది. ఈ మేరకు పార్టీ కేడర్‌ సన్నద్ధమవుతోంది. 25 ఏళ్ల ఆ పార్టీ ప్రస్థానంలో రాష్ట్రంలో మాదిరే జిల్లాలోనూ అనేక ఆటుపోట్లను ఎదుర్కొంది. ప్రత్యేక రాష్ట్రం ఏర్పడిన తర్వాత గులాబీ పార్టీ రెండుసార్లు అధికారంలోకి వచ్చింది. ఈ క్రమంలో ఉమ్మడి జిల్లాలోనూ పటిష్టంగా రూపొందింది. అయితే గత ఎన్నికల్లో ఓటమితో కొంత నైరాశ్యం చోటు చేసుకుంది. పలువురు నేతలు పార్టీని వీడినా పునాది లాంటి కార్యకర్తలు వెన్నంటే ఉన్నారన్న అభిప్రాయం నాయకత్వంలో ధీమా నింపుతోంది. పార్టీ రజతోత్సవం తర్వాత మరింత ఉత్సాహం చోటు చేసుకోనుందని, రానున్న రోజుల్లో కేసీఆర్‌ పాలననే ప్రజలు కోరుకుంటున్నారని ఆ పార్టీ శ్రేణులు నర్మగర్భంతో పేర్కొంటున్నారు. మొదటి ఎన్నికలతోనే ప్రభంజనం.. బీఆర్‌ఎస్‌ (అప్పటి టీఆర్‌ఎస్‌) పార్టీ 2001 ఏప్రిల్‌ 27న ఏర్పడింది. 2004 సార్వత్రిక ఎన్నికల్లో మొదటిసారి రాష్ట్రంలో పోటీ చేసింది. తెలంగాణలో 26 సీట్లలో గెలుపొందింది. ఉమ్మడి జిల్లాలో ఆ ఎన్నికల్లో బీఆర్‌ఎస్‌ ముథోల్‌ నుంచి నారాయణరావు పటేల్‌, బోథ్‌ నుంచి సోయం బాపూరావు, ఖానాపూర్‌ నుంచి అజ్మీరా గోవింద్‌ నాయక్‌ గెలుపొందారు. పార్లమెంట్‌ ఎన్నికల్లో నాడు ఆదిలాబాద్‌ ఎంపీ జనరల్‌ స్థానంగా ఉండగా, అప్పట్లో గులాబీ పార్టీ నుంచి టి.మధుసూదన్‌రెడ్డి గెలుపొందారు. ఈ విధంగా ఆ పార్టీ ఉమ్మడి జిల్లాలో ఆదిలాబాద్‌ పార్లమెంట్‌తోపాటు మూడు అసెంబ్లీ స్థానాలను కై వసం చేసుకుంది. అప్పట్లోనే అసమ్మతి వర్గం.. తెలంగాణ రాష్ట్ర సాధన కోసం అధినేత కేసీఆర్‌ నాడు పార్టీ నుంచి గెలిచిన ప్రజాప్రతినిధులందరినీ రాజీనామా చేయాలని కోరారు. అయితే అప్పట్లో ఎంపీ మధుసూదన్‌రెడ్డి, ఖానాపూర్‌ ఎమ్మెల్యే గోవింద్‌నాయక్‌ కేసీఆర్‌కు మద్దతుగా రాజీనామా చేయగా, బోథ్‌ నుంచి గెలుపొందిన సోయం బాపూరావు, ముథోల్‌ నుంచి గెలుపొందిన నారాయణరావు పటేల్‌ అసమ్మతి వర్గంగా నిలిచారు. దీంతో మొదటి ఎన్నికల తర్వాత రాష్ట్రంలో, ఇటు జిల్లాలోనూ అసమ్మతి వర్గం కారణంగా పార్టీకి గడ్డు పరిస్థితులు ఎదురయ్యాయి. ఉప ఎన్నికల్లో మళ్లీ ఎంపీగా పోటీ చేసిన మధుసూదన్‌రెడ్డి, ఖానాపూర్‌లో తిరిగి పోటీ చేసిన గోవింద్‌ నాయక్‌ ఇద్దరూ ఓటమి చెందారు. దీంతో జిల్లాలో పార్టీ పరిస్థితి కొంత డీలా పడింది. ఇక వెనుదిరిగి చూడని వైనం.. ప్రత్యేక రాష్ట్రం ఏర్పడటం, బీఆర్‌ఎస్‌కు ప్రజల్లో ఆదరణ పెరగడంతో ఇతర పార్టీల్లోని ముఖ్య నేతలంతా బీఆర్‌ఎస్‌లోకి వలస వచ్చారు. దీంతో పార్టీ బలంగా తయారైంది. స్థానిక సంస్థల ఎన్నికల్లోనూ దూసుకుపోయింది. ఉమ్మడి ఆదిలాబాద్‌ జిల్లా జెడ్పీని సైతం కై వసం చేసుకుంది. మున్సిపాలిటీల్లోనూ పాగా వేసింది. 2014 ఎన్నికల్లో ఉమ్మడి ఆదిలాబాద్‌ జిల్లాలో బీఆర్‌ఎస్‌ ఏకంగా ఏడు స్థానాల్లో గెలుపొందింది. నిర్మల్‌, సిర్పూర్‌లో ఐకేరెడ్డి, కోనప్పలు బీఎస్పీ నుంచి గెలుపొంది ఆ తర్వాత బీఆర్‌ఎస్‌లో చేరారు. ఆ ఎన్నికల్లో ముథోల్‌ నుంచి ఏకై క స్థానం గెలుపొందిన కాంగ్రెస్‌ ఎమ్మెల్యే విఠల్‌ రెడ్డి కూడా ఆ తర్వాత కాలంలో గులాబీ తీర్థం పుచ్చుకున్నారు. ఈ విధంగా పూర్తిగా ఉమ్మడి జిల్లా గులాబీమయంగా తయారైంది. 2018 ఎన్నికల్లో బీఆర్‌ఎస్‌ ఉమ్మడి జిల్లాలో ఏకంగా తొమ్మిది స్థానాల్లో గెలుపొందగా, ఆసిఫాబాద్‌ నుంచి కాంగ్రెస్‌ తరఫున పోటీచేసిన ఆత్రం సక్కు గెలుపొందారు. ఆ తర్వాత ఆయన కూడా గులాబీ పార్టీలో చేరడంతో పదికి పది స్థానాలు బీఆర్‌ఎస్‌ హస్తగతం అయ్యాయి. ఈ విధంగా ఉద్యమకాలంలో ఉమ్మడి జిల్లాలో గులాబీ పార్టీ మొదట్లో ఆటుపోట్లు ఎదుర్కొన్నా, ప్రత్యేక రాష్ట్రంలో తిరుగులేని పార్టీగా అవతరించింది. కలిసిరాని కాలం.. అయితే 2023 ఎన్నికలు బీఆర్‌ఎస్‌కు కలిసి రాలేదు. ప్రత్యేక రాష్ట్రం ఏర్పడిన తర్వాత రెండుసార్లు అధికారంలో ఉన్న గులాబీ పార్టీకి ఒక విధంగా ఎదురుదెబ్బ తగిలింది. ఉమ్మడి ఆదిలాబాద్‌లో కేవలం బోథ్‌, ఆసిఫాబాద్‌ నియోజకవర్గాల్లోనే ఆ పార్టీ అభ్యర్థులు అనిల్‌ జాదవ్‌, కోవ లక్ష్మి గెలుపొందారు. ఇదిలా ఉంటే మొదటి నుంచి పార్లమెంట్‌ ఎన్నికల ఫలితాలను పరిశీలిస్తే.. ఆదిలాబాద్‌ పరంగా 2004లో మధుసూదన్‌ రెడ్డి, 2014లో గోడం నగేష్‌ గులాబీ పార్టీ నుంచి ఎంపీలుగా గెలిచారు. ఇక పెద్దపల్లి నుంచి 2014లో బాల్క సుమన్‌, 2019లో వెంకటేశ్‌ నేత ఎంపీలుగా మారారు. ఉమ్మడి జిల్లాలో జెడ్పీ చైర్మన్‌గా వల్లకొండ శోభారాణి సత్యనారాయణ గౌడ్‌, ఆ తర్వాత రాథోడ్‌ జనార్దన్‌ వ్యవహరించారు. కొత్త జిల్లాల ఏర్పాటు తర్వాత నాలుగు జెడ్పీలు ఏర్పడగా, ఈ నాలుగింటిలోనూ బీఆర్‌ఎస్‌ పాగా వేసింది. అయితే గత ఎన్నికల్లో చేదు ఫలితాలు ఎదురుకావడం, ఈ క్రమంలో పార్టీని పలువురు నేతలు వీడినా కార్యకర్తలు మాత్రం వెన్నంటి ఉన్నారనే ధీమా గులాబీ ముఖ్యనేతల్లో వ్యక్తమవుతోంది. మళ్లీ పుంజుకున్న వైనం.. 2009 ఎన్నికల్లో ఉమ్మడి జిల్లాలో బీఆర్‌ఎస్‌కు చెన్నూర్‌ నుంచి నల్లాల ఓదెలు, మంచిర్యాల నుంచి గడ్డం అరవింద్‌రెడ్డి, సిర్పూర్‌ నుంచి కావేటి సమ్మయ్య గెలుపొందారు. దీంతో పార్టీ మళ్లీ పుంజుకుంది. ఆ తర్వాత ప్రత్యేక రాష్ట్రం కోసం ఉద్యమం తీవ్రరూపం దాల్చడం, సబ్బండ వర్గాలు కలిసి రావడంతో బీఆర్‌ఎస్‌కు కలిసి వచ్చింది. అప్పట్లో కేసీఆర్‌ ఆదేశాల మేరకు ఎమ్మెల్యేలు రాజీనామా చేయగా, తిరిగి ఉప ఎన్నికల్లో ఆ మూడు స్థానాల నుంచి గెలుపొందింది. ఈ విధంగా పార్టీ తన స్థానాన్ని పదిలపర్చుకుంది. రాజకీయ సుస్థిరత సాధించింది. 2009 ఎన్నికల్లో ఆదిలాబాద్‌ నియోజకవర్గం నుంచి టీడీపీ నుంచి ఎమ్మెల్యేగా గెలుపొందిన జోగు రామన్న మధ్యలో ప్రత్యేక రాష్ట్ర ఉద్యమ నేపథ్యంలో ప్రజల అభీష్టం మేరకు ఆ పార్టీకి రాజీనామా చేసి 2012లో బీఆర్‌ఎస్‌లో చేరారు. గులాబీ పార్టీ అభ్యర్థిగా పోటీ చేసి గెలుపొందారు. దీంతో ఎమ్మెల్యేల సంఖ్య నాలుగుకు పెరగగా ఉమ్మడి జిల్లాలో పార్టీ బలంగా మారింది.

ఆసిఫాబాద్‌రూరల్‌: బీసీ వసతిగృహాల్లో పనిచేస్తున్న కార్మికులకు పెండింగ్‌ వేతనాలు చెల్లించాలని సోమవారం ఐఎఫ్‌టీయూ ఆధ్వర్యంలో జిల్లా కేంద్రంలో బీసీ సంక్షేమశాఖ అధికారి సజీవన్‌కు వినతిపత్రం అందించారు. ఆ సంఘం రాష్ట్ర నాయకుడు బ్రహ్మానందం మాట్లాడుతూ జిల్లాలోని బీసీ వసతిగృహాల్లో పనిచేస్తున్న ఔట్‌సోర్సింగ్‌ వర్కర్లకు 12 నెలలుగా వేతనాలు రావడం లేదన్నారు. ఆర్థికంగా ఇబ్బందులు పడుతున్నారని తెలిపారు. అధికారులు స్పందించి పెండింగ్‌ వేతనాలు చెల్లించేందుకు చర్యలు చేపట్టాలన్నారు. లేనిపక్షంలో నిరవధిక సమ్మెకు పిలుపునిస్తామని హెచ్చరించారు. కార్యక్రమంలో నాయకులు కొమురయ్య, పార్వతి, లక్ష్మి, జ్యోతి, శారద, తిరుపతి తదితరులు పాల్గొన్నారు.

● అధికారిక స్మరణం.. ఆదివాసీల సంబురం ● 44 ఏళ్ల తర్వాత ఇంద్రవెల్లిలో స్వేచ్ఛగా నివాళి ● అమరుల త్యాగాలను స్మరించుకున్న నేతలు ● ఇచ్చిన మాట నెరవేర్చమన్న మంత్రి సీతక్క భూమి కోసం.. భుక్తి కోసం.. విముక్తి కోసం పోరాడి ప్రాణాలను త్యజించిన ఇంద్రవెల్లి అమరవీరుల సంస్మరణ దినోత్సవాన్ని ప్రభుత్వం తొలిసారిగా అధికారికంగా నిర్వహించింది. ఆంక్షలు లేకుండా వేడుకలు నిర్వహించడంపై ఆదివాసీలు హర్షం వ్యక్తం చేశారు. ఉమ్మడి జిల్లా నలుమూలల నుంచి తరలివచ్చిన గిరిపుత్రులు 1981 ఏప్రిల్‌ 20న అమరులైన వీరులకు స్వేచ్ఛగా నివాళులర్పించారు. తొలుత ఇంద్రవెల్లి మండల కేంద్రంలోని గోండ్‌గూడ నుంచి తమ సంప్రదాయ వాయిద్యాల నడుమ స్తూపం వరకు చేరుకున్నారు. స్మారక జెండా వద్ద పూజలు చేశారు. అనంతరం అమరులకు నివాళులర్పించారు. – ఇంద్రవెల్లి/కై లాస్‌నగర్‌ఆదిలాబాద్‌ జిల్లా ఇంద్రవెల్లిలోని అమరవీరుల స్మృతివనంలో ఆదివారం నిర్వహించిన వేడుకలకు రాష్ట్ర మంత్రి సీతక్క ముఖ్య అతిథిగా హాజరయ్యా రు. ఎంపీ గోడం నగేశ్‌, ఎమ్మెల్సీ దండే విఠల్‌, ఖానాపూర్‌ ఎమ్మెల్యే వెడ్మ బొజ్జు, మంచిర్యాల ఎమ్మెల్యే ప్రేమ్‌సాగర్‌రావు, జీసీసీ చైర్మన్‌ కొట్నాక్‌ తిరుపతి, మాజీ ఎంపీలు సోయం బాపూరావ్‌, వేణుగోపాలాచారి, ఆసిఫాబాద్‌ మాజీ ఎమ్మెల్యే ఆత్రం సక్కు, కాంగ్రెస్‌ పార్టీ ఆదిలాబాద్‌ పార్లమెంట్‌ ఇన్‌చార్జి ఆత్రం సుగుణతో కలిసి పూజలు చేసి జెండా ఆవిష్కరించారు. స్తూపానికి పూలమాలలు వేసి నివాళులర్పించారు. అమరుల త్యాగాలను స్మరించుకున్నారు. ఈ సందర్భంగా మంత్రి మాట్లాడుతూ, కాంగ్రెస్‌ ప్రభుత్వం ఇచ్చిన మాట ప్రకారం అధికారికంగా సంస్మరణ దినోత్సవం నిర్వహించామన్నారు. ఆదివాసీలకు ఆర్‌వోఎఫ్‌ఆర్‌ ద్వారా భూ హక్కు కల్పించామని పేర్కొన్నారు. ఏజెన్సీలోని సమస్యలను పరిష్కరించేలా ఐటీడీఏ పీవో, కలెక్టర్‌, అటవీ అధికారులు సమన్వయంతో వ్యవహరించాలన్నారు. స్మృతివనాన్ని మరింత సుందరంగా తీర్చిదిద్ది ఆగస్టు 9న అధికారికంగా ప్రారంభిస్తామని పేర్కొన్నారు. అనంతరం ప్రభుత్వ ఉపాధ్యాయుడు ఆత్రం భుజంగ్‌రావు రచించిన ‘ఆ గాయానికి 44 ఏళ్లు’ పేరిట ముద్రించిన పుస్తకాన్ని ఆవిష్కరించారు. మరోవైపు స్తూపం వద్ద, పరిసర ప్రాంతంలో ఉట్నూర్‌ ఏఎస్పీ కాజల్‌సింగ్‌ ఆధ్వర్యంలో బందోబస్తు ఏర్పాటు చేశారు. ఎస్పీ అఖిల్‌ మహాజన్‌ ఎప్పటికప్పుడు పర్యవేక్షించారు. కార్యక్రమంలో ఐటీడీఏ పీవో ఖుష్బూగుప్తా, సబ్‌ కలెక్టర్‌ యువరాజ్‌, డీఎఫ్‌వో ప్రశాంత్‌ బాజీరావు పాటిల్‌, పలువురు ఆదివాసీ సంఘాల నాయకులు, సార్‌మేడీలు, పటేళ్లు పాల్గొన్నారు. కార్యక్రమం ముగిసిన తర్వాత ఆసిఫాబాద్‌ ఎమ్మెల్యే కోవ లక్ష్మి, బీఆర్‌ఎస్‌ ఖానాపూర్‌ ఇన్‌చార్జి భూక్యా జాన్సన్‌నాయక్‌లు తమ పార్టీ కార్యకర్తలతో కలిసి స్తూపం వద్ద నివాళులర్పించారు. అమరవీరుల కుటుంబాలకు వాహనాలు అందజేత అమరవీరుల కుటుంబీకుల్లోని భోరుజ్‌గూడ గ్రామానికి చెందిన హెరేకుమ్ర సావిత్రిబాయి, అనంతపూర్‌ గ్రామానికి చెందిన తొడసం హనుమంత్‌రావ్‌, సిరికొండ మండలంలోని సోన్‌పల్లి గ్రామానికి చెందిన సిడాం జంగు, పెందోర్‌ సీతాబాయిలకు ట్రైకార్‌ పథకం ద్వారా మూడు ట్రాక్టర్లు, ఒక బొలెరో వాహనాలను మంత్రి చేతుల మీదుగా పంపిణీ చేశారు. అలాగే ఇంద్రవెల్లి, గుడిహత్నూర్‌, ఉట్నూర్‌ మండలాలతో పాటు శ్యాంపూర్‌ మండల సమాఖ్యలకు రూ.159.62 కోట్ల విలువైన సీ్త్ర నిధి, బ్యాంకు లింకేజీతో కూడిన రుణాల చెక్కులు అందజేశారు.

● మే 1 నుంచి 31 వరకు క్రీడాశిబిరాలు ● యువజన శాఖ ఆధ్వర్యంలో ఉచిత శిక్షణ ఆసిఫాబాద్‌రూరల్‌: విద్యార్థులు వేసవి సెలవులు సద్వినియోగం చేసుకునేలా జిల్లా యువజన క్రీడల శాఖ ఆధ్వర్యంలో సమ్మర్‌ క్యాంపులు నిర్వహించనున్నారు. విద్యార్థుల్లో మానసికోల్లాసం, దేహదారుఢ్యం పెంపొందించేందుకు గ్రామస్థాయిలో ఈ క్రీడా శిక్షణ శిబిరాలు దోహదపడనున్నాయి. విద్యార్థులకు పది రకాల క్రీడల్లో నెలరోజుల పాటు ఉచిత శిక్షణ అందించేందుకు ఏర్పాట్లు చేస్తున్నారు. బాలబాలికలు తమకు నచ్చిన ఆటలో నైపుణ్యాలు పెంచుకునేలా శిక్షణ అందించేందుకు పీడీలు, పీఈటీలు, సీనియర్‌ క్రీడాకారుల నుంచి ఈ నెల 10 నుంచి 20వ తేదీ వరకు దరఖాస్తులు స్వీకరించారు. ఇప్పటివరకు 25 మందికి పైగా దరఖాస్తు చేసుకున్నారు. గతంలో నిర్వహించిన సమ్మర్‌ క్యాంపుల్లో శిక్షణ అందించిన వారికి ప్రాధాన్యం ఇవ్వనున్నారు. ఐదు మండలాల్లో శిబిరాలుజిల్లాలోని ఆసిఫాబాద్‌, రెబ్బెన, కెరమెరి, కాగజ్‌నగ ర్‌, తిర్యాణి మండలాల్లో క్రీడా శిక్షణ శిబిరాలు ఏ ర్పాటు చేయనున్నారు. పది క్రీడల కోసం పది మంది శిక్షకులను ఎంపిక చేయనున్నారు. మే 1 నుంచి 31 వరకు సమ్మర్‌ క్యాంపులు కొనసాగుతాయి. శిక్షణకు సంబంధించిన క్రీడా సామగ్రిని సైతం అధికారులే పంపిణీ చేస్తారు. అథ్లెటిక్స్‌, హ్యాండ్‌బాల్‌, నెట్‌బాల్‌, ఖోఖో, వాలీబాల్‌, కబడ్డీ, బాక్సింగ్‌, సాఫ్ట్‌బాల్‌, యోగా, ఫుట్‌బాల్‌, షూటింగ్‌ బాల్‌ క్రీడల్లో శిక్షణ అందించనున్నారు. ప్రస్తుతం జిల్లావ్యాప్తంగా చాలాప్రాంతాల్లో పగటి ఉష్ణోగ్రతలు 40 డిగ్రీల సెల్సియస్‌ దాటుతున్నాయి. ఎండలు ఎక్కువ ఉండటంతో ప్రతిరోజూ ఉదయం 6 గంటల నుంచి 8:30 గంటల వరకు, మళ్లీ సాయంత్రం 5 గంటల నుంచి 6 గంటల వరకు శిక్షణ కొనసాగుతుంది. ఒక్కో శిక్షణ శిబిరంలో 40 నుంచి 50 మంది వరకు పిల్లలు పాల్గొనేందుకు అవకాశం కల్పించారు. కోచ్‌లకు రూ.4000 వేతనం ఇవ్వనున్నారు. త్వరలో బడులకు సెలవులుఇప్పటికే పాఠశాలల్లో విద్యార్థులకు పరీక్షలు ముగి శాయి. ప్రోగ్రెస్‌ కార్డులు అందించిన తర్వాత ఈ నెల 23 నుంచి పాఠశాలలకు వేసవి సెలవులు ప్రా రంభం కానున్నాయి. వేసవి సెలవులను విద్యార్థులు వృథా చేసుకోకుండా క్రీడాశిబిరాలను సద్విని యోగం చేసుకోవాలని జిల్లా యువజన క్రీడల శాఖ అధికారులు సూచిస్తున్నారు. ఆటల వైపు మళ్లిస్తే శారీరకంగా, మానసికంగా దృఢంగా మారుతారని చెబుతున్నారు. అలాగే చెడు వ్యసనాలకు అలవాటు పడకుండా ఉంటారు. కోచ్‌ల ఎంపిక ప్రక్రియ పూర్తయిన తర్వాత గ్రామీణ, పట్టణ ప్రాంతాల్లో కలిపి పది శిక్షణ శిబిరాలు ఏర్పాటు చేయనున్నారు. సద్వినియోగం చేసుకోవాలి జిల్లాలో వేసవి క్రీడా శిక్షణ శి బిరాలు నిర్వహించేందు కు ఏర్పాట్లు చేస్తున్నాం. వ చ్చే నెల 1 నుంచి 31 నిర్వహించే సమ్మర్‌ క్యాంపులను స ద్వినియోగం చేసుకోవాలి. తల్లిదండ్రులు తమ పి ల్లలను శిబిరాలకు పంపించాలి. దాగి ఉన్న క్రీడానైపుణ్యం వెలికి తీసేందుకు ఉపయోగపడతాయి. – రమాదేవి, జిల్లా యువజన క్రీడల అధికారి

ఆసిఫాబాద్‌/ఆసిఫాబాద్‌అర్బన్‌: ఆర్టీసీలో విరమణ పొందిన ఉద్యోగుల సమస్యలు పరిష్కరించాలని రిటైర్ట్‌ ఉద్యోగుల సంఘం రాష్ట్ర సహాయ కార్యదర్శి కనుకుంట్ల రామ్‌చందర్‌ డిమాండ్‌ చేశారు. జిల్లా కేంద్రంలో ఆదివారం నిర్వహించిన సమావేశంలో మాట్లాడారు. ఆర్టీసీకి 30 నుంచి 40 సంవత్సరాలపాటు సేవలందించి విరమణ పొందిన ఉద్యోగులు సమస్యలు ఎదుర్కొంటున్నారని తెలిపారు. ఉద్యోగ విరమణ అనంతరం ఆర్టీసీ నుంచి రావాల్సిన మొత్తాలు పెండింగ్‌లో ఉండడంతో ఆర్థిక ఇబ్బందులకు గురవుతున్నారని పేర్కొన్నారు. రాష్ట్ర ప్రభుత్వం గతంలో ఇచ్చిన హామీలు అమలు చేయాలని డిమాండ్‌ చేశారు. నూతన కమిటీ ఎన్నికఆసిఫాబాద్‌ ఆర్టీసీ డిపో రిటైర్ట్‌ ఉద్యోగుల నూతన కమిటీని రిటైర్డ్‌ ఉద్యోగుల రాష్ట్ర సహాయక కార్యదర్శి రాంచందర్‌, రీజినల్‌ అధ్యక్షుడు హనుమంత్‌రావు, రీజినల్‌ ముఖ్య సలహాదారుడు సత్యనారాయణ, ఆర్గనైజింగ్‌ సెక్రటరీ నర్సింగ్‌రావు ఆధ్వర్యంలో ఆదివారం జిల్లా కేంద్రంలో ఏకగ్రీవంగా ఎన్నుకున్నారు. డిపో అధ్యక్షుడిగా కె.మల్లేశం, కార్యదర్శిగా టి.దివాకర్‌, ఉపాధ్యక్షులుగా పాషా, ప్రభాకర్‌రావు, లింగయ్య, సహాయ కార్యదర్శులుగా మహబూబ్‌, మోహన్‌, భూమన్న, కోశాధికారిగా టీఎం సింగ్‌, ప్రచార కార్యదర్శిగా ఆరీఫ్‌ను ఎన్నుకొన్నారు.

గతంలో అమరవీరులకు నివాళులర్పించాలంటే ఎన్నో ఆంక్షలు ఉండేవి. కొట్లాడి సాధించుకున్న స్వరాష్ట్రంలోనైనా పరిస్థితి మారుతుందేమోనని ఆశించాం. కానీ పదేళ్లలో గత బీఆర్‌ఎస్‌ ప్రభుత్వం ఏనాడు పట్టించుకోలేదు. పీసీసీ హోదాలో ఇంద్రవెల్లిలో పర్యటించిన రేవంత్‌రెడ్డి సీఎం కాగానే ఇంద్రవెల్లి స్మృతి వనానికి ఇచ్చిన మాట ప్రకారం రూ.కోటి కేటాయించారు. 15 మంది అమరవీరుల కుటుంబీకులను గుర్తించి వారిలో కొంత మందికి సాయం అందించాం. ఇంకా ఉన్నారని తెలుస్తోంది. వారిని సైతం అధికారికంగా గుర్తించి సాయం అందించేలా చూస్తాం. – వెడ్మ బొజ్జు, ఖానాపూర్‌ ఎమ్మెల్యే

కౌటాల(సిర్పూర్‌): జిల్లాలోని పలు మండలాల్లో ఆదివారం ఈస్టర్‌ వేడుకలు ఘనంగా జరుపుకొన్నారు. కౌటాల మండల కేంద్రంతోపాటు విజయనగరం, యాపలగూడ, శివలింగాపూర్‌, సదాశివపేట గ్రామాల్లో క్రైస్తవులు ప్రత్యేక ప్రార్థనలు చేశారు. విజయనగరం చర్చిలో ఫాదర్‌ సీజో, యాపలగూడలో ఫాదర్‌ శేరిన్‌, కౌటాలలో ఫాదర్‌ టామ్‌, సదాశివపేటలో పాస్టర్‌ శ్రీనివాస్‌, మార్కెట్‌ ఏరియాలో పాస్టర్‌ శాంతికుమార్‌ ఈస్టర్‌ సందేశం అందించారు. శివలింగపూర్‌ చర్చిలో పాస్టర్‌ సువార్త రాజన్న మాట్లాడుతూ యేసు క్రీస్తు శిలువపై చనిపోయి ఆదివారం పునరుత్థానంగా మరణాన్ని జయించిన సందర్భంగా ఈస్టర్‌ వేడుకలు జరుపుకొంటామని తెలిపారు. యేసు క్రీస్తు చూపిన మార్గంలో క్రైస్తవులు నడవాలని పిలుపునిచ్చారు. అనంతరం భక్తులుకు ప్రేమవిందు(అన్నదానం) నిర్వహించారు.

కౌటాల: జిల్లాలో ఎండలు భగ్గుమంటున్నాయి. వేడి, తీవ్రమైన ఉక్కపోతతో జనం అవస్థలు పడుతున్నారు. ఆదివారం తిర్యాణి మండలం గిన్నెధరిలో 44.0 డిగ్రీల సెల్సియస్‌ పగటి ఉష్ణోగ్రత నమోదు కాగా, తిర్యాణి 43.9, ఎల్కపల్లి, వాంకిడిలో 43.8, బెజ్జూర్‌, ఆసిఫాబాద్‌, కౌటాల, ధనోరాలో 43.7 డిగ్రీలు నమోదైంది. ఈస్టర్‌ నేపథ్యంలో ప్రార్థనల కోసం చర్చీలకు వెళ్లేందుకు క్రైస్తవులకు తిప్పలు తప్పలేదు. వడగాలులకు ద్విచక్ర వాహనాదారులు, చిరువ్యాపారులు అల్లడిపోయా రు. జిల్లాలోని 15 మండలాలు అలర్ట్‌ జోన్‌లో ఉన్నట్లు వాతావరణ శాఖ ప్రకటించింది.

ఆసిఫాబాద్‌: వరి ధాన్యం కొనుగోలు కేంద్రాల్లో అన్ని ఏర్పాట్లు చేయాలని రాష్ట్ర నీటిపారుదల, పౌరసరఫరాల శాఖ మంత్రి ఉత్తమ్‌కుమార్‌రెడ్డి సూచించారు. శనివారం హైదరాబాద్‌లోని సచివాలయం నుంచి రాష్ట్ర పౌరసరఫరాల శాఖ కమిషనర్‌ డీఎస్‌ చౌహాన్‌తో కలిసి కలెక్టర్లు, అదనపు కలెక్టర్లు, పౌరసరఫరాల శాఖ అధికారులతో యాసంగి వడ్ల కొనుగోలు, సన్నబియ్యం పంపిణీ, తాగునీటి సరఫరా అంశాలపై వీడియో కాన్ఫరెన్స్‌ ద్వారా సమీక్షా సమావేశం నిర్వహించారు. ఈ సందర్భంగా మంత్రి రైతు సంక్షేమానికి ప్రభుత్వం తీసుకుంటున్న చర్యల గురించి వివరించారు. సక్రమంగా సన్నబియ్యం పంపిణీ చేయాలని, వేసవిలో తాగునీటి సమస్య రాకుండా ముందస్తు చర్యలు చేపట్టాలని సూచించారు. కలెక్టర్‌ వెంకటేశ్‌ దోత్రే మాట్లాడుతూ.. జిల్లాలో 34 ధాన్యం కొనుగోలు కేంద్రాల ఏర్పాటుకు చర్యలు తీసుకుంటున్నామని చెప్పారు. సుమారు 48 వేల మెట్రిక్‌ టన్నుల ధాన్యం కొనుగోలు చేయనున్నట్లు తెలిపారు. మే మొదటి వారం నుంచి వరి కోతలు ప్రారంభమయ్యే అవకాశం ఉందని, రైతులు ఎలాంటి ఇబ్బంది పడకుండా కొనుగోలు కేంద్రాల వద్ద అన్ని ఏర్పాట్లు చేస్తున్నామని చెప్పారు. అర్హులందరికీ సన్నబియ్యం పంపిణీ చేస్తా మని, వేసవిలో తాగునీటి సమస్య లేకుండా చూ సేందుకు చర్యలు తీసుకుంటున్నామని పేర్కొన్నా రు. మిషన్‌ భగీరథ పథకం కింద ప్రతీ ఇంటికి నల్లా ద్వారా నీటిని సరఫరా చేస్తున్నామని చెప్పారు. న ల్లాలు లేని చోట్ల ప్రత్యామ్నాయ మార్గాల ద్వారా నీ రు సరఫరా చేయనున్నట్లు తెలిపారు. అదనపు కలెక్టర్‌ డేవిడ్‌, ఆర్డీవో లోకేశ్వర్‌రావు, జిల్లా సహకార, నీటిపారుదల శాఖల అధికారులు పాల్గొన్నారు.

● కళావిహీనంగా జోడేఘాట్‌ పార్క్‌ ● సంరక్షణకు నోచుకోని మొక్కలు ● వెలవెలబోతున్న మానవ ఆకృతి ● లోపించిన అధికారుల పర్యవేక్షణకెరమెరి(ఆసిఫాబాద్‌): జల్‌.. జంగల్‌.. జమీన్‌ నినా దంతో నైజాం సర్కారును గడగడ లాడించిన కు మురంభీం పురిటి గడ్డ జోడేఘాట్‌ నిర్లక్ష్యానికి గురవుతోంది. ఇక్కడ ఏర్పాటు చేసిన పార్క్‌లో నాటిన మొక్కలు సంరక్షణకు నోచుకోక ఎండిపోయాయి. 2016 అక్టోబర్‌లో అధికారులు 29,750 మొక్కలు నాటించి సంరక్షణ బాధ్యత మరిచిపోయారు. దీంతో మొక్కలన్నీ నీరందక నిర్జీవమై పోయాయి. ప్ర స్తుతం 100 మొక్కలైనా కనిపించడం లేదు. ఏటా హరితహారంలో భాగంగా నాటిన మొక్కలు కూడా సంరక్షణకు నోచుకో ఎండిపోయాయి. ఆదరణకు నోచుకోక..జోడేఘాట్‌ వద్ద ఏర్పాటు చేసిన పార్క్‌లో వంద రకాల ఔషధ మొక్కలతోపాటు సుగంధ ద్రవ్యాల మొక్కలు కూడా నాటారు. పార్క్‌లో మానవాకృతి ని నిర్మించారు. ఏ ఔషధ మొక్క ఏ అవయవానికి మేలు చేస్తుందో అందరికీ తెలిపే ప్రయత్నం చేశా రు. ఒక్కో అవయవం వద్ద ఒక్కో రకమైన ఔషధ మొక్క నాటారు. మిగతా స్థలంలో సుగంధ, సీతా ఫలం, జామ, మామిడి, కానుగ మొక్కలతో పాటు 150 ఆపిల్‌ మొక్కలూ నాటారు. మొక్కలకు నీటిని అందించేందుకు ఓ కూలీని నియమించారు. కానీ.. అనతి కాలంలోనే నీళ్లు లేక మొక్కలు ఎండిపోవడంతో పట్టించుకునే వారు కరువయ్యారు. పక్కనే ని ర్మించిన లోటస్‌ ఫాండ్‌ నీరు లేక వెలవెలబోతోంది. అలంకారప్రాయమైన బోరుగ్రామంలో నీటి సమస్య అధికంగా ఉంది. తాగడానికే నీరు దొరకని పరిస్థితి. గతంలో ఐటీడీఏ, టూ రిజం శాఖ అధికారులు నాటిన మొక్కల సంరక్షణకు ఏర్పాటు చేసిన బోరు ప్రస్తుతం నిరుపయోగమైంది. భూగర్భజలం అడుగంటి చుక్కా నీరు లేని పరిస్థితి ఉంది. ప్రస్తుతం అది కూడా అలంకారప్రాయమైంది. దీంతో మొక్కలు చనిపోవడానికి నీరు లేకపోవడం ఓ కారణమైతే, అధికారుల నిరాదరణ మరో కారణమని గ్రామస్తులు చెబుతున్నారు. మళ్లీ మొక్కలు నాటి సంరక్షించాలని కోరుతున్నారు. కంచె ఏర్పాటు చేయాలి గతంలో ఏర్పాటు చేసిన పార్క్‌ ప్రస్తుతం మొక్కలు లేకుండా కళావిహీనంగా కనిపిస్తోంది. కంచె ఏర్పాటు చేయకపోవడంతో మొక్కలకు రక్షణ లేకుండా పోయి ఎండిపోయాయి. భూగర్భజలాలు అడుగంటి బోరు నిరుపయోగమైంది. అధికారులు స్పందించి మళ్లీ మొక్కలు నాటి పర్యావరణాన్ని కాపాడాలి. – పెందోర్‌ రాజేశ్వర్‌, జోడేఘాట్‌ భూగర్భజలాలు అడుగంటి.. పార్క్‌లో గతేడాది 3,200 మొక్కలు నాటాం. కంచె లేకపోవడంతో వాటికి రక్షణ కరువైంది. గతంలో పార్కులోని మొక్కల రక్షణకు ఓ వ్యక్తిని నియమించారు. కానీ.. ప్రస్తుతం నిధులు లేక రెండేళ్ల నుంచి రక్షణ కరువైంది. బోరు నీరు అడుగంటింది. భూగర్భం జలాలు ఇంకి ఇబ్బంది తప్పడం లేదు. – మల్లయ్య, ఈజీఎస్‌ ఏపీవో, కెరమెరి

ఆ ఘటనలో నా భర్త చనిపోయిండుఇంద్రవెల్లి ఘటనలో నా భర్త కొద్దు చనిపోయిండు. ఆ తరువాత నేను కూలీనాలి చేసి నా కొడుకును పెంచి పెద్ద చేసిన. కాంగ్రెస్‌ ప్రభుత్వం వచ్చాక నా భర్త మరణాన్ని గుర్తించిండ్రు. ఇంటి స్థలం ఇచ్చిండ్రు. ఇందిరమ్మ ఇల్లు కూడా మంజూరు చేసిండ్రు. ఐటీడీఏ ద్వారా రుణం ఇస్తే నా కొడుకుకు ఉపాధి దొరుకుతది. – సెడ్మాకి లచ్చుబాయి, తాటిగూడ నా కుటుంబాన్ని ఆదుకోవాలినాడు ఇంద్రవెల్లిలో సంతకు నా భర్త శంభుతో కలిసి వెళ్లిన. అక్కడి నుంచే ఇద్దరం మీటింగ్‌కు వెళ్లినం. ఆ సందర్భంగా పోలీసుల కాల్పుల్లో నా కుడి చేయికి గాయమైంది. నా భర్తకు కూడా తుపాకీ బుల్లెట్ల గాయంతో ఇంటికొచ్చి కొద్ది రోజుల తరువాత చనిపోయిండు. చేతికి గాయం కారణంగా ఇప్పటికీ నేను ఏ పనీ చేయలేకపోతున్న. ఉన్న ఒక్క కొడుకు కూడా అనారో గ్యంతో చనిపోయిండు. కోడలు వద్ద ఉంటూ కాలం వెల్లదీస్తున్న. ప్రభుత్వం ఇస్తున్న పింఛన్‌ కూడా వస్తలేదు. చాలా కష్టంగా ఉంది. ప్రభుత్వం గుర్తించి ఇంటి స్థలం, ఇందిరమ్మ ఇల్లు మంజూరు చేసి నా కుటుంబాన్ని ఆదుకోవాలె. – మడావి జంగుబాయి, కన్నాపూర్‌ సాక్షి, ఆదిలాబాద్‌/ఇంద్రవెల్లి: ఇంద్రవెల్లి మురిసిపోతుంది. నేడు అమరవీరుల సంస్మరణ దినోత్సవా నికి సిద్ధమైంది. ఏటా మాదిరిగానే కాకుండా ఈ సా రి ఓ ప్రత్యేకత ఉంది. 43ఏళ్లుగా నిర్బంధాలు, ఆంక్షల మధ్య అమరవీరులకు నివాళులు అర్పించగా, ఈ ఏడాది రాష్ట్ర ప్రభుత్వమే అధికారికంగా సంస్మరణ వేడుకలను నిర్వహిస్తోంది. ఈ మేరకు కొద్ది రో జులుగా జిల్లా అధికారులే ఏర్పాట్లలో నిమగ్నమయ్యారు. ఫలితంగా ఈసారి స్వేచ్ఛగా నివాళులు అ ర్పించవచ్చన్న మురిపెం ఆదివాసీల్లో కనిపిస్తోంది. స్మృతివనంలో కళకళలాడుతున్న స్తూపం .. ఇంద్రవెల్లి అమరవీరుల స్తూపం.. ఆదిలాబాద్‌ నుంచి ఉట్నూర్‌ వెళ్లే మార్గ మధ్యలో ఇంద్రవెల్లి గ్రామ శివారులో నిలువెత్తుగా దర్శనమిస్తోంది. అయితే ఇ న్నాళ్లుగా ఆ స్తూపం ఆవరణలో అభివృద్ధి మచ్చుకు కనిపించేది కాదు. ప్రస్తుతం పరిస్థితులు మారిపోయాయి. కాంగ్రెస్‌ అధికారంలోకి వచ్చిన తర్వాత సీ ఎం రేవంత్‌రెడ్డి ఇంద్రవెల్లి ప్రాంతం, ఆదివాసీల అ భ్యున్నతిపై దృష్టి సారించారు. ముఖ్యమంత్రి అయి న తర్వాత ఆయన తొలుత ఇక్కడికే వచ్చారు. ఆ సమయంలోనే స్తూపం వద్ద అభివృద్ధి పనుల కో సం దాదాపు రూ.కోటి కేటాయించారు. ఆ నిధులతో అక్కడ ఎకరం స్థలంలో అమరవీరుల స్మృతివ నం అభివృద్ధి చేశారు. అందులో భాగంగా చుట్టూ ప్రహరీ నిర్మించారు. కమ్యూనిటీ హాల్‌ నిర్మాణం కూడా పూర్తి చేశారు. ఈసారి సంస్మరణ దినోత్సవా న్ని అధికారికంగా ఘనంగా నిర్వహించేందుకు కలెక్టర్‌ రాజర్షి షా, ఐటీడీఏ పీవో ఖుష్బూ గుప్తా కొద్ది రోజులుగా దగ్గరుండి పర్యవేక్షిస్తున్నారు. ఆదివారం నిర్వహించనున్న కార్యక్రమానికి రాష్ట్ర పంచాయతీ రాజ్‌ శాఖ మంత్రి సీతక్క, ఖానాపూర్‌ ఎమ్మెల్యే వెడ్మ బొజ్జు, ఉమ్మడి జిల్లాలోని పలువురు ప్రజాప్రతినిధులు హాజరుకానున్నారు. భూమి, భుక్తి, విముక్తి కోసం... ఆదిలాబాద్‌ జిల్లా ఇంద్రవెల్లిలో 1981 ఏప్రిల్‌ 20న జరిగిన సంఘటనకు నేటితో 44 ఏళ్లవుతోంది. భూమి, భుక్తి, విముక్తితో పాటు స్వయం పరిపాలన కోసం ఆది వాసీలు పోరాటం చేశారు. అటవీ అధికా రులు, షావుకార్ల దౌర్జన్యం నశించాలనే డి మాండ్‌తో గిరిజన రైతు కూలీ సంఘం ఆధ్వర్యంలో నాడు ఇంద్రవెల్లిలో సభ ఏర్పాటు చేశారు. దీనికి పీపుల్స్‌వార్‌ మద్దతునిచ్చింది. అప్పట్లో ప్రభుత్వం సభ నిర్వహణకు అనుమతినిచ్చినట్టే ఇచ్చి ఆ తర్వాత రద్దు చేసింది. విషయం తెలియక ఆదివా సీగూడేల నుంచి పెద్ద ఎత్తున సభకు తరలివచ్చా రు. అయితే సభాస్థలాన్ని ఖాళీ చేయాలని పోలీసులు హెచ్చరికలు జారీ చేశారు. ఈ క్రమంలో ఆది వాసీలు, పోలీసుల మధ్య తోపులాట చోటు చేసుకుంది. ఇలా ఘర్షణ వాతావరణంలో పోలీసులు కా ల్పులు జరపడంతో పలువురు ఉద్యమకారులు (15 మంది అధికారికంగా) మృతి చెందారు. కాల్పుల ఘటనలో అమరులైన ఆదివాసీల స్మారకార్థం రైతు కూలీ సంఘం ఆధ్వర్యంలో ఇంద్రవెల్లి వద్ద 80 అడుగుల స్తూపం నిర్మించారు. ఆ తర్వాత ప్రభుత్వాలు స్తూపం వద్ద సంస్మరణ దినోత్సవం నిర్వహణపై నిషేధాజ్ఞలు విధించాయి. దీంతో ఏళ్ల పాటు ఏప్రిల్‌ 20 వచ్చిందంటే అక్కడ భారీ ఎత్తున పోలీసుల బందోబస్తు కనిపించేది. స్తూపాన్ని 1986 మార్చిలో గుర్తు తె లియని వ్యక్తులు డైనమెట్లతో పేల్చా రు. గిరిజనులు ఆందోళనతో 1987లో ప్రభుత్వం ఐటీడీఏ నిధులతో రెండోసారి నిర్మించింది. 2015 నుంచి తెలంగాణ ప్రభుత్వం అధికారికంగా అనుమతి ఇవ్వకపోయినా ఆంక్షలు సడలించింది. అయితే పోలీసు బందోబస్తు మాత్రం అదే రీతిలో ఉండేది. ఈ ఏడాది మాత్రం అలాంటివేమీ లేకుండా ఆదివాసీలు స్వేచ్ఛగా నివాళులు అర్పించేందుకు సిద్ధమయ్యారు. చివరి దశకు స్మృతి వనం పనులు నాటి అమరుల కుటుంబీకులతో పాటు గాయాలైన వారిని ఏ ప్రభుత్వం కూడా ఆదుకోలేదు. నాలుగేళ్ల క్రితం అప్పటి ఎంపీ సోయం బాపూరావ్‌ అమరుల కుటుంబీకులకు రూ.10వేల చొప్పున ఆర్థిక సాయం అందించారు. ఈ క్రమంలో రాష్ట్రంలో కాంగ్రెస్‌ ప్రభుత్వం అధికారంలోకి రాగానే సీఎం రేవంత్‌రెడ్డి, ఉమ్మడి జిల్లా ఇన్‌చార్జి మంత్రి సీతక్క ఈ ప్రాంతంపై ప్రత్యేక దృష్టి పెంచారు. స్తూపం వద్ద స్మృతి వనం ఏర్పాటుకు రూ.97లక్షల నిధులు కేటా యించారు. చుట్టూ ప్రహరీతో పాటు కమ్యూనిటీ హాల్‌ నిర్మాణం, స్తూపం వద్ద ప్రత్యేక ఏర్పాట్లు చేసి సుందరంగా తీర్చిదిద్దారు. ప్రభుత్వం వద్ద ఉన్న రికార్డుల ప్రకారం 15 మంది అమరవీరుల కుటుంబీకులకు మండలంలోని ముత్నూర్‌ సమీపంలో గతేడాది ఇళ్ల స్థలాలు కేటాయించి హక్కు పత్రాలు అందించారు. అలాగే ఇందిరమ్మ ఇళ్లు మంజూరు చేశారు. ఇటీవల ఆ పనులను ప్రారంభించారు. ఇంద్రవెల్లి అమరవీరుల స్తూపం నేడు అధికారికంగా నివాళులు నేడు ఉదయం 11 గంటలకు అధికారికంగా నిర్వహించనున్న సంస్మరణ సభకు మంత్రి సీతక్క ముఖ్య అతిథిగా హాజరుకానున్నారు. అలాగే స్థానిక ప్రజాప్రతినిధులతో పాటు ఉమ్మడి జిల్లా నుంచి ఆదివాసీలు తరలివచ్చి నివాళులర్పించనున్నారు. మంత్రి చేతుల మీదుగా అమరుల కుటుంబీకులకు ట్రైకార్‌ ద్వారా రూ.10 లక్షల చొప్పున రుణ సౌకర్యం కల్పించనున్నారు. కాగా, నాటి ఘటనలో గాయపడిన వారిని కూడా ఆదుకోవాలని బాధితులు కోరుతున్నారు. 1981 ఏప్రిల్‌ 20 జల్‌..జంగల్‌...జమీన్‌ కోసం ఉద్యమించిన అడవిబిడ్డలపై అప్పటి సర్కారు తుపాకీ ఎక్కుపెట్టింది. తూటాల వర్షం కురిపించింది. హక్కుల సాధనలో 15 మంది గిరిజనులు అమరులయ్యారు. వారి రక్తపుటేరులతో తడిసిన వనసీమ ఎర్రబారింది. అడవిబిడ్డల అమరత్వం నింగికెగిసింది. అగ్ని శిఖలా ఇంద్రవెల్లిలో అమరుల స్తూపమై నిలిచింది. ఉమ్మడి ఆంధ్రప్రదేశ్‌లో నాటి ప్రభుత్వాల పాలనలో స్వేచ్ఛగా నివాళులర్పించలేని దుస్థితి. ప్రత్యేక రాష్ట్రం ఏర్పడిన తర్వాత గత ప్రభుత్వం కొంతమేర సడలింపు ఇచ్చింది. ఇక రాష్ట్రంలో కాంగ్రెస్‌ ప్రభుత్వం అధికారంలోకి రాగానే అమరుల స్తూపం వద్ద స్మృతి వనం ఏర్పాటుకు నిర్ణయించింది. అలాగే సంస్మరణ దినోత్సవాన్ని ఈ ఏడాది అధికారికంగా నిర్వహించేందుకు సన్నద్ధమైంది.

నిర్మల్‌చైన్‌గేట్‌: ‘అభివృద్ధి పనుల్లో నిర్లక్ష్యానికి తావులేదు.. పనులు చేయడంలో అలసత్వం వహించేవా రిని ఉపేక్షించేది లేదు.. పనులను నిర్ణీత గడువులో పు నాణ్యతతో పూర్తి చేయించాలి’ అని రాష్ట్ర పంచా యతీరాజ్‌, గ్రామీణాభివృద్ధి, గ్రామీణనీటి సరఫ రా, మహిళా శిశుసంక్షేమ శాఖ మంత్రి ధనసరి సీత క్క అధికారులను ఆదేశించారు. నిర్మల్‌ కలెక్టరేట్‌లో ఉమ్మడి ఆదిలాబాద్‌ జిల్లా అభివృద్ధి పనులపై శని వారం ఆయా శాఖల అధికారులతో సమీక్ష నిర్వహించారు. అభివృద్ధి పనుల్లో నిర్లక్ష్యం వహిస్తున్న కాంట్రాక్టర్లపై కఠిన చర్యలు తీసుకోవాలని ఆదేశించారు. టెండర్‌ దశ నుంచే పనులు వేగవంతం చేసి, వర్షాకాలానికి ముందు పనులు పూర్తిచేయాలన్నా రు. ఆలస్యం చేస్తున్న గుత్తేదారులకు నోటీసులు జా రీ చేసి, పనులు పూర్తి చేయించాలని సూచించారు. పనుల నాణ్యతపై రాజీ లేకుండా చూడాలని, కాంట్రాక్టర్లతో ప్రత్యేక సమావేశం నిర్వహించి సూచనలి వ్వాలని ఆదేశించారు. సాగునీరు, తాగునీటి సమస్యల పరిష్కారానికి చర్యలు తీసుకోవాలని అధికా రులను ఆదేశించారు. అధికారులు ప్రజాప్రతినిధులకు వాస్తవాలు చెప్పాలని, ఫీల్డ్‌ విజిట్‌ చేసి ఏఈలు మిషన్‌ భగీరథ పనులు సమీక్షించుకోవాలన్నారు. అంగన్‌వాడీల బలోపేతం, సౌకర్యాల విస్తరణత్వరలో అంగన్‌వాడీల్లో టీచర్లు, ఆయాల ఖాళీలను భర్తీ చేస్తామని మంత్రి తెలిపారు. సొంత భవనాలు లేని కేంద్రాలకు రూ.12 లక్షలతో పక్కా భవనాలు నిర్మిస్తామని పేర్కొన్నారు. గతంలో మండలానికో భవనం నిర్మిస్తే, ఇప్పుడు రెండు నిర్మించేలా ప్రణా ళికలు సిద్ధం చేశామన్నారు. మూడేళ్లలో రాష్ట్రవ్యాప్తంగా అంగన్‌వాడీలకు సొంత భవనాలు, విద్యుత్‌, మరుగుదొడ్లు, తాగునీటి సౌకర్యాలు కల్పిస్తామన్నారు. మినీ అంగన్‌వాడీలను అప్‌గ్రేడ్‌ చేస్తామని, సీనియర్‌ సిటిజన్‌ డే కేర్‌ సెంటర్లు, ట్రాన్స్‌జెండర్‌ క్లినిక్‌లు ఏర్పాటు చేస్తామని వెల్లడించారు. మహిళా సంఘాలకు చెక్కులు..మంత్రి సీతక్క, కలెక్టరేట్‌కు చేరుకోగానే పోలీసులు గౌరవ వందనం చేశారు. మహిళా పోలీసులు ఏర్పా టు చేసిన ‘శివంగి’ బృందాన్ని లాంఛనంగా ప్రారంభించి, రాష్ట్రానికి ఆదర్శంగా నిలుస్తుందని కొని యాడారు. తర్వాత మహిళా సంఘాలు, మెప్మాలకు మంజూరైన చెక్కులను కలెక్టర్‌ అభిలాష అభినవ్‌, ప్రజాప్రతినిధుల సమక్షంలో పంపిణీ చేశారు. బ్యాంక్‌ లింకేజీ, రుణాల మంజూరు, వసూలులో ని ర్మల్‌ జిల్లా ప్రగతిని మంత్రి ప్రశంసించారు. స మావేశంలో ఎంపీ గోడం నగేశ్‌, నిర్మల్‌, ఆదిలాబా ద్‌, ముధోల్‌, ఖానాపూర్‌, సిర్పూర్‌, ఆసిఫాబాద్‌, బోథ్‌ ఎమ్మెల్యేలు మహేశ్వర్‌రెడ్డి, పాయల్‌ శంకర్‌, పవా ర్‌ రామారావు పటేల్‌, వెడ్మా బొజ్జు పటేల్‌, పాల్వా యి హరీశ్‌బాబు, కోవ లక్ష్మి, అనిల్‌ జాదవ్‌, ఎమ్మెల్సీ దండే విఠల్‌, ఐసీడీఎస్‌ సెక్రటరీ అనితా రామచంద్రన్‌, మంచిర్యాల, నిర్మల్‌ జిల్లాల కలెక్టర్లు కు మార్‌ దీపక్‌, అభిలాష అభినవ్‌, ఐటీడీఏ పీవో కు ష్బూగుప్తా, అదనపు కలెక్టర్లు ఫైజాన్‌ అహ్మద్‌, కిశోర్‌ కుమార్‌ తదితరులు పాల్గొన్నారు. అభివృద్ధి పనుల్లో నిర్లక్ష్యానికి తావులేదు అలసత్వం వహించే కాంట్రాక్టర్లపై చర్యలు తీసుకోవాలి త్వరలో అంగన్‌వాడీల్లో ఖాళీల భర్తీ రాష్ట్ర పంచాయతీరాజ్‌, గ్రామీణాభివృద్ధి శాఖ మంత్రి సీతక్క ఉమ్మడి జిల్లా పంచాయతీరాజ్‌, మిషన్‌ భగీరథ, సీ్త్ర శిశు సంక్షేమ శాఖలపై సమీక్ష అభివృద్ధి పనుల తీరుపై ఉమ్మడి జిల్లా ఎమ్మెల్యేల అసంతృప్తి

రెబ్బెన: తెలంగాణ ఉద్యమకారుల ఫోరం ఆ ధ్వర్యంలో ఈనెల 21న సికింద్రాబాద్‌లో ని ర్వహించనున్న తెలంగాణ ఉద్యమకారుల ఫ్లీ నరీని విజయవంతం చేయాలని ఫోరం రాష్ట్ర కోకన్వీనర్‌ దుర్గం రవీందర్‌, నియోజకవర్గ క న్వీనర్‌ ఆజ్మీర బాబురావు కోరారు. శనివా రం గోలేటి టౌన్‌షిప్‌లో వారు విలేకరులతో మాట్లాడారు. ఉద్యమకారులకు 250 గజాల ఇంటి స్థలం, నెలకు రూ.25వేల పెన్షన్‌ ఇవ్వాలని డిమాండ్‌ చేశారు. ఉద్యమకారుల సంక్షేమ బోర్డు లక్ష్యంగా ఫోరం రాష్ట్ర చైర్మన్‌ చీమ శ్రీనివాస్‌ ఆధ్వర్యంలో ప్లీనరీ ఏర్పాటు చేసినట్లు తెలిపారు. ఫ్లీనరీకి జిల్లా నుంచి ఉద్యమకారులు అధికసంఖ్యలో హాజరుకావాలని కోరారు. ఉద్యమకారుల ఫోరం నాయకులు తోట లక్ష్మణ్‌, బోగే ఉపేందర్‌ పాల్గొన్నారు.

