సాక్షి, హైదరాబాద్‌ : సొంత పార్టీ నేతలపై కాంగ్రెస్‌ నేత, మాజీ ఎంపీ అంజన్‌ కుమార్‌ యాదవ్‌ సంచలన వ్యాఖ్యలు చేశారు. ‘గెలిచే టైంలో నాకు ఎంపీ టికెట్‌ ఇవ్వలేదు. దానం నాగేందర్‌కు ఇచ్చినందుకే లోక్‌సభ ఎన్నికల్లో కాంగ్రెస్‌ పార్టీ ఓడిపోయిందన్నారు’ నాకు వ‌ర్కింగ్ ప్రెసిడెంట్ ఈ భ‌జ‌న‌గాళ్లు ఇవ్వ‌లేదు. లాలూప్ర‌సాద్‌.. సోనియాకు చెప్పి ఇప్పించారు. ప‌ద‌వి ఇవ్వొద్ద‌ని ఉత్త‌మ్ కుమార్‌రెడ్డి, జ‌గ్గారెడ్డి అడ్డు త‌గిలారు. నేను కేంద్ర‌మంత్రి కాకుండా కొంద‌రు అడ్డుకున్నారు. గెలిచే టైమ్‌లో నాకు ఎంపీ టికెట్ ఇవ్వ‌లేదు. ప‌క్క పార్టీ నుంచి తెచ్చి దానం నాగేంద‌ర్‌కు ఎంపీ టికెట్ ఇచ్చారు. జీవ‌న్‌రెడ్డి ఓడినా టికెట్ ఎందుకు ఇచ్చారు. అధికారంలోకి వ‌చ్చాక భ‌జ‌న సంఘాలు వ‌చ్చి చేరాయాని వివాదాస్పద వ్యాఖ్యలు చేశారు.

రాజకీయ కుటుంబాల్లో సీటు పంచాయితీ కామనే. చాలా నియోజకవర్గాల్లో అన్న దమ్ముల మధ్య, కజిన్స్ మధ్య సీటు కోసం కుస్తీ పోటీలు జరుగుతుంటాయి. కాని ఓ నియోజకవర్గం కోసం తండ్రీ కొడుకులే కుస్తీ పట్లు పడుతున్నారు. ఇప్పుడిదే తెలంగాణ కాంగ్రెస్‌లో హాట్ టాపిక్‌గా మారింది. సీటు త్యాగం చేయడానికి ఇద్దరిలో ఏ ఒక్కరూ సిద్ధంగా లేరని టాక్. వారి సంగతేంటో తెలుసుకుందా.. తెలంగాణ కాంగ్రెస్‌లో ఓ తండ్రీ కొడుకుల పొలిటికల్ కుస్తీ ఆసక్తికరంగా మారింది. ఇద్దరూ పీసీసీలో ముఖ్యులే. కాంగ్రెస్ పెద్దలకు సన్నిహితులే. కాని సీటు కోసం అటు తండ్రి, ఇటు కొడుకు పోటీ పడుతున్నారు. మాజీ ఎంపీ, టీ.కాంగ్రెస్ వర్కింగ్‌ ప్రెసిడెంట్‌ అంజన్‌కుమార్ యాదవ్, ఆయన కొడుకు అనిల్‌కుమార్ యాదవ్ ముషీరాబాద్‌ సీటు కోసం పోటీ పడుతున్నారట.  రెండోసారి తప్పుకుంటే ఎలా.. అంజన్‌కుమార్ గతంలో సికింద్రాబాద్ నుంచి ఎంపీగా గెలవగా, ఆయన తనయుడు అనిల్‌కుమార్ ముషీరాబాద్‌ నుంచి అసెంబ్లీకి పోటీ చేసి ఓడిపోయారు. వచ్చే ఎన్నికల్లో కూడా ముషీరాబాద్ నుంచి పోటీ చేయాలని అనిల్‌కుమార్ కోరుకుంటున్నారు. అయితే ఆయన తండ్రి కూడా తమకు పట్టున్న ముషీరాబాద్‌ నుంచే పోటీ చేసి గెలిచి, కాంగ్రెస్ అధికారంలోకి వస్తే మంత్రి పదవి పొందాలని తాపత్రయపడుతున్నారు. ఇక్కడే ఇద్దరి మధ్యా వార్ మొదలైంది. తనకు రానున్న అవకాశాలను దృష్టిలో ఉంచుకుని ఈసారి తన కొడుకు అనిల్‌కుమార్‌ను డ్రాప్ చేసుకోవాలని అంజన్‌కుమార్ కోరుతున్నారు. అయితే అనిల్ మాత్రం ఒకసారి పోటీ చేసి రెండోసారి తప్పుకుంటే తన రాజకీయ భవిష్యత్‌కు ఇబ్బందిగా ఫీలవుతున్నారు. ఈ సారి పోటీ చేయకుంటే మళ్ళీ ఆ తర్వాత టిక్కెట్ రావడం కష్టమని అనిల్ భావిస్తున్నారట. అందుకే తన తండ్రిని ఎలాగైనా ఒప్పించి ఎలాగైనా ముషీరాబాద్ బరిలో నిలవాలని అనిల్ పట్టదలతో ఉన్నారు. అయితే తండ్రి, కొడుకులు ఇద్దరూ తమ రాజకీయ భవిష్యత్ గురించే ఆలోచిస్తున్నారు. ఒకరి కోసం ఒకరు త్యాగం చేస్తారా అనే అనుమానం కాంగ్రెస్ వర్గాలు వ్యక్తం చేస్తున్నాయి. తండ్రీ కొడుకుల్లో ఎవరో ఒకరు త్యాగం చేసి తప్పుకోకపోతే.. ఇద్దరూ నష్టపోతారని హితవు చెబుతున్నారు అంజన్‌కుమార్ సన్నిహితులు.  హైకమాండ్‌ కరుణిస్తే ఓకే లేదంటే.. కుటుంబానికి ఒకే టిక్కెట్ నిబంధన కాంగ్రెస్ హైకమాండ్‌ కచ్చితంగా అమలు చేస్తే ముషీరాబాద్‌ నుంచి అంజన్‌కుమార్ పోటీ చేసే అవకాశాలే కనిపిస్తున్నాయని, ఇద్దరికీ టిక్కెట్లు ఇస్తే చెరో నియోజకవర్గం నుంచి పోటీ చేయవచ్చని భావిస్తున్నారు.  ఒకే సీటు కోసం తండ్రీ కొడుకులు పోటీ పడుతుండటం విచిత్రంగా ఉందని గాంధీభవన్ వర్గాలు కామెంట్ చేస్తున్నాయి. ఒక్కరికే సీటిస్తే పీసీసీ వర్కింగ్ ప్రెసిడెంట్‌గా ఉన్న అంజన్‌కుమార్‌యాదవ్‌కే అవకాశం ఉంటుందని భావిస్తున్నారు.  మరి తండ్రి కోసం కొడుకు సీటు త్యాగం చేస్తాడా? అయితే టీపీసీసీ ఉపాధ్యక్షుడు సంగిశెట్టి జగదీష్ కూడా ముషీరాబాద్‌ టిక్కెట్ కోసం ప్రయత్నిస్తున్నారు. తండ్రీ కొడుకుల్లో ఎవరికైనా దక్కుతుందా? లేక పిట్ట పోరు పిట్ట పోరు పిల్లి తీర్చినట్లుగా మూడో వ్యక్తికి ఇస్తారా అనేది చూడాలి. - పొలిటికల్ ఎడిటర్, సాక్షి డిజిటల్

సాక్షి, న్యూఢిల్లీ: నేషనల్‌ హెరాల్డ్‌ పత్రికకు సంబంధించి యంగ్‌ ఇండియా లిమిటెడ్‌ కేసులో టీపీసీసీ వర్కింగ్‌ ప్రెసిడెంట్(హైదరాబాద్‌), మాజీ ఎంపీ అంజన్ కుమార్ యాదవ్ ఈడి విచారణ ముగిసింది. ఈ మేరకు రెండు గంటలపాటు ఈడీ అధికారులు ఆయన్ని ప‍్రశ‍్నించారు. ఈ కేసులో అంజన్ కుమార్‌కు నోటీసులు జారీ చేయడంతో.. నేడు ఆయన ఢిల్లీలో ఈడీ ముందు విచారణకు హాజరయ్యారు.  ఈడీ కక్ష్య పూరిత చర్య.. కాంగ్రెస్ నాయకులపై ఈడీ  కక్ష్య పూరితంగా వ్యవహరిస్తోందని అంజన్ కుమార్ అన్నారు. యంగ్ ఇండియా సంస్థకు రూ.20 లక్షలు విరాళం ఇచ్చినట్లు ఈడీ ముందు ఒప్పుకున్నానని చెప్పారు. సోనియా కుటుంబం కోసం ఏ త్యాగానికైనా సిద్ధమని అన్నారు. కోట్ల రూపాయలు ఎగ్గొట్టిన వాళ్లను వదిలేసి.. తమలాంటి వారిని లక్ష‍్యంగా చేసుకుని ఈడీ పనిచేస్తోందని ఆరోపించారు. గతేడాది నవంబర్‌లో విచారణకు హాజరైన సందర్భంగా అంజన్‌ కుమార్‌ను ఈడీ మూడు గంటల పాటు ప్రశ్నించిన విషయం తెలిసిందే. టీపీసీసీ అధ్యక్షుడు రేవంత్‌ రెడ్డి సూచన మేరకే యంగ్‌ ఇండియా లిమిటెడ్‌కు విరాళాలు ఇచ్చానని అంజన్‌ కుమార్‌ గత విచారణ సందర్భంగా ఈడీ అధికారులకు తెలిపిన విషయం తెలిసిందే.   ఆ టైంలో దాదాపు రెండున్నర గంటలపాటు అంజన్‌ కుమార్‌ను విచారించిన ఈడీ.. ఆయన స్టేట్‌మెంట్‌ను రికార్డ్‌ చేశారు. ఇప్పుడు మరోసారి విచారణకు పిలవడం గమనార్హం. ఇప్పటికే నేషనల్‌ హెరాల్డ్‌ కేసులో అఖిల భారత కాంగ్రెస్ కమిటీ మాజీ అధినేత్రి సోనియా గాంధీ, కాంగ్రెస్‌ మాజీ అధ్యక్షుడు రాహుల్ గాంధీ, ఏఐసీసీ అధ్యక్షుడు మల్లికార్జున ఖర్గేను ప్రశ్నించిన విషయం తెలిసిందే. 

న్యూఢిల్లీ: దేశవ్యాప్తంగా సంచలనం సృష్టించిన నేషనల్ హెరాల్డ్‌ కేసు మరోసారి తెర మీదికి వచ్చింది. నేషనల్‌ హెరాల్డ్‌ కేసులో మాజీ ఎంపీ, కాంగ్రెస్‌ నేత అంజన్‌ కుమార్‌ యాదవ్‌ ఈడీ ప్రధాన కార్యాలయానికి హాజరయ్యారు. యంగ్‌ ఇండియాకు ఇచ్చిన విరాళాలపై అంజన్‌ కుమర్‌ను ఈడీ అధికారులు ప్రశ్నించారు. దాదాపు రెండున్నర గంటలపాటు అంజన్‌ కుమార్‌ను విచారించిన ఈడీ.. ఆయన స్టేట్‌మెంట్‌ను రికార్డ్‌ చేశారు. యంగ్ ఇండియన్‌ ఫౌండేషన్‌ అనే ఛారిటీ సంస్థకు గతంలో అంజన్ కుమార్ యాదవ్ రూ. 20 లక్షలు డొనేషన్ ఇచ్చారు. విచారణ అనంతరం అంజన్‌ కమార్‌ యాదవ్‌ మాట్లాడుతూ..  రేవంత్ రెడ్డి సూచన మేరకే యంగ్ ఇండియా లిమిటెడ్‌కు విరాళాలు ఇచ్చినట్లు తెలిపారు. ఇదే విషయాన్ని ఈడి అధికారులకు తెలిపినట్లు చెప్పారు. సంస్థ ఆర్ధికంగా ఇబ్బందుల్లో ఉందనే స్వచ్చందంగా విరాళాలు ఇచ్చానన్నారు.  కక్ష సాధింపు చర్యలో భాగంగానే నేషనల్ హెరాల్డ్ కేసులో ఈడీ కాంగ్రెస్ నేతలను విచారిస్తుందని విమర్శించారు. మళ్ళీ విచారణ ఉంటే పిలుస్తామని అధికారులు చెప్పినట్లు పేర్కొన్నారు. ఇప్పటికే నేషనల్‌ హెరాల్డ్‌ కేసులో అఖిల భారత కాంగ్రెస్ కమిటీ మాజీ అధినేత్రి సోనియా గాంధీ, లోక్‌సభ సభ్యుడు రాహుల్ గాంధీ, ఏఐసీసీ అధ్యక్షుడు మల్లికార్జున ఖర్గేను ప్రశ్నించిన విషయం తెలిసిందే.  చదవండి: మల్లారెడ్డి తన ఫోన్‌ను చెత్తబుట్టలో ఎందుకు దాచిపెట్టారు: రఘునందన్‌ రావు

సాక్షి, హైదరాబాద్‌: కేంద్ర ప్రభుత్వం కక్షపూరితంగా గాంధీ కుటుంబాన్ని వేధిస్తోందని కాంగ్రెస్‌ పార్టీ వర్కింగ్‌ ప్రెసిండెట్‌ అంజన్‌కుమార్‌యాదవ్‌ ఆరోపించారు. ఈనెల 21న ఏఐసీసీ అధ్యక్షురాలు సోనియాగాంధీ ఈడీ విచారణకు హాజరవుతున్న సందర్భంగా హైదరాబాద్‌లోని ఈడీ ఆఫీస్‌ ముందు నిరసన తెలుపుతామన్నారు. ఈ కార్యక్రమానికి జనసమీకరణ, ఏర్పాట్లపై గాంధీభవన్‌లో సోమవారం నేతలు సమావేశమయ్యారు. అనంతరం వర్కింగ్‌ ప్రెసిడెంట్‌ గీతారెడ్డి, మాజీ మంత్రి మర్రి శశిధర్‌రెడ్డి, మాజీ ఎంపీ మల్లురవితో కలిసి అంజన్‌కుమార్‌యాదవ్‌ విలేకరులతో మాట్లాడారు. 21న ఉదయం 11గంటలకు నెక్లెస్‌రోడ్డులోని ఇందిరాగాంధీ విగ్రహం నుంచి బషీర్‌బాగ్‌లోని ఈడీ కార్యాలయం వరకు భారీ ర్యాలీ నిర్వహిస్తామని, ఇందులో పార్టీ సీనియర్‌ నేతలంతా పాల్గొంటారని చెప్పారు. 22న అన్ని జిల్లా కేంద్రాల్లో కేంద్ర ప్రభుత్వ సంస్థల ముందు నిరసన కార్యక్రమాలు నిర్వహిస్తామన్నారు. కాంగ్రెస్‌ పార్టీని అధికారంలోకి రానివ్వకుండా అడ్డుకోవడానికే సోనియా, రాహుల్‌గాంధీలపై ఈడీ కేసులు పెడుతున్నారని పార్టీ నేతలు గీతారెడ్డి, మల్లు రవి ఆరోపించారు.   

