కళ్ల చుట్టూ నల్లటి వలయాలు అలసటకు, ఒత్తిడికి అద్దం పడుతూంటాయి. చంద్రబింబం లాంటి ముఖమున్నా, డార్క్‌ సర్కిల్స్‌ వేధిస్తూ ఉంటాయి. అందంగా లేమా? అనే అత్మన్యూనత వారిని వెంటాడుతుంది. నిజానికి నల్లటి వలయాలకు కారణాలు అనేకం. జీవనశైలి మార్పులు, వాతావరణ పరిస్థితులు, ఒత్తిడి, నిద్రలేమి , మరికొన్ని ఇతర సమస్యల మూలంగా చాలామందికి కళ్ళ చుట్టూ నల్లని వలయాలు ఏర్పడతాయి. వీటికి కారణాలు ఏంటి? తగ్గేందుకు ఏం చేయాలో తెలుసుకోండి. చాలా మంది డార్క్ సర్కిల్స్‌తో బాధపడతారు. తొందరగా వృద్ధాప్య రూపం వచ్చేసిందని ఆందోళనపడతారు. అయితే కొన్ని జాగ్రత్తలు, ఇంట్లోనే లభించే వస్తువులతో తయారు చేసిన చిట్కాలతో డార్క్‌ సర్కిల్స్‌నుంచి విముక్తి పొందవచ్చు.డార్క్ సర్కిల్స్ కారణాలుఆందోళన , అలసటరక్త ప్రసరణ సరిగా జరగకపోవడం ఎక్కువ సేపు స్క్రీన్‌కు ఎక్స్‌పోజ్‌ కావడం, కంటి ఒత్తిడిఅలర్జీలు, డీహైడ్రేషన్, థైరాయిడ్‌ వయసు మీద పడటం అనేది ప్రధాన సమస్య. ఇంటి చిట్కాలుదోసకాయ: దోసకాయ ముక్కలను చక్రాల్లా తరిగి రిఫ్రిజిరేటర్‌లో చల్లబరచండి. వాటిని మూసిన కనురెప్పలపై సుమారు 10-15 నిమిషాల పాటు ఉంచండి. దోసకాయలు యాంటీఆక్సిడెంట్లను కలిగి ఉంటాయి. క్రమం తప్పకుండా ఇలా చేస్తే కళ్ల వాపు తగ్గి, ,నల్లటి వలయాలు మాయమవుతాయి.టీ బ్యాగ్‌లు: రెండు టీ బ్యాగ్‌లను (నలుపు లేదా ఆకుపచ్చ) వేడి నీటిలో నానబెట్టి, ఆపై వాటిని రిఫ్రిజిరేటర్‌లో చల్లబరచాలి. వాటిని కళ్లపై 10-15 నిమిషాలు ఉంచండి. టీలోని కెఫిన్ , యాంటీ ఆక్సిడెంట్లు రక్తనాళాలను శాంతపరుస్తాయి.బాదం నూనె: పడుకునే ముందు మీ కళ్ల కింద కొన్ని చుక్కల బాదం నూనెను సున్నితంగా మసాజ్ చేయండి. బాదం నూనెలో విటమిన్లు ఇ , కె పుష్కలంగా ఉన్నాయి. ఇవి చర్మపు రంగును మెరుగుపర్చి, కాలక్రమేణా పిగ్మెంటేషన్‌ను తగ్గిస్తాయి.బంగాళాదుంప రసం: పచ్చి బంగాళాదుంపను తురిమి రసాన్ని తీసుకోవాలి. ఈజ్యూస్‌లో కాటన్ ప్యాడ్‌ను నానబెట్టి, కంటి కింద భాగంలో 10-15 నిమిషాల పాటు అప్లై చేయండి. బంగాళాదుంపలలో ఎంజైమ్‌లు , యాంటీఆక్సిడెంట్లు ఉంటాయి, ఇవి నల్లటి వలయాలను తగ్గించి, కళ్ల ఉబ్బును తగ్గిస్తాయి.రోజ్ వాటర్: కాటన్ ప్యాడ్‌లను రోజ్ వాటర్‌లో నానబెట్టి, మూసిన కళ్లపై 10-15 నిమిషాలు ఉంచండి. రోజ్ వాటర్‌లోయాంటీ ఇన్‌ఫ్లమేటరీ గుణాలు నల్లటి వలయాలను తగ్గించి, కంటి ప్రాంతాన్ని రిఫ్రెష్ చేస్తాయి.వటొమాటో గుజ్జు: తాజా టొమాటో గుజ్జును కళ్ల కింద అప్లై చేసి 10-15 నిమిషాల పాటు అలాగే వదిలేయండి. టొమాటోల్లోలైకోపీన్, యాంటీఆక్సిడెంట్లు పుష్కలంగాఉంటాయి. నల్లటి వలయాలను పిగ్మెంటేషన్‌ను తొలగిస్తాయి. రక్త ప్రసరణను మెరుగుపరుస్తాయి.పచ్చి పాలు: చల్లని (ముడి) పాలలో కాటన్ ప్యాడ్‌లను నానబెట్టి, వాటిని మూసిన కళ్లపై 10-15 నిమిషాలు ఉంచండి. పాలలో లాక్టిక్ యాసిడ్ ,విటమిన్లు ఉంటాయి, ఇవి చర్మాన్ని శాంతపరచడానికి, పిగ్మెంటేషన్‌ను కాంతివంతం చేయడానికి కళ్ల చుట్టూ ఉబ్బినట్లు తగ్గడానికి సహాయపడతాయి.వీటితోపాటు ఎండలో బయటికి వెళ్ళేటప్పుడు సన్‌స్క్రీన్ రాయడం మర్చిపోకూడదు. చక్కటి నిద్ర, తగినన్ని నీళ్లు అవసరం. కెఫిన్, ఆల్కహాల్ వినియోగం, స్క్రీన్స్ వాడకాన్ని బాగా తగ్గించాలి. అలాగే ఇంటి చిట్కాలతో నయం కాక పోవచ్చు. అంతమాత్రాన బెంగపడాలసిన అవసరం లేదు. నిపుణైలైన వైద్యుల సమక్షంలో లేజర్ థెరపీ, ఫిల్లర్స్, హైలురోనిక్ యాసిడ్, ఇంజెక్షన్స్‌లాంటివా వాడవచ్చు.

ఆహారపు అలవాట్లు మారడం తోపాటు జీవనశైలిలో ఒత్తిడి పెరగడం వల్ల జీర్ణకోశానికి వస్తున్న సమస్యల్లో కడుపులో అల్సర్స్‌ కూడా ఒకటి. ఆహారాన్ని జీర్ణం చేయడం కోసం కడుపులో ఆమ్లం (యాసిడ్‌) ఉత్పత్తి అవుతుంది. అది నిర్ణీత మోతాదులో ఉత్పత్తి కాకపోవడం వల్ల కడుపులో అల్సర్లు వస్తాయి. ఇలా జీర్ణాశయంలో వచ్చే అల్సర్‌ని గ్యాస్ట్రిక్‌ అల్సర్‌ అంటారు. ఈ అల్సర్స్‌ను అధిగమించాలంటే... యోగా, ధ్యానం వంటి వాటి ద్వారా మానసిక ఒత్తిడికి దూరంగా ఉండటం ఆహారంలో కారం, మసాలాలు తక్కువగా ఉండేలా జాగ్రత్తపడటం కాఫీ, టీలు పరిమితంగా తీసుకోవడం లేదా పూర్తిగా మానేయడం పొగతాగడం, మద్యం వంటి అలవాట్లకు దూరంగా ఉండటం క్రమం తప్పకుండా రోజూ ఒకే సమయానికి ఆహారం తీసుకోవడం.(చదవండి: ప్రపంచంలోనే తొలి పోర్టబుల్‌ విపత్తు‌ ఆస్పత్రి!ఎక్కడంటే..)