● ఇప్పటికే 11 స్కూళ్లలో అమలు ● వచ్చే ఏడాది మరిన్ని బడుల్లోనూ.. ● ‘ప్రైవేట్‌’కు దీటుగా విద్యాబోధన దహెగాం: ప్రైవేట్‌ పాఠశాలలకు దీటుగా ప్రభుత్వం సర్కార్‌ బడులను తీర్చిదిద్దుతోంది. ‘ప్రైవేట్‌’ లో మాదిరిగానే ప్రభుత్వ పాఠశాలల్లోనూ ప్రీ ప్రైమ రీ ఎడ్యుకేషన్‌ (పూర్వ ప్రాథమిక విద్య) విధానాన్ని అమలు చేస్తోంది. నర్సరీ, ఎల్‌కేజీ, యూకేజీనీ కొనసాగిస్తోంది. కేంద్ర, రాష్ట్ర ప్రభుత్వాలు ఈ విధానాన్ని అమలు చేస్తున్నాయి. అంగన్‌వాడీ కేంద్రాల్లో చిన్నారులకు ఆటాపాటలతో విద్యను బోధిస్తున్నట్లే ప్రభుత్వ పాఠశాలల్లోనూ చదువు నేర్పించనున్నా రు. రెండేళ్లుగా పూర్వ ప్రాథమిక విద్యను జిల్లాలోని 11 ప్రభుత్వ పాఠశాలల్లో అమలు చేస్తున్నారు. వచ్చే విద్యాసంవత్సరం నుంచి మరిన్ని పాఠశాలల్లోనూ ఈ విధానాన్ని అమలు చేయాలని ప్రభుత్వం యోచిస్తోంది. ఇందుకు కసరత్తు చేస్తోంది. సంఖ్యకు తగినట్లు నిధులుపూర్వ ప్రాథమిక విద్య అమలు చేస్తున్న పాఠశాలల్లో విద్యార్థుల సంఖ్య ఆధారంగా ప్రభుత్వం నిధులు విడుదల చేస్తోంది. 10 నెలలకు గాను ఒక్కో పాఠశాలకు సుమారు రూ.1.70 లక్షలు ఇస్తోంది. విద్యార్థులకు బోఽధించడానికి ఇన్‌స్ట్రక్టర్‌కు నెలకు రూ.8వేలు, ఆయాకు రూ.6వేలు చెల్లిస్తోంది. చిన్నారులు ఆడుకోవడానికి ఆట వస్తువుల కోసం సంవత్సరానికి రూ.20వేలు, ఆరోగ్యం, పరిశుభ్రత అవసరాలకు రూ.10వేలు, బోధన అభ్యసన సామగ్రి కోసం ఒక్కో విద్యార్థికి రూ.500 వెచ్చిస్తోంది. విద్యార్థులకు ఆట బొమ్మలతో అక్షరాలు, అంకెలు గుర్తు పట్టేలా ఉపాధ్యాయులు బోధిస్తున్నారు. విద్యార్థుల సంఖ్య, అక్షరాస్యత సామర్థ్యం పెంచేందుకు ప్రభుత్వం కృషి చేస్తోంది. మరిన్ని పాఠశాలల్లోనూ..!ఇప్పటికే జిల్లాలోని 11 ప్రాథమిక పాఠశాల్లో పూర్వ ప్రాథమిక విద్య కొనసాగుతుండగా వచ్చే విద్యాసంవత్సరం నుంచి మరిన్ని పాఠశాలల్లో అమలు చేయాలని ప్రభుత్వం భావిస్తోంది. పాఠశాలల వివరాలు యూడైస్‌లో ఎంట్రీ చేస్తున్నందున దాని ఆధారంగా వచ్చే విద్యాసంవత్సరం జిల్లాలో సుమారు 20 నుంచి 25 పాఠశాలల్లో పూర్వ ప్రాథమిక విద్య అమలుకు కేంద్ర, రాష్ట్ర ప్రభుత్వాలు సన్నాహాలు చేస్తున్నాయి. కాగా, ఇందుకు జిల్లా నుంచి ఎలాంటి ప్రతిపాదనలు పంపలేదని సంబంధిత అధికారులు పేర్కొంటున్నారు. నిరుపేద కుటుంబాల పిల్లలను ప్రైవేట్‌ పాఠశాలలకు పంపే స్థోమత లేనందున ప్రభుత్వ పాఠశాలల్లో పూర్వ ప్రాథమిక విద్య అమలు చేస్తే వారికి ఎంతగానో ఉపయోగపడుతుంది. ప్రస్తుతం పూర్వ ప్రాథమిక విద్య సత్ఫలితాలనిస్తోందని విద్యావేత్తలు చెబుతున్నారు. చిన్ననాటి నుంచే రాణించేలా..2020 నూతన విద్యావిధానంలో కేంద్ర ప్రభుత్వం పలు మార్పులు తీసుకువస్తోంది. పూర్వ ప్రాథమిక విద్య ఉద్దేశం, విద్యార్థులు విద్యలో చిన్ననాటి నుంచే రాణించేలా కసరత్తు చేస్తోంది. అక్షరాలు, అంకెలను గుర్తించేలా తయారు చేయడం, ప్రీ ప్రైమరీ విద్యను సార్వత్రీకరించడం, మూడేళ్ల నుంచి 18 ఏళ్ల పిల్లలందరికీ నాణ్యమైన విద్యను అందించడం లక్ష్యంగా పెట్టుకుంది. మరిన్ని పాఠశాలల్లోనూ.. జిల్లాలోని 11 ప్రభుత్వ పాఠశాలల్లో పూర్వ ప్రాథమిక విద్య అమలవుతోంది. ఈ విధానం ద్వారా సత్ఫలితాలు వస్తున్నాయి. విద్యార్థులు పాఠశాలకు రావడానికి అలవాటు పడుతున్నారు. అంగన్‌వాడీ కేంద్రాల్లోని చిన్నారుల్లాగే ఈ పాఠశాలలకు వస్తున్న పిల్లలకు ఆట బొమ్మలతో అక్షరాలు, అంకెలను గుర్తించడం నేర్పిస్తున్నారు. యూడైస్‌ ఆధారంగా వచ్చే విద్యాసంవత్సరం జిల్లాలో మరో 20 నుంచి 25 పాఠశాలల్లో ప్రీ ప్రైమరీ విధానం అమలయ్యే అవకాశముంది. – యాదయ్య, ఇన్‌చార్జి డీఈవో‘ప్రీ ప్రైమరీ’ అమలయ్యే పాఠశాలల వివరాలుమండలం గ్రామాలు దహెగాం హత్తిని, ఇట్యాల, కుంచవెల్లి బెజ్జూర్‌ బెజ్జూర్‌, కుకుడ, సల్గుపల్లి, పాపన్‌పేట్‌ కాగజ్‌నగర్‌ చింతగూడ, కాగజ్‌నగర్‌లోని 14వ వార్డు యూపీఎస్‌ వాంకిడి కిరిడి కెరమెరి సావర్‌ఖేడ

కౌటాల: మండల కేంద్రంలోని కతోలిక చర్చిలో శుక్రవారం గుడ్‌ ఫ్రై డే వేడుకలను ఘనంగా నిర్వహించారు. కౌటాల చర్చి ఫాదర్‌ టోమ్‌ మాట్లాడు తూ.. యేసు క్రీస్తు ప్రేమమయుడని తెలిపారు. తన ప్రేమను రుజువు చేసుకోవడానికి కల్వరిపై తన ప్రా ణం పెట్టినట్లు వివరించారు. యాపలగూడ చర్చిలో ఫాదర్‌ రాజరత్నం క్రైస్తవులకు దేవుని వ్యాకం బో ధించారు. కౌటాల మండలంలోని విజయనగరం చర్చిలో ఫాదర్‌ సీజో, యాపలగూడలో ఫాదర్‌ శేరి న్‌, శివలింగపూర్‌లోని చర్చిలో పాస్టర్‌ సువార్త రాజ న్న, సదాశివపేటలోని చర్చిలో పాస్టర్‌ శ్రీనివాస్‌ క్రైస్తవులకు దేవుని వ్యాకం బోధించారు. కల్వరి గిరి పై ప్రార్థనలుమండల కేంద్రంలోని కల్వరి గిరి (గుట్ట) పై క్రైస్తవులు సాయంత్రం ప్రత్యేక ప్రార్థనలు చేశారు. మండ ల కేంద్రంతో పాటు విజయనగరం, యాపలగూడ, చింతలమానెపల్లి మండలం బాలాజీ అనుకోడ గ్రా మాల్లోగల ప్రార్థన మందిరాల్లోని క్రైస్తవులంతా క్రీ స్తు కీర్తనలు పాడుతూ స్థానిక ఆర్టీసీ బస్టాండ్‌ నుంచి కల్వరి గిరి పైకి ర్యాలీగా వెళ్లారు. అనంతరం క్రైస్తవులకు మహాన్నదాన కార్యక్రమం నిర్వహించారు.

బెజ్జూర్‌: చదువుతోనే సమాజంలో గుర్తింపు ఉంటుందని రాష్ట్ర ఉత్తమ ఉపాధ్యాయ అవార్డు గ్రహీత సుందిళ్ల రమేశ్‌ పేర్కొన్నారు. మండలంలోని తలాయి గ్రామంలో శుక్రవారం అవగాహన కార్యక్రమాన్ని నిర్వహించి ఆయన మాట్లాడారు. యువత చదువులో ముందుండాలని, చట్టాలపై అవగాహన కలిగి ఉండాలని సూచించారు. బాల్య వివాహాలను అరికట్టాలని, బాలకార్మిక వ్యవస్థను నిర్మూలించాలని తెలిపారు. మద్యం, మత్తు పదార్థాలకు దూరంగా ఉండాలని పేర్కొన్నారు. ఆరోగ్య నియమాలు పాటించాలని తెలిపారు. ఓటు హక్కుపై అవగాహన కలిగి ఉండాలని పేర్కొన్నారు. వన్యప్రాణులను సంరక్షించుకోవడం అందరి బాధ్యత అని తెలిపారు. మూఢనమ్మకాలు వీడాలని సూచించారు. మహనీయుల అడుగుజాడల్లో యువత నడుస్తూ చదువులో రాణించి ఎదగాలని ఆకాంక్షించారు. ప్రభుత్వ సంక్షేమ పథకాలతోపాటు 12 అంశాలపై ప్రజలకు అవగాహన కల్పించారు. అంతకుముందు గ్రామంలో మహిళలతో అక్షరాలు దిద్దించారు.

ఆసిఫాబాద్‌అర్బన్‌: బస్సులో పోగొట్టుకొన్న ల్యాప్‌టాప్‌ను తిరిగి ఆర్టీసీ సిబ్బంది ప్రయాణికుడికి అప్పగించారు. వివరాలు.. ఆర్టీసీ ఆసిఫాబాద్‌ డిపోకు చెందిన లహరి బస్సు ఈ నెల 17వ తేదీన హైదరాబాద్‌ నుంచి కాగజ్‌నగర్‌కు వస్తోంది. అందులో ప్రయాణిస్తున్న అజయ్‌కుమార్‌ తన ల్యాప్‌టాప్‌ను బస్సులోనే మరిచిపోచి కాగజ్‌నగర్‌ బస్టాండ్‌లో దిగి పోయాడు. బస్సు దిగిన కాసేపటికి ల్యాప్‌టా ప్‌ను అందులోనే మరిచిపోయిన విషయాన్ని గుర్తించిన అజయ్‌కుమార్‌ వెంటనే ఆసిఫా బాద్‌ డిపోకు వచ్చాడు. అక్కడి ఆర్టీసీ అధికా రులకు విషయం తెలిపాడు. వెంటనే హెడ్‌ కానిస్టేబుల్‌, ట్రాఫిక్‌ ఇన్‌చార్జి భారతి, కానిస్టేబుల్‌ విజయలక్ష్మి పర్యవేక్షణలో డ్రైవర్‌ సహకారంతో సదరు బస్సులో ల్యాప్‌టాప్‌ను గు ర్తించి అజయ్‌కుమార్‌కు చెందినదిగా నిర్ధారించి అతడికి అందజేశారు. అజయ్‌ ఆర్టీసీ సిబ్బందికి కృతజ్ఞతలు తెలిపారు.

ఆలయ భూముల్లో ‘ఇందిరమ్మ’ నిర్మాణాలుఆసిఫాబాద్‌ మండలంలోని కేశవనాథ ఆలయ భూముల్లో పలువురు ఇందిరమ్మ ఇళ్ల నిర్మాణం చేపట్టారు. మండలంలోని గోవింద్‌పూర్‌ గ్రామాన్ని పైలెట్‌ ప్రాజెక్ట్‌గా ఎంపిక చేయగా గ్రామానికి ప్రభుత్వం సుమారు 106 ఇళ్లు మంజూరు చేసింది. ప్రస్తుతం ఇళ్ల నిర్మాణాలు పిల్లర్ల దశకు చేరుకున్నాయి. ఈ క్రమంలో విషయం తెలుసుకున్న ఆలయ కమిటీ ప్రతినిధులు, దేవాదాయశాఖ అధికారులు బుధవారం ఆక్రమణకు గురై న ఆలయ భూముల వద్దకు వెళ్లి నిర్మాణ పనులు అడ్డుకున్నారు. ఇందిరమ్మ లబ్ధిదారులకు స దరు స్థలాలకు సంబంధించిన డాక్యుమెంట్లు లేనప్పటికీ ఇంటి నిర్మాణానికి అధికారులు అనుమతులివ్వడం గమనార్హం. కేశవనాథ ఆలయ భూముల్లో ఇళ్ల నిర్మాణాల వెనుక ఎవరి హస్తముందన్న విషయంపై సర్వత్రా చర్చ జరుగుతోంది. కాగా, ఆలయ భూములను సంరక్షించాలని భక్తులు డిమాండ్‌ చేస్తున్నారు.

ఆసిఫాబాద్‌: ఆలయ భూములనూ అక్రమార్కులు వదలడంలేదు. ఖాళీ జాగా కనిపిస్తే చాలు కబ్జా చేసేస్తున్నారు. జిల్లా కేంద్రంలోని కేశవనాథ ఆలయ భూములు కూడా అన్యాక్రాంతమవుతున్నాయి. ఆసిఫాబాద్‌ మండలంలోని సర్వే నంబర్‌ 80/ఏ, 80/బీ, 81, 82, 83, 84, 94లలో 89.13 ఎకరాల దేవాదాయశాఖ భూమి ఉంది. కాగా, గోవింద్‌పూర్‌ శివారులోని సర్వే నంబర్‌ 83లోని భూమి ఆక్రమణకు గురైంది. దేవాదాయ శాఖ ఆధ్వర్యంలో భూ ములకు ఏటా వేలం నిర్వహించి కౌలుకు ఇస్తున్నా రు. ఏటా వచ్చే సుమారు రూ.20లక్షలను దేవాదా యశాఖ ఖాతాలో జమ చేస్తున్నారు. అధికారులు భూముల రక్షణపై దృష్టి సారించకపోవడంతో ఆల య భూములు ఆక్రమణకు గురవుతున్నాయి. కేశవనాథ ఆలయ భూముల్లో తొలుత తాత్కాలిక అనుమతులు, అనంతరం పక్కా భవనాలు నిర్మించి కొందరు కబ్జా చేస్తున్నారు. ఈ ఆలయానికి సంబంధించిన సర్వే నంబర్‌ 83లో 8.32 ఎకరాల భూమి ఉండగా, గోవింద్‌పూర్‌కు చెందిన కొందరు 1.18 ఎకరాల భూమిలో అక్రమార్కులు షెడ్లు నిర్మించుకున్నారు. కొందరైతే పక్కా భవన నిర్మాణాలు పూర్తి చేశారు. ఆక్రమణకు గురైన భూమికి సంబంధించి సదరు వ్యక్తులకు నోటీసులు జారీ చేయగా, వారు రాజకీయ నాయకులను ఆశ్రయించి వాటిని దక్కించుకునే ప్రయత్నం చేస్తున్నారు. 2001లో 1.18 ఎకరాల్లో తాత్కాలిక షెడ్డు నిర్మించుకున్నాక వారితో ఏటా భూమికి అద్దె చెల్లించేలా ఒప్పందం రాసుకున్నారు. ఒప్పందం ప్రకారం అద్దె చెల్లించడం లేదు. పైగా తాత్కాలిక ఇళ్ల నిర్మాణాలు చేపట్టిన ఆక్రమణదారులు అపై పక్కా ఇళ్లు నిర్మించుకుంటున్నారు. ఈ విషయాన్ని దేవాదాయశాఖ అధికారులు కలెక్టర్‌ దృష్టికి తీసుకెళ్లారు. దేవాదాయశాఖ ఉన్నతాధికారులకు నివేదిక కూడా అందజేశారు. సర్వే చేయాలని ఏడాదిగా కోరుతున్నా..కేశవనాథ ఆలయ భూముల సర్వే కోసం రెవెన్యూ అధికారులకు దరఖాస్తు చేసి ఏడాది గడుస్తున్నా వారు సర్వే చేపట్టక పోవడంతో సదరు భూములు అన్యాక్రాంతమవుతూనే ఉన్నాయి. ఆలయ భూములకు కొలతలు చేపట్టి హద్దులు ఏర్పాటు చేయాలని భక్తులు కోరుతున్నారు. ఆలయ భూములను కాపాడాల్సిన బాధ్యత అధికారులపై ఉందన్న అభిప్రాయాలు వ్యక్తమవుతున్నాయి. అధికారుల దృష్టికి తీసుకెళ్లాం కేశవనాథ ఆలయ భూముల ఆక్రమణపై కలెక్టర్‌ దృష్టికి తీసుకెళ్లాం. దేవాదాయశాఖ ఉన్నతాధికారులతో పాటు సంబంధిత రెవెన్యూ అధికారులకు ఫిర్యాదు చేశాం. ఆలయ భూముల రక్షణకు చర్యలు తీసుకుంటాం. – వేణుగోపాల్‌ గుప్తా, ఆలయ ఈవో తాత్కాలికం.. ఆపై శాశ్వతం.. వెలుస్తున్న అక్రమ నిర్మాణాలు హద్దుల ఏర్పాటు ఎప్పుడో..? చోద్యం చూస్తున్న అధికారులు

ఆసిఫాబాద్‌అర్బన్‌: జిల్లా కేంద్రంలోని ఆర్టీసీ డిపో ఆవరణలో శుక్రవారం మర్యాదపూర్వక దినోత్సవాన్ని నిర్వహించారు. ఈ సందర్భంగా ప్రయాణికులకు ట్రాఫిక్‌ సూపర్‌వైజర్‌ భా రతి సిబ్బందితో కలిసి కృతజ్ఞతగా పూలు, క్యూఆర్‌కోడ్‌ కీచెయిన్స్‌ అందజేశారు. ఆమె మాట్లాడుతూ.. ప్రయాణికులందరినీ ఆర్టీసీ కుటుంబ సభ్యులుగా భావిస్తుందని చెప్పా రు. ప్రయాణికుల గౌరవం, సౌకర్యం కాపాడే దిశగా ప్రతీ ఉద్యోగి పని చేయాలని సూచించారు. అంకితభావంతో ప్రయాణికులతో మర్యాద పూర్వకంగా నడుచుకుని సంస్థ అభివృద్ధికి పాటుపడాలని కోరారు. క్యూఆర్‌ కోడ్‌ స్కాన్‌ చేయడం ద్వారా ఆర్టీసీకి సంబంధించిన అన్ని అధికారిక గ్రూప్‌లతో కనెక్ట్‌ కావచ్చనే వివరాలు వెల్లడించారు.

ఆసిఫాబాద్‌అర్బన్‌: వక్ఫ్‌ చట్ట సవరణ బిల్లును కేంద్ర ప్రభుత్వం తక్షణమే వెనక్కి తీసుకోవాలని ముస్లింలు డిమాండ్‌ చేశారు. ఆల్‌ ఇండియా ము స్లిం పర్సనల్‌ లా బోర్డు ఆదేశాల మేరకు శుక్రవారం జిల్లా కేంద్రంలోని జామా మసీదు నుంచి అంబేడ్కర్‌ చౌక్‌ వరకు నల్ల బ్యాడ్జీలు ధరించి ర్యాలీ నిర్వహించారు. ఈ సందర్భంగా అంబేడ్కర్‌ విగ్రహానికి పూలమాలలు వేసి నివాళులర్పించారు. అనంతరం మసీద్‌ ఇమామ్‌లు మౌలానా అయుజ్‌ అష్రఫీ, హఫీజ్‌ తహేర్‌ హష్మీ మాట్లాడారు. రాజ్యాంగానికి విరుద్ధంగా ఉన్న వక్ఫ్‌ చట్ట సవరణ బిల్లును కేంద్ర ప్రభుత్వం వెనక్కి తీసుకోవాలని డిమాండ్‌ చేశారు. లేని పక్షంలో పెద్ద ఎత్తున ఆందోళనలు చేస్తామని హెచ్చరించారు. వక్ఫ్‌ సవరణ బిల్లును వెనక్కి తీసుకోవాలని డిమాండ్‌ చేస్తూ ముస్లింలు నిర్వహించిన ర్యాలీకి కాంగ్రెస్‌ జిల్లా అధ్యక్షుడు కొక్కిరాల విశ్వప్రసాద్‌రావ్‌, మాజీ ఎంపీపీ బాలేశ్వర్‌గౌడ్‌, ఏఎంసీ మాజీ చైర్మన్‌ మల్లేశ్‌, బీఎస్పీ జిల్లా అధ్యక్షుడు భూక్య రాజు తదితరులు పాల్గొని సంఘీభావం తెలిపారు. కార్యక్రమంలో నాయకులు ఫయాజ్‌, అబ్దుల్లా, అమన్‌, ఉబెదిబిన్‌ యహియా, అబ్దుల్‌ రహమాన్‌, రాఫిక్‌ అహ్మద్‌, జావిద్‌ గులాం, అబ్బు, సలీం, సాజిద్‌, అహ్మద్‌, తాజ్‌, ఇమ్రాన్‌, ఆసిఫ్‌, జమీల్‌ తదితరులు పాల్గొన్నారు.

తిర్యాణి: నేరాల నిర్మూలన కోసమే కార్డెన్‌సెర్చ్‌ నిర్వహిస్తున్నట్లు రెబ్బన సీఐ బుద్దె స్వామి అన్నా రు. మండలంలోని నాయకపుగూడ గ్రామంలో శుక్రవారం 45 మంది పోలీసు సిబ్బందితో కార్డెన్‌సెర్చ్‌ చేపట్టారు. ఇందులో భాగంగా దాదాపు 200 ఇళ్లలో సోదాలు నిర్వహించారు. ఈ సందర్భంగా సరైన ధ్రువపత్రాలు లేని 12 వాహనాలను గుర్తించి సీజ్‌ చేశారు. అనంతరం సీఐ మాట్లాడుతూ.. గ్రా మంలో అనుమానిత వ్యక్తులు కనిపిస్తే వెంటనే పో లీసులకు సమాచారం ఇవ్వాలని సూచించారు. అ సాంఘిక కార్యకలాపాలకు పాల్పడే వారిపై కఠినంగా వ్యహరించనున్నట్లు హెచ్చరించారు. కార్యక్రమంలో ఎస్సైలు ఎంబడి శ్రీకాంత్‌, చంద్రశేఖర్‌, సందీప్‌, ఏఎస్సైలు నారాయణ, వేణుగోపాల్‌, పోలీసు సిబ్బంది పాల్గొన్నారు.

● రెండున్నర నెలలుగా పెండింగ్‌ ● ఇబ్బందులు పడుతున్న కూలీలు ● జిల్లాలో రూ.14.27కోట్ల బకాయిలు తిర్యాణి: ఉపాధిహామీ కూలీల వేతనాలు నిలిచా యి. రెండు నెలలుగా వేతనాలు చెల్లింపులు నిలి చి వారు తీవ్ర ఇబ్బందులు పడుతున్నారు. దారి ద్య్ర రేఖకు దిగువనున్న వారికి ఉపాధి కల్పించా లని 2005లో కేంద్రం మహాత్మాగాంధీ జాతీయ ఉపాధిహమీ పథకాన్ని ప్రవేశపెట్టి ఒక్కో కూలీకి వందరోజుల పని కల్పిస్తోంది. ప్రారంభంలో కూలీలకు ఎంతగానో ఉపయోగపడింది. క్రమక్రమంగా పథకంలో మార్పులు చేయడం.. నిబంధనలకు లోబడి వేతనాలు సరైన సమయంలో విడుదల చేయకపోవడంతో కూలీలు త్రీవ ఇబ్బందులు ఎదుర్కొంటున్నారు. జిల్లాలో ఉపాధిహామీ కింద 1.23 లక్షల జాబ్‌కార్డులుండగా, 2.43 లక్షల మంది కూలీలున్నారు. ఇందులో 91వేల జాబ్‌ కార్డులు యాక్టివ్‌లో ఉండగా 1.70 మంది కూలీలు నిత్యం పనులకు వెళ్తున్నారు. పోస్టాఫీస్‌ చుట్టూ ప్రదక్షిణలుఉపాధిహామీ పథకంలోని చట్టం ప్రకారం కూలీ లు పని చేసిన 21 రోజుల్లోనే వేతనాలు అందించాలి. కానీ.. ఫిబ్రవరి రెండవ వారం నుంచి ఇప్పటివరకు కూలీలకు వేతనాలు అందలేదు. జిల్లాలో 2024–25 ఆర్థిక సంవత్సరానికి ఫిబ్రవరి రెండో వారం నుంచి మార్చి 31 వరకు ఉపాధి పనులు చేపట్టిన 70,614 మంది కూలీలకు సంబంధించి రూ.6.65 కోట్ల వేతనాలు పెండింగ్‌లో ఉ న్నాయి. 2025–26 ఆర్థిక సంవత్సరానికి ఏప్రిల్‌ 1నుంచి ఇప్పటివరకు వరకు 74,862 మంది కూలీలు పనులకు వెళ్లగా వీరికి అందాల్సిన రూ.7.61 కోట్లు రాలేదు. మొత్తంగా దాదాపు రెండున్నర నెలలకు సంబంధించి రూ.14.27 కోట్లు ఉపాధి కూలీల ఖాతాల్లో జమ కావాల్సి ఉంది. అయితే వానాకాలం పంటల సాగు ముగిసాక రైతు కూలీలకు పని దొరకకపోవడంతో ఉపాధి పనులకు వెళ్లేందుకు ఆసక్తి కనబరిచారు. అయితే గత 10 వారాలకు సంబంధించిన వేతనాల చెల్లింపులు పూర్తిగా ఆగిపోవడంతో కూలీలకు కుటుంబ పోషణ భారంగా మారింది. జిల్లాలో ఎక్కువగా కూలీలకు సంబంధించి పోస్టాఫీస్‌ ఖాతాలోనే వేతనాలు జమ అవుతుంటాయి. వేతనాలు వచ్చాయో.. లేదో.. తెలియక కూలీలు నిత్యం పోస్టాఫీస్‌ చుట్టూ ప్రదక్షిణ చేస్తున్నారు. ఆరువారాల పైసలు రావాలె వానాకాలం పంటల సీజన్‌ ముగిసాక వ్యవసాయ పనులేవీ లేక ఉపాధిహామీ పనులకు వెళ్లినం. ఆరు వారాలకు సంబంధించిన పైసలు ఇంకా అకౌంట్‌లో పడలేదు. వారానికి రెండుసార్లు పైసలు పడ్డయో.. లేదోనని పోస్టాఫీస్‌కు వెళ్లి తెలుసుకుంటున్నం. – శంకరమ్మ, గోలేటి, రెబ్బెన వేతనాలు వెంటనే చెల్లించాలె ఉపాధిహామీ పనులకు సంబంధించిన రెండు నెలల వేతనాలు పెండింగ్‌లో ఉన్నయ్‌. పనులకు వెళ్లినా డబ్బులు రాకపోవడంతో చాలా కష్టమవుతోంది. వేతనాలు ఎప్పు డు వస్తయోనని ఉపాధిహమీ సిబ్బందిని అడిగితే ఎవరూ సరైనా సమాధానం ఇవ్వడం లేదు. – దుర్శెట్టి సతీశ్‌, తిర్యాణి

● అదనపు కలెక్టర్‌ దీపక్‌ తివారికౌటాల(సిర్పూర్‌): నాణ్యత ప్రమాణాలు పాటిస్తూ ఇందిరమ్మ ఇళ్లు నిర్మించాలని అదనపు కలెక్టర్‌ దీపక్‌ తివారి అన్నారు. మండలంలోని నాగేపల్లి గ్రామంలో నిర్మిస్తున్న ఇందిరమ్మ ఇళ్లను గురువారం పరిశీలించారు. ఆయన మాట్లాడుతూ ఇంటి నిర్మాణ పనుల ఫొటోలను యాప్‌తోపాటు ఆన్‌లైన్‌లో నమోదు చేయాలని ఆదేశించారు. పనులు ఎప్పటికప్పుడు సంబంధిత అధికారులు పరిశీలించాలన్నారు. అనంతరం స్థానిక ఎంపీడీవో కార్యాలయంలో రాజీవ్‌ యువవికాసం కౌంటర్లలో దరఖాస్తుల ప్రక్రియను పరిశీలించారు. దరఖాస్తుల వివరాలు పకడ్బందీగా ఆన్‌లైన్‌లో నమోదు చేయాలన్నారు. అనంతరం కార్యాలయ ఆవరణలో చేపట్టిన ఇందిరమ్మ నమూనా ఇంటి నిర్మాణాన్ని పరిశీలించారు. ఆయన వెంట ఎంపీడీవో కోట ప్రసాద్‌, ఎంపీవో మహేందర్‌రెడ్డి, ఏపీవో పూర్ణిమ తదితరులు ఉన్నారు.

● జీఎం విజయ భాస్కర్‌రెడ్డిరెబ్బెన(ఆసిఫాబాద్‌): సింగరేణిలో నూతనంగా ఉద్యోగాలు పొందుతున్న యువ కార్మికులు అంకితభావంతో పనిచేసి సంస్థ పురోభివృద్ధికి తోడ్పాటు ను అందించాలని బెల్లంపల్లి ఏరియా జనరల్‌ మేనేజర్‌ విజయ భాస్కర్‌రెడ్డి అన్నారు. గోలేటి టౌన్‌షిప్‌లోని జీఎం కార్యాలయ ఆవరణలో కారుణ్య నియామకాల ద్వారా ఉద్యోగాలు పొందిన వారికి గురువారం నియామక పత్రాలు అందించారు. జీఎం మాట్లాడుతూ సింగరేణి ఉద్యోగంలో చేరే యువకులు సంస్థ ఖ్యాతిని పెంచాలన్నారు. సింగరేణిలో ఉద్యోగం లభించడం అదృష్టంగా భావించాల ని, క్రమశిక్షణతో పనిచేసి ఉత్పత్తి, ఉత్పాదకత, లక్ష్య సాధనలో భాగస్వాములు కావాలని సూచించారు. సింగరేణి సంస్ధ ఉద్యోగులకు కల్పిస్తున్న సౌకర్యాలు మరే కంపెనీ కల్పించదన్నారు. విధుల కు గైర్హాజరు కావ్దొదన్నారు. కార్యక్రమంలో ఏఐటీయూసీ బ్రాంచి ఉపాధ్యక్షుడు బయ్య మొగిళి, కై రి గూడ పీవో నరేందర్‌, ఎస్‌వోటూజీఎం రాజమల్లు, డీజీఎం ఉజ్వల్‌కుమార్‌, ఏరియా సెక్యూరిటీ అధికా రి ఉమాకాంత్‌, పర్సనల్‌ మేనేజర్‌ రెడ్డిమల్ల తిరుపతి, ప్రాజెక్టు ఇంజనీరు వీరన్న, డీవైపీఎం వేణు తదితరులు పాల్గొన్నారు.

● కలెక్టర్‌ వెంకటేశ్‌ దోత్రేవాంకిడి(ఆసిఫాబాద్‌): రాష్ట్ర ప్రభుత్వం ప్రతిష్టాత్మకంగా తీసుకువచ్చిన భూభారతి ఆర్‌వోఆర్‌ చట్టం ద్వారా భూసమస్యలకు సత్వర పరిష్కారం లభిస్తుందని కలెక్టర్‌ వెంకటేశ్‌ దోత్రే అన్నారు. వాంకిడి మండల కేంద్రంలోని రైతువేదికలో గు రువారం ఏర్పాటు చేసిన అవగాహన సదస్సుకు అదనపు కలెక్టర్‌(రెవెన్యూ) డేవిడ్‌, ఆర్డీవో లోకేశ్వర్‌రావుతో కలిసి హాజరయ్యారు. కలెక్టర్‌ మాట్లాడుతూ ధరణి స్థానంలో భూభారతి చట్టాన్ని తీసుకువచ్చినట్లు తెలిపారు. ఈ చట్టంతో రైతులకు మేలు జరుగుతుందని, నిజమైన భూమి యజ మానికి న్యాయం జరుగుతుందని పేర్కొన్నారు. హక్కుల రికార్డుల్లో తప్పుల సవరణకు అవకాశం ఉందని, సమస్యల పరిష్కారంలో అప్పీల్‌ వ్యవస్థను తీసుకువచ్చినట్లు వివరించారు. తహసీల్దార్‌ జారీ చేసిన ఆర్డర్‌పై ఆర్డీవోకు, ఆ ఆర్డర్‌పై కలెక్టర్‌కు అప్పీలు చేసుకునే వెసులుబాటు ఉంటుందన్నారు. ధరణి పోర్టర్‌లో ఈ అవకాశం లేదని, విరాసత్‌ పట్టా మార్పిడిపై సంబంధిత పట్టాదారులకు నోటీసులు జారీ చేసే విధానం అందుబాటులోకి వచ్చిందని పేర్కొన్నారు. కొనుగోలు, తనాఖా, దానం, పాలు పంపకాల ద్వారా భూమిపై హక్కులు సంక్రమిస్తే తహసీల్దార్‌ రిజిస్ట్రేషన్‌ చేసి హక్కుల రికార్డులో మార్పులు చేసి పట్టాదారుకు పాసు పుస్తకం జారీ చేస్తారని తెలిపారు. ఈ ప్రక్రియ ఒకే రోజులో పూర్తయ్యేలా చట్టంలో పొందుపరిచినట్లు వివరించారు. ప్రతీ రైతు హక్కులు, అంశాలపై అవగాహన కలిగి ఉండాలని సూచించారు. కార్యక్రమంలో తహసీల్దార్‌ రియాజ్‌ అలీ, ఎంపీడీవో ప్రవీణ్‌కుమార్‌, ఏవో గోపికాంత్‌ తదితరులు పాల్గొన్నారు.

బెజ్జూర్‌(సిర్పూర్‌): హైదరాబాద్‌లో రాష్ట్ర అట వీ, పర్యావరణ శాఖ మంత్రి కొండా సురేఖ ను గురువారం సిర్పూర్‌ ఎమ్మెల్యే పాల్వాయి హరీశ్‌బాబు, ముధోల్‌ ఎమ్మెల్యే రామారావు పటేల్‌ మర్యాదపూర్వకంగా కలిశారు. పోడు రైతులు ఎదుర్కొంటున్న సమస్యలు పరిష్కరించాలని వినతిపత్రం అందించారు. ఎమ్మె ల్యే హరీశ్‌బాబు మాట్లాడుతూ పోడు రైతులను అటవీశాఖ అధికారులు వేధిస్తున్నారని ఆరోపించారు. బెదిరింపులకు పాల్పడుతూ వారి జీవనాధారాన్ని లాక్కునే ప్రయత్నం చేస్తున్నారని వివరించారు. తునికాకు సేకరణను కూడా అడ్డుకుంటున్నారని తెలిపా రు. స్పందించిన మంత్రి పోడు రైతులకు ఇబ్బందులకు గురిచేయొద్దని పీసీసీఎఫ్‌ ప్రిన్సిపల్‌ కన్జర్వేటర్‌ ఆఫ్‌ ఫారెస్టు డోబ్రియల్‌ను ఆదేశించారు.

కంటి‘పాప’లకు● చిన్నారుల్లో నేత్ర, మానసిక సమస్యలు గుర్తింపు ● ఆర్‌బీఎస్‌కే ఆధ్వర్యంలో ఆరోగ్య పరీక్షలు ● జిల్లాలో 973 అంగన్‌వాడీ కేంద్రాలు ● జూన్‌ వరకు కొనసాగనున్న ప్రక్రియకనర్‌గాంలోని అంగన్‌వాడీ కేంద్రంలో చిన్నారులను పరీక్షిస్తున్న ఆర్‌బీఎస్‌కే సిబ్బంది ప్రతిరోజూ 150 మందికి..చిన్నారుల్లో కంటి, మానసిక రుగ్మతలు నిర్మూలించేందుకు 100 రోజులపాటు జిల్లావ్యాప్తంగా మూడు బృందాలు పరీక్షలు నిర్వహిస్తున్నాయి. ఒక్కొక్క బృందంలో ఇద్దరు డాక్టర్లు, ఒక ఫార్మసిస్ట్‌, ఒక ఏఎన్‌ఎం, ఒక అప్తోమెట్రిస్ట్‌ ఉంటారు. ఒక్కొక్క బృందంలోని సభ్యులు ప్రతిరోజూ అంగన్‌వాడీ కేంద్రాలకు వెళ్లి పరీక్షలు చేస్తున్నారు. ఒక్కరోజులో 150 మంది పిల్లలను పరీక్షిస్తారు. జిల్లాలో 973 అంగన్‌వాడీ కేంద్రాలు ఉండగా 41,782 మంది పిల్లలు ఉన్నట్లు గుర్తించా రు. రోజుకు 150 మంది చొప్పున వందరోజుల్లో పరీక్షలు పూర్తి చేయనున్నారు. అయితే ఆర్‌బీఎస్‌కే బృందాలు పది ఉన్నా అప్తోమెట్రిస్ట్‌లు తక్కువగా ఉండటంతో జి ల్లాలో మూడు బృందాలు మాత్రమే పరీక్షలు నిర్వహిస్తున్నాయి. ఈ నేపథ్యంలో మూడు నెలల్లో లక్ష్యం పూర్తి కావడం కష్టంగా మారింది. కంటి పరీక్షలు చేసే నిపుణులను నియమించుకుంటే గడువులోగా లక్ష్యాన్ని చేరుకోవచ్చు. వాంకిడి(ఆసిఫాబాద్‌): ప్రాథమిక దశలోనే కంటి, మానసిక సమస్యలు గుర్తించి చికిత్స అందించేందుకు ఈ నెల 7 నుంచి ప్రభుత్వం ప్రత్యేక కార్యక్రమానికి శ్రీకారం చుట్టింది. రాష్ట్రీయ బాల స్వాస్థ్య కార్యక్రమం(ఆర్‌బీఎస్‌కే) ద్వారా అంగన్‌వాడీ కేంద్రాల్లోని పిల్లలకు వైద్యారోగ్య శాఖ ఆరోగ్య పరీక్షలు నిర్వహిస్తోంది. మొదటి విడతలో ఎనిమిదో తరగతి నుంచి ఇంటర్‌ వరకు చదువుకునే విద్యార్థులకు, రెండో విడతలో 5, 6, 7 తరగతుల విద్యార్థులకు రక్తహీనతపై స్క్రీనింగ్‌ పరీక్షలు చేశారు. అవసరమైన వారికి మందుల అందించి చికిత్స చేయించారు. మూడో విడతలో భాగంగా అంగన్‌వాడీ కేంద్రాల్లో చదువుకునే ఆరేళ్లలోపు పిల్లల్లో మానసిక, కంటి సమస్యలను గుర్తించి తక్షణ చికిత్స అందించేలా కార్యాచరణ రూపొందించారు. ఈ నెల 7న ప్రారంభమైన కార్యక్రమం జూన్‌ వరకు వందరోజులపాటు కొనసాగనుంది. సమస్యలు గుర్తించేందుకు 42 ప్రశ్నలు..జీవన విధానంలో వస్తున్న మార్పులు, ఆహారపు అలవాట్లుతో బాల్యంలోనే పిల్లలకు అనేక సమస్యలు ఏర్పడుతున్నాయి. చిన్న పిల్లల్లో కంటి, మానసిక సమస్యలను గుర్తించడానికి అధికారులు ప్రత్యేక కార్యాచరణ రూపొందించారు. త్వరగా అర్థం చేసుకుని సమాధానం చెప్పేలా మొత్తం 42 సులువైన ప్రశ్నలు రూపొందించారు. ముందస్తుగా అంగన్‌వాడీ టీచర్లు పిల్లల తల్లిదండ్రులకు సమాచారం అందిస్తారు. పిల్లలను తల్లిదండ్రులతోపాటు కూర్చోబెట్టి బొమ్మలతో కూడిన చిత్రాలను చూపిస్తూ ప్రశ్నలు అడుగుతారు. ఆ సమయంలో పిల్లల నుంచి వచ్చే సమాధానాలకు అనుగుణంగా సమస్యను గుర్తిస్తారు. పిల్లల్లో ఎదుగుదల లోపాలు, జన్యుపరమైన సమస్యలతోపాటు కంటిలో వచ్చే కార్నియా, మెల్లకన్ను, తదితర సమస్యలు గుర్తిసా రు. ఆ తర్వాత మందల పంపిణీ చేయడం లేదా ఆస్పత్రిలో చేర్పించేందుకు చర్యలు చేపడతారు. కంటి సమస్య ఎక్కువగా ఉంటే అద్దాలు అందజేస్తారు. శస్త్ర చికిత్స కూడా చేయిస్తామని అధికారులు చెబుతున్నారు. ఈ నెల 7 నుంచి ఇప్పటివరకు వరకు సుమారుగా 2,500 మందికిపైగా పిల్లలను పరీక్షించారు. ఇందులో దృష్టిలోపం ఉన్న వారు ముగ్గురు, ఇతర నేత్ర సంబంధ ఇబ్బందులు 13 మందికి ఉన్నట్లు గుర్తించారు. వారందరికీ ఉచితంగా చికిత్స చేయించి కళ్లద్దాలు అందజేయనున్నారు. అన్ని కేంద్రాల్లో పరీక్షలు జిల్లాలోని అన్ని అంగన్‌వాడీ కేంద్రాల్లోని పిల్లల్లో కంటి, మానసిక సమస్యలు గుర్తించేలా కార్యాచరణ రూపొందించాం. వాంకిడి, ఆసిఫాబాద్‌, రెబ్బెన, కాగజ్‌నగర్‌ మండలాల్లో ఆర్‌బీఎస్‌కే ప్రత్యేక బృందాలు పరీక్షలు నిర్వహిస్తున్నాయి. సమస్యలు ఉన్న పిల్లలకు ఆస్పత్రుల్లో చికిత్స అందిస్తాం. అలాగే అవసరమైన వారికి కళ్లద్దాల పంపిణీ చేస్తాం. ప్రభుత్వం ఉచితంగా చేపడుతున్న ఈ కార్యక్రమాన్ని సద్వినియోగం చేసుకోవాలి. – సీతారాం, డీఎంహెచ్‌వో

● ‘గాలికుంటు’ నివారణకు టీకాలు ● నెల రోజులపాటు కొనసాగనున్న కార్యక్రమం ● సద్వినియోగం చేసుకోవాలని అధికారుల సూచన ● జిల్లాలో 3.1 లక్షల పశువులు కౌటాల(సిర్పూర్‌): ఏటా వివిధ రకాల వ్యాధులతో పశువులు, జీవాలు వందల సంఖ్యలో మృత్యువాత పడుతుండటంతో పోషకులు, రైతులు ఆర్థికంగా నష్టపోతున్నారు. పశువుల మరణాలు అరికట్టేందుకు ప్రభుత్వం ప్రత్యేక చర్యలు తీసుకుంటోంది. ఇందులో భాగంగా ఏటా పశుసంవర్ధక శాఖ ఆధ్వర్యంలో గాలికుంటు వ్యాధి నివారణ టీకాల కార్యక్రమం చేపడుతోంది. ఈ నెల 15 నుంచి జిల్లాలో ప్రారంభమైన టీకాల కార్యక్రమం మే 15 వరకు కొనసాగనుంది. పశువులకు సోకే వ్యాధులపై పాడిరైతులు అవగాహన కలిగి ఉంటూ సకాలంలో నివారణ టీకాలు వేయించాలని అధికారులు సూచిస్తున్నారు. వ్యాధి లక్షణాలు ఇలా..గాలికుంటు వ్యాధి సూక్ష్మక్రిములతో వ్యాప్తి చెందుతుంది. వ్యాధి సోకిన గేదెలు, ఆవులు 24 గంటలోగా బక్కచిక్కి అల్సర్‌ బారిన పడతాయి. రెండు నుంచి ఆరు రోజుల వరకు జ్వరం ఎక్కువగా ఉంటుంది. నోరు, పెదాలు, నాలుక, చన్నులతో పాటు కాళ్ల గిట్టల మధ్య పుండ్లు ఏర్పడి వ్యాధి ముదురుతుంది. వ్యాధి బారిన పడిన పశువులు ముడుచుకుని పడుకుంటాయి. మేత, నీళ్లకు దూరంగా ఉంటాయి. వ్యాధి నిరోధక శక్తి తగ్గడంతో పశువులు, దూడలు చనిపోయే ప్రమాదం కూడా ఉంటుంది. ఇలాంటి వాటికి క్రమం తప్పకుండా పరీక్షలు చేయించాలి. నోరు, పెదాలు, నాలుక, కాళ్లగిట్టల వద్ద ఉన్న పుండ్లను పొటాషియం పర్మాంగనేట్‌ లేదా నార్మల్‌ సైలెన్‌ నీటితో శుభ్రం చేయాలి. రెండోసారి ఇన్‌ఫెక్షన్‌ రాకుండా యాంటీ బయాటిక్స్‌ మందులు, వ్యాధి నిరోధక శక్తి పెంచేందుకు బీ కాంప్లెక్స్‌ మందులు వాడాలని పశువైద్యులు సూచిస్తున్నారు. పశువులకు గాలి ద్వారా సోకే గాలికుంటు వ్యాధిపై రైతులు నిర్లక్ష్యం వహించకుండా పశు సంవర్ధక శాఖ వైద్యుల సలహా మేరకు క్రమం తప్పకుండా ఏడాదికి రెండుసార్లు టీకాలు వేయించాలి. గాలికుంటు ప్రాణాంతకమైన వ్యాధి కావడంతో చిన్నపాటి అలసత్వం చేసినా పశువు మృతి చెందే ప్రమాదం ఉంటుంది. వ్యాధి బారిన పడిన పశువులను ఇతర వాటికి దూరంగా ఉంచాలి. ఎప్పటికప్పుడు పశువుల పాకను శుభ్రం ఉంచాలి. వారానికి ఒకసారి కొట్టంలో సున్నం చల్లి, క్రిమికీటకాల నివారణకు చర్యలు తీసుకోవాలి. వ్యాధి సోకిన గేదె, ఆవు నుంచి తీసిన పాలను 100 డిగ్రీల సెల్సియస్‌ వరకు వేడి చేసిన తర్వాతే తాగాలి. పశువు చనిపోతే గోతిలో వేసి బ్లీచింగ్‌ పౌడర్‌ చల్లి పాతిపెట్టాలి. సద్వినియోగం చేసుకోవాలి రైతులు పశువుల ఆరోగ్యంపై ప్రత్యేక దృష్టి సారించా లి. ఈ నెల 15 గాలికుంటు వ్యాధి నిరోధక టీకాల కా ర్యక్రమం ప్రారంభించాం. షెడ్యూల్‌ ప్రకారం మే 15 వరకు అన్ని గ్రామాల్లోని పశువులకు ఉచితంగా టీకాలు వేస్తాం. పశుపోషకులు, రైతులు స్వదినియోగం చేసుకోవాలి. టీకాలు వేయించడం ద్వారా పశువులు ఆరోగ్యంగా ఉంటాయి. మేకలు, గొర్రెలు, పశువులకు ఎలాంటి వ్యాధులు సోకినా పశువైద్యశాఖ సిబ్బందికి సమాచారం అందించాలి. – సురేశ్‌, జిల్లా పశుసంవర్ధక శాఖ అధికారిఏటా రెండుసార్లు..వ్యవసాయానికి అనుబంధంగా పాడి పరిశ్రమతో రైతులు ఆర్థికంగా బలపడుతున్న నేపథ్యంలో వారు నష్టపోకుండా కేంద్ర, రాష్ట్ర ప్రభుత్వాలు సంయుక్తంగా ప్రతీ సంవత్సరం రెండుసార్లు ఉచితంగా గాలికుంటు వ్యాధి నివారణ టీకాల పంపిణీ కార్యక్రమాన్ని నిర్వహిస్తున్నాయి. జిల్లాలో రెండు ఏరియా పశువైద్యశాలలు ఉండగా 18 ప్రాథమిక పశువైద్యాశాలలు ఉన్నాయి. ఏడు పశువైద్యాశాల సబ్‌సెంటర్లు ఉన్నాయి. ఆవులు, గేదెలు మొత్తం 3,13,896 ఉన్నాయని అధికారిక లెక్కలు చెబుతున్నాయి. జిల్లాలో ఈ నెల 15 నుంచి మే 15 వరకు నెల రోజులపాటు టీకాలు వేయనున్నారు. ప్రస్తుతం జిల్లావ్యాప్తంగా గాలికుంటు వ్యాధి నివారణ టీకా కార్యక్రమం ముమ్మరంగా సాగుతోంది. షెడ్యూల్‌ ప్రకారం ప్రతీరోజు ఉదయం 6 గంటల నుంచి ఉదయం 11 గంటల వరకు గ్రామాల్లోకి వెళ్లి టీకాలు వేస్తున్నారు. రైతులు సద్వినియోగం చేసుకోవాలని పశుసంవర్ధక శాఖ అధికారులు కోరుతున్నారు.

ఆసిఫాబాద్‌అర్బన్‌: ఎల్‌ఆర్‌ఎస్‌ ప్రక్రియలో అందిన దరఖాస్తుల్లో అర్హులైన వారు రుసుము చెల్లించేలా ప్రక్రియ వేగవంతం చేయాలని రాష్ట్ర పురపాలిక శాఖ ముఖ్య కార్యదర్శి దాన కిశోర్‌ అన్నారు. గురువారం హైదరాబాద్‌ నుంచి ఉన్నతాధికారులతో కలిసి వీడియో కాన్ఫరెన్స్‌ ద్వారా కలెక్టర్లు, అదనపు కలెక్టర్లు, మున్సిపల్‌ కమిషనర్లు, పంచాయతీ అధికారులతో ఎల్‌ఆర్‌ఎస్‌ రుసుం వసూలు ప్రక్రియపై సమీక్ష నిర్వహించారు. ఆయన మాట్లాడుతూ 25శాతం రాయితీతో రుసుము చెల్లించే గడువు ఈ నెల 30 వరకు ఉందని తెలిపారు. రుసుము చెల్లించిన వారికి ప్రొసీడింగ్‌ అందించాలని ఆదేశించారు. అనంతరం జిల్లా కేంద్రంలోని కలెక్టరేట్‌లో వెంకటేశ్‌ దోత్రే మాట్లాడారు. జిల్లాలో ఎల్‌ఆర్‌ఎస్‌ పథకం కింద 7,212 దరఖాస్తులు అందాయని, విచారణ అనంతరం 5,470 అర్హులైన దరఖాస్తుదారులు రుసుము చెల్లించాల్సి ఉందన్నారు. ఇప్పటివరకు 1,022 మంది రుసుము వసూలు చేసేలా కార్యదర్శులు, వార్డు అధికారుల ద్వారా సంప్రదించి అవగాహన కల్పిస్తున్నామని తెలిపారు. రుసుము చెల్లించిన 328 మందికి ప్రొసీడింగ్స్‌ అందించామన్నారు. సమావేశంలో అదనపు కలెక్టర్‌ దీపక్‌ తివారి, డీపీవో భిక్షపతిగౌడ్‌, పట్టణ ప్రణాళిక అధికారి యశ్వంత్‌, పంచాయతీ కార్యదర్శులు, సంబంధిత అధికారులు పాల్గొన్నారు.

కెరమెరి(ఆసిఫాబాద్‌): పోలీసులు ప్రజలకు మరింత చేరువ కావాలని ఏఎస్పీ చిత్తరంజన్‌ అన్నారు. మండల కేంద్రంలోని పోలీస్‌ స్టేషన్‌ ను గురువారం తనిఖీ చేశారు. సిబ్బంది విధుల గురించి ఎస్సై విజయ్‌ను అడిగి వివరాలు తె లుసుకున్నారు. కేసులకు సంబంధించిన ఫైళ్లు, రికార్డులను పరిశీలించారు. అనంతరం ఏఎస్పీ మా ట్లాడుతూ ప్రజల సమస్యలు ఓపికగా విని పరిష్కరించాలని సూచించారు. పోలీసు అధికారులు, సిబ్బందికి గ్రామాలపై అవగాహన ఉండాలన్నారు. ప్రజలతో మమేకమై వారితో స్నేహ సంబంధాలు మెరుగుపర్చుకోవాలన్నారు. విధుల్లో ఉత్తమ ప్రతిభ చూపిన వారికి ప్రతిఫలం దక్కుతుందని పేర్కొన్నారు.

ఆసిఫాబాద్‌అర్బన్‌: ఆదివాసీలు ఏకతాటిపైకి వచ్చి హక్కులు సాధించుకోవాలని బీజేపీ జిల్లా అధ్యక్షుడు ధోని శ్రీశైలం, ఆ పార్టీ సీనియర్‌ నాయకుడు అరిగెల నాగేశ్వర్‌రావు అన్నారు. కెరమెరి మండలం జోడేఘాట్‌లో నిర్వహించిన సమావేశాల్లో తుడుందెబ్బ రాష్ట్ర అధ్యక్షుడిగా ఎన్నికై న కోట్నాక విజయ్‌, వ్యవస్థాపక అధ్యక్షుడు బుర్స పోచయ్యను గురువారం జిల్లా కేంద్రంలో సన్మానించారు. కార్యక్రమంలో మండల అధ్యక్షుడు పెంటయ్య, నాయకులు ప్రసాద్‌గౌడ్‌, దీపక్‌, మాటూరి జయరాజ్‌, మురళీగౌడ్‌, శ్రీకాంత్‌, శంకర్‌, నగేశ్‌ తదితరులు పాల్గొన్నారు.