సాక్షి, హైదరాబాద్‌: బంజారాహిల్స్​లోని ర్యాడిసన్ బ్లూ హోటల్​పై టాస్క్‌ఫోర్స్ పోలీసులు దాడులు నిర్వహించిన విషయం తెలిసిందే. ఈ దాడుల్లో పలువురు ప్రముఖుల పిల్లలు ఉన్నట్టు తెలుస్తోంది. వారిలో కాం‍గ్రెస్‌ మాజీ ఎంపీ అంజన్‌ కుమార్‌ యాదవ్‌ కొడుకు అరవింద్‌ కూడా ఉన్నట్టు వార్తలు బయటకు వచ్చాయి.  ఈ నేపథ్యంలో అంజన్‌ కుమార్‌ యాదవ్‌ స్పందిస్తూ..‘‘ నా కుమారుడు బర్త్‌ డే పార్టీకి వెళ్లాడు. ఫ్రెండ్స్‌తో కలిసి వెళ్తే అభాండాలు వేస్తున్నారు. రాజకీయంగా ఎదుగుతున్న మాపై అసత్య ప్రచారాలు చేస్తున్నారు. మా కుటుంబం అలాంటిది కాదు. దీనిలో నిజానిజాలు తేల్చాలి. సిటీలో ఉన్న అన్ని పబ్‌లను మూసివేయాలి. మద్యపాన నిషేధం విధించాలి’’ అని అన్నారు. 

సాక్షి, హైదరాబాద్: హైదరాబాద్‌ నగర కాంగ్రెస్‌కు గడ్డు పరిస్థితి ఏర్పడింది. వరుస ఓటములతో దెబ్బపై దెబ్బ పడుతోంది. పార్టీ భవితవ్యం ప్రశ్నార్థకంగా మారుతోంది. ఇప్పటికే ముఖ్యనేతలు ఒక్కొక్కరు తమ రాజకీయ భవిష్యత్తు కోసం ఇతర పార్టీలకు క్యూ కడుతుండగా, తాజాగా అంజన్‌కుమార్‌ యాదవ్‌ తన పదవికి రాజీనామా చేయడంతో నగర అధ్యక్ష పీఠం కూడా ఖాళీ అయింది. పీసీసీ ప్రమోషన్‌ కోసమే పదవికి రాజీనామా చేశానని అంజన్‌కుమార్‌ పేర్కొంటున్నా.. జీహెచ్‌ఎంసీ అభ్యర్థుల ఎంపిక విషయంలో ఆయనను పక్కన పెట్టడమే అసలు కారణంగా తెలుస్తోంది. మరోవైపు యువజన కాంగ్రెస్‌ జాతీయ కార్యదర్శిగా ఉన్న ఆయన కుమారుడు అనిల్‌ కుమార్‌కు సైతం సరైన ప్రాధాన్యం ఇవ్వక పోవడం లాంటి రాజకీయ పరిస్థితులు రాజీనామాకు దారితీసినట్లు తెలుస్తోంది. కష్టకాలంలో ఒక వైపు అధికార పార్టీ దూకుడు..మరోవైపు పార్టీలో ఆధిపత్య పోరు కోసం కొనసాగుతున్న అంతర్గత కుమ్ములాటలు పార్టీ శ్రేణులను మరింత కుంగతీస్తున్నాయి.  సంస్థాగతంగా... గత ఆరేళ్లుగా కాంగ్రెస్‌ పార్టీ సంస్థాగతంగా బలహీనపడి పరిస్థితి నిర్వీర్యంగా మారింది. తెలంగాణ ఆవిర్భావ సందర్భంగా జరిగిన ఎన్నికల్లో ఘోర పరాజయం పాలుకాగా, అప్పట్లో గ్రేటర్‌ నుంచి గెలిచిన ఎమ్మెల్యేలు పార్టీని వీడి అధికార పక్షంలో చేరగా, గత రెండేళ్ల క్రితం జరిగిన శాసనసభా ఎన్నికల అనంతరం కూడా అదే పరిస్థితి పునరావృతమైంది. కాంగ్రెస్‌ పార్టీ ప్రజా సమస్యలపై దృష్టి సారించి ప్రజల మద్దతు కూడగట్టుకోలేక పోవడంతో పాటు సంస్థాగతంగా బలపడడటంలో కూడా వెనుకబడి.. ఉనికిని కోల్పోయినట్లయింది.  బల్దియా ఓటమి నేపథ్యం..  నగర కాంగ్రెస్‌ పార్టీలో బల్దియా ఎన్నికలు తీవ్ర ప్రభావం చూపాయి. మాజీ మేయర్‌ కార్తీక రెడ్డి, మాజీ ఎమ్మెల్యే భిక్షపతి యాదవ్, ఆయన కుమారుడు రవికుమార్, మాజీ మంత్రి ముఖేశ్‌ గౌడ్‌ కుమారుడు విక్రమ్‌గౌడ్‌ పార్టీకి గుడ్‌బై చెప్పగా, పాతబస్తీ మాజీ కార్పొరేటర్‌ మహ్మద్‌ గౌస్‌ పార్టీకి రాజీనామా చేశారు. అంతకు ముందే అగ్రనేతలతోపాటు పలువురు డివిజన్‌ స్థాయి ముఖ్య నేతలు సైతం పార్టీకి దూరమయ్యారు. మరోవైపు అగ్రనేతలు గూడురు నారాయణరెడ్డి, విజయశాంతి తదితరులు కూడా ఇతర పార్టీల్లో చేరారు. ఇక జీహెచ్‌ఎంసీ ఎన్నికలపై ఎన్నో ఆశలు పెట్టుకున్నప్పటికి అధికార పక్షం ముందు కాంగ్రెస్‌ నిలబడలేపోయింది. తాజా రాజకీయ పరిణామాలతో ప్రదేశ్‌ కాంగ్రెస్‌తో పాటు నగర కాంగ్రెస్‌ రథసారథులు సైతం పదవులకు రాజీనామాలు చేయడంతో పార్టీ భవితవ్యం ప్రశ్నార్థంకంగా తయారైంది.

సాక్షి, హైదరాబాద్‌: దుబ్బాక ఉపఎన్నికలో దుమ్ములేపాలని భావించిన కాంగ్రెస్ పార్టీ‌.. మూడో స్థానంతో సరిపెట్టుకోవాల్సి వచ్చింది. ఇక రానున్న జీహెచ్‌ఎంసీ ఎన్నికల్లో గట్టిగా కొట్లాడదామని భావిస్తే.. నాయకులు ఒక్కొక్కరుగా ‘హస్తా’నికి హ్యాండ్‌ ఇస్గున్నారు. ఇప్పటికే మాజీ ఎమ్మెల్యే భిక్షపతియాదవ్‌, శేరిలింగంపల్లి ఇన్‌ఛార్జ్‌ రవికుమార్‌యాదవ్‌లు కాంగ్రెస్‌కు రాజీనామా చేసిన సంగతి తెలిసిందే. తాజాగా నగర‌ అధ్యక్షుడు అంజన్‌కుమార్‌ యాదవ్‌ కూడా అలిగినట్లు సమాచారం. గాంధీభవన్‌లో జరిగిన ఎన్నికల సమావేశానికి అంజన్‌ కుమార్‌ డుమ్మాకొట్టారు. తనకు సమాచారం ఇవ్వకుండా టికెట్లు కేటాయిస్తున్నారని అధిష్టానంపై అంజన్‌ కుమార్‌ గుర్రుగా ఉన్నట్లు తెలుస్తోంది. ఇక కాంగ్రెస్‌కు రాజీనామా చేసిన మాజీ ఎమ్మెల్యే భిక్షపతి యాదవ్‌, రవికుమార్‌ యాదవ్‌ బీజేపేలో చేరేందుకు ప్రయత్నిస్తున్నట్లు సమాచారం. ఇప్పటికే హైదరాబాద్‌ మాజీ మేయర్‌ బండ కార్తీక రెడ్డి కాంగ్రెస్‌ పార్టీకి రాజీనామా చేసి బీజేపీలో చేరిన సంగతి తెలిసిందే. (చదవండి: ఆశావహులకు బీజేపీ ఎర.. కాంగ్రెస్‌ దూకుడు!)

సాక్షి, హైదరాబాద్ :  సచివాలయ ఆవరణలో నల్ల పోచమ్మ ఆలయం, మసీదులు కూల్చివేతలకు బాధ్యులైన ముఖ్యమంత్రి కేసీఆర్‌పై క్రిమినల్ కేసు నమోదు చేయాలని కాంగ్రెస్ పార్టీ డిమాండ్‌ చేసింది. ఈ మేరకు ఏఐసీసీ అధికార ప్రతినిధి శ్రావన్ దాసోజు, గ్రేటర్ హైదరాబాద్ కాంగ్రెస్ అధ్యక్షులు, మాజీ ఎంపీ శ్రీ అంజన్ కుమార్ యాదవ్ ఆధ్వర్యంలో శుక్రవారం హైదరాబాద్ జిల్లా కలెక్టర్ శ్వేతా మహంతి, గవర్నర్ తమిళిసై సౌందరరాజన్‌కి వినతి పత్రం ఇచ్చారు. అనంతరం శ్రవణ్ దాసోజు మీడియాతో మాట్లాడుతూ.. ప్రజల మనోభావాలను, మత పరమైన విశ్వాసాలను గాయపరుస్తూ ముఖ్యమంత్రి కల్వకుంట్ల చంద్రశేఖర్రావు చట్ట విరుద్ధంగా, రాజ్యంగానికి వ్యతిరేకంగా నియంతత్వ పోకడలతో వ్యవహరిస్తోందని మండిపడ్డారు. అత్యంత ప్రాచీనమైన ప్రార్థనా స్థలాలను మూడో కంటికి తెలియకుండా చట్ట వ్యతిరేకంగా దుర్మార్గంగా కూల్చివేశారని విమర్శించారు. వీటిలో ఓమసీదు 1889 వ సంవత్సరంలో ఆనాటి నిజాం రాజు నిర్మించిన తెలంగాణ వారసత్వ సంపద అని, అంతేకాకుండా సీ బ్లాక్ పక్కనే ఉన్న మసీదు ఇఫ్తార్ - ఏ - ముతామాది కాంగ్రెస్ ప్రభుత్వ హయాంలో నిర్మించిన ప్రార్థనా మందిరమని గుర్తుచేశారు. మతపరమైన మనోభావాలను రెచ్చగొడుతున్న వారిపై చట్టపరమైన చర్యలు తీసుకోవాలన్నారు. ఈ కార్యక్రమంలో నాంపల్లి కాంగ్రెస్ ఇంచార్జ్ ఫిరోజ్ ఖాన్, కాంగ్రెస్ పార్టీ  మైనారిటీ సెల్ చైర్మన్ సోహైల్ పాల్గొన్నారు.

సాక్షి, హైదరాబాద్‌: ప్రధాని నరేంద్ర మోదీ ప్రజా వ్యతిరేక ఆర్థిక విధానాలపై డిసెంబర్ మొదటి వారంలో ఢిల్లీలో ఆందోళన కార్యక్రమం చేపట్టనున్నామని ఏఐసీసీ రాష్ట్ర ఇంచార్జి ఆర్సీ కుంతియా పేర్కొన్నారు. హైదరాబాద్‌ సిటీ కాంగ్రెస్ అధ్యక్షులు అంజన్‌కుమార్ యాదవ్ అధ్యక్షతన బుధవారం ఇందిరా భవన్‌లో జరిగిన సమావేశంలో ఆయన మాట్లాడుతూ.. ప్రధాని మోదీ, సీఎం కేసీఆర్‌లు బడే భాయ్‌.. ఛోటా భాయ్‌లా వ్యవహరిస్తున్నారని విమర్శించారు. కేసీఆర్ సచివాలయాన్ని కూల్చి వేయాలని చూస్తుంటే .. మోదీ పార్లమెంట్ కూల్చాలని చూస్తున్నారని ఆరోపించారు. దేశ ఆర్థిక పరిస్థితిపై కేంద్ర మంత్రులు బాధ్యతారాహిత్యంగా మాట్లాడుతున్నారని మండిపడ్డారు.  అదే విధంగా కేంద్ర మంత్రి రవిశంకర్ ప్రసాద్ దేశ ఆర్థిక పరిస్థితిని హృతిక్‌ రోషన్ సినిమా కలెక్షన్లతో పోల్చడాన్ని కుంతియా తప్పుబట్టారు. ఆర్టీసీ సమ్మెపై కోర్టు ఇచ్చిన ఆదేశాలను సైతం కేసీఆర్ పట్టించుకోక పోవడంపై ధ్వజమెత్తారు. రాష్ట్రంలో మెజార్టీ రైతులకు రైతుబంధు డబ్బులు అందలేదన్నారు. అబ్దుల్లాపూర్‌మెట్ తహసీల్దార్‌ విజయారెడ్డి హత్యను తీవ్రంగా ఖండిస్తున్నామని, నిజాయితీగా పనిచేసే అధికారులకు రక్షణ కల్పించాల్సిన బాధ్యత ప్రభుత్వానికి ఉందన్నారు. అదేవిధంగా ఈనెల 8న రాష్ట్ర వ్యాప్తంగా అన్ని జిల్లా కలెక్టర్ కార్యాలయాల ఎదుట ఆందోళనలతో పాటు 16న హైదరాబాద్‌లో భారీ ర్యాలీ నిర్వహిస్తామని తెలిపారు.   కర్ణాటక మాజీ మంత్రి హెచ్‌కే పాటిల్ మాట్లాడుతూ.. బీజేపీ పాలనలో దేశ ఆర్థిక వ్యవస్థ సంక్షోభంలో ఉందని, తక్షణమే ఆర్థిక ఎమర్జెన్సీని ప్రకటించాల్సిన అవసరం ఉందన్నారు. దేశ ఆర్థిక పరిస్థితి కంటే పాకిస్థాన్, బంగ్లాదేశ్ ఆర్థిక పరిస్థితి మెరుగ్గా ఉందని అభిప్రాయపడ్డారు. తెలంగాణలోని అన్ని జిల్లాల్లో మోదీ ప్రజా వ్యతిరేక ఆర్థిక విధానాలను జనంలోకి ఉద్యమ రూపంలో తీసుకెళ్లేందుకు కాంగ్రెస్‌ పార్టీ ఇప్పటికే కార్యాచరణ రూపొందించిందని చెప్పారు. దేశంలో నిరుద్యోగులకు ఉపాధి కల్పన కోమాలో.. వ్యవసాయ రంగంలో వృద్ధి రేటు వెంటిలేటర్‌పై ఉందంటూ ఎద్దేవా చేశారు. మోదీ విధానాలు అన్నీ సామాన్యులకు వ్యతిరేకంగా ఉండడంతో.. పారిశ్రామిక వృద్ధి రేటు గణనీయంగా పడిపోయిందని ఆరోపించారు. కాంగ్రెస్‌ పార్టీ ముఖ్య నాయకులు ఆర్‌సీ కుంతియా, హెచ్‌కే పాటిల్‌, భట్టి విక్రమార్క, జానా రెడ్డి, మర్రి శశిధర్ రెడ్డి, బోసు రాజు, దాసోజు శ్రవణ్, బొల్లు కిషన్, కోదండ రెడ్డి తదితరులు ఈ సమావేశానికి హాజరయ్యారు. 