వేసవికాలంలో ప్రధానంగా వేధించే  సమస్య ముఖం మీద నల్లని లేదా గోధుమ రంగు మచ్చలు. వయసు పెరిగే కొద్దీ ఇవి మరింత బాధిస్తాయి.  ఈ మచ్చలను మంగు మచ్చలు లేదా పిగ్మెంటేషన్‌ అంటారు. నుదురికి ఇరువైపులా, బుగ్గలు, ముక్కుకు ఇరువైపులా   అందహీనంగా కనిపిస్తాయి. వీటి నివారణకు లేజర్‌ చికిత్సలు, మార్కెట్‌లో దొరికే క్రీమ్‌లకంటే ఇంట్లోనే చేసుకోగలిగిన పరిష్కారాలు మంచి ఫలితాన్నిస్తాయి.  అసలు  మంగు మచ్చలు ఎందుకు వస్తాయి? వయస్సుతోపాటు చర్మంపై పడే ప్రతికూలతల వల్ల ఈ మచ్చలు ఎక్కువగా వస్తుంటాయి. హరోన్ల సమతుల్యత లోపం వల్ల, మరికొందరికి వంశపారంపర్యంగా కూడా ఈ మచ్చలు రావచ్చు. అయితే వీటిని శారీరకమైన బాధలేవీ ఉండవు. శరీరంలో మెలనిన్ ఎక్కువగా తయారైతే.. ‘హైపర్ పిగ్మెంటేషన్’కు దారి తీస్తుంది.  సూర్య కిరణాల్లోని అతినీలలోహిత కిరణాలు చర్మానికి హాని చేసి, ఆ సమయంలో మెలనిన్ ఎక్కువై మంగు మచ్చలు తయారవుతాయి. జీవక్రియ సమస్యలు, పోషకాహార లోపం, అధిక ఉష్ణోగ్రత, కాలుష్యం,అనుధార్మికత, ఔషధాల వల్ల కూడా ఇవి ఏర్పడతాయి. బంగాళ దుంప:  బంగాళ దుంపల తురుమును పలచని గుడ్డలో వేసి రసం తీసుకోవాలి.  ఒక  కాటన్‌ ప్యాడ్‌ను గానీ, దూదిని గానీ ఈ రసంలో ముంచి మచ్చలపై పూయండి. 15 నిమిషాల తర్వాత చల్లని నీటితో ముఖాన్ని శుభ్రం చేసుకోవాలి. ఇలా రోజు విడిచి రోజు చేస్తుంటే తప్పకుండా మచ్చలు తొలగిపోతాయి. టమోటా: గింజలు తొలగించిన టమోటా గుజ్జుకు, కొద్దిగా  తేనె కలిపి మచ్చలకు అప్లయ్‌ చేయాలి. 20 నిమిషాలు ఉంచి ఆరిన  తర్వాత చల్లని నీటితో ముఖాన్ని శుభ్రం చేసుకోండి మార్పు మీకే తెలుస్తుంది.  టమోటా, ముల్తానా మట్టి: టమోటా రసంలో కాస్త గంధం పొడిని కలపండి. ఆ మిశ్రమంలో ముల్తాని మట్టిని కలిపి పేస్టులా చేయండి. అనంతరం ఆ పేస్టును ముఖంపై ఉన్న మచ్చలపై రాయండి. 20 నుంచి 30 నిమిషాల తర్వాత ముఖాన్ని కడగాలి. వారంలో రెండుస్లారు ఇలా చేస్తే మంచు మచ్చలు క్రమంగా తగ్గి పోతాయి. కలబంద: సహజసిద్ధమైన కలబంద గుజ్జు చాలా రకాల చర్మ సమస్యలకు పరిష్కారం. క్రమం తప్పకుండా కలబంద గుజ్జున  రాస్తే మంగు మచ్చలు మాటుమాయం. నిమ్మ, రోజ్‌వాటర్‌: ఒక గిన్నెలో రోజ్ వాటర్, నిమ్మరసం, కీరదోస రసం, తేనె వేసి బాగా కలపండి.  దీన్ని ముఖానికి బాగా పట్టించి, 15, 20 నిమిషాల తర్వాత చల్లని నీటితో కడిగేయాలి.  రోజ్ వాటర్  లేని పక్షంలో నిమ్మరసాన్ని వాడుకోవచ్చు.  పసుపు: పసుపు, గేదె పాలు, ఎర్ర చందనం కలిపి ముఖానికి రాసుకుంటే సత్ఫలితాలు కనిపిస్తాయి.  తాజా గేదె నెయ్యి  మంగు మచ్చలపై రాస్తే ఉపశమనం లభిస్తుందని ఆయుర్వేద నిపుణులు చెబుతారు.

చర్మగ్రంథుల నుంచి స్రవించే సెబమ్, ఇతర నూనెలు చర్మం మీద ఒక చోట గూడుకట్టుకున్నప్పుడు, వాటికి మృతకణాలు తోడైనప్పుడు మొటిమలు, యాక్నే వంటి సమస్యలు తలెత్తుతాయి. ఇందుకోసం మార్కెట్‌లో దొరికే క్రీమ్‌లకంటే ఇంట్లోనే చేసుకోగలిగిన పరిష్కారాలు మంచి ఫలితాన్నిస్తాయి.  దాల్చినచెక్కతో ఫేస్‌ప్యాక్‌: ముఖాన్ని క్లెన్సర్‌తో కానీ మామూలు సబ్బుతో కానీ శుభ్రం చేసుకుని తుడిచేయాలి. రెండు టేబుల్‌ స్పూన్‌ల తేనెలో టీ స్పూన్‌ దాల్చిన చెక్క పొడి కలపాలి. ఈ మిశ్రమాన్ని ముఖానికి పట్టించి పదిహేను నిమిషాల పాటు ఆరనివ్వాలి. ఇప్పుడు చన్నీటితో ముఖం కడగాలి. ఇలా వారానికి రెండు సార్లు చేస్తుంటే చర్మం మీద మృతకణాలు, నూనెలు, సెబమ్‌ వంటివి నిలవకుండా ఎప్పటికప్పుడు తొలగిపోతుంటాయి. కాబట్టి కొత్త మొటిమలు రావు. అప్పటికే ఉన్న మొటిమలు, యాక్నే కూడా తగ్గుముఖం పడుతుంది.  గ్రీన్‌ టీ ప్యాక్‌: ఒక గ్లాసు నీటిటో గ్రీన్‌ టీ బ్యాగ్‌ వేసి నాలుగు నిమిషాల సేపు మరిగించాలి. గ్రీన్‌టీ పూర్తిగా చల్లారిన తర్వాత అందులో కాటన్‌ బాల్‌ను ముంచి టీని ముఖానికి పట్టించాలి. టీని ముఖానికి కాటన్‌ బాల్‌తో పట్టించడం కుదరకపోతే స్ప్రే బాటిల్‌లో పోసుకుని ముఖం మీద స్ప్రే చేసుకుని చర్మానికి పట్టేటట్లు వేళ్లతో అద్దాలి. ఆరిన తర్వాత చన్నీటితో శుభ్రం చేయాలి. ఇప్పుడు టీ బ్యాగ్‌ను ఓపెన్‌ చేసి అందులో రెండు చుక్కల తేనె కలిపి ముఖానికి ప్యాక్‌ వేయాలి. ఈ ప్యాక్‌ బాగా ఆరిన తర్వాత చన్నీటితో శుభ్రం చేయాలి. రోజుకోసారి ఇలా చేస్తుంటే వారంలోనే మొటిమలు, యాక్నే పోయి చర్మం కాంతిమంతమవుతుంది.  (చదవండి: బెస్ట్‌ శాండ్‌విచ్‌గా ఈ భారతీయద స్ట్రీట్‌ ఫుడ్‌కి చోటు! ఎన్నో ర్యాంకులో నిలిచిందంటే..)     

మెడ ఎందుకు పట్టేస్తుందో, భరించలేని నొప్పి ఎందుకు వస్తుందో ఒక్కోసారి సరిగ్గా గుర్తించలేం. రోజంతా టీవీ చూడటం, ల్యాప్‌టాప్‌, కంప్యూటర్లు వాడకం,  గంటల తరబడి స్మార్ట్‌  ఫోన్‌ను చూస్తూ ఉండటంవల్లగానీ,  వ్యాయామం చేస్తున్నప్పుడు గానీ,  రాత్రిపూట  నిద్ర పోయేటపుడు  భంగిమలో తేడా తదితర కారణాలతో  మెడ నొప్పి బాధిస్తుంది.   ♦ నిద్ర లేచిన తర్వాత మీకు మెడ నొప్పిగా అనిపిస్తే.. నొప్పి ప్రభావిత ప్రాంతాల్లో ఐస్‌ ప్యాక్‌ లేదే చల్లని నీటిలో నింపిన క్లాత్‌ ను వేసి అద్దాలి. అలా చేయడం వల్ల మెడ కండరాల వాపు తగ్గుతుంది. దీంతోపాటు హీట్‌  ప్యాక్‌ ను ఉపయోగించవచ్చు. ఇది కూడా మెడ కండరాల నొప్పిని తగ్గిస్తుంది.  ♦  మెడ నొప్పిగా ఉన్న వాళ్లు చేతులతో మెడను నెమ్మదిగా మసాజ్‌ చేయాలి. అలా చేయడం వల్ల కండరాలు సర్దుకొని నొప్పి తగ్గే అవకాశం ఉంది. ♦  మసాజ్‌ చేసే సమయంలో కొబ్బరి లేదా నువ్వుల నూనె ఉపయోగిస్తే మేలు జరుగుతోంది. మెడ నొప్పిని నివారించేందుకు మీరు రాత్రిళ్లు బోర్లా పడుకోకుండా ఉంటే చాలు. ♦ కొన్ని రకాల యోగా ద్వారా కూడా మెడనొప్పిని తగ్గించుకోవచ్చు. ముఖ్యంగా క్లాక్‌ వైజ్‌,యాంటి క్లాక్‌వైజ్ దిశలో మెడను మెల్లిగా  సున్నాలాగా చుడుతూ చేసే వ్యాయామం  మంచి ఫలితాలనిస్తుంది.   ‍  ♦ మొబైల్ ఫోన్‌ల వల్ల వచ్చే నొప్పిని టెక్స్ట్ నెక్ సిండ్రోమ్ అంటారు. దీనికి ఆక్యుపంక్చర్ థెరపీ ద్వారా ఉపశమనం పొందవచ్చు. చాలా సందర్భాలలో, నొప్పికి కారణం తెలియదు. దానికదే మెల్లిగా నెమ్మదిస్తుంది.  కొన్నిసార్లు ఇది వారం లేదా రెండు వారాల్లో తగ్గుతుంది. చిట్కాలతో కూడా మెడనొప్పి తగ్గకుండా వేధిస్తూ ఉంటే మాత్రం వైద్యులను సంప్రదించాలి. సరైన చికిత్స తీసుకోవాలి. మూడు నెలల కంటే ఎక్కువ కాలంపాటు వేధించే మెడ నొప్పికి అంతర్లీనంగా మరికొన్ని కారణాలు కూడా ఉండవచ్చని నిపుణులు చెబుతున్నారు. 