● కలెక్టర్‌ వెంకటేశ్‌ దోత్రేఆసిఫాబాద్‌: అర్హులందరికీ ప్రభుత్వ సంక్షేమ ఫలాలు అందేలా చర్యలు తీసుకుంటామని కలెక్టర్‌ వెంకటేశ్‌ దోత్రే అన్నారు. జిల్లా కేంద్రంలోని కలెక్టరేట్‌ చాంబర్‌లో బుధవారం ఎస్పీ డీవీ శ్రీనివాసరావు, అదనపు కలెక్టర్లు దీపక్‌ తివారి, ఎం.డేవిడ్‌తో కలిసి భూభారతి చట్టం అమలు, సన్నబియ్యం పంపిణీ, నకిలీ విత్తనాల అక్రమ రవాణాపై చర్యలు, ఇందిరమ్మ ఇళ్ల నిర్మాణాలు, అర్హుల జాబితా రూపకల్పన, వేసవిలో తాగునీటి సరఫరా అంశాలపై విలేకరులతో సమావేశం నిర్వహించారు. కలెక్టర్‌ మాట్లాడుతూ భూభారతి చట్టంలో రైతులకు మేలు కలిగే విధంగా అప్పీలు చేసుకునే అవకాశం కల్పించినట్లు తెలిపారు. విరాసత్‌, పాలు పంపకాలు, కొనుగోలు పట్టా మార్పిడిలో సంబంధీకులకు నోటీసులు జారీ చేసే అవకాశం ఉందన్నారు. భూభారతి చట్టంపై ఈ నెల 17 నుంచి 30 వరకు రైతులకు అవగాహన కల్పించనున్నట్లు తెలిపారు. జిల్లాలోని 314 పౌరసరఫరాల దుకాణాల ద్వారా ఇప్పటివరకు 90 శాతం సన్నబియ్యం పంపిణీ పూర్తయిందని వివరించారు. జిల్లాలో 80 శాతం పత్తి సాగవుతున్న నేపథ్యంలో నకిలీ విత్తనాలు విక్రయించకుండా విస్తృత స్థాయిలో తనిఖీలు చేపడతామని పేర్కొన్నారు. సరిహద్దు ప్రాంతాల్లో చెక్‌పోస్టులు ఏర్పాటు చేస్తామని పేర్కొన్నారు. మండలస్థాయిలో తహసీల్దార్‌, ఎస్సై, వ్యవసాయ శాఖ అధికారులతో టాస్క్‌ఫోర్స్‌ కమిటీ ఏర్పాటు చేశామని తెలిపారు. పైలట్‌ గ్రామాల్లో విడతల వారీగా బిల్లుల చెల్లింపులు జరుగుతాయన్నారు. మిగిలిన గ్రామాల్లో అర్హుల జాబితా రూపొందించేందుకు మండలస్థాయిలో గెజిటెడ్‌ స్థాయి అధికారులతో గడపగడపకూ సర్వే చేపట్టనున్నట్లు తెలిపారు. తాగునీటి సమస్య తలెత్తకుండా పైప్‌లైన్లకు మరమ్మతులు చేపట్టి మిషన్‌ భగీరథ పథకంలో నల్లా కనెక్షన్ల ద్వారా శుద్ధమైన తాగునీరు సరఫరా చేస్తున్నామని తెలిపారు. తాగునీటి సరఫరా చేయలేని ప్రాంతాలకు ట్యాంకర్ల ద్వారా నీటిని అందిస్తున్నామన్నారు. మిషన్‌ భగీరథ అధికారులతో ప్రతిరోజూ అదనపు కలెక్టర్‌ సమీక్షిస్తున్నారన్నారు. ఎస్పీ డీవీ శ్రీనివాసరావు మాట్లాడుతూ నకిలీ విత్తనాలు సరఫరా చేసే వారిపై పీడీ యాక్టు నమోదు చేస్తామన్నారు. విత్తన విక్రయదారులు నిబంధనల ప్రకారం ప్రభుత్వం గుర్తించిన విత్తనాలు మాత్రమే విక్రయించాలని ఆయన సూచించారు.

రెబ్బెన/బెల్లంపల్లి: బెల్లంపల్లి సింగరేణి ఏరియాలోని మాదారం టౌన్‌షిప్‌లో కార్మికులు, కార్మికేతర కుటుంబాలను జనవరి నుంచి నీటి కష్టాలు వెంటాడుతున్నాయి. తరచూ మోటర్లు కాలిపోతుండగా, మరమ్మతులకు గరిష్టంగా రెండు వారాలపైనే సమయం పడుతోంది. వేసవి కావడంతో నీటి కోసం కాలనీ ప్రజలు అల్లాడుతున్నారు. తాజాగా మంగళవారం రాత్రి మరోసారి మోటర్‌ చెడిపోవడంతో నీటి సరఫరా నిలిచిపోయింది. మాదారం కాలనీవాసులకు మహావీర్‌ఖని(ఎంవీకే) –1 ఇంకై ్లన్‌ సమీపంలో వేసిన బోర్‌లో మోటర్‌ బిగించి అంతర్గత పైపులైన్‌ ద్వారా తాగునీటిని అందిస్తున్నారు. అయితే అంతుచిక్కని కారణాలతో ఇక్కడ ఏర్పాటు చేసిన పంపు మోటరు తరచూ చెడిపోతోంది. నాలుగు నెలల్లో నాలుగుసార్లు మరమ్మతులకు గురైంది. గడిచిన నెలన్నర వ్యవధిలోనే రెండుసార్లు చెడిపోయిందని స్థానికులు తెలిపారు. సమస్య పరిష్కారం కోసం బెల్లంపల్లి ఎమ్మెల్యే గడ్డం వినోద్‌ ఆదేశాల మేరకు సింగరేణి జీఎం రెండు కొత్త పంపు మోటర్లను తెప్పించారు. 75 హెచ్‌పీ సామర్థ్యం కలిగిన మోటర్లు తీసుకురాగా, అవి బోర్‌ హోల్‌లో పట్టలేదు. కొత్తగా బోరులో పట్టే మోటర్లను తీసుకువచ్చి బిగించడం లేదా 75 హెచ్‌పీ సామర్థ్యం కలిగిన మోటర్లకు సరిపడేలా కొత్త బోరు హోల్‌ వేయడమో చేస్తేగానీ నీటి సమస్య తీరే అవకాశం కనిపించడం లేదు. రోడ్డుపై కాలనీవాసుల ఆందోళన తాగునీటి సమస్యను పరిష్కరించాలని డిమాండ్‌ చేస్తూ బుధవారం ఐఎన్‌టీయూసీ ఆధ్వర్యంలో మా దారంటౌన్‌ షిప్‌ కార్మిక కుటుంబాల మహిళలు ఖాళీ బిందెలతో రోడ్డెక్కారు. కైరిగూడ ఆర్చీ వద్ద సింగరేణి రోడ్డుపై బైఠాయించి నిరసన తెలిపారు. ఐఎన్‌టీయూసీ ఏరియా ఉపాధ్యక్షుడు శ్రీనివాస్‌ మాట్లాడుతూ మాదారం టౌన్‌షిప్‌లో నెలలో పది నుంచి పద్నాలుగు రోజులపాటు నీటి సరాఫరా లేకపోతే కార్మిక కుటుంబాలు ఎలా బతకాలని ప్రశ్నించారు. నీటి సరాఫరా నిలిచిపోయినా అధికారులు పట్టించుకోవడం లేదని ఆరోపించారు. ట్యాంకర్ల ద్వారా నీటి సరాఫరా చేస్తూ చేతులు దులుపుకొంటున్నారన్నారు. సమస్యకు శాశ్వత పరిష్కారం చూపకపోతే జీఎం కార్యాలయం ఎదుట బైఠాయిస్తామని హెచ్చరించారు. విషయం తెలుసుకున్న ఎస్వోటూజీఎం రాజమల్లు సంఘటన స్థలానికి వెళ్లి ఐఎన్‌టీయూసీ, కార్మిక కుటుంబాలతో మాట్లాడారు. రెండు రోజుల్లో పంపులకు మరమ్మతులు చేయించి నీటి సరఫరాను పునరుద్ధరిస్తామని, అప్పటివరకు ట్యాంకర్ల ద్వారా నీటిని అందిస్తామని హామీ ఇవ్వడంతో ఆందోళన విరమించారు. కార్మిక కుటుంబాలకు మద్దతుగా ఏఐటీయూసీ నాయకులు ధర్నాలో పాల్గొన్నారు. సెంట్రల్‌ కమిటీ నాయకులు ప్రకాశ్‌రావు, రామారావు, ఏరియా కార్యదర్శి చంద్రకుమార్‌, ఏఐటీయూసీ బ్రాంచి కార్యదర్శి తిరుపతి, ఉపాధ్యక్షుడు బయ్య మొగిళి, కార్మికులు అనిల్‌, పోశం, శంకర్‌, రఘునాథరెడ్డి, రమేశ్‌, సత్యనారాయణ, మధు తదితరులు పాల్గొన్నారు. నాలుగు నెలలుగా తరచూ కాలిపోతున్న వైనం మాదారం టౌన్‌షిప్‌ కాలనీవాసులకు తప్పని నీటి కష్టాలు సమస్య పరిష్కరించాలని రోడ్డుపై బైఠాయింపు

ఆసిఫాబాద్‌అర్బన్‌: ఆసిఫాబాద్‌ మండలం గో వింద్‌పూర్‌ శివారుల్లోని సర్వే నం.83లోని కేశవనాథ స్వామి ఆలయ భూముల్లో అదే గ్రామానికి చెందిన కొందరు అక్రమ నిర్మాణాలు చేపడుతుండడంతో బుధవారం దేవాదాయ శాఖ అధికారులు, ఆలయ కమిటీ ప్రతినిధులు అడ్డుకున్నారు. ఇటీవల ఆలయ భూములకు వేలం నిర్వహించేందుకు తేదీని ప్రకటించారు. గోవింద్‌పూర్‌లో వేలానికి సంబంధించిన పోస్టర్‌ అంటించేందుకు దేవాదాయ శాఖ కార్యనిర్వాహణ అధికారి వేణుగోపాల్‌ గుప్తా, బాపిరెడ్డి, ఎండోమెంట్‌ ఇన్‌స్పెక్టర్‌ రవికిషన్‌, అటెండర్‌ రాజేశ్వర్‌, అలయ అర్చకుడు నరేశ్‌శర్మ, కమిటీ సభ్యులు మనోజ్‌కుమార్‌, సుగుణాకర్‌ వెళ్లారు. ఆల యం భూముల్లో ఇందిరమ్మ ఇళ్లు నిర్మిస్తున్న వారిని ప్రశ్నించడంతో వాగ్వాదం జరిగింది. నిర్మాణాలను తొలగించకుంటే చర్యలు తీసుకుంటామన్నారు. కలెక్టర్‌, ఉన్నతాధికారుల దృష్టికి తీసుకెళ్తామని తెలిపారు.

నిఘా పెంచాంట్రాన్స్‌పోర్ట్‌ కార్యాలయాలపై నిఘా పెంచాం. ఎస్పీ ఆదేశాల మేరకు నకిలీ పత్తి విత్తనాల సరఫరాపై ప్రధానంగా దృష్టి సారించాం. వీటితోపాటు అనుమతులు లేని నకిలీ వ్యవసాయ మందులు, ఉత్పత్తులు, గ్లైఫోసెట్‌ రౌండప్‌ మందులపైనా నిఘా ఉంటుంది. ఎవరైనా అక్రమంగా రవాణా చేయడానికి ప్రయత్నిస్తే కఠిన చర్యలు తీసుకుంటాం. కేసులు నమోదు చేస్తాం. – రాణాప్రతాప్‌, టాస్క్‌ఫోర్స్‌ సీఐ, కాగజ్‌నగర్‌ చింతలమానెపల్లి(సిర్పూర్‌): వివిధ ప్రాంతాల నుంచి వస్తువులు తరలించడానికి జిల్లాలో ట్రాన్స్‌పోర్టు కంపెనీలు తమ కార్యాలయాలు ఏర్పాటు చేశాయి. వీటి ద్వారా పట్టణాలు, గ్రామీణ ప్రాంతాలకు ని త్యం భారీఎత్తున సరుకులు చేరవేస్తున్నారు. కాగజ్‌నగర్‌ పట్టణంలో సుమారు 15 ప్రైవేట్‌ ట్రాన్స్‌పోర్ట్‌ కార్యాలయాలు, ఆసిఫాబాద్‌లో మరో 15 ట్రాన్స్‌పోర్ట్‌ కార్యాలయాలు ఉన్నాయి. ఇవే కాకుండా స్థానిక ట్రాన్స్‌పోర్ట్‌లు కూడా ఉన్నాయి. సులువుగా సరుకు రవాణా వస్తువులు, అనుమతి ఉన్న, ప్రజా అవసరాల సరుకులు రవాణా చేయడానికి ట్రాన్స్‌పోర్ట్‌ కార్యాలయాలు ఉపయోగపడుతున్నాయి. అలాగే అక్రమ వస్తువులు, అనుమతి లేని, నిషేధం ఉన్న వస్తువులు, సరుకులు కూడా గుట్టుచప్పుడు కాకుండా రవాణా చేస్తున్నారనే ఆరోపణలు ఉన్నాయి. ట్రాన్స్‌పోర్ట్‌ వాహనాలు, ట్రాన్స్‌పోర్ట్‌ కార్యాలయాల ద్వారా నిత్యం గ్రామీణ ప్రాంతాలకు సరుకు ర వాణా జరుగుతోంది. వీటిని అనుకూలంగా మా ర్చుకున్న వ్యాపారులు తమకు కావాల్సిన సరుకును తరలించేందుకు ట్రాన్స్‌పోర్టులను వినియోగించుకుంటున్నారు. ముఖ్యంగా ఏటా జిల్లాలోకి వర్షాకా లం సీజన్‌కు ముందే జనవరి, ఫిబ్రవరి నుంచి జిల్లాలోకి నకిలీ పత్తి విత్తనాలు డంప్‌ చేసి రహస్య ప్రాంతాల్లో నిల్వ చేస్తున్నారు. ఆంధ్రప్రదేశ్‌, మహారా ష్ట్రకు చెందిన వ్యాపారులు ఈ ట్రాన్స్‌పోర్టులను విని యోగించుకుంటున్నారనే ఆరోపణలు ఉన్నాయి. నిఘా కరువు ట్రాన్స్‌పోర్ట్‌ కంపెనీల వాహనాల ద్వారా తరలించే వస్తువులు, కార్యాలయాలపై నిఘా తక్కువగా ఉంటోంది. కార్యాలయాల నిర్వహణ, వాహనాల్లో స రుకు రవాణాకు ట్రాన్స్‌పోర్ట్‌ కంపెనీలు ప్రభుత్వం నుంచి అనుమతులు తీసుకుంటాయి. కానీ నిత్యం భారీ సంఖ్యలో తరలించే వస్తువులపై నిఘా ఏర్పా టు చేయడం ఆయా శాఖలకు తలకు మించిన భా రంగా మారింది. పోలీస్‌, విజిలెన్స్‌, ఎకై ్సజ్‌ శాఖలు మాత్రమే అడపాదడపా తనిఖీ చేపడుతున్నాయి. పూర్తిస్థాయి ప్యాకింగ్‌తో వచ్చే పార్సిళ్లను పరిశీలించడం సిబ్బందికి కష్టమవుతోంది. ఇది అక్రమంగా వస్తువులను తరలించి సొమ్ము చేసుకునే వారికి వరంగా మారుతోంది. నకిలీ విత్తనాలు, నిషేధిత మందులు, ట్యాక్స్‌లు చెల్లించని వస్తువులు ట్రాన్స్‌పోర్ట్‌ కంపెనీల ద్వారా తరలిస్తున్నారు. తద్వారా భారీగా ఆదాయం గడిస్తున్నారు. మరోవైపు మార్కెట్‌లో నిషేధిత వస్తువులు, నాణ్యత లేని సరుకు వినియోగిస్తూ సాధారణ ప్రజలు నష్టపోతున్నారు. కల్తీ వస్తువులు మార్కెట్లను ముంచెత్తుతున్నాయి. అవగాహన లేకపోవడంతో జిల్లాలోని గిరిజన ప్రజలు సులువుగా మోసపోతున్నారు. పోలీసుశాఖ దృష్టి వర్షాకాలం సీజన్‌కు ముందే ఇటీవల భారీగా నకిలీ విత్తనాలు సరఫరా కావడం కలకలం సృష్టిస్తోంది. ఈ నేపథ్యంలో విశ్వసనీయ సమాచారంతో ట్రాన్స్‌పోర్ట్‌ కార్యాలయంలోనూ నిషేధిత విత్తనాలు పట్టుబడడంతో పోలీసుశాఖ అప్రమత్తమైంది. ట్రాన్స్‌పోర్ట్‌ కంపెనీల కార్యకలాపాలపై దృష్టి సారించింది. కాగజ్‌నగర్‌, ఆసిఫాబాద్‌ పట్టణాల్లో వ్యవసాయ, పోలీసు శాఖల అధికారులు ఇటీవల తనిఖీ లు చేపట్టారు. ప్రధానంగా నకిలీ విత్తనాలు జిల్లాలోని మార్కెట్లను ముంచెత్తే అవకాశం ఉన్నందున ప్రత్యేకంగా దృష్టి సారించాలని ఎస్పీ శ్రీనివాసరావు ఆదేశించారు. చెక్‌పోస్టులను బలోపేతం చేయడంతోపాటు ట్రాన్స్‌పోర్టు కంపెనీలపై నిఘా ఉంచితే నిషేధిత విత్తనాలు, పురుగు మందులు, ట్యాక్స్‌ లేని వస్తువులు, సరుకుల దిగుమతిని పకడ్బందీగా అడ్డుకోవచ్చు.కాగజ్‌నగర్‌లోని ఓ ట్రాన్స్‌పోర్ట్‌ కంపెనీ ద్వారా నకిలీ విత్తనాలు సరఫరా అవుతున్నాయనే సమాచారంతో టాస్క్‌ఫోర్స్‌ అధికారులు ఈ నెల 9న తనిఖీలు నిర్వహించారు. ఈ తనిఖీల్లో 45 కిలోల నకిలీ పత్తి విత్తనాలు పట్టుబడ్డాయి. బెజ్జూర్‌ మండలానికి చెందిన ఓ వ్యక్తి పేరు మీద విత్తనాల సంచి వచ్చినట్లు గుర్తించారు. పట్టుబడిన విత్తనాల విలువ రూ.1,57,500 ఉంటుందని అధికారులు తెలిపారు... ఇలా పలు ట్రాన్స్‌పోర్టుల ద్వారా జిల్లాలోకి అక్రమంగా నకిలీ విత్తనాలు, ట్యాక్స్‌ లేని వస్తువులు సరఫరా అవుతున్నాయనే ఆరోపణలు ఉన్నాయి.

● జిల్లాలో పోలీసుశాఖ ఆధ్వర్యంలో ప్రత్యేక కార్యక్రమాలు ● మత్తు పదార్థాల వినియోగం అరికట్టడమే లక్ష్యం ● గ్రామీణ ప్రాంతాల్లో ఆటల పోటీలు నిర్వహణ, కిట్లు అందజేతబెట్టింగ్‌కు దూరంగా..ఇటీవల పోలీస్‌శాఖ ఆధ్వర్యంలో కౌటాలలో జిల్లాస్థాయి వాలీ బాల్‌ పోటీలు నిర్వహించారు. యువత పోటీల్లో పాల్గొనడంతో బెట్టింగ్‌కు దూరంగా ఉన్నారు. బెట్టింగ్‌, చెడువ్యసనాల బారిన పడితే కలిగే నష్టాల ను వివరించారు. ప్రతీసారి సెలవుల్లో పోటీలు నిర్వహించి యువతను ప్రోత్సహించాలి. – రవి, మురళీగూడ, మం.పెంచికల్‌పేట్‌ సేవా కార్యక్రమాలు చేపడుతున్నాంనేను విధుల్లో చేరిన మొదట్లో కాగజ్‌నగర్‌లో భర్త తాగుడుకు బానిస కావడంతో ముగ్గురు కుమార్తెలతో కలిసి తల్లి పురుగుల మందు తాగి ఆత్మహత్యకు పాల్పడిన ఘటన నన్ను తీవ్రంగా కలిచివేసింది. ప్రజలు మద్యానికి బానిసై క్షణికావేశంలో ప్రాణాలు తీసుకుంటున్నారు. యువత గంజాయి, గుట్కాలను వినియోగించి అనారోగ్యం బారిన పడుతున్నారు. భద్రత కల్పించడంతో పాటు సేవా కార్యక్రమాలు చేపడుతున్నాం. క్రీడలను ప్రోత్సహించాలన్న ఉద్దేశంతో పోటీలు నిర్వహిస్తున్నాం. – డీవీ శ్రీనివాసరావు, ఎస్పీ కౌటాల(సిర్పూర్‌): శాంతి భద్రతలు పరిరక్షించడంలో పోలీసుల పాత్ర కీలకం.. వారికి బాధ్యతలు, ఒత్తిళ్లు ఎక్కువే.. అడవుల జిల్లాగా పేరుగాంచిన ఈ ప్రాంతాన్ని గంజాయి, గుట్కా, గుడుంబా ఇతర వ్యసనాలు పట్టి పీడిస్తున్నాయి. జిల్లావ్యాప్తంగా గ్రామీణ ప్రాంతాల్లోని యువత, ప్రజలు బానిసలుగా మారుతున్నారు. ఈ క్రమంలో పోలీసుశాఖ ‘పోలీసులు మీ కోసం’ కార్యక్రమంలో భాగంగా గ్రామీణ ప్రాంతాల్లో సేవా కార్యక్రమాలు చేపడుతున్నారు. ప్రజలతో మమేకమవుతూనే.. అక్ర మాలు, మత్తు పదార్థాలపై అవగాహన కల్పిస్తున్నారు. ప్రత్యేక చొరవ.. జిల్లా పోలీస్‌ శాఖ ఆధ్వర్యంలో గంజాయి, గుండుబా, గుట్కా, మట్కా, బెట్టింగ్‌ కట్టడికి ప్రత్యేక చొరవ తీసుకుంటున్నారు. వాటి వినియోగంతో కలిగే అనర్థాలను తెలియజేసేందుకు నేరుగా ప్రజల మధ్యకు వెళ్తున్నారు. మారుమూల గ్రామాల్లో పర్యటించి ప్రజల అవసరాలు, వారి జీవన విధానం తెలుసుకుంటున్నారు. సమస్యలను ధైర్యంగా ఎదుర్కోవాలని, ఆత్మహత్యలు సమస్యలకు పరిష్కార మార్గం కాదంటూ.. ప్రజలను చైతన్యపరిచే ప్రయత్నం చేస్తున్నారు. ఏ సమస్య వచ్చినా.. వాటి పరిష్కారంలో యువత కీలక భూమిక పోషిస్తుంది. అసాంఘిక కార్యకలాపాలకు పాల్పడకుండా చదువుపై దృష్టి సారించడంతోపాటు యువత చెడుమార్గంలో వెళ్తే జరిగే అనర్థాలను వివరిస్తున్నారు. గ్రామాలను ఆదర్శవంతంగా తీర్చిదిద్దేందుకు యువత భాగస్వాములు కావాలని పిలుపునిస్తున్నారు. మత్తు వదిలేలా.. ప్రజలతో ఎస్పీ శ్రీనివాసరావు మమేకం కావడమే కాకుండా జిల్లాలో పోలీసు యంత్రాంగాన్ని అప్రమత్తం చేశారు. అన్ని మండలాల్లో పోలీసులు– మీ కోసం కార్యక్రమాలను నిర్వహిస్తున్నారు. ఏజెన్సీ ప్రాంతాలు, మహారాష్ట్ర సరిహద్దు గ్రామాల్లో గుడుంబా, గుట్కా నియంత్రణపై ఉక్కుపాదం మోపుతున్నారు. జిల్లాలో నేరాలు అరికట్టేందుకు ప్రధాన కూడళ్లు, కాలనీల్లో ఏర్పాటు చేసిన సీసీ కెమెరాలు కేసులను పరిష్కరించడంలో దోహదపడుతున్నాయి. సీసీ కెమెరాల సాయంతో గతేడాదితో తొమ్మిది కేసులు పరిష్కారమయ్యాయి. గతేడాది వివిధ కార్యక్రమాల్లో భాగంగా 746 సీసీ కెమెరాలు ఏర్పాటు చేశారు. ఆసిఫాబాద్‌, కాగజ్‌నగర్‌ పోలీస్‌ సబ్‌ డివిజన్లలోని పోలీస్‌ స్టేషన్ల పరిధిలో కొన్ని నెలలుగా కాలనీలు, బస్తీల్లో బ్లూకోల్ట్స్‌ తదితర సిబ్బంది పెట్రోలింగ్‌ ముమ్మరం చేశారు. దొంగతనాలకు అడ్డుకట్ట వేస్తున్నారు. సేవా కార్యక్రమాలు సైతం.. పోలీసులు మీకోసం కార్యక్రమాల్లో భాగంగా ప్రజలకు సైబర్‌ సెక్యూరిటీ, రోడ్‌ సేఫ్టీ, గుడ్‌ టచ్‌– బ్యాడ్‌ టచ్‌, గంజాయి, ఆన్‌లైన్‌ మోసాలు, గుట్కా, మట్కా, జూదం, మహిళల భద్రత కమ్యూనిటీ పోలీసింగ్‌పై అవగాహన కార్యక్రమాలు నిర్వహిస్తున్నారు. మహిళ భద్రత కోసం షీటీంలు ఏర్పాటు చేసి చట్టాలపై అవగాహన కల్పిస్తున్నారు. ఇటీవల బెజ్జూర్‌ మండలం నాగవల్లిలో పేదలకు నిత్యావసర సరుకులు, దుప్పట్లు, యువతకు వాలీబాల్‌, క్రికెట్‌ కిట్లు ఇచ్చారు. వైద్యశిబిరం నిర్వహించి మందులు పంపిణీ చేశారు. జైనూర్‌లో ఆదివాసీ మహిళలకు 35 కుట్టు మిషన్లు అందించారు. రెబ్బెన మండలం గోండుగూడ, కాగజ్‌నగర్‌ డివిజన్‌లోని కనికి, తుమ్మిడిహెట్టి, తాటిపల్లి, సిర్పూర్‌(యూ) మండలం పవర్‌గూడ గ్రామాల్లోని ప్రజలకు దుప్పట్లు పంపిణీ చేశారు. గత నెల 12న జైనూర్‌లో ఉచిత వైద్యశిబిరం నిర్వహించారు. మార్చి 5న సిర్పూర్‌–యూ మండలం దుద్దేకాస గ్రామంలో సరుకులు, పండ్లు పంపిణీ చేశారు. మార్చి 2న ఏఎస్పీ చిత్తరంజన్‌ తిర్యాణి మండలం గోవెన, కుర్సిగూడ, నాయకపుగూడ గ్రామాలకు కాలినడకన దాదాపు 20 కి.మీ. దూరం వెళ్లి ఆదివాసీల సమస్యలు తెలుసుకున్నారు. యువతకు వాలీబాల్‌ కిట్లు, స్పోర్ట్‌ టీషర్టులు పంపిణీ చేశారు. మార్చి 24న కౌటాల పోలీస్‌ స్టేషన్‌లో మూడు రోజులపాటు నిర్వహించిన పోటీల్లో గెలుపొందిన జట్లకు నగదుతోపాటు బహుమతులు అందించారు. బోదంపల్లిలో నిరుపేద మహిళకు పోలీసులు నిర్మించిన ఇంటిని ప్రారంభించారు. తుమ్మిడిహెట్టి గ్రామంలో దుప్పట్లు, వైద్యశిబిరం నిర్వహించారు.

● ఉమ్మడి జిల్లాలో ఆరుగురికి అవకాశం ● ఆసిఫాబాద్‌ నుంచి ఆదిలాబాద్‌కు నలుగురు, మంచిర్యాలకు ఇద్దరు.. ఆదిలాబాద్‌టౌన్‌: స్పౌజ్‌ బదిలీలకు ప్రభుత్వం మరోసారి గ్రీన్‌ సిగ్నల్‌ ఇచ్చింది. ఇటీవల 38 మంది స్పౌజ్‌ ఉపాధ్యాయులు (భార్య, భర్త) ఇతర జిల్లాల నుంచి ఆదిలాబాద్‌ జిల్లాకు వ చ్చిన విషయం తెలిసిందే. తాజాగా పాఠశాల విద్యాశాఖ డైరెక్టర్‌ స్పౌజ్‌ బదిలీలకు సంబంధించి బుధవారం ఉత్తర్వులు జారీ చేశారు. ఉమ్మడి జిల్లాలో ఆరుగురు సొంత జిల్లాలకు బదిలీపై వెళ్లనున్నారు. కుమురంభీం ఆసిఫాబాద్‌ నుంచి ఆదిలాబాద్‌కు నలుగురు స్కూల్‌ అసిస్టెంట్లు (తెలుగు) బదిలీపై రానుండగా, ఆసిఫాబాద్‌ నుంచి మంచిర్యాలకు ఇద్దరు సాంఘిక శాస్త్రం ఎస్‌ఏలు బదిలీపై వెళ్లనున్నారు. 317 ద్వారా నష్టపోయిన ఉపాధ్యాయులకు ప్రభుత్వం ఊరట కల్పించింది. 23న రిలీవ్‌.. సంబంధిత జిల్లాలో పనిచేస్తున్న ఉపాధ్యాయులు ఈనెల 22న రిలీవ్‌ అయి వారికి కేటాయించిన జిల్లాలో 23న విధుల్లో చేరాలని విద్యాశాఖ డైరెక్టర్‌ ఉత్తర్వుల్లో పేర్కొన్నారు. అలాగే ఇటీవల మ్యూచువల్‌ బదిలీలకు సంబంధించి ఉత్తర్వులు జారీ అయిన విషయం తెలిసిందే. ఆదిలాబాద్‌ జిల్లాకు 24 మంది మ్యూచువల్‌ బదిలీపై రానుండగా, అదే సంఖ్యలో ఇతర జిల్లాలకు ఇక్కడి నుంచి వెళ్లనున్నారు. మంచిర్యాల నుంచి ఓ సీనియర్‌ అసిస్టెంట్‌ డీఈవో కార్యాలయానికి రానుండగా, ఇక్కడి నుంచి ఒకరు మంచిర్యాలకు వెళ్లనున్నారు.

కాగజ్‌నగర్‌రూరల్‌: రాష్ట్రంలో మహిళలకు రక్షణ కరువైందని, కాంగ్రెస్‌ ప్రభుత్వం వచ్చిన తర్వాత అఘాయిత్యాలు పెరిగాయని బీఆర్‌ఎస్‌ నేత ఆర్‌ఎస్‌ ప్రవీణ్‌కుమార్‌ ఆరోపించారు. నల్గొండ జిల్లాకు చెందిన మల్లీశ్వరికి నివాళిగా బుధవారం పట్టణంలోని రాజీవ్‌గాంధీ చౌరస్తా వద్ద కొవ్వొత్తులతో ర్యాలీ నిర్వహించారు. ఏడేళ్లు సహజీవనం చేసిన తర్వాత మల్లీశ్వరిని యువకుడు మోసం చేసి వేరే అమ్మాయిని వివాహం చేసుకున్నాడని, బాధితురాలు మనస్తాపంతో ఆత్మహత్య చేసుకుందన్నారు. ఆత్మహత్మకు కారణమైన నిందితులను ఇప్పటికీ అరెస్టు చేయకపోవడం దారుణమన్నారు. మహిళలకు రక్షణ కల్పించలేని సీఎం రేవంత్‌రెడ్డి రాజీనామా చేయాలని డిమాండ్‌ చేశారు. కార్యక్రమంలో నాయకులు వరలక్ష్మి, రమాదేవి, లావణ్య, కమల, బీనా మండల్‌, రింకు మండల్‌ తదితరులు పాల్గొన్నారు.

● నందిగ్రామ్‌ ఎక్స్‌ప్రెస్‌ రైలు కాజీపేట జంక్షన్‌ వరకు పొడగిస్తే మేలు ● ఉత్తర తెలంగాణ జిల్లాల ప్రయాణికులకు రవాణా సౌకర్యం ● ఎంపీలు స్పందించాలని రైల్వే ప్రయాణికుల విజ్ఞప్తి బెల్లంపల్లి: ముంబయి ఛత్రపతి శివాజీ టెర్మినల్‌ నుంచి బల్లార్షా వరకు నందిగ్రామ్‌ ఎక్స్‌ప్రెస్‌ రైలు(నం.11001/2) వయా నాందేడ్‌, ఆదిలాబాద్‌ మీదుగా నిత్యం రాకపోకలు సాగిస్తోంది. ప్రస్తుతం ఈ రైలును వరంగల్‌ జిల్లా కాజీపేట జంక్షన్‌ వరకు పొడగించాలనే డిమాండ్‌ కొంతకాలంగా వినిపిస్తోంది. ఉత్తర తెలంగాణ ప్రజలు మహారాష్ట్ర రాజ ధాని ముంబయి వెళ్లడానికి సరైన రైలు ప్రయాణ సౌకర్యం లేకుండా పోయింది. కాజీపేట, హైదరా బాద్‌ వెళ్తే గానీ ముంబయికి వెళ్లే పరిస్థితులు లేవు. ప్రస్తుతం ముంబయి నుంచి బల్లార్షా జంక్షన్‌ వరకు నందిగ్రామ్‌ ఎక్స్‌ప్రెస్‌ నడుస్తోంది. ఆ రైలును కాజీపేట జంక్షన్‌ వరకు పొడగించడం వల్ల రైల్వేపై ఏ మాత్రం భారం పడకపోగా ఉత్తర తెలంగాణ జిల్లాల పరిధిలోని ప్రయాణికులకు ఎంతగానో మేలు జరిగి రవాణా సౌకర్యం మెరుగవుతుంది. సమయం సద్వినియోగం చేసుకుంటే.. ముంబయి ఛత్రపతి శివాజీ టెర్మినల్‌ నుంచి బయల్దేరిన నందిగ్రామ్‌ ఎక్స్‌ప్రెస్‌ రైలు వయా నాందేడ్‌, ఆదిలాబాద్‌ మీదుగా బల్లార్షా జంక్షన్‌కు చేరుకుంటుంది. ఆ తర్వాత అక్కడే దాదాపు 20గంటలపాటు ఖాళీగా ఉంటుంది. ఆ ఖాళీ సమయాన్ని సద్వినియోగం చేసుకోవడానికి కాజీపేట జంక్షన్‌ వరకు పొడగిస్తే కాజీపేట–బల్లార్షా సెక్షన్‌ పరిధిలో ఉన్న సిర్పూర్‌ కాగజ్‌నగర్‌, బెల్లంపల్లి, మంచిర్యాల, రామగుండం, పెద్దపల్లి, జమ్మికుంట తదితర ప్రాంతాల ప్రయాణికులకు ఉపయుక్తంగా ఉండడంతోపాటు రైల్వేకు ఆదాయం వచ్చే అవకాశాలు ఉన్నాయి. ప్రస్తుతం ఆయా ప్రాంతాల ప్రజలకు ముంబయి వెళ్లడానికి ఒక్క రైలు సౌకర్యం కూడా లేదు. దీంతో ముంబయి వెళ్లాల్సిన ప్రయాణికులు కాజీపేట జంక్షన్‌కు వెళ్లి కోణార్క్‌ ఎక్స్‌ప్రెస్‌ లేదా విశాఖ నుంచి ఎల్‌టీటీ ద్వారా వెళ్లాల్సి వస్తోంది. అదీ సాధ్యం కాకపోతే నిజామాబాద్‌ జంక్షన్‌కు వెళ్లి దేవగిరి ఎక్స్‌ప్రెస్‌లో ముంబయి వెళ్లాల్సిన ప్రతికూల పరిస్థితులు ఉంటున్నాయి. నందిగ్రామ్‌ ఎక్స్‌ప్రెస్‌ను కాజీపేట జంక్షన్‌ వరకు పొడగించిన తర్వాత కూడా మరో 11గంటలపాటు రైలు ఖాళీగా ఉండే అవకాశాలు ఉండనున్నాయి. అక్కడ ప్రాథమిక నిర్వహణకు అవకాశం ఉంటుంది. ప్రసుత్తం కాజీపేటలో రెండు ఫిట్‌లైన్లు అందుబాటులో ఉండడం కలిసొచ్చే అంశంగా చెప్పవచ్చు. కాగా, ఆదిలాబాద్‌ జిల్లా ప్రయాణికులకు వరంగల్‌ జిల్లా మరింత చేరువవుతుంది. ఎంపీలు స్పందిస్తే ఎంతోమేలు నందిగ్రామ్‌ ఎక్స్‌ప్రెస్‌ రైలు పొడగింపు కోసం ఉత్తర తెలంగాణ ప్రాంతం నుంచి ఎన్నికై న ఎంపీలు స్పందించాల్సిన అవసరం ఎంతగానో ఉంది. బల్లార్షా జంక్షన్‌ నుంచి కాజీపేట జంక్షన్‌ వరకు పొడగించే ప్రయత్నాలు చేయాలి. దీంతోపాటు పెద్దపల్లి నుంచి నిజామాబాద్‌ రైల్వే మార్గంలో వారానికి మూడు రోజులు ముంబయికి రైలు నడపడంతోపాటు బల్లార్షా–వార్ధా మార్గంలో నూతన వీక్లీ సర్వీసు ప్రవేశ పెడితే ఉత్తర తెలంగాణ ప్రయాణికులకు ముంబయి వెళ్లడానికి సౌకర్యంగా ఉంటుంది. ఈ ప్రాంత ఎంపీలు చిత్తశుద్ధితో కృషి చేయాలని రైలు ప్రయాణికులు కోరుతున్నారు. రద్దు చేసిన రైళ్లను పునరుద్ధరించాలి కరోనా కంటే ముందు నడిపించిన ఆనంద్‌ వన్‌(రైలు నెం.22127/28) సూపర్‌ఫాస్ట్‌ ఎక్స్‌ప్రెస్‌ రైలును అర్ధంతరంగా రద్దు చేశా రు. ఏళ్లు గడుస్తున్నా ఇంతవరకు పునః ప్రా రంభించలేదు. ఈ రైలు కాజీపేట జంక్షన్‌ నుంచి బయల్దేరి లోక్‌మాన్య తిలక్‌ టెర్మినల్‌ వయా బల్లార్షా, వార్ధా, అమరావతి, అకో లా భూసావల్‌, మన్మాడ్‌ మీదుగా ముంబ యి వెళ్లేది. ఈ రైలు వల్ల ప్రయాణ సమ యం తక్కువగా ఉండి ప్రయాణికులకు సౌ కర్యవంతంగా ఉండేది. కానీ ఈ రైలు నిలిపివేయడం వల్ల ముంబయి వెళ్లే ఉత్తర తెలంగాణ ప్రయాణికులకు కష్టాలు పెరిగాయి.

కెరమెరి(ఆసిఫాబాద్‌): జిల్లాలోని ప్రాథమిక ఆరోగ్య కేంద్రాల్లో వైద్యులు, సిబ్బంది సమయపాలన పాటించడం లేదని, వారిపై తక్షణ మే చర్యలు తీసుకోవాలని మానవ హక్కుల కమిటీ జిల్లా చైర్మన్‌ రాథోడ్‌ రమేశ్‌ కోరారు. ఈ మేరకు జిల్లా కేంద్రంలో మంగళవారం డీఎంహెచ్‌వో సీతారాంను కలిసి వినతిపత్రం అందించారు. ఆయన మాట్లాడుతూ పేదల కు ఉచిత వైద్యం అందించాలనే ఉద్దేశంతో ప్ర భుత్వం ఆస్పత్రులు ఏర్పాటు చేసినా సిబ్బంది, డాక్టర్లు నిర్లక్ష్యం వహిస్తున్నారని ఆరోపించారు. ఇటీవల కెరమెరి పీహెచ్‌సీకి వైద్యం కో సం వెళ్తే.. అక్కడ ఎవరూ లేని పేర్కొన్నారు. ఆయన వెంట నాయకులు నైతం మోహన్‌, నైతం భానుచందర్‌, చౌరే మహేశ్‌ ఉన్నారు.

ఆసిఫాబాద్‌అర్బన్‌: కేంద్ర ప్రభుత్వం అనుసరిస్తున్న కార్మిక, కర్షక వ్యతిరేక విధానాలకు నిరసనగా మే 20న దేశవ్యాప్త సమ్మె చేపట్టినట్లు ఏఐటీయూసీ జిల్లా ప్రధాన కార్యదర్శి ఉపేందర్‌, సీఐటీయూ జిల్లా ప్రధాన కార్యదర్శి శ్రీనివాస్‌, ఐఎన్‌టీయూసీ జిల్లా అధ్యక్షుడు లోకేశ్‌, టీయూసీఐ జిల్లా కార్యదర్శి తిరుపతి తెలిపారు. జిల్లా కేంద్రంలోని ఎస్‌టీయూ భవనంలో ఏఐటీయూసీ జిల్లా అధ్యక్షుడు దివాకర్‌ అధ్యక్షతన మంగళవారం ఏర్పాటు చేసిన సమావేశంలో మాట్లాడారు. కేంద్రం ప్రభుత్వం నాలుగు లే బర్‌ కోడ్‌లు వెంటనే రద్దు చేసి, కార్మికులు పోరాట లతో సాధించుకున్న 44 కార్మిక చట్టాలను యథా విధిగా అమలు చేయాలని డిమాండ్‌ చేశారు. రైతు వ్యతిరేక చట్టాలను సైతం రద్దు చేయాలన్నారు. కేంద్ర ప్రభుత్వం తీరు మార్చుకోకపోతే దేశవ్యాప్తంగా ఆందోళన కార్యక్రమాలు చేపడతామని హెచ్చరించారు. ఈ కార్యక్రమంలో ఏఐటీయూసీ జిల్లా ఉపాధ్యక్షుడు శంకర్‌, ఆర్టీసీ రిటైర్డ్‌ కార్మిక సంఘం జిల్లా అ ధ్యక్షుడు మల్లేశం, నాయకులు శంకర్‌ తదితరులు పాల్గొన్నారు.

● ఈ నెల 14 వరకు 28,116 దరఖాస్తులుకార్పొరేషన్ల వారీగా దరఖాస్తులుఆసిఫాబాద్‌అర్బన్‌: నిరుద్యోగ యువతకు స్వయం ఉపాధికోసం రుణాలు అందించేందుకు రాష్ట్ర ప్రభుత్వం ప్రతిష్టాత్మకంగా అమలు చేస్తున్న రాజీవ్‌ యువ వికాసం పథకానికి జిల్లాలో స్పందన వచ్చింది. నిరుద్యోగులు భారీగా దరఖాస్తు చేసుకున్నారు. పలుమార్లు సర్వర్‌ సమస్యలు తలెత్తినా ప్రజాపాలన కేంద్రాలు, మీసేవ కేంద్రాల వద్ద క్యూలైన్లు కట్టారు. రాష్ట్ర ప్రభుత్వం రాజీవ్‌ యువ వికాసం పథకం ద్వారా ఎస్సీ, ఎస్టీ, బీసీ, మైనార్టీ వర్గాలకు చెందిన నిరుద్యోగలకు సబ్సిడీపై రుణాలు అందించనుంది. మొదట ఈ నెల 5 వరకు గడువు నిర్ణయించారు. అయితే సర్వర్‌ సమస్యలు, దరఖాస్తుదారులు కుల, ఆదాయ ఇతర ధ్రువీకరణ పత్రాలు పొందడంలో తీవ్ర జాప్యం జరగడం.. అలాగేఏ యూనిట్‌కు అప్లై చేసుకుంటే ఎంత మొత్తం రుణం మంజూరు చేస్తారో నిర్ణయం కాకపోవడంతో చాలామంది దరఖాస్తు చేసుకునేందుకు వెనుకడుగు వేశారు. ఆ తర్వాత ప్రభుత్వం గడువును ఈ నెల 14 వరకు పొడిగించింది. ఇప్పటివరకు జిల్లాలో 28,116 దరఖాస్తులు వచ్చినట్లు సంబంధిత అధికారులు వెల్లడించారు. అదృష్టం ఎవరికో..రాజీవ్‌ యువ వికాసం పథకానికి భారీగా దరఖాస్తులు వచ్చిన నేపథ్యంలో అదృష్టం ఎవరిని వరిస్తుందోనని ప్రజలు ఆసక్తిగా ఎదురుచూస్తున్నారు. యువతతోపాటు పలువురు రైతులు మండల కేంద్రాలతోపాటు ఆసిఫాబాద్‌, కాగజ్‌నగర్‌ పట్టణాలో ని మున్సిపాలిటీ కార్యాలయాల్లో ఏర్పాటు చేసిన ప్రజాపాలన సేవా కేంద్రాల్లో కూడా దరఖాస్తులు సమర్పించారు. ఇటీవల వరుసగా సెలవులు వచ్చినా ఈ నెల 12, 13, 14 తేదీల్లో ఈ కేంద్రాలను తెరిచి ఉంచారు. మున్సిపల్‌, మండల కమిటీలు దరఖాస్తులను పరిశీలించి జిల్లా కమిటీకి సమర్పించనున్నారు. జిల్లా కమిటీలోని సభ్యులు జాబితాను పరిశీలించి అర్హులకు రుణాలు మంజూరు చేయనున్నారు. జిల్లాలో ఎస్సీ వర్గానికి 2,185 యూనిట్లు, బీసీ వర్గానికి చెందిన వారికి 1,845 యూనిట్లు, ఎస్టీ సామాజిక వర్గానికి 3,855 యూనిట్లు కేటాయించారు. సద్వినియోగం చేసుకోవాలి ప్రభుత్వం అందిస్తున్న సబ్సిడీ రుణాలను నిరుద్యోగ యువత సద్వినియోగం చేసుకోవాలి. రూ.50వేల యూనిట్లకు వందశాతం రాయితీ ఉండటంతోపాటు బ్యాంకులతో నిమిత్తం లేకుండా రుణం మంజూరవుతుంది. అలాగే వెరిఫికేషన్‌ ప్రక్రియ కూడా వేగంగా పూర్తవుతుంది. మైనార్టీ విభాగానికి సంబంధించి యూనిట్లు ప్రభుత్వం నుంచి మంజూరవుతాయి. – అబ్దుల్‌ నదీం, డీఎండబ్ల్యూవోఎస్సీ 6,836 ఎస్టీ 7,233 బీసీ 12,096 మైనార్టీ 1,918 క్రిస్టియన్‌ 33 మొత్తం 28,116

ఆసిఫాబాద్‌రూరల్‌: ప్రభుత్వ పాఠశాలల్లో వాస్తవ పరిస్థితులు తెలుసుకోవడంతోపాటు యూడైస్‌ ప్లస్‌ పోర్టల్‌లో వివరాలు సరిచూసేందుకు జిల్లాలో మంగళవారం నుంచి స ర్వే ప్రారంభమైంది. జిల్లా ప్లానింగ్‌ కోఆర్డినేటర్‌ అబిద్‌ అలీ మాట్లాడుతూ జిల్లావ్యాప్తంగా 591 పాఠశాలల్లో 61 మంది ఛాత్రోపాధ్యాయులు ఈ నెల 21 వరకు సర్వే చేస్తారని తెలి పారు. తొలిరోజు 126 పాఠశాలల్లో వివరాలు సేకరించామని వెల్లడించారు. గతంలో హెచ్‌ఎంలు యూడైస్‌ ప్లస్‌లో నమోదు చేసిన వివరాలు సక్రమంగా ఉన్నాయా.. లేదా అని పరిశీలించి తప్పులు ఉంటే సరిచేసి కార్యాలయంలో అందజేస్తారని పేర్కొన్నారు.

రెబ్బెన(ఆసిఫాబాద్‌): జల వనరులను పెంపొందించాలనే లక్ష్యంతో సింగరేణి యాజమాన్యం నీటి బిందువు –జల సింధువు కార్యక్రమంలో భాగంగా నీటి కుంటల ఏర్పాటుకు శ్రీకారం చుట్టిందని సివిల్‌ జీఎం సూర్యనారాయణ, ఎన్విరాన్‌మెంట్‌ జీఎం సైదులు తెలిపారు. జనరల్‌ మేనేజర్‌ విజయ భాస్కర్‌ రెడ్డి ఆధ్వర్యంలో జలవనరుల పెంపు కోసం బెల్లంపల్లి ఏరియాలో చేపట్టిన నీటి కుంటల ఏర్పాటు పనులను మంగళవారం పరిశీలించారు. గోలేటి గ్రామ శివారులోని పంట పొలాల వద్ద చేపట్టిన నీటి కుంటల పనులను పరిశీలించి తీసుకోవాల్సిన జాగ్రత్తలను అధికారులకు వివరించారు. సింగరేణి సంస్థ చేపట్టిన కార్యక్రమం ద్వారా భూగర్భ జలాలు పెరిగి రైతులకు సాగునీరు అందుబాటులోకి వస్తుందన్నారు. కార్యక్రమంలో డీజీఎం సివిల్‌ ఎస్‌కే మదీనా బాషా, ఎన్విరాన్‌మెంట్‌ అధికారి హరీశ్‌, ఏరియా ఎస్టేట్స్‌ అధికారి సాగర్‌, ఈఈ సివిల్‌ మనోజ్‌ తదితరులు పాల్గొన్నారు.

ఆసిఫాబాద్‌అర్బన్‌: అప్రమత్తతతోనే అగ్ని ప్ర మాదాల నివారణ సాధ్యమవుతుందని జిల్లా ఫైర్‌ అధికారి సురేశ్‌కుమార్‌ అన్నారు. అగ్ని మాపక వారోత్సవాల్లో భాగంగా రెండోరోజు మంగళవారం జిల్లా కేంద్రంలోని ఆర్టీసీ బస్టాండ్‌ ఆవరణలో ప్రయాణికులకు అగ్ని ప్రమాదాల నివారణ, అరికట్టడం ఎలా అనే అంశంపై అవగాహన కల్పించారు. ఆయన మాట్లాడుతూ ‘అగ్ని నివారణపై అవగాహన పెంచుదాం.. సురక్షిత భారతాన్ని నిర్మిద్దాం’ అనే నినాదంతో ఈ నెల 14 నుంచి 20 వరకు పలు కార్యక్రమాలు నిర్వహించనున్నట్లు తెలి పారు. అనంతరం అగ్ని ప్రమాదాల నివారణ కు తీసుకోవాల్సిన జాగ్రత్తలపై పోస్టర్‌ ఆవిష్కరించారు. లీడింగ్‌ ఫైర్‌మెన్‌ శ్రీనివాస్‌, డీవోపీలు నర్సింగ్‌, రమేశ్‌, ఫైర్‌మెన్లు స్వామి, శరత్‌, శివకుమార్‌, నరేష్‌, హోగార్డులు రాము, జనార్దన్‌, తులసీదాస్‌ ఉన్నారు.

ఆసిఫాబాద్‌: భూభారతి నూతన ఆర్‌వోఆర్‌ చట్టం ద్వారా భూసమస్యలు పరిష్కరిస్తామని కలెక్టర్‌ వెంకటేశ్‌ దోత్రే అన్నారు. జిల్లా కేంద్రంలోని కలెక్టరేట్‌ సమావేశ మందిరంలో మంగళవారం అదనపు కలెక్టర్లు దీపక్‌ తివారి, ఎం.డేవిడ్‌, కాగజ్‌నగర్‌ సబ్‌ కలెక్టర్‌ శ్రద్ధా శుక్లా, ఆర్డీవో లోకేశ్వర్‌రావులతో కలిసి మండల ప్రత్యేకాధికారులు, తహసీల్దార్లు, ఎంపీడీవోలు, ఎంపీవోలు, గృహనిర్మాణ శాఖ, మిషన్‌ భగీ రథ ఇంజనీరింగ్‌ శాఖల అధికారులతో ఇందిరమ్మ ఇళ్ల నిర్మాణం, అర్హుల జాబితా, ఎంపిక, తాగునీటి సరఫరా అంశాలపై సమీక్షా సమావేశం నిర్వహించారు. కలెక్టర్‌ మాట్లాడుతూ ప్రభుత్వం ప్రతిష్టాత్మకంగా ప్రారంభించిన భూభారతి చట్టం, ఇందిరమ్మ ఇళ్ల నిర్మాణం, తాగునీటి సరఫరాపై సీఎం రేవంత్‌రెడ్డి రాష్ట్ర మంత్రులతో కలిసి హైదరాబాద్‌లో సమీ క్షా సమావేశం నిర్వహించారని తెలిపారు. నూతన భూభారతి చట్టంలోని అంశాలపై అధికారులకు అ వగాహన ఉండాలని సూచించారు. పైలట్‌ గ్రామాల్లో నమూనా ఇళ్ల నిర్మాణాలు పూర్తి చేయాలన్నారు. ఇతర గ్రామాల్లో అర్హుల జాబితాను ఇందిరమ్మ కమిటీ సభ్యుల సహకారంతో క్షేత్రస్థాయిలో పరిశీలించాలని ఆదేశించారు. అత్యంత పేదవారిని గుర్తించి వారికి ప్రాధాన్యతనివ్వాలని, అనర్హులు జాబితాలో లేకుండా చర్యలు చేపట్టాలన్నారు. వేసవిలో తాగునీటి ఎద్దడి లేకుండా జాగ్రత్తలు తీసుకోవాలన్నారు. మిషన్‌ భగీరథ పథకంలో నల్లా కలెక్షన్‌ ద్వారా నీటిని సరఫరా చేయలేని ప్రాంతాలకు వాటర్‌ ట్యాంకులు, ప్రత్యామ్నాయ మార్గాల ద్వారా నీటి సరఫరా చర్యలు చేపట్టాలన్నారు. పైప్‌లైన్‌ లేని గ్రామాలను గుర్తించి మరమ్మతులు చేయాలని ఆదేశించారు. అధికారులు సమన్వయంతో పనిచేయాలన్నారు. కలెక్టర్‌ వెంకటేశ్‌ దోత్రే

ఆసిఫాబాద్‌రూరల్‌: బీసీ వసతిగృహాల్లో పనిచేస్తున్న కార్మికులకు పెండింగ్‌ వేతనాలు చెల్లించాలని ఐఎఫ్‌ టీయూ రాష్ట్ర నాయకుడు బ్రహ్మనందం డిమాండ్‌ చేశారు. జిల్లా కేంద్రంలోని కలెక్టరేట్‌ ఎదుట మంగళవారం కార్మికులతో కలిసి నిరసన వ్యక్తం చేశారు. ఆయన మాట్లాడుతూ బీసీ వసతిగృహాల్లో ఔట్‌సో ర్సింగ్‌ వర్కర్లకు 12 నెలలుగా వేతనాలు రాకపోవడంతో ఇబ్బందులు పడుతున్నారని తెలిపారు. ప్రతినెలా నిత్యావసర వస్తువులు, అత్యవసర ఖర్చులకు అవస్థలు పడుతున్నారని ఆవేదన వ్యక్తం చేశా రు. రూ.13,600 నెలసరి జీతంతో బతుకుతున్న కాంట్రాక్టు, ఔట్‌ సోర్సింగ్‌ ఉద్యోగులకు వేతనాలు చెల్లించకపోవడం సరికాదన్నారు. ఈఎస్‌ఐ, ఈపీఎఫ్‌ ప్రతినెలా చెల్లించాలని డిమాండ్‌ చేశారు. సమ స్య పరిష్కరించకుంటే నిరవధిక సమ్మెకు పిలుపుని స్తామని హెచ్చరించారు. కార్యక్రమంలో ఆ సంఘం నాయకులు జగజంపుల తిరుపతి, పీడీఎస్‌యూ జిల్లా ప్రధాన కార్యదర్శి కొమురయ్య, ఔట్‌సోర్సింగ్‌ ఉద్యోగులు లక్ష్మి, శారద, పార్వతి, శకుంతల, పోషక్క, సరోజ, జ్యోతి, సుజాత పాల్గొన్నారు.