సాక్షి,సిటీబ్యూరో: కాంగ్రెస్‌ పార్టీ నగర నూతన అధ్యక్షుడిగా మాజీ ఎంపీ అంజన్‌కుమార్‌ యాదవ్‌ నియమితులయ్యారు. మేడ్చల్‌–మల్కాజిగిరి జిల్లాకు మాజీ ఎమ్మెల్యే కూనశ్రీశైలంగౌడ్, రంగారెడ్డి జిల్లాకు చల్లా నర్సింహారెడ్డిని కాంగ్రెస్‌ అధిష్ఠానం నియమించింది. ఈ ముగ్గురు నాయకులు పార్టీలోసీనియర్లు కావడంతో పాటు సుదీర్ఘ రాజకీయ అనుభవం ఉన్నవారే. ప్రస్తుతం హైదరాబాద్‌ సిటీ అధ్యక్షుడిగా కొనసాగుతున్న అంజన్‌కుమార్‌ యాదవ్‌కు మరో అవకాశం ఇచ్చారు. ఈయన సికింద్రాబాద్‌ పార్లమెంట్‌ సెగ్మెంట్‌ నుంచి 2004, 2009 ఎన్నికల్లో వరుస విజయాలు సాధించారు. మేడ్చల్‌ జిల్లా బాధ్యతలు తీసుకోనున్న మాజీ ఎమ్మెల్యే కూన శ్రీశైలంగౌడ్‌  గతంలో కుత్బుల్లాపూర్‌ నుంచి ఎమ్మెల్యేగా గెలిచి పోలీస్‌ హౌసింగ్‌ కార్పొరేషన్‌ చైర్మన్‌గా పనిచేశారు. అదే నియోకజవర్గం నుంచి ఇటీవలి ఎన్నికల్లో పోటీచేసి ఓటమి చెందారు. గురువారం  అంజన్‌కుమార్, శ్రీశైలంగౌడ్‌ ‘సాక్షి’ ప్రతినిధితో మాట్లాడుతూ.. మహానగరంలో కాంగ్రెస్‌ పార్టీకి మళ్లీ 2004 నాటికి వైభవం తీసుకువస్తామని, వచ్చే లోక్‌సభ ఎన్నికల్లో నగరంలో సత్తా చాటుతామని తెలిపారు. పార్టీకి దూరమైన వారితో పాటు అన్ని వర్గాలను కలుపుకుని ముందుకు వెళతామని ప్రకటించారు.  రంగారెడ్డి జిల్లా కాంగ్రెస్‌ కమిటీకి కొత్త సారథిగా నియమితులైన చల్లా నర్సింహారెడ్డి గతంలో సరూర్‌నగర్‌ నుంచి జెడ్పీటీసీగా గెలిచారు. రంగారెడ్డి జిల్లా కాంగ్రెస్‌ పగ్గాలు అందుకోవడం కోసం చల్లాతో పాటు జెడ్పీ కాంగ్రెస్‌ ఫ్లోర్‌లీడర్‌ ఏనుగు జంగారెడ్డి, మాజీ ఎంపీపీ మల్‌రెడ్డి రాంరెడ్డి, కాంగ్రెస్‌ సీనియర్‌ నేతలు వేణుగౌడ్, దండెం రాంరెడ్డి పోటీపడ్డారు. అయితే, ఇందులో చివరి వరకు చల్లా, జంగారెడ్డి పేర్లను అధిష్టానం పరిశీలించినప్పటికీ, నర్సింహారెడ్డి వైపే మొగ్గు చూపింది. జిల్లా నుంచి ప్రాతినిథ్యం వహిస్తున్న ఇద్దరు ఎమ్మెల్యేలు సబితా ఇంద్రారెడ్డి, దేవిరెడ్డి సుధీర్‌రెడ్డి చల్లా నాయకత్వాన్ని సిఫార్సు చేశారు. ఈమేరకు ఆయన పేరును ప్రతిపాదిస్తూ పీసీసీకి లేఖ రాశారు. దీంతో ఆయన సారథ్యానికి అధిష్టానం పచ్చజెండా ఊపింది. మహేశ్వరం నియోజకవర్గం జిల్లెలగూడకు చెందిన చల్లా నర్సింహారెడ్డి 1984లో కాంగ్రెస్‌కు అనుబంధంగా ఉన్న ఎన్‌ఎస్‌యూఐలో జిల్లా ప్రధాన కార్యదర్శిగా పనిచేశారు. 1988 నుంచి 1991 వరకు జిల్లెలగూడ గ్రామ అధ్యక్షుడిగా, 1991 నుంచి 1994 వరకు జిల్లా యూత్‌ కాంగ్రెస్‌ ప్రధాన కార్యదర్శిగా, 1994 నుంచి 2002 వరకు సరూర్‌నగర్‌ మండల అధ్యక్షుడిగా, 2002–2009 మధ్య మలక్‌పేట్‌ అసెంబ్లీ బి–బ్లాక్‌ అధ్యక్షుడిగాను, అనంతరం రాష్ట్ర పీసీసీ కార్యదర్శిగా ఉన్నారు. అదేవిధంగా 1988లో జిల్లెగూడ గ్రామ ఉప సర్పంచ్‌గాను, 1994లో సర్పంచ్‌గా, 2001లో సరూర్‌నగర్‌ మండల జడ్పీటీసీగా ఉన్నారు. డీసీసీ పదవిని ఆశించిన ఏనుగు జంగారెడ్డి.. తనను ఎంపిక చేయకపోతే పార్టీకి రాజీనామా చేస్తానని హెచ్చరించిన సంగతి తెలిసిందే. తాజాగా చల్లా పేరును అధిష్టానం అధికారికంగా ప్రకటించిన తరుణంలో ఆయన ఎలాంటి నిర్ణయం తీసుకుంటారో వేచిచూడాల్సిందే! 

సాక్షి, హైదరాబాద్‌: మాజీ ఎంపీ అంజన్‌కుమార్‌ యాదవ్‌ వారసుడిగా కాకుండా ఏఐసీసీ అధ్యక్షుడు రాహుల్‌గాంధీ ప్రవేశపెట్టిన విధానంలో రెండు పర్యాయాలు యువజన కాంగ్రెస్‌ కమిటీకి ఎన్నికయ్యానని, యువజన కాంగ్రెస్‌ రాష్ట్ర అధ్యక్షుడిగా అసెంబ్లీ ఎన్నికల్లో ముషీరాబాద్‌ టికెట్‌ అభ్యర్థిస్తున్నానని అనిల్‌కుమార్‌ అన్నారు. సామాన్య ఎన్‌ఎస్‌యూఐ కార్యకర్తగా రాజకీయాల్లోకి ప్రవేశించి, యువజన కాంగ్రెస్‌ రాష్ట్ర అధ్యక్షుడి స్థాయి వరకు ఎదిగి రాష్ట్రవ్యాప్తంగా యువజన చైతన్యయాత్ర చేపట్టానని పేర్కొన్నారు. క్రమశిక్షణ గల కార్యకర్తగా టికెట్‌ ఆశించడంలో తప్పేంటని ప్రశ్నించారు. బుధవారం ఓల్డ్‌ ఎమ్మెల్యే క్వార్టర్స్‌లో ఏర్పాటు చేసిన విలేకరుల సమావేశంలో ఆయన మాట్లాడారు. ముషీరాబాద్‌ నియోజకవర్గంలో తనకు గట్టి పట్టు ఉందని, స్థానిక సమస్యలపై మంచి అవగాహన ఉందని, ఎన్నికల బరిలో దిగి తప్పనిసరిగా విజయం సాధిస్తానని అన్నారు. రాష్ట్రంలో కాంగ్రెస్‌ పార్టీ ప్రభంజనం వీస్తోందని, ఎన్నికల్లో విజయం ఖాయమని ధీమా వ్యక్తం చేశారు. కాంగ్రెస్‌ హామీలకు దక్షిణ భారతదేశ బడ్జెట్‌ చాలదని, నిరుద్యోగభృతి అసలు సాధ్యంకాదని ఇదివరకు పేర్కొన్న కేసీఆర్‌ తమ మేనిఫెస్టోలోని అంశాలను ఎలా ప్రకటించారని ప్రశ్నించారు. ఓటమి భయంతోనే కాంగ్రెస్‌ మేనిఫెస్టోను కాపీ కొట్టారన్నారు. కాంగ్రెస్‌ ప్రకటించిన నిరుద్యోగభృతికి 16 రూపాయలు అదనంగా పెంచి ప్రకటించారని, అదే టీఆర్‌ఎస్‌ లక్కీ నంబరైతే, ఆ పార్టీ ఈ ఎన్నికల్లో 16 సీట్లకే పరిమితమవుతుం దని ఆయన జోస్యం చెప్పారు. 

హైదరాబాద్‌: కాంగ్రెస్‌ పార్టీ గౌరవ అధ్యక్షురాలు సోనియా గాంధీ దయ వల్లే తెలంగాణ ఏర్పాటు అయిందని కాంగ్రెస్‌ పార్టీ తెలంగాణ వ్యవహారాల ఇంచార్జి ఆర్‌సీ కుంతియా వ్యాక్యానించారు. ఆదివారం ముషీరాబాద్‌ చౌరస్తాలో కాంగ్రెస్‌ సీనియర్‌ నేత అంజన్‌ కుమార్‌ యాదవ్‌ ఆధ్వర్యంలో ఇంటింటికీ కాంగ్రెస్‌ పాదయాత్ర ప్రారంభించారు. ఈ కార్యక్రమానికి ఆర్‌సీ కుంతియాతో పాటు కాంగ్రెస్‌ నేతలు షబ్బీర్‌ అలీ, బోసురాజు తదితరులు పాల్గొన్నారు. ఈ సందర్భంగా కుంతియా మాట్లాడుతూ.. యువకులు, విద్యార్థుల బలిదానం చూసి చలించి సోనియా తెలంగాణ ఇచ్చిందని వెల్లడించారు. ఇద్దరు టీఆర్‌ఎస్‌ ఎంపీలతో తెలంగాణ ఏర్పడుతుందా అని ప్రశ్నించారు. కేసీఆర్‌ 9 నెలల ముందు ఎన్నికలకు ఎందుకు వెళ్తున్నారని ప్రశ్నించారు. ముస్లింలకు, ఎస్టీలకు రిజర్వేషన్‌ ఇస్తానని ఎందుకు ఇవ్వలేదని సూటిగా అడిగారు. మోదీ, ఎన్‌డీఏ గ్రాఫ్‌ తగ్గుతోంది..రాహుల్‌ గ్రాఫ్‌ పెరుగుతోందని వ్యాఖ్యానించారు. మోదీతో కేసీఆర్‌ ఒప్పందం చేసుకుని కుమ్మక్కయ్యారని ఆరోపించారు. షబ్బీర్‌ అలీ మాట్లాడుతూ..హైదరాబాద్‌ని అన్నిరంగాల్లో అభివృద్ధిని చేసింది కాంగ్రెస్‌ పార్టీయేనని అని వ్యాఖ్యానించారు. కేసీఆర్‌ నెంబర్‌ వన్‌ పిట్టలదొర అని ఎద్దేవా చేశారు. కేసీఆర్‌ మాటలే చెబుతాడు తప్ప..చేతలుండవన్నారు.  ఏఐసీసీ నేత బోసురాజు మాట్లాడుతూ..గ్రేటర్‌ హైదరాబాద్‌కు సెపరేట్‌గా మేనిఫెస్టో సబ్‌ కమిటీ వేస్తామని తెలిపారు. గ్రేటర్‌ సమస్యలపై సబ్‌కమిటీ చర్చిస్తుందన్నారు. 15 నియోజకవర్గాల్లో పాదయాత్ర కొనసాగుతుందన్నారు. అంజన్‌ కుమార్‌ యాదవ్‌ మాట్లాడుతూ..తెలంగాణ ఇచ్చింది..తెచ్చింది కాంగ్రెస్సేనని, తెలంగాణాకు అందరూ సపోర్ట్‌ చేసినా అసదుద్దీన్‌ ఓవైసీ తెలంగాణ వద్దన్నారని విమర్శించారు. గ్రేటర్లో 15 నియోజకవర్గాల్లో పాదయాత్ర కొనసాగుతుందని తెలిపారు.  

