బాల్యమిత్రునికి కేసీఆర్ పట్టం

బాల్యమిత్రునికి కేసీఆర్ పట్టం

గజ్వేల్ : ములుగు మండలం వంటిమామిడి మార్కెట్ కమిటీ చైర్మన్‌గా జహంగీర్ నియమితులయ్యారు. శుక్రవారం ప్రభుత్వం ఈ మేరకు ఆదేశాలు జారీ చేసింది. ములుగు మండల టీఆర్‌ఎస్ అధ్యక్షునిగా పనిచేస్తున్న జహంగీర్ కేసీఆర్‌కు బాల్యమిత్రుడు. ప్రస్తుతం ఫామ్‌హౌస్ వ్యవహారాలన్నీ ఆయనే చూస్తున్న విషయం తెలిసిందే. ఈ క్రమంలోనే తన మిత్రునికి కేసీఆర్ ఊహించిన విధంగానే మార్కెట్ కమిటీ పదవిని కట్టబెట్టారు. ఈ సందర్భంగా జహంగీర్ ‘సాక్షి’తో మాట్లాడుతూ తెలంగాణ రాష్ట్రంలో మొట్ట మొదటి మార్కెట్ కమిటీ చైర్మన్ పదవిని కేసీఆర్ తనకు ప్రకటించడం అదృష్టంగా భావిస్తున్నట్లు పేర్కొన్నారు. ముఖ్యమంత్రి నమ్మకాన్ని వమ్ము చేయకుండా పనిచేస్తూ తెలంగాణలోనే వంటిమామిడిని నెంబర్‌వన్ మార్కెట్ కమిటీగా తీర్చిదిద్దుతానని పేర్కొన్నారు.