ముగిసిన షటిల్‌ టోర్నమెంట్‌ పోటీలు

కవిటం (పోడూరు) : స్థానిక శ్రీ చైతన్య షటిల్‌ అసోసియేషన్‌ ఆధ్వర్యంలో కర్రి వెంకటరెడ్డి ప్లే గ్రౌండ్‌లో నాలుగు రోజుల పాటు నిర్వహించిన రాష్ట్ర స్థాయి షటిల్‌ టోర్నమెంట్‌ పోటీలు శనివారం ముగిశాయి. ముగింపు సమావేశంలో వైఎస్సార్‌ సీపీ నాయకుడు గుంటూరి పెద్దిరాజు అతిథిగా హాజరై మాట్లాడారు. విద్యార్థులు, యువత చదువుతో పాటు క్రీడలపై ఆసక్తి చూపించాలని సూచించారు. తణుకుకు చెందిన ప్రముఖ వైద్యుడు కర్రి శ్రీనివాసుల రెడ్డితో కలిసి విజేతలకు నగదు బహుమతులు అందించారు. మాజీ ఉప సర్పంచ్‌ కర్రి శ్రీనివాసరెడ్డి, కర్రి సత్యనారాయణరెడ్డి బ్రదర్స్, పడాల సత్యనారాయణరెడ్డి, చైతన్య షటిల్‌ అసోసియేషన్‌ సభ్యులు పాల్గొన్నారు.