సాక్షి, సిటీబ్యూరో: ‘ముందస్తు’ ఎన్నికల్లో పాతబస్తీలో కాంగ్రెస్‌ జెండా ఎగరేస్తామని, మజ్లిస్‌ కంచుకోటను బద్దలు కొడతామని ఆ పార్టీ నగర అధ్యక్షుడు అంజన్‌కుమార్‌ యాదవ్‌  ధీమా వ్యక్తం చేశారు. పాతబస్తీలో బలమైన అభ్యర్థులను బరిలో నిలుపుతామని చెప్పారు. పార్టీ సిటీ కార్యాలయంలో గురువారం ఆయన ‘సాక్షి’తో మాట్లాడారు. పాతబస్తీ ఏదో ఒక్క పార్టీ సొత్తు కాదని... ఇప్పటి వరకు దానిపై సీరియస్‌గా దృష్టి సారించలేదని, ఈ ఎన్నికల్లో తాడోపేడో తెల్చుకుంటామన్నారు. మిత్రపక్షాలతో కలిసి నగరంలో క్లీన్‌స్వీప్‌ చేస్తామని జోస్యం చెప్పారు. కాంగ్రెస్‌ ఒక్కటే సెక్యూలర్‌ పార్టీ అని... మజ్లిస్, టీఆర్‌ఎస్, బీజేపీ మూడూ ఒక్కటేనని ఆరోపించారు. మజ్లిస్‌ టీఆర్‌ఎస్‌కు సహకరిస్తోందని, టీఆర్‌ఎస్‌ బీజేపీకి సహకరిస్తోందని దుయ్యబట్టారు. ప్రధాని ఆమోదంతోనే కేసీఆర్‌ ముందుస్తు ఎన్నికలకు సిద్ధమయ్యాడని అన్నారు. అసెంబ్లీ ఎన్నికల అనంతరం జరిగే పార్లమెంట్‌ ఎన్నికల్లో టీఆర్‌ఎస్‌... బీజేపీతో జత కట్టడం ఖాయమని పేర్కొన్నారు. దీంతో మజ్లిస్, టీఆర్‌ఎస్‌లకు ఓటు వేస్తే బీజేపీకి వేసినట్లేనన్నారు.   అక్కడందరూ తెలంగాణ ద్రోహులే... టీఆర్‌ఎస్‌లో రాజ్యమేలుతోంది తెలంగాణ ద్రోహులేనని అంజన్‌కుమార్‌ యాదవ్‌ ఆరోపించారు. రాష్ట్ర ఏర్పాటును తీవ్రంగా వ్యతిరేకించిన మజ్లిస్‌... టీఆర్‌ఎస్‌కు మిత్రపక్షమైందన్నారు. తెలంగాణ ద్రోహులైన తుమ్మల, తలసాని తదితరులకు మంత్రి పదవులిచ్చి అందలం ఎక్కించిన ఘనత టీఆర్‌ఎస్‌కే దక్కుతుందన్నారు. ఉద్యమంలో భాగస్వామలైన వారికి, అమరులకు ఎలాంటి గౌరవం లేకుండా పోయిందన్నారు. రాష్ట్ర ఏర్పాటు కోసం పార్లమెంట్‌లో గళం విప్పింది కాంగ్రెస్‌ ఎంపీలేనన్నారు. తాను ఎంపీగా ఉన్నప్పుడు 12సార్లు పార్లమెంట్‌ను అడ్డుకున్నామని గుర్తు చేశారు. ‘తెలంగాణ ఇచ్చింది... తెచ్చింది కాంగ్రెస్‌ పార్టీ అన్నారు. కేసీఆర్‌ ఒక్కడితోనే సాధ్యం కాలేదన్నారు. రాష్ట్రం ఏర్పాటు అనంతరం మాయమాటలతో అధికారంలో వచ్చిన టీఆర్‌ఎస్‌ ఉద్యమ ఆకాంక్షలను నేరవేర్చడంలో పూర్తిగా విఫలమైందన్నారు. ముందస్తు ఎన్నికల్లో చీటింగ్‌ టీఆర్‌ఎస్‌కు డిపాజిట్‌లు కూడా రావన్నారు.   అన్నింట్లో వైఫల్యం...   నాలుగున్నరేళ్ల పాలనలో టీఆర్‌ఎస్‌ నగరాభివృద్ధికి చేసింది ఏమిటని ప్రశ్నించారు. వాగ్దానాల అమలుకు సంబంధించి కేసీఆర్‌ అన్నింటా వైఫల్యమయ్యారని అన్నారు. పాత నగరాన్ని ఇస్తాంబుల్‌ చేస్తామని మభ్య పెట్టాడన్నారు. మెట్రో, కృష్ణ జలాల ఘనత కాంగ్రెస్‌ పార్టీదేనని, పనులు పూర్తయిన తర్వాత ప్రారంభించడంలో గొప్పేమిటని ప్రశ్నించారు. చిత్తశుద్ధి ఉంటే పాత నగరానికి మెట్రోను విస్తరించాలన్నారు.   కార్యకర్తలకు పెద్దపీట...   రానున్న ప్రభుత్వం కాంగ్రెస్‌దేనని అంజన్‌కుమార్‌ యాదవ్‌ ధీమా వ్యక్తం చేశారు. పార్టీ విజయం కోసం కష్టపడే వారికి తగిన గుర్తింపు ఉంటుందన్నారు. నగరంలోని 15 అసెంబ్లీ స్థానాల టికెట్‌ల కోసం సుమారు 100 మంది దరఖాస్తు చేసుకున్నారని, సర్వే ప్రకారం గెలుపు గుర్రాలకు అవకాశం రావడం ఖాయమన్నారు. ఎన్నికల్లో సమర్థులను బరిలో దింపుతామని, టికెట్‌ ఆశించి భంగపడ్డ వారు నిరాశ పడకుండా పార్టీ కోసం పని చేయాలని సూచించారు. కష్టకాలంలో పనిచేసిన వారిని పార్టీ మరవదని, అధికారంలోకి రాగానే తగిన గుర్తింపు ఇస్తామని భరోసా ఇచ్చారు. 

సాక్షి, హైదరాబాద్‌: కాంగ్రెస్‌లో కొత్త కిరికిరి మొదలైంది! మాజీ క్రికెటర్‌ అజహరుద్దీన్‌ ఓ వార్తాసంస్థకు ఇచ్చిన ఇంటర్వ్యూలో చేసిన వ్యాఖ్యలు పార్టీలో రచ్చకు దారి తీశాయి. తాను ఈసారి సికింద్రాబాద్‌ లోక్‌సభ స్థానం నుంచి బరిలో ఉంటానని ఆయన బహిరంగంగా ప్రకటించడంతో ఇక్కడ్నుంచి గతంలో ప్రాతినిధ్యం వహించిన అంజన్‌కుమార్‌ యాదవ్‌ భగ్గుమన్నారు. ఏఐసీసీ కార్యదర్శులు, టీపీసీసీ అధ్యక్షుడి సమక్షంలోనే ఆవేశంతో ఊగిపోయారు. తనపై పార్టీలో కుట్రలు జరుగుతున్నాయని, వీటిని కొంద రు ప్రోత్సహిస్తున్నారని ఆరోపించారు. సోమవారం గాంధీభవన్‌లో జరిగిన నగర కాంగ్రెస్‌ సమావేశంలో ఆయన మాట్లాడుతూ.. మాజీ ఎంపీ అజహరుద్దీన్‌పై విరుచుకుపడ్డారు. ఎవరెన్ని కుట్రలు చేసినా, తాను సికింద్రాబాద్‌ నుంచే బరిలో ఉంటానని స్పష్టం చేశారు. అజహరుద్దీన్‌కు దమ్ముంటే హైదరాబాద్‌ పార్లమెంటు స్థానం నుంచి పోటీ చేయవచ్చని సవాల్‌ విసి రారు. అంజన్‌కుమార్‌ మాట్లాడుతుండగానే మాజీ ఎంపీ వీహెచ్‌ సమావేశం నుంచి వెళ్లిపోవడం చర్చనీయాంశమైంది. సికింద్రాబాద్‌ లోక్‌సభ విషయంలో జరుగుతున్న వివాదమే పలు లోక్‌సభ నియోజకవర్గాల్లో నెలకొనడం గమనార్హం. ఒక్కో నియోజకవర్గం నుంచి నలుగురైదుగురు పోటీ పడుతుండటం చూస్తుంటే టికెట్ల సమయంలో తల నొప్పులు తప్పేలా లేవన్న చర్చ జరుగుతోంది. కొన్ని చోట్ల పార్టీ బరిలోకి దింపాలని భావిస్తున్న అభ్యర్థులు పోటీకి సుముఖంగా లేకపోవడం గమనార్హం. టికెట్లు ఆశిస్తున్న వారి వివరాలివీ.. ♦  మహబూబ్‌నగర్‌ పార్లమెంటు స్థానం నుంచి కేంద్ర మాజీ మంత్రి జైపాల్‌రెడ్డి మళ్లీ పోటీ చేస్తారని అంటున్నారు. మాజీ మంత్రి డీకే అరుణ తన కుమా ర్తె శ్రుతిని బరిలోకి దింపాలనే యోచనలో ఉన్నారు. మాజీ ఎమ్మెల్యే చల్లా వెంకట్రామిరెడ్డి పేరు కూడా వినిపిస్తోంది. ఇక్కడ్నుంచి బీసీలకు సీటు ఇవ్వాల్సి వస్తే రాష్ట్ర ఓబీసీ సెల్‌ చైర్మన్‌ చిత్తరంజన్‌ దాస్‌ అభ్యర్థిత్వాన్ని పరిశీలించే అవకాశముంది. ♦ నాగర్‌కర్నూల్‌ నుంచి నంది ఎల్లయ్య ప్రాతినిధ్యం వహిస్తున్నారు. ఆయన వయసు, ఆరోగ్యం రీత్యా ఈసారి పోటీ చేయకుంటే మాజీ ఎంపీ మల్లు రవి బరిలోకి దిగడం ఖాయంగా కనిపిస్తోంది. ఆయన గతంలో పోటీచేసిన జడ్చర్ల స్థానంలో జనరల్‌ అభ్యర్థిని నిలబెట్టే అవకాశాలున్నాయి. ♦నల్లగొండ పార్లమెంటు స్థానం నుంచి సీఎల్పీ ఉపనేత కోమటిరెడ్డి వెంకటరెడ్డి పోటీ చేయాలనే ఆలోచనలో ఉన్నారు. సీఎం కేసీఆర్‌ నల్లగొండ పార్లమెంట్‌ నుంచి పోటీ చేస్తే తాను కాంగ్రెస్‌ నుంచి బరి లో ఉండి ఓడిస్తానని ఆయన ఇప్పటికే ప్రకటించారు. ఈయనతో పాటు సీఎల్పీ నేత జానారెడ్డి పేరు కూడా వినిపిస్తోంది. అయితే జానా నాగార్జునసాగర్‌ అసెంబ్లీ స్థానం నుంచే పోటీ చేస్తారని అంటున్నారు. టీపీసీసీ ప్రధాన కార్యదర్శి దాసోజు శ్రవణ్‌ కూడా నల్లగొండ లోక్‌సభ సీటును ఆశిస్తున్నారు. ♦ భువనగిరి పార్లమెంటు సీటు నుంచి మాజీ ఎంపీ కోమటిరెడ్డి రాజగోపాల్‌రెడ్డి బరిలో ఉన్నారు. ఆయ న సోదరుడు వెంకటరెడ్డి నల్లగొండ లోక్‌సభ నుంచి పోటీచేస్తే రాజగోపాల్‌ అసెంబ్లీ బరిలో ఉంటారు. అప్పుడు పీసీసీ మాజీ అధ్యక్షుడు పొన్నాల లక్ష్మయ్య, టీపీసీసీ కోశాధికారి గూడూరు నారాయణరెడ్డిలకు అవకాశం ఉంటుంది. దాసోజు శ్రవణ్‌ కూడా భువనగిరి నుంచి పోటీ చేసేందుకు సిద్ధంగా ఉన్నారు. ♦ చేవెళ్ల పార్లమెంటు సీటు నుంచి గత ఎన్నికల్లో పటోళ్ల కార్తీక్‌రెడ్డి పోటీ చేశారు. ఆయన ఈసారి రాజేంద్రనగర్‌ అసెంబ్లీ స్థానం బరిలో నిలవాలనే ఆలోచనలో ఉన్నందున ఆయన తల్లి, మాజీ మంత్రి సబితా ఇంద్రారెడ్డిని చేవెళ్ల నుంచి పోటీకి దింపాలని హైకమాండ్‌ ఆలోచిస్తోంది. జెడ్పీ మాజీ చైర్మన్‌ కాసాని జ్ఞానేశ్వర్, మాజీ ఎమ్మెల్యే కిచ్చన్నగారి లక్ష్మారెడ్డి కూడా ఈ సీటు ఆశిస్తున్నారు. ♦ మల్కాజ్‌గిరి బరిలో రేణుకా చౌదరి ఉంటారనే ప్రచారం సాగుతోంది. గత ఎన్నికల్లో పోటీ చేసిన సర్వే సత్యనారాయణకు ఈసారి జనరల్‌ సీటు ఇవ్వకపోవచ్చని అంటున్నారు. ఇక్కడి నుంచి పోటీ చేసేందుకు మాజీ ఎమ్మెల్సీ కనుకుల జనార్దనరెడ్డి కూడా ఆసక్తి చూపుతున్నారు.   ♦  ఆదిలాబాద్‌ విషయానికి వస్తే ఆదివాసీలు, లంబాడీల మధ్య వివాదం నేపథ్యంలో గతంలో పోటీచేసిన నరేశ్‌జాదవ్‌కు టికెట్‌ ఇవ్వడంపై తర్జనభర్జనలు జరుగుతున్నాయి. ఆదివాసీల ఉద్యమానికి నేతృత్వం వహిస్తోన్న సోయం బాపూరావు ఇక్కడ్నుంచి బరిలో ఉండే అవకాశాలున్నాయి. ♦  పెద్దపల్లి లోక్‌సభకు గతంలో పోటీచేసిన వివేక్‌ ఇప్పుడు టీఆర్‌ఎస్‌లో ఉన్నారు. ఇక్కడ్నుంచి ప్రస్తు తం తటస్థంగా ఉన్న మాజీ ఎంపీ సుగుణకుమారి పేరు వినిపిస్తోంది. కాంగ్రెస్‌ లేదా ఉమ్మడి ప్రతిపక్షా ల అభ్యర్థిగా ప్రజా గాయకుడు గద్దర్‌ను బరిలోకి దిం పాలనే ఆలోచన కూడా టీపీసీసీ పెద్దల్లో ఉంది. జెడ్పీ మాజీ చైర్మన్‌ అడ్లూరి లక్ష్మణ్‌కుమార్, స్థానిక నేతలు గజ్జెల కాంతం, గోమాస శ్రీనివాస్, గుమ్మడి కుమారస్వామిల పేర్లు కూడా ప్రచారంలో ఉన్నాయి. ♦ కరీంనగర్‌కు పొన్నం ప్రభాకర్, నిజామాబాద్‌కు మధుయాష్కీగౌడ్‌ పేర్లు మాత్రమే వినిపిస్తున్నాయి. ♦  వరంగల్‌ పార్లమెంటు స్థానం నుంచి గతంలో ప్రాతినిధ్యం వహించిన రాజయ్య మళ్లీ బరిలో ఉంటారనే చర్చ జరుగుతోంది. కేంద్ర మాజీ మంత్రి సర్వే సత్యనారాయణ కూడా ఎస్సీ కోటాలో ఈ సీటును ఆశిస్తున్నారు. మాజీ మంత్రి విజయరామారావు పేరు కూడా వినిపిస్తోంది. ♦ మహబూబాబాద్‌ నుంచి కేంద్ర మాజీ మంత్రి బలరాం నాయక్‌ బరిలో ఉండే అవకాశాలున్నాయి. ఎల్‌హెచ్‌పీఎస్‌ నేత బెల్లయ్య నాయక్‌ కూడా పోటీకి ఆసక్తి చూపిస్తున్నారు. ♦  జహీరాబాద్‌ లోక్‌సభ సీటుకు గతంలో పోటీచేసిన సురేశ్‌ షెట్కార్‌ ఈసారి పోటీకి ఆసక్తిగా లేరని తెలుస్తోంది. ఇక్కడ ఇటీవలే పార్టీలో చేరిన మదన్‌మోహన్‌రావును బరిలో దింపే అవకాశాలున్నాయి. ♦ మెదక్‌ నుంచి గతంలో పోటీ చేసిన శ్రవణ్‌రెడ్డి, మాజీ ఎంపీ విజయశాంతి, మాజీ ఉప ముఖ్య మంత్రి దామోదర రాజనర్సింహ సతీమణి పద్మావతి పేర్లు వినిపిస్తున్నాయి. ♦ హైదరాబాద్‌ లోక్‌సభ సీటుకు మాజీ క్రికెటర్‌ అజహరుద్దీనే సరైన అభ్యర్థి అని హైకమాండ్‌ భావిస్తోంది. ఆయన ఇక్కడి నుంచి పోటీచేసేందుకు ఇష్టపడకపోతే గతంలో అసదుద్దీన్‌పై పోటీచేసిన జాహెద్‌ అలీ ఖాన్‌కు మద్దతివ్వడం లేదంటే మరో మైనార్టీ అభ్యర్థి ని బరిలో నిలిపే అంశాలను టీపీసీసీ పరిశీలిస్తోంది. n ఖమ్మం లోక్‌సభ విషయంలో ఇంకా స్పష్టత రా లేదు. సీపీఐతో పొత్తు కుదిరితే ఆ స్థానాన్ని వారికి వదిలేసే అవకాశాలు ఎక్కువగా ఉన్నాయి. పోటీ చేయాల్సి వస్తే రేణుకాచౌదరి, పొంగులేటి సుధాకర్‌రెడ్డి లేదా టీడీపీ మాజీ ఎంపీ నామా నాగేశ్వరరావు (కాంగ్రెస్‌లోకి వస్తే)లో ఒకరు బరిలో ఉండొచ్చు.