ఆసిఫాబాద్‌అర్బన్‌: అంబేడ్కర్‌ జీవితం ప్రతీ ఒక్కరి కి ఆదర్శనీయమని ఎస్పీ డీవీ శ్రీనివాసరావు అన్నా రు. జిల్లా కేంద్రంలోని పోలీసు కార్యాలయ ఆవరణ లో సోమవారం బీఆర్‌ అంబేడ్కర్‌ జయంతి ఘనంగా నిర్వహించారు. ఆయన చిత్రపటానికి పూలమాలలు వేసి నివాళులర్పించారు. ఎస్పీ మాట్లాడుతూ దేశవ్యాప్తంగా నేడు ప్రజలు అనుభవిస్తున్న హక్కులన్నీ రాజ్యాంగ ఫలాలేనని అన్నారు. రాజ్యాంగంలో పొందుపర్చిన ఆర్టికల్‌ 3 ప్రకారమే తెలంగాణ రాష్ట్రాన్ని సాధించుకున్నామని పేర్కొన్నారు. కార్యక్రమంలో సీఐ రాణాప్రతాప్‌, రవీందర్‌, ఆర్‌ఐ పెద్దన్న, పోలీసు సంఘం జిల్లా అధ్యక్షు డు విజయ శంకర్‌రెడ్డి, సీసీ కిరణ్‌ తదితరులు పాల్గొన్నారు.

ఆసిఫాబాద్‌అర్బన్‌: రాజంపేటలోని జుబ్లీ మార్కెట్‌ను తరలిస్తే సహించేది లేదని ఎమ్మె ల్యే కోవ లక్ష్మి ఆగ్రహం వ్యక్తం చేశారు. సోమవారం డీపీవో భిక్షపతిగౌడ్‌తో కలిసి మార్కెట్‌ ను పరిశీలించారు. జుబ్లీ మార్కెట్‌లోనే కూరగాయలు, చికెన్‌, మటన్‌, చేపలు విక్రయించాల్సి ఉండగా, పట్టణంలో పలుచోట్ల అమ్ముతున్నారని వ్యాపారులు ఆవేదన వ్యక్తం చేశారు. ఎమ్మెల్యే మాట్లాడుతూ ఆసిఫాబాద్‌ పట్టణంలో కూరగాయలు, మాంసాహార దు కాణాలు ఏర్పాటు చేయొద్దని, జుబ్లీ మార్కెట్‌లోనే విక్రయాలు సాగేలా చర్యలు తీసుకో వాలని ఆదేశించారు. రాజంపేట పంచాయ తీ, ఆసిఫాబాద్‌ మున్సిపాలిటీలో వ్యాపారలన్నీ ఒకేచోట కొనసాగించాలన్నారు. ప్రజలు, వ్యాపారులకు ఇబ్బందులు కలిగిస్తే ధర్నాకు దిగుతామని హెచ్చరించారు. సింగిల్‌ విండో చైర్మన్‌ అలీబిన్‌ అహ్మద్‌ ఉన్నారు.

● ఎన్నికల హామీలు నెరవేరుస్తున్నాం ● డిప్యూటీ సీఎం మల్లు భట్టి విక్రమార్క ● మంచిర్యాల నియోజకవర్గంలో అభివృద్ధి పనులకు శంకుస్థాపన మంచిర్యాలటౌన్‌: అధికారంలోకి వచ్చిన ఏడాదిలోపు ప్రజాపాలన తీసుకొచ్చామని, ఎన్నికలకు ముందు, ఎన్నికల సమయంలో ప్రజలకు ఇచ్చిన హామీలు నెరవేరుస్తున్నామని డిప్యూటీ సీఎం మల్లు భట్టి విక్రమార్క అన్నారు. సోమవారం మంచిర్యాల జిల్లా కేంద్రానికి వచ్చిన ఆయనకు మంచిర్యాల ఎమ్మెల్యే కొక్కిరాల ప్రేమ్‌సాగర్‌రావు, బెల్లంపల్లి ఎమ్మెల్యే గడ్డం వినోద్‌, జిల్లా కలెక్టర్‌ కుమార్‌ దీపక్‌ ఘన స్వాగతం పలికారు. అనంతరం మంచిర్యాలలో అంబేడ్కర్‌ విగ్రహాన్ని ఆవిష్కరించారు. ఐబీ ఆవరణలో మాతాశిశు, సూపర్‌ స్పెషాలిటీ ఆసుపత్రుల నిర్మాణ పనులను పరిశీలించారు. అంబేడ్కర్‌ జయంతి సందర్భంగా కేక్‌ కట్‌ చేశారు. జెడ్పీ బాలుర ఉన్నత పాఠశాల మైదానంలో జరిగిన బహిరంగ సభలో పాల్గొన్నారు. ఈ సందర్భంగా రాష్ట్ర ఉప ముఖ్యమంత్రి మల్లు భట్టి విక్రమార్క మాట్లాడుతూ తాను మార్చి 16, 2023లో పీపుల్స్‌ మార్చ్‌లో భాగంగా ఆదిలాబాద్‌ జిల్లాలో పాదయాత్ర ప్రారంభించానని, అదే ఏడాది ఏప్రిల్‌ 14న మంచిర్యాలలో భారీ బహిరంగ సభ ఏర్పాటు చేసి కాంగ్రెస్‌ పార్టీ జాతీయ అధ్యక్షుడు ఖర్గేను పిలిపించామని తెలిపారు. అప్పుడు కాంగ్రెస్‌ పార్టీ ప్రభంజనం ఏంటో తెలిసిందని, మొదటి నుంచి పార్టీకి అండగా ప్రేమ్‌సాగర్‌రావు నిలిచారని, ఆయనకు కార్యకర్తలు తోడుగా నిలుస్తున్నారని అన్నారు. పాదయాత్ర సమయంలో మంచిర్యాలలోని మాతాశిశు ఆసుపత్రిని గోదావరి ఒడ్డున కట్టవద్దని చెప్పినా వినకపోవడంతో అక్కడే నిర్మించడం వల్ల వరదల్లో మునిగి పోయిందని తెలిపారు. నాడే ప్రజలకు అందుబాటులో ఉండేలా ఎంసీహెచ్‌ నిర్మిస్తామని ఇచ్చిన హామీ ప్రకారం ఐబీ ఆవరణలో నిర్మిస్తున్నట్లు చెప్పారు. గోదావరి నది వరదతో రాళ్లవాగు ఉప్పొంగి ఈ ప్రాంతం మునిగిపోతుందని, కరకట్ట నిర్మించాలని నాడు ప్రజలు కోరారని, వారి కోరిక మేరకు కరకట్టను నిర్మిస్తున్నామని అన్నారు. ప్రాణహిత–చేవెళ్ల ప్రాజెక్టు నిర్మించి సాగు, తాగునీరు అందిస్తామని అన్నారు. బీఆర్‌ఎస్‌ ప్రభుత్వం అర్ధంతరంగా నిలిపి వేసిన ప్రాజెక్టును ప్రారంభించి పూర్తి చేస్తామన్నారు. మంచిర్యాల నియోజకవర్గంలో రూ.765 కోట్లతో అభివృద్ధి పనులకు శ్రీకారం చుట్టడం అభినందనీయమని అన్నారు. ఈ సభలో పరిశ్రమలు, ఐటీ శాఖ మంత్రి శ్రీధర్‌బాబు, ఎమ్మెల్యే కొక్కిరాల ప్రేమ్‌సాగర్‌రావు, ఖానాపూర్‌ ఎమ్మెల్యే వెడ్మ బొజ్జు, డీసీసీ అధ్యక్షురాలు కొక్కిరాల సురేఖ, జైబాపు, జైభీం, జైసంవిధాన్‌ కోఆర్డినేటర్‌ రుద్ర సంతోశ్‌ తదితరులు పాల్గొన్నారు.

ఆసిఫాబాద్‌అర్బన్‌: బడుగు, బలహీన వర్గాల ఆశాజ్యోతి డాక్టర్‌ బీఆర్‌ అంబేడ్కర్‌ అని అదనపు కలెక్టర్‌ దీపక్‌ తివారి అన్నారు. జిల్లా కేంద్రంలోని కలెక్టరేట్‌లో సోమవారం షెడ్యూల్‌ కులాల సంక్షేమశాఖ ఆధ్వర్యంలో అంబేడ్కర్‌ జయంతి వేడుకలు నిర్వహించారు. ఎమ్మెల్యే కోవ లక్ష్మి, ఎస్పీ డీవీ శ్రీనివాసరావు, అధికారులు, అంబేడ్కర్‌ యువజన సంఘాలు, కుల సంఘాల నాయకులతో కలిసి నివాళులర్పించారు. అదనపు కలెక్టర్‌ మాట్లాడుతూ బలహీన వర్గాల సంక్షేమ కోసం అంబేడ్కర్‌ తన జీవి తాన్ని త్యాగం చేశారన్నారు. జిల్లా కేంద్రంలోని లుంబినీ దీక్ష భూమి అభివృద్ధికి చర్యలు తీసుకుంటామని తెలిపారు. ఎమ్మెల్యే కోవ లక్ష్మి మాట్లాడుతూ అసమానతలు, కుల వివక్ష ఉన్న రోజుల్లోనే అంబేడ్కర్‌ అత్యున్నత చదువులు చదివి డాక్టరేట్లు పొందారని గుర్తు చేశారు. సమానత్వం, స్వేచ్ఛ. సోదరభావం విలువలు నిలబెట్టేందుకు కృషి చేయాలని సూచించారు. కులాంతర వివాహం చేసుకున్న పలు జంటలకు ఆర్థిక ప్రోత్సాహం కింద ఒక్కొక్కరికి రూ.2.5లక్షల విలువైన బాండ్లు అందజేశారు. అంతకు ముందు జిల్లా కేంద్రంలోని బస్టాండ్‌ ఆవరణలో గల అంబేడ్కర్‌ విగ్రహానికి అధికా రులు, ప్రజాప్రతినిధులు నివాళులర్పించారు. షెడ్యూల్‌ కులాల అభివృద్ధి శాఖ అధికారి సజీవన్‌, డీపీవో భిక్షపతిగౌడ్‌, డీపీఆర్‌వో సంపత్‌కుమార్‌, విద్యాశాఖ అధికారి ఉదయ్‌బాబు, నాయకులు అరిగెల నాగేశ్వర్‌రావు, అజ్మీరా శ్యాంనాయక్‌, రేగుంట కేశవ్‌రావు, మెంగాజీ, అశోక్‌, రూప్‌నార్‌ రమేశ్‌, ఆత్మారాం, అలీబిన్‌ అహ్మద్‌, సత్యనారాయణ పాల్గొన్నారు. కాగజ్‌నగర్‌రూరల్‌: పట్టణంలోని అంబేడ్కర్‌ వి గ్రహానికి ఎమ్మెల్యే హరీశ్‌బాబు నివాళులర్పించారు. డాక్ట ర్‌ బాబాసాహెబ్‌ అంబేడ్కర్‌ రచించిన రా జ్యాంగంతోనే ప్రస్తుతం భారతదేశం అవిచ్ఛిన్న భూభాగంగా ఉందన్నారు. బడుగు, బలహీన వర్గాల సంక్షేమం, అభివృద్ధి కోసం కృషి చేస్తామన్నారు.

● తుడుందెబ్బ రాష్ట్ర గౌరవ అధ్యక్షుడు బుర్స పోచయ్య ● జోడేఘాట్‌లో ముగిసిన రాష్ట్ర మహాసభలు కెరమెరి(ఆసిఫాబాద్‌): హక్కులు, చట్టాల రక్షణ కోసం పోరాడితేనే ఆదివాసీలకు మనుగడ అని తుడుందెబ్బ రాష్ట్ర గౌరవ అధ్యక్షుడు బుర్స పోచ య్య, రాష్ట్ర అధ్యక్షుడు కోట్నాక విజయ్‌కుమార్‌ అన్నారు. కెరమెరి మండలం జోడేఘాట్‌లో నిర్వహిస్తున్న రాష్ట్ర మహాసభలు సోమవారం ముగిశాయి. వారు మాట్లాడుతూ రాంజీగోండు, కుమురంభీం హక్కుల సాధన కోసం చేసిన ప్రాణత్యాగం వృథా కావొద్దన్నారు. మహనీయులను స్ఫూర్తిగా తీసుకుని ముందుకు సాగాలన్నారు. అంతకు ముందు కుమురంభీం విగ్రహానికి నివాళులర్పించారు. అంబేడ్కర్‌ జయంతి సందర్భంగా ఆయన చిత్రపటానికి పూలమాలలు వేశారు. కార్యక్రమంలో జిల్లా అధ్యక్షుడు కోవ విజయ్‌, నాయకులు నగేశ్‌, రఘుపతిరావు, రవి, బాపు, నరసింహరావు, కిశోర్‌, నారాయణ తదితరులు పాల్గొన్నారు. నూతన కార్యవర్గంఆదివాసీ హక్కుల పోరాట సమితి(తుడుందెబ్బ) నూతన రాష్ట్ర కార్యవర్గాన్ని సోమవారం ఏకగ్రీవంగా ఎన్నుకున్నారు. రాష్ట్ర గౌరవ అధ్యక్షుడుగా బుర్స పోచయ్య, రాష్ట్ర అధ్యక్షుడు కోట్నాక విజయ్‌, కార్యనిర్వాహక అధ్యక్షులుగా గుర్రాల రవీందర్‌, ఈసం నర్సయ్య, ఉపాధ్యక్షులుగా బాపు, మెస్రం మోతీ రాం, పెందోర్‌ జలపతి, సోయం రాజేందర్‌, జంగు, పెందోర్‌ ధర్మూ, ప్రధాన కార్యదర్శిగా సిద్దిబో యిన లక్ష్మీనారాయణ, కార్యదర్శులుగా ఆలం కిశోర్‌, కుడ్మెత తిరుపతి, ఆత్రం రవీందర్‌, పెందోర్‌ మారుతి, కోశాధికారిగా చందా రఘుపతిరావు, కార్యవర్గ సభ్యులుగా సోయం జంగు, ధారబోయిన రమేశ్‌, ఆత్రం బిర్సను ఎన్నుకున్నారు.

పాఠశాలల్లో వాస్తవ పరిస్థితులు తెలియజేసేందుకు రూపొందించిన యూడైస్‌ ప్లస్‌(డిస్ట్రిక్‌ ఇన్ఫర్మేషన్‌ సిస్టం ఫర్‌ ఎడ్యుకేషన్‌ ప్లస్‌)లో తరచూ తప్పులు దొర్లుతున్నాయి. ఆన్‌లైన్‌లో ఉండే వివరాలకు పాఠశాలల్లో రికార్డులకు సరిపోలడం లేదు. విద్యార్థులు ఎంతమంది ఉన్నారు.. మరుగుదొడ్లు ఉన్నాయా.. తరగతి గదులెన్నీ.. తదితర విషయాల్లో వ్యత్యాసం కనిపిస్తోంది. ఈ నేపథ్యంలో విద్యాశాఖ క్షేత్రస్థాయిలో వివరాలు పరిశీలించేందుకు తొలిసారి థర్ట్‌ పార్టీతో సర్వే చేపట్టనుంది. మంగళవారం నుంచి ఎంపిక చేసిన పాఠశాలల్లో వివరాల సేకరణ కొనసాగనుంది.

ఆసిఫాబాద్‌అర్బన్‌: జిల్లా కేంద్రంలోని అగ్నిమాపక కార్యాలయంలో సోమవారం జాతీయ అగ్నిమాపక వారోత్సవాలు ప్రారంభమయ్యాయి. 1944 ఏప్రిల్‌ 14న ముంబై ఓడరేవులో జరిగిన అగ్ని ప్రమాదంలో అమరులైన సిబ్బంది ఆత్మకు శాంతి చేకూరాలని జిల్లా అగ్నిమాపక శాఖ అధికారి సురేశ్‌కుమార్‌, లీడింగ్‌ ఫైర్‌మ్యాన్‌ శ్రీనివాస్‌ నేతృత్వంలో రెండు నిమిషాలపాటు మౌనం పా టించారు. అనంతరం జిల్లా అధికారి మాట్లాడుతూ అగ్నిమాపక శాఖ ఆధ్వర్యంలో వారం రోజులపాటు వివిధ రకాల అంశాలను ప్రజలకు వివరిస్తామని తెలిపారు. ఈ ఏడాది యూ ఫైట్‌ టు ఇగ్నైట్‌– ఫైర్‌ సేఫ్‌ ఇండియా నేపథ్యంతో ముందుకు సాగుతున్నట్లు పేర్కొన్నారు. ప్రజలకు అందుబాటులో ఉండి సేవలందిస్తున్నామన్నారు. వేసవి నేపథ్యంలో అగ్ని ప్రమాదాలపై ప్రజలు అప్రమత్తంగా ఉండాలని సూచించారు. ఈ నెల 20 వరకు వారోత్సవాలు కొనసాగుతాయని తెలిపారు. ఈ సందర్భంగా అగ్నిమాపక వస్తువులు ప్రదర్శించారు. కార్యక్రమంలో డీవోపీలు నర్సింగ్‌రావు, రమేశ్‌, ఫైర్‌మ్యాన్‌లు స్వామి, శరత్‌, శివకుమార్‌, నరేశ్‌, హోంగార్డులు రాము, జనార్దన్‌, తులసీదాస్‌ పాల్గొన్నారు.

కెరమెరి(ఆసిఫాబాద్‌): 1976 తర్వాత వచ్చిన వలసవాదులతో ఆదివాసీలకు అన్యాయం జరుగుతోందని హైదరాబాద్‌ సెంట్రల్‌ యూనివర్సిటీ ప్రొఫె సర్‌ డీఎస్‌డబ్ల్యూ శ్రీనివాస్‌రావు, పౌరహక్కుల సంఘం రాష్ట్ర అధ్యక్షుడు ఆత్రం భుజంగ్‌రావు అన్నా రు. కెరమెరి మండలం జోడేఘాట్‌లో ఆదివారం తుడుందెబ్బ రాష్ట్ర మహాసభలు రెండోరోజూ కొనసాగాయి. కుమురంభీం విగ్రహానికి పూలమాల వే సి నివాళులర్పించి, అనంతరం సమాధిపై పూలు చ ల్లి పూజలు చేశారు. మ్యూజియాన్ని సందర్శించా రు. అనంతరం శ్రీనివాస్‌రావు మాట్లాడుతూ వలసవాదులతో స్థానిక ఆదివాసీలు పౌరహక్కులతోపా టు రిజర్వేషన్లలో దోపిడీకి గురవుతున్నారన్నారు. లంబాడాలను కేవలం విద్యాభివృద్ధి కోసం ఎస్టీలు గా పరిగణించారని, దీనిని సాకుగా చూపి కాలపరి మితి ముగిసినా వారికి విద్యా, ఉద్యోగ, ఉపాధి రంగాల్లో రిజర్వేషన్లు కొనసాగుతున్నాయని అన్నారు. ఇతర ప్రాంతాల నుంచి వచ్చినవారు రిజర్వేషన్లు అ నుభవిస్తున్నారని ఆరోపించారు. ఎస్టీ జాబితా నుంచి లంబాడాలను తొలగించాలనే ఆదివాసీల డి మాండ్‌ న్యాయపరమైందని స్పష్టం చేశారు. విచ్ఛిన్నానికి కుట్ర.. హెచ్‌ఆర్‌ఎఫ్‌ రాష్ట్ర అధ్యక్షుడు భుజంగ్‌రావు మాట్లాడుతూ కొన్ని రాజకీయ పార్టీలు ఆదివాసీ ఉద్యమకారులను స్వప్రయోజనాల కోసం విభజిస్తున్నాయ ని ఆరోపించారు. హక్కులు, చట్టాలను కాలరాస్తూ ఓటుబ్యాంకుగా మార్చుకున్నాయన్నారు. కార్యక్రమంలో తుడుందెబ్బ రాష్ట్ర కన్వీనర్‌ బుర్స పోచ య్య, కోకన్వీనర్‌ లక్ష్మీనారాయణ, కోట్నాక విజయ్‌ కుమార్‌, జిల్లా అధ్యక్షుడు కోవ విజయ్‌, నాయకులు నగేశ్‌, రఘుపతిరావు, రవి, బాపు, నరసింహరావు, కిశోర్‌, నారాయణ, ఉమ్మడి ఆదిలాబాద్‌, వరంగల్‌, ఖమ్మం, కరీంనగర్‌, మహబూబ్‌నగర్‌ జిల్లా అధ్యక్షులు, ప్రధాన కార్యదర్శులు, విద్యార్థి, మహిళా, రైతు సంఘాల నాయకులు పాల్గొన్నారు. హెచ్‌సీయూ ప్రొఫెసర్‌ శ్రీనివాస్‌రావు రెండోరోజూ తుడుందెబ్బ మహాసభలు

ఆసిఫాబాద్‌రూరల్‌: జిల్లా కేంద్రంలోని గిరిజన బాలికల గురుకుల కళాశాలకు చెందిన విద్యార్థిని అక్షర జాతీయస్థాయి ఫుట్‌బాల్‌ పోటీలకు ఎంపికై నట్లు ప్రిన్సిపాల్‌ అరుణశ్రీ తెలిపారు. జిల్లాకేంద్రంలోని కళాశాలో కోచ్‌ రవికుమార్‌తో కలిసి ఆదివారం విద్యార్థిని అభినందించారు. ఇటీవల మహబూబ్‌నగర్‌లో ఎస్‌జీఎఫ్‌ ఆధ్వర్యంలో జరిగిన రాష్ట్రస్థాయి అండర్‌– 19 ఫుట్‌బాల్‌ పోటీల్లో ప్రతిభ చూపిందన్నారు. ఈ నెల 14 నుంచి 21 వరకు మణిపూర్‌లో జరిగే జాతీయస్థాయి పోటీల్లో అక్షర పాల్గొంటుందని తెలిపారు. అలాగే మార్చి 14న జరిగిన అండర్‌– 14 ఫుట్‌బాల్‌ పోటీల్లో ప్రతిభ చూపిన భూమికను అభినందించారు.

● ఏఎస్పీ చిత్తరంజన్‌ వాంకిడి(ఆసిఫాబాద్‌): రక్తదానం మరొకరికి ప్రాణదానం వంటిదని ఏఎస్పీ చిత్తరంజన్‌ అన్నా రు. బాబాసాహెబ్‌ అంబేడ్కర్‌ జయంతిని పురస్కరించుకుని అంబేడ్కర్‌ యువజన సంఘం ఆధ్వర్యంలో వాంకిడి మండల కేంద్రంలోని జేత్వాన్‌ బుద్ధ విహార ఆవరణలో ఆదివారం ఏర్పాటు చేసిన మెగా రక్తదాన శిబిరాన్ని ప్రారంభించారు. ఈ సందర్భంగా ఆయన మాట్లాడుతూ యువత ఆపదలో ఉన్నవారికి రక్తం దానం చేయడంలో ముందుండాలని పిలుపునిచ్చారు. తద్వారా ఒకరి ప్రాణాలు నిలబెట్టిన వారవుతారని అన్నారు. సమాజ సేవలో బా ధ్యతగా ఉంటూ వ్యక్తిగత ఎదుగుదలపై దృష్టి సా రించాలని సూచించారు. మహనీయుని జయంతి సందర్భంగా సామాజిక కార్యక్రమం నిర్వహించ డం అభినందనీయమని కొనియాడారు. రక్తదానం చేసిన యువకులను అభినందించారు. 22 యూని ట్ల రక్తం సేకరించి ఆసిఫాబాద్‌ రక్తనిధి కేంద్రానికి అప్పగించినట్లు నిర్వాహకులు తెలిపారు. కార్యక్రమంలో సీఐ సత్యనారాయణ, రక్తనిధి కేంద్రం వై ద్యుడు అమ్జద్‌, బౌద్ధ సంఘం, బీఎస్‌ఐ, సిద్దార్థ యువజన సంఘం, సమతా సైనిక్‌ దళ్‌, రమాబా యి మహిళా సంఘం నాయకులు పాల్గొన్నారు. కాంగ్రెస్‌తోనే అభివృద్ధికౌటాల(సిర్పూర్‌): కాంగ్రెస్‌ పార్టీతోనే గ్రామీణ ప్రాంతాల అభివృద్ధి సాధ్యమవుతుందని ఎమ్మెల్సీ దండె విఠల్‌ అన్నారు. కౌటాల మండలం మొగడ్‌దగడ్‌ గ్రామంలో ఆదివారం రాత్రి జై బాపు, జై భీమ్‌, జై సంవిధాన్‌ కార్యక్రమం నిర్వహించారు. ఆయన మాట్లాడుతూ భారత రాజ్యాంగాన్ని కించపరుస్తు న్న బీజేపీకి రానున్న ఎన్నికల్లో బుద్ధి చెప్పాలన్నారు. బీజేపీ పాలనలో దేశంలో అభివృద్ధి జరగడం లేదని ఆరోపించారు. అంతకుముందు పలువురు కాంగ్రెస్‌ పార్టీలో చేరగా, వారికి కండువా కప్పి ఆహ్వానించా రు. కార్యక్రమంలో నాయకులు ఖాళీం, భూషన్‌, ఉ ద్దవ్‌, కార్తీక్‌, సుదర్శన్‌, సంతోష్‌, వినోద్‌, సోను, జో గు, భాస్కర్‌, పోశం తదితరులు పాల్గొన్నారు.

సన్నరకం కంపెనీలకు.. హైబ్రీడ్‌ వరిసాగులో ఎలాంటి అనుభవం లేని రైతులు సైతం మంచి దిగుబడులు సాధించేలా కంపెనీ ప్రతినిధులు అన్ని తామై వ్యవహరిస్తున్నారు. సస్యరక్షణ చర్యలు, యాజమాన్య పద్ధతులు వివరిస్తున్నారు. పంటను విత్తన కంపెనీలే కొనుగోలు చేస్తున్నారు. ప్రస్తుతం జిల్లాలో సాగవుతున్న హైబ్రీడ్‌ ఆడ వరి ధాన్యానికి రూ.7,500 నుంచి రూ.14వేల వరకు చెల్లిస్తున్నారు. పూత దులిపే పనులు జోరుగా సాగుతున్నాయి. మరో నెల రోజుల్లో పంట దిగుబడి వచ్చే అవకాశం ఉంది. మిగిలిన మగరకం ధాన్యాన్ని(దొడ్డు రకం) రైతులు మార్కెట్‌లో విక్రయించుకోవాలి. దీని ద్వారా వారికి అదనపు ఆదాయం వస్తుంది.రెబ్బెన(ఆసిఫాబాద్‌): జిల్లా రైతులు యాసంగి సీజన్‌లో హైబ్రీడ్‌ వరిసాగు వైపు దృష్టి సారిస్తున్నారు. పదేళ్లుగా కొందరు రైతులు ఈ రకం వరిసాగుతో లాభాలు సాధిస్తుండగా.. ఈసారి మరికొంత మంది ఆ దిశగా అడుగులు వేశారు. స్థానికంగా నేలలు, వాతావరణం అనుకూలంగా ఉండటంతో విత్తనోత్పత్తి కంపెనీల ప్రతినిధులు జిల్లాకు క్యూ కడుతున్నారు. గతంలో జిల్లాలోని రైతులు యాసంగిలో సాధారణ వరి సాగు చేసేవారు. ప్రధానంగా ఆసిఫాబాద్‌, రెబ్బెన, సిర్పూర్‌, దహెగాం, బెజ్జూర్‌, పెంచికల్‌పేట్‌, చింతలమానెపల్లి మండలాల్లో మాత్రమే వరి సాగు ఉంది. మిగిలిన మండలాల్లో ఎక్కువ మొక్కజొన్న, జొన్న పండిస్తారు. పదేళ్ల క్రితం దహెగాం మండలంలో రైతులు విత్తన వరిసాగు ప్రారంభించారు. ఆ తర్వాత పెంచికల్‌పేట్‌కు ఈ ఏడాది రెబ్బెన మండలానికి సైతం విస్తరించింది. ప్రస్తుతం యాసంగి సీజన్‌లో జిల్లాలో సుమారు 2,500 ఎకరాలకు వివిధ రకాల కంపెనీలకు చెందిన హైబ్రీడ్‌ వరిని రైతులు సాగు చేస్తున్నారు. దహెగాంలో అత్యధికంగా సుమారు 1,800 ఎకరాల వరకు సాగు చేస్తున్నట్లు అంచనా. కష్టానికి తగినట్లు ఫలితం సాధారణ రకంతో పోల్చితే హైబ్రీడ్‌ వరి సాగులో కష్టం అధికంగా ఉంటుంది. నారు పోసిన నాటి నుంచి పంట కోత వరకు శ్రమించాల్సిందే. నారు పోసే పద్ధతి నుంచి నాట్లు వేయడం, యాజమాన్య పద్ధతుల్లో ఎంతో తేడా ఉంటుంది. మామూలుగా నారుమడిలో విత్తనాలన్నీ ఒకేచోట చల్లుతారు. కానీ హైబ్రీడ్‌సాగులో మాత్రం నారు మడిలో ఆడ, మగ విత్తనాలు వేర్వేరుగా చల్లాల్సి ఉంటుంది. నాటు సైతం మగ వరి రెండు వరుసల్లో నాటితే ఆడ వరి 8 నుంచి 10 వరకు ప్రత్యేకంగా నాటుకోవాలి. ఇక పొలంలో కలుపు నియంత్రణ, పురుగు మందుల పిచికారీ పనులు సైతం ఎక్కువగా ఉంటాయి. కూలీలపై ఆధారపడాల్సి వస్తుంది. ఆడ, మగ వరి సంకరీరణ చేసి విత్తనాలు పండిస్తారు. ఈ రకం సాగులో మగ మొక్క పుప్పొడి రేణువులు ఆడ మొక్కపై పడేటట్లు చేసే ప్రక్రియ ఎంతో కీలకం. పూత వచ్చే సమయంలో ఈ పుప్పొడి రేణువులను తాడు/కర్రల సహాయంతో దులుపుతారు. ఈ పనులను 12 నుంచి 15 రోజుల వరకు ప్రతిరోజూ ఉదయం 10 నుంచి మధ్యాహ్నం ఒంటి గంటలోపే చేపట్టాలి. అప్పుడే సంపర్కం జరిగి ఆడ వరి దిగుబడి వస్తుంది. పెట్టుబడి, కష్టం అధికంగా ఉన్నా.. ఆదాయం ఆశించిన స్థాయిలో ఉండటంతో రైతులు ఈ రకం వరిసాగుకు మొగ్గు చూపుతున్నారు. జిల్లాలో పెరిగిన విత్తన వరి సాగు పంట వేసే ముందే రైతులతో కంపెనీల అగ్రిమెంట్‌ క్వింటాల్‌కు రూ.7500 నుంచి రూ.14000 చెల్లింపుఎనిమిదేళ్లుగా సాగుగతంలో సాధారణ రకం వరి సాగు చేసే వాళ్లం. ఆ డ, మగ వరి సాగులో లా భాలు ఉంటాయని తెలుసుకుని ఎనిమిదేళ్ల క్రితం ఈ సాగు ప్రారంభించాం. మొదటి ఏడాదే లాభాలు వచ్చాయి. ఈ సీజన్‌లో 15 ఎకరాల్లో సీడ్‌ పండిస్తున్నా. ఎకరానికి 15 క్వింటాళ్ల వరకు దిగుబడి వస్తుందని అనుకుంటున్నా. – కొండు సంతోష్‌అగ్రిమెంట్‌ చేసుకోవాలిహైబ్రీడ్‌ వరిసాగులో లాభాలు ఉంటాయి. అయితే సాధారణ సాగుతో పోల్చితే రిస్క్‌, పని రెండూ ఎక్కువే. హైబ్రీడ్‌ ఆడ వరి ధాన్యాన్ని విత్తనం ఇచ్చిన కంపెనీనే కొనుగోలు చేస్తుంది. రైతులు ముందుగా కంపెనీతో అగ్రిమెంట్‌ తప్పనిసరిగా చేసుకోవాలి. – శ్రీనివాసరావు, జిల్లా వ్యవసాయాధికారి

కాగజ్‌నగర్‌రూరల్‌: ఐక్య ఉద్యమాలకు చిరునా మాగా టీఎస్‌ యూటీఎఫ్‌ నిలిచిందని ఆ సంఘం జిల్లా అధ్యక్షురాలు వి.శాంతికుమారి అ న్నారు. తెలంగాణ రాష్ట్ర ఐక్య ఉపాధ్యాయ ఫె డరేషన్‌ 12వ ఆవిర్భావ దినోత్సవం సందర్భంగా ఆదివారం పట్టణంలో పతాకావిష్కరణ చేశారు. ఈ సందర్భంగా మాట్లాడుతూ అధ్యయనం, అధ్యాపనం, సామాజిక స్పృహ లక్ష్యాలతో టీఎస్‌ యూటీఎఫ్‌ పనిచేస్తుందన్నారు. హక్కులు, బాధ్యతలు ఉద్యమ నేత్రాలుగా, ప్రాంతాలు, యాజమాన్యాలు, క్యాడర్లు, మతా లు, కులాల అంతరాలను అధిగమించి ఉపాధ్యాయులందరికీ ఒకే సంఘం అనే చారిత్రక ఆవశ్యకతతో సంఘం ఆవిర్భవించిందని తెలి పారు. అనంతరం జిల్లా కార్యదర్శి ఎం.రాజకమలాకర్‌ రెడ్డి మాట్లాడుతూ ప్రభుత్వ విద్యారంగ పరిరక్షణ, ఉపాధ్యాయుల సంక్షేమమే ధ్యేయంగా యూనియన్‌ పని చేస్తుందన్నారు. కార్యక్రమంలో జిల్లా ఉపాధ్యక్షురాలు ప్రీతి, ఎస్‌ఎఫ్‌ఐ అధ్యక్షుడు వసాకె సాయికుమార్‌, నాయకులు బాజీఖాన్‌, శిరీష, సురేశ్‌, జహీర్‌, విజయ్‌, రాజశేఖర్‌, ప్రవళిక, రష్మిక, శ్రీధర్‌ తదితరులు పాల్గొన్నారు.

అప్రమత్తతే రక్షణఎండలు మండిపోతుండటంతో అగ్నిప్రమాదాలు జరిగే అవకాశం ఉంటుంది. అప్రమత్తతతోనే ప్రమాదాల సమయంలో ఆస్తులు, ప్రాణాలు రక్షించుకోగలం. ఏదైనా అగ్ని ప్రమాదం జరిగితే వెంటనే డయల్‌ 101కు సమాచారం ఇవ్వాలి. ప్రజలకు అవగాహన కల్పించేందుకు వారం రోజులపాటు వివిధ కార్యక్రమాలు నిర్వహిస్తాం. – భీమయ్య, ఎస్సై, అగ్నిమాపక శాఖ, కాగజ్‌నగర్‌ కౌటాల(సిర్పూర్‌): వేసవి ప్రారంభమైంది. పగటి ఉష్ణోగ్రతలు 40 డిగ్రీల సెల్సియస్‌ దాటుతున్నాయి. పొడి వాతావరణంతో ఎండాకాలంలో అగ్ని ప్రమాదాలు జరిగేందుకు ఆస్కారం ఎక్కువగా ఉంటుంది. ప్రజలు అప్రమత్తంగా లేకుంటే ఆస్తులు కాలి బూడిదవుతుంటాయి. ఈ నేపథ్యంలో ప్రజలకు అవగాహన కల్పించేందుకు ఏటా అగ్నిమాపక శాఖ ఆధ్వర్యంలో అగ్నిమాపక వారోత్సవాలు నిర్వహిస్తున్నారు. జిల్లాలో ఈ నెల 14 నుంచి 20 వరకు నిర్వహించే వారోత్సవాల్లో ప్రజలకు అగ్ని ప్రమాదాల నుంచి ఎలా బయట పడాలి.. ఎలా రక్షించుకోవాలనే విషయాలను ప్రాక్టికల్‌గా డ్రిల్‌ చేసి వివరించనున్నారు. ప్రమాదాలతో తీవ్ర నష్టాలు జిల్లాలోని పలు ప్రాంతాల్లో ఏటా అగ్ని ప్రమాదాలు జరుగుతూనే ఉన్నాయి. కాగజ్‌నగర్‌, ఆసిఫాబాద్‌ పట్టణాల్లో మాత్రమే అగ్నిమాపక కేంద్రాలు ఉన్నాయి. రెండు నియోజకవర్గాల్లోని మారుమూల మండలాలు, గ్రామాల్లో మంటలు చెలరేగినప్పుడు ఫైరింజన్‌ సకాలంలో చేరడం లేదు. బాధితులు తీవ్రంగా నష్టపోవాల్సిన పరిస్థితి ఏర్పడుతోంది. రూ.లక్షల్లో నష్టం వాటిల్లుతోంది. సిర్పూర్‌ నియోజకవర్గంలోని మారుమూల మండలాలైన బెజ్జూర్‌, కౌటాల, చింతలమానెపల్లి, దహెగాంతోపాటు ఆసిఫాబాద్‌ నియోజకవర్గంలోని సిర్పూర్‌(యూ), జైనూర్‌, లింగాపూర్‌, తిర్యాణి వంటి ఏజెన్సీ మండలాల్లో అగ్ని ప్రమాదాలు జరిగితే బాధితులు ఆశలు వదులుకోవాల్సిందే. ఫైర్‌స్టేషన్ల నుంచి ఆయా మండలాలు దాదాపు 50 నుంచి 80 కిలోమీటర్ల దూరంలో ఉన్నాయి. ప్రమాద స్థలాలకు ఫైరింజన్లు చేరుకోవడానికి రెండు, మూడు గంటల సమయం పడుతుంది. నిబంధన ప్రకారం.. ప్రతీ 50 వేల జనాభా కు ఒక అగ్నిమాపక కేంద్రం ఉండాలి. ప్రభుత్వ లెక్కల ప్రకారం జిల్లాలో ఐదు లక్షల మందికి పైనే నివసిస్తున్నారు. ఈ మేరకు జిల్లాలో కనీసం పది అగ్నిమాపక కేంద్రాలు ఉండాలి. ప్రస్తుతం ఉన్న రెండు కేంద్రాల భవనాలు కూడా శిథిలాస్థలో ఉంది. సిబ్బంది కొరత సైతం వెంటాడుతోంది. కౌటా ల, కెరమెరి ప్రాంతాల్లో అగ్నిమాపక కేంద్రాలు ఏర్పాటు చేయాలని శాఖ అధికారులకు గతంలోనే ప్రభుత్వానికి నివేదికలు అందించారు.

● 40 డిగ్రీలకు చేరిన ఉష్ణోగ్రతలు ● ఉపశమన చర్యలు చేపట్టిన కంపెనీ ● పని వేళలు మార్చాలని డిమాండ్‌శ్రీరాంపూర్‌: రోజురోజుకు పెరుగుతున్న ఉష్ణోగ్రతలతో ఓపెన్‌ కాస్టు ప్రాజెక్టు (ఓసీపీ)లు వేడెక్కుతున్నాయి. ఏప్రిల్‌ మొదటి వారం నుంచి ఎండల తీవ్రత పెరగడంతో ఓసీపీలు, ఇతర సర్ఫేస్‌ డిపార్టుమెంట్లలో పని చేస్తున్న కార్మికులకు తీవ్ర ఇబ్బందులు ఎదురవుతున్నాయి. ఇతర ప్రాంతాలతో పోల్చి తే సింగరేణి గనులు విస్తరించిన ప్రాంతాల్లో వేడి ఎక్కువగా ఉంటుంది. ఓసీపీ ప్రాంతాల్లో బొగ్గు అంతా ఎండలో ఉండడంతో దాని ప్రభావంతో ఉష్ణోగ్రత రెండు, మూడు డిగ్రీలు ఎక్కువగా నమోదవు తోంది. ఎండ వేడితో కుమురంభీం ఆసిఫాబాద్‌ జి ల్లా, మంచిర్యాల జిల్లా పరిధిలోని బెల్లంపల్లి రీజి యన్‌లో ఉన్న ఓసీపీల్లో ఉద్యోగులు ఇబ్బందులు పడుతున్నారు. బెల్లంపల్లి ఏరియా పరిధి కై రిగూడ, మందమర్రి ఏరియా పరిధి కేకే ఓసీపీ, ఆర్కేపీ ఓసీ పీ, శ్రీరాంపూర్‌ ఏరియా పరిధి ఎస్సార్పీ ఓసీపీ, ఇందారం ఓసీపీలున్నాయి. శ్రీరాంపూర్‌ ఓసీపీలో మంగళవారం గరిష్ట ఉష్ణోగ్రత 40 డిగ్రీలు నమోదైంది. శనివారం 39డిగ్రీలు నమోదు కాగా, మందమర్రిలో 38 డిగ్రీలు, బెల్లంపల్లిలో 39 డిగ్రీలు నమోదయ్యా యి. వీటిలో ఎండ తీవ్రతను కార్మికులు తట్టుకోవడానికి కంపెనీ ఉపశమన చర్యలు చేపట్టింది. చలువ పందిళ్లు, మజ్జిగ ప్యాకెట్లు పంపిణీ ఎండలు ముదరడంతో అన్ని ఓసీపీల్లోని క్వారీల్లో చలువ పందిళ్లు వేశారు. విధులకు వెళ్లే సమయంలో కార్మికులకు ఓఆర్‌ఎస్‌, మజ్జిగ ప్యాకెట్లు పంపిణీ చేస్తున్నారు. కార్యాలయాల వద్ద వాటర్‌ కూలింగ్‌ యూనిట్లు ఏర్పాటు చేశారు. కార్మికులు పని స్థలాల వద్దకు చల్లని నీరు తీసుకెళ్లడం కోసం ప్రత్యేకంగా కూల్‌ బాటిళ్లు అందజేశారు. ఓసీపీల్లో ఓబీ పనులు, సీహెచ్‌పీల వద్ద బెల్ట్‌ క్లీనింగ్‌, షెల్‌పికింగ్‌, రోడ్లు ఊ డ్చే ఇతర కార్మికులకూ కాంట్రాక్టర్లు మజ్జిగ, ఓఆర్‌ఎస్‌ ప్యాకెట్లు ఇస్తున్నారు. కాలనీల్లో సివిక్‌ పనులు చేసే కాంట్రాక్టు కార్మికులకు మాత్రం ఇవ్వడం లే దు. వారికీ వడదెబ్బ తగలకుండా ప్యాకెట్లు ఇవ్వాలని డిమాండ్‌ చేస్తున్నారు. కాగా, ఆర్కేపీ ఓసీపీ మూసివేత కార్యక్రమం సాగుతుండగా అక్కడ వే సవి ఉపశమనచర్యలు నామమాత్రంగా చేపట్టింది. వాహనాల్లో ఏసీ క్వారీల్లో నడిచే వాహనాలన్నీ ఏసీ కండీషన్‌లో ఉంచాలని అధికారులు ఆదేశించారు. ఈ మేరకు షవల్స్‌, డంపర్లు, డోజర్లు ఇతర అన్ని భారీ వాహనాల్లో ఏసీలు చెడిపోతే మరమ్మతు చేయిస్తున్నారు. పని వేళలు మార్చాలి ఎండ తీవ్రత దృష్ట్యా ఓసీపీల్లో పని వేళలు మార్చాలని కార్మిక సంఘాల నేతలు డిమాండ్‌ చేస్తున్నారు. ప్రస్తుతం ఉదయం షిఫ్ట్‌ 7నుంచి మధ్యాహ్నం 3 గంటలకు వరకు ఉండగా, ఉదయం 6 నుంచి మధ్యాహ్నం ఒంటి గంట వరకు మార్చాలని కోరుతున్నా రు. రెండో షిఫ్ట్‌ మధ్యాహ్నం 3నుంచి రాత్రి 11 గంటల వరకు ఉంటుంది. దీన్ని సాయంత్రం 4నుంచి 11 గంటల వరకు మార్చాలని అంటున్నారు. గతంలో వేసవి వచ్చిందంటే ఈ కొత్త పనివేళలు అమలు చేసేవారు. మూడేళ్ల నుంచి డిమాండ్‌ చేసినా యాజమాన్యం పట్టించుకోవడం లేదని, ఈ సారైనా వేళలు మార్చాలని గుర్తింపు సంఘం ఏఐటీయూసీ బ్రాంచి కార్యదర్శి బాజీసైదా డిమాండ్‌ చేశారు.

రెబ్బెన: గ్రామగ్రామాన పార్టీని బలోపేతం చేయాలని బీజేపీ జిల్లా అధ్యక్షుడు ధోని శ్రీశైలం కోరారు. ‘గావ్‌ చలో–బస్తీ చలో’ కార్యక్రమంలో భాగంగా శనివారం మండలకేంద్రంలోని సీతారామాంజనేయస్వామి ఆలయ ప రిసరాలను శుభ్రం చేశారు. అనంతరం ఆయ న మాట్లాడుతూ.. రానున్న స్థానిక సంస్థల ఎన్నికల్లో గెలుపే లక్ష్యంగా ముందుకు సాగా లని సూచించారు. ఈ సందర్భంగా శ్రీశైలంను శాలువాతో సత్కరించారు. అనంతరం మండల కేంద్రానికి చెందిన పార్టీ సీనియర్‌ నాయకుడు రాజేందర్‌ అగర్వాల్‌ను శ్రీశైలం శాలువాతో సన్మానించారు. కార్యక్రమంలో మండలాధ్యక్షుడు మల్రాజు రాంబాబు, రాష్ట్ర కార్యవర్గ సభ్యురాలు కృష్ణకుమారి, జిల్లా కన్వీనర్‌ కొలిపాక కిరణ్‌కుమార్‌, నాయకులు మల్లిక్‌, గోలేం తిరుపతి, సంజీవ్‌, మల్లేశ్‌, సతీశ్‌, మధూకర్‌ తదితరులున్నారు.

కెరమెరి(ఆసిఫాబాద్‌): పాలకులు చట్టాలను మార్చడంతోనే ఆదివాసీల అణిచివేత ప్రారంభమైందని, ఆదివాసీల హక్కులను పరిరక్షించాలని ప్రొఫెసర్‌ కోదండరాం పేర్కొన్నారు. శనివారం మండలంలో ని జోడేఘాట్‌లో ప్రారంభమైన తుడుందెబ్బ రాష్ట్ర మహాసభకు హాజరయ్యారు. అంతకుముందు కు మురంభీం విగ్రహానికి, అంబేడ్కర్‌ చిత్రపటానికి పూలమాలలు వేసి నివాళులర్పించారు. అనంతరం మహాసభలో మాట్లాడారు. ప్రభుత్వాలు మారుతున్న క్రమంలో 73, 74వ రాజ్యాంగ సవరణతో ఏజెన్సీ ప్రాంత ఆదివాసీలకు కల్పించిన హక్కులు, చట్టాలు ఖూనీ అవుతున్నాయని పేర్కొన్నారు. అ మరుల ఆశయాలు కొనసాగించినప్పుడు, కుల, రా జకీయాలకు అతీతంగా పోరాడినప్పుడు హక్కులు, చట్టాలు అమలుకు నోచుకుంటాయని చెప్పారు. మహాసభలో రాష్ట్ర మహాసభ అధ్యక్షుడు బుర్స పో చయ్య, కోకన్వీనర్‌ కోట్నాక విజయ్‌, నాయకులు విజయ్‌, నగేశ్‌, లక్ష్మీనారాయణ, నరసింహారావు, రఘుపతిరావు, నారాయణ, బాపు, రవి, రాజేందర్‌ తదితరులతోపాటు ఉమ్మడి ఆదిలాబాద్‌, వరంగల్‌, ఖమ్మం, కరీంనగర్‌, మహబూబ్‌నగర్‌ జిల్లాల అధ్యక్ష, కార్యదర్శులు పాల్గొన్నారు. జోడేఘాట్‌లో నిర్వహించిన తుడుందెబ్బ రాష్ట్ర మహాసభలో ప్రొఫెసర్‌ కోదండరాం

● పారాక్వాట్‌ నిషేధానికి డాక్టర్ల సంఘం ఏర్పాటు సాక్షి ప్రతినిధి, మంచిర్యాల: దేశంలో ఎంతోమంది నిండు ప్రాణాలను బలితీసుకుంటున్న గడ్డి మందు(పారా క్వాట్‌) నిషేధమే లక్ష్యంగా పోరాటానికి ఓ సంఘం ఏర్పాటైంది. రాష్ట్రంలో పలువురు ప్రైవేట్‌ వైద్యులు కలిసి ‘డాక్టర్స్‌ అసోసియేషన్‌ అగెనెస్ట్‌ పారాక్వాట్‌ పాయిజనింగ్‌’ పేరుతో ఓ సొసైటీని రిజిస్ట్రేషన్‌ చేయించారు. మంచిర్యాల కేంద్రంగా కార్యకలాపాలు సాగించనున్న ఈ సంఘానికి అధ్యక్షుడిగా ఖమ్మంకు చెందిన డాక్టర్‌ సతీశ్‌ నారాయణచౌదరి, ఉపాధ్యక్షుడిగా మంచిర్యాలకు చెందిన డాక్టర్‌ రాకేశ్‌ చెన్న, ప్రధాన కార్యదర్శిగా వరంగల్‌కు చెందిన డాక్టర్‌ మానస మామిడాలతో సహా మరో ఆరుగురి వైద్యులతో కార్యవర్గం ఏర్పడింది. ఈ సందర్భంగా సభ్యులు మాట్లాడుతూ.. క్షణికావేశంలో గడ్డి మందు తాగి చాలామంది ప్రాణాలు కోల్పోతున్నారని తెలిపారు. అనేక దేశాల్లో నిషేధించినా ఇక్కడ విరివిరిగా వాడకంతో అనర్థాలున్నాయని పేర్కొన్నారు. ఈ విష రసాయన అమ్మకాలు నిలిపివేయాలని కేంద్ర, రాష్ట్ర ప్రభుత్వాలకు తెలియజేసేలా అన్ని రకాల ప్రయత్నాలు చేస్తామని తెలిపారు. ఈ పోరాటానికి స్వచ్ఛంద సంస్థలు, పౌరులు తమతో కలిసి రావాలని కోరారు.

● వైద్య సిబ్బందిపై ప్రత్యేక నిఘా ● ప్రభుత్వాస్పత్రుల్లో అబాస్‌ హాజరు ● త్వరలో ప్రారంభించనున్న సర్కార్‌ ● వివరాలు సేకరించిన వైద్యారోగ్యశాఖ కెరమెరి(ఆసిఫాబాద్‌): జిల్లాలోని వైద్యారోగ్యశాఖ సిబ్బంది ఇక నుంచి నిక్కచ్చిగా విధులు నిర్వహించేందుకు ప్రభుత్వం ప్రత్యేక కార్యాచరణ సిద్ధం చేస్తోంది. సిబ్బంది విధులు సక్రమంగా నిర్వర్తించడం లేదనే ఆరోపణల నేపథ్యంలోనే ముఖ గుర్తింపు హాజరు నమోదుకు నిర్ణయించింది. ఇప్పటికే ఆయా మండలాల్లోని వైద్య సిబ్బంది వివరాలను జిల్లా స్థాయి అధికారులు సేకరించి వైద్యారోగ్య శాఖకు పంపించారు. త్వరలో అబాస్‌ (ఆధార్‌ బేస్డ్‌ అటెండెన్స్‌ సిస్టం) హాజరు అమలులోకి రానుంది. మెరుగైన సేవలందించేందుకే.. అధికారులు, సిబ్బంది విధులకు హాజరై మధ్యలో ఇంటికెళ్లడం, ఇదేమిటని? ప్రశ్నిస్తే క్షేత్రస్థాయిలో విధులకు వెళ్లానని చెప్పడం, విధులకు రాకపోయినా వచ్చినట్లు సంతకాలు చేయడం లాంటి ఘటనలు జిల్లా పలుచోట్ల జరుగుతున్నాయి. దీంతో ప్రజలు ఫిర్యాదు చేయగా వారి కి మెరుగైన వైద్యసేవలందడం లేదని వైద్యారోగ్యశాఖ గుర్తించింది. ఇలా వ్యవహరించే ఉ ద్యోగులపై ప్రత్యేక నిఘా పెట్టాలని నిర్ణయించింది. జిల్లా వ్యాప్తంగా ఆస్పత్రులు, కార్యాలయాల్లో పనిచేసే వారి వివరాలు సేకరించింది. గతంలో కొన్ని పీహెచ్‌సీల వద్ద సీసీ కెమెరాలు ఏర్పాటు చేసి జిల్లా కేంద్రంలోని వైద్యారోగ్యశాఖ కార్యాలయానికి అనుసంధానం చేశారు. ప్రస్తుతం అవి సక్రమంగా పనిచేయడం లేదు. ఇప్పటికే వివరాల సేకరణ జిల్లాలోని 15 మండలాల్లో 15 పీహెచ్‌సీలు, ఆ రు సీహెచ్‌సీలున్నాయి. వీటి పరిధిలో సుమారు 315 మంది సిబ్బంది పని చేస్తున్నారు. కింది స్థాయి సిబ్బంది నుంచి జిల్లాస్థాయి అధికారుల వరకు ఒకే తరహాలో హాజరు విధానాన్ని అమలు చేయనున్నారు. వైద్యసేవలను మెరుగుపర్చేందుకు విధులకు డుమ్మా కొట్టే సిబ్బందిని గాడిలోకి తెచ్చేందుకు ఈ అబాస్‌ హాజరు విధా నం ఉపయోగపడనుంది. రాష్ట్ర వైద్యారోగ్యశాఖ నుంచి వచ్చిన ఆదేశాల ప్రకారం సిబ్బంది ఆధార్‌కార్డు వివరాల సేకరణ కొద్దిరోజుల నుంచి కొ నసాగుతోంది. ఇది పూర్తి కాగానే కొత్త యాప్‌ అందుబాటులోకి రానుంది. దీని ద్వారా అధికా రులతో పాటు సిబ్బంది హాజరు నమోదు కానుంది. ఒక్కో ఉద్యోగికి ఒక్కో ఐడీ కేటాయిస్తారు. ఐడీలను అబాస్‌ మిషన్‌లో నమోదు చేస్తారు. విధులకు వెళ్లిన తర్వాత, ఉన్న స్థానం నుంచి హాజరు నమోదు చేయాల్సి ఉంటుంది. వివరాలు పంపించాం జిల్లాలోని వివిధ ప్రభుత్వ ఆస్పత్రులు, జిల్లా కేంద్రంలోని కార్యాలయ సిబ్బంది వివరాలు సేకరించి ఉన్నతాధికారులకు పంపించాం. ఇప్పటివరకు అబాస్‌ హాజరు అమలుపై ఆదేశాల రాలేదు. ప్రభుత్వం నుంచి ఆదేశాలు రాగానే కొత్త హాజరు విధానం అమలయ్యేలా చర్యలు తీసుకుంటాం. – సీతారాం, డీఎంహెచ్‌వో

ఆసిఫాబాద్‌అర్బన్‌: పేదల సంక్షేమమే ప్రభుత్వ ధ్యే యమని డీసీసీ అధ్యక్షుడు విశ్వప్రసాద్‌రావ్‌ పేర్కొన్నారు. శనివారం జిల్లా కేంద్రంలో పార్టీ మండలా ధ్యక్షుడు చరణ్‌ అధ్యక్షతన జిల్లా కేంద్రంలో ప్రధాన వీధుల గుండా నిర్వహించిన జైబాపు జైభీం, జై సంవిధాన్‌ ర్యాలీకి ముఖ్య అతిథిగా హాజరై మాట్లాడా రు. ప్రస్తుతం కేంద్ర ప్రభుత్వం బడుగు, బలహీన వర్గాల అభివృద్ధికి కృషి చేసే రాజ్యాంగాన్ని మార్చే పనిలో ఉందని ఆరోపించారు. సమాజంలోని పేద, మధ్య తరగతి వర్గాల సంక్షేమమే తమ ప్రభుత్వ లక్ష్యమని పేర్కొన్నారు. రాజ్యాంగ రచన పూర్తయి 75 ఏళ్లు అవుతున్న నేపథ్యంలో దాని ఆవశ్యకతను ప్రజలకు వివరిస్తున్నట్లు తెలిపారు. ఐక్యంగా ముందుకు సాగి దాని నిజతత్వాన్ని అలాగే ఉండేలా కేంద్ర ప్రభుత్వంపై ఒత్తిడి తీసుకురావాల్సిన బాధ్యత అందరిపై ఉందని పేర్కొన్నారు. కార్యక్రమంలో మైనార్టీ విభాగం అధ్యక్షుడు అసద్‌, మాజీ ఎంపీపీ బాలేశ్వర్‌గౌడ్‌, నాయకులు మహ్మద్‌ ఇస్మాయిల్‌ (బబ్లూ) శివకుమార్‌, శైలేందర్‌, రాపర్తి కార్తిక్‌, నాయకులు, కార్యకర్తలు పాల్గొన్నారు.