మారుతున్న కాలంలో  చాలా చిన్న వయస్సులోనే తెల్ల జుట్టు వచ్చేస్తోంది. దీంతో చాలామంది మానసికంగా కుంగిపోతున్నారు. మరికొంతమంది మార్కెట్లో దొరికే అనేక రకాల రసాయనాలతో కూడిన  హెయిర్ డైలను ఎడా పెడా వాడేస్తున్నారు.  ఈ అనారోగ్యకరమైన కెమికల్స్‌తో కొత్త సమస్యలొస్తున్నాయి. అయితే మరికొంతమంది  మాత్రం ఓపిగ్గా సహజమైన హెన్నా, ఇతర చిట్కాలను  వాడుతున్నారు. మరి అలాంటి చిట్కా మీకోసం.. జామ ఆకులు: సైడ్ ఎఫెక్ట్స్ లేకుండా మన చుట్టూదొరికేవాటితోనే  తెల్ల జుట్టును నల్లగా మార్చుకోవచ్చు. తెల్లజుట్టును నల్లగా మార్చటంలో జామ ఆకు చాలా అద్భుతంగా పనిచేస్తుంది. జామ ఆకులను శుభ్రంగా కడిగి మెత్తగా గ్రైండ్‌ చేసుకోవాలి. ఈ పేస్ట్‌నుంచి తీసిన రసంలో  2 స్పూన్ల బాదం ఆయిల్ కలిపి జుట్టుకి పట్టించి అరగంట అయ్యాక తేలికపాటి షాంపూతో తలస్నానం చేయాలి. వారంలో 2 సార్లు చేస్తే మంచి ఫలితం ఉంటుంది. నల్ల నువ్వులు నల్ల నువ్వులు జుట్టును నల్లగా మారుస్తాయి. కొన్ని నల్ల నువ్వులను వారానికి రెండుసార్లు తినడం వల్ల జుట్టు నెరిసే ప్రక్రియ నెమ్మదిస్తుంది లేదా రివర్స్ కూడా చేయవచ్చు. ఆమ్లా లేదా  పెద్ద ఉసిరి ఆమ్లా జుట్టు పిగ్మెంటేషన్‌ను మెరుగుపరుస్తుంది.  ఎండబెట్టిన ఉసిరికాయముక్కలు,  కొబ్బరి నూనెలో కలిపి  బాగా నల్లగా వచ్చే దాకా మరగించాలి.  ఈ తైలాన్ని జుట్టు పట్టిస్తే  కేశాలు నల్లగా మారతాయి. అంతేకాదు ఈ  ఆయిల్‌ను మాడుకు మసాజ్‌ చేసినా,  ఆమ్లా జ్యూస్‌  తాగినా  జుట్టు రాలడం తగ్గుతుంది, నల్లని నిగనిగలాడే జుట్టు మీ సొంతం. కరివేపాకు: కరివేపాకు  జుట్టు  ప్రయోజనకారిగా ఉంటుంది. కరివేపాకులను పేస్ట్‌లా చేసి పెరుగుతో కలిపి వారానికి రెండుసార్లు జుట్టుకు అప్లై చేస్తే మంచి ఫలితం ఉంటుంది. అశ్వగంధ: ఇది రక్త ప్రసరణను మెరుగుపరుస్తుంది, జుట్టు తెల్లగా  అయిపోవడానికి తగ్గిస్తుంది.అశ్వగంధ  వేరు  పౌడర్‌తో పాటు బ్రాహ్మీ పొడిని పేస్ట్‌గా తయారు చేసి మాస్క్‌గా ఉపయోగించవచ్చు. ఈ మాస్క్‌ని నెత్తిమీద మసాజ్ చేసి తర్వాత కడిగేసుకుంటే లాభాలు వస్తాయి. అశ్వగంధ టీ తీసుకోవడం వల్ల జుట్టు నెరసిపోవడం కూడా తగ్గుతుంది. భృంగరాజ్: దీన్నే గుంట గలకర అని కూడా అంటారు. బృంగరాజ్ ఆకులను ఏదైనా నూనెలో రాత్రంతా నానబెట్టి, ఈ నూనెను జుట్టుకు రాసుకోవచ్చు. ఇది జుట్టు ఆరోగ్యానికి  కూడా చాలామంచిది. మందార పువ్వు: మందారలో విటమిన్ సి  ఎ , ఐరన్  లభిస్తాయి. జుట్టుకు ఏదైనా నూనెతో కలిపి దాని  ఎండబెట్టిన, లేదా పచ్చి పువ్వులను వేసి బాగా మరిగించి, చల్లారిన తరవుఆత దాన్ని జుట్టుకు పట్టించుకొని, తరువాత వాష్‌ చేసుకుంటే  తెల్ల జుట్టు నివారణతో పాటు, మంచి మెరుపు కూడా వస్తుంది. తెల్ల జుట్టును తగ్గించడంలో ఉల్లిపాయ కూడా బాగా  పనిచేస్తుందని ఆయుర్వేద నిపుణులు అంటున్నారు. ఆరోగ్యకరమైన జుట్టు కోసం సలాడ్లు, చేపలు,  మాంసం, పండ్లు , ఆకు కూరలు ఎక్కువగా  తినాలి.   