సాక్షి, హైదరాబాద్‌ : కాంగ్రెస్‌ పార్టీలో ‘గ్రేటర్‌’ చిచ్చు రాజుకుంది. ఈ చిచ్చు కారణం మాజీ క్రికెటర్‌ మహ్మద్‌ అజహరుద్దీన్‌. సికింద్రాబాద్‌ పార్లమెంట్‌ నియోజకవర్గం నుంచి పోటీ చేస్తానని అజహరుద్దీన్‌ ఇటీవల చేసిన ప్రకటన.. గ్రేటర్‌ కాంగ్రెస్‌లో కల్లోలం రేపుతోంది. ఈ నేపథ్యంలో సోమవారం జరిగిన కాంగ్రెస్‌ పార్టీ గ్రేటర్‌ హైదరాబాద్‌ నాయకుల సమావేశం రసాభాసగా మారింది. అజార్‌ ప్రకటనపై మాజీ ఎంపీ అంజన్‌ కుమార్‌ యాదవ్‌ భగ్గుమన్నారు. సికింద్రాబాద్‌ ఎంపీ స్థానం నుంచి ఈ సారి తానే పోటీ చేయబోతున్నట్లు ఆయన సమావేశంలో స్పష్టం చేశారు. అజహరుద్దీన్‌కు దమ్ముంటే హైదరాబాద్‌ నుంచి అసదుద్దీన్‌ ఒవైసీపై పోటీ చేయాలని సవాల్‌ విసిరారు. అంజన్‌ కుమార్‌ మాట్లాడుతుండగా మాజీ ఎంపీ వీ హనుమంతరావు విసురుగా సమావేశం నుంచి బయటకు వెళ్లిపోయారు. ఆ తర్వాత కొద్దిసేపటికే అంజన్‌ కుమార్‌ యాదవ్‌కు మద్దతుగా, అజహరుద్దీన్‌కు వ్యతిరేకంగా కొంతమంది కార్యకర్తలు నినాదాలు చేశారు. పీసీసీ చీఫ్‌ ఉత్తమ్‌కుమార్‌ రెడ్డి నినాదాలు చేస్తున్న కార్యకర్తలకు సర్దిచెప్పే ప్రయత్నం చేసినా వారు వినలేదు. మధ్యలో కల్పించుకున్న మాజీ కేంద్ర మంత్రి సర్వే సత్యనారాయణ.. సికింద్రాబాద్‌ ఎంపీ టిక్కెట్‌ అంజన్‌దేనని, కార్యకర్తలు ఆందోళన చెందవద్దని నచ్చజెప్పారు. మరోవైపు ఈ సమావేశానికి మాజీ మంత్రి ముఖేష్‌గౌడ్‌, ఆయన తనయుడు విక్రమ్‌గౌడ్‌లు హాజరుకాకపోవటం చర్చనీయాంశంగా మారింది.

హైదరాబాద్‌ : 2004లో అంజన్ కుమార్‌ యాదవ్‌ గ్రేటర్‌ హైదరాబాద్‌ కాంగ్రెస్‌ అధ్యక్షుడిగా ఉండటం వల్లే కాంగ్రెస్‌ బ్రహ్మాండమైన మెజారిటీతో గెలిచిందని మాజీ కేంద్ర మంత్రి, సీనియర్‌ కాంగ్రెస్‌ నేత జైపాల్‌ రెడ్డి వ్యాఖ్యానించారు. విలేకరులతో మాట్లాడుతూ..గత 4 ఏళ్లలో  కాంగ్రెస్‌ కొంత పట్టుకోల్పోయింది కానీ అంజన్ నాయకత్వంలో మళ్లీ పూర్వ వైభవం సాధిస్తామన్న నమ్మకం మాకు ఉందని అన్నారు. తెలంగాణ రాష్ర్ట అవతరణ వేడుకలు అన్ని పార్టీల వేడుకగా జరగాలి కానీ కేసీఆర్ సొంత వేడుకలా జరుపుతున్నారని ధ్వజమెత్తారు. మెట్రో ట్రైన్‌ కేసీఆర్‌ సాధించారని చెప్పుకోవడం విడ్డూరంగా ఉందన్నారు. సీఎంగా వైఎస్ఆర్, కేంద్రమంత్రిగా తాను మెట్రో సాంక్షన్ చేయించుకోగలిగామని తెలిపారు. ‘ కేసీఆర్ ఇప్పుడు బీజేపీతో స్నేహం చేస్తున్నారు. అది అక్రమ సంబంధం. ఎన్డీఏ భాగస్వామ్య పక్షాల కంటే ఎక్కువగా వినయం ప్రదర్శిస్తున్నారు. తన అవినీతిపై కేసులు పెడతారేమోనని భయపడుతున్నారు. తాను పెట్రోలియం మంత్రిగా ఉన్నప్పుడు అంతర్జాతీయ ముడి చమురు ధర ఇప్పటికి డబుల్ ఉంది. అయినా ధర తగ్గటం లేదు. బీజేపీ నాయకులు మా చేతుల్లో ఏం లేదంటున్నారు. టాక్సులు పెంచి రేట్లు తగ్గించకుండా ప్రజలను మోదీ వంచిస్తున్నారు. మోదీ టాక్స్ టెర్రరిస్ట్, ఎక్సైజ్ టాక్స్ టెర్రరిస్ట్ లేకపోతే ఈ రేట్లు ఏంటి. 2019లో కాంగ్రెస్ రాహుల్ నాయకత్వంలో మిగిలిన పక్షాలను కలుపుకుని ఎర్రకోటపై జెండా ఎగురవేస్తామ’ ని వ్యాఖ్యానించారు.

సాక్షి, హైదరాబాద్‌: గ్రేటర్‌ హైదరాబాద్‌ కాంగ్రెస్‌ అధ్యక్షుడిగా మాజీ ఎంపీ అంజన్‌కుమార్‌ యాదవ్‌ బాధ్యతలు స్వీకరించారు. ఆదివారం నాంపెల్లి రెడ్‌ రోజ్‌ ఫంక్షన్‌ హాల్‌నుంచి కార్యకర్తలతో కలిసి భారీ ర్యాలీగా గాంధీభవన్‌ చేరుకున్నారు. అనంతరం టీపీసీసీ ఛీప్ ఉత్తమ్‌కుమార్‌రెడ్డి, జానా రెడ్డిల సమక్షంలో బాధ్యతలు స్వీకరించారు. ఈ సందర్భంగా అంజన్‌ కుమార్‌ మాట్లాడుతూ..కాంగ్రెస్‌కు పూర్వ వైభవం తీసుకురావడానికి కృషి చేస్తానన్నారు. త్వరలో నగరం అంతా పాదయాత్ర చేస్తానని ప్రకటించారు. ఈ కార్యక్రమంలో కాంగ్రెస్‌ నేతలు మల్లు భట్టి విక్రమార్క, సర్వేసత్యనారాయణలతో పాటు పార్టీ కార్యకర్తలు పాల్గొన్నారు.

సాక్షి, హైదరాబాద్‌ : తనపై నమ్మకంతో కాంగ్రెస్‌ పార్టీ హైదరాబాద్‌ నగర అధ్యక్షుడిగా నియమించినందుకు ఉత్తమ​ కుమార్‌ రెడ్డికి మాజీ ఎంపీ అంజన్‌ కుమార్‌ యాదవ్‌ కృతజ్ఞతలు తెలిపారు. కాంగ్రెస్‌కు పూర్వ వైభవం తీసుకురావడానికి కృషి చేస్తానన్నారు. తెలంగాణ ఏర్పాటులో కాంగ్రెస్ నాయకులు కృషి చేశారన్న అంజన్‌ కుమార్‌.. సీఎం కేసీఆర్‌కు సిగ్గు, శరం ఉంటే కాంగ్రెస్‌ నేతలకు సన్మానం చేయాలని సూచించారు. ఇంకా చెప్పాలంటే సోనియా గాంధీ లేకుంటే తెలంగాణ రావడం అసాధ్యమని ఆయన పేర్కొన్నారు. ఈవీఎంల ట్యాంపరింగ్‌తో జీహెచ్‌ఎంసీ ఎన్నికల్లో టీఆర్‌ఎస్‌ పార్టీ 99 కార్పొరేట్‌ సీట్లు గెలిచారని ఆరోపించారు. ప్రధాని నరేంద్ర మోదీ, కేసీఆర్‌లపై ప్రజలకు నమ్మకం పోయిందని, నగరమంతా త్వరలో పాదయాత్ర చేస్తానన్నారు. కేసీఆర్ చెప్పకముందే అన్ని కులాలకు ముందే కుల సంఘాలు ఉన్నాయని.. కులాల ప్రకారం తాయిలాలు ప్రకటిస్తూ ప్రజలను కేసీఆర్‌ గందర గోళానికి గురి చేస్తున్నారని విమర్శించారు. నాంపల్లి నుండి గాంధీభవన్ వరకు భారీ ర్యాలీతో వేలమందితో గాంధీ భవన్‌ వెళ్లి అక్కడ సభ నిర్వహిస్తామన్నారు. దళితులకు 3 ఎకరాలు ఇస్తానని, పేదలకు డబుల్ బెడ్ రూమ్ ఇళ్లు ఇస్తానని హామీలిచ్చి కేసీఆర్‌ మోసం చేశారని ఆరోపించారు. రాష్ట్ర ప్రజలను మోసం చేసిన కేసీఆర్‌కు పాపం తగులుతుందన్నారు అంజన్‌ కుమార్‌ యాదవ్‌.

సాక్షి, న్యూఢిల్లీ: సార్వత్రిక ఎన్నికలు సమీపిస్తుండటంతో కాంగ్రెస్‌ పార్టీలో సంస్థాగత నియామకాల భర్తీని వేగవంతం చేసింది. అందులో భాగంగానే ఏఐసీసీ చీఫ్‌ రాహుల్‌ గాంధీ పలు తెలంగాణ జిల్లా కాంగ్రెస్‌ కమిటీ(డీసీసీ)లకు అధ్యక్షులను నియమించారు. ఈ మేరకు ఏఐసీసీ సెక్రటరీ అశోక్‌ గెహ్లాట్‌ శుక్రవారం ఒక అధికారిక ప్రకటన విడుదల చేశారు. ప్రస్తుతానికి 13 డీసీసీలకుగానూ అధ్యక్షుల పేర్లను ప్రకటించారు. వారిలో చాలా వరకు పాతముఖాలే. కాగా, కీలకమైన హైదరాబాద్‌ డీసీసీ పీఠం.. మాజీ ఎంపీ అంజన్‌ కుమార్‌ యాదవ్‌కు దక్కింది. మాజీ మంత్రి దానం నాగేందర్‌ స్థానంలో అంజన్‌ను నియమించారు. ఒకదశలో అంజన్‌ గులాబీ గూటికి చేరుతారన్న వార్తలు జోరుగా వినిపించిన సంగతి తెలిసిందే. బీజేపీతో విడాకులు తీసుకుని టీడీపీ.. వచ్చే ఎన్నికల్లో కాంగ్రెస్‌తో కలిసి పనిచేస్తుందనే ఊహాగానాల నడుమ.. సెటిలర్లు ఎక్కువగా ఉన్న హైదరాబాద్‌ ప్రాంతానికి డీసీసీ అధ్యక్షుడి నియామకంపై సర్వత్రా ఆసక్తి నెలకొంది. రామగుండం సిటీ, కరీంనగర్‌ సిటీ, వరంగల్‌ సిటీలను ప్రత్యేక డీసీసీగా పేర్కొనడం గమనార్హం. డీసీసీ పేరు.. అధ్యక్షులు నిజామాబాద్: తాహెర్ బిన్ హమ్దాన్ కరీంనగర్ : కటకం మృత్యుంజయం ఆదిలాబాద్ : మహేశ్వర రెడ్డి మెదక్ : సునీతా లక్ష్మారెడ్డి రంగారెడ్డి : క్యామ మల్లేశం మహబూబ్ నగర్ : ఓబెదుల్లా కొత్వాల్ నల్గొండ: బిక్షమయ్య గౌడ్ వరంగల్ : రాజేందర్ రెడ్డి నిజామాబాద్ సిటీ  : కేశ వేణు కరీంనగర్ సిటీ : రాజశేఖర్ వరంగల్ సిటీ: శ్రీనివాస రావు రామగుండం సిటీ :లింగస్వామి యాదవ్ హైదరాబాద్ సిటీ : అంజన్ కుమార్ యాదవ్