శివపార్వతుల కల్యాణం ఇందిరానగర్‌లోని మహంకాళి ఆలయం వద్ద జాతర ప్రారంభమైంది. మొదటిరోజు శివపార్వతుల కల్యాణం జరిపించారు.9లోశ్రీఆంజనేయం.. ప్రసన్నాంజనేయంహన్మాన్‌ జయంతిని జిల్లావ్యాప్తంగా శనివారం ఘనంగా జరుపుకొన్నారు. ఆయా ఆలయాల్లో సుప్రభాత సేవ ప్రారంభించి అనంతరం కలశగణపతిపూజ, పుణ్యాహవాచనం, ధ్వజారోహణం, మహాన్యాస ఏకాదశ రుద్రాభిషేకం, పూర్ణాహుతి, హోమం తదితర పూజలు నిర్వహించారు. వేకువజాము నుంచే భక్తులు ఆలయాల్లో అంజన్నను దర్శించుకున్నారు. ఆలయ కమిటీల ఆధ్వర్యంలో అన్నదాన కార్యక్రమాలు ఏర్పాటు చేశారు. సాయంత్రం శోభాయాత్రలతో వీధులన్నీ కాషాయమయం కాగా, హన్మాన్‌ నామస్మరణ మార్మోగింది. జిల్లా కేంద్రంలోని కేస్లాపూర్‌ హన్మాన్‌ ఆలయంలో నిర్వహించిన వేడుకలకు కలెక్టర్‌ వెంకటేశ్‌ దోత్రే దంపతులు, ఎమ్మెల్యే కోవ లక్ష్మి, వివిధ పార్టీల నాయకులు, అధికారులు హాజరయ్యారు. – సాక్షి నెట్‌వర్క్‌

తిర్యాణి: ఆదివాసీల అభివృద్ధికి పోలీసుల స హకారం ఉంటుందని ఆసిఫాబాద్‌ సబ్‌ డివిజ న్‌ ఏఎస్పీ చిత్తరంజన్‌ పేర్కొన్నారు. శనివా రం మండలంలోని మంగీ, కొలాంగూడ గ్రామాల్లో పర్యటించి గిరిజనులకు వివిధ అంశాలపై అవగాహన కల్పించారు. ఈ సందర్భంగా గ్రామాల్లో ప్రజలతో సమావేశమై మాట్లాడారు. ఆదివాసీలు విద్యకు ప్రాముఖ్యతనివ్వాలని, విద్యతో మాత్రమే అభివృద్ధి సాధ్యపడుతుందని తెలిపారు. యువత చెడు వ్యసనాల జోలికి వెళ్లకుండా చదువు, క్రీడలపై దృష్టి పెట్టాలని సూచించారు. గ్రామాల్లో ఎవరైనా కొత్త వ్యక్తులు సంచరిస్తున్నట్లు అనుమానాలుంటే వెంటనే పోలీసులకు సమాచా రం ఇవ్వాలని కోరారు. ఎలాంటి సమస్యలు న్నా తమ దృష్టి తీసుకువస్తే తప్పనిసరిగా ప రిష్కరించేందుకు కృషి చేస్తామని తెలిపారు. మావోయిస్టులకు సహకరించవద్దని సూచించారు. అనంతరం చిన్న పిల్లలకు పలకలు, బిస్కెట్లు పంపిణీ చేశారు. కార్యక్రమంలో ఎస్సై శ్రీకాంత్‌ తదితరులు పాల్గొన్నారు.

వాంకిడి: నిరుద్యోగులు రాజీవ్‌ యువ వికా సం పథకాన్ని సద్వినియోగం చేసుకోవాలని అదనపు కలెక్టర్‌ దీపక్‌ తివారి అన్నారు. మండల కేంద్రంలోని ఎంపీడీవో కార్యాలయంలో ఏర్పాటు చేసిన ప్రజాపాలన కేంద్రాన్ని శుక్రవారం సందర్శించారు. దరఖాస్తుల ఆన్‌లైన్‌ ప్రక్రియను పరిశీలించారు. ఆయన మాట్లాడు తూ పథకంలో అందుబాటులో ఉన్న యూని ట్లపై అవగాహన పెంచుకుని దరఖాస్తు చేసుకోవాలన్నారు. ఆన్‌లైన్‌లో దరఖాస్తు చేసుకునే సమయంలో వివరాలు సక్రమంగా చూసుకోవాలన్నారు. అనంతరం ఎంపీడీవో కార్యాలయంలో ఏర్పాటు చేసిన ప్రత్యేక కౌంటర్‌ వద్ద సమర్పించాలని సూచించారు. సంబంధిత సిబ్బంది దరఖాస్తుల వివరాలను కులాల వారీగా రిజిస్ట్రార్‌లో నమోదు చేయాలన్నారు. కుల, ఆదాయ ధ్రువపత్రాలు త్వరగా మంజూరు చేయాలని తహసీల్దార్‌ రియా జ్‌ అలీని ఆదేశించారు. అనంతరం మండలంలో ఇప్పటివరకు అందిన ఎల్‌ఆర్‌ఎస్‌ దరఖా స్తుల వివరాలను పంచాయతీ కార్యదర్శి శివకుమార్‌ను అడిగి తెలుసుకున్నారు. మండల కేంద్రంలోని డీఆర్‌ డిపోను తనిఖీ చేశారు. ఎలాంటి అవకతవకలు లేకుండా సన్నబియ్యం పంపిణీ చేయాలన్నారు. ఎంపీడీవో ప్రవీణ్‌కుమార్‌, ఏపీవో శ్రావణ్‌కుమార్‌, ఆర్‌ఐ మాజిత్‌ తదితరులు ఉన్నారు.

● అందుబాటులోకి రానున్న పోషణ్‌ ట్రాకర్‌ యాప్‌ ● ఏడు నెలల నుంచి మూడేళ్లలోపు చిన్నారుల వివరాలు నమోదు ● ముఖ గుర్తింపు ద్వారా సరుకులు పంపిణీకి కసరత్తుదహెగాం(సిర్పూర్‌): అంగన్‌వాడీ కేంద్రాల్లో మరింత పారదర్శకంగా సేవలు అందించేందుకు ప్రభుత్వం చర్యలు చేపట్టింది. ఇందులో భాగంగా పోషణ్‌ ట్రాకర్‌ మొబైల్‌ అప్లికేషన్‌ అందుబాటులోకి తీ సుకురానుంది. ఫేస్‌ క్యాప్చర్‌(ముఖ గుర్తింపు) సౌకర్యంతో లబ్ధిదారులతోపాటు కేంద్రాల్లో అందించే సేవలపై పర్యవేక్షించనున్నారు. దీని ద్వారా అక్రమాలకు అడ్డుకట్ట పడుతుందని ప్రభుత్వం భావి స్తోంది. ప్రస్తుతం జిల్లాలో చిన్నారుల వివరాలను ఫొటోపాటు యాప్‌లో అప్‌లోడ్‌ చేస్తున్నారు. ఈ ప్రక్రియ 80శాతం ప్రక్రియ పూర్తయిందని అధికారులు వెల్లడించారు. మే తర్వాత నుంచి యాప్‌ను వినియోగంలోకి తీసుకువచ్చే అవకాశం ఉంది. 973 అంగన్‌వాడీ కేంద్రాలు..జిల్లావ్యాప్తంగా 834 మెయిన్‌, 139 మినీ కేంద్రాలతో కలిసి మొత్తం 973 అంగన్‌వాడీ సెంటర్లు ఉన్నాయి. ఇందులో చిన్నారులు 40,812 మంది ఉండగా, గర్భిణులు 4,688 మంది, బాలింతలు 3,502, కిశోర బాలికలు 16,564 మంది ఉన్నారు. కేంద్ర ప్రభుత్వం ప్రవేశపెట్టిన పోషణ్‌ ట్రాకర్‌ యాప్‌లో అంగన్‌వాడీ కేంద్రాల పరిధిలోని చిన్నారుల వివరాల నమోదు 80 శాతం పూర్తి చేసినట్లు సంబంధిత అధికారులు తెలిపారు. మిగిలిన 20 శాతం మంది స్థానికంగా లేకపోవడంతో ఆలస్యమవుతుందని వారు పేర్కొన్నారు. లబ్ధిదారుల ఫొటోపాటు ఆధార్‌, ఫోన్‌ నంబర్‌ వివరాలు అప్‌లోడ్‌ చేస్తున్నారు. యాప్‌లోని ఫేస్‌ అథెంటిక్‌ ఫీచర్‌ ద్వారా అంగన్‌వాడీ కేంద్రాల కార్యకలాపాలు, సేవలతోపాటు పోషకాహారం పంపిణీని చివరి వరకు ట్రాక్‌ చేసేందుకు వీలు కలుగుతుంది. గర్భిణులు, బాలింతల వివరాలు సైతం ఈ యాప్‌లో నమోదు చేయాల్సి ఉన్నా.. ఇంకా ప్రభుత్వం నుంచి విధి విధానాలు రాలేదు. సిగ్నల్‌ లేనిచోట ఇబ్బందులుసెల్‌ఫోన్‌లో పోషణ్‌ ట్రాక్‌ యాప్‌ను టీచర్లు ఇన్‌స్టాల్‌ చేసుకుని వివరాలు నమోదు చేస్తున్నారు. అయితే జిల్లాలో తిర్యాణి మండలంతోపాటు సిగ్న ల్‌ లేని మారుమూల ప్రాంతాల్లో సిగ్నల్‌ సమస్యతో ఇబ్బందులు ఏర్పడుతున్నాయి. ఇంటర్నెట్‌ పనిచేయకపోవడంతో ఇబ్బందులు పడుతున్నామని అంగన్‌వాడీ టీచర్లు చెబుతున్నారు. ఆయా గ్రామాల్లో ముందుగానే ఫొటో తీసుకుని.. సిగ్నల్‌ ఉన్నచోటుకు వెళ్లిన తర్వాత యాప్‌లో అప్‌లోడ్‌ చేస్తున్నామని తెలిపారు. మే నెల నుంచి యాప్‌ ద్వారా సరుకులు అందించే ప్రక్రియ చేపడితే సిగ్నల్‌ లేనిచోట మరింత సమస్యలు ఏర్పడే అవకాశం ఉంది. 80 శాతం పూర్తి ప్రభుత్వ ఆదేశాల మేరకు ఫేస్‌ రికగ్నైషేన్‌ క్యాప్చర్‌ అప్‌లోడ్‌ ఇప్పటి వరకు జిల్లాలో 80 శాతం పూర్తయింది. ఈ కార్యక్రమం ఇంకా కొనసాగుతోంది. నెట్‌వర్క్‌ ఇబ్బంది ఉన్న చోట మ్యానువల్‌గా ఫొటో తీసుకుని సిగ్నల్‌ ఉన్నచోట యాప్‌లో అప్‌లోడ్‌ చేయాలి. అంగన్‌వాడీ కేంద్రాల్లో డూప్లికేట్‌ను అరికట్టి, సరుకులు పక్కదారి పట్టకుండా చూడటం యాప్‌ ప్రధాన ఉద్దేశం. – భాస్కర్‌, ఐసీడీఎస్‌ పీడీ ముఖం గుర్తిస్తేనే సరుకులుపోషణ్‌ ట్రాకర్‌ యాప్‌లో ముందుగా లబ్ధిదారుల ముఖాన్ని స్కాన్‌ చేస్తారు. ఈ ప్రక్రియ తర్వాత సంబంధిత లబ్ధిదారు నంబర్‌కు ఓటీపీ సైతం వెళ్తుంది. ఆ తర్వాతే సరుకులు అందించనున్నారు. ఒక వేళా యాప్‌ ఫొటో గుర్తించకుంటే సరుకులు అందించరు. అంగన్‌వాడీ కేంద్రాల్లో పేర్లు నమోదు కాని వారికి లబ్ధి చేకూర్చేందుకు వీలుండదని అధికారులు పేర్కొంటున్నారు. ప్రస్తుతం పోషణ్‌ ట్రాకర్‌ అప్లికేషన్‌లో అంగన్‌వాడీ కేంద్రాల పరిధిలో ఏడు నెలలు మూడేళ్ల లోపు చిన్నారుల వివరాలు నమోదు చేస్తున్నారు. ఒక వేళ చిన్నారులకు ఆధార్‌కార్డు లేకుంటే వారి తల్లిదండ్రుల ఆధార్‌ నంబర్‌ అనుసంధానిస్తున్నారు. ఈ ప్రక్రియలో ఫొటోలు పొరపాటున తప్పుగా అప్‌లోడ్‌ చేసినా మరోసారి సరిదిద్దుకునేందుకు అవకాశం కల్పించారు.

రెబ్బెన(ఆసిఫాబాద్‌): నిరంతర సాధనతో పోటీ పరీక్షల్లో విద్యార్థులు ఉత్తమ ఫలితాలు సాధించవచ్చని బెల్లంపల్లి ఏరియా జనరల్‌ మేనేజర్‌ విజయ భాస్కర్‌రెడ్డి అన్నారు. గోలేటి టౌన్‌షిప్‌లోని సింగరేణి ఉన్నత పాఠశాలలో ఉచిత పాలిసెట్‌ కోచింగ్‌ సెంటర్‌ను శుక్రవారం ప్రారంభించారు. జీఎం మాట్లాడుతూ విద్యార్థులు ఒక లక్ష్యంతో చదివితే మంచి భవిష్యత్తు ఉంటుందన్నారు. శ్రీరాంపూర్‌లోని సింగరేణి పాలిటెక్నిక్‌ కళాశాల రాష్ట్రంలోనే రెండో స్థానంలో ఉందన్నారు. సాంకేతిక విద్య అభ్యసించే విద్యార్థులకు మెరుగైన కొలువులు సాధించేందుకు అవకాశం ఉంటుందన్నారు. ఏరియాలోని విద్యార్థులు ఉన్నతస్థాయికి చేరేందుకు ఉచితంగా పాలిసెట్‌ కోచింగ్‌ సెంటర్‌ ఏర్పాటు చేశామని తెలిపారు. కార్యక్రమంలో పాఠశాల కరస్పాండెంట్‌ రెడ్డిమల్ల తిరుపతి, ప్రధానోపాధ్యాయుడు రవితేజ, ఉపాధ్యాయుడు ఆర్లారెడ్డి, పీఈటీ భాస్కర్‌ తదితరులు పాల్గొన్నారు.

లింగాపూర్‌: జోడేఘాట్‌ డిప్యూటీ రేంజ్‌ అధికారి జ్ఞానేశ్వర్‌పై ఎస్సీ, ఎస్టీ అట్రాసిటీ కేసు నమోదు చేయాలని మండలంలోని కొత్తపల్లి గ్రామస్తులు శుక్రవారం స్థానిక పోలీస్‌స్టేషన్‌ ఎదుట నిరసన తెలిపారు. ఈ సందర్భంగా మాజీ వైస్‌ ఎంపీపీ ఆత్మారాం, కాంగ్రెస్‌ మండల అధ్యక్షుడు జాదవ్‌ లోకేందర్‌ మాట్లాడారు. గ్రామానికి చెందిన ఓ మహిళను రేంజ్‌ అధికారి అకారణంగా దూషించాడని ఆరోపించారు. చేనులో ఎందుకు బోర్‌ వే యించావు.. అనుమతి ఎవరు ఇచ్చారంటూ గ్రామస్తుల ఎదుట అవమానపర్చాడని పేర్కొన్నారు. రేంజ్‌ అధికారిపై చర్యలు తీసుకోవాలని ఎస్సై గంగన్నకు ఫిర్యాదు చేశామని తెలిపారు.

● జోడేఘాట్‌లో నేటి నుంచి తుడుందెబ్బ రాష్ట్ర మహాసభలు ● మూడు రోజులపాటు శిక్షణ తరగతులు ● పాత, కొత్త చట్టాలపై అవగాహన ● హాజరుకానున్న ప్రొఫెసర్లు కోదండరాం, ఖాసీం ఏళ్లుగా పోరాటంఆదివాసీల ప్రజాస్వామిక ఆకాంక్షలు నెరవేర్చడమే ఏజెండాగా.. అస్తిత్వంతోపాటు హక్కుల రక్షణ కోసం తుడుందెబ్బ సంఘం ఏళ్లుగా పోరాటం సాగిస్తోంది. నాయకత్వ నిర్మాణంలో అనేక ఒడిదొడుకులు ఎదుర్కొంటూ నిర్బంధాలను దాటి లక్ష్య సాధన కోసం ఉద్యమిస్తోంది. ఓ వైపు ఆదివాసీల రక్షణకు పోరాడుతూనే మరోవైపు దళిత, బహజన, శ్రామిక వర్గాల హక్కులు, సీ్త్ర హక్కుల కోసం ఉద్యమించే ప్రజా సంఘాలకు మద్దతుగా నిలుస్తోంది. కెరమెరి(ఆసిఫాబాద్‌): ఆదివాసీ చట్టాలు, హక్కుల రక్షణకు ఆదివాసీ హక్కుల పోరాట సమితి(తుడుందెబ్బ) నడుం బిగించింది. ఈ నెల 12 నుంచి మూడు రోజులపాటు కెరమెరి మండలం జోడేఘాట్‌లోని కుమురంభీం మ్యూజియంలో రాష్ట్ర మహాసభలు నిర్వహించనున్నారు. ఇందులో భాగంగా రాష్ట్ర, జిల్లా, మండలాల స్థాయిలో పనిచేసే యువ సభ్యులు దాదాపు 200 మందికి శిక్షణ అందించేందుకు ఏర్పాట్లు చేశారు. శనివారం మధ్యాహ్నం 12.30 గంటలకు ప్రారంభమయ్యే ఈ కార్యక్రమానికి ప్రొఫెసర్లు కోదండరాం, ఖాసీం హాజరు కానున్నారు. తుడుందెబ్బ ఆవిర్భవించి 28 ఏళ్లు పూర్తి చేసుకున్న సందర్భంగా రాష్ట్ర మహాసభలు నిర్వహిస్తున్నట్లు సంఘం సభ్యులు తెలిపారు. ఆదివాసీ చట్టాల అమలేది..?ప్రత్యేక రాష్ట్రంలోనూ ఆదివాసీలు అభివృద్ధికి దూరంగా ఉంటున్నారు. హక్కులు, చట్టాల అమలుపై చిత్తశుద్ధి కరువైందనే ఆరోపణలు ఉన్నాయి. దీంతో నేటికీ వారి జీవితాల్లో మార్పు కనిపించడం లేదు. ఉమ్మడి రాష్ట్రంలో ప్రత్యేకంగా ఏర్పాటు చేసిన సమగ్ర గిరిజన అభివృద్ధి సంస్థ(ఐటీడీఏ) ద్వారా ప్రత్యేక రుణాలు, ఉద్యోగాల కల్పన తదితర కార్యక్రమాలు పకడ్బందీగా చేపట్టారు. అయితే ప్రత్యేక రాష్ట్రంలో ఐటీడీఏను పట్టించుకోవడం లేదని ఆదివాసీలు చెబుతున్నారు. మరోవైపు గిరిజన హక్కులపై దాడి పెరగడంపై సర్వత్రా ఆందోళన మొదలైంది. ఉద్యోగ అవకాశాలు కల్పించే షెడ్యూల్డ్‌ ప్రాంత జీవోలు మసకబారి పోయాయి. మైదాన ప్రాంతాల కోసం రూపొందించే జనరల్‌ పరిపాలన అధికారాలను ఏజెన్సీ ప్రాంతాల్లోనూ అమలు చేస్తున్నారు. వందశాతం గిరిజనులకే ఉద్యోగాలు కల్పించే జీవో 3తోపాటు పెసా, 1/70 చట్టాలు నిర్వీర్యం అవుతున్నాయి. ఈ నెల 12, 13, 14 తేదీల్లో కొత్త, పాత చట్టాలపై తుడుందెబ్బ సంఘం సభ్యులకు శిక్షణ అందించనున్నారు. వీరు గ్రామాల్లో ప్రజలకు వివరించనున్నారు. ఉద్యమ కార్యాచరణ ఆదివాసీల హక్కులు, చట్టాల రక్షణకు ఉద్యమ కార్యాచరణ రూపొందిస్తున్నారు. ఆదివాసీలు నష్టపోతున్నా పాలకులు ప్రత్యేక చర్యలు తీసుకోవడం లేదు. ఆదివాసీలకు చట్టాలపై అవగాహన కల్పిస్తాం. గ్రామస్థాయిలో తుడుందెబ్బను బలోపేతం చేస్తాం. – కోవ విజయ్‌, తుడుందెబ్బ జిల్లా అధ్యక్షుడు

● సర్కారు విద్యార్థుల యూనిఫాంలో మార్పులు ● ఈసారి నిక్కర్‌కు బదులుగా ప్యాంట్‌ ● జిల్లాలో 47,530 మంది విద్యార్థులు ఆసిఫాబాద్‌రూరల్‌: సర్కారు పాఠశాలల్లో విద్యను అభ్యసిస్తున్న విద్యార్థులకు ప్రభుత్వం యూనిఫాం అందజేస్తున్న విషయం తెలిసిందే. కానీ ఈ విద్యాసంవత్సరం నుంచి విద్యార్థులకు నిక్కర్‌కు బదులుగా ప్యాంటు ఇవ్వాలని విద్యాశాఖ నిర్ణయం తీసుకుంది. ఇందుకు సంబంధించిన జీవో సైతం జారీ చేసింది. గతంలో ఒకటో తరగతి నుంచి ఏడో తరగతి విద్యార్థులకు నిక్కర్‌, చొక్కా, ఎనిమిదో తరగతి నుంచి పదో తరగతి విద్యార్థులకు ప్యాంట్‌, చొక్కా అందజేశారు. కానీ ఈసారి ఆరో తరగతి నుంచి ఇంటర్‌ విద్యార్థుల వరకు ప్యాంట్‌, చొక్కా అందజేయనున్నారు. దీనికి సంబంఽధించిన వస్త్రం ప్రభుత్వం నుంచి రానున్నట్లు సంబంధిత అధికారులు పేర్కొంటున్నారు. 47,530 మంది విద్యార్థులు ప్రభుత్వ పాఠశాలల్లో చదువుతున్న విద్యార్థులకు నాణ్యమైన విద్యతో పాటు భోజనం, యూనిఫాం, పాఠ్య పుస్తకాలు, నోట్‌బుక్స్‌ అందజేస్తోంది. జిల్లాలో డీఈవో పరిధిలో 739 పాఠశాలతో పాటు గిరిజన ప్రైమరీ స్కూల్‌, కేజీబీవీ, మోడల్‌ స్కూల్‌, యూఆర్‌జేసీ స్కూల్‌లో చదువుతున్న విద్యార్థులకు యూనిఫాం కుట్టించి అందజేస్తున్నారు. జిల్లాలోని మొత్తం 930 పాఠశాలల్లో 47,530 మంది విద్యార్థులకు రెండు జతల చొప్పున అందజేయనున్నారు. ఇందులో బాలురు 22,518 మంది, బాలికలు 25,012 మంది ఉన్నారు. వీరి కోసం 1,90,902 మీటర్ల వస్త్రం వచ్చింది. గతంలో ఆరు, ఏడో తరగతి విద్యార్థులకు సైతం నిక్కరే ఇవ్వడంతో పెద్దపిల్లలు వాటిని వేసుకోలేకపోయారు. ఇది గుర్తించిన విద్యాశాఖ ఈసారి నిక్కర్‌కు బదులు ప్యాంటు ఇవ్వాలని నిర్ణయం తీసుకుంది. దీంతో 8,625 మంది విద్యార్థులకు ప్రయోజనం చేకూరనుంది. జూన్‌ 10లోగా పూర్తిచేస్తాం రాబోయే విద్యాసంవత్సరం జూన్‌ 10వ తేదీలోగా ప్రభుత్వ పాఠశాలల విద్యార్థులకు ఒక్కొక్కరికి రెండు జతల యూనిఫాం కుట్టించి ఇస్తాం. విద్యార్థులు ఇబ్బందులు పడకుండా అన్ని చర్యలు తీసుకుంటున్నాం. – మధుకర్‌, ఎస్‌వో మహిళా సమాఖ్యలకు కుట్టే బాధ్యతలు విద్యార్థుల అవసరమైన ఏకరూప దుస్తులు స్టిచ్చింగ్‌ చేసే బాధ్యత స్వయం సహాయక సంఘాల మహిళలకు అప్పగించనున్నారు. విద్యాశాఖ నుంచి మండల శాఖ కార్యాలయానికి అక్కడి నుంచి విద్యార్థుల సంఖ్యకు అనుగుణంగా క్లాత్‌ కటింగ్‌ చేసి పాఠశాలలుగా విభజించి స్వయం సహాయక సంఘాలకు స్టిచ్చింగ్‌కు ఇస్తారు. వీరికి ఒక్కో జతకు రూ.75 చొప్పున కుట్టుకూలి ఇవ్వనున్నారు. కాగా గతేడాది కుట్టిన డబ్బులే ఇంకా రానట్లు తెలుస్తోంది.

ఆసిఫాబాద్‌: సమాజంలో సీ్త్ర పురుష సమానత్వం, దళిత, గిరిజన వర్గాల సంక్షేమం కోసం మహా త్మా జ్యోతిబా పూలే ఎనలేని కృషి చేశారని కలెక్టర్‌ వెంకటేశ్‌ దోత్రే అన్నారు. జిల్లా కేంద్రంలోని కలెక్టరేట్‌లో శుక్రవారం జ్యోతిబా పూలే జయంతి ఘనంగా నిర్వహించారు. ఎమ్మెల్యే కోవ లక్ష్మి, డీసీసీ అధ్యక్షుడు విశ్వప్రసాద్‌రావు, బీజేపీ సీని యర్‌ నాయకుడు అరిగెల నాగేశ్వర్‌రావు, మాలి సంక్షేమ సంఘం నాయకులతో కలిసి నివాళులర్పించారు. అనంతరం కలెక్టర్‌ మాట్లాడుతూ సమానత్వం, సమసమాజం కోసం పూలే రెండు దశాబ్దాల క్రితమే పోరాటాలు చేసి, ప్రజలను చైతన్యపరిచారని తెలిపారు. కుల వివక్షతను ప్రత్యక్షంగా అనుభవించిన ఆయన.. వివక్షతను అంతం కావాలని పరితపించారన్నారు. అసమానతలు, కుల వ్యవస్థ అంతం చేయాలని నిర్ణయించుకుని పోరాటాలు చేశారని గుర్తు చేశారు. మహిళలు చదువకూడదనే రోజుల్లో ఆయన భార్య సావిత్రీబాయికి గురువై, దేశానికి తొలి మహిళా ఉపాధ్యాయురాలిని అందించారని తెలిపారు. జిల్లా కేంద్రంలో మహాత్మా జ్యోతిబా పూలే విగ్రహ ఏర్పాటుకు చర్యలు తీసుకుంటామని హామీ ఇచ్చారు. ఎమ్మెల్యే కోవ లక్ష్మి మాట్లాడుతూ పూలే సేవలు కొనియాడారు. మాలి కులస్తుల సమస్యలు పరిష్కరించేందుకు కృషి చేస్తానన్నారు. కార్యక్రమంలో జిల్లా బీసీ సంక్షేమ అధికారి సజీవన్‌, కాంగ్రెస్‌ నియోజకవర్గ ఇన్‌చార్జి శ్యాంనాయక్‌, మాలి సంక్షేమ సంఘం జిల్లా అధ్యక్షుడు గుర్నులె మెంగాజీ, బీసీ సంక్షేమ సంఘం జిల్లా అధ్యక్షుడు రూప్‌నర్‌ రమేశ్‌, నాయకులు నాయకులు శెండెవాసు, నాగోశ శంకర్‌, బాలేశ్‌గౌడ్‌, మల్లేశ్‌, మారుతి పటేల్‌, రేగుంట కేశవరావు మాదిగ తదితరులు పాల్గొన్నారు. కలెక్టర్‌ వెంకటేశ్‌ దోత్రే

● సన్నబియ్యంపై మెజార్టీ ప్రజల అభిప్రాయం ఇదే.. ● అన్నం ముద్దవుతుండటంపై కొందరి అసంతృప్తి ● నూకల శాతం తగ్గించాలని సూచన ● జిల్లాలో ఇప్పటికే 70శాతం పంపిణీ పూర్తిసంతోషకరం ఎన్నికల సమయంలో ఇచ్చిన హామీ మేరకు రేషన్‌కార్డుదారులకు సన్నబియ్యం పంపిణీ చేయడం సంతోషకరం. ప్రస్తుతం సన్నబియ్యం నాణ్యతపై అనుమానాలు ఉన్నాయి. – కమల, ఆసిఫాబాద్‌ ఆసిఫాబాద్‌అర్బన్‌/ఆసిఫాబాద్‌రూరల్‌/కెరమెరి/దహెగాం/రెబ్బెన/కౌటాల: రాష్ట్ర ప్రభుత్వం ఉగాది కానుకగా ఏప్రిల్‌ నుంచి పంపిణీ చేస్తున్న సన్నబియ్యంపై జిల్లా ప్రజలు సంతృప్తి వ్యక్తం చేస్తున్నారు. ఇంతకు ముందు ప్రభుత్వం దొడ్డు బియ్యం అందించగా.. అనేక మంది డీలర్‌కు విక్రయించడమో, లేక ప్రైవేట్‌ వ్యాపారులకు అమ్మి డబ్బులు తీసుకునేవారు. ప్రస్తుతం చాలామంది సన్నబియ్యం ఇంట్లోనే వినియోగించుకునేందుకు మొగ్గు చూపుతున్నారు. జిల్లాలో ఇప్పటికే 70శాతం పంపిణీ పూర్తయిందని పౌరసరఫరాల శాఖ అధికారులు వెల్లడించారు. జిల్లాలో సన్నబియ్యం పంపిణీపై లబ్ధిదారుల అభిప్రాయం తెలుసుకునేందుకు గురువారం ‘సాక్షి’ క్షేత్రస్థాయిలో పరిశీలించింది. మొదటి నెల కావడంతో చాలామంది స్వయంగా షాపులకు వచ్చి బియ్యం తీసుకుంటున్నారు. బీపీటీ నాణ్యతతో ఉన్నాయని లబ్ధిదారులు చెబుతున్నారు. బియ్యం సన్నగా ఉన్నా వండితే మాత్రం అన్నం దొడ్డుగా మారుతుందని కొందరు అభిప్రాయపడుతున్నారు. జిల్లాలో ఇలా..జిల్లాలో 335 గ్రామ పంచాయతీలు, ఆసిఫాబాద్‌, కాగజ్‌నగర్‌ మున్సిపాలిటీలు ఉన్నాయి. మొత్తం 317 రేషన్‌ దుకాణాలు, 1,39,795 కార్డులు ఉన్నాయి. ఇందులో ఆహార భద్రత కార్డులు 1,26,584, అంత్యోదయ కార్డులు 13,191, అన్నపూర్ణ కార్డులు 20 వరకు ఉన్నాయి. జిల్లాలోని లబ్ధిదారులకు ప్రతినెలా 30,08,813 కిలోల బియ్యం సరఫరా చేస్తున్నారు. ఆహార భద్రత కార్డుదారులకు 25,46,928 కిలోలు, అంత్యోదయ 4,61,685 కిలోలు, అన్నపూర్ణ కార్డుదారులకు 200 కిలోల బియ్యం అందిస్తున్నారు. సన్నబియ్యం తీసుకునేందుకు ప్రజలు మొగ్గు చూపుతుండటంతో ఇప్పటికే 70 శాతం పంపిణీ పూర్తయింది. జిల్లా సరిపడా బియ్యం నిల్వలు ఉన్నాయని, అర్హులందరికీ సన్నబియ్యం పంపిణీ చేస్తామని అధికారులు తెలిపారు. లబ్ధిదారుల ఇంట్లో ఉన్నతాధికారులు, ప్రజాప్రతినిధులు స్వయంగా భోజనం చేస్తుండటంతో ప్రజల్లోనూ నమ్మకం పెరిగింది. ● దహెగాం మండల కేంద్రంలోని రేషన్‌ దుకాణం– 2 వద్ద సన్నబియ్యంపై లబ్ధిదారుల అభిప్రాయాలు తెలుసుకోగా.. చాలా మంది సన్నబియ్యం వండుకుని తింటున్నామని చెప్పారు. దహెగాం మండలంలో 9,195 కార్డులకు ప్రతినెలా 1,758 క్వింటాళ్ల బియ్యం పంపిణీ చేస్తున్నారు. ఇప్పటికే 95 శాతం పంపిణీ పూర్తయింది. మరో ఐదు శాతం మంది తీసుకోవాల్సి ఉంది. సన్నబియ్యం బీపీటీ రకానికి చెందినవని, 25 శాతం నూకలు కలిసి ఉన్నాయని చెబుతున్నారు. కొందరు మాత్రం మండల కేంద్రంలో కిలోకు రూ.23 చొప్పున అమ్ముకుంటున్నారు. ● రెబ్బెన మండలంలో 22 రేషన్‌షాపుల పరిధి లోని 9,746 రేషన్‌కార్డులకు 191 మెట్రిక్‌ ట న్నుల బియ్యాన్ని ప్రభుత్వం సరాఫరా చేసింది. కేవలం పది రోజుల్లోనే మండలంలో దాదా పు 80 శాతం పంపిణీ పూర్తయింది. మరో 28 టన్నుల బియ్యం మాత్రమే లబ్ధిదారులకు అందించాల్సి ఉంది. లబ్ధిదారులు బియ్యం నాణ్య త తెలుసుకునేందుకు రేషన్‌షాపుల వద్ద క్యూ కడుతున్నారు. అన్నం ముద్దగా మారుతుండటంతో రానున్న నెలల్లో బియ్యం తీసుకునేందు కు ఆసక్తి చూపుతారా.. లేదా అనేది సందేహంగా మారింది. ● కెరమెరి మండలంలో 18 ఉండగా రేషన్‌ షాపులు ఉండగా, లబ్ధిదారులకు ప్రతినెలా 189 క్వింటాళ్ల బియ్యం సరఫరా చేస్తున్నారు. సన్నబియ్యం వండితే అన్నం ముద్దగా మారుతుందని చాలామంది చెబుతున్నారు. వేడిగా ఉన్నప్పుడు మాత్రమే తినగలమని, చల్లారిన తర్వాత తినలేమని మహిళలు అసంతృప్తి వ్యక్తం చేశారు. బియ్యంలో 25శాతం నూకలు ఉన్నాయంటున్నారు. ● కౌటాల మండలంలోని మొత్తం 21 రేషన్‌ షాపులుండగా 9,410 కార్డులున్నాయి. మొద టి వారంలో ప్రతీ షాపునకు 50 క్వింటాళ్ల వర కు సన్నబియ్యం పంపిణీ చేయగా, ప్రస్తుతం అన్ని షాపులకు సరిపడా సరఫరా చేశారు.నూకలు తగ్గించాలి బియ్యం చూసేందుకు సన్నమే కని పిస్తున్నా వండితే మాత్రం అన్నం దొడ్డుగా తయారవుతుంది. అలాగే బియ్యంలో ఎక్కువగా నూకలు వస్తున్నాయి. నూకలు తగ్గించి నాణ్యమైన బియ్యం అందిస్తే మేలు. – కోలే రవీందర్‌, గుండి, మం.ఆసిఫాబాద్‌ అన్నం ముద్దవుతుంది సన్న బియ్యం కొత్తవి కావొచ్చు.. అన్నం కొంచెం ముద్దగా అవుతుంది. చాలా మంది అమ్మడం లేదు. కొనడానికి కూడా గ్రామాల్లోకి ఎవరూ వస్తలేరు. – అశోక్‌, కౌటాలకెరమెరిలోని రేషన్‌ షాప్‌ ఎదుట లబ్ధిదారులుసరుకులూ ఇవ్వాలి పేదవారికి ప్రభుత్వం అందిస్తున్న సన్నబియ్యంతో పాటు గతంలో మాదిరి నిత్యావస ర సరుకులు పంపిణీ చేయాలి. సన్నబి య్యం నాణ్యతతో ఉండేలా పర్యవేక్షించాలి. – మోతె పద్మ, ఆసిఫాబాద్‌ ప్రతిరోజూ తింటున్నాం రేషన్‌ దుకాణాల్లో తెచ్చుకున్న బి య్యం ప్రతిరోజూ తింటున్నాం. ప్రభుత్వం సన్నబియ్యం అందించడం సంతోషంగా ఉంది. మా లాంటి పేదవారికి చేయూతనిస్తుంది. స్వయంగా కలెక్టర్‌ లబ్ధిదారుల ఇంటికి వెళ్లి భోజనం చేయడం శుభ పరిణామం. – సంపూర్ణ, గృహిణి, ఆసిఫాబాద్‌ కార్డులు లేక నష్టపోతున్నారు కొన్నేళ్లుగా కొత్త రేషన్‌ కార్డులు మంజూరు కాకపోవడంతో అర్హులు నష్టపోతున్నారు. సన్నబియ్యం అందిస్తున్న నేపథ్యంలో అనేక మంది కొత్త కార్డుల కోసం దరఖాస్తు చేసుకుని ఎదురుచూస్తున్నారు. నూతన కార్డులు వెంటనే మంజూరు చేయాలి. – చంద్రకళ, హీరాపూర్‌ అన్నం బాగానే ఉంది సన్నబియ్యంతో అన్నం వండుకున్నం.. ఇప్పటికై తే బాగానే ఉంది. ఇంతకుముందు దొడ్డు బియ్యం అన్నం తినేందుకు ఇబ్బంది పడేవాళ్లం. ఇప్పుడు ఇంట్లో పిల్లలు కూడా తింటున్నరు. ఎప్పటికీ ఇలాంటి సన్నబియ్యమే ఇయ్యాలే. నూకలు కూడా ఉంటున్నయ్‌. – పుల్గం విజయ, దహెగాంరుచి లేదు దొడ్డు బియ్యానికి బదులు సన్నబియ్యం ఇస్తున్నా అన్నం రుచి ఉండడం లేదు. అన్నం వండినప్పుడు ముద్దగా తయారవుతుంది. వచ్చే నెలలోనైనా నాణ్యమైన బియ్యం అందించాలి. అర్హత లేని వారి కార్డులు తొలగించి, అసలైన లబ్ధిదారులకు నాణ్యమైన సరుకులు అందించాలి. – తుపాకుల వెంకన్న, ఆసిఫాబాద్‌

జైనూర్‌(ఆసిఫాబాద్‌): జాతీయ, రాష్ట్ర, జిల్లాస్థాయిలో పలు అవార్డులు అందుకున్న మండలంలోని మార్లవాయి గ్రామ పంచాయతీలో గురువారం ఉత్తరప్రదేశ్‌ రాష్ట్ర ప్రజాప్రతినిధుల బృందం పర్యటించింది. ముందుగా ఆదివాసీల ఆత్మబంధువు ప్రొఫెసర్‌ హైమన్‌డార్ఫ్‌ దంపతుల విగ్రహాలకు పూలమాలలు వేసి నివాళులర్పించారు. అనంతరం పల్లె ప్రకృతి వనం, నర్సరీ, డార్ఫ్‌ స్మారక భవనం, రీడింగ్‌ రూమ్‌, గుస్సాడీ శిక్షణ కేంద్రం, ఉపాధిహామీ పథకం కింద చేపట్టిన అభివృద్ధి పనులను పరిశీలించారు. వారివెంట డీఆర్‌డీవో దత్తారావు, డీపీవో భిక్షపతిగౌడ్‌, తహసీల్దార్‌ బీర్షావ్‌, ఎంపీడీవో సుధాకర్‌రెడ్డి, మాజీ సర్పంచ్‌ కనక ప్రతిభ తదితరులు పాల్గొన్నారు.

రెబ్బెన(ఆసిఫాబాద్‌): వర్షాకాలం సీజన్‌ ప్రారంభమయ్యే నాటికి నర్సరీలో మొక్కలు సిద్ధం చేయాలని జిల్లా అటవీశాఖ అధికారి నీరజ్‌కుమార్‌ టిబ్రేవాల్‌ అన్నారు. మండల కేంద్రంలోని అటవీశాఖ సెంట్రల్‌ నర్సరీని గురువారం సందర్శించారు. నర్సరీకి నిర్దేశించిన మొక్కల వివరాలను తెలుసుకున్నారు. నర్సరీలో రెండు లక్షల మొక్కలు సిద్ధం చేస్తున్నట్లు డిప్యూటీ ఆర్వో భానేశ్‌ తెలిపారు. డీఎఫ్‌వో మాట్లాడుతూ ఖాళీ బ్యాగులు లేకుండా వందశాతం మొక్కలు నాటాలన్నారు. ఎండల తీవ్రతకు చనిపోకుండా నీళ్లు పట్టా లని సూచించారు. నర్సరీ చుట్టూ ఉన్న ఫెన్సింగ్‌ అక్కడక్కడ చెడిపోవడంతో, నర్సరీ లోకి పశువులు రాకుండా మరమ్మతులు చే యించాలని ఆదేశించారు. నిర్వహణ బాగుందని అభినందించి, ఇదే తరహాలో మొక్కలు జాగ్రత్తగా కాపాడాలని సూచించారు. కార్యక్రమంలో బీట్‌ అధికారులు తిరుపతి, స్వాతి తదితరులు పాల్గొన్నారు.

కౌటాల/పెంచికల్‌పేట్‌: సమీకృత గురుకుల విద్యాలయం ఏర్పాటు కోసం గురువారం అదనపు కలెక్టర్‌ దీపక్‌ తివారి కౌటాల మండలం కనికి, పెంచికల్‌పేట్‌ మండలం బొంబాయిగూడలో స్థలాలు పరిశీలించారు. కనికిలో ప్రభుత్వ స్థలాన్ని పరిశీలించడంతోపాటు బొంబాయిగూడలో సర్వే నంబర్‌ 177లో స్థలం వివరాలు అడిగి తెలుసుకున్నారు. ఇంటిగ్రేటెడ్‌ రెసిడెన్షియల్‌ స్కూల్‌ ఏర్పాటుకు 15 నుంచి 25 ఎకరాల స్థలం అవసరమవుతుందని తెలిపారు. స్థల పరిశీలన వివరాలను ఉన్నతాధికారులకు నివేదిస్తామన్నారు. ఆయ న వెంట తహసీల్దార్లు పుష్పలత, వెంకటేశ్వరరావు, ఎంపీడీవో అల్బర్ట్‌, సిబ్బంది ఉన్నారు.

రెబ్బెన(ఆసిఫాబాద్‌): రెబ్బెన మండలం ఇందిరానగర్‌లో స్వయంభూగా వెలిసిన మహంకాళి ఆలయంలో ఈ నెల 12 నుంచి మూడు రోజులపాటు అమ్మవారి జాతర మహోత్సవం జరగనుంది. అమ్మవారి పుట్టినరోజు చైత్రపౌర్ణమి నాడు అమ్మవారిని దర్శించుకుంటే కోర్కెలు తీరుతాయని భక్తుల ప్రగాఢ నమ్మకం. ఏటా చైత్రపౌర్ణమి సందర్భంగా ఆలయంలో జాతర మహోత్సవం నిర్వహించడం ఆనవాయితీగా వస్తోంది. మొదటిరోజు శివపార్వతుల కల్యాణం నిర్వహిస్తుండగా, రెండోరోజు అమ్మవారికి బోనాలు సమర్పిస్తారు. అదేరోజు సాయంత్రం అమ్మవారి రథోత్సవం ఘనంగా నిర్వహిస్తారు. దూరప్రాంతాల నుంచి వచ్చిన భక్తులు ఆ రోజు రాత్రి ఆలయం వద్ద బస చేసి.. మూడోరోజు అమ్మవారికి కోళ్లు, మేకలను బలి ఇచ్చి వన భోజనాలు చేస్తారు. ప్రత్యేక ఆకర్షణగా భూగర్భంలో అమ్మవారి విగ్రహంఆలయంలో అమ్మవారి విగ్రహం చూసేందుకు రెండు కళ్లు సరిపోవు అన్నట్లు ఉంటుంది. ఆలయం వెనుక భాగంలో భూగర్భంలోని గుహలో కొలువుదీరిన మహంకాళి అమ్మవారి విగ్రహం ప్రత్యేక ఆకర్షణగా నిలుస్తుంది. మహారాష్ట్రలోని చంద్రపూర్‌(చాందా) మహంకాళి ఆలయంలో మాదిరి గానే ప్రధాన ఆలయం వెనుక భాగంలో పది ఫీట్ల లోతులో భూగర్భంలో గుహ ఏర్పాటు చేసి, అందులో పడుకుని ఉన్నట్లు అమ్మవారి విగ్రహం ఏర్పాటు చేశారు. ఆలయ ప్రాంగణంలో 21 ఫీట్ల ఎత్తుతో ఏర్పాటు చేసిన మహంకాళి విగ్రహం, 15 ఫీట్ల నాగదేవత విగ్రహాలు, శనేశ్వరుడి ఆలయం, కాలభైరవుడు, అరుణాచల శివుడి ఆలయాలు ఉన్నాయి. వైభవంగా అమ్మవారి జాతర 2015లో చిన్నఆలయంలో అమ్మవారిని ప్రతిష్టించగా భక్తులు, గ్రామ ప్రజల సహకారంతో ఆలయం అభివృద్ది చెందుతోంది. చైత్రపౌర్ణమి రోజు అమ్మవారి జాతర అంగరంగ వైభవంగా జరుగుతోంది. అమ్మవారి పల్లకి సేవ, భజన కార్యక్రమాలు కొనసాగుతాయి. – దేవార వినోద్‌, ఆలయ ప్రధాన అర్చకుడు ఏర్పాట్లు చేస్తున్నాం జాతరకు తరలివచ్చే భక్తుల కు ఇబ్బందులు తలెత్తకుండా అన్నిరకాల ఏర్పాట్లు చేస్తున్నాం. మూడు రోజలు ఆలయంలో అన్నదాన కార్యక్రమాలు నిర్వహిస్తాం. చంద్రపూర్‌ తర్వాత ఈ ప్రాంతంలో స్వయంభూగా మహంకాళి అమ్మవారు కొలువుదీరిన ఏకై క ఆలయం ఇదే. – మోడెం తిరుపతిగౌడ్‌, ఆలయ కమిటీ అధ్యక్షుడుస్వయంభూగా వెలిసిన తీరుగ్రామస్తులు తెలిపిన వివరాల ప్రకారం.. గతంలో రెబ్బెనలో అటవీప్రాంతం అధికంగా ఉండేది. పెద్దపులులు, ఇతర వన్యమృగాలు సంచరిస్తుండేవి. స్థానికులు అడవిలోకి రాకపోకలు సాగించే సమయంలో వన్యప్రాణుల నుంచి కాపాడాలని మహంకాళి అమ్మవారికి మొక్కుకునేవారు. అమ్మ దయ ఉంటే ఎలాంటి హాని కలగదని వారి నమ్మకం. చంద్రపూర్‌లో మహంకాళి అమ్మవారు కొలువై ఉండగా.. అదే మాదిరిగా ఇందిరానగర్‌లో భక్తులు గోధుమ పిండి దీపం, బెల్లంపూర్ణ, తియ్యనిపాను, మేకలు, కోళ్లు బలి ఇచ్చి పూజలు చేసేవారు. కొన్నేళ్లకు అతివృష్టి కారణంగా అమ్మవారి విగ్రహం నీటిలో మునిగిపోయింది. అదే స్థలంలోనే పుట్ట ఏర్పడింది. చైత్రమాసం పౌర్ణమి సమయానికి పుట్ట సంపూర్ణ ఆకారంలో భక్తులకు కనిపించగా అక్కడే పూజలు చేసేవారు. కాగజ్‌నగర్‌ మండలం బారెగూడ గ్రామానికి చెందిన మోర్లె నారాయణ, లక్ష్మి దంపతుల కుమారు వినోద్‌ చిన్నతనం నుంచే అమ్మవారి భక్తుడు. 2014 సమయంలో రెబ్బెన మండలం ఉంటున్న తన మేనత్త ఇంట్లో ఉండి చదువుకునేవాడు. ఓ రోజు రాత్రి వినోద్‌కు పామురూపంలో అమ్మవారు కలలో కనిపించి ఇందిరానగర్‌లో పుట్టలో ఉన్న తనను బయటకు తీసి పూజలు చేయమని చెప్పారట. మరుసటి రోజు నుంచి తొమ్మిది రోజుల పాటు తొమ్మిది బిందెల చొప్పున పుట్టపై నీళ్లు పోయగా చైత్రపౌర్ణమి తర్వాత అమ్మవారి శిలావిగ్రహం బయటపడినట్లు భక్తులు చెబుతుంటారు. అప్పటి నుంచి గ్రామస్తులు అమ్మవారికి పూజా కార్యక్రమాలు నిర్వహిస్తున్నారు. 2015లో వినోద్‌ అమ్మవారికి ఆలయాన్ని నిర్మించి మహంకాళి అమ్మవారితో పాటు కనకదుర్గాదేవి విగ్రహాన్ని ప్రతిష్టించారు.

ఆసిఫాబాద్‌అర్బన్‌: జిల్లాలో ఈ నెల 22 వరకు నిర్వహించే పోషణ పక్వాడ కార్యక్రమాన్ని విజయవంతం చేయాలని కలెక్టర్‌ వెంకటేశ్‌ దోత్రే అన్నారు. జిల్లా కేంద్రంలోని కలెక్టరేట్‌ సమావేశ మందిరంలో గురువారం జిల్లా మహిళా, శిశు, వయోవృద్ధులు, దివ్యాంగుల సంక్షేమశాఖ ఆధ్వర్యంలో జిల్లా సంక్షే మ అధికారి భాస్కర్‌తో కలిసి ఐసీడీఎస్‌ సీడీపీవో లు, సూపర్‌వైజర్లు, పంచాయతీ కార్యదర్శులు, మెప్మా అధికారులు, యూనిసెఫ్‌ ప్రతినిధులతో స మీక్ష నిర్వహించారు. కలెక్టర్‌ మాట్లాడుతూ 15 రో జులపాటు అంగన్‌వాడీ కేంద్రాల్లో నిర్వహించే పోషణ పక్వాడ కార్యక్రమాన్ని పకడ్బందీగా నిర్వహించాలన్నారు. గర్భిణులు ప్రతినెలా బరువు పరిశీలించుకోవాలని, అవసరమైన పరీక్షలు చేయించుకోవాలని సూచించారు. పిల్లల్లో మానసిక, శారీరక ఎదుగుదలను పర్యవేక్షించాలని సూచించారు. ఎదుగుదల లోపం ఉన్నవారికి పౌష్టికాహారం, మందులు అందించి సాధారణ స్థితికి తీసుకురావాలన్నారు. సమావేశంలో డీఎల్‌పీవో ఉమర్‌ హుస్సేన్‌, మెప్మా పీడీ మోతీరాం తదితరులు పాల్గొన్నారు. ప్రజలకు మెరుగైన సేవలందించాలిప్రభుత్వ ఆస్పత్రులు, ఆరోగ్య కేంద్రాల్లో ప్రజలకు మెరుగైన వైద్యసేవలు అందించాలని కలెక్టర్‌ వెంకటేశ్‌ దోత్రే అన్నారు. జిల్లా కేంద్రంలోని కలెక్టరేట్‌లో గురువారం డీఎంహెచ్‌వో సీతారాంతో కలిసి ప్రాథమిక, సామాజిక ఆరోగ్య కేంద్రాల వైద్యులు, ఆయుష్‌ డాక్టర్లు, పీఎం జన్‌మన్‌ సిబ్బంది, సూపర్‌వైజర్లతో సమీక్షా సమావేశం నిర్వహించారు. మారుమూ ల గిరిజన ప్రాంతాలు, పీవీటీజీ ప్రాంతాల్లో ప్రత్యేక వైద్యశిబిరాలు ఏర్పాటు చేయాలన్నారు. వైద్య ఆ రోగ్యశాఖలో పూర్తిస్థాయిలో వైద్యులు, సిబ్బంది ఉ న్నారని తెలిపారు. వేసవి నేపథ్యంలో వడదెబ్బ బా ధితులకు తక్షణమే వైద్యం అందించాలని, ప్రజలకు జాగ్రత్తలు వివరించాలని సూచించారు. కలెక్టర్‌ వెంకటేశ్‌ దోత్రే

● ఐటీడీఏ పీవో ఖుష్బూ గుప్తా రెబ్బెన(ఆసిఫాబాద్‌): ఆశ్రమ పాఠశాలల వి ద్యార్థులకు మెనూ ప్రకారం నాణ్యమైన భోజ నం అందించాలని ఐటీడీఏ పీవో ఖుష్బూ గు ప్తా అన్నారు. మండలంలోని గోలేటి విలేజ్‌లో గల ఆశ్రమ ఉన్నత పాఠశాలను బుధవారం ఆకస్మికంగా తనిఖీ చేశారు. విద్య, వైద్యం, భో జనాల వివరాలను అధికారులను అడిగి తెలు సుకున్నారు. ఈ సందర్భంగా పీవో మాట్లాడు తూ మెరుగైన విద్య అందించాలని ఆదేశించా రు. సబ్జెక్టుల వారీగా అర్థమయ్యే రీతిలో బో ధించాలన్నారు. దోమలతో డెంగీ, మలేరియా వంటి వ్యాధులు ప్రబలకుండా జాగ్రత్తలు పా టించాలని ఆదేశించారు. ప్రతిరోజూ వంటగ ది, స్టోర్‌రూం, తాగునీరు, మరుగుదొడ్లను శు భ్రంగా ఉంచాలన్నారు. అనంతరం తరగతి గ దిలో విద్యార్థులకు పాఠాలు బోధించారు. ప్ర శ్నలు అడిగి వారి సామర్థ్యాలు పరీక్షించారు. ప్రతీ విద్యార్థికి చదవడం, రాయడం తప్పనిసరిగా రావాలని సూచించారు. ఆర్వో ప్లాంటు పనిచేయకపోవడంతో పిల్లలు బోర్‌వెల్‌ నీటిని తాగడంపై ఆరా తీశారు. మెనూ సక్రమంగా పాటించకపోవడంపై ఆగ్రహం వ్యక్తం చేశారు. నిర్లక్ష్యంగా వ్యవహరిస్తే చర్యలు తప్పవని హెచ్చరించారు. శానిటేషన్‌ సక్రమంగా లేకపోవడంతో హెచ్‌ఎం రవీందర్‌, వార్డెన్‌ మోహన్‌దాస్‌కు షోకాజ్‌ నోటీసులు జారీ చేశారు.