వాతావరణం కొద్దిగా మారిందంటే చాలు  జలుబు,  దగ్గు, గొంతు నొప్పి  చుట్టుముడతాయి.  చిన్నా పెద్దా తేడా లేకుండా అందరూ సీజనల్‌ వ్యాధుల బారిన పడతారు. ముఖ్యంగా   జలుబు,  దగ్గు ఒక్క పట్టాన తగ్గదు. దీనికి తోడు   చాలా నీరసం, అలసట.  అయితే సాధారణ జలుబు, దగ్గును చిన్న చిన్న చిట్కాలు పాటిస్తే త్వరగా ఉపశమనం లభిస్తుంది. యాంటీ బయాటిక్స్ అవసరాన్ని దాదాపు నివారించవచ్చు. సాధారణ జలుబును వైద్యపరంగా వైరల్ ఇన్ఫెక్షన్ లేదా శ్వాసకోశ ఇన్ఫెక్షన్ అంటారు. జలుబు లేదా ఫ్లూ ఉన్నప్పుడు కనిపించే మరో లక్షణం దగ్గు. జలుబు, దగ్గు, గొంతు నొప్పి సమస్యలను దాదాపు  వంట ఇంట్లోని దినుసులతోనే తగ్గించు కోవచ్చు. అల్లం, తులసి, వాము ఆకులతో కషాయాన్ని చేసుకొని, కొద్దిగా తెనె కలుపుకుని తాగవచ్చు.  అలాగే  వేడి పాలల్లో  సేంద్రీయ పసుపు  కలుపుకొని తాగవచ్చు.  నల్ల మిరియాల టీ నల్ల మిరియాల్లో విటమిన్ సి కూడా సమృద్ధిగా  ఉంటుంది. ఇది సహజంగా రోగనిరోధక శక్తిని మెరుగుపరుస్తుంది. కనుక నల్ల మిరియాలు, బెల్లం, నాలుగు తులసి ఆకులు వేసుకొని  టీ కాచుకొని తాగవచ్చు. అలాగే ధనియాల కషాయం కూడా. ఇది చేసుకోవడం చాలా సులభం కూడా. మరి ఈ కషాయాన్ని ఎలా తయారు చేసుకోవాలి? కావాల్సిన పదార్థాలేంటో తెలుసు కుందాం. ఒక టీ స్పూన్ ధనియాలు, అర టీ స్పూన్ వాము, జీల కర్ర, యాలకులు, ఐదు లవంగాలు, ఐదు మిరియాలు, అర టీ స్పూన్ శొంఠి పొడి, చిన్న దాల్చిన చెక్క ముక్కను తీసుకొని తడి లేని మిక్సీ జార్‌లో మెత్తగా పౌడర్‌లా చేసుకోవాలి. ఈ పౌడర్‌ని ఓ గాజు సీసాలో భద్ర పరుచుకోవాలి. తయారీ విధానం ఒక గిన్నెలో  ఒక గ్లాసు నీళ్లు  తీసుకోవాలి. అందులో ఒక టీ స్పూన్ పొడిని వేయాలి. ఇలా ఐదు నుంచి 10 నిమిషాల పాటు మరిగించుకోవాలి. ఈ మిశ్రమానికి ఒక స్పూన్ తేనె కలుపు కోవచ్చు. దీన్ని వేడి, వేడిగా తాగాలి.  దీంతో ముక్కు దిబ్బడ తగ్గి శ్వాస సాఫీగా అవుతుంది.  వాస్తవానికి తేనె దగ్గు నుండి ఉపశమనం కలిగిస్తుంది. దీన్ని క్రమం తప్పకుండా తీసుకుంటే వాతావరణం మార్పుల ద్వారా వచ్చే వ్యాధులు ఉంచి ఉపశమనం మాత్రమే కాదు,  రోగ నిరోధక శక్తిని పెంచుతుంది.   ఈ హోమ్ టిప్స్ వల్ల ప్రయోజనాలే కానీ సైడ్ ఎఫెక్ట్స్  పెద్దగా ఉండవు.  ఆవిరి పట్టడం యూకలిప్టస్ లేదా  రోజ్‌మేరీ ఆయిల్‌ లేదా కాస్తంత పసుపు వేసి,  బాగా  కాగిన వేడి నీటి ఆవిరి పడితే మంచిది. సుమారు 10-15 నిమిషాలు పాటు స్టీమ్‌  పడితే  గొంతులోని కఫం కరిగి, గొంతు నొప్పితోపాటు,  దగ్గు కూడా తగ్గుతుంది. రోజుకు రెండు సార్లు ఇలా ఆవిరి పట్టవచ్చు.   నోట్‌: జలుబు ఏమాత్రం తగ్గకుండా, దగ్గు మరీ ఎక్కువగా వేధిస్తుంటే మాత్రం వైద్యుడిని సంప్రదించడం ఉత్తమం. లేదంటే ఒక్కోసారి ఈ ఇన్ఫెఫెక్షన్‌ ఇతర భాగాలకు కూడా పాకే ప్రమాదం ఉంటుంది.   

చలికాలం చుండ్రుతో జుట్టు పొడిబారనట్లుగా అయిపోయి డల్‌గా ఉంటుంది. దీనిక తోడు ఈ కాలంలో హెయిర్‌ గ్రోత్‌ కూడా స్పీడ్‌గా ఉండదు. సీజన్ల వారిగా మన జుట్టుని సంరక్షణ పద్ధతులను కూడా అందుకు తగ్గట్టు కాస్త మార్పులు చేసుకుంటూ కొద్దిపాటి రెమిడ్సిని అనుసరిస్తే కుచ్చులాంటి కురులు మీ సొంతం. అందుకోసం ఫాలో అవ్వాల్సిన రెమిడీలు ఏంటంటే.. మూడు టీ స్పూన్ల ఆలివ్‌ ఆయిల్,ఒక టీ స్పూను తేనె తీసుకుని రెండింటినీ కలుపుకోవాలి. ఈ మిశ్రమాన్ని తలకు పట్టించి పదిహేను నిమిషాల తర్వాత షాంపూతో తలస్నానం చేయాలి. ఇలా వారానికి మూడుసార్లు చేస్తుంటే పొడిబారిపోయిన జుట్టు కూడా చాలా అందంగా తయారవుతుంది. మూడు టీ స్పూన్ల ఆముదాన్ని గోరువెచ్చ చేసుకుని, తలకు పట్టించి మసాజ్‌ చేసుకోవాలి. తర్వాత  జుట్టంతా చిక్కు లేకుండా దువ్వెనతో నెమ్మదిగా దువ్వుకుని, వేడి నేటిలో తడిపిన టవల్‌ను తలకు చుట్టి పావుగంటపాటు ఆవిరి పట్టించాలి. తర్వాత నీటితో జుట్టును కడిగేసి, మర్నాడు షాంపూతో తలస్నానం చేయాలి. రెండు టీ స్పూన్ల కొబ్బరి నూనెలో టీస్పూను నిమ్మరసం వేసి తలకు మసాజ్‌ చేసుకోవాలి. కొబ్బరి నూనెలో కొద్దిగా మెంతులు లేదా కరివేపాకు పేస్ట్‌ లేదా వేపాకుల పేస్ట్‌ కలిపి గోరువెచ్చగా అయ్యేంతవరకూ వేడి చేసుకోవాలి. ఈ మిశ్రమాన్ని కేశాలకు పట్టించి మసాజ్‌ చేసి మర్నాడు షాంపూతో తలస్నానం చేయాలి.  కప్పు నీటిలో టీ స్పూను నిమ్మరసం, రెండు టీ స్పూన్ల ఆపిల్‌ సీడర్‌ వెనిగర్‌ (మార్కెట్‌లో లభిస్తుంది) వేసి కలుపుకోవాలి. షాంపూతో తలస్నానం చేసిన పది నిమిషాల తర్వాత ఈ మిశ్రమంతో తలను తడపాలి. ఇలా చేస్తే జుట్టు ఆరోగ్యంగా, మెరుస్తూ కనబడుతుంది.  (చదవండి: పళ్ళపై పసుపు మరకలు పోవాలంటే..)

ఇంటిప్స్‌  ►గ్లాసు నీళ్లల్లో బిర్యానీ ఆకు, దాల్చిన చెక్కను ముక్కలుగా తుంచి వేయాలి. దీనిలో బోరిక్‌ యాసిడ్‌ రెండు టీ స్పూన్లు వేసి మూడు గంటల పాటు నానబెట్టాలి. తరువాత ఈ నీటిని సింక్‌లో పోస్తే బొద్దింకలు రావు. ► నిమ్మకాయలను శుభ్రంగా కడిగి తుడవాలి. వీటికి కొద్దిగా నూనె రాసి టిష్యూపేపర్‌ వేసిన బాక్స్‌లో పెట్టి రిఫ్రిజిరేటర్‌లో పెడితే ఎక్కువ రోజుల పాటు తాజాగా ఉంటాయి. ► గ్లాసు నీళ్లలో కొద్దిగా వెనిగర్‌ వేసి టూత్‌బ్రష్‌లను నానబెట్టాలి. అరగంట తరువాత గోరువెచ్చని నీటితో కడిగితే టూత్‌ బ్రష్‌లు శుభ్రపడతాయి. ► నిమ్మకాయ ముక్కలు, పుదీనా ఆకులు, వెనిగర్‌ను సమపాళ్లల్లో తీసుకుని ఐస్‌క్యూబ్‌ ట్రేలో పోసి రాత్రంతా రిఫ్రిజిరేటర్‌ లో పెట్టాలి. ఉదయం ఈ ఐస్‌క్యూబ్‌ను తీసి దుర్వాసన వస్తోన్న సింక్‌లో వేస్తే దుర్వాసన తొలగిపోతుంది.  ► టొమాటో చుట్టూ  గాటు పెట్టి మరుగుతున్న నీటిలో వేయాలి. నిమిషం తరువాత తీసేసి ఐస్‌వాటర్‌లో వేయాలి. తరువాత టొమాటోను పట్టుకుని లాగితే తొక్క సులభంగా వచ్చేస్తుంది.