సాక్షి, హైదరాబాద్‌: రాబోయే ఎన్నికల్లో తెలంగాణతో పాటు కేంద్రంలో కాంగ్రెస్‌ పార్టీ అధికారంలోకి రావడం ఖాయమని కాంగ్రెస్‌ నాయకుడు రేవంత్‌రెడ్డి అన్నారు. సోమవారం సికింద్రాబాద్‌ మాజీ పార్లమెంటు సభ్యులు ఎం. అంజన్‌కుమార్‌ యాదవ్‌ను ఆయన నివాసంలో కలిశారు. యువజన కాంగ్రెస్‌ అధ్యక్షుడు అనిల్‌కుమార్‌ యాదవ్, మాజీ కార్పొరేటర్‌ మహ్మద్‌గౌస్, కాంగ్రెస్‌ పార్టీ నాయకులతో కలిసి పార్టీ పటిష్టత కోసం తీసుకోవాల్సిన చర్యలపై చర్చించారు. ఈ సందర్భంగా రేవంత్‌ మాట్లాడుతూ.. కేసీఆర్‌ తెలంగాణలో నియంతలా వ్యవహరిస్తూ కుటుంబ పాలన సాగిస్తున్నారని విమర్శించారు. తెలంగాణలోని నిరుద్యోగ యువత ఉద్యోగ అవకాశాలు కల్పించేంత వరకు కాంగ్రెస్‌ పార్టీ ఆధ్వర్యంలో పెద్ద ఎత్తున పోరాటాలు నిర్వహిస్తామని హెచ్చరించారు. నగరంలోని కాంగ్రెస్‌ సీనియర్‌ నాయకులతో కలిసి పార్టీ పటిష్టత కోసం తగిన ప్రణాళికలను రూపొందిస్తామన్నారు. తన నివాసానికి వచ్చిన రేవంత్‌రెడ్డికి అంతకుముందు అంజన్‌కుమార్‌ యాదవ్‌ ఘన స్వాగతం పలికారు.


 హైదరాబాద్ : విద్యుత్, ఆర్టీసీ బస్సు ఛార్జీలు పెంపు పేద, మధ్య తరగతి వర్గాలు భరించలేవని తెలంగాణ కాంగ్రెస్ పార్టీ నేతలు అన్నారు. శనివారం విద్యుత్ ఛార్జీల పెంపునకు నిరసనగా నాంపల్లి చౌరస్తాలో టీ.కాంగ్రెస్ పార్టీ నాయకులు శ్రీధర్బాబు, అంజన్కుమార్ యాదవ్, గండ్ర వెంకట రమణారెడ్డి ధర్నా నిర్వహించారు. పెంచిన ఛార్జీలు తగ్గించాలంటూ వారు ఆందోళన చేపట్టారు. ఈ సందర్భంగా వారు టీఆర్ఎస్ ప్రభుత్వంపై నిప్పులు చెరిగారు. పెంచిన ఛార్జీలు తక్షణమే ఉపసంహరించుకోవాలని వారు డిమాండ్ చేశారు.
 ప్రభుత్వం దిగిరాకుంటే ఇతర పార్టీలతో కలసి ఉద్యమాన్ని ఉధృతం చేస్తామని హెచ్చరించారు. బంగారు తెలంగాణ అంటే ఫిరాయింపులను ప్రోత్సహించడం, ఛార్జీలు పెంచడమా అని టీఆర్ఎస్ ప్రభుత్వాన్ని వారు ప్రశ్నించారు. కాంగ్రెస్ నాయకుల ధర్నా నేపథ్యంలో ట్రాఫిక్ భారీగా నిలిచిపోయింది. పోలీసులు రంగ ప్రవేశం చేసి... శ్రీధర్బాబు, అంజన్కుమార్ యాదవ్, గండ్రను పోలీసులు అరెస్ట్ చేశారు. అనంతరం వారిని గోషామహాల్ పీఎస్కు తరలించారు. 


 హైదరాబాద్: అబద్ధాల విశ్వ విద్యాలయం ఏర్పాటు చేస్తే దానికి ముఖ్యమంత్రి కేసీఆర్‌ను వీసీగాను, ప్రొఫెసర్లుగా ఆయన కుమారుడు కేటీఆర్, కూతురు కవితను నియమించాల్సి ఉంటుందని సికింద్రాబాద్ మాజీ ఎంపీ అంజన్‌కుమార్‌యాదవ్ అన్నారు. జీహెచ్‌ఎంసీ ఎన్నికల నేపథ్యంలో సికింద్రాబాద్ పార్లమెంట్ పరిధిలో కాంగ్రెస్ పరిస్థితి, టీఆర్‌ఎస్ ఆకర్ష్ పథకంపై నిన్న విలేకరులతో మాట్లాడారు.
  
 ఈ సందర్భంగా ఆయన మాట్లాడుతూ తన పార్లమెంటు పరిధిలో 35 కార్పొరేటర్ స్థానాల్లో 25 గెలుచుకుంటామని ధీమా వ్యక్తం చేశారు. కేసీఆర్ పూటకో మాటను జనం నమ్మే పరిస్థితుల్లో లేరని, తెలంగాణ తెచ్చింది తామేనని, కృష్ణా, గోదావరి జలాలు మాజీ సీఎం వైఎస్సార్ హయాంలోనే మొదలయ్యాయని ఆయన గుర్తు చేశారు.


 ► కేసీఆర్‌పై షబ్బీర్‌అలీ ధ్వజం
  బంజారాహిల్స్: కల్లబొల్లి మాటలు చెబుతూ సీఎం కేసీఆర్ ప్రజలను మో సం చేస్తున్నారని శాసనమండలి ప్రతి పక్ష నేత షబ్బీర్ అలీ విమర్శించారు. బంజారాహిల్స్‌రోడ్ నెం.10లో ఏడాది క్రితం బంజారాభవన్, కొమరం భీమ్ భవన్, బాబు జగ్జీవన్‌రాం భవన్‌లకు ముఖ్యమంత్రి ఆర్భాటంగా శంకుస్థాపన చేశారని, తీరా చూస్తే అది వివాదాస్పద స్థలమని తేలడంతో శిలాఫలకాలు తొలగించారని ఇప్పుడు ఆ భవనాలు ఎక్కడ కడతారని ప్రశ్నించారు. శిలాఫలకాలు వేసిన స్థానంలో సీఎం తీరుకు నిరసనగా ఆదివారం షబ్బీర్‌అలీతో పాటు అంజన్ కుమార్ యాదవ్, మర్రి శశిధర్‌రెడ్డి తదితరులు మొక్కలు నాటారు.
  
   ఈ సందర్భంగా షబ్బీర్ మాట్లాడుతూ బడుగు, బలహీన వర్గాలు, మైనార్టీలంటే కేసీఆర్‌కు చిన్నచూపని దుయ్యబట్టారు. బీసీలకు, ముస్లింలకు, గిరిజనులకు విడుదల చేసిన నిధుల్లో  70 శాతం నిధులు విడుదల కాలేదన్నారు. కమీషన్ల కోసం వాటర్‌గ్రిడ్, మిషన్‌కాకతీయ పనులకు మాత్రం నిధులు విడుదల చేశారని దుయ్యబట్టారు. మర్రి శశిధర్‌రెడ్డి మాట్లాడుతూ కేసీఆర్ ఇచ్చే జీవోలకు అడ్డూ అదుపు లేకుండాపోతుందని అన్నారు.అంజన్‌కుమార్ యాదవ్ మాట్లాడుతూ సీఎం కేసీఆర్ బడుగు బలహీన వర్గాలను అవమానపరుస్తున్నారన్నారు. అయుత చండీయాగం ద్వారా కేసీఆర్ బుద్దిమారాలని కోరుకుంటున్నామని చెప్పారు. ఈ కార్యక్రమంలో మాజీ ఎంపీ రవీంద్రనాయక్, నాగేందర్, మాజీ డిప్యూటీ మేయర్‌రాజ్‌కుమార్ పాల్గొన్నారు.
  
  ఎంఐఎంతో పొత్తు పెట్టుకుంటే వారికే నష్టం..
  ఎంఐఎం అదినేత అసుద్దీన్ ఓవైసీ మిలాద్ ఉన్ నబీ కార్యక్రమంలో రాజకీయాలు మాట్లాడటం తగదని, ఏదైనా రాజకీయం చేయాలనుకుంటే మైదానంలోకి రావాలని షబ్బీర్ అలీ దుయ్యబట్టారు. ఆదివారం బంజారాహిల్స్‌రోడ్ నెం. 10లో కాంగ్రెస్ కార్యకర్తల సమావేశానికి ముఖ్య అతిథిగా విచ్చేసిన ఆయన మాట్లాడుతూ ఎంఐఎంతో పొత్తు పెట్టుకుంటే వాళ్లు పాముకు పాలు పోసినట్లేనని ఆరోపించారు.  కాల్‌మనీలో ఎంఐఎం నేతలు ఎంతో మంది ఉన్నారని పేర్కొన్నారు.
  


 హైదరాబాద్ : తెలంగాణ బంద్ను విజయవంతం చేయాలని కోరుతూ హైదరాబాద్ నగర కాంగ్రెస్ పార్టీ అధ్యక్షుడు దానం నాగేందర్ ఆధ్వర్యంలో నిర్వహిస్తున్న ర్యాలీని పోలీసులు అడ్డుకున్నారు. ఈ ర్యాలీకి అనుమతి లేదంటూ వారిని ఆపివేశారు. ఆగ్రహించిన దానం నాగేందర్, మాజీ ఎంపీ అంజన్కుమార్యాదవ్లతోపాటు ఆ పార్టీ నాయకులు, కార్యకర్తలు రోడ్లపై బైఠాయించారు. దీంతో పోలీసులు  వారిని అదుపులోకి తీసుకుని కాంచన్బాగ్ పోలీస్ స్టేషన్కి తరలించారు.
 
 రైతులకు కేసీఆర్ ప్రభుత్వం ఒకే దఫా రుణమాఫీ చేయాలని డిమాండ్ చేస్తూ తెలంగాణలోని కాంగ్రెస్తోపాటు వివిధ రాజకీయ పక్షాలు అక్టోబర్ 10వ తేదీన తెలంగాణలో బంద్కు పిలుపునిచ్చాయి. ఈ బంద్ను విజయవంతం చేయాలని కోరుతూ నగర కాంగ్రెస్ పార్టీ అధ్యక్షుడు దానం నాగేందర్ ఆధ్వర్యంలో శుక్రవారం ఉదయం చార్మినార్ నుంచి సికింద్రాబాద్ వరకు ర్యాలీ నిర్వహిస్తున్నారు.
 అయితే ఈ ర్యాలీకి అనుమతి లేదని వారిని పోలీసులు అడ్డుకున్నారు. తాము శాంతియుతంగా ఈ ర్యాలీ నిర్వహిస్తామంటే ప్రభుత్వం అనుమతి ఇవ్వలేదని వారు ఆరోపించారు. అనంతరం రహదారిపై బైఠాయించారు. దీంతో భారీగా ట్రాఫిక్ అంతరాయం ఏర్పడింది. దాంతో నాగేందర్, అంజన్ కుమార్ యాదవ్లతోపాటు పలువురిని పోలీసులు అరెస్ట్ చేశారు. ఈ ర్యాలీకి భారీ సంఖ్యలో కాంగ్రెస్ పార్టీ నేతలు, కార్యకర్తలు హాజరయ్యారు.


 హైదరాబాద్: సికింద్రాబాద్ అసెంబ్లీ నియోజక వర్గ కాంగ్రెస్ సమావేశంలో రసాభాస చోటు చేసుకుంది. స్థానికి కాంగ్రెస్ కార్యకర్తల నుంచి ఎంపీ వి. హనుమంతరావుకు చుక్కెదురైంది. ఆ సమావేశంలో మాజీ ఎంపీ అంజన్ కుమార్ యాదవ్ కుమారుడు మాట్లాడుతుండగా.. వీహెచ్ అడ్డుకున్నారు. దాంతో వీహెచ్ తీరును నిరసిస్తూ ఆదం వర్గీయులు దూసుకెళ్లేందుకు ప్రయత్నించారు. ఇరు వర్గాల మధ్య కాసేపు రసాభాస నెలకొంది.


 తెలంగాణ కోసం కేసీఆర్ ఏనాడూ పార్లమెంటులో పోరాడలేదని మాజీ ఎంపీ అంజన్ కుమార్ యాదవ్ విమర్శించారు. ఇప్పుడు ముఖ్యమంత్రి అయిన తర్వాత తెలంగాణ ప్రజలతో కేసీఆర్ చెలగాటం ఆడుతున్నారని తీవ్రంగా ఆరోపించారు.
 
 చెస్ట్ ఆస్పత్రి, సచివాలయం తరలింపు లాంటి ప్రజావ్యతిరేక నిర్ణయాలు తీసుకుంటున్నారని అంజన్ మండిపడ్డారు. పేదల సంక్షేమాన్ని విస్మరిస్తూ, తన కుటుంబానికి మాత్రమే లాభం చేకూర్చేలా ఆయన నిర్ణయాలు తీసుకుంటున్నారన్నారు.


 * సభ్యత్వ నమోదు కార్యక్రమంలో రోజుకో వివాదం
 * గురువారం నల్లకుంటలో మాజీ ఎంపీ అంజన్ కుమారుడు, మరోవర్గం బాహాబాహీ
 * ఎన్ కన్వెన్షన్ ఘటనకు సంబంధించి విష్ణువర్ధన్‌రెడ్డి అరెస్ట్‌కు పోలీసుల యత్నం
 * అజ్ఞాతంలోకి వెళ్లి.. ముందస్తు బెయిల్‌కు యత్నం
 
 సాక్షి, హైదరాబాద్: యువజన కాంగ్రెస్‌లో సంస్థాగత ఎన్నికల వ్యవహారం రోజుకో కొత్త జగడానికి వేదికవుతోంది. యువజన కాంగ్రెస్ సభ్యత్వ నమోదు అంశమే ఇటీవల కల్వకుర్తి ఎమ్మెల్యే వంశీచంద్‌రెడ్డి, మాజీ ఎమ్మెల్యే విష్ణువర్ధన్‌రెడ్డి ఘర్షణకు దారితీయగా... గురువారం హైదరాబాద్‌లోని ముషీరాబాద్ నియోకజవర్గంలో ఇరు వర్గాలు బాహాబాహీకి దిగి పోలీస్ స్టేషన్ వరకూ వెళ్లింది.
 