ఆసిఫాబాద్‌అర్బన్‌: స్వాతంత్య్ర పోరాట యో ధుడు, ఆదివాసీ ముద్దుబిడ్డ మర్సుకోల రాంజీగోండు వర్ధంతిని జిల్లా కేంద్రంలో తెలంగాణ ఆదివాసీ గిరిజన సంఘం ఆధ్వర్యంలో బుధవారం ఘనంగా నిర్వహించారు. ఆ సంఘం జిల్లా అధ్యక్షురాలు మాలశ్రీ మాట్లాడుతూ స్వాతంత్య్రం కోసం జరిగిన తొలితరం ఉద్యమంలో అనేక మంది ఆదివాసీలు బ్రిటీష్‌ పాలకులకు వ్యతిరేకంగా పోరాడారని తెలిపా రు. ప్రస్తుతం ఏజెన్సీలోని సహజ సంపద, ఖనిజ వనరులను బహుళజాతి కంపెనీలకు దొడ్డిదారిలో దోచిపెడుతున్నారని ఆరోపించారు. జిల్లా ఉపాధ్యక్షులు శ్రీనివాస్‌, డీవైఎఫ్‌ఐ జిల్లా అధ్యక్షుడు టీకానంద్‌, నాయకులు నైతం రాజు, శ్రావణి తదితరులు పాల్గొన్నారు.

● ఎమ్మెల్యే కోవ లక్ష్మివాంకిడి(ఆసిఫాబాద్‌): కాంగ్రెస్‌ ప్రభుత్వం కల్యాణ లక్ష్మి పథకం నగదు అందించడంతోపాటు తులం బంగారం హామీ అమలు చేయాలని ఎమ్మెల్యే కోవ లక్ష్మి డిమాండ్‌ చేశారు. వాంకిడి మండల కేంద్రంలోని రైతువేదికలో బుధవారం కల్యాణ లక్ష్మి, షాదీ ముబారక్‌ లబ్ధిదారులకు 91 చెక్కులు పంపిణీ చేశారు. ఎమ్మెల్యే మాట్లాడుతూ బీఆర్‌ఎస్‌ ప్రభుత్వ హయాంలో అనేక సంక్షేమ పథకాలు అమలు చేశామన్నారు. కాంగ్రెస్‌ ప్రభుత్వం ప్రజలకు ఇచ్చిన హామీలను తప్పకుండా నెరవేర్చాలని డిమాండ్‌ చేశారు. ఈ కార్యక్రమంలో తహసీల్దార్‌ రియాజ్‌ అలీ, ఎంపీడీవో ప్రవీణ్‌కుమార్‌, డిప్యూటీ తహసీల్దార్‌ శ్రావణ్‌కుమార్‌ తదితరులు పాల్గొన్నారు.

ఆసిఫాబాద్‌/రెబ్బెన: గోలేటి ఓపెన్‌కాస్ట్‌లో భూములు కోల్పోతున్న బాధితులకు న్యాయం చేయాలని కాంగ్రెస్‌, బీజేపీ నాయకులు డిమాండ్‌ చేశారు. ముంపునకు గురవుతున్న భూములకు ఎకరాకు రూ.25 లక్షలు చెల్లించాలని, కుటుంబంలో ఒకరికి పర్మినెంట్‌ ఉద్యోగం ఇవ్వాలని బుధవారం ఎమ్మెల్సీ దండె విఠల్‌, డీసీసీ అధ్యక్షుడు విశ్వప్రసాదరావు, బీజేపీ జిల్లా అధికార ప్రతినిధి కేసరి ఆంజనేయులు గౌడ్‌, రాష్ట్ర కార్యవర్గ సభ్యులు కృష్ణకుమారి, అసెంబ్లీ కన్వీనర్‌ సొల్లు లక్ష్మి, మండల ప్రధాన కార్యదర్శి నవీన్‌గౌడ్‌, ఏఐటీయూసీ జిల్లా కార్యదర్శి ఉపేందర్‌ జిల్లా కేంద్రంలో కలెక్టర్‌ వెంకటేశ్‌ దోత్రేకు వినతిపత్రం అందించారు. రైతుల మధ్య గొడవలు సృష్టిస్తున్నారని ఆరోపించారు. సింగరేణి యాజమాన్యం బ్రోకర్ల ద్వారా నోటీసులు అందించి, బలవంతంగా సంతకాలు పెట్టిస్తుందని పేర్కొన్నారు. కార్యక్రమంలో రైతులు సిడాం ధర్ము పటేల్‌, జిట్టవేణి మహేశ్‌, రాములు పాల్గొన్నారు.

● కలెక్టర్‌ వెంకటేశ్‌ దోత్రే ఆసిఫాబాద్‌రూరల్‌: జిల్లాలో ఈ నెల 20 నుంచి ఓపెన్‌ పది, ఇంటర్‌ పరీక్షలు నిర్వహిస్తున్నట్లు కలెక్టర్‌ వెంకటేశ్‌ దోత్రే తెలిపారు. జిల్లా కేంద్రంలోని కలెక్టరేట్‌లో బుధవారం సంబంధిత అధికారులతో సమీక్షా సమావేశం నిర్వహించారు. కలెక్టర్‌ మాట్లాడుతూ ఈ నెల 20 నుంచి 26 వరకు ఓపెన్‌ పది, ఇంటర్‌ పరీక్షలు పకడ్బందీగా నిర్వహించాలని ఆదేశించారు. పరీక్షలు ఉదయం 9 గంటల నుంచి మధ్యాహ్నం 12 గంటల వరకు, మధ్యాహ్నం 2.30 నుంచి సాయంత్రం 5.30 గంటల వరకు కొనసాగుతాయన్నారు. పదో తరగతి పరీక్షలు ఆసిఫాబాద్‌ బాలికల ఉన్నత పాఠశాల, కాగజ్‌నగర్‌ జెడ్పీ బాలికల ఉన్నత పాఠశాలలో.. ఇంటర్‌ పరీక్షలు జన్కాపూర్‌ ఉన్నత పాఠశాల, కాగజ్‌నగర్‌లో బాలుర ఉన్నత పాఠశాలలో నిర్వహిస్తామని తెలిపారు. విద్యార్థులకు ఇబ్బందులు లేకుండా సౌకర్యాలు కల్పించా లని ఆదేశించారు. కార్యక్రమంలో అదనపు ఎస్పీ ప్రభాకర్‌రావు, ఆర్డీవో లోకేశ్వర్‌రావు, పరీక్షల నిర్వహణ అధికారి ఉదయ్‌బాబు, డీ ఎంహెచ్‌వో సీతారాం, రవాణాశాఖ అధికారి రామచందర్‌, అధికారులు పాల్గొన్నారు. ఈవీఎంలకు పటిష్ట భద్రతఆసిఫాబాద్‌అర్బన్‌: జిల్లా కేంద్రంలోని గోదాంలో ఈవీఎంల భద్రతకు కట్టుదిట్టమైన పటిష్ట చర్యలు తీసుకుంటామని జిల్లా ఎన్నికల అధికారి, కలెక్టర్‌ వెంకటేశ్‌ దోత్రే అన్నారు. నెలవారీ తనిఖీల్లో భాగంగా బుధవారం జిల్లా కేంద్రంలోని ఈవీఎం గోదాంను తనిఖీ చేశారు. ఆయన మాట్లాడుతూ ఎలక్ట్రానిక్‌ యంత్రాల గోదాం వద్ద సీసీ కెమెరాలతో నిరంతరం నిఘా ఏర్పాటు చేశామని తెలిపారు. బందోబస్తు విధులు నిర్వర్తిస్తున్న సిబ్బంది నిరంతరం అప్రమత్తంగా ఉండాలని సూచించారు. కార్యక్రమంలో ఎన్నిల విభాగం పర్యవేక్షకుడు సునీల్‌, నాయబ్‌ తహసీల్దార్‌ శ్యాంలాల్‌, సిబ్బంది పాల్గొన్నారు.

చైన్‌మార్కెటింగ్‌తోనూఇంట్లోనే ఉంటూ డబ్బులు సంపాదించవచ్చు, తమ ఉత్పత్తులను ప్రచారం చేసి పైసలు కూడబెట్టవచ్చంటూ చేసే ప్రచారంతో నష్టపోతున్నారు. చైన్‌, ఆన్‌లైన్‌ మార్కెటింగ్‌ తదితర వాటితోనూ దెబ్బతింటున్నారు. ఒకరిని చేర్పించి, మరొకరిని చేర్పిస్తే డబ్బులు వస్తాయంటూ ఆశ చూపుతున్నారు. మొదట కొందరికి డబ్బులు వచ్చేలా చేసి ఆ తర్వాత చేతులెత్తేస్తున్నారు. అప్పట్లో మంచిర్యాలలో ఓ వ్యాపారి వందలాది మందిని చైన్‌ మార్కెటింగ్‌లో వాట్సాప్‌ గ్రూపుగా ఏర్పాటు చేసి రూ.లక్షల్లో కట్టాక ఆ డబ్బులు సైతం రాకపోయే సరికి అందరూ కలిసి ఆయనపై కేసు పెట్టారు. ఆసిఫాబాద్‌, మంచిర్యాల జిల్లాల్లో ఈ బాధితులు ఎక్కువగా ఉన్నారు. ఇటీవల కాగజ్‌నగర్‌లో మహిళలకే రుణాలు అంటూ ప్రచారం చేసి డబ్బులు వసూలు చేసి పరారయ్యారు.సాక్షి ప్రతినిధి, మంచిర్యాల: ఈజీ మనీ.. సులభంగా డబ్బు సంపాదించాలనే ఆశతో చాలామంది ఆర్థికంగా నష్టపోతున్నారు. ఆన్‌లైన్‌ వేదికగా సాగుతున్న కార్యకలాపాల్లో రూ.లక్షలు పోగోట్టుకుంటున్నారు. ఉద్యోగులు, వ్యాపారులు, యువత, విద్యార్థులు స్మార్ట్‌ఫోన్లలో అనేక రూపాల్లో పెట్టుబడులు పెడుతున్నారు. చాలామందికి ఇవి నష్టాలే తెస్తు న్నా.. సోషల్‌ మీడియాలో వస్తున్న ప్రకటనలతో వేలాది మంది ఆకర్షితులు అవుతున్నారు. ఇలాంటి ప్రకటనలు, ఆన్‌ౖలైన్‌ మోసాల బారిన పడొద్దని పోలీసులు సూచిస్తున్నారు. బెట్టింగ్‌ యాప్‌లు బెట్టింగ్‌ మోజులో పడి చాలామంది యువత తమ భవిష్యత్‌ను పాడు చేసుకుంటున్నారు. మంచిర్యాలతోపాటు కాగజ్‌నగర్‌, బెల్లంపల్లి, ఆసిఫాబాద్‌ వంటి గిరిజన ప్రాంతాల్లోనూ అనేకమంది ఐపీఎల్‌ క్రికె ట్‌ మ్యాచ్‌ల్లో బెట్టింగ్‌ పెడతున్నారు. కాగజ్‌నగర్‌లో కొందరు సట్టా, మట్కా ఆడిస్తూ డబ్బులు అధికంగా సంపాదించవచ్చని చెబుతూ ఊబిలోకి దింపుతున్నారు. మహారాష్ట్రలో కళ్యాణ్‌, ముంబయితోపాటు నగరాల కేంద్రంగా నడిచే సట్టా, మట్కాలో సింగిల్‌, డబుల్‌.. అంటూ రూ.10కి వంద, వెయ్యి, పది వేలు దాక లాభం ఉంటుందని ప్రచారం చేస్తున్నారు. పలానా నంబర్‌ వస్తే మీకు లక్‌ కలిసి వస్తుందని చెబుతూ రూ.లక్షలు వసూళ్లు చేస్తున్నారు. ఇటీవల కాగజ్‌నగర్‌కు చెందిన నలుగురు యువకులు మట్కా కేసులో హైదరాబాద్‌లో పట్టుబడ్డారు. ఆన్‌లైన్‌ యాప్స్‌, గేమ్స్‌ ఆన్‌లైన్‌లో గేమ్స్‌ ఆడితే డబ్బులు వస్తాయంటూ సోషల్‌ మీడియాలో జరుగుతున్న ప్రచారంతోనూ అనేక మంది స్మార్ట్‌ఫోన్లలో ఆడుతున్నారు. రమ్మీతోపాటు పలు గేమ్స్‌ డబ్బులు పెట్టి ఆడుతున్నారు. విద్యార్థులతోపాటు ఉద్యోగస్తులు ఆర్థికంగా నష్టపోతున్నారు. పలు యాప్‌లతోనూ ఆన్‌లైన్‌లోనే లావాదేవీలు జరుపుతున్నారు. మందమర్రికి చెందిన ఓ పేకాట వ్యసనపరుడు ఆన్‌లైన్‌లో రమ్మీ ఆడుతూ రూ.లక్షలు పోగొట్టుకున్నాడు. మంచిర్యాల కేంద్రంగా ఓ యాప్‌ పేరుతో సభ్యులను చేర్పిస్తూ డబ్బులు వసూలు చేశారు. రిజిస్ట్రేషన్లు చేసి, వందలాది మందితో ఆ యాప్‌ డౌన్‌లోడ్‌ చేయించారు. డబ్బులు జ మ చేశాక కొందరికి మాత్రమే లాభాలు వచ్చి మిగతా వారు మోసపోయామని బాధపడ్డారు. బయటకు చెప్పుకోలేక.. ఆన్‌లైన్‌ మోసాల బాధితులు చాలామంది బయటకు చెప్పుకోలేకపోతున్నారు. సైబర్‌ నేరాల్లో మా త్రమే కేసులు నమోదవుతున్నాయి. తెలిసి పెట్టుబ డి పెట్టి కోల్పోయిన ఘటనల్లో బయటకు రావడం లేదు. ఇటీవల ఆర్కేపీకి చెందిన ఓ వ్యక్తి ఆన్‌లైన్‌లో పెట్టుబడులు పెట్టి ప్రకటనలో చూపించినట్లుగా రాలేదని నిర్వాహకులను అడిగితే అక్కడి నుంచి స మాధానం రాలేదు. ఉద్యోగిగా సమాజంలో ఇబ్బందిగా మారుతుందని ఆయన ఎక్కడా ఫిర్యాదు కూడా ఇవ్వలేదు. సులువుగా డబ్బు సంపాదనపై ఆశ బెట్టింగ్‌లు, గేమ్స్‌, యాప్‌లకు ఆకర్షణ రూ.లక్షలు కోల్పోతున్న బాధితులు మంచిర్యాల, ఆసిఫాబాద్‌ జిల్లాల్లో ఘటనలు

అప్రమత్తంగా ఉండాలిఇళ్లకు తాళాలు వేసి ఎక్కువ రోజులు శుభకార్యాలు, ఇతర పనులకు వెళ్తే దొంగలు పడే ప్రమాదం ఉంటుంది. అలాంటి సమయంలో అప్రమత్తంగా ఉంటూ స్థానికులు, పోలీసులకు సమాచారం అందించాలి. ఇంటి ఎదుట సీసీ కెమెరాలు ఏర్పాటు చేసుకోవాలి. అనుమానాస్పద వ్యక్తులు కనిపిస్తే స్థానిక పోలీస్‌ స్టేషన్‌కుసమాచారం ఇవ్వడంతో పాటు డయల్‌ 100కు కాల్‌ చేయాలి. – రామానుజం, డీఎస్పీ, కాగజ్‌నగర్‌ కౌటాల(సిర్పూర్‌): ఇళ్లు, ఆలయాలు, దుకాణాలు, బస్టాండ్లు, రైల్వే స్టేషన్లు.. ఇవీ సాధారణంగా దొంగల టార్గెట్లు. కానీ ఇప్పుడు వారు రూటు మార్చా రు. ఇంటి బయట ఒంటరిగా ఉన్న మహిళలనే లక్ష్యంగా చేసుకుని ఆభరాణాలు లాక్కొని వెళ్తున్నా రు. వరుస దొంగతనాలు జిల్లావాసులకు కంటి మీద కునుకు లేకుండా చేస్తున్నాయి. ఏ మాత్రం ఏమరుపాటుగా ఉన్నా కష్టించి కూడబెట్టిన సొమ్మును కాజేస్తున్నారు. వేసవి ప్రారంభానికి ముందే దొంగలు చోరీలకు తెగబడుతుండం ఆందోళన కలిగిస్తోంది. వేసవి సెలవుల్లో ఇళ్లకు తాళాలు వేసి వెళ్తే మరింత రెచ్చిపోయే అవకాశం కన్పిస్తోంది. పట్టపగలే దోపిడీలకు పాల్పడుతుండటం కూడా కలకలం రేపుతోంది. దుండగులు పగలు కాలనీల్లో రెక్కీ నిర్వహిస్తూ తాళం వేసిన ఇళ్లను ఏ మాత్రం ఆలస్యం చేయకుండా దోచుకుంటున్నారు. దొంగలను పట్టుకుని సొమ్ము రికవరీ చేయడంలో పోలీసులు విఫలమవుతున్నారనే ఆరోపణలు ఉన్నాయి. పోలీసుల అవతారం ఎత్తుతూ.. దొంగతనాల కోసం దుండగులు పోలీసుల అవతారం ఎత్తుతున్నారు. రహదారులపై వాహనాల కోసం ఎదురుచూస్తున్న వారి వద్దకు మాస్కులు, హెల్మెట్లు ధరించి వెళ్లి పోలీసులమని చెబుతూ నగదు, నగలు తీసుకుని బురిడీ కొట్టిస్తున్నారు. అమాయకులు నకిలీ పోలీసులను నమ్మి మోసపోతున్నారు. ఇటీవల గుర్తు తెలియని వ్యక్తులు పోలీసులమని చెప్పి ఆసిఫాబాద్‌ మండలం మానిక్‌గూడ వద్ద మహిళ నుంచి బంగారు ఆభరణాలు, సిర్పూర్‌(టి) మండల కేంద్రానికి చెందిన వ్యక్తి వద్ద నుంచి నగదు దోచుకున్నారు. అలాగే కొందరు వాహనాల తనిఖీల పేరిట అమాయకుల వద్ద అందిన కాడికి దోచుకుంటున్నారు. పార్కింగ్‌ చేసిన బైక్‌లను సైతం వదలడం లేదు. జిల్లాకు ఆనుకుని మహారాష్ట్ర ఉండడంతో దొంగలు పోలీసులకు చిక్కకుండా సరిహద్దు దాటుతున్నారు. నిత్యం చోరీలు జిల్లాలో నిత్యం ఎక్కడో ఓచోట చోరీలు జరుగుతూనే ఉన్నాయి. చాలా ఘటనలు వెలుగులోకి రావడం లేదు. ఏటా జిల్లాలో వందకు పైగా దొంగతనాలు నమోదవుతున్నాయి. ఇటీవల కాగజ్‌నగర్‌, ఆసిఫాబాద్‌ పట్టణాల్లో చోరీలు పెరిగాయి. రెబ్బెన, వాంకిడి, చింతలమానెపల్లి, సిర్పూర్‌(టి), పెంచికల్‌పేట్‌, కౌటాల మండలాల్లో ఘటనలు తరుచూ చోటు చేసుకుంటున్నాయి. సీసీ కెమెరాలు ఏర్పాటు చేసినా చాకచాక్యంగా తప్పించుకుంటున్నారు.చోరీల వివరాలుసంవత్సరం దొంగతనాలు 2023 104 2024 78

రెబ్బెన(ఆసిఫాబాద్‌): ఎండల తీవ్రతను దృష్టిలో ఉంచుకుని సింగరేణిలో పనిచేస్తున్న కాంట్రాక్టు కార్మికుల పనివేళలు మార్చాలని ఏఐటీయూసీ రీజియన్‌ అధ్యక్షుడు బోగే ఉపేందర్‌ అన్నారు. గోలేటిలో మంగళవారం ఏరియా జీఎం విజయ భాస్కర్‌రెడ్డిని కలిసి వినతిపత్రం అందించారు. ఆయన మాట్లాడుతూ రోజురోజుకూ ఎండల తీవ్రత పెరుగుతుందని, కాంట్రాక్టు కార్మికుల ఆరోగ్యాన్ని దృష్టిలో పెట్టుకుని పనివేళలు మార్చాలన్నారు. కాంట్రా క్టు కార్మికులకు సైతం ఓఆర్‌ఎస్‌, మజ్జిగ ప్యాకెట్లు, చల్లటి తాగునీరు అందించాలని కోరారు. ఉద్యోగ భద్రత కల్పించాలని, కాంట్రాక్టర్లు మారితే కార్మికులను మార్చొద్దని డిమాండ్‌ చేశారు. కార్యక్రమంలో నాయకులు రాయిల్ల నర్సయ్య, నంది శేఖర్‌, రాజశేఖర్‌ తదితరులు పాల్గొన్నారు.

వాంకిడి(ఆసిఫాబాద్‌): సన్నబియ్యం పంపిణీలో ఎలాంటి అవకతవకలు జరగకుండా రేషన్‌ డీలర్లు చర్యలు తీసుకోవాలని కలెక్టర్‌ వెంకటేశ్‌ దోత్రే అన్నారు. వాంకిడి మండల కేంద్రంలోని డీఆర్‌ డిపోలో మంగళవారం ఆర్డీవో లోకేశ్వర్‌రావుతో కలిసి సన్నబియ్యం పంపిణీ కార్యక్రమాన్ని ప్రారంభించారు. కలెక్టర్‌ మాట్లాడుతూ రాష్ట్ర ప్రభుత్వం ప్రతిష్టాత్మకంగా అందిస్తున్న సన్నబియ్యాన్ని రేషన్‌ కార్డుదారులు సద్వినియోగం చేసుకోవాలని సూచించారు. లబ్ధిదారులందరికీ బియ్యం పంపిణీ చేయాలని ఆదేశించారు. అనంతరం వాంకిడి పంచాయతీ ఆధ్వర్యంలో ఏర్పాటు చేసిన నర్సరీని పరిశీలించారు. మొక్కల పెంపకం, సంరక్షణ కోసం ఎలాంటి చర్యలు తీసుకుంటున్నారని పంచాయతీ కార్యదర్శి శివకుమార్‌ను అడిగి తెలుసుకున్నారు. మొక్కలు నాటేందుకు సిద్ధం చేసిన బెడ్లు ఖాళీగా ఉండటంపై వివరణ కోరారు. కొన్ని బెడ్లలో మొక్కలు ఎండిపోయి ఉండటంతో వ్యవసాయ, అటవీశాఖ నుంచి మొక్కల పెంపకంపై సలహాలు తీసుకోవాలని సూచించారు. నర్సరీలో పంచామృతం అందుబాటులో ఉంచాలని, క్రమం తప్పకుండా నీళ్లు పట్టాలన్నారు. కార్యక్రమంలో తహసీల్దార్‌ రియాజ్‌ అలీ, ఎంపీడీవో ప్రవీణ్‌కుమార్‌, ఏపీవో శ్రావణ్‌కుమార్‌ తదితరులు పాల్గొన్నారు. ● కలెక్టర్‌ వెంకటేశ్‌ దోత్రే

కాగజ్‌నగర్‌రూరల్‌: సిర్పూర్‌ పేపర్‌ మిల్లు (ఎస్పీఎం) యాజమాన్యం స్థానిక కార్మికులపై వివక్ష చూపుతోందని బీఆర్‌ఎస్‌ రాష్ట్ర నేత డాక్టర్‌ ఆర్‌ఎస్‌ ప్రవీణ్‌కుమార్‌ ఆరోపించారు. పట్టణంలో మంగళవారం నిర్వహించిన సమావేశంలో మాట్లాడారు. స్థానికేతర కార్మికుల కంటే స్థానికులకు తక్కువ జీతాలు ఇస్తున్నారని, ఇది రాజ్యాంగంలోని ఆర్టికల్‌– 14 సమానత్వపు హక్కుకు వ్యతిరేకమని తెలి పారు. పని ఒక్కటే అయినప్పుడు జీతాలు వేర్వేరుగా ఎందుకుంటాయని ప్రశ్నించారు. గత ప్రభుత్వ హయాంలో బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ స్థానికులకు ఉద్యోగాలు కల్పించాలనే లక్ష్యంతోనే మిల్లు పునఃప్రారంభానికి కృషి చేశారని గుర్తుచేశారు. మిల్లు ఆవరణలో క్యాంటీన్‌ ఏర్పాటు చేయాలని కోరితే ప్రభుత్వం పట్టించుకోవడం లేదన్నారు. కార్మికుల సెలవులు తగ్గించారని, డెవిడెంట్‌ రావ డం లేదని, పిల్లలకు రావాల్సిన నోట్‌బుక్స్‌ కూడా ఇవ్వడం లేదని మండిపడ్డారు. రానున్న మిల్లు యూనియన్‌ ఎన్నికల్లో బీఆర్‌ఎస్‌ కార్మికుల పక్షాన నిలబడుతుందని హామీ ఇచ్చారు. ఈ నెల 15న పేపర్‌మిల్లు కార్మికుల సమక్షంలో మేధోమథన సదస్సు నిర్వహించనున్నట్లు తెలిపారు. సమావేశంలో నియోజకవర్గ కన్వీనర్‌ లెండుగురె శ్యాంరావు, మోయిన్‌, అంబాల ఓదెలు, గోగర్ల కన్నయ్య, రాజ్‌కుమార్‌ తదితరులు పాల్గొన్నారు.

ఆసిఫాబాద్‌అర్బన్‌: రాష్ట్ర ప్రభుత్వం పంచాయతీ కార్మికుల సమస్యలు పరిష్కరించకుంటే ఈ నెల 19 తర్వాత నిరవధిక సమ్మెలోకి వెళ్తామని జీపీ యూనియన్‌ జిల్లా ప్రధాన కార్యదర్శి పెర్క శ్రీకాంత్‌ తెలిపారు. జిల్లా కేంద్రంలోని డీపీవో కార్యాలయంలో మంగళవారం యూనియన్‌ ఆధ్వర్యంలో సమ్మె నోటీసు అందించారు. ఆయన మాట్లాడుతూ రెండో పీఆర్సీ పరిధిలోకి పంచాయతీ సిబ్బందిని తీసుకోవాలని, ఇందిరమ్మ ఇళ్లు, ఇంటి స్థలాలు కేటాయించాలన్నారు. జీవో 51 సవరించాలని, మల్టీపర్పస్‌ విధానం రద్దు చేయాలని, పాత కేటగిరీలను కొనసాగించాలని డిమాండ్‌ చేశారు. మరణించిన కార్మికుల దహన సంస్కారాలకు రూ.10వేలు చెల్లించాలన్నారు. పంచాయతీ సిబ్బందిని వెంటనే రెగ్యులరైజ్‌ చేయాలని కోరారు. కార్యక్రమంలో నాయకులు నగేశ్‌, శంకర్‌, మోరేశ్‌ తదితరులు పాల్గొన్నారు.

ఆసిఫాబాద్‌: వాంకిడి మండలం ఇందాని శివారులో రూ.200 కోట్లతో ఇంటిగ్రేటెడ్‌ రెసిడెన్షియల్‌ స్కూల్‌ నిర్మించే స్థలాన్ని తెలంగాణ ఎడ్యుకేషనల్‌ వెల్ఫేర్‌ ఇన్‌ఫ్రాస్ట్రక్చర్‌ కార్పొరేషన్‌ ఎండీ గణపతిరెడ్డి మంగళవారం ఎస్‌ఈ షఫీ మియా, ఈఈ అశోక్‌, తహసీల్దార్‌ రియాజ్‌తో కలిసి పరిశీలించారు. ఆయన మాట్లాడుతూ సమీకృత గురుకులానికి 15 ఎకరాలు అనుకూలంగా ఉన్నట్లు గుర్తించామన్నారు. నెల రోజుల్లో ఇంటిగ్రేటెడ్‌ స్కూల్‌ నిర్మాణానికి టెండర్లు నిర్వహిస్తామని తెలిపా రు. మూడు నెలల్లో పనులు ప్రారంభించేందుకు చర్యలు తీసుకుంటామన్నారు. ఆయన వెంట డీఈఈ శ్రీనివాస్‌గౌడ్‌, ఏఈ కిరణ్‌కుమార్‌, అధికారులు ఉన్నారు.

వాంకిడి(ఆసిఫాబాద్‌): డైలీ క్రికెట్‌ యూత్‌ ఆధ్వర్యంలో నిర్వహిస్తున్న ‘వాంకిడి ప్రీమి యర్‌ లీగ్‌ సీజన్‌– 3’ టోర్నమెంట్‌ ప్రారంభో త్సవానికి మంగళవారం ఎమ్మెల్యే కోవ లక్ష్మి హాజరై క్రీడాకారులను ఉత్సాహపరిచా రు. ముందుగా క్రీడాకారులను పరిచయం చేసుకున్నారు. ఆ తర్వాత గ్రౌండులో దిగి బ్యాట్‌ పట్టి సరదాగా కాసేపు క్రికెట్‌ ఆడారు. యువత చదువుతో పాటు క్రీడల్లోనూ రాణించాలని సూచించారు. ఎంచుకున్న రంగంలో గుర్తింపు సాధించి పుట్టి పెరిగిన ఊరు, జిల్లా కు పేరు తీసుకురావాలన్నారు. ఎండ తీవ్రత దృష్ట్యా ఉదయం, సాయంత్రం వేళల్లో మాత్ర మే టోర్నమెంట్‌ నిర్వహించాలన్నారు. కార్యక్రమంలో మాజీ జెడ్పీటీసీ, బీఆర్‌ఎస్‌ మండల అధ్యక్షుడు అజయ్‌కుమార్‌, నాయకులు, వ్యాపారులు జగదీష్‌, బండె తుకారాం, అయ్యుబ్‌, గాదె విలాస్‌, అవినాష్‌, ప్రవీణ్‌ తదితరులు పాల్గొన్నారు.

● కులగణన పూర్తయి ఐదు నెలలైనా అందని గౌరవ వేతనం ● ఎన్యూమరేటర్లు, సూపర్‌వైజర్లు, ఆపరేటర్లకు తప్పని ఎదురుచూపులు ● జిల్లాలో 1,61,901 కుటుంబాల వివరాలు సేకరణవాంకిడి(ఆసిఫాబాద్‌): సమగ్ర సర్వే ముగిసి ఐదు నెలలు కావొస్తున్నా.. విధులు నిర్వర్తించిన సిబ్బంది ఖాతాల్లో ఇప్పటివరకు వేతనం జమ కాలేదు. రాష్ట్ర ప్రభుత్వం ప్రతిష్టాత్మకంగా నిర్వహించిన కులగణ నలో వివరాలు సేకరించిన వారు గౌరవ వేతనం కోసం ఎదురుచూస్తున్నారు. సర్వే అనంతరం ఈ ప్రక్రియలో భాగస్వాములైన ప్రతీఒక్కరికి గౌరవ వేతనం అందిస్తామని ప్రభుత్వం ప్రకటించింది. కానీ నెలలు గడుస్తున్నా డబ్బులు ఖాతాల్లో జమ కాకపోవడంతో సర్వే చేసిన ఎన్యూమరేటర్లు, పరిశీలన జరిపిన సూపర్‌వైజర్లు, ఆన్‌లైన్‌లో వివరాలు నమోదు చేసిన కంప్యూటర్‌ ఆపరేటర్లకు నిరీక్షణ తప్పడం లేదు. సామాజిక, ఆర్థిక, విద్య, ఉపాధి, రాజకీయ, కులగణనను రాష్ట్ర ప్రభుత్వం నవంబర్‌ మొదటి వారంలో ప్రారంభించి అదే నెలలో పూర్తి చేసింది. సిబ్బంది ఇంటింటా తిరిగి స్టిక్కర్లు అతికించారు. అనంతరం కుంటుంబాల వారీగా వివరాలు సేకరించారు. ఈ ప్రక్రియలో పంచాయతీ కార్యదర్శులు, పాఠశాలల ఉపాధ్యాయులు, ప్రభుత్వ ఉద్యోగులు, రిసోర్స్‌ పర్సన్లు ఇతర సిబ్బంది భాగస్వాములయ్యారు. సర్వేను పరిశీలించేందుకు ఎంపీడీవో స్థాయి అధికారులను నోడల్‌ అధికారులగా నియమించారు. 1,61,901 కుటుంబాల సర్వే..జిల్లాలో కాగజ్‌నగర్‌తోపాటు నూతనంగా ఏర్పడిన ఆసిఫాబాద్‌తో కలిపి రెండు మున్సిపాలిటీలు ఉన్నాయి. 15 మండలాల్లో 335 గ్రామ పంచాయతీలు ఉండగా 5,15,812 జనాభా ఉంది. జిల్లాలో 1292 మంది ఎన్యూమరేటర్లు, 153 మంది సూపర్‌వైజర్లు 1,61,901 కుటుంబాలను సర్వే చేశారు. ఒక్కొక్క ఎన్యూమరేటర్‌ 150 కుటుంబాల చొప్పున కేటాయించగా సర్వే విజయవంతంగా పూర్తిచేశారు. 1,61,901 కుటుంబాలకు చెందిన సామాజిక, ఆర్థిక, విద్య, ఉపాధి, రాజకీయ పరిస్థితులతో పాటు కులం వివరాలు సేకరించారు. ఒక్కొక్క కుటుంబానికి 8 పేజీలతో కూడిన ఫారం ఉండగా అందులో మొత్తం 75 రకాల ప్రశ్నలు ఉన్నాయి. సర్వే సమయంలో ఎన్యూరేటర్లు ఓపికతో కుటుంబ సబ్యుల నుంచి వివరాలు సేకరించారు. ఇంటింటికి తిరుగుతూ సేకరించిన సమగ్ర సమాచారాన్ని ఆన్‌లైన్‌లో నమోదు చేసేందుకు ప్రభుత్వ కార్యాలయాల కంపూటర్‌ ఆపరేటర్లతో పాటు ప్రైవేటు సిబ్బందిని కూడా నియమించారు. నిధుల కొరతే కారణమా.?జిల్లాలో సర్వే నిర్వహించిన వారికి భత్యం చెల్లించడానికి దాదాపు రూ.2 కోట్ల నిధులు అవసరం అవుతాయి. జిల్లా ప్లానింగ్‌ కార్యాలయం ద్వారా సర్వేలో పాల్గొన్న వారికి భత్యం జమ చేసేందుకు ఏర్పాట్లు సైతం చేశారు. ఖాతాల నంబర్లు సేకరించి నెలలు గడిచినా ఇప్పటివరకు ఒక్కరికి కూడా నయాపైసా రాలేదు. జిల్లా ప్లానింగ్‌ అధికారులను అడిగితే ట్రెజ రీకి బిల్లులు పంపించామని, ప్రభుత్వం ఆమోదం తెలిపిన వెంటనే సొమ్ము జమ అవుతుందని చెబు తున్నారు. ఆర్థికశాఖ వద్ద నిధుల కొరత తీవ్రంగా ఉండటంతోనే టోకెన్లు జారీ చేసినా డబ్బులు జమ కావడం లేదని తెలుస్తోంది. సమగ్ర సర్వే భత్యం డబ్బులు చెల్లించాలని సిబ్బంది కోరుతున్నారు.ఐదు నెలలుగా నిరీక్షణ..సర్వే సిబ్బంది కొన్నినెలలుగా గౌరవ వేతనం కోసం నిరీక్షిస్తున్నారు. సర్వే కొనసాగుతున్న సమయంలోనే ఎన్యూమరేటర్లకు రూ.10 వేలు, సూపర్‌వైజర్లకు రూ.12 వేలు, డేటా ఎంట్రీ ఆపరేటర్లకు ఒక్కొక్క ఫారానికి రూ.30 చొప్పున ఇస్తామని ప్రభుత్వం ప్రకటించింది. ఈ లెక్కన జిల్లాలో సర్వే నిర్వహించిన న్యూమరేటర్లు, సూపర్‌వైజర్లకు దాదాపుగా రూ.1.50 కోట్ల నిధులు అవసరమవుతాయి. అలాగే జిల్లావ్యాప్తంగా డేటా ఎంట్రీ చేసిన కంప్యూటర్‌ ఆపరేటర్లకు మరో రూ.50 లక్షల వరకు చెల్లించాలి. సర్వే విధుల్లో పాల్గొన్న సిబ్బంది తమ బ్యాంకు ఖాతా వివరాలను అప్పట్లోనే అధికారులకు అందజేశారు. నాటి నుంచి డబ్బులు వస్తాయని ఎదురుచూస్తున్నా ఇప్పటివరకు ఖాతాల్లో జమ కాలేదు. ఉన్నతాధికారులు దృష్టి సారించి త్వరగా డబ్బులు ఖాతాల్లో జమ చేయాలని వారు కోరుతున్నారు. డబ్బులు చెల్లించాలి రాష్ట్ర ప్రభుత్వం చేపట్టిన సమగ్ర సర్వేకు సంబంధించిన ఫారాలను ఆన్‌లైన్‌లో నమోదు చేశాం. డాటా ఎంట్రీ ప్రక్రియ పూర్తయి ఐదు నెలలు గడిచింది. కానీ ఇప్పటివరకు డబ్బులు చెల్లించలేదు. అధికారుల సూచనల మేరకు రాత్రిపూట కూడా కష్టపడి పనిచేశాం. ఉన్నతాధికారులు స్పందించి డబ్బులు చెల్లించేందుకు చర్యలు తీసుకోవాలి. – పైశెట్టి వేణు, ప్రైవేటు డాటా ఎంట్రీ ఆపరేటర్‌ బాధ్యతగా పని చేశారు ప్రభుత్వ ఉత్తర్వులను అనుసరిస్తూ సమగ్ర సర్వేలో ఉపాధ్యాయులు బాధ్యతగా పనిచేశారు. సెలవు దినాల్లోనూ సర్వే నిర్వహించి రిపోర్టును ప్రభుత్వానికి నివేదించారు. కానీ గౌరవ వేతనం ఇప్పటివరకు ఖాతాల్లో జమ కాలేదు. కాలాయాపన చేయకుండా వెంటనే విడుదల చేయాలి. – శాంతి కుమారి, టీఎస్‌ యూటీఎఫ్‌ జిల్లా అధ్యక్షురాలు

కెరమెరి/ఆసిఫాబాద్‌రూరల్‌: రాష్ట్ర విద్యాశాఖ ఒకటో తరగతి నుంచి తొమ్మిదో తరగతి విద్యార్థుల వార్షిక పరీక్షల షెడ్యూల్‌ ప్రకటించింది. బుధవారం నుంచి ఈ నెల 17 వరకు సమ్మెటీవ్‌ అసెస్‌మెంట్‌(ఎస్‌ఏ– 2) పరీక్షలు ప్రారంభం కానున్నాయి. ఒకటి నుంచి ఏడో తరగతి విద్యార్థులకు ఉదయం 9 గంటల నుంచి 11.30 గంటల వరకు, ఎనిమిదో తరగతి వారికి ఉదయం 9 గంటల నుంచి ఉదయం 11.45 గంటల వరకు, ఇక తొమ్మిదో తరగతి విద్యార్థులకు ఉదయం 9 గంటల నుంచి మధ్యాహ్నం 12 గంటల వరకు ఈ ఎగ్జామ్స్‌ కొనసాగనున్నాయి. అయితే తొమ్మిదో తరగతి భౌతికశాస్త్రం, జీవశాస్త్రం సబ్జెక్టులుకు మాత్రం ఉదయం 9 గంటల నుంచి 10.30 గంటల వరకు మాత్రమే సమయం ఇస్తారు. 83,069 మంది విద్యార్థులుజిల్లాలో అన్ని యాజమాన్యాల కింద పనిచేస్తున్న పాఠశాలలు 1,244 ఉన్నాయి. ఆయా స్కూళ్లలో 83,069 మంది విద్యార్థులు చదువుకుంటున్నారు. ప్రభుత్వ పాఠశాలల్లో అమ్మ ఆదర్శ పాఠశాల కమిటీల ఆధ్వర్యంలో విద్యుత్‌, తాగునీటి వసతులు కల్పించారు. ఇప్పటికే పదో తరగతి వార్షిక పరీక్షలు ముగిసిన విషయం తెలిసిందే. ఈ నెల 17తో పాఠశాల విద్యార్థులకు వార్షిక పరీక్షలు ముగియనున్నాయి. ఇప్పటికే ఎస్‌ఏ– 1తోపాటు పాఠ్యాంశాల మార్కులు, హాజరు వివరాలు, గ్రేడింగ్‌ వివరాలను రికార్డు రిజిస్టర్‌లో నమోదు చేశారు. విద్యార్థుల వారీగా మార్కులు, హాజరును పాఠశాల విద్యాశాఖ సంచాలకుల వెబ్‌సెట్‌ ఐఎస్‌ఎంఎస్‌లో నమోదు చేయాల్సి ఉంది. 2024– 25 విద్యా సంవత్సరం ఈ నెల 23తో ముగియనుంది. అప్పటిలోగా సంబంధిత ఉపాధ్యాయులు వార్షిక పరీక్షల జవాబు పత్రాలు మూల్యాంకనం చేసి రికార్డుల్లో నమోదు చేయనున్నారు. చివరి రోజు తల్లిదండ్రులతో సమావేశం నిర్వహించి విద్యార్థుల ప్రోగ్రెస్‌ కార్డులు అందజేయనున్నారు. ఆన్‌లైన్‌లో నమోదు చేయాలి 1 నుంచి 9వ తరగతుల విద్యార్థులకు సంబంధించి ఇప్పటివరకు జరిగిన ఎఫ్‌ఏ, ఎస్‌ఏ పరీక్షలు, బేస్‌లైన్‌, మిడ్‌లైన్‌, ఎండ్‌ లైన్‌ పరీక్షల ప్రగతి వివరాలను ప్రధానోపాధ్యాయులు విధిగా ఆన్‌లైన్‌లో నమోదు చేయాలి. వివరాల నమోదు ఈ నెల 21 వరకు పూర్తి చేసి, 23న విద్యార్థులకు ప్రగతి పత్రాలు అందించాలి. – ఉదయ్‌బాబు, జిల్లా పరీక్షల నిర్వహణ అధికారి తరగతుల వారీగా టైం టేబుల్‌తేదీ 1 నుంచి 5 6 నుంచి 7 8వ 9వ 9 – తెలుగు/ఉర్దూ తెలుగు/ఉర్దూ తెలుగు/ఉర్దూ 10 – హిందీ/తెలుగు హిందీ/తెలుగు హిందీ/తెలుగు 11 తెలుగు ఇంగ్లిష్‌ ఇంగ్లిష్‌ ఇంగ్లిష్‌ 12 ఇంగ్లిష్‌ సాంఘిక శాస్త్రం గణితం గణితం 15 గణితం సామాన్యశాస్త్రం భౌతికశాస్త్రం భౌతికశాస్త్రం 16 ఈవీఎస్‌ గణితం జీవశాస్త్రం జీవశాస్త్రం 17 – – సాంఘికశాస్త్రం సాంఘికశాస్త్రం ఈ నెల 17 వరకు ఎస్‌ఏ– 2 పరీక్షలు 23న ఫలితాలు వెల్లడి షెడ్యూల్‌ విడుదల చేసిన విద్యాశాఖ

ఆసిఫాబాద్‌రూరల్‌: బాల్యవివాహాలు చేస్తే కఠిన చర్యలు తీసుకుంటామని రోహిత్‌ దేశ్‌పాండే అన్నారు. ముందస్తు సమాచారం మేరకు ఆసిఫాబాద్‌ మండలం గుండి గ్రామంలో జిల్లా బాలల పరిరక్షణ విభాగం అధికారులతో కలిసి మంగళవారం బాల్య వివాహాన్ని అడ్డుకున్నారు. బంధువులు, తల్లిదండ్రులకు కౌన్సెలింగ్‌ ఇచ్చి బాలికను సఖి కేంద్రానికి తరలించారు. ఆయన మాట్లాడుతూ.. బాల్యవివాహాలు చేయడం నేరామన్నారు. మైనర్ల పెళ్లిలను ప్రోత్సహిస్తే ఇరువైపులా కుటుంబ సభ్యులు, పురోహితులపైనా నాన్‌ బెయిలబుల్‌ కేసు నమోదు చేసి, రెండేళ్ల జైలు, రూ.లక్ష జరి మానా విధిస్తారని తెలిపారు. బాలికల భవి ష్యత్తును దృష్టిలో ఉంచుకుని 18 ఏళ్లు నిండేవరకు చదివించి ఆ తర్వాత వివాహం జరి పించాలన్నారు. జిల్లాలో ఎక్కడైనా బాల్య వివాహాల గురించి సమాచారం ఉంటే 1098కు సమాచారం అందించాలని కోరా రు. కార్యక్రమంలో చైల్డ్‌ హెల్ప్‌లైన్‌ కోఆర్డినేటర్‌ బాల ప్రవీణ్‌, సూపర్‌వైజర్‌ లైలా, సిబ్బంది చంద్రశేఖర్‌, రవళి పాల్గొన్నారు.

కాగజ్‌నగర్‌రూరల్‌: దేశంలో నియంతృత్వ పాలనకు చరమగీతం పాడాలని ఎమ్మెల్సీ దండె విఠల్‌ అన్నారు. పట్టణంలోని 21, 22, 26, 30 వార్డులతో పాటు మార్కెట్‌ ఏరియాలో మంగళవారం జైబాపు, జైభీం, జై సంవిధాన్‌ కార్యక్రమం నిర్వహించారు. ఎమ్మెల్సీ మాట్లాడుతూ బీజేపీ రాజ్యాంగాన్ని మార్చాలని ప్రయత్నిస్తుందని ఆరోపించారు. అంబేడ్కర్‌ ఇచ్చిన స్వేచ్ఛ, సామాజిక సమానత్వాన్ని బీజేపీ నుంచి కాపాడాలని కార్యకర్తలతో ప్రతిజ్ఞ చేయించారు. కార్యక్రమంలో డీసీసీ అధ్యక్షుడు విశ్వప్రసాద్‌, పట్టణ నాయకులు పాల్గొన్నారు. కోఆర్డినేటర్‌గా సిడాం గణపతిబెజ్జూర్‌: జైబాపు, జైభీమ్‌, జైసంవిధాన్‌ కార్యక్రమానికి సిర్పూర్‌ నియోజకవర్గ కోఆర్డినేటర్‌గా జెడ్పీ మాజీ చైర్మన్‌ సిడాం గణపతి నియమించినట్లు ఎమ్మెల్సీ దండె విఠల్‌, డీసీసీ అధ్యక్షుడు విశ్వప్రసాద్‌రావు తెలిపారు. అలాగే బెజ్జూర్‌ మండలానికి కోఆర్డినేటర్‌గా బండి మహేశ్‌, చింతలమానెపల్లి సామల రాజన్న, పెంచికల్‌పేట్‌ మడావి కోటేశ్‌, దహెగాం రాచకొండ కృష్ణ, కాగజ్‌నగర్‌ పట్టణం వందన, కాగజ్‌నగర్‌ రూరల్‌ రమేశ్‌, కౌటాల పిల్లల శంకరయ్య, సిర్పూర్‌(టి) అష్రత్‌ను నియమించినట్లు వారు వెల్లడించారు.

ఆసిఫాబాద్‌: వేసవిలో తాగునీటి సమస్యలు రానీ యొద్దని కలెక్టర్‌ వెంకటేశ్‌ దోత్రే అన్నారు. జిల్లా కేంద్రంలోని కలెక్టరేట్‌ నుంచి అదనపు కలెక్టర్‌ దీపక్‌ తివారితో కలిసి మంగళవారం అన్ని మండలాల ఎంపీడీవోలు, మండల పంచాయతీ అధికారులు, కార్యదర్శులు, మిషన్‌ భగీరథ ఇంజినీర్లు, ఉపాధి హామీ సిబ్బందితో తాగునీరు, ఇందిరమ్మ ఇండ్లు, ఉపాధిహామీ పనుల కల్పనపై సమీక్షా సమావేశం నిర్వహించారు. కలెక్టర్‌ మాట్లాడుతూ మారుమూల గ్రామాల్లో తాగునీటి ఇబ్బంది లేకుండా ప్రత్యామ్నా య మార్గాలు అన్వేషించాలన్నారు. పైప్‌లైన్లు, మో టార్లు, గేట్‌వాల్‌ ఇతర మరమ్మతులు చేపట్టి నీటి సరఫరాను పునరుద్ధరించాలని ఆదేశించారు. అలా గే జాబ్‌కార్డు కలిగిన ప్రతీ కుటుంబానికి వందరోజు ల ఉపాధిహామీ పనిదినాలు కల్పించాలన్నారు. పని ప్రదేశంలో కూలీలకు నీడ, తాగునీరు, ఓఆర్‌ఎస్‌ ప్యాకెట్లు, మందులు అందుబాటులో ఉంచాలన్నా రు. ఇందిరమ్మ ఇండ్లు పథకంలో పైలట్‌ గ్రామాల్లో బేస్‌మెంట్‌ పనులు పూర్తిచేసిన లబ్ధిదారులకు బిల్లులు చెల్లించాలని సూచించారు. సమావేశంలో డీఆర్‌డీవో దత్తారావు, డీపీవో భిక్షప తి, జిల్లా గిరిజన అభివృద్ధి అధికారి రమాదేవి, జె డ్పీ సీఈవో లక్ష్మీనారాయణ, అదనపు డీఆర్‌డీవో రామకృష్ణ, గృహనిర్మాణ శాఖ అధికారులు పాల్గొన్నారు. యువ వికాసం దరఖాస్తులు పరిశీలించాలినిరుద్యోగ యువత సంక్షేమం కోసం ప్రభుత్వం ప్ర వేశపెట్టిన రాజీవ్‌ యువ వికాసం పథకానికి వచ్చిన దరఖాస్తులను క్షుణ్నంగా పరిశీలించాలని కలెక్టర్‌ వెంకటేశ్‌ దోత్రే అన్నారు. జిల్లా కేంద్రంలోని ఎంపీడీవో కార్యాలయంలో మంగళవారం ఏర్పాటు చేసి న ప్రజాపాలన సేవా కేంద్రాన్ని అదనపు కలెక్టర్‌ దీ పక్‌ తివారి, ఆర్డీవో లోకేశ్వర్‌రావుతో కలిసి సందర్శించారు. రాజీవ్‌ యువ వికాసం పథకంలో వచ్చి న దరఖాస్తులను పరిశీలించారు. కలెక్టర్‌ మాట్లాడు తూ జిల్లాలోని అర్హులైన ఎస్సీ, ఎస్టీ, బీసీ, మైనార్టీ ఇతర ఆర్థికంగా వెనుకబడిన తరగతులకు చెందిన నిరుద్యోగులు మీసేవ కేంద్రాల ద్వారా రాజీవ్‌ యు వ వికాసానికి ఈ నెల 14 వరకు దరఖాస్తు చేసుకోవాలన్నారు. సంబంధిత ప్రతులను దరఖాస్తుదా రుల నుంచి అధికారులు తీసుకుని క్షేత్రస్థాయిలో పరిశీలించాలని ఆదేశించారు. ఆన్‌లైన్‌, ఆఫ్‌లైన్‌లో వచ్చిన దరఖాస్తుల నమోదు ప్రక్రియను పరిశీలించి.. పథకం నిర్వహణపై అధికారులు, సిబ్బందికి సూచనలిచ్చారు. కార్యక్రమంలో ఎస్సీ సహకార సంస్థ ఈడీ సజీవన్‌, తహసీల్దార్‌ రోహిత్‌ దేశ్‌పాండే, ఎంపీడీవో శ్రీనివాస్‌, ఈ డిస్ట్రిక్ట్‌ మేనేజర్‌ గౌత మ్‌ కుమార్‌, సంబంధిత అధికారులు పాల్గొన్నారు. కలెక్టర్‌ వెంకటేశ్‌ దోత్రే మండలస్థాయి అధికారులతో వీడియో కాన్ఫరెన్స్‌

కాగజ్‌నగర్‌రూరల్‌: వరంగల్‌లో ఈ నెల 27న నిర్వహించే బీఆర్‌ఎస్‌ పార్టీ రజతోత్సవ మహాసభను విజయవంతం చేయాలని ఆ పార్టీ రాష్ట్ర నేత డాక్టర్‌ ఆర్‌ఎస్‌ ప్రవీణ్‌కుమార్‌ పిలుపునిచ్చారు. కాగజ్‌నగర్‌లోని ఆయన నివాసంలో సోమవారం నియోజకవర్గ ముఖ్య నాయకులతో సమావేశమయ్యారు. ప్రతీ గ్రామం నుంచి బీఆర్‌ఎస్‌ కార్యకర్తలు మహాసభకు తరలిరావాలన్నారు. కాంగ్రెస్‌ పార్టీ వైఫల్యాలు, అబద్ధపు హామీల గురించి అర్థమయ్యేలా గ్రా మాల్లో వివరించాలని సూచించారు. అలాగే బీఆర్‌ఎస్‌ ప్రభుత్వం చేసిన గొప్ప పనులు, కేసీఆర్‌ ఉద్య మ ప్రస్థానం, సాధించిన విజయాలను ప్రచారం చేయాలని కోరారు. అనంతరం నవేగాంబస్తీలో హనుమాన్‌ స్వాముల భిక్ష కార్యక్రమంలో పాల్గొని స్వాములకు భోజనం వడ్డించారు. బీఆర్‌ఎస్‌ కార్యకర్త మహమూద్‌ తల్లి ఇటీవల మరణించగా, కు టుంబ సభ్యులను పరామర్శించారు. కార్యక్రమంలో నియోజకవర్గ కన్వీనర్‌ లెండుగురె శ్యాంరావు, నాయకులు పాల్గొన్నారు.

ఆసిఫాబాద్‌అర్బన్‌: జిల్లా కేంద్రంలోని అంకుసాపూర్‌లో గల ప్రభుత్వ వైద్య కళాశాలలో సోమవారం ప్రపంచ ఆరోగ్య దినోత్సవం ఘనంగా నిర్వహించా రు. ఈ సందర్భంగా విద్యార్థులు, వైద్యాధికారులు, సిబ్బంది జిల్లా కేంద్రంలో అవగాహన ర్యాలీ నిర్వహించారు. అనంతరం ఏర్పాటు చేసిన కార్యక్రమంలో ప్రిన్సిపాల్‌ శ్రీలక్ష్మి మాట్లాడుతూ ప్రతిఒక్కరూ వ్యక్తిగత పరిశుభ్రత పాటించాలన్నారు. చెడు వ్యసనాలకు దూరంగా ఉండాలని సూచించారు. ఆరో గ్యం బాగుంటేనే జీవితంలో ఏదైనా సాధించగలమని పేర్కొన్నారు. వైద్యులు సతీష్‌, సత్యం, సిబ్బంది రషీద్‌, సలిత, విద్యార్థులు పాల్గొన్నారు.