వర్షకాలంలో చాలామందిని వేధించే సమస్య ఆస్తమా. వాతావరణంలో మార్పులతో శ్వాసకోశ వ్యాధులు పెరిగే అవకాశం ఉంది. ముఖ్యంగా ఉబ్బసం అటాక్‌ అయ్యే ప్రమాదం ఎక్కువగా ఉంటుంది. మారుతున్న సీజన్‌లో ఆస్తమా రోగులు ప్రత్యేక శ్రద్ధ వహించాలని వైద్యులు చెబుతారు. లక్షణాలను సకాలంలో గుర్తిస్తే ఆస్తమాను నివారించుకోవచ్చు. ఆస్తమా వ్యాధిని ఎలా అదుపులో పెట్టుకోవాలన్నది ప్రముఖ ఆయుర్వేద డా. నవీన్‌ నడిమింటి మాటల్లోనే విందాం. ఇలా చేస్తే దగ్గు, జలుబు ఈజీగా తగ్గుతుంది చిటికెడు పసుపును నీళ్ళలో వేసి మరిగించి ఆ ఆవిరిని రోజుకి పదిసార్లు పట్టాలి. పాలు, మిరియాలు పొడి పసుపు కలిపి మరిగించి రాత్రి పడుకునే ముందు తాగి, ముక్కు, ముఖానికి విక్స్ వేపరబ్ పట్టించి దుప్పటి తలమీద వరకు కప్పుకుని పడుకుంటే ఉదయం లేవగానే ఎంతో రిలీఫ్‌గా ఉంటుంది.తులసి ఆకుల రసం తేనె తో కలిపి తీసుకుంటే  జలుబూ గొంతు నొప్పి,దగ్గు త్వరగా తగ్గుతాయి. జలుబు లేకపోయినా పొడి దగ్గు.. ఎందుకు?   శరీరంలో నీరు సరిపోక ఒంట్లో వేడి చేసినప్పుడు ఇలా దగ్గు వస్తుంది.ఇలా వచ్చే దగ్గు వెంటనే తగ్గదు..కానీ ఉప్పునీళ్ళు గొంతు దాకా పుక్కిలించడం, మిరియాల కషాయం (రుచించడం కోసం కొంత బెల్లం కూడా కలపవచ్చు), లేదా వెచ్చటి తేనె, నిమ్మరసం కలిపిన నీరు లాంటివి కొంత ఉపశమనాన్ని కలిగించవచ్చు. ఇక దాహం వేసినప్పుడల్లా అశ్రద్ద చేయకుండా శరీరానికి సరిపడా నీళ్లు తీసుకోవడం అలవాటు చేసుకోవాలి.  ఉబ్బసం వ్యాధిని అదుపులో పెట్టుకోవడం ఎలా…? కొన్ని ర‌కాల పండ్లు, కూర‌గాయ‌లు ఆహారంలో భాగం చేసుకోవ‌డం ద్వారా ఉబ్బసం వ్యాధిని అదుపులో ఉంచుకోవ‌చ్చు.విట‌మిన్ సీ, ఈ,బెటాకెరోటిన్‌,ఫ్లేవ‌నాయిడ్స్‌,మెగ్నీషియం,సెలీనియం,ఒమేగా 3ఫ్యాటీ యాసిడ్స్ అధికంగా ల‌భించే ఆహారాల‌ను తీసుకోవ‌డం ద్వారా ఉబ్బసం వ్యాధిని అదుపులో ఉంచుకోవచ్చు.కోడిగుడ్లు, పాలు క్రమం తప్పకుండా తీసుకోవాలి. వీటితో పాటు పాలకూర వంటి ఆకుకూరలను రోజువారి ఆహారంలో చేర్చుకోవాలి.  ►హోమియోలో Blatta orientalis అనే మందు ఉబ్బసం వ్యాధి నివారణ లో అద్భుతంగా పని చేస్తుంది. దీన్ని Mother Tincture రూపంలో రోజు 3 పర్యాయాలు అర గ్లాసు (చిన్న గ్లాసు) నీటిలో 10 చుక్కల వంతున వేసి ఇవ్వాలి. -డా.నవీన్‌ నడిమింటి(9703706660) ప్రముఖ ఆయుర్వేదిక్‌ నిపుణులు

చాలామందికి పైపెదవులపైన, గడ్డం వద్ద అవాంచిత రోమాలు వస్తుంటాయి. వాటిని తొలగించుకునేందుకు వాక్సింగ్‌, థ్రెడింగ్‌ వంటి నొప్పితో కూడిన ప్రక్రియలను ఆశ్రయిస్తారు. అలాకాకుండా ఇంట్లో ఉన్నవాటితో సహజంగా ఆ అవాంచిత రోమాలను తొలగించుకోవచ్చు. ఎలాంటి నొప్పి ఫేస్‌ చేయాల్సిన అవసరం ఉండదు పైగా ఈజీగా బయటపడొచ్చు కూడా. ఎలాగో చూద్దాం!. సహజ పద్ధతిలో అవాంఛిత రోమాలను తొలగించుకోవడానికి.. ►పసుపు ఒక టేబుల్‌ స్పూన్‌, పాలు ఒక టేబుల్‌ స్పూన్‌ తీసుకోండి. ఆ మిశ్రమాన్ని పై పెదవికి అప్లై చేసి ఆరిన తర్వాత మెత్తగారుద్దండి. వెంట్రుకలు పలచబడటమేగాక తగ్గడం స్టార్ట్‌ అవుతుంది. ►నిమ్మరసం, పంచాదార మిశ్రమాన్ని అప్లై చేసిన వెంట్రుకలు కుదుళ్లు వదులై త్వరగా పోయే అవకాశం ఉంటుంది. నిమ్మలో ఉండే యాసిడ్‌లు బ్లీచ్‌లా పనిచేస్తుంది. ఇక షుగర్‌ స్కిన్‌ ఎక్స్‌ఫోలియేషన్‌లో సహయపడుతుంది. పొడిచర్మం ఉన్నట్లయితే దీన్ని స్కిప్‌ చేయండి.  ►గుడ్డు తెల్లసొన ఒక టేబుల్‌ స్పూన్‌, మొక్కజొన్నపిండి 1/2 టేబుల్‌ స్పూన్‌ తీసుకోండి ఈ మిశ్రమాన్ని పెదాలపై అప్లే చేస్తే ఈజీగా వెంట్రుకలు రాలిపోతాయి. ►సెనగపిండి, పాలు ఒక టేబుల్‌స్పూన్‌ చొప్పున తీసుకుని దాంట్లొ కొంచెం పసుపు వేసుకుని ఆ మిశ్రమాన్ని పెదాలపై రాసి సుమారు 15 నుంచి 20 నిమిషాలు ఉంచి ఆరిపోయాక వేడి నీటితో కడిగేయండి.  ►పెరుగు కూడా చక్కటి ఫలితం ఇస్తుంది. పెరుగు, తేనె ఒక టేబుల్‌ స్పూన్‌ పసుపు చిటికెడు వేసి కలిపి ఈ మ్రిశ్రమాన్ని అప్లై చేసి 20 నిమిషాలు అలాగే ఉంచండి. ఆ తర్వాత గోరు వెచ్చని నీటితో కడిగేయండి ఇక వెంట్రుకలు ఈజీగా రాలిపోతాయి. ఈ చిట్కాలను క్రమం తప్పకుండా చేస్తే గనుకు సుమారు 15 రోజుల్లోనే చక్కటి ఫలితం కనిపిస్తుంది. అలాగే అవాంఛిత రోమాలు ఎక్కువగా ఉన్నవారిని నెల లేదా  రెండు నెలల్లో చక్కటి ఫలితం కనిపించి తీరుతుంది.  (చదవండి: హెయిర్‌–డై వేసుకునేటప్పుడు ఈ జాగ్రత్తలు తీసుకుంటున్నారా!)

మలబద్ధకం చాలామందిని వేధించే సమస్య. ఇది కేవలం ఉదయం పూట చెప్పుకోలేని బాధ మాత్రమే కాదు.. దీనివల్ల మున్ముందు కూడా అనేక ఆరోగ్య సమస్యలు వచ్చే అవకాశం ఉంది. అందుకే భవిష్యత్తు ఆరోగ్యం దృష్ట్యా కూడా దీన్ని నివారించుకోవాల్సిన అవసరమూ ఉంది.  పీచు పుష్కలంగా ఉండే ఆహారం, తాజా పండ్లతో దీన్ని నివారించుకోవడం సాధ్యం. అవి జీర్ణాశయమార్గాన్ని శుభ్రంగా ఉంచడంతో పాటు విరేచనం కూడా తేలిగ్గా అయ్యేలా చేస్తాయి. దేహంలో చక్కెరను నెమ్మదిగా వ్యాపించేలా చేసేందుకూ, కొలెస్ట్రాల్‌ వంటి కొవ్వులను అదుపులో ఉంచడానికి దోహదపడతాయి. మనం వాడే అన్ని రకాల ధాన్యాల పొట్టులో పీచు పదార్థాలు ఎక్కువ. అందుకే పొట్టు తీయని ధాన్యాలు.. ఉదాహరణకు దంపుడు బియ్యం వంటివి మేలు చేస్తాయి. ఇక మామూలు ధాన్యాల్లో కంటే తృణధాన్యాల్లో పీచు ఎక్కువ. కాయగూరలు, ఆకుకూరలు, మొలకెత్తిన ధాన్యాల్లోనూ పీచు పాళ్లు ఎక్కువ. చిక్కుళ్లలో ప్రోటీన్‌తో పాటు ఫైబర్‌ కూడా ఎక్కువే. చదవండి: బ్రోకెన్‌ హార్ట్‌ సిండ్రోమ్‌కీ.. గుండెపోటుకీ తేడా తెలుసా? ఇక పండ్ల విషయానికి వస్తే.. పీచు ఎక్కువగా ఉండే బొప్పాయి, పుచ్చ, నారింజ వంటి పండ్లు మలబద్ధకాన్ని తేలిగ్గా నివారిస్తాయి. అయితే పళ్లరసాల రూపంలో తీసుకుంటే అందులో పీచుపదార్థాలు దాదాపుగా ఉండవు. అందుకే పండ్లను కొరికి తినడమే మేలు. ∙పీచుపదార్థాలతో పాటు తగినన్ని నీళ్లు తాగడం వల్ల విరేచనం సాఫీగా అవుతుంది. అందుకే రోజుకు కనీసం రెండు లీటర్ల  (కనీసం పది గ్లాసుల) నీళ్లు తాగడం మేలు చేస్తుందని గ్రహించాలి. చదవండి: ‘స్టెమీ’ గుండెపోటు అంటే తెలుసా? ఎవరికి ఆ ప్రమాదం?