 ముషీరాబాద్ నియోజకవర్గంలో సభ్యత్వ నమోదు అంశంలో స్థానిక నాయకుడు విజయ్‌యాదవ్, మాజీ ఎంపీ అంజన్‌కుమార్ యాదవ్ కుమారుడు అనిల్‌కుమార్ మధ్య ఘర్షణ తలెత్తింది. దీంతో ఇరువర్గాలు బాహా బాహీకి దిగాయి. దీనిపై సమాచారం అందిన నల్లకుంట పోలీసులు.. అనిల్‌కుమార్ సహా మరికొందరిని అరెస్టు చేసి పోలీస్‌స్టేషన్‌కు తరలించారు. దీంతో అంజన్‌కుమార్ యాదవ్‌తో పాటు కేంద్ర మాజీ మంత్రి సర్వే సత్యనారాయణ, వందలాది మంది నాయకులు, కార్యకర్తలతో పోలీస్‌స్టేషన్ వద్దకు చేరుకున్నారు.
 
 ఈ సందర్భంగా దాదాపు 3 గంటల పాటు పోలీస్ స్టేషన్ పరిసర ప్రాంతాల్లో హడావుడి, హంగామా నెలకొంది. నేతలతో పాటు పోలీసులు కూడా ఇరువర్గాలతో సంప్రదింపులు జరిపి అక్కడే తాత్కాలికంగా రాజీ కుదిర్చారు. లోకాయుక్తలో కేసులు వెనక్కి తీసుకునేందుకు అంగీకరించినట్లు తెలిసింది. యువజన కాంగ్రెస్‌లో ప్రస్తుత రాష్ట్ర అధ్యక్షుడు వంశీచంద్‌రెడ్డి, ఉపాధ్యక్షుడు అనిల్‌కుమార్ యాదవ్ రెండు వేర్వేరు శిబిరాలకు నాయకత్వం వహిస్తున్నారు. మరో మూడు నెలల్లో జరిగే యువజన కాంగ్రెస్ సంస్థాగత ఎన్నికల్లో అధ్యక్ష పదవికి పోటీచేసే లక్ష్యంతో అనిల్‌కుమార్ తన అనుచరులతో సభ్యత్వ నమోదు చేపట్టారు.
 
 మరోవైపు వంశీచంద్‌రెడ్డి తనవైపు నుంచి మాజీ ఎమ్మెల్యే భిక్షపతియాదవ్ కుమారుడు రవికుమార్ యాదవ్‌ను రంగంలోకి దించేందుకు పావులు కదుపుతున్నారు. ఈ క్రమంలోనే వంశీ వర్గీయులు విష్ణువర్ధన్‌రెడ్డి, అంజన్ అనిల్‌కుమార్‌యాదవ్‌ల వ్యతిరేక శిబిరాలను చేరదీసి సభ్యత్వ నమోదు చేస్తున్నట్లు తెలుస్తోంది.
 
 ఈ నేపథ్యంలో తమ వ్యతిరేకులను వంశీచంద్‌రెడ్డి ప్రోత్సహిస్తున్నారన్న ఆగ్రహంతో.. విష్ణువర్ధన్‌రెడ్డి ఆయనపైనే దాడికి పాల్పడ్డారని, నల్లకుంటలోనూ విజయ్, అనిల్ వర్గాల మధ్య ఘర్షణకు కారణమని యువజన కాంగ్రెస్ వర్గాలు పేర్కొంటున్నాయి. కాగా.. ఎన్ కన్వెన్షన్ సెంటర్‌లో వంశీచంద్‌రెడ్డి, విష్ణువర్ధన్‌రెడ్డి మధ్య ఘర్షణలో తప్పు విష్ణుదేనని నిర్ధారించిన పోలీసులు ఆయనను అరెస్ట్ చేసేందుకు ప్రయత్నించారు. కానీ అజ్ఞాతంలోకి వెళ్లిపోయిన విష్ణు... ముందస్తు బెయిల్ కోసం ప్రయత్నిస్తున్నారు.


 సికింద్రాబాద్ మాజీ ఎంపీ అంజన్ కుమార్ యాదవ్ కుమారుడు అనిల్ కుమార్ యాదవ్ను పోలీసులు అరెస్టు చేశారు. ఓ వివాదం కేసులో ఆయనను నల్లకుంట పోలీసులు గురువారం అరెస్టు చేశారు. అనంతరం స్టేషన్ బెయిల్ మీద విడిచిపెట్టారు. బుధవారం సాయంత్రం అడిక్మెట్ ప్రాంతంలో అయ్యప్ప పూజకు అనిల్ కుమార్ యాదవ్, మరికొందరు కలిసి వెళ్లారు. అదే సమయంలో అడిక్మెట్ ప్రాంతానికి చెందిన విజయకుమార్ యాదవ్, అతడి మామ శ్రీనివాసయాదవ్ మరికొందరు మద్యం తాగి వచ్చారు. పూజ సమయంలో ఇద్దరి మధ్య గొడవ జరిగింది. దాంతో శ్రీనివాసయాదవ్ తదితరులను అనిల్ కుమార్ యాదవ్ కొట్టినట్లు సమాచారం.
 
 అయితే, రాబోయే జనవరిలో జరిగే యూత్ కాంగ్రెస్ ఎన్నికల గురించి మాట్లాడేందుకు వెళ్లగా తమను అనిల్ యాదవ్ కొట్టినట్లు శ్రీనివాస యాదవ్, విజయ్ కుమార్ యాదవ్ తదితరులు ఆరోపించారు. అది సరికాదని, పూజకు వచ్చిన వాళ్లు తాగి గొడవపడ్డారని అనిల్ యాదవ్ అన్నారు. ఇరువర్గాలు పోలీసులకు ఫిర్యాదు చేసుకోవడంతో ఇద్దరి మీద కేసులు పెట్టిన పోలీసులు.. ఆ తర్వాత వారు రాజీ పడటంతో స్టేషన్ బెయిల్ మీద విడిచిపెట్టారు. అనిల్ కుమార్ యాదవ్పై ఐపీసీ సెక్షన్లు 324, 328 కింద కేసులు పెట్టగా, విజయ్ కుమార్ యాదవ్ తదితరులపై 324, 327, 34 సెక్షన్ల కింద కేసులు నమోదయ్యాయి.


 హైదరాబాద్  : మాజీ ఎంపీ అంజన్ కుమార్ యాదవ్ శనివారం రాష్ట్ర గవర్నర్ నరసింహన్ను కలిశారు. భేటీ అనంతరం అంజన్ కుమార్ యాదవ్ మాట్లాడుతూ గత 15 రోజులుగా బెదిరింపు ఫోన్ కాల్స్ వస్తున్నాయని, తనతో పాటు  కుటుంబ సభ్యుల్ని చంపుతామంటున్నారని.... ఇదే విషయాన్ని పోలీస్ కమిషనర్ దృష్టికి తీసుకు వెళ్లినా ప్రయోజనం లేదన్నారు. అందుకే గవర్నర్ను కలిసినట్లు అంజన్ కుమార్ యాదవ్ తెలిపారు.
 
 కాగా  అంజన్ కుమార్ యాదవ్ను గుర్తు తెలియని వ్యక్తులు ఫోన్లో బెదిరించినట్లు హుస్సేనీఆలం పోలీసు స్టేషన్లో కేసు నమోదైంది. కొందరు తనకు ఫోన్ చేసి బెదిరింపులకు పాల్పడుతున్నారని ఆయన గత నెల 31న హుస్సేనీఆలం పోలీసులకు ఫిర్యాదు చేశారు. అయితే ఆ ఫిర్యాదుపై కేసు నమోదు చేయాలా? వద్దా అనే సంశయంతో హుస్సేనీఆలం పోలీసులు నాంపల్లిలోని చీఫ్ మెట్రోపాలిటన్ మేజిస్ట్రేట్ కోర్టును ఆశ్రయించగా...కేసు నమోదు చేయాలని కోర్టు ఈనెల 5న ఆదేశాలు జారీ చేసింది. కోర్టు ఆదేశాల మేరకు ఐపీసీ సెక్షన్ 507 కింద కేసు నమోదు చేసుకున్న పోలీసులు ఫోన్ కాల్స్ ఎక్కడ నుంచి వచ్చాయన్న విషయంపై విచారణ చేపట్టారు.


 హైదరాబాద్ : మాజీ ఎంపీ అంజన్ కుమార్ యాదవ్ను గుర్తు తెలియని వ్యక్తులు ఫోన్లో బెదిరించినట్లు హుస్సేనీఆలం పోలీసు స్టేషన్లో కేసు నమోదైంది. ఇన్స్పెక్టర్ ఎ.బాలాజీ తెలిపిన వివరాల ప్రకారం... కొందరు తనకు ఫోన్ చేసి బెదిరింపులకు పాల్పడుతున్నారని సికింద్రాబాద్ మాజీ ఎంపీ అంజన్ కుమార్ యాదవ్ గత నెల 31న హుస్సేనీఆలం పోలీసులకు ఫిర్యాదు చేశారు.
 
 అయితే ఆ ఫిర్యాదుపై కేసు నమోదు చేయాలా? వద్దా అనే సంశయంతో హుస్సేనీఆలం పోలీసులు నాంపల్లిలోని చీఫ్ మెట్రోపాలిటన్ మేజిస్ట్రేట్ కోర్టును ఆశ్రయించగా...కేసు నమోదు చేయాలని కోర్టు ఈనెల 5న ఆదేశాలు జారీ చేసింది. కోర్టు ఆదేశాల మేరకు ఐపీసీ సెక్షన్ 507 కింద కేసు నమోదు చేసుకున్న పోలీసులు ఫోన్ కాల్స్ ఎక్కడ నుంచి వచ్చాయన్న విషయంపై విచారణ చేపట్టారు.
 
  


 హైదరాబాద్: తన కుమార్తె వివాహానికి ఆంధ్రప్రదేశ్ సీఎం చంద్రబాబు నాయుడిని ఆహ్వానించినట్లు కాంగ్రెస్ పార్టీ నాయకుడు, సికింద్రాబాద్ మాజీ ఎంపీ అంజన్కుమార్ యాదవ్ వెల్లడించారు. మంగళవారం చంద్రబాబు నివాసం బయట అంజన్ కుమార్ యాదవ్ విలేకర్లతో మాట్లాడారు. పార్టీ మారే ఉద్దేశ్యం ఏమైనా ఉందా అంటూ విలేకర్లు అడిగిన ప్రశ్నకు అంజన్ కుమార్ సమాధానమిస్తూ.... తన కుమార్తె వివాహం నిశ్చయమైందని... ఈ నేపథ్యంలో ఆ వివాహానికి రావాల్సిందిగా బాబును ఆహ్వానించేందుకు తాను వచ్చినట్లు అంజన్ కుమార్ యాదవ్ తెలిపారు. చంద్రబాబుకు తన కుమార్తె పెండ్లి ఆహ్వాన పత్రికను ఇచ్చి ఆహ్వానించినట్లు అంజన్ కుమార్ యాదవ్ చెప్పారు.  
  


 న్యూఢిల్లీ :  సికింద్రాబాద్ ఎంపీగా గెలుపొందిన బీజేపీ నేత బండారు దత్తాత్రేయను ఆ  పార్టీ అధ్యక్షుడు రాజ్నాథ్ సింగ్ అభినందించారు. దత్తాత్రేయ సోమవారం ఉదయం రాజ్నాథ్ను కలిశారు. ఈ సందర్భంగా ఆయనకు రాజ్నాథ్ అభినందనలు తెలిపారు. కాగా దత్తాత్రేయకు కేంద్రమంత్రివర్గంలో చోటు దక్కే అవకాశం ఉన్నట్లు తెలుస్తోంది. కేబినెట్ హోదాతో ఆయనను రైల్వే శాఖ వరించవచ్చని సమాచారం. దత్తాత్రేయ సికింద్రబాద్ లోక్సభ స్థానం నుంచి కాంగ్రెస్ అభ్యర్థి అంజన్ కుమార్ యాదవ్పై 50వేల ఓట్ల మెజార్టీతో గెలుపొందిన విషయం తెలిసిందే.
 
  


 తమ చేష్టలతో ఇద్దరు నేతల పుత్రరత్నాలు మరోసారి వార్తల్లోకి ఎక్కారు. ఒకరు మద్యం మత్తులో వీరంగం వేస్తే.... మరొకరు ఏకంగా కానిస్టేబుల్పైనే దాడికి పాల్పడ్డారు. వివరాల్లోకి  వెళితే ఎంపీ అంజన్ కుమార్ యాదవ్ సుపుత్రుడు అరవింద్ యాదవ్కు కోపం వచ్చింది. దాంతో నన్నే ప్రశ్నిస్తావా అంటూ కానిస్టేబుల్పై చేయి చేసుకుని తండ్రి అధికార దర్పాన్ని కుమారుడు ప్రదర్శించాడు.
 
 పాత బస్తీలోని హుస్సేనిఆలంలో హోలీ వేడుకలు నిర్వహించారు. అరవింద్‌ యాదవ్‌- కామదహన్‌ కార్యక్రమంలో పాల్గొని ట్రాఫిక్‌ను పూర్తిగా నిలిపివేయడంతో బందోబస్తులో ఉన్న ట్రాఫిక్ను క్రమబద్దీకరించేందుకు యత్నించాడు.  అయితే రోడ్డుపై హోలీ ఆడవద్దని చెప్పినందుకు వంశీ అనే కానిస్టేబుల్‌పై అరవింద్ యాదవ్ దాడి చేసి చితక్కొట్టాడు.
 
 గాయాలపాలైన వంశీ ఆస్పత్రిలో వైద్యం చేయించుకుని.. హుస్సేన్‌ ఆలం పోలీస్‌ స్టేషన్‌లో ఫిర్యాదు చేశాడు. అరవింద్‌ యాదవ్‌పై కేసు నమోదు చేసిన పోలీసులు దర్యాప్తు చేస్తున్నారు. మరోవైపు అంజన్‌కుమార్‌యాదవ్‌ తన  కుమారుడుని కేసులో నుంచి తప్పించేందుకు తీవ్ర ప్రయత్నాలు చేస్తున్నారు. అంతేకాకుండా ఈ వ్యవహారంలో తన కుమారుడి తప్పేమీ లేదంటూ వెనకేసుకు రావటం విశేషం.
 