ఆసిఫాబాద్‌అర్బన్‌: జిల్లా కేంద్రంలోని కలెక్టరేట్‌లో సోమవారం నిర్వహించిన ప్రజావాణికి వివిధ ప్రాంతాల నుంచి ప్రజలు తరలివచ్చారు. అర్జీలు సమర్పించి.. సమస్యలు పరిష్కరించాలని అధికారులకు విన్నవించారు. కలెక్టర్‌ వెంకటేశ్‌ దోత్రే మాట్లాడుతూ ప్రజావాణి కార్యక్రమంలో అందిన అర్జీలను సంబంధిత అధికారులు సమన్వయంతో పరిష్కరించాలని ఆదేశించారు. ఈ సందర్భంగా సదరం సర్టిఫికెట్‌ జారీ చేయాలని రెబ్బెన మండలం కైరిగాం గ్రామానికి చెందిన పర్వతి మహేశ్‌ విన్నవించాడు. సదరం సర్టిఫికెట్‌ ఉన్న తనకు దివ్యాంగుల ఫించన్‌ మంజూరు చేయాలని రెబ్బెన మండలం గోలేటి గ్రామంలోని రమణారెడ్డి నగర్‌కు చెందిన నక్క నిఖిల్‌ కోరారు. రెబ్బెన మండలం తుంగెడ– 3 అంగన్‌వాడీ కేంద్రంలో టీచర్‌గా పనిచేస్తున్నానని, అనారోగ్య కారణాలతో తనను బదిలీ చేయాలని కాగజ్‌నగర్‌ పట్టణంలోని ఇందిరానగర్‌కు చెందిన ఆత్రం శకుంతల దరఖాస్తు చేసుకుంది. కాగజ్‌నగర్‌ మండలం బోరిగాం గ్రామ శివారులో ఉన్న రెండు ప్లాట్లు కబ్జాకు గురయ్యాయని, విచారణ చేపట్టి న్యాయం చేయాలని కాగజ్‌నగర్‌ పట్టణానికి చెందిన మహిన్‌ అంజూమ్‌ వేడుకున్నారు. ఉపాధిహామీ పథకంలో ఉద్యోగావకాశం కల్పించాలని ఆసిఫాబాద్‌ మండలం చోర్‌పల్లి గ్రామానికి చెందిన నగరారి బాబురావ్‌ కోరారు. కార్యక్రమంలో ఆర్డీవో లోకేశ్వర్‌రావు, వివిధ శాఖలకు చెందిన అధికారులు పాల్గొన్నారు.చదువుకునే అవకాశం కల్పించండి నేను మాటలు రాని ది వ్యాంగుడిని. ప్రభుత్వం త రుఫున చదువుకునే అవకా శం కల్పించాలి. సరైన వైద్యం అందించేందుకు చొ రవ చూపాలి. సదరం సర్టిఫికెట్‌ మంజూరు చేసి, పింఛన్‌ మంజూరు చేసే ఉపయోగకరంగా ఉంటుంది. – సుల్తాన్‌, ఎల్లాపటార్‌, మం.లింగాపూర్‌పింఛన్‌ రాక ఇబ్బందులు నేను మానసిక దివ్యాంగుడిని. సదరం ధ్రువపత్రం కూడా ఉంది. అయినా పింఛన్‌ రాకపోవడంతో ఆర్థికంగా తీవ్ర ఇబ్బందులకు గురవుతున్నా. ఇప్పటికై నా జిల్లా అధికారులు స్పందించి పింఛన్‌ అందించి ఆదుకోవాలి. – షేక్‌ సుల్తాన్‌, ఎల్లాపటార్‌, మం.లింగాపూర్‌

రెబ్బెన(ఆసిఫాబాద్‌): గోలేటి ఓసీపీలో ముంపునకు గురయ్యే భూములకు ఎకరాకు రూ.25లక్షలు చెల్లించాలని, భూనిర్వాసితుల కుటుంబంలో ఒక్కరికి పర్మినెంట్‌ ఉద్యోగం ఇవ్వాలని బీజేపీ జిల్లా అధికార ప్రతినిధి కేసరి ఆంజనేయులుగౌడ్‌ డిమాండ్‌ చేశారు. మండలంలోని గోలేటిలో సోమవారం ముంపునకు గురయ్యే భూముల యజమానులతో కలిసి ఏర్పాటు చేసిన సమావేశంలో మాట్లాడారు. సింగరేణి యాజమాన్యం ఓపెన్‌కాస్టు పేరుతో తీసుకుంటున్న భూములకు ఎకరానికి రూ.7లక్షలు మా త్రమే చెల్లించాలని చూస్తోందన్నారు. మార్కెట్‌లో ఎకరానికి రూ.20లక్షలకు ఎక్కడా తక్కువ లేద న్నారు. కానీ యాజమాన్యం తక్కువ ఉన్న భూమి విలువను చూపించి దానికి రెండు రేట్లు అధికంగా ఇస్తున్నామని మోసం చేస్తోందని మండిపడ్డారు. బ్రోకర్లను నియమించుకుని కాస్తు, పట్టాదారు, అటవీభూమి పేరుతో దళిత, గిరిజన, బీసీ రైతులను భయబ్రాంతులకు గురిచేస్తోందని ఆరోపించారు. రెవెన్యూ అధికారులకు సంబంధం లేకుండా బ్రోకర్లతో నోటీసులు ఇచ్చి, బలవంతంగా రైతులతో సంతకాలు పెట్టిస్తోందన్నారు. భూనిర్వాసితులకు బీజేపీ అండగా ఉంటుంద స్పష్టం చేశారు. కార్యక్రమంలో మండల ప్రధాన కార్యదర్శి నవీన్‌గౌడ్‌, రైతులు ధర్మూపటేల్‌, సిడాం జైతు, నారా నాగమ్మ తదితరులు పాల్గొన్నారు.

ఆసిఫాబాద్‌అర్బన్‌: ఉపాధిహామీ పనులు కల్పించాలని డిమాండ్‌ చేస్తూ సోమవారం జిల్లా కేంద్రంలోని కలెక్టరేట్‌ ఎదుట కూలీలు ధర్నా నిర్వహించారు. ఉపాధిహామీ కూలీల సంఘం జిల్లా అధ్యక్షురాలు పద్మ, కార్యదర్శి పావని మాట్లాడుతూ మేజర్‌ గ్రామ పంచాయతీగా ఉన్న ఆసిఫాబాద్‌ మున్సిపాలిటీగా మారడంతో ఉపాధిహామీ పథకం కింద పనులు చేసే అవకాశం కోల్పోయామని ఆవేదన వ్యక్తం చేశారు. కూలీ పనులు చేస్తేగానీ పూట గడవని తమ కుటుంబాలకు తీరని అన్యాయం జరిగిందన్నారు. ఆసిఫాబాద్‌ మున్సిపాలిటీ పరిధిలోని కూలీలకు చెందిన జాబ్‌కార్డులను రాజంపేట గ్రామ పంచాయతీలో విలీనం చేయాలని డిమాండ్‌ చేశారు. అధికారులు స్పందించి పనులు కల్పించేందుకు చర్యలు తీసుకోవాలని కోరారు. లేనిపక్షంలో పోరాటం ఉధృతం చేస్తామని హెచ్చరించారు. కార్యక్రమంలో ఉపాధ్యక్షురాలు స్వరూప, కోశాధికారి మంజుల, సహాయ కార్యదర్శి సుగుణ, కూలీలు పాల్గొన్నారు.

కాగజ్‌నగర్‌రూరల్‌: పాలిసెట్‌ ఉచిత శిక్షణ త రగతులను విద్యార్థులు సద్వినియోగం చేసుకోవాలని ప్రభుత్వ డిగ్రీ కళాశాల ప్రిన్సిపాల్‌ శ్రీదేవి అన్నారు. పట్టణంలోని డీఆర్‌ఎస్‌ భవనంలో సోమవారం ఉచిత పాలిసెట్‌ కోచింగ్‌ కేంద్రాన్ని ప్రారంభించారు. ప్రిన్సిపాల్‌ మా ట్లాడుతూ తక్కువ ఖర్చుతో పాలిటెక్నిక్‌ విద్య అభ్యసించవచ్చని, ఇది భవిష్యత్తులో ఇంజినీరింగ్‌ రెండో ఏడాదిలో ప్రవేశానికి ఉపయోగపడుతుందని తెలిపారు. ఉద్యోగ అవకాశాల పరంగా కూడా పాలిటెక్నిక్‌కు ఎంతో ప్రాధాన్యత ఉందన్నారు. బెల్లంపల్లి పాలిటెక్నిక్‌ కళాశాల వైస్‌ ప్రిన్సిపాల్‌ రామదాసు మా ట్లాడుతూ సాఫ్ట్‌వేర్‌, ఇరిగేషన్‌, పబ్లిక్‌ హెల్త్‌, రైల్వే, ఎయిర్‌లైన్స్‌, ట్రాన్స్‌పోర్టు, గనుల శాఖ లలో పాలిటెక్నిక్‌ విద్యార్థతతో ఉద్యోగావకా శాలు ఉన్నాయని తెలిపారు. కార్యక్రమంలో కోఆర్డినేటర్‌ కటుకం మధుకర్‌, కోచింగ్‌ కోకన్వీనర్‌ వాసాల ప్రభాకర్‌, ఎంఈవో వేణుగోపాల్‌, డిగ్రీ కళాశాల వైస్‌ ప్రిన్సిపాల్‌ లక్ష్మీనరసింహం, ప్రధానోపాధ్యాయులు సత్యనా రాయణ, రవీందర్‌, చంద్రశేఖర్‌, వెంకటరా జం, సాబీర్‌, శ్రీశైలం, తిరుపతయ్య, శ్యాంసుందర్‌, త్రివేణి తదితరులు పాల్గొన్నారు.

కాగజ్‌నగర్‌రూరల్‌: పేదల అభ్యున్నతికి ప్రభుత్వం కృషి చేస్తుందని ఎమ్మెల్సీ దండె విఠల్‌ అన్నారు. కా గజ్‌నగర్‌ మండలం ఊట్‌పల్లి గ్రామంలో గిరిజను డు మర్సుకోల లింగు ఇంట్లో సోమవారం ఎమ్మెల్యే హరీశ్‌బాబు, అదనపు కలెక్టర్‌ డేవిడ్‌తో కలిసి సన్నబియ్యంతో వండిన భోజనం చేశారు. ఎమ్మెల్సీ మా ట్లాడుతూ రేషన్‌ షాపుల ద్వారా ప్రభుత్వం అంది స్తున్న సన్నబియ్యం సద్వినియోగం చేసుకోవాలన్నా రు. అనంతరం ఎమ్మెల్యే హరీశ్‌బాబు మాట్లాడు తూ సన్నబియ్యం పథకానికి కేంద్ర ప్రభుత్వం 80 శాతం, రాష్ట్ర ప్రభుత్వం 20 శాతం నిధులు ఇస్తుందని తెలిపారు. సన్నబియ్యాన్ని రెండు, మూడు నెలలు పాతబడిన తర్వాత వండుకుంటే ముద్దయ్యే అవకాశం తక్కువని పేర్కొన్నారు. కార్యక్రమంలో తహసీల్దార్‌ కిరణ్‌ తదితరులు పాల్గొన్నారు.

ఆసిఫాబాద్‌అర్బన్‌: జిల్లా కేంద్రంలోని జెడ్పీ ఉన్నత పాఠశాలలో మహిళా సంక్షేమశాఖ ఆధ్వర్యంలో పింకీస్‌ ఫౌండేషన్‌ సహకారంతో నవి సమ్మన్‌ ప్రాజెక్టు కింద బాలికలకు కలెక్టర్‌ వెంకటేశ్‌ దోత్రే న్యాప్కిన్స్‌ పంపిణీ చేశారు. ఆయన మాట్లాడుతూ బాలికలు పోషకాహారం తీసుకుంటూ ఆరోగ్యాన్ని కాపాడుకోవాలన్నారు. ఆరోగ్యంతో ఉంటేనే చదువుతోపాటు క్రీడలు, ఇతర రంగాల్లో రాణించవచ్చన్నారు. పింకీస్‌ ఫౌండేషన్‌ ఆధ్వర్యంలో జిల్లాలో 35 పాఠశాలల్లో శానిటరీ న్యాప్కిన్స్‌ పంపిణీ చేయడం అభినందనీయమన్నారు. బాలికలు వ్యక్తిగత పరిశుభ్రతకు ప్రాధాన్యం ఇవ్వాలని సూచించారు. కార్యక్రమంలో జిల్లా సంక్షేమ అధికారి భాస్కర్‌, పింకీస్‌ ఫౌండేషన్‌ మేనేజర్‌ భార్గవి బట్నగర్‌, కార్యదర్శి పండిట్‌ శాలిని గుప్తా, అధ్యక్షుడు అరుణ్‌ గుప్తా, జిల్లా సాధికారత కేంద్రం సమన్వయకర్త శారద తదితరులు పాల్గొన్నారు.

కెరమెరి(ఆసిఫాబాద్‌): ఆసిఫాబాద్‌, వాంకిడి, కెరమెరి మండలాల్లోని 72 ప్రభుత్వ పాఠశాలల్లో సోమవారం అన్వల్‌ నేషనల్‌ ఎండ్‌లైన్‌ రిపోర్ట్‌(అసర్‌) పరీక్షలు ప్రశాంతంగా నిర్వహించారు. నీతి ఆయోగ్‌ పిరమిల్‌ ఫౌండేషన్‌ ఆధ్వర్యంలో నిర్వహించిన ఈ పరీక్షకు మొత్తం 916 మంది విద్యార్థులు హాజరయ్యారు. 285 మంది 3వ తరగతి విద్యార్థులు, 315 మంది 4వ తరగతి, 316 మంది 5వ తగరతి విద్యార్థులు తెలుగు, ఆంగ్లం, గణితం పరీక్షలు రాశారు. ఆయా పాఠశాలల్లో సుమారు 85 మంది ఉపాధ్యాయులు సర్వేలో పాల్గొనగా, సీఆ ర్‌పీలు, ఎంఐఎస్‌ కోఆర్డినేటర్‌, సీసీవోలు పర్యవేక్షించారు. నీతి ఆయోగ్‌ ప్రతినిధులు జిల్లాలోని పలు పాఠశాలలో కొనసాగిన అసర్‌ సర్వేను పరిశీలించారు. విద్యార్థుల ప్రగతిని తెలుసుకున్నారు.

● గృహావసరాల సిలిండర్‌పై రూ.50 పెంపు ● జిల్లాలో రూ.922కు చేరిన ధర ● జిల్లా ప్రజలపై రూ.40 లక్షల అదనపు భారం ఆసిఫాబాద్‌: వంటగ్యాస్‌ ధరలు మరోసారి పెరిగాయి. గృహావసరాలకు వినియోగించే 14.2 కిలోల సిలిండర్‌పై రూ.50 పెంచుతున్నట్లు కేంద్ర పెట్రోలియం సహాయ వాయువుల శాఖ మంత్రి హర్దీప్‌సింగ్‌పురి సోమవారం ప్రకటించారు. ఉజ్వల లబ్ధిదారులపైనా ఈ భారం పడనుంది. ప్రస్తుతం జిల్లాలో గృహావసరాలకు వినియోగించే సిలిండర్‌ ధర రూ.872 ఉండగా, పెంచిన ధరతో రూ.922కు చేరనుంది. గతేడాది మార్చి 10న ప్రభుత్వం సిలిండర్‌పై రూ.100 తగ్గించగా, 2023 ఆగస్టులో మరో రూ.200 తగ్గించిన విషయం తెలిసిందే. జిల్లాలో 12 గ్యాస్‌ ఏజెన్సీలు ఉండగా, సుమారు.1.40 లక్షల గ్యాస్‌ కనెక్షన్లు ఉన్నాయి. వీటిలో 1.15 లక్షల సింగిల్‌ సిలిండర్‌ కనెక్షన్లు, 28 వేలు డబుల్‌ సిలిండర్‌ కనెక్షన్లు ఉన్నాయి. వీటితో పాటు 30 వేలకు పైగా ఉజ్వల కనెక్షన్లు, 23,319 దీపం కనెక్షన్లు, 69,371 జనరల్‌ కనెక్షన్లు, 600 కమర్షియల్‌ కనెక్షన్లు ఉన్నాయి. ప్రతినెలా సుమారు 80 వేల సబ్సిడీ సిలిండర్లు, 15 వేల ఉజ్వల సిలిండర్లు వినియోగిస్తున్నారు. పెంచిన ధరలతో జిల్లా ప్రజలపై ప్రతినెలా సుమారు రూ.40 లక్షల భారం పడనుంది. గత వారంలో హోటళ్లు, రెస్టారెంట్లతో పాటు వాణిజ్య అవసరాలకు వినియోగించే సిలిండర్లపై ప్రభుత్వం రూ.41 తగ్గించింది. వంటగ్యాస్‌ ధరలు ఇలా..గతంలో గ్యాస్‌ ధరలు ఏళ్లపాటు నిలకడగా ఉండేవి. మూడేళ్లుగా మాత్రం హెచ్చుతగ్గులు కొనసాగుతున్నాయి. 2022 మార్చిలో జిల్లా కేంద్రంలో గ్యాస్‌ సిలిండర్‌ ధర రూ.875 ఉండేది. 2023 జనవరిలో రూ.976కు పెరిగింది. ఏప్రిల్‌లో మరో రూ.50 పెంచడంతో రూ.1019కు చే రింది. జూన్‌లో మళ్లీ రూ.50 పెంచడంతో రూ. 1072 చేరింది. గత ఆగస్టు వరకు వంటగ్యాస్‌ ధర రూ.1172 చేరింది. ఈ క్రమంలో పేదలపై భారం తగ్గించేందుకు కేంద్ర ప్రభుత్వం ఒక్కో సిలిండర్‌పై రూ.200 తగ్గిస్తూ నిర్ణయం తీసుకుంది. గతేడాది మార్చిలోనూ మరో రూ.100 తగ్గించింది. దీంతో ధర రూ.872కు చేరడంతో వినియోగదారులు ఊపిరి పీల్చుకున్నారు. ప్రస్తుతం సిలిండర్‌పై రూ.50 పెంచడంతో జిల్లాలో సిలిండర్‌ ధర రూ.922కు చేరింది. తాజాగా పెరిగిన ధరలు ఉజ్వల గ్యాస్‌ కనెక్షన్‌ లబ్ధిదారులకు సైతం వర్తింపజేయనున్నట్లు ప్రభుత్వం ప్రకటించింది.

● రాష్ట్రంలో పులుల రక్షణకు చర్యలు ● ‘కవ్వాల్‌’లోనూ ముప్పులో పెద్దపులులు ● రక్షక దళం ఏర్పాటైతే వేట తగ్గే అవకాశంసాక్షి ప్రతినిధి, మంచిర్యాల: పులుల సంరక్షణకు రాష్ట్ర అటవీ శాఖ టైగర్‌ ఫోర్స్‌ ఏర్పాటుకు ప్రతిపాదనలు సిద్ధం చేస్తోంది. దీంతో ‘కవ్వాల్‌’ టైగర్‌ రిజర్వు మరింత పటిష్టం కాబోతోంది. ఏటా ఉమ్మడి జిల్లా పరిధిలోకి అనేక పులులు రాకపోకలు సాగిస్తున్నాయి. ప్రస్తుతం ఏడు నుంచి ఎనిమిది పులుల వరకు సంచరిస్తున్నాయి. ప్రసిద్ధ బెంగాల్‌ టైగర్లూ ఇక్కడ సంచరించాయి. కోర్‌ ఏరియా వరకు వెళ్లకుండా కారిడార్‌ ప్రాంతాల్లోనే సంచరిస్తున్నాయి. మహారాష్ట్రలోని తడోబా అంధేరి, తిప్పేశ్వర్‌, ఛత్తీస్‌గఢ్‌లోని ఇంద్రావతి అభయారణ్యం నుంచి రాకపోకలు సాగించే అవకాశం ఉంది. పెన్‌గంగా, ప్రాణహిత నదులు దాటి ఉమ్మడి జిల్లాకు అడుగుపెడుతున్నాయి. ఈ పులులకు వేట ముప్పు పొంచి ఉంది. ఈ క్రమంలో ఇక్కడ పులులను కాపాడుకోవాలంటే మరింత నిఘా అవసరం ఏర్పడింది. మంచిర్యాల జిల్లాలో మొత్తం భౌగోళిక ప్రాంతంలో అటవీ 41.09శాతం విస్తరించి ఉండగా, కుమురంభీం ఆసిఫాబాద్‌లో 40.24, ఆదిలాబాద్‌లో 29.51, నిర్మల్‌లో 29.83శాతాల్లో విస్తరించి ఉంది. ‘ఇండియా స్టేట్‌ ఆఫ్‌ ఫారెస్టు’ 2022 రిపోర్టు ప్రకారం ఆదిలాబాద్‌ జిల్లాలో 115.50, నిర్మల్‌లో 45.34చ.కి.మీ.చొప్పున అటవీ విస్తీర్ణం తగ్గినట్లు తేలింది. ఈ క్రమంలో వన్యప్రాణులు, అడవుల సంరక్షణ, పచ్చదనం పెంపు టైగర్‌ఫోర్స్‌ ఏర్పాటుతో ఉమ్మడి జిల్లా అడవుల రక్షణకు దోహదం చేసే అవకాశాలు ఉన్నాయి. ఎన్నో ఏళ్లుగా డిమాండ్లుటైగర్‌ రిజర్వులు ఉన్న రాష్ట్రాల తరహాలో ఇక్కడ కూడా టైగర్‌ ప్రొటెక్షన్‌ ఫోర్స్‌ ఏర్పాటు చేయాలనే డిమాండ్లు ఉన్నాయి. కవ్వాల్‌ పరిధిలో పులులు ఇతర వన్యప్రాణుల సంరక్షణ కోసం ఇప్పుడున్న సిబ్బంది, అధికారులకు క్షేత్రస్థాయిలో అనేక సమస్యలు తలెత్తుతున్నాయి. సరిపడా సిబ్బంది లేమితోపాటు పని ఒత్తిడితో ఉన్నారు. చాలా చోట్ల ఖాళీలు ఉన్నాయి. ఇక పులి సంచారం ఉన్న చోట్ల వేటగాళ్ల నిరోధం, ముప్పు తప్పించేందుకు అటవీ అధికారులు శ్రమించాల్సి వస్తోంది. ప్రతీ ఏటా పులులు ఏదో కారణంగా ఇక్కడ మృత్యువాత పడుతున్నాయి. విద్యుత్‌ కంచెలు, వేటతో ప్రమాదంలో పడుతున్నాయి. కాగజ్‌నగర్‌, మంచిర్యాల, ఆదిలాబాద్‌ జిల్లా పరిధిలో పులులు ప్రాణాలు కోల్పోయాయి. క్షేత్రస్థాయిలో పటిష్ట నిఘా లోపం ఏర్పడుతోంది. పులుల సంరక్షణ కోసమే దళం ఏర్పాటు చేస్తే భవిష్యత్‌లో పులుల సంతతి పెంపునకు ఉపయోగపడనుంది. కవ్వాల్‌ అభయారణ్యం వివరాలు(చ.కి.మీ)

ఆసిఫాబాద్‌అర్బన్‌: మహాత్మా జ్యోతిబా పూలే జయంతిని ఘనంగా నిర్వహించాలని అఖిల భారతీయ మాలి మహాసంఘం నాయకులు కోరారు. ఈ మేరకు జిల్లా కేంద్రంలో సోమవారం కలెక్టర్‌ వెంకటేశ్‌ దోత్రేకు వినతిపత్రం అందించారు. ఆ సంఘం జిల్లా అధ్యక్షుడు గుర్నులె మెంగాజీ మాట్లాడుతూ మాలి కులస్తులు ఏళ్లుగా పూలే వర్ధంతి, జయంతి కార్యక్రమాలు నిర్వహిస్తుండగా, 2008 నుంచి ప్రభుత్వం కూడా అధికారికంగా జయంతి నిర్వహిస్తుందన్నారు. రాష్ట్ర ప్రభుత్వం జిల్లాకు కేటాయించిన నిధులతోపాటు కలెక్టర్‌ కూడా రూ.లక్ష అదనంగా కేటాయిస్తున్నారని తెలిపారు. ఈ ఏడాది కూడా లోటుపాట్లు లేకుండా జయంతి ఘనంగా నిర్వహించాలని కోరారు. కార్యక్రమంలో నాయకులు నాగోసె శంకర్‌ తదితరులు పాల్గొన్నారు.

● నేటి నుంచి కాగజ్‌నగర్‌లో పాలిసెట్‌ కోచింగ్‌ ● మూడేళ్లుగా కొనసాగుతున్న ఉచిత శిక్షణ ● ప్రవేశ పరీక్షల్లో సత్తా చాటుతున్న ప్రభుత్వ పాఠశాలల విద్యార్థులుకౌటాల(సిర్పూర్‌): అడవుల జిల్లాలోని ప్రభుత్వ పాఠశాలల్లో చదువుతున్న విద్యార్థులందరూ పేద కుటుంబాలకు చెందిన వారే.. చాలామంది పదో తరగతి తర్వాత ఏం చేయాలో తెలియక ఇంటి వద్దే ఉంటూ వ్యవసాయం, ఇతర పనులకు వెళ్తుంటారు. ఉద్యోగావకాశాలు ఉన్న కోర్సులపై దృష్టి సారించలేక, కోచింగ్‌కు వెళ్లే స్తోమత లేక అర్ధంతరంగా చదువు మానేస్తున్నారు. ప్రస్తుత పరిస్థితుల్లో ప్రవేశ పరీక్షలకు కోచింగ్‌ అందించడం తల్లిదండ్రులకు సైతం భారంగా మారింది. రూ.వేలల్లో ఫీజులు కట్టలేక అవస్థలు పడుతున్నారు. ఈ నేపథ్యంలో చదువుకు పేదరికం అడ్డుకావొద్దనే సదుద్దేశంతో జిల్లా పాఠశాల విద్యాశాఖ ఆధ్వర్వంలో కాగజ్‌నగర్‌ పట్టణానికి చెందిన ప్రభుత్వ ఉపాధ్యాయుడు, జిల్లా సైన్స్‌ అధికారి కటుకం మధుకర్‌ ఆధ్వర్యంలో కాగజ్‌నగర్‌లో ఉచిత పాలిసెట్‌ శిక్షణ కేంద్రం ఏర్పాటు చేశారు. మూడేళ్లుగా పేద విద్యార్థులకు ఉచితంగా కోచింగ్‌ అందిస్తున్నారు. నేటి నుంచి తరగతులు ప్రారంభంజిల్లా పాఠశాల విద్యాశాఖ ఆధ్వర్యంలో ఈ నెల 7 నుంచి కాగజ్‌నగర్‌లోని డీఆర్సీ భవనంలో పదో త రగతి విద్యార్థులకు ఉచిత పాలిసెట్‌ కోచింగ్‌ నిర్వహించనున్నట్లు జిల్లా విద్యాశాఖ అధికారి ఎస్‌.యాదయ్య తెలిపారు. పదో తరగతి విద్యార్థులకు శిక్షణ కోసం కాగజ్‌నగర్‌ ఆర్టీసీ బస్టాండ్‌ సమీపంలోని డీఆర్సీ భవనంలో ఏర్పాట్లు చేశారు. కాగజ్‌నగర్‌ పట్టణంతో పాటు కౌటాల, సిర్పూర్‌(టి), చింతలమానెపల్లి, పెంచికల్‌పేట్‌ ప్రాంతాల్లోని విద్యార్థులు తరగతులకు హాజరుకానున్నారు. అనుభవజ్జులైన ఉపాధ్యాయులు కె.మధుకర్‌(డీఎస్‌వో), ఎం.శ్రీశైలం(ఎస్‌ఏ), ఎండీ సబీర్‌(ఎస్‌ఏ), శాంతికుమార్‌(ఎస్‌ఏ), డి.మోహన్‌(ఎస్‌ఏ), టి.వెంకటరమణ(ఎస్‌ఏ), ఎం.తిరుపతయ్య(ఎస్‌ఏ), టి.శ్యాంసుందర్‌(ఎస్‌ఏ) తరగతులు బోధించనున్నారు. నలభై రో జుల పాటు విద్యార్థులకు కనీస సౌకర్యాలు కల్పించి శిక్షణ ఇవ్వనున్నారు. ప్రతిరోజూ ఉదయం 8 గంటల నుంచి మధ్యాహ్నం ఒంటి గంట వరకు సబ్జెక్టుల వారీగా తరగతులు నిర్వహిస్తారు. మెటీరియల్‌ను సైతం ఉచితంగా అందిస్తారు. వారానికి గ్రాండ్‌ టెస్ట్‌ నిర్వహిస్తూ విద్యార్థుల సామర్థ్యాన్ని అంచనా వేస్తారు. ఉన్నతాధికారులు సైతం శిక్షణ కేంద్రాన్ని సందర్శించి సలహాలు, సూచనలు అందిస్తూ తరగతులు బోధిస్తారు. పేద విద్యార్థులు కోచింగ్‌ తరగతులను సద్వినియోగం చేసుకోవాలని కోఆర్డి నేటర్‌ మధుకర్‌ కోరారు. సద్వినియోగం చేసుకోవాలి పేదరికం ప్రతిభకు ఆటంకం కాకూడదు. దూర ప్రాంతాలకు వెళ్లి ప్రైవేట్‌ సంస్థల్లో చేరలేని విద్యార్థులకు పాలిసెట్‌ ఉచిత కోచింగ్‌ ఎంతో ఉపయోగపడుతుంది. అనుభవం ఉన్న ఉపాధ్యాయులతో కోచింగ్‌ ఇప్పిస్తాం. పాలిసెట్‌లో మంచి ర్యాంక్‌ సాధించి ప్రభుత్వ కళాశాల్లో సీటు సాధిస్తే అధిక ఫీజులు లేకుండా పేద విద్యార్థులకు మెరుగైన విద్య అందుతుంది. పదో తరగతి తర్వాత ఉన్నత చదువులు చదివి జీవితంలో స్థిరపడుతారు. 150 మంది విద్యార్థులకు కోచింగ్‌ ఇస్తాం. ఉచిత కోచింగ్‌ను సద్వినియోగం చేసుకోవాలి. ఇతర వివరాలకు 9441140434 నంబర్‌లో సంప్రదించాలి. – కటకం మధుకర్‌, కోఆర్డినేటర్‌, కాగజ్‌నగర్‌ మూడేళ్లుగా శిక్షణ తరగతులుప్రభుత్వ పాఠశాలల్లో పదో తరగతి చదివిన పేద విద్యార్థుల కోసం మూడేళ్లుగా కాగజ్‌నగర్‌ పట్టణంలో ఉచితంగా పాలిసెట్‌తో పాటు టీజీఆర్‌జేసీ, ఎంజేపీబీసీడబ్ల్యూ ఆర్‌జేసీ, ఇతర ప్రవేశ పరీక్షలకు కోచింగ్‌ ఇస్తున్నారు. ఏటా 150 మందికి అవకాశం కల్పిస్తున్నారు. 2022లో కోచింగ్‌ తరగతులు ప్రారంభించగా మొదటి ఏడాది 90 మంది విద్యార్థులు కోచింగ్‌ తరగతులకు హాజరయ్యారు. అందులో 65 మంది ఆయా కోర్సుల్లో సీట్లు సాధించారు. 2023లో 108 మంది విద్యార్థులు శిక్షణ తరగతులకు హాజరు కాగా అందులో 98 మంది విద్యార్థులు మెరుగైన ర్యాంకులు సాధించి ప్రభుత్వ కళాశాలల్లో సీట్లు సాధించారు. 2024లో మొత్తం 150 మంది విద్యార్థులకు 132 మంది విద్యార్థులు ప్రవేశ పరీక్షల్లో ప్రతిభ కనబర్చారు. ప్రస్తుత విద్యా సంవత్సరంలో కూడా 150 మందికి శిక్షణ అందించనున్నారు. రూ.వేలు ఫీజులు చెల్లించి కార్పొరేట్‌ సంస్థల్లో శిక్షణ పొందలేని పేద విద్యార్థులకు ఉచితంగా అత్యున్నత నాణ్యత, ప్రమాణాలతో తరగతులు నిర్వహిస్తున్నారు. ఉన్నత స్థానానికి చేరడమే లక్ష్యం టీఎస్‌ఆర్‌జేసీ పోటీ పరీ క్షకు ఏవిధంగా సన్నద్ధం కావాలో తెలియని నాకు ఈ కోచింగ్‌ ఎంతో ఉపయోగపడింది. తరగతులకు క్రమం తప్పకుండా హాజరయ్యా. ఉపాధ్యాయులు ఇచ్చిన సలహాలు, సూచనలతో టీఎస్‌ ఆర్‌జేసీలో సీటు సాధించి ఇంటర్మీడియెట్‌ పూర్తి చేశా. ప్రస్తు తం నీట్‌ ప్రవేశ పరీక్షకు సిద్ధమవుతున్నా. ఉన్నత స్థానానికి చేరాలన్నదే నా లక్ష్యం. – ఎస్‌.దీప్తి, కాగజ్‌నగర్‌సులభ పద్ధతిలో బోధన పాలిసెట్‌లో ర్యాంకు రావడానికి కోచింగ్‌ ఎంతో ఉపయోగపడింది. పోటీ పరీక్ష ఏ విధంగా ఉంటుంది. ఎలా సన్నద్ధం కావాలి? అనే విషయాలను సులభ పద్ధతిలో అవగాహన కల్పించారు. సందేహాలు నివృత్తి చేస్తూ పోటీ పరీక్షకు సిద్ధం చేశారు. గతేడాది పాలిసెట్‌లో 714 రాంక్‌ సాధించి హసన్‌పర్తిలోని టీజీఆర్‌జేసీ కళాశాలలో సీటు సాధించా. – ఎస్‌.నాగప్రణతి, కాగజ్‌నగర్‌

ఆసిఫాబాద్‌అర్బన్‌: రానున్న రోజుల్లో తెలంగాణలో బీజేపీ అధికారంలోకి వస్తుందని ఆ పార్టీ జిల్లా అధ్యక్షుడు దోని శ్రీశైలం ధీమా వ్యక్తం చేశారు. జిల్లా కేంద్రంలోని పార్టీ కార్యాలయంలో ఆదివారం బీజేపీ ఆవిర్భావ దినోత్సవం ఘనంగా నిర్వహించారు. ఈ సందర్భంగా పార్టీ జెండా ఆవిష్కరించారు. ఆయన మాట్లాడుతూ ప్రధాన మంత్రి నరేంద్ర మోదీ నేతృత్వంలో బీజేపీ ప్రవేశపెడుతున్న సంక్షేమ, అభివృద్ధి పథకాలు ఆదర్శంగా నిలుస్తున్నాయని అన్నారు. పార్టీని బలోపేతం చేసేందుకు ప్రతి ఒక్కరూ కృషి చేయాలని పిలుపునిచ్చారు. కార్యక్రమంలో వన్‌ నేషన్‌– వన్‌ ఎలక్షన్‌ జిల్లా కన్వీనర్‌ అరిగెల నాగేశ్వర్‌రావు, మాజీ ఎంపీపీ మల్లికార్జున్‌, మండల అధ్యక్షులు సుంకరి పెంటయ్య, ఎస్సీ సెల్‌ జిల్లా ఉపాధ్యక్షుడు మాటూరి జయరాజ్‌, నాయకులు ప్రసాద్‌గౌడ్‌, శ్రీకాంత్‌, దీపక్‌, సత్యనారాయణ తదితరులు పాల్గొన్నారు. కాగజ్‌నగర్‌రూరల్‌: పట్టణంలో ఆదివారం బీజేపీ ఆవిర్భావ వేడుకలు ఘనంగా నిర్వహించారు. సర్‌సిల్క్‌కాలనీలోని ఎమ్మెల్యే నివాసంలో ఎమ్మెల్యే హరీశ్‌బాబు పార్టీ జెండా ఎగురవేశారు. ఆయన మాట్లాడుతూ ఎందరో త్యాగధనుల పోరాటాలతో బీజేపీ ప్రపంచంలోనే అతిపెద్ద పార్టీగా అవతరించిందన్నారు. కార్యక్రమంలో జిల్లా అధ్యక్షుడు దోని శ్రీశైలం, రాష్ట్ర కార్యవర్గ సభ్యుడు కొంగ సత్యనారాయణ, జిల్లా కోశాధికారి అరుణ్‌లోయా, నాయకులు పాల్గొన్నారు.

● ఆసిఫాబాద్‌, వాంకిడి, కెరమెరి మండలాల్లో సర్వే ● జిల్లాలో 72 పాఠశాలలు ఎంపిక ● హాజరు కానున్న 3, 4, 5వ తరగతుల విద్యార్థులు కెరమెరి(ఆసిఫాబాద్‌): గతంలో నిర్వహించిన నేషనల్‌ అచీవ్‌మెంట్‌ సర్వే(న్యాస్‌) ఆధారంగా జిల్లాలో అనేక పాఠశాలల విద్యార్థులు చదవడంతోపాటు చ తుర్విద ప్రక్రియల్లో ఏ స్థాయిలో ఉన్నారో తేలింది. ప్రస్తుతం పరిస్థితిలో ఏమైనా మార్పు వచ్చిందా.. కనీస సామార్థ్యాలతోపాటు చతుర్విద ప్రక్రియల్లో మెరుగుపడ్డారా.. తదితర విషయాలు తెలుసుకునేందుకు నీతి ఆయోగ్‌ పిరమిల్‌ ఫౌండేషన్‌ ఆధ్వర్యంలో సోమవారం అన్వల్‌ నేషనల్‌ ఎండ్‌లైన్‌ రిపోర్ట్‌(అసర్‌) సర్వే(పరీక్ష) నిర్వహించనున్నారు. జిల్లాలో ఆసిఫాబాద్‌, వాంకిడి, కెరమెరి మండలా ల్లో ఎంపిక చేసిన 72 పాఠశాలల్లో నేడు పరీక్ష జరగనుంది. ఇందుకోసం విద్యాశాఖ అధికారులు ఏర్పాట్లు చేశారు. ఎంఈవోలు, ప్రధానోపాధ్యాయులు, సీఆర్‌పీలు, ఎంఐఎస్‌ కోఆర్డినేటర్‌, సీసీవోలకు జూమ్‌ మీటింగ్‌ నిర్వహించి పరీక్ష విధానంపై అవగాహన కల్పించారు. 30 శాతం మంది విద్యార్థులకు..మూడు మండలాల్లో ఎంపిక చేసిన పాఠశాలల్లో 3, 4, 5వ తరగతులు చదువుతున్న విద్యార్థులు అసర్‌ పరీక్ష రాయనున్నారు. పాఠశాలల్లో విద్యార్థుల సంఖ్య ఆధారంగా కేవలం 30 మందిని మాత్రమే ఎంపిక చేశారు. ర్యాండమ్‌గా పిల్లలను ఎంపిక చేస్తామ ని అధికారులు తెలిపారు. అంటే.. ఒక పాఠశాలలో పది మంది ఉంటే ముగ్గురు మాత్రమే పరీక్షలు రాయనున్నారు. తెలుగు, గణితం సబ్జెక్టులో పరీక్ష కొనసాగనుంది. అన్ని తరగతులకు ఒకే రకమైన ప్ర శ్నపత్రం ఉంటుంది. తెలుగులో పదాలు, రెండు అక్షరాల పదాలు, సరళ పదాలు, వాక్యాలు గుర్తించాలి. గణితంలో అంకెలు, సంఖ్యలు, తీసివేత, భా గాహారం చేయాల్సి ఉంటుంది. ఒక్కో విభాగంలో విద్యార్థి రాణిస్తున్నాడు.. అనే విషయాన్ని పరిగణనలోకి తీసుకుంటారు. 20 నిమిషాల సమయం కేటాయిస్తారు. అనుమానాలు నివృత్తి చేసేందుకు సీఆర్‌పీ, ఎంఐఎస్‌, సీసీవోలు ఉంటారు. ఎంఈవోలు నోడల్‌ అధికారులుగా వ్యవహరిస్తారు.ఏర్పాట్లు చేశాం అసర్‌ పరీక్షల నిర్వహణకు ఏర్పాట్లు చేశాం. ఇప్పటికే ఆయా పాఠశాల హెచ్‌ఎంలతో పాటు ఎంఈవోలు, ఎంఆర్‌సీ, సీఆర్‌సీ సిబ్బందికి అవగాహన కల్పించాం. కనీస సామార్థ్యాలు తెలుసుకునేందుకు ఈ సర్వే ఉపయోగపడుతుంది. దేశంలో కుమురంభీం ఆసిఫాబాద్‌ జిల్లా ఏ స్థానంలో ఉందో ఈ పరీక్ష ద్వారా తెలుస్తుంది. ఎంపిక చేసిన పాఠశాలల్లో తప్పకుండా ఈ పరీక్షలు నిర్వహించాలి. – ఉప్పులేటి శ్రీనివాస్‌, క్వాలిటీ కోఆర్డినేటర్‌, విద్యాశాఖ

● కొత్త పంచాయతీల్లో ఫీల్డ్‌ అసిస్టెంట్ల నియామకాలేవి..? ● ఎనిమిదేళ్లుగా పాతవారికే బాధ్యతలు ● జనవరి నుంచి అందని వేతనాలు ● జిల్లాలో జోరుగా సాగుతున్న ఉపాధిహామీ పనులుకెరమెరి(ఆసిఫాబాద్‌): కాంగ్రెస్‌ సర్కారు ఏడాదిలో కనీసం 20 రోజులు ఉపాధిహామీ పనిదినాలు చేసిన భూమి లేని పేద కుటుంబాలకు ఇందిరమ్మ ఆత్మీయ భరోసా కింద ఆర్థికసాయం అందిస్తామని ప్రకటించింది. ఈ నేపథ్యంలో 2025– 26 ఆర్థిక సంవత్సరంలో ఉపాధి పనులకు వెళ్లేందుకు కూలీలు ఆసక్తి చూపుతున్నారు. మరోవైపు క్షేత్రస్థాయిలో కీలకంగా వ్యవహరించే ఫీల్డ్‌ అసిస్టెంట్లపై తీవ్ర పనిభారం పడుతోంది. కూలీలకు పనులు చూపడం, మస్టర్ల కేటాయింపు, జాబ్‌కార్డుల జారీలో ఎఫ్‌ఏలు కీలకంగా పనిచేస్తున్నారు. కానీ కొత్త పంచాయతీల్లో సరిపడా సిబ్బంది లేకపోవడంతో పాత వారే అన్ని బాధ్యతలు చూసుకోవాల్సి వస్తోంది. ఒక్కొక్కరు రెండు, పంచాయతీల విధులు నిర్వర్తిస్తుండటంతో పర్యవేక్షణ తగ్గుతోంది. అదనపు భారం మోస్తున్నా ప్రభుత్వం నుంచి ప్రోత్సహకాలు అందడం లేదని, జనవరి నుంచి వేతనాలు కూడా చెల్లించడం లేదని ఎఫ్‌ఏలు వాపోతున్నారు. 335 జీపీలకు 171 మంది..రాష్ట్ర ప్రభుత్వం 2019లో మేజర్‌ పంచాయతీలను విడదీసి, 500లకు పైగా జనాభా కలిగిన తండాలు, గూడేలను ప్రత్యేక పంచాయతీలుగా ఏర్పాటు చేసింది. పంచాయతీలను యూనిట్‌గా తీసుకుని కూలీలకు ఉపాధిహామీ పనులు కల్పిస్తున్నారు. ప్రస్తుతం జిల్లాలోని 15 మండలాల పరిధిలో 335 గ్రామ పంచాయతీలు ఉన్నాయి. పంచాయతీకి ఒక్కరు చొప్పున విధులు నిర్వర్తించాల్సి ఉండగా.. ప్రస్తుతం జిల్లాలో కేవలం 171 మంది మాత్రమే పనిచేస్తున్నారు. అనేక మండలాల్లో రెండు, మూడు పంచాయతీల బాధ్యతలు ఒక్కరే చూస్తున్నారు. గత ప్రభుత్వం ఎఫ్‌ఏలు సమ్మె చేసిన సమయంలో తొలగించి మళ్లీ విధుల్లోకి తీసుకుంది. ఎనిమిదేళ్లు దాటినా కొత్త నియామకాలు చేపట్టలేదు. దీంతో క్షేత్రస్థాయిలో ఇబ్బందులు తప్పడం లేదు. తగ్గిన పర్యవేక్షణ.. పెరిగిన పనిభారంజిల్లాలో మొత్తం ఉపాధిహామీ జాబ్‌కార్డులు 1.23 లక్షలు ఉండగా, యాక్టీవ్‌ కార్డులు 9,1000 ఉన్నా యి. అలాగే కూలీలు 2.43 లక్షలు మంది ఉండగా, ప్రస్తుతం 1.70 లక్షల మంది పనులకు వెళ్తున్నారు. 2025– 26 ఆర్థిక సంవత్సరంలో 44,33,227 పనిదినాలు లక్ష్యంగా పెట్టుకున్నారు. పనులకు వెళ్లే వారి సంఖ్య పెరుగుతున్నా కొత్త గ్రామ పంచాయతీల్లో సరిపడా సిబ్బంది లేకపోవడంతో పర్యవేక్షణ తగ్గుతోంది. సకాలంలో పనులు పూర్తిచేయకపోవడం, పనిచేసిన వారికి డబ్బులు జమ కాకపోవడం వంటి సమస్యలు ఉత్పన్నమవుతున్నాయి. సర్పంచుల పదవీకాలం ముగి యడంతో ప్రస్తుతం ప్రత్యేకాధికారులు పంచాయ తీ నిర్వహణ చూస్తున్నారు. ఉపాధిహామీ పనులు నిర్వర్తించే ఎఫ్‌ఏలు.. ఓవైపు స్పెషల్‌ ఆఫీసర్లు, ఈజీఎస్‌ ఉన్నతాధికారుల మధ్య నలిగిపోతున్నా రు. గ్రేడ్‌ 1 ఫీల్డ్‌ అసిస్టెంట్లకు నెలకు రూ.12,200, గ్రేడ్‌ 2 వారికి రూ.10,120, గ్రేడ్‌ 3 వారికి రూ.9,100 చొప్పున ప్రభుత్వం చెల్లిస్తోంది. కానీ జనవరి, ఫిబ్రవరి, మార్చి నెలలకు సంబంధించిన వేతనాలు ఇంకా అందకపోవడంతో ఆర్థికంగా ఇబ్బందులకు గురవుతున్నారు. ఇబ్బందికరంగా మారింది ఒక్కొక్కరికి రెండు, మూడు గ్రామ పంచాయతీలు కేటాయించడంతో విధులకు న్యాయం చేయలేకపోతున్నాం. ఒకే సమయంలో రెండు, మూడుచోట్ల పనులు చేయించడం ఇబ్బందికరంగా మారింది. ప్రతీ గ్రామ పంచాయతీకి ఒక ఫీల్డ్‌ అసిస్టెంట్‌ను నియమించాలి. తమపై పనిభారం తగ్గించాలి. – బోయారే రమేశ్‌, ఎఫ్‌ఏల సంఘం జిల్లా అధ్యక్షుడు ఉన్నవారితోనే పనులు చేయిస్తున్నాం కొత్త పంచాయతీల్లో నూతనంగా ఫీల్డ్‌ అసిస్టెంట్లను నియమించాలనే ప్రతిపాదనలు ప్రభుత్వం నుంచి రాలేదు. దీంతో ప్రస్తుతం ఉన్నవారితోనే పనులు చేయిస్తున్నాం. క్షేత్రస్థాయిలో ఇబ్బందులు లేకుండా అదనపు బాధ్యతలు అప్పగించాం. – దత్తారావు, డీఆర్‌డీవో

వాంకిడి(ఆసిఫాబాద్‌): మండల కేంద్రంలోని జేత్వాన్‌ బుద్ధ విహార్‌లో శనివారం సామ్రాట్‌ అశోక చక్రవర్తి జయంతి ఘనంగా నిర్వహించారు. ఆయన చిత్రపటానికి పూలమాలలు వేసి నివాళులర్పించారు. అనంతరం పలువు రు వక్తలు మాట్లాడుతూ కలింగ యుద్ధానంతరం సామ్రాట్‌ అశోక చక్రవర్తి ప్రపంచానికి శాంతి మార్గం చూపించారని తెలిపారు. ప్రజల కోసం సేవా కార్యక్రమాలు నిర్వహించారని, 84 వేల బౌద్ధ విహారాల్లో శిలా శాసనాలు చెక్కించారని గుర్తు చేశారు. కార్యక్రమంలో బీఎస్‌ఐ జిల్లా అధ్యక్షుడు అశోక మహోల్కర్‌, అంబేడ్కర్‌ యువజన సంఘం ప్రధాన కార్యదర్శి సునీల్‌కుమార్‌, నాయకులు జైరాం, ప్రతాప్‌, రోషన్‌, విజయ్‌, మనో జ్‌, ప్రశాంత్‌, విఠల్‌, రమేశ్‌ పాల్గొన్నారు.

● ముస్తాబైన ఆలయాలు ● భక్తులకు ఇబ్బందులు లేకుండా ఏర్పాట్లుగ్రామాలన్నీ శ్రీరామ నామస్మరణతో మారుమోగుతున్నాయి. ప్రతీ ఆలయంలో ఆ కోదండ రాముడి పేరే వినిపిస్తోంది. శ్రీరామ నవమి సందర్భంగా ఆదివారం నిర్వహించే శ్రీసీతారాముల కల్యాణ మహోత్సవానికి పుష్పాలంకరణ, రంగవల్లులు, విద్యుద్దీపాలతో ఆలయాలు ముస్తాబయ్యాయి. ‘సీతారాముల కల్యాణం చూతము రారండి’ అంటూ ఆహ్వాన పత్రికలు ఇప్పటికే పంపిణీ చేశారు. అంగరంగ వైభవంగా జరిగే పెళ్లివేడుకను తిలకించేందుకు వచ్చే భక్తులకు ఎలాంటి ఇబ్బందులు కలగకుండా ఏర్పాట్లు చేశారు. నీడ కోసం షామియానాలు, పచ్చని పందిర్లు వేశారు. తాగునీటిని అందించడంతోపాటు అన్నదానం నిర్వహించనున్నారు. – కౌటాల/దహెగాం/రెబ్బెన/ఆసిఫాబాద్‌/కెరమెరి● శ్రీరామ నవమిని పురస్కరించుకుని ఆదివారం నిర్వహించే శ్రీ సీతారాముల కల్యాణ మహోత్సవానికి రెబ్బెన మండల కేంద్రంలోని సీతారా మాంజనేయస్వామి ఆలయం, గోలేటి టౌన్‌షిప్‌ లోని శ్రీకోదండ రామాలయాలు ముస్తాబయ్యా యి. రంగు రంగుల విద్యుద్దీపాలతో అందంగా అలంకరించడంతో దేదీప్యమానంగా వెలిగిపోతున్నాయి. నంబాల, తక్కళ్లపల్లి గ్రామాల్లోనూ వేడుకలు ఘనంగా నిర్వహించేందుకు ఏర్పాట్లు చేశారు. గోలేటిలోని కోదండ రామాలయంలో వేడుకలకు బెల్లంపల్లి ఏరియా జనరల్‌ మేనేజర్‌ విజయ భాస్కర్‌రెడ్డి హాజరుకానున్నారు. గోలేటి గ్రామ పంచాయతీ ఆధ్వర్యంలో పట్టు వస్త్రాలు, తలంబ్రాలు తీసుకురానున్నారు. పంచాయతీ కార్యాలయం వద్ద ఎదుర్కోలు కార్యక్రమాన్ని చేపట్టిన అనంతరం పట్టువస్త్రాలు సమర్పించేందుకు ఏర్పాట్లు చేశారు. వేలాదిగా తరలివచ్చే భక్తుల కోసం సౌకర్యాలు కల్పించారు. మండల కేంద్రంలోని ప్రధాన రహదారి వెంట ఏర్పాటు చేసిన మైకులతో ప్రత్యేక ఆధ్యాత్మిక శోభ సంతరించుకుంది. ● దహెగాం మండల కేంద్రంతోపాటు లగ్గాం, చినరాస్పెల్లి, కుంచవెల్లి, గిరవెల్లి గ్రామాల్లోని ఆలయాలు శ్రీరామ నవమికి ముస్తాబయ్యాయి. మండల కేంద్రంలోని శివాలయంలో సీతారా ముల కల్యాణం అంగరంగ వైభవంగా నిర్వహించనున్నారు. ఆలయం ఎదుట తాటి ఆకులతో పందిరి, ఆవరణలో టెంట్లు వేశారు. భక్తులు అధిక సంఖ్యలో తరలిరావాలని ఆలయ అర్చకుడు పరమేశ్వర్‌ తెలిపారు. ● జిల్లా కేంద్రంలోని జన్కాపూర్‌ కోదండ రామాల యం శ్రీరామ నవమి వేడుకలకు ముస్తాబైంది. మూడు రోజులుగా ఆలయ ప్రాంగణంలో భూ మి చదును చేసి, షామియానాలు, చలువ పంది ళ్లు వేశారు. ఆలయాన్ని విద్యుద్దీపాలతో అలంకరించారు. జన్కాపూర్‌ నుంచి ఆసిఫాబాద్‌ వరకు రాష్ట్రీయ రహదారి పొడవునా సీతారాముల క ల్యాణ గీతాలు ఆలపించేందుకు మైక్‌లు ఏర్పా టు చేశారు. శనివారం పాల పొరక కార్యక్రమం చేపట్టా రు. ఆదివారం ఉదయం జిల్లా కేంద్రంలోని రాజపేట తుజాల్‌పూర్‌ మురళీఽగౌడ్‌ నివా సం నుంచి రామాలయం వరకు సీతారాముల ఉత్సవ విగ్రహాలతో శోభాయాత్ర నిర్వహించనున్నారు. ఎమ్మెల్యే కోవ లక్ష్మి పట్టు వస్త్రాలు సమర్పించనున్నారు. ఉదయం 4 గంటలకు సుప్రభా త సేవ, 4.30 గంటలకు సీతారాములకు అభిషే కం, 9 గంటలకు ఆసిఫాబాద్‌ నుంచి ఆలయం వరకు సీతారాముల ఉత్సవ విగ్రహాలతో హనుమాన్‌ దీక్షాస్వాముల శోభాయాత్ర, 11.59 గంటలకు పునర్వసు నక్షత్రయుక్త అభిజిత్‌ లగ్న సుముహూర్తన సీతారాముల కల్యాణం నిర్వహించున్నారు. అనంతరం అన్నదానం చేపడుతున్నట్లు ఆలయ కమిటీ సభ్యులు తెలిపారు. ● కౌటాల మండల కేంద్రంలోని శ్రీకోదండ రామాలయం శ్రీరామనవమి వేడుకలకు ముస్తాబైంది. 36 ఏళ్లుగా కౌటాల రామాలయంలో కల్యాణ మహోత్సవం నిర్వహిస్తున్నారు. ఆదివారం ఉద యం 11.52 గంటలకు శ్రీరామచంద్రస్వామి – సీతామహాదేవి వేద పండితుల సమక్షంలో కల్యా ణం జరిపించనున్నారు. మండల కేంద్రంతోపా టు ఆయా గ్రామాల నుంచి వందలాదిగా భక్తులు తరలిరానున్నారు. మూడు రోజులుగా ఆల య కమిటీ సభ్యులు ప్రచారం చేస్తున్నారు. భక్తులకు అన్నదాన కార్యక్రమం నిర్వహిస్తున్నామని, అధిక సంఖ్యలో తరలిరావాలని ఆలయ కమిటీ అధ్యక్షుడు భట్టమేకల గట్టయ్య తెలిపారు. ● కెరమెరి మండల కేంద్రంలోని శివాలయం సీతారాములు కల్యాణానికి ముస్తాబైంది. ఇప్పటికే ఆలయం ఎదుట టెంట్లు వేశారు. పల్లెర్ల మ ధుకర్‌, గ్రామ పటేల్‌ వాడై సోనేరావు ఆధ్వర్యంలో పట్టు వస్త్రాలు సమర్పించనున్నారు. ఇప్పటి కే సీతమ్మ ఆభరణాలు కొనుగోలు చేశారు. మధ్యాహ్నం 12 గంటలకు కల్యాణం జరపనున్నారు. గ్రామంలో పెళ్లిపత్రికలు పంచిపెట్టారు. మధ్యాహ్నం సీతారాముల ప్రతిమలతో శోభాయాత్ర నిర్వహించనున్నారు. కౌటాల: విద్యుత్‌ వెలుగుల్లో శ్రీకోదండ రామాలయం

ఆసిఫాబాద్‌రూరల్‌: పేదల కడుపు నింపేందుకు ప్రభుత్వం అందిస్తున్న సన్నబియ్యంతో ప్రజల జీవితంలో సంతోషం వెల్లివిరుస్తుందని కలెక్టర్‌ వెంకటేశ్‌ దోత్రే అన్నారు. ఆసిఫాబాద్‌ మండలం ఆర్‌ఆర్‌ కాలనీకి చెందిన తాక్సండే శంకర్‌ ఇంట్లో శనివారం అదనపు కలెక్టర్లు దీపక్‌ తివారి, డేవిడ్‌, ఆర్డీవో లోకేశ్వర్‌రావుతో కలిసి సన్నబియ్యంతో వండిన భోజనం చేశారు. కలెక్టర్‌ మాట్లాడుతూ జిల్లావ్యాప్తంగా 314 రేషన్‌ దుకాణాల ద్వారా మూడు వేల మెట్రిక్‌ టన్నుల సన్నబియ్యం ఉచితంగా పంపిణీ చేసేందుకు చర్యలు చేపట్టామని తెలిపారు. అర్హులందరికీ సన్నబియ్యం అందజేస్తామని స్పష్టం చేశారు.