చిన్నపిల్లలు చాలామంది మూత్రవిసర్జన సమయంలో మంట అని ఏడుస్తుంటారు. యూరినరీ ట్రాక్ట్‌ ఇన్ఫెక్షన్‌ వల్ల ఇలా జరుగుతుంది. వేసవిలో పిల్లల్లో ఈ సమస్య మరీ ఎక్కువ. ఈ కింది జాగ్రత్తలతో దాన్ని నివారించవచ్చు.  ►పిల్లలు తగినంతగా నీళ్లు తాగేలా జాగ్రత్త తీసుకోవాలి. మరీ ముఖ్యంగా వేసవి సీజన్‌లో ఆటల్లో పడి పిల్లలు నీళ్లు తాగరు. దాంతో ఈ సమస్య ముప్పు పెరుగుతుంది.  ►వదులుగా ఉండే దుస్తులు వేయాలి. ముఖ్యంగా నడుము కింది భాగంలో బిగుతుగా లేకుండా చూసుకోవాలి.  ►వారి ప్రైవేటు అవయవాల ప్రాంతాన్నంతా పరిశుభ్రంగా ఉంచుకోవడం నేర్పించాలి. ఇన్ఫెక్షన్‌ ఉన్న సమయంలో మూత్రవిసర్జన తర్వాత గోరు వెచ్చని నీళ్లతో ఆ ప్రాంతమంతా శుభ్రం చేయాలి. ఇందుకు సబ్బు నీళ్లు వాడకూడదు. ప్లెయిన్‌ వాటరే మంచిది.  ►పిల్లలకు మంచి టాయిలెట్‌ అలవాట్లు నేర్పాలి. అంటే మూత్రమంతా బయటకు వచ్చేలా మూత్రవిసర్జన చేయడం, ప్రైవేట్‌ పార్ట్స్‌ శుభ్రంగా కడుక్కోవడం వంటివి).  ►యూరినరీ ట్రాక్ట్‌ ఇన్ఫెక్షన్‌ ఉన్నప్పుడు చేయకూడని పనులనూ గుర్తుపెట్టుకోవాలి. నీళ్ల తొట్టిలో సబ్బు కలిపి నురగవచ్చేలా చేసి, తొట్టి స్నానం చేయించడం (బబుల్‌ బాత్‌) వల్ల యూరినరీ ట్రాక్ట్‌ ఇన్ఫెక్షన్స్‌ రావచ్చు. అందుకే ఆ సమయంలో బబుల్‌బాత్‌ చేయించకూడదు.

అకస్మాత్తుగా వచ్చే పంటి నొప్పితో ఎంతటి వారైనా విలవిల్లాడిపోతారు. ఎక్కువగా రాత్రుళ్లు మొదలయ్యే పంటినొప్పి కొన్ని గంటల పాటు ఇబ్బంది పెడుతూనే ఉంటుంది. ఆ సమయంలో తక్షణం నొప్పి నుంచి ఉపశమనం అందించే మందు కోసం చూస్తాం. ఆ తర్వాత వైద్యుడి వద్దకు వెళతాం.  తక్షణ ఉపశమనం కోసం కొన్ని చిట్కాలు... పంటినొప్పి బాధిస్తున్నప్పుడు తక్షణం నొప్పి నుంచి ఉపశమనం పొందడానికి పెయిన్‌ రిలీఫ్‌ జెల్స్‌ ఉపయోగపడతాయి. ఇందులో ఇజినాల్, కర్పూరం, పుదీనా ఉంటాయి. ఈ జెల్‌ను పన్ను నొప్పి ఉన్న చోట ఒక చుక్క వేసి కాసేపు మర్ధన చేసినట్లయితే మూడు నిమిషాల్లోనే నొప్పి నుంచి ఉపశమనం లభిస్తుంది. ఇజినాల్‌ అనస్థెటిక్‌గా, యాంటీసెప్టిక్‌గా పనిచేస్తుంది. అయితే తక్షణ ఉపశమనం కోసం మాత్రమే ఉపయోగపడుతుంది. చికిత్స కాదు. చికిత్స కోసం దంతవైద్యుని సంప్రదించి కారణం తెలుసుకుని చికిత్స తీసుకోవాలి.  ►పంటినొప్పి ఉన్నవారు ఒక గ్లాసు వేడినీటిలో చెంచా ఉప్పును కలిపి, ఆ నీటితో నోటిని బాగా పుక్కిలిస్తే పంటి నొప్పి, చిగుళ్ల వాపు తగ్గుతాయి. ఉప్పునీరు ఒక సహజమైన మౌత్‌ వాష్‌లా బ్యాక్టీరియాపై దాడిచేసి నోటి దుర్వాసనను తగ్గిస్తుంది. ►కొన్ని మిరియాలను లేదా లవంగాలను మెత్తగా నూరి దానికి కొన్ని నీళ్ళు చేర్చి పేస్టులా తయారు చేసుకోవాలి. ఈ పేస్టుని కొద్దిగా తీసుకొని నొప్పి ఉన్న పంటి దగ్గర ఉంచితే నొప్పిని తగ్గిస్తుంది. ►లవంగాల్ని మెత్తగా నూరి దానిలో కొద్దిగా ఆలివ్‌ ఆయిల్‌ కలిపి పేస్టులా చేసుకోవాలి. ఈ పేస్టుని నొప్పి ఉన్న పంటి దగ్గర ఉంచితే నొప్పి తగ్గిపోతుంది. లవంగాల బదులుగా లవంగ నూనె తీసుకొని దానిని దూదికి అడ్డుకొని ఆ దూదిని నొప్పి ఉన్న పంటి దగ్గర ఉంచినా మంచి ఫలితం కనిపిస్తుంది. ►క్లోవ్‌ ఆయిల్‌ పేరుతో లవంగనూనె చిన్న చిన్న సీసాలలో మెడికల్‌ షాపుల్లోనూ, సూపర్‌ బజార్‌లలోనూ కూడా దొరుకుతుంది.  ►కొంచెం దూదిని తీసుకొని దానిని నీటిలో తడిపి తరువాత బేకింగ్‌ సోడాలో ముంచి నొప్పి ఉన్న పంటిపైన ఉంచితే నొప్పి తగ్గిపోతుంది. పంటి నొప్పి బాధించకుండా ఉండాలంటే రెగ్యులర్‌గా డెంటిస్ట్‌ చెకప్‌ చేసుకోవాలి. సంవత్సరానికి ఒకటి రెండుసార్లు దంతాలను క్లీన్‌ చేయించుకోవాలి. రోజూ రెండు సార్లు బ్రష్‌ చేసుకోవడం తప్పనిసరి. స్వీట్లు, ఇతర ఆహార పదార్థాలను తిన్న తర్వాత నోటిలో నీళ్లు పోసుకుని బాగా పుక్కిలించి ఉమ్మేయడం వల్ల  దంతసమస్యలు రాకుండా చూసుకోవచ్చు.  