 ఈ సంఘటన మరవకముందే మారో మాజీ మంత్రి కుమారుడు రవితేజ శంషాబాద్ విమానాశ్రయంలో తప్పతాగి తన స్నేహితులతో కలిసి హల్‌చల్‌ చేశాడు. మద్యం మత్తులో హంగామా సృష్టించారు. తప్పతాగి బార్ సిబ్బంది, పుష్పక్ బస్ డిపో కౌంటర్పై దాడికి పాల్పడ్డారు. తన స్నేహితుడు ఇంద్రజిత్‌తో కలిసి రవితేజ రచ్చ చేశాడు. ఎయిర్పోర్టు సిబ్బంది పోలీసులకు ఫిర్యాదు చేయడంతో వీరిని అదుపులోకి తీసుకున్నారు. వారిపై పోలీసులు ఎఫ్ఐఆర్ నమోదు చేశారు. చట్ట ప్రకారం రవితేజపై చర్యలు తీసుకోవడం జరుగుతుందని, ఎలాంటి రాజకీయ ఒత్తిళ్లు లేవని, ఒకవేళ ఒత్తిళ్లు వచ్చినా లొంగేది లేదని పోలీసులు తెలిపారు.
 
 ఇక తండ్రుల పరపతిని అడ్డం పెట్టుకొని నేతాశ్రీల తనయుడులు రెచ్చిపోవటం గతంలోనూ జరిగాయి కూడా. అవకాశం దొరికినప్పుడల్లా రాజకీయ నేతల కుమారుల వీరంగం వేస్తుండటం  ప్రజల్లో వ్యతిరేకత వ్యక్తమవుతోంది. మరోవైపు తమ పుత్రుల అత్యుత్సాహంతో నేతలు కంగారు పడుతున్నారు. ఎన్నికల వేళ తమ కుమారులు రెచ్చిపోతుండడంతో గాభరా పడుతున్నారు. ఇక తండ్రులు తమ వెనక కొండంత అండగా ఉండటంతో పుత్నరత్నాలు తమ ఇష్టం వచ్చినట్లు ప్రవర్తిస్తున్నారు.
 
  


 హైదరాబాద్ : సికింద్రాబాద్ ఎంపీ అంజన్ కుమార్ యాదవ్ తనయుడు అరవింద్ యాదవ్పై కేసు నమోదు అయ్యింది. కానిస్టేబుల్పై దాడి చేసిన కేసులో అతనిపై హుస్సేన్‌ ఆలం పోలీసులు కేసు నమోదు చేశారు. వివరాల్లోకి వెళితే రోడ్డుపై హోలీ ఆడవద్దని చెప్పినందుకు ఓ కానిస్టేబుల్‌పై దాడి చేసి చితక్కొట్టాడు. అరవింద్‌ యాదవ్‌- కామదహన్‌ కార్యక్రమంలో పాల్గొని ట్రాఫిక్‌ను పూర్తిగా నిలిపివేయడంతో బందోబస్తులో ఉన్న కానిస్టేబుల్‌ వంశీ ట్రాఫిక్ ను క్లియర్‌ చేసేందుకు ప్రయత్నించాడు.
 
 అంతలో ఆగ్రహించిన ఎంపీ తనయుడు...కానిస్టేబుల్ వంశీపై దాడి చేశాడు. గాయాలపాలైన వంశీ ఆస్పత్రిలో వైద్యం చేయించుకుని.. హుస్సేన్‌ ఆలం పోలీస్‌ స్టేషన్‌లో ఫిర్యాదు చేశాడు. అరవింద్‌ యాదవ్‌పై కేసు నమోదు చేసిన పోలీసులు దర్యాప్తు చేస్తున్నారు. మరోవైపు అంజన్‌కుమార్‌యాదవ్‌ తన కుమారుడుని కేసులో నుంచి తప్పించేందుకు తీవ్ర ప్రయత్నాలు చేస్తున్నారు.  అరవింద్‌ యాదవ్‌ స్నేహితులను, ఇతర అనుచరులనైనా కేసులో ఇరికించి, ప్రధాన నిందితుడైన అరవింద్‌ను కేసు నుంచి బయటపడేసేందుకు తన పలుకుబడిని ఉపయోగిస్తున్నట్లు సమాచారం.


 హైదరాబాద్ : టీడీపీ అధ్యక్షుడు చంద్రబాబు నాయుడుపై కాంగ్రెస్ ఎంపీ అంజన్ కుమార్ యాదవ్ తీవ్రస్థాయిలో ధ్వజమెత్తారు. హైదరాబాద్ను తానే అభివృద్ది చేశానని చెప్పుకుంటున్న చంద్రబాబు చేసిందేమీ లేదని వ్యాఖ్యానించారు. హైదరాబాద్లో భూములు అమ్ముకొని తాను మాత్రమే అభివృద్ధి చెందాడని అంజన్ కుమార్ యాదవ్ అన్నారు.
 అసెంబ్లీలో తెలంగాణ ముసాయిదా బిల్లుపై చర్చలో భాగంగా చంద్రబాబు 400 ఏళ్ల పాలనలో నిజాం సికింద్రాబాద్ను మాత్రమే అభివృద్ధి చేశారని, 9 ఏళ్ల తమపాలనలో హైదరాబాద్ నగరం మొత్తాన్ని అభివృద్ధి చేశామని పేర్కొన్న విషయం తెలిసిందే. హైదరాబాద్ను సింగపూర్లా అభివృద్ధి చేసిన ఘనత టిడిపిదేనని అన్నారు.


 సాక్షి, హైదరాబాద్: ప్రత్యేక రాష్ట్ర ఏర్పాటు ప్రక్రియను వేగవంతం చేసేందుకు కేంద్రంపై ఒత్తిడి తేవడానికి ఈనెల 21 లేదా 22 తేదీల్లో సికింద్రాబాద్ పరేడ్ గ్రౌండ్స్‌లో భారీ బహిరంగసభ నిర్వహించాలని తెలంగాణ కాంగ్రెస్ నేతలు నిర్ణయించారు. కేంద్రంపై ఒత్తిడితోపాటు ప్రత్యేక రాష్ట్ర సాధన కేవలం కాంగ్రెస్‌వల్లే సాధ్యమవుతోందన్న భావం ప్రజల్లో కలిగేలా ఈ సభను ఏర్పాటు చేయాలని సంకల్పిం చారు. సీఎల్పీ కార్యాలయంలో మంగళవారం తెలంగాణ ప్రజాప్రతినిధుల సమావేశం జరిగింది. మంత్రులు కె.జానారెడ్డి, జె.గీతారెడ్డి, డి.కె.అరుణ, సునీతా లక్ష్మారెడ్డి, డి.శ్రీధర్‌బాబు, సుదర్శన్‌రెడ్డి, ఉత్తమ్‌కుమార్‌రెడ్డి, డిప్యూటీ స్పీకర్ మల్లు భట్టివిక్రమార్క, చీఫ్‌విప్ గండ్ర వెంకటరమణారెడ్డి, విప్ అనిల్‌కుమార్, ఎంపీలు మధుయాష్కీ, అంజన్‌కుమార్ యాదవ్, గుత్తా సుఖేందర్‌రెడ్డి, ఎం.ఎ. ఖాన్, పలువురు ఎమ్మెల్యేలు, ఎమ్మెల్సీలు పాల్గొన్నారు.
  
  తెలంగాణ రాష్ట్ర ఏర్పాటు ప్రక్రియకు సంబంధించి ఢిల్లీలో జరుగుతున్న పరిణామాలు, ఏపీఎన్జీవోల ‘సేవ్ ఆంధ్రప్రదేశ్ ’సభ, సీఎం కిరణ్ తీరు తది తర అంశాలపై సమావేశంలో నేతల మధ్య చర్చ సాగింది. ప్రత్యేక తెలంగాణ రాష్ట్ర ఏర్పాటు బిల్లును  కేంద్రం సాధ్యమైనంత త్వరగా పూర్తిచే సి పార్లమెంటులో ఆమోదింపచేయాల్సిన అవసరముందని సమావేశం అభిప్రాయపడింది. ఆహారభద్రతా బిల్లు ఆమోదం పొందడం, కేంద్రంలో రాజకీయ పరిణామాలు రోజుకోరకంగా మలుపులు తిరుగుతున్న నేపథ్యంలో ముందస్తు ఎన్నికలు వస్తే  ఇబ్బందుల్లో పడతామన్న భావనను కొందరు నేతలు వ్యక్తంచేశారు. అలాంటి పరిస్థితులు రాకముందే తెలంగాణ బిల్లును పార్లమెంటులో పెట్టి ఆమోదింపజేసేలా చూడాల్సి ఉంటుందని పేర్కొన్నారు.
  
  టీఆర్‌ఎస్‌కు దీటుగా కార్యక్రమాలు
  తెలంగాణ ఏర్పాటుపై పూర్తి బాధ్యత కాంగ్రెస్ నేతృత్వంలోని యూపీఏ ప్రభుత్వం వహిస్తుండగా ఆ క్రెడిట్‌ను తన్నుకుపోయేలా టీఆర్‌ఎస్ చురుగ్గా కదులుతోందని సమావేశంలో చర్చ సాగింది. ఇటీవల ఏపీఎన్జీవోలు హైదరాబాద్‌లో సభ నిర్వహించడం, టీఆర్‌ఎస్ కూడా త్వరలో భారీ బహిరంగసభకు ఏర్పాట్లు చేస్తున్నందున కాంగ్రెస్ తరఫున కూడా హైదరాబాద్‌లో సభ పెట్టడం మంచిదని అభిప్రాయపడ్డారు. దీనికి సద్భావనా సభగా పేరుపెడితే బాగుం టుందని కొందరు సూచించారు. సభను ఈనెల 21 లేదా 22 తేదీల్లో సికింద్రాబాద్ పరేడ్‌గ్రౌండ్‌లో పెట్టాలని సూత్రప్రాయంగా నిర్ణయించారు. ఈనెల 15న టీ కాంగ్రెస్ ప్రజాప్రతిని దులు, ఇతర నేతలతో విస్తృతస్థాయి సమావేశాన్ని ఏర్పాటుచేసి తుది నిర్ణయం తీసుకోవాలని నిర్ణయించారు. హైదరాబాద్‌పై మూడురకాల ప్రతిపాదనలున్నాయని షిండే చెప్పడంపై నేతల్లో అనుమానాలు వ్యక్తమయ్యాయి. ఏపీఎన్జీవోల ‘సేవ్ ఆంధ్రప్రదేశ్’ సభ ఉద్యోగుల సమస్యలపై కన్నా రాజకీ యాంశాలను ప్రస్తావించడాన్ని సమావేశం తప్పుబట్టింది.
  
  
   కిరణ్‌కుమార్‌రెడ్డి రాష్ట్రం మొత్తానికి సీఎంగా వ్యవహరించట్లేదని, కేవలం సీమాంధ్రప్రాంత నేతగా ప్రవర్తిస్తున్నారని పలువురు మండిపడ్డారు. ఢిల్లీలో తెలంగాణ ప్రక్రియపై జరుగుతున్న కదలికల గురించి మధుయాష్కీ వివరించారు. పార్లమెంటులో సోనియాను ఇటలీ వనితని తీవ్రపదజాలంతో విమర్శించిన టీడీపీ ఎంపీ సీఎం రమేష్‌కు చెందిన రుత్విక్ సంస్థకు కంతనపల్లి ప్రాజెక్టును అత్యధిక అంచనాలతో అప్పగించడంపై ఎమ్మెల్సీ పొంగులేటి సుధాకర్‌రెడ్డి తదితరులు అభ్యంతరం లేవనెత్తారు. రూ. అయిదారువందల కోట్లు అధికంగా అంచనాలు పెంచి కాంట్రాక్టును అప్పగించారని, దీనిపై విచారణ చేయాల్సిన అవసరముందని ఎంపీలు కేంద్రానికి లేఖ రాశారని తెలిపారు.
  
  జేసీ రాయల తెలంగానం: టీ కాంగ్రెస్ నేతల  భేటీ జరుగుతున్న సమయంలో సీనియర్‌నేత జేసీ దివాకర్‌రెడ్డి సీఎల్పీకి వచ్చారు. సమావేశం జరుగుతున్న రూంలోకి వెళ్లి ‘జై సమైక్యాంధ్ర’ అంటూ నవ్వుతూ నినదించారు.
  
  దీంతో తెలంగాణ ఎమ్మెల్యేలు, ఎమ్మెల్సీలు ‘జై తెలంగాణ’ అని గట్టిగా నినదించారు. కనీసం తమ రెండు జిల్లాల(అనంతపురం, కర్నూలు)ను కలుపుకొని రాయల తెలంగాణ ఏర్పాటుకు సహకరించాలని, అలాకాకుంటే నీటి సమస్యలతో తాము భవిష్యత్తులో తీవ్రంగా నష్టపోతామని జేసీ చెప్పారు. అలా కాకపోతే సమైక్యాంధ్రప్రదేశ్‌ను కొనసాగించాలన్నదే తమ అభిప్రాయమన్నారు. సమైక్యాంధ్ర అనే మాటే లేదని, తెలంగాణకు అనుకూలంగా ఉంటే తొలిగవర్నర్‌గా మిమ్మల్నే ఆహ్వానిస్తామని నేతలు ప్రతిపాదించగా జేసీ బయటకు వచ్చేశారు.


 హైదరాబాద్: సీమాంధ్రులపై ఎంపీ అంజన్ కుమార్ యాదవ్ మండిపడ్డారు. హైదరాబాద్‌ను అభివృద్ధి చేశారంటూ చెప్పుకుంటున్న సీమాంధ్ర వాసులు ఏమి అభివృద్ధి చేశారని ప్రశ్నించారు. సోమవారం మీడియాతో మాట్లాడిన ఆయన..‘ హైదరాబాద్ నిజంగా మా సొత్తే. హైదరాబాద్‌ను సీమాంధ్రులు అభివృద్ధి చేయలేదు’ అని సంచలన వ్యాఖ్యలు చేశారు.
  
  సీమాంధ్ర వాసులు ఇక్కడి సంస్కతిని నాశనం చేసి, బాంబుల సంస్కతిని తీసుకోచ్చారన్నారు. నగరంలోని కులవృత్తులను నాశనం చేశారని ఆయన విమర్శించారు. వారు హైదరాబాద్‌ను అభివృద్ది చేసేందేమీ లేదని, వారే ఇక్కడకు వచ్చి అభివృద్ధి చెందారన్నారు. చౌక ధరలకే భూములను కాజేశారని అంజన్ తెలిపారు.