యూత్ కోసం వొడాఫోన్ ‘యూ’

యూత్ కోసం వొడాఫోన్ ‘యూ’

హైదరాబాద్, బిజినెస్ బ్యూరో: టెలికం కంపెనీ వొడాఫోన్ యువతను లక్ష్యంగా చేసుకుని ‘యూ’ పేరుతో తెలంగాణ, ఆంధ్రప్రదేశ్ సర్కిల్‌లో కొత్త కార్యక్రమానికి శ్రీకారం చుట్టింది. ఇందులో భాగంగా రూ.89 మొదలుకుని రూ.289 వరకు 14-28 రోజుల వ్యాలిడిటీతో ప్రీ-పెయిడ్ ప్యాక్స్‌ను ఆఫర్ చేస్తోంది. ప్యాక్‌నుబట్టి డేటాతోపాటు నైట్ డేటా ఉచితం. ఎంపిక చేసుకున్న మూడు నంబర్లకు నిముషానికి 20 పైసల చార్జీతో కాల్స్ చేసుకోవచ్చు. డేటా అయిపోతే కంపెనీ నుంచి 60 ఎంబీ రుణం తీసుకోవచ్చు. దీనికిగాను కస్టమర్ ఆ తర్వాత చేసిన రిచార్జ్ మొత్తం నుంచి రూ.20లను తగ్గిస్తారు. మై వొడాఫోన్ యాప్ నుంచి 2 నెలలపాటు ఉచితంగా సంగీతం వినొచ్చని కంపెనీ సర్కిల్ బిజినెస్ హెడ్ రోహిత్ టాండన్ ఈ సందర్భంగా మీడియాకు తెలిపారు.