How To Cure Dandruff Tips In Telugu: ప్రపంచవ్యాప్తంగా అన్ని దేశాలలో, ప్రాంతాలలో చాలామంది ఎదుర్కొనే సాధారణ సమస్యలలో చుండ్రు ఒకటి. చుండ్రు ఒకప్పుడు చలికాలం మాత్రమే వచ్చే సమస్య. ఇప్పుడు కాలాలు, వాతావరణాలతో, వయసుతో సంబంధం లేకుండా అందరినీ చుట్టు ముట్టేస్తోంది. ఇదేమీ పెద్ద అనారోగ్య సమస్య కాదు... ప్రాణాంతక వ్యాధి అసలే కాదు, కాని చాలా చిరాకు కలిగించే సమస్య. కొందరిలో ఆత్మస్థైర్యాన్ని కూడా దెబ్బ తీస్తుంది! దేనికైనా అది రావడానికి కారణాలు తెలిస్తే నివారించడం సులభం... చుండ్రు ఎందుకు వస్తుంది? దానిని ఎలా నివారించవచ్చనే దానిపై అవగాహన కోసం... చుండ్రు అంటే ఏమిటి? ఎందుకు వస్తుంది? చుండ్రు రావటానికి కారణం మన తలలో ఉండే ఈస్టు అనే హానిలేని సూక్ష్మజీవి. ఇది అందరిలో ఉంటుంది. కానీ తలలో అధికంగా ఉండే నూనె, మృత కణాలని ఆహారంగా తీసుకుని వృద్ధి చెందుతుంది. దీనిమూలంగా మృత కణాలు ఎక్కువై తల నిండా పొట్టు లాగా కనపడుతుంది. దీనినే చుండ్రు అంటారు.   ఆహారంలో గణనీయమైన మార్పులు, తరచు ప్రయాణాలు చేయడం, నీటి మార్పు, వాతావరణ మార్పు వంటివి ఇప్పుడు ఇంచుమించు అందరి జీవితంలో తప్పనిసరి అయ్యాయి. ఇలాంటి పరిస్థితిలో జుట్టుని ఆరోగ్యంగా, అందంగా ఉంచుకోవటానికి ఖచ్చితంగా కొంత టైం కేటాయించాలి. చదవండి: True Love Story: 65 ఏళ్ల ఎదురుచూపు.. అద్భుత ప్రేమ గాథ! నివారణ చర్యలు  ►ఇతరుల దువ్వెనలను, హెయిర్‌ బ్రష్‌లను, తువ్వాళ్ళను వాడకూడదు. తమ వస్తువులను ఇతరులకు ఇవ్వకూడదు. వారానికి ఒకసారి స్వచ్ఛమైన కొబ్బరినూనె లేదా ఆలివ్‌ ఆయిల్‌ను గోరువెచ్చగా చేసి, తలకు పట్టించి, సున్నితంగా మర్దన చేయాలి. ఆ తర్వాత కుంకుడు కాయలు లేదా శీకాయపొడిని ఉపయోగించి, తలస్నానం చేయాలి. ►తలస్నానం చేసే నీళ్ళు పొగలు కక్కేంత వేడిగా లేదా వణుకు పుట్టించేంత చల్లగా ఉండకూడదు. గోరువెచ్చని నీరు చాలా మంచిది.  ప్రకటనలలో చూపించారు కదా అని గాఢమైన రసాయనాలు కలిసిన హెయిర్‌ ఆయిల్స్‌ను, షాంపూలను ఇష్టం వచ్చినట్లు వాడటం కూడా తలపై ఈస్ట్‌ పెరిగేందుకు అవకాశం కలిగిస్తుంది.  ►మాసిపోయిన దుప్పట్లను, తలగడలను వాడటం, దుమ్ము, ధూళి పడే ప్రదేశంలో పని చేయడం, పోషకాహారం తీసుకోకపోవడం, మానసిక ఆందోళన, కొన్ని రకాల మందులను వాడటం చుండ్రుకు దారి తీసే కారణాలలో ప్రధానమైనవి.  ►చుండ్రుతో బాధపడేవారు తలగడ గలీబులను వేడినీటిలో నానబెట్టి, శుభ్రంగా ఉతికి ఎండలో ఆర వేయాలి. పుదీనా రసం మాడుకి పట్టించి అరగంట తర్వాత తలని శుభ్రపరిస్తే చుండ్రు సమస్య ఉండదు. చదవండి: Health Tips: ఈ విటమిన్‌ లోపిస్తే మతిమరుపు, యాంగ్జైటీ, హృదయ సమస్యలు.. ఇంకా.. మందార ఆకులు : జుట్టుకు కండిషనర్‌ మందార ఆకులు మరియు పువ్వు రేకులను పేస్ట్‌ చేసి జుట్టుకు ఒక సహజ కండీషనర్‌ వలె ఉపయోగిస్తారు. జుట్టు ముదురు రంగులో మారటానికి మరియు చుండ్రు తగ్గించడానికి సహాయపడుతుంది. మెంతి: మెంతి ఆకును దంచి పేస్ట్‌ లా చేసి తలకు రాస్తే చుండ్రు, వెండ్రుకలు రాలడం తగ్గుతాయి. వెండ్రుకలు నిగనిగలాడతాయి. వేపాకు: తలలో చుండ్రు ఏర్పడితే తాజా వేపాకులను మెత్తగా నూరి, ఆ ముద్దను తలకు పట్టించి, ఓ పావుగంటయిన తర్వాత తలస్నానం చేస్తే  చుండ్రు తొలగిపోయి తల శుభ్రంగా ఉంటుంది. కాసిని గసగసాలు తీసుకొని, సన్నని మంట పై వేయించి, గోరువెచ్చటి నీటిలో 4 నుండి 5 గంటలు నానబెట్టి ఆ మిశ్రమాన్ని, తలకు పట్టించి, గంట ఆగి తల స్నానం చేయాలి. నాణ్యమైన వెనిగర్‌ బాటిల్‌ తెచ్చుకుని ఆరు చెంచాల నీళ్లకు రెండు చెంచాల వెనిగర్‌ చొప్పున కలిపిన మిశ్రమాన్ని తలకు పట్టించి అరగంట తర్వాత స్నానం చేయాలి. ఇలా వారానికి ఒకసారి చేసినట్లయితే చుండ్రు సమస్య నుంచి తొందరలోనే బయట పడవచ్చు.   చదవండి: Mysteries Temple: అందుకే రాత్రి పూట ఆ దేవాలయంలోకి వెళ్లరు..! ఈ చిట్కాలు కూడా బాగా పనిచేస్తాయి.. ►చుండ్రుతో సతమతమయ్యేవారు పెరుగులో కొంచెం ఉసిరి పొడిని కలిపి తలకి పట్టించి అరగంట తర్వాత తలస్నానం చేస్తే మంచి ఫలితాలు వస్తాయి. ►రెండు టేబుల్‌ స్పూన్ల మెంతులను నీటిలో రాత్రంతా నానపెట్టి, ఉదయం దానిని పేస్టులా చేసుకుని ఆ మిశ్రమాన్ని తలకి పట్టించి అరగంట తర్వాత స్నానం చేయాలి. ►అలోవెరా జెల్‌ని తలకి పట్టించి గంట తర్వాత స్నానం చేయాలి. ఇలా రోజు చేస్తే చుండ్రు తొలగి తల శుభ్రంగా ఉంటుంది.      ►తీక్షణమైన ఎండ వెంట్రుకల ఆరోగ్యాన్ని దెబ్బ తీస్తుంది. కాబట్టి ఎండలోకి వెళ్లేటప్పుడు తలకు ఆచ్ఛాదనగా టోపీ పెట్టుకోవడం లేదా బట్టను కట్టుకోవడం మంచిది. ►పోషకాహార లోపం ఏర్పడకుండా సంతులిత ఆహారాన్ని తీసుకోవాలి. ►నిద్రలేమి ఏర్పడకుండా చూసుకోవాలి. తల దువ్వుకునే దువ్వెనలో పళ్ళ మధ్య మట్టి పేరుకోకుండా శుభ్రపరుస్తూ, దువ్వెనలను వారానికి ఒకసారి వేడి నీటితో శుభ్రపరచడం మంచిది. ►వెంట్రుకల కుదుళ్ళలోకి ఇంకేటట్లుగా కొబ్బరి నూనె తలకు రాసినప్పుడు వేళ్ళతో సున్నితంగా మసాజ్‌ చేయాలి. ►వేసవిలో చెమట వల్ల, వానాకాలంలో తల తడవడం వల్ల తల తొందరగా మాసిపోతుంది కాబట్టి వారానికి రెండుసార్లు గోరువెచ్చని నీటితో తలస్నానం చేస్తే వెంట్రుకల ఆరోగ్యం బాగుంటుంది.  చదవండి: మళ్లీ వచ్చేశాయ్‌.. ఏ చీరకాకాసు.. తళతళల కాసులు!!