● కలెక్టర్‌ వెంకటేశ్‌ దోత్రే ఆసిఫాబాద్‌అర్బన్‌: స్వాతంత్య్ర సమరయోధులు, సంఘ సంస్కర్త, మాజీ ఉప ప్రధాని బాబు జగ్జీవన్‌రామ్‌ జీవితం ఆదర్శప్రాయమని కలెక్టర్‌ వెంకటేశ్‌ దోత్రే అన్నారు. జిల్లా కేంద్రంలోని కలెక్టరేట్‌ ఆవరణలో శనివారం షెడ్యూల్‌ కులాల అభివృద్ధి శాఖ ఆధ్వర్యంలో జగ్జీవన్‌రామ్‌ జయంతి ఘనంగా నిర్వహించారు. అదనపు కలెక్టర్లు దీపక్‌ తివారి, డేవిడ్‌, ఎస్సీ కార్పొరేషన్‌ ఈడీ సజీవన్‌, ఆర్డీవో లోకేశ్వర్‌రావు, వివిధ సంఘాల నాయకులతో కలిసి పూలమాలలు వేసి నివాలర్పించారు. కలెక్టర్‌ మాట్లాడు తూ జగ్జీవన్‌రామ్‌ అణగారిన వర్గాల కోసం పోరాడి న మహోన్నత వ్యక్తి అని కొనియాడారు. రాజ్యాంగ సభ సభ్యుడి, వివిధ శాఖల మంత్రిగా, ఉప ప్రధానిగా సేవలందించారని గుర్తు చేశారు. కార్యక్రమంలో జిల్లా సంక్షేమ అధికారి భాస్కర్‌, విద్యుత్‌ శాఖ అధికారి శేషారావు, ఎమ్మార్పీఎస్‌ నాయకులు రేగుంట కేశవ్‌రావు, సింగిల్‌ విండో చైర్మన్‌ అలీబిన్‌ అహ్మద్‌, డీసీసీ అధ్యక్షుడు విశ్వప్రసాద్‌రావు, మాజీ ఎంపీపీ అరిగెల మల్లికార్జున్‌, కుల సంఘాల నాయకులు మాటూరి జయరాజ్‌, రూప్‌నార్‌ రమేశ్‌, గంగుబాయి. బ్రహ్మయ్య తదితరులు పాల్గొన్నారు.

‘మూడు రోజులు కరెంట్‌ లేదు సార్‌.. ప్రాబ్లం ఉంది.. బోరు పనిచేస్తలేదు. మొఖం కూడా కడుక్కోలేదు. తాగేందుకు కూడా నీళ్లు లేవని చెబుతున్నా పట్టించుకుంటలేరు..’ అంటూ జైనూర్‌ మండలం పాట్నాపూర్‌ బాలికల ఆశ్రమ పాఠశాలల విద్యార్థినులు కన్నీటి పర్యంతమవుతున్నారు. ఆశ్రమ పాఠశాలలో విద్యుత్‌ సరఫరా నిలిచిపోవడంతో బోర్‌ పనిచేయడం లేదు. కొందరు బాలికలు గ్రామంలోకి వెళ్లి గిన్నెల్లో నీటిని తెస్తున్నారు. వంద మందికి పైగా విద్యార్థినులు ఉండగా, నీటిని బాటిళ్లలో నింపుకుని జాగ్రత్తగా వాడుకుంటున్నారు. – కెరమెరి

● సింగరేణి ఆధ్వర్యంలో ఏటా వేణుగోపాల్‌ మెమోరియల్‌ పోటీలు ● పలు జిల్లాల నుంచి తరలివచ్చిన క్రీడాకారులురెబ్బెన(ఆసిఫాబాద్‌): గని ప్రమాదం నుంచి తోటి ఉద్యోగులను రక్షించే ప్రయత్నంలో అసువులు బాసిన ఉద్యోగి యాదిలో బెల్లంపల్లి ఏరియా సింగరేణి యాజమాన్యం ఏటా రాష్ట్రస్థాయి ఇన్విటేషన్‌ క్రీడాపోటీలు నిర్వహిస్తోంది. రాష్ట్రం నలుమూలల క్రీడాకారులకు ఆహ్వానం పంపుతోంది. ఈ ఏడాది కూడా సింగరేణి యాజమాన్యం గోలేటి టౌన్‌షిప్‌లోని శ్రీ భీమన్న స్టేడియంలో 36వ వేణుగోపాల్‌ మెమోరియల్‌ వాలీబాల్‌ పోటీలు నిర్వహిస్తోంది. రాష్ట్రంలోని పలు జిల్లాల నుంచి క్రీడాకారులు హాజరయ్యారు. మూడు రోజులుగా భీమన్న స్టేడియంలో క్రీడాకారుల కేరింతల మధ్య కొనసాగుతున్న పోటీలు శనివారం ముగిశాయి. ఎనిమిది జట్ల మధ్య పోటీలుశ్రీభీమన్న స్టేడియంలో నిర్వహిస్తున్న వేణుగోపాల్‌ మెమోరియల్‌ ఇన్విటేషన్‌ వాలీబాల్‌ పోటీలకు రా ష్ట్రంలోని పలు ప్రాంతాల నుంచి ఎనిమిది జట్లు పా ల్గొంటున్నాయి. హైదరాబాద్‌, బెల్లంపల్లి, మంచిర్యాల, నస్పూర్‌, దేవాపూర్‌, కాగజ్‌నగర్‌, కోటపల్లి, గోలేటి ప్రాంతాల నుంచి జట్లు పోటీలకు హాజరయ్యాయి. టోర్నమెంట్‌లో ఫైనల్‌ మ్యాచ్‌తో కలిపి 15 మ్యాచ్‌లు ఆడాల్సి ఉండగా.. సెమీ ఫైనల్‌ వరకు పోటీలను లీగ్‌ పద్ధతిలో, సెమీ ఫైనల్‌ తర్వాత నాకౌట్‌ పద్ధతిలో నిర్వహించారు. పూల్‌ ఏ నుంచి హైదరాబాద్‌, కాగజ్‌నగర్‌ జట్లు, పూల్‌ బీ నుంచి బెల్లంపల్లి, దేవాపూర్‌ జట్లు సెమీఫైనల్‌కు చేరుకున్నాయి. ఫైనల్‌లో బెల్లంపల్లి జట్టుపై హైదరాబాద్‌ జట్టు విజయం సాధించింది. ఎవరీ వేణుగోపాల్‌..?బెల్లంపల్లి ఏరియాలో ఒకప్పుడూ అన్ని భూగర్భ గనులే ఉండేవి. గతంలో సాంకేతిక పరిజ్ఞానం లేకపోవడంతో తరుచూ గని ప్రమాదాలు చోటు చేసుకునేవి. 40 సంవత్సరాల క్రితం మార్గన్‌ఫిట్‌ గనిలో ఆక్సిజన్‌ అందకపోవడంతో ఉద్యోగులు ప్రమాదం బారినపడగా.. అదే గనిలో ఓవర్‌మెన్‌గా విధులు నిర్వహిస్తున్న వేణుగోపాల్‌ ప్రాణాలకు తెగించి తోటి ఉద్యోగులను రక్షించే ప్రయత్నం చేశాడు. కొంతమంది ఉద్యోగులను కాపాడినప్పటికీ చివరికి తనకే ఆక్సిజన్‌ అందకపోవడంతో ప్రాణాలు కోల్పోయాడు. మృతి చెందిన కార్మికులకు సింగరేణి సంస్థ టెర్మినల్‌ బెనిఫిట్స్‌ అందిస్తుంది. కానీ వేణుగోపాల్‌ కుటుంబ సభ్యులు ఆ బెనిఫిట్స్‌ తీసుకోకుండానే వారి స్వగ్రామానికి వెళ్లిపోయారు. అతడికి చెల్లించాల్సిన డబ్బులు సంస్థ వద్దే ఉండిపోయాయి. వేణుగోపాల్‌ స్వతహాగా మంచి క్రీడాకారుడు. ఫుట్‌బాల్‌, హాకీ, క్రికెట్‌లో ప్రతిభ చూపేవాడు. దీంతో తోటి ఉద్యోగ క్రీడాకారులు సంస్థ అధికారులను కలిసి వేణుగోపాల్‌కు గుర్తుగా పోటీలు నిర్వహించాలని విజ్ఞప్తి చేశారు. ఆ విధంగా వేణుగోపాల్‌ మెమోరియల్‌ క్రీడాపోటీలు ప్రారంభమయ్యాయి. నాడు ప్రారంభమైన ఈ క్రీడాపోటీలు ఇప్పటికీ కొనసాగుతున్నాయి. పోటీల్లో పాల్గొనేందుకు వచ్చిన పలువురు క్రీడాకారులను ‘సాక్షి’ పలకరించగా తమ అభిప్రాయాలు పంచుకున్నారు.

ఆసిఫాబాద్‌అర్బన్‌: మాజీ ఉప ప్రధాని బాబు జగ్జీ వన్‌రామ్‌ స్ఫూర్తితో ముందుకు సాగుదామని అదనపు ఎస్పీ ప్రభాకర్‌రావు అన్నారు. జిల్లా కేంద్రంలో పోలీసు కార్యాలయంలో శనివారం బాబు జగ్జీవన్‌రామ్‌ జయంతి నిర్వహించారు. ఆయన చిత్రపటానికి పూలమాలలు వేసి నివాళులర్పించారు. అదనపు ఎస్పీ మాట్లాడుతూ వెనుకబడిన వర్గం నుంచి వచ్చిన బాబు జగ్జీవన్‌రామ్‌ సమర్థవంతంగా మంత్రి పదవులు నిర్వర్తించారని తెలిపారు. ఆత్మవిశ్వాసంతో అడుగులు వేస్తూ నిస్వార్థ నాయకుడిగా గాంధీతో కలిసి స్వాతంత్య్ర ఉద్యమంలో పాల్గొనారని పేర్కొన్నారు. వ్యవసాయశాఖ మంత్రిగా భారత ఆహార గిడ్డంగులు ఏర్పాటు చేశారన్నారు. మహనీయులు దేశానికి అందించిన సేవలను ప్రతిఒక్కరూ స్ఫూర్తిగా తీసుకోవాలని సూచించారు. కార్యక్రమంలో ఆర్‌ఐ అడ్మిన్‌ పెద్దన్న, ఆర్‌ఎస్సైలు రాజేశ్‌, లవన్‌, సందీప్‌, కిరణ్‌, ఏఆర్‌ సిబ్బంది, స్పెషల్‌ పార్టీ సిబ్బంది పాల్గొన్నారు.

● కలెక్టర్‌ వెంకటేశ్‌ దోత్రేఆసిఫాబాద్‌రూరల్‌: దొడ్డి కొమురయ్య పోరాటం భావితరాలకు స్ఫూర్తిదాయకమని కలెక్టర్‌ వెంకటేశ్‌ దోత్రే అన్నారు. జిల్లా కేంద్రంలోని కలెక్టరేట్‌లో గురువారం దొడ్డి కొమురయ్య జయంతి ఘనంగా నిర్వహించారు. కొమురయ్య చిత్రపటానికి పూలమాలలు వేసి నివాళులర్పించారు. అనంతరం కలెక్టర్‌ మాట్లాడుతూ భూమి, భుక్తి, విముక్తి కోసం తెలంగాణ సాయుధ పోరాటం ఉద్యమంగా మారడానికి దొడ్డి కొమురయ్య అమరత్వమే ప్రధాన కారణామన్నారు. నిజాం కాలంలో దుర్భర పరిస్థితుల్లో ఉన్న తెలంగాణ ప్రజలను చైతన్యవంతం చేసి ఉద్యమాన్ని నడిపించారని గుర్తు చేశారు. కార్యక్రమంలో అదనపు కలెక్టర్‌ డేవిడ్‌, జిల్లా వెనుకబడిన సంక్షేమ అభివృద్ధి శాఖ అధికారి సజీవన్‌, మాజీ ఎంపీపీ మల్లికార్జున్‌, నాయకులు రమేశ్‌, శంకర్‌, మారుతి, వెంకన్న తదితరులు పాల్గొన్నారు. అర్హులకు రేషన్‌కార్డులు జారీ చేస్తాంవాంకిడి(ఆసిఫాబాద్‌): ప్రజాపాలన కార్యక్రమంలో స్వీకరించిన దరఖాస్తుల ఆధారంగా అర్హులకు రేషన్‌ కార్డులు జారీ చేస్తామని కలెక్టర్‌ వెంకటేశ్‌ దోత్రే అన్నారు. వాంకిడి మండలం ఘాట్‌ జనగాం గ్రామంలో గురువారం అదనపు కలెక్టర్‌(రెవెన్యూ) డేవిడ్‌తో కలిసి సన్నబియ్యం పంపిణీ చేశారు. కలెక్టర్‌ మాట్లాడుతూ అర్హులందరికీ సన్నబియ్యం పంపిణీ చేసేలా చర్యలు తీసుకుంటామని తెలిపారు. ప్రభుత్వం చేపట్టిన ఈ కార్యక్రమంలో పేదలకు మేలు జరుగుతుందన్నారు. కుటుంబ పోషణ భారం తగ్గుతుందని అన్నారు. ఈ కార్యక్రమంలో జిల్లా సివిల్‌ సప్లై అధికారి వినోద్‌కుమార్‌, మండల ప్రత్యేకాధికారి రాథోడ్‌ బిక్కు, తహసీల్దార్‌ రియాజ్‌ అలీ, ఎంపీడీవో ప్రవీణ్‌కుమార్‌ తదితరులు పాల్గొన్నారు.

● జీఎం విజయ భాస్కర్‌రెడ్డిరెబ్బెన(ఆసిఫాబాద్‌): క్రీడాపోటీలతో వివిధ ప్రాంతాలకు చెందిన క్రీడాకారుల మధ్య స్నేహభావం పెరుగుతుందని బెల్లంపల్లి ఏరియా జనరల్‌ మేనేజర్‌ విజయ భాస్కర్‌రెడ్డి అన్నారు. గోలేటి టౌన్‌షిప్‌లోని శ్రీ భీమన్న స్టేడియంలో 36వ వేణుగోపా ల్‌ మెమోరియల్‌ ఇన్విటేషన్‌ రాష్ట్రస్థాయి వాలీబాల్‌ పోటీలు ప్రారంభించారు. ముఖ్య అతిథిగా హాజ రైన జీఎం స్టేడియంలో క్రీడాపతాకం ఆవిష్కరించారు. అనంతరం క్రీడాకారులను పరిచయం చేసుకుని పోటీలు ప్రారంభించారు. ఈ సందర్భంగా ఏర్పాటు చేసిన కార్యక్రమంలో మాట్లాడారు. ప్రతీ సంవత్సరం క్రమం తప్పకుండా వేణుగోపాల్‌ మెమోరియల్‌ క్రీడాపోటీలను సంస్థ నిర్వహిస్తోందన్నారు. క్రీడలకు పెద్దపీట వేస్తూ ఏటా డబ్ల్యూపీఎస్‌ అండ్‌ జీఏ ఆధ్వర్యంలో వార్షిక క్రీడలు నిర్వహిస్తూ క్రీడాకారులను ప్రోత్సహిస్తోందని తెలిపారు. మారుమూల ప్రాంతమైన బెల్లంపల్లి ఏరియాలో నిర్వహిస్తున్న ఈ క్రీడాపోటీలకు రాష్ట్రంలోని నలుమూల నుంచి క్రీడాకారులు హాజరు కావడం సంతోషకరమన్నారు. మూడు రోజుల పాటు కొనసాగే ఈ పోటీల్లో క్రీడాకారులకు అన్ని వసతులు కల్పిస్తున్నామని తెలిపారు. కార్యక్రమాల్లో ఏఐటీయూసీ గోలేటి బ్రాంచి కార్యదర్శి ఎస్‌.తిరుపతి, డీజీఎం ఐఈడీ ఉజ్వల్‌ కుమార్‌ బెహారా, సీఎంవోఏఐ కార్యదర్శి వీరన్న, డీజీఎం సివిల్‌ మదీనా బాషా, సీనియర్‌ పర్సనల్‌ అధికారులు శ్రీనివాస్‌, ప్రశాంత్‌ తదితరులు పాల్గొన్నారు.

● పల్లె ప్రకృతి వనాలను పట్టించుకోని అధికారులు ● నిర్వహణ లేకపోవడంతో ఎండిపోయిన మొక్కలు ● చెత్తాచెదారంతో అధ్వానంగా మారిన వైనం ● ఆహ్లాదానికి దూరమవుతున్న ప్రజలుపల్లెల్లో ఆహ్లాదకరమైన వాతావరణం కల్పించేందుకు గత ప్రభుత్వం పల్లె ప్రకృతి వనాలు ఏర్పాటు చేసింది. కానీ క్షేత్రస్థాయిలో సరైన నిర్వహణ లేక పల్లె వనాల పరిస్థితి అధ్వానంగా మారింది. రూ.లక్షల ప్రజా ధనాన్ని వెచ్చించి నాటిన మొక్కలు ఎండిపోయాయి. కొత్తగా మళ్లీ నాటకపోవడంతో క్రమంగా పచ్చదనం కనుమరుగవుతోంది. జిల్లాలో 335 గ్రామ పంచాయతీలు ఉండగా 1,100 పల్లె ప్రకృతి వనాలు ఏర్పాటు చేశారు. అలాగే మండల కేంద్రాల్లో బృహత్‌ ప్రకృతి వనాలు సైతం ఏర్పాటు చేశారు. ఒకవైపు పచ్చదనం.. మరోవైపు ఆహ్లాదకరమైన వాతావరణాన్ని కల్పించేలా వీటిని సిద్ధం చేశారు. నిర్వహణ సక్రమంగా లేక విపరీతంగా గడ్డి పెరిగి అగ్ని ప్రమాదాలు జరుగుతున్నాయి. మొక్కలు కాలిపోయిన సందర్భాలు ఉన్నాయి. ఓ వైపు వేసవి వచ్చినా నీటిని అందించేందుకు చర్యలు చేపట్టకపోవడం విమర్శలకు తావిస్తోంది. జిల్లాలోని పల్లె ప్రకృతి వనాల స్థితిగతులపై ‘సాక్షి’ విజిట్‌..నీరు లేక నిర్జీవంకెరమెరి(ఆసిఫాబాద్‌): మండల కేంద్రంలోని పల్లెప్రకృతి వనంలో మొక్కలు నీరు లేక ఎండిపోయాయి. సర్పంచుల పదవీ కాలం ముగిసిన తర్వాత మొక్కల ఆలనాపాలనా చూసేవారు కరువయ్యారు. జామ, సీతాఫ లం మొక్కలు పూర్తిగా ఎండిపోయాయి. సీతాఫలం, దాని మ్మ, నిమ్మ, జామ, అరటి తదితర మొక్కలు సుమారు వెయ్యి వరకు నాటితే ప్రస్తుతం నిమ్మ చెట్లు మాత్రమే మిగిలి ఉన్నాయి. కౌటాల: శీర్షా పల్లె ప్రకృతి వనంలో ఎండిన మొక్కలుఐనంలో ‘కోనోకార్పస్‌’దహెగాం: కోనోకార్పస్‌ చెట్లతో ఎలాంటి ఉపయోగం లేదని, వాటి పూల పుప్పొడితో శ్వా సకోశ ఇబ్బందులు తలెత్తుతాయని చాలాచోట్ల ఆ మొక్కలను నాటడం పూర్తిగా నిలిపివేశారు. గతంలో నాటిన మొక్కలను తొలగించేందుకు చర్యలు తీసుకుంటున్నారు. అయితే దహెగాం మండలం ఐనం గ్రామానికి చెందిన పల్లె ప్రకృతి వనంలో కోనోకార్పస్‌ చెట్లు పెంచుతున్నారు. చిన్న ఐనం, పెద్ద ఐనం రెండు గ్రామాలకు చెందిన పల్లె ప్రకృతి వనాలు ఒకేచోట ఏర్పాటు చేశారు. ఇక్కడ సుమారు ఆరువేల మొక్కలు నాటినట్లు అధికారులు తెలిపారు. ఇందులో మొక్కలు నాటి రెండేళ్లవుతుంది. చెట్లు ఏపుగా పెరిగాయి. నీళ్లు పోయకపోవడంతో కొన్నిమొక్కలు ఎండిపోతున్నాయి. కేవలం కోనోకార్పస్‌ చెట్లు మాత్రమే పచ్చగా ఉన్నాయి. దీంతో ప్రకృతి వనంలోకి స్థానికులెవరూ వెళ్లడం లేదు.

రెబ్బెన: మండలంలోని చాలా గ్రామపంచాయతీల్లో హ్యాబిటేషన్ల వారీగా ఏర్పాటు చేసిన పల్లె ప్రకృతి వనాల పరిస్థితి ఇంచుమించు ఒకేలా ఉంది. అతికొద్ది చోట్ల మాత్రమే పచ్చదనం ఉంది. గోలేటి గ్రామ పంచాయతీ పరిధిలోని దేవులగూడ పల్లె ప్రకృతి వనం పూర్తిగా అడవిని తలపిస్తోంది. గతంలో నాటిన మొక్కలు చెట్లుగా మారాయి. వాటిని గుర్తుతెలియని వ్యక్తులు నరికివేస్తున్నా పట్టించుకునే వారే కరువయ్యారు. రాజారం, సన్నాసికుంట, తుంగెడపల్లె ప్రకృతి వనాల్లో మొక్కలు లేకపోవడంతో ప్రభుత్వం లక్ష్యం నీరుగారుతోంది. పులికుంట, గోలేటి పల్లె ప్రకృతి వనాల నిర్వహణను వదిలేసి నెలలు గడుస్తోంది. ప్రజలకు ఆహ్లాదకర వాతావరణం అందించాల్సిన ప్రకృతివనాలు లక్ష్యానికి దూరమవుతున్నాయి.

● రవాణా శాఖ చెక్‌పోస్టులో ఏసీబీ తనిఖీలు ● రాత్రిపూట రంగంలోకి దిగిన వైనం ● వాంకిడి వద్ద రూ.45,100 నగదు లభ్యంసాక్షి ప్రతినిధి, మంచిర్యాల: రవాణా శాఖ చెక్‌పోస్టుల్లో ఏసీబీ అధికారుల తనిఖీలు కలకలం రేపుతున్నాయి. బుధవారం రాత్రి జరిపిన సోదాల్లో వాంకిడి చెక్‌పోస్టులో రూ.45,100 పట్టుబడ్డాయి. రాత్రి 11.45 గంటల నుంచి తెల్లవారు జామున 3గంటల వరకు తనిఖీలు కొనసాగాయి. ఆదిలాబాద్‌, కరీంనగర్‌ డీఎస్పీలు విజయ్‌కుమార్‌, రమణమార్తి, మరో నలుగురు సీఐలు ఏకకాలంలో అక్కడి రికార్డులు పరిశీలించారు. రెండు ఫోన్లు సీజ్‌ చేశారు. ఆ సమయంలో డ్యూటీలో ఏఎంవీ మాత్రమే ఉండగా, ఇంకా ప్రైవేటు వ్యక్తులు ఉన్నట్లు అధికారులు గుర్తించారు. ఇదే తరహాలో గతేడాది మేలో భోరజ్‌ చెక్‌పోస్టు వద్ద రూ.11,630, గత డిసెంబర్‌ 4న రూ.62,500 నగదు ఏసీబీ అధికారులకు పట్టుబడ్డాయి. చెక్‌పోస్టుల్లో నిత్యం వాహనదారులు, డ్రైవర్లు, సహాయకుల నుంచి బండికో రేటుగా అనధికారికంగా ప్రైవేటు సిబ్బంది వసూళ్లు చేస్తున్నది బహిరంగ రహస్యమే. ఏసీబీ సోదాలతో గురువారం వాంకిడిలో ఎలాంటి తనిఖీలు లేకుండానే వాహనాలు రాకపోకలు సాగించాయి. డ్యూటీకి కోసం పోటీరవాణా శాఖలో చాలామంది అధికారులు, సిబ్బంది చెక్‌పోస్టుల్లో డ్యూటీ చేసేందుకే మొగ్గు చూపుతున్నారు. అసిస్టెంట్‌ మోటార్‌ వెహికిల్‌ ఇన్‌స్పెక్టర్ల నుంచి సీనియర్‌ మోటార్‌ వెహికిల్‌ ఇన్‌స్పెక్టర్లు, కానిస్టేబుళ్లు, సిబ్బంది వరకు రాజకీయ, ఉన్నతాధికారుల పైరవీలతో అక్కడ డ్యూటీలు తెచ్చుకుని పని చేస్తున్నారు. చెక్‌పోస్టు డ్యూటీకి వెళ్తే ‘లాభదాయకం’గా మారడంతో పోటీ పడుతున్నారు. అక్కడ పని చేస్తున్న అధికారుల సంఖ్యను బట్టి రోజువారీగా డ్యూటీల్లో ఉంటున్నారు. నగదు ముట్టుకోకుండాఏసీబీ అధికారులు ప్రభుత్వ ఉద్యోగులపైనే కేసులు నమోదు చేస్తూ విచారణ చేస్తుంటారు. ఒకవేళ ప్రైవేటు వ్యక్తులు ఉంటే వారు ఏ అధికారి ప్రోద్బ లంతో ఉన్నారు? వారివెనక ఎవరున్నారనేది స్పష్టమైన ఆధారాలు తీసుకుంటారు. లేకపోతే అధికారులపై కేసులు నమోదు చేసే అవకాశం లేదు. సాధారణంగా లంచం తీసుకునేటప్పుడు నేరుగా దొరికిన ఆ అధికారి చేతులు, నగదుతో రసాయన పరీక్ష చేసి, సాంకేతిక ఆధారాలతో కోర్టులో సమర్పిస్తారు. కానీ చెక్‌పోస్టుల్లో ఏ అధికారీ చేతితో పైసలు ముట్టుకోరు. దీంతో లెక్కచూపని డబ్బులు ఎక్కడి నుంచి వచ్చాయనేవి మిస్టరీగా మారుతోంది. అవినీతి కేసులో పక్కా ఆధారాలు ఉంటే కేసు ముందుకు వెళ్తుంది. గతంలో పట్టుబడిన నగదుపైనా ఇంకా దర్యాప్తు కొనసాగుతోంది. తాజాగా దొరికిన నగదుపైనా ఏసీబీ అధికారులు లోతుగా దర్యాప్తు చేయనున్నారు. మూడు చోట్ల ఇదే తంతుఉమ్మడి జిల్లా మహారాష్ట్రకు సరిహద్దుతో, ఉత్తర, దక్షిణ భారతదేశానికి కీలక రోడ్డు మార్గంగా ఉంది. ఆదిలాబాద్‌లోని ఎన్‌హెచ్‌–44పై భోరజ్‌, ఆసిఫాబాద్‌ జిల్లా ఎన్‌హెచ్‌–363పై వాంకిడి, నిర్మల్‌ పరిధి ఎన్‌హెచ్‌–61 వద్ద తానూరు మండలం బెల్‌తరోడా వద్ద అంతర్రాష్ట్ర చెక్‌పోస్టులు ఉన్నాయి. ఇక్కడే సమీకృత చెక్‌పోస్టులు ఉన్నాయి. రవాణా శాఖ చెక్‌పోస్టులో నిత్యం వందల వాహనాలను చట్ట ప్రకారం అన్ని ధ్రువపత్రాలు ఉన్నాయా? లేవా? అని తనిఖీలు చేస్తూ అధికారులు అనుమతి ఇవ్వాలి. అయితే పరిశీలన పేరుతో వాహనదారుల నుంచి అనధికారికంగా డబ్బులు వసూలు చేస్తున్నరనేది ప్రధాన ఆరోపణ.

తిర్యాణి(ఆసిఫాబాద్‌): ఇందిరమ్మ ఇళ్ల నిర్మాణ పనులు వేగవంతం చేయాలని అదనపు కలెక్టర్‌ దీపక్‌ తివారి అన్నారు. మండల కేంద్రంలో ఇందిరమ్మ మోడల్‌ ఇంటి నిర్మాణంతోపాటు పైలట్‌ ప్రాజెక్టు కింద ఎంపికై న రొంపెల్లి గ్రామంలో ఇందిరమ్మ ఇళ్ల నిర్మాణ పనులను గురువారం పరిశీలించారు. అదనపు కలెక్టర్‌ మాట్లాడుతూ లబ్ధిదారులకు ఇళ్ల నిర్మాణానికి ఆర్థిక సమస్యలు ఉంటే మహిళా సంఘాల ద్వారా రుణాలు అందిస్తామని తెలిపారు. అంతకు ముందు మండల కేంద్రంలో చేపడుతున్న కమ్యూనిటీ శానిటరీ కాంప్లెక్స్‌, పీహెచ్‌సీ భవన మరమ్మతులను పరిశీలించారు. పనులు పూర్తిచేసి త్వరగా అందుబాటులోకి తీసుకురావాలని కాంట్రాక్టర్లను ఆదేశించారు. రొంపెల్లి గ్రామంలో సన్నబియ్యం పంపిణీని ప్రారంభించారు. ఎంపీడీవో వేముల మల్లేశ్‌, ఈజీఎస్‌ ఏపీవో షాకీర్‌ ఉస్మాని, పంచాయతీ కార్యదర్శులు వెంకటేశ్‌, రాజేశ్వరి తదితరులు ఉన్నారు.

చింతలమానెపల్లి: మండలంలోని బూరెపల్లిలో సిమెంటు రోడ్డు పనులను గురువారం అటవీశాఖ అధికారులు అడ్డుకున్నారు. ఉపాధిహామీ పథకం కింద హనుమాన్‌ ఆలయం వరకు రూ.5లక్షల నిధులతో పనులు ప్రారంభించారు. మూడు రోజులుగా కొనసాగుతుండగా గురువారం డీఆర్‌వో హైమావతి, సెక్షన్‌ అధికారులు సూర్యారావు, మోహన్‌, సిబ్బంది అడ్డుకున్నారు. సామగ్రిని స్వాధీనం చేసుకుని కార్యాలయానికి తరలించారు. పనులు నిర్వహిస్తున్న స్థలం రిజర్వ్‌ అటవీభూమి పరిధిలోకి వస్తుందని, అనుమతులు లేనందున పనులు నిలిపివేస్తున్నట్లు అధికారులు తెలిపారు. అయితే పనులు అడ్డుకోవడంపై గ్రామస్తులు ఆగ్రహం వ్యక్తం చేశారు.

‘మతాన్ని అడ్డు పెట్టుకుని రాజకీయం’ఆసిఫాబాద్‌రూరల్‌: జిల్లా కేంద్రం పరిధిలోని పేదలకు ఉపాధిహామీ పనులు కల్పించాలని, లేనిపక్షంలో ధర్నా నిర్వహిస్తామని ఉపాధిహామీ కూలీల సంఘం జిల్లా అధ్యక్షురాలు పద్మ అన్నారు. జిల్లా కేంద్రంలోని మార్కెట్‌ యార్డులో గురువారం సమావేశం నిర్వహించారు. ఈ సందర్భంగా మాట్లాడుతూ జిల్లా కేంద్రంలో చాలామంది కూలీ పని చేసుకుని జీవనం సాగిస్తున్నారని తెలిపారు. ఆసిఫాబాద్‌ ము న్సిపాలిటీగా మారిన తర్వాత ఉపాధిహామీ పనులు లేక ఇబ్బందులు పడుతున్నామని ఆవేదన వ్యక్తం చేశారు. గొడవెల్లి, జన్కాపూర్‌, బెస్తవాడ, హీరాపూర్‌లో చాలామంది వ్యవసాయ కూలీలు ఉన్నారని తెలిపారు. సంబంధిత అధికారులు చొరవ తీసుకుని పనులు కల్పించని పక్షంలో ఈ నెల 4న రా స్తారోకో, 5న కలెక్టరేట్‌ ఎదుట ధర్నా నిర్వహిస్తామన్నారు. పావని, స్వరూప, మంజుల, సుగుణ తదితరులు పాల్గొన్నారు. వాంకిడి(ఆసిఫాబాద్‌): బీజేపీ మతాన్ని అడ్డు పెట్టుకుని రాజకీయం చేస్తుందని డీసీసీ అధ్యక్షుడు విశ్వప్రసాద్‌రావు అన్నా రు. మండల కేంద్రంలో గురువారం నిర్వహించిన జైబాపు, జైభీమ్‌, జై సంవిధాన్‌ కార్యక్రమంలో పాల్గొని మాట్లాడారు. రా జ్యాంగ ఫలాలు పొందడం ప్రతీ భారతీ యుడి హక్కు అని అన్నారు. అనంతరం రాజ్యాంగంపై అవగాహన ర్యాలీ నిర్వహించారు. నాయకులు నారాయణ, అనిల్‌, మెంగాజీ, జీవన్‌, జమల్‌పూర్‌ సుధాకర్‌, బొట్టుపల్లి జైరాం తదితరులు పాల్గొన్నారు.

కౌటాల: మండలంలోని శీర్షా గ్రామంలో ఏర్పాటు చేసిన పల్లె ప్రకృతి వనంలో మొక్కలకు నీరందించేందుకు ఏర్పాట్లు చేయలేదు. మొక్కలు ఎండిపోతున్నాయి. పచ్చదనం లేకపోవడంతో ప్రజలు అటువైపు వెళ్లడం లేదు. అలాగే మండలంలోని ముత్తంపేట పల్లె ప్రకృతి వనం బోర్డు ఊడిపోయింది. ప్రకృతి వనంలోని చెట్ల ఆకులు రాలి కుప్పలుగా ఉన్నాయి. చెత్తాచెదారం పేరుకుపోయినా తొలగించడం లేదు. వేసవిలో మందుబాబులకు అడ్డాగా మారింది. గురుడుపేట గ్రామ పంచాయతీ పరిధిలోని కోయగూడ పల్లె ప్రకృతి వనంలో నిర్వహణ లేక మొక్కలు ఎండిపోయాయి. ఊరికి దూరంగా ఉండటం ఇబ్బందికరంగా మారింది.

పెంచికల్‌పేట్‌(సిర్పూర్‌): అర్హులు సంక్షేమ పథకాలను వినియోగించుకోవాలని కాగజ్‌నగర్‌ సబ్‌ కలెక్టర్‌ శ్రద్ధా శుక్లా అన్నారు. మండలంలోని లోడుపల్లి గ్రామంలో బుధవారం సన్నబియ్యం పంపిణీ కార్యక్రమాన్ని ప్రారంభించారు. సబ్‌ కలెక్టర్‌ మాట్లాడుతూ ప్రభుత్వం ప్రవేశపెడుతున్న పథకాలకు అర్హులను ఎంపిక చేయడంలో క్షేత్రస్థాయిలో అధికారులు కృషి చేయాలన్నారు. అర్హులైన వారికి పథకాలు అందేలా చూడాలని ఆదేశించారు. కార్యక్రమంలో తహసీల్దార్‌ వెంకటేశ్వర్‌రావు, ఎస్సై కొమురయ్య, పంచాయతీ కార్యదర్శి శ్రీధర్‌, గ్రామస్తులు పాల్గొన్నారు. సిర్పూర్‌(టి) మండలంలో.. సిర్పూర్‌(టి): సిర్పూర్‌(టి) గ్రామ పంచాయతీ పరిధిలోని పేట్‌మహెలా కాలనీ, గోవింద్‌పూర్‌ కాలనీలోని రేషన్‌ దుకాణాల్లో బుధవారం ఎ మ్మెల్సీ దండె విఠల్‌, కాగజ్‌నగర్‌ సబ్‌ కలెక్టర్‌ శ్రద్ధా శుక్లా సన్నబియ్యం పంపిణీని ప్రారంభించారు. లబ్ధిదారులు సన్నబియ్యాన్ని సద్విని యోగం చేసుకోవాలని సూచించారు. కార్యక్రమంలో తహసీల్దార్‌ శ్రీనివాస్‌, ఎంపీడీవో సత్యనారాయణ, పంచాయతీ కార్యదర్శి తిరుపతి పాల్గొన్నారు.

ఓటీపీలు ఎవరికీ చెప్పొద్దుజిల్లాలో కొద్దిరోజులుగా సైబర్‌ నేరాలు పెరుగుతున్నాయి. మోసపూరిత ప్రకటనలు, ఆన్‌లైన్‌లో డబ్బులు ఎక్కువ ఇస్తామంటే నమ్మొద్దు. అనుమానిత నంబర్ల నుంచి వచ్చే లింక్‌లు ఓపెన్‌ చేయవద్దు. ఎట్టి పరిస్థితుల్లోనూ ఓటీపీలు ఎవరికీ చెప్పొద్దు. సైబర్‌ నేరానికి గురై నగదు పోగొట్టుకుంటే వెంటనే స్థానిక పోలీస్‌ స్టేషన్‌, సైబర్‌ క్రైం హెల్ప్‌లైన్‌ 1930కి ఫోన్‌ చేయాలి. సంబంధిత ఖాతా నుంచి నగదు విత్‌డ్రా కాకుండా చూస్తాం. లాటరీ విధానం కూడా నిషేధంలో ఉంది. కొత్త రకం మోసాలపైనా నిత్యం అవగాహన కార్యక్రమాలు నిర్వహిస్తున్నాం. – డీవీ శ్రీనివాసరావు, ఎస్పీఅప్రమత్తత అవసరం..మార్కెట్లలోని షాపులు, షాపింగ్‌ మాల్స్‌, ఇతర దుకాణాల్లో మనం ఇచ్చే ఫోన్‌ నంబర్‌, సోషల్‌ మీడియాలో సమాచారం సైబర్‌ మోసగాళ్లు అనువుగా మార్చుకుంటున్నారు. ఆసిఫాబాద్‌, రెబ్బెన, కాగజ్‌నగర్‌ పట్టణాల్లోని యువకులు అవగాహన ఉండి కూడా మోసాలకు గురవుతున్నారు. మరోవైపు మారుమూల మండలాలు బెజ్జూర్‌, చింతలమానెపల్లి, లింగాపూర్‌, తిర్యా ణి ప్రాంతాల్లోని ప్రజలకు పూర్తిస్థాయి అవగా హన లేకపోవడంతో సైబర్‌ నేరాలు గురవుతున్నారు. సైబర్‌ నేరాలకు సంబంధించి ఫిర్యాదులు ఎక్కువ కావడంతో జిల్లా వ్యాప్తంగా ప్రతీ పోలీస్‌స్టేషన్‌లో ఒక కానిస్టేబుల్‌తో సైబర్‌ వారి యర్స్‌ ఏర్పాటు చేశారు. బాధితులు నేరుగా వారిని సంప్రదించవచ్చు. జిల్లాలోని 335 గ్రా మ పంచాయతీల్లో పోలీస్‌ శాఖ ఆధ్వర్యంలో నిత్యం అవగాహన కల్పిస్తున్నారు. ఆర్థిక మోసాలు, చిన్నారులు, మహిళలు, ఇతర సైబర్‌ నేరా లకు సంబంధించి వెబ్‌సైట్‌ ద్వారా ఫిర్యాదు చే యవచ్చు. ఆర్థిక మోసాలకు సంబంధించి ఫి ర్యాదు చేసే సమయంలో సంబంధిత బ్యాంకు/వాలెట్‌, లావాదేవీకి సంబంధించి 12అంకెల ఐడీ/యూటీఆర్‌ నంబర్‌, మోసం జరిగిన తేదీ, ఎంత మొత్తం, ఇందుకు అవసరమైన సాఫ్ట్‌కాపీ వివరాలు ఇవ్వాల్సి ఉంటుంది. http://ww w.cybercrime.gov.in వైబ్‌సైట్‌ ద్వారా, లేదా 1930 నంబరుకు నేరుగా ఫిర్యాదు చేయవచ్చు.కౌటాల(సిర్పూర్‌): ఇది డిజిటల్‌ యుగం. ఉదయం నిద్ర లేచింది మొదలు.. రాత్రి నిద్రపోయే వరకు ప్రతీ పని సాంకేతికతతో ముడిపడి ఉంటోంది. అరచేతిలో స్మార్ట్‌ఫోన్‌ ఉంటే చాలు ప్రపంచమే మన గుప్పిట్లో ఉన్నట్లు.. ఇదంతా నాణేనికి ఒక వైపు మాత్రమే. మరోవైపు సాంకేతికత ఆధారంగా మోసాలు పెరిగాయి. రోజుకో కొత్త తరహా మోసంతో బ్యాంకు ఖాతాలను కొల్లగొడుతున్నారు. అత్యాశ, అవగాహన లేకపోవడంతో ఏటా జిల్లాలో వందలాది మంది మోసపోతున్నారు. ఆశ చూపి మోసాలు.. కొద్దరోజులుగా ఫోన్‌ నుంచి ఇతరులకు కాల్‌ చేస్తే ‘జాగ్రత్త తెలియని నంబర్‌ నుంచి మీకు కాల్‌ చేసి మేము పోలీసులమని, బ్యాంక్‌ అధికారులమని మాట్లాడితే మీరు మోసపోకండి’ అంటూ ఆన్‌లైన్‌ అరెస్టులపై ప్రజలకు అవగాహన కల్పించడానికి ఈ విధంగా కాలర్‌ రింగ్‌టోన్‌ వస్తోంది. డిజిటల్‌ అరెస్టుల పేరుతో జరిగే మోసాలపై అవగాహన కల్పించడానికి ప్రభుత్వం ఈ విధంగా ప్రచారం చేస్తోంది. పలు మార్గాల్లో అవగాహన కల్పిస్తున్నా ఆన్‌లైన్‌ మోసాలకు అడ్డుకట్ట పడటం లేదు. జిల్లాలో 2023లో 34 కేసులు నమోదు కాగా, 2024లో 21 సైబర్‌ కేసులు నమోదయ్యాయి. ● క్రెడిట్‌ కార్డుల పేరిట ఓటీపీ పంపి ఖాతాలు ఖాళీ చేస్తున్నారు. రైతులకు ప్రభుత్వం అందించే సొమ్మును అధికారిక వెబ్‌సైట్‌ తరహాలో లింకులు పంపి దోచుకుంటున్నారు. ● లాటరీ వచ్చిందని నగదు బహుమతి అందుకునేందుకు ఖర్చుల కింద కొంత నగదు కట్టాలంటూ మాయమాటలతో అమాయకుల నుంచి రూ.లక్షలు లాగేస్తున్నారు. ● సైబర్‌ నేరగాళ్లు బాధితుల ఫోన్‌పే, ఇతర యూపీఐ యాప్‌లకు ముందుగా కొంత డబ్బు పంపి.. తెలియకుండా మీ నంబర్‌కు మా డబ్బులు వచ్చాయని తిరిగి పంపించాలని కోరుతున్నారు. సదరు వ్యక్తి ఎవరో గ్రహించకుండా తిరిగి ఆ నగదును పంపిస్తే వెంటనే ఖాతాలోని మిగిలిన మొత్తం కూడా ఖాళీ అవుతోంది. ● సోషల్‌ మీడియాలోని ఫొటోలను మార్ఫింగ్‌ ద్వారా అసభ్యంగా మార్చి బ్లాక్‌ మెయిల్‌కు పాల్పడుతున్నారు. అలాగే అసభ్యకరమైన కామెంట్లు చేయడం, ఫేక్‌ ప్రొఫైల్‌ క్రియేట్‌ చేసి ప్రేమ వ్యవహారంతో నమ్మించి వంచిస్తున్నారు. ● నిషేధిత యాప్‌ల్లో డబ్బులు రెట్టింపు వస్తాయనే ఆశతో యువత ఎక్కువగా మోసపోతున్నారు. ● వాట్సాప్‌లో గుర్తుతెలియని నంబర్లతో న్యూడ్‌ వీడియోకాల్‌ చేసి రికార్డింగ్‌ చేస్తున్నారు. రాష్ట్రవ్యాప్తంగా ఇటీవల ప్రజాప్రతినిధులకు ఇలాంటి వేధింపులు ఎక్కువయ్యాయి. ● సైబర్‌ మోసాలకు గురవుతున్న వారిలో విద్యావంతులతోపాటు గ్రామీణ ప్రాంతాల్లోని సామాన్య రైతులు, సోషల్‌మీడియాలో యాక్టీవ్‌గా ఉండే వారే అధికంగా ఉంటున్నారని అధికారులు పేర్కొంటున్నారు.

ఆసిఫాబాద్‌అర్బన్‌: రాజీవ్‌ యువవికాసం పథకంపై విస్తృత ప్రచారం నిర్వహించాలని కలెక్టర్‌ వెంకటేశ్‌ దోత్రే అన్నారు. జిల్లా కేంద్రంలోని కలెక్టరేట్‌లో అదనపు కలెక్టర్‌ డేవిడ్‌, సబ్‌ కలెక్టర్‌ శ్రద్ధా శుక్లాతో కలిసి బుధవారం మండల ప్రత్యేకాధికారులు, తహసీల్దార్లు, ఎంపీడీవోలు, బ్యాంకు మేనేజర్లతో సమీక్ష నిర్వహించారు. వెనుకబడిన తరగతులకు చెందిన యువత ఈ నెల 14లోపు దరఖాస్తు చేసుకోవాలని సూచించారు. మండల ప్రజాపరిషత్‌ కార్యాలయాలు, ప్రజాపాలన సేవా కేంద్రాల్లో దరఖాస్తులు అందుబాటులో ఉన్నాయని తెలిపారు. ఎంపీడీవో కార్యాలయాల్లో హెల్ప్‌డెస్క్‌లు ఏర్పాటు చేయాలని ఆదేశించారు. గ్రామాల్లో అవసరాలకు అనుగుణంగా యూనిట్లు ఎంపిక చేసుకోవాలన్నారు. కుల, ఆదాయ ధ్రువీకరణ పత్రాల జారీలో ఆలస్యం చేయొద్దని తహసీల్దార్లను ఆదేశించారు. రేషన్‌కార్డులు ఉన్నవారికి ఆదాయ ధ్రువపత్రం అవసరం లేదని స్పష్టం చేశారు. యూనిట్ల వివరాలు తెలిసేలా ఫ్లెక్సీలు ఏర్పాటు చేయాలన్నారు. సమావేశంలో ఆర్డీవో లోకేశ్వర్‌రావు, డీటీడీవో రమాదేవి, ఎస్సీ కార్పొరేషన్‌ అధికారి సజీవన్‌, లీడ్‌ జిల్లా మేనేజర్‌ రాజేశ్వర్‌జోషి తదితరులు పాల్గొన్నారు. పనులు పూర్తి చేయాలి ఉపాధిహామీ పథకం కింద చేపట్టిన సీసీరోడ్లు, డ్రె యినేజీల నిర్మాణాలు వందశాతం పూర్తి చేసేందు కు చర్యలు తీసుకోవాలని కలెక్టర్‌ వెంకటేశ్‌ దోత్రే అన్నారు. కలెక్టరేట్‌లో బుధవారం అదనపు కలెక్టర్‌ దీపక్‌ తివారి, పంచాయతీరాజ్‌ ఈఈ, డీఈఈ, ఏఈఈలతో పనుల పురోగతి, ఎంబీ రికార్డులపై సమీక్షించారు. పూర్తయిన పనుల ఫొటోలు, వివరాలతో ఎంబీ రికార్డులు సిద్ధం చేసి ఈ నెల 5లోగా సమర్పించాలన్నారు. డీఆర్‌డీవో దత్తారావు, పంచాయతీరాజ్‌ ఈఈ ప్రభాకర్‌ పాల్గొన్నారు.

● కలెక్టర్‌ వెంకటేశ్‌ దోత్రే ఆసిఫాబాద్‌అర్బన్‌: బహుజన రాజ్యాధికారం కో సం పోరాడిన సర్దార్‌ సర్వాయి పాపన్నగౌడ్‌ ఆశయాలు కొనసాగిద్దామని కలెక్టర్‌ వెంకటేశ్‌ దోత్రే అన్నారు. జిల్లా కేంద్రంలోని కలెక్టరేట్‌ సమావేశ మందిరంలో జిల్లా వెనుకబడిన తరగతుల సంక్షేమ శాఖ ఆధ్వర్యంలో బుధవారం సర్వాయి పాపన్నగౌడ్‌ వర్ధంతి ఘనంగా నిర్వహించారు. ముందుగా అదనపు కలెక్టర్‌ డేవిడ్‌, అధికారులు, గౌడ సంఘం, ఇతర సంఘాల నాయకులతో కలిసి పాపన్నగౌడ్‌ చిత్రపటానికి పూలమాలలు వేసి నివాళులర్పించారు. కలెక్టర్‌ మాట్లాడుతూ 17వ శతాబ్దంలో పాపన్నగౌడ్‌ కులవృత్తి చేసుకుంటూనే తరుష్క్‌, మొగల్‌ సైనికుల ఆగడాలను ఎదిరించారని తెలిపారు. ఆయన చేసిన సేవలకు గుర్తుగా ప్రభుత్వం పాపన్నగౌడ్‌ పేరుతో పోస్టల్‌ కవర్‌ విడుదల చేసిందని పేర్కొ న్నారు. రాష్ట్ర ప్రభుత్వం వర్ధంతిని అధికారికంగా నిర్వహించడం సంతోషంగా ఉందన్నారు. కార్యక్రమంలో ఎస్సీ సంక్షేమ జిల్లా అధికారి సజీవన్‌, డీపీవో భిక్షపతి గౌడ్‌, గౌడ సంఘం నాయకులు బాలేష్‌గౌడ్‌, రాధాకృష్ణగౌడ్‌ (బాబుగౌడ్‌), బీసీ సంఘం జిల్లా అధ్యక్షుడు రూప్‌నార్‌ రమేశ్‌, నాయకులు సుదర్శన్‌గౌడ్‌, అన్నపూర్ణ తదితరులు పాల్గొన్నారు. సీతారాముల కల్యాణానికి ఆహ్వానంఆసిఫాబాద్‌అర్బన్‌: జిల్లా కేంద్రంలోని జన్కాపూ ర్‌ కోదాండ రామాలయంలో ఈ నెల 6న నిర్వహించే సీతారాముల కల్యాణానికి హాజరు కావా లని ఆలయ కమిటీ ప్రతినిధులు బుధవారం కలెక్టర్‌ వెంకటేశ్‌ దోత్రేను ఆహ్వానించారు. మాజీ ఎంపీపీ బాలేశ్వర్‌గౌడ్‌, శైలు, యాదగిరి, నాగరాజు ఆహ్వానపత్రిక అందించారు. అలాగే జిల్లా కేంద్రంలో ఈ నెల 11న నిర్వహించే వీరహనుమాన్‌ శోభాయాత్రకు హాజరు కావాలని హనుమాన్‌ భక్తులు కలెక్టర్‌ వెంకటేశ్‌ దోత్రే, ఏఎస్పీ చిత్తరంజన్‌ను ఆహ్వానించారు.

కెరమెరి(ఆసిఫాబాద్‌): మండలంలోని కుమురంభీం పోరుగడ్డ జోడేఘాట్‌ నుంచి జైబాపు, జైభీమ్‌, జైసంవిధాన్‌ యాత్రను బుధవారం కాంగ్రెస్‌ నాయకులు ప్రారంభించారు. ఈ సందర్భంగా మాజీ ఎ మ్మెల్యే ఆత్రం సక్కు మాట్లాడారు. మహాత్మా గాంధీ, అంబేడ్కర్‌, రాజ్యాంగం విలువలను ప్రజల్లోకి తీసుకెళ్లేందుకు కాంగ్రెస్‌ పార్టీ జైబాపు, జైభీమ్‌, జైసంవిధాన్‌ కార్యక్రమాన్ని చేపట్టిందని తెలిపారు. రాజ్యాంగాన్ని మార్చుతామని బీజేపీ ప్రకటించడం అంబేడ్కర్‌ను అవమానించడమే అవుతుందన్నారు. అంతకు ముందు కరపత్రాలు ఆవిష్కరించారు. నాయకులు ఆత్రం కుసుంబ్‌రావు, మునీర్‌ అహ్మద్‌, వసంత్‌రావు, న్యానేశ్వర్‌, జలపతి రావు, కుత్‌బొద్దీన్‌, ఇందిరా, తిరుపతి, విశ్వనాథ్‌, పాలక్‌రావు, భీంరావు, రవి, సిరాజ్‌, ముజ్జూ పాల్గొన్నారు.

● అదనపు కలెక్టర్‌ దీపక్‌ తివారి కెరమెరి(ఆసిఫాబాద్‌): ఇందిరమ్మ ఇళ్ల నిర్మాణాలు త్వరగా ప్రారంభించాలని అదనపు కలెక్టర్‌ దీపక్‌ తివారి అన్నారు. మండలంలోని కొఠారి గ్రామంలో బుధవారం జెడ్పీ సీఈవో లక్ష్మీనారాయణతో కలిసి పర్యటించారు. అనేక మంది ఇప్పటికీ కనీసం గుంతలు కూడా తవ్వకపోవడానికి గల కారణాలు అడిగి తెలుసుకున్నారు. వెంటనే నిర్మాణాలు ప్రారంభించాలని, దశలవారీగా బిల్లులు అందుతాయని తెలిపారు. అనంతరం నర్సరీని తనిఖీ చేశారు. ఎండల నేపథ్యంలో మొక్కల రక్షణకు గ్రీన్‌నెట్‌ ఉపయోగించాలని సూచించారు. మండల కేంద్రంలోని ఎంపీడీవో కార్యాలయంలో రాజీవ్‌ యువ వికాసం దరఖాస్తులను పరిశీలించారు. మోడల్‌ ఇందిర మ్మ ఇంటిని పరిశీలించారు. ఝరి, కొఠారి గ్రామాల్లో సన్నబియ్యం పంపిణీని ప్రారంభించారు. ఆయన వెంట ఎంపీడీవో అంజద్‌పాషా, తహసీల్దార్‌ దత్తుప్రసాద్‌, డీటీ సంతోష్‌కుమార్‌, నాయకులు మునీర్‌ అహ్మద్‌, కోవ ఇందిర తదితరులు ఉన్నారు.