మీ వయసు కంటే పదేళ్ల పెద్దవాళ్లలా కనిపిస్తున్నారా? పని ఒత్తిడి, కాలుష్యం కారణమేదైనా.. చర్మంపై ముడతలు, మచ్చలు, నల్లని వలయాలు, మృతకణాలు ఏర్పడి చర్మాన్ని జీవం కోల్పోయేలా చేస్తుంది. ఇంట్లోనే తయారు చేసుకునే ఈ ఫేస్‌ ఫ్యాక్‌ ద్వారా మీ చర్మానికి తిరిగి జీవం పోయొచ్చంటున్నారు బ్యూటీషియన్లు. మందారం, ఉసిరిలతో ఫేస్‌ ప్యాక్‌ ఏ విధంగా తయారు చేసుకోవాలో, ప్రయోజనాలు ఏంటో తెలుసుకుందాం.. కావల్సిన పదార్ధాలు ►1 మందారం పువ్వు లేదా 2 టేబుల్‌ స్పూన్ల మందారం పువ్వు పొడి ►1 టేబుల్‌ స్పూన్ తేనె ►2 టేబుల్‌ స్పూన్ల ఉసిరి పొడి లేదా 1 మీడియం సైజు ఉసిరి కాయ తయారీ ఇలా ►మందారం పువ్వు పొడి లేనట్లయితే ఒక మందారం పువ్వును ఒక రాత్రంతా నానబెట్టి మెత్తగా గ్రేండ్‌ చెయ్యాలి. ►అలాగే ఉసిరి పొడి అందుబాటులో లేకపోతే మీడియం సైజు ఉసిరి కాయను తీసుకుని మెత్తగా పేస్ట్‌ చేయాలి. ►వీటికి తేనె జోడించి అన్నింటినీ బాగా కలుపుకుంటే ఫేస్‌ ప్యాక్‌ రెడీ. చదవండి: రెస్టారెంట్‌ విచిత్ర షరతు.. ఫైర్‌ అవుతున్న నెటిజన్లు! ఎలా అప్లై చేయాలంటే.. 5-7 నిముషాలు ముఖానికి ఆవిరిపట్టించాలి. ఇలా చేయడం ద్వారా చర్మ గ్రంధులన్నీ తెరచుకుంటాయి. ఫలితంగా ఫేస్‌ ప్యాక్‌లో ఉ‍న్న అన్ని పధార్థాలు చర్మంలోకి చొచ్చుకుని పోయి రెట్టింపు ఫలితం కనిపిస్తుంది. ఈ మిశ్రమాన్ని ముఖం అంతటా ఫ్యాక్‌లా వేసుకుని 20 నిముషాల పాటు ఉంచుకుని, చల్లని నీటితో కడిగేసుకోవాలి. ఇవీ ప్రయోజనాలు.. వారానికి కనీసం ఒక్కసారైనా ఈ ఫేస్‌ ప్యాక్‌ వాడితే, దీనిలోని విటమిన్‌ సి, చర్మానికి న్యాచురల్‌ మాయిశ్చరైజర్‌లా పనిచేసి, తడిగా ఉంచడానికి సహాయపడుతుంది. ఉసిరిలోని యాంటీ ఆక్సిడెంట్లు వృద్ధాప్య ఛాయలు దరిచేరకుండా కాపాడి, చర్మం మెరిసేలా చేస్తుంది. అలాగే మందారం పువ్వు చర్మంలోని మృతకణాలను, మురికిని తొలగించి కాంతివంతం చేస్తుంది. నల్లని వలయాలను, ముడతలను కూడా నివారిస్తుంది. చదవండి: Health Tips: గుడ్డు, బీట్‌రూట్‌, ఉసిరి, పాలకూర.. వీటితో ఐరన్‌ లోపాన్ని తరిమేద్దాం..!

ఎసిడిటీ సమస్య ఈ రోజుల్లో సాధారణమైపోయింది. అందుకు ప్రస్తుత జీవనశైలి ప్రధాన కారణమని ప్రత్యేకంగా చెప్పనవసరం లేదు. ఎసిడిటీ వల్ల తరచుగా గుండె, కడుపు, గొంతులో మంట వంటి సమస్యలు సంభవిస్తాయి. ఒక్కోసారి తీవ్ర ఆనారోగ్యానికి కారణమౌతుంది. సమయానికి తినడం, బాగా నమలడం, భోజనం తర్వాత కనీసం అరగంట పాటు నిటారుగా కూర్చోవడం వంటి చిన్నపాటి అలవాట్లు ఆచరించడం ద్వారా దీని నుంచి బయటపడవచ్చు. అలాగే వంటగదిలో దొరికే కొన్ని పధార్ధాల ద్వారా ఎసిడిటీని నియంత్రించవచ్చని నిపుణులు సూచిస్తున్నారు. అవేంటో తెలుసుకుందాం.. వాము గింజలు వాములో బయోకెమికల్‌ థైమోల్ అనే క్రియాశీలక పధార్థం గ్యాస్ట్రిక్ సమస్యలను తగ్గించి, మెరుగైన జీర్ణక్రియకు సహాయపడుతుంది.  స్పూన్‌ వాములో చిటికెడు ఉప్పు కలిపి తింటే తక్షణ ఉపశమనం ఉంటుంది. గ్లాస్‌ నీళ్లలో టీ స్పూన్‌ వాము కలిపి, ఒక గంట నినబెట్టి, రాత్రి నిద్రపోయే ముందు తాగినా ఫలితముంటుంది. సోంపు గింజలు భోజనం తర్వాత చిటికెడు సోపు గింజలు తీసుకోవడం పూర్వకాలం నుంచే సంప్రదాయంగా ఉంది. ఇది నోటి దుర్వాసన పోగొట్టడమేకాకుండా, మెరుగైన జీర్ణక్రియకు సహాయపడుతుంది. పిల్లల్లో తరచూ వచ్చే కడుపునొప్పి ఉపశమనానికి సోంపు, పటిక బెల్లం (రాక్‌ షుగర్‌) మిశ్రమం బాగా పనిచేస్తుంది. సోంపు గింజలతో చేసిన టీ కూడా ఆరోగ్యానికి ఎంతో మేలు చేస్తుంది. పాలు, పెరుగు పుల్లని త్రేన్పులకు చక్కటి విరుగుడు పాలు. గోరు వెచ్చని లేదా చల్లని పాలు ఎసిడిటీకి తక్షణ ఉపశమనాన్నిస్తాయి. పాలు సహజ యాంటాసిడ్‌లా పనిచేస్తుంది. పాలల్లో కాల్షియం లవణాలు అధికంగా ఉండటం వల్ల యాసిడ్‌ను వెంటనే తటస్థీకరిస్తుంది. ఎసిడిటీని నియంత్రించడానికి పెరుగు మరొక మార్గం. దీనిలో కాల్షియంతో పాటు, సహజమైన ప్రోబయోటిక్ పుష్కలంగా ఉంటాయి. ఇది ఆరోగ్యకరమైన జీర్ణక్రియను అందిస్తుంది. తేనె గ్లాస్‌ నీళ్లలో టీస్పూన్‌ తేనె కలిపి తాగినా ఎసిడిటీ నుంచి ఉపశమనం పొందవచ్చు. ఈ మిశ్రమానికి కొంచెం నిమ్మరసం కలిపి తాగితే కడుపులో పుల్లని త్రేన్పులకు కారణయ్యే ఆమ్లాలను తలస్థీకరిస్తుంది. కొత్తమీర లేదా ధనియాలు కొత్తమీర విత్తనాల (ధనియాలు) పొడి లేదా కొత్తిమీర ఆకులు ఏ విధంగా తీసుకున్నా ఎసిడిటీని తగ్గిస్తుంది. 10 మీ.లీ కొత్తిమీర రసాన్ని, నీళ్లలో కానీ మజ్జిగలోగానీ కలిపి తాగితే వెంటనే ఉపశమనం పొందవచ్చు. కొత్తిమీర ఆకులతో తయారుచేసిన టీ కూడా తాగవచ్చు. కడుపు ఉబ్బరాన్ని నివరించడమేకాకుండా వాంతులు, విరేచనాల నియంత్రణకు చక్కగా పనిచేస్తుంది. తాజా పండ్లు సిట్రస్‌ పండ్లతో సహా అన్ని రకాల తాజా పండ్లు జీర్ణక్రియ మెరుగుపరచడమేకాకుండా, ఆరోగ్యాన్ని మెరుగుపరిచే ఫైబర్‌ను కూడా అందిస్తాయి. రోజూ రెండు తాజా పండ్లను తీసుకోవడం వల్ల ఎసిడిటీని నియంత్రించవచ్చు.  చదవండి: ఎడమచేతివాటం వారు ఈ విషయాల్లో నిష్ణాతులట.. మీకు తెలియని ఎన్నో ఆసక్తికర విషయాలు..!

అరిచేతులు, అరికాళ్లు, పెదాలపై చమట గ్రంథులు ఉండవనే విషయం అందరికీ తెలుసు. అలాగే సహజ నూనెలు ఉత్పత్తి చేసే సేబాషియస్ గ్రంథులు కూడా ఉండవు. అందుకే వాటి సంరక్షణలో ప్రత్యేక శ్రద్ధ తీసుకోవాలి. ఐతే శరీరంలోని ఇతర భాగాలకంటే పెదవులు త్వరగా పొడిబారిపోతాయి. సూర్యరశ్మి నుంచి వెలువడే యూవీ కిరణాలు వల్ల పెదవులు త్వరగా పొడిబారి దెబ్బతింటాయి. అదరాలు ఎల్లప్పుడు తేమగా, ఆరోగ్యంగా ఉండాలంటే నిపుణులు సూచిస్తున్న ఈ చిట్కాలు మీకోసం.. ►ఆరెంజ్‌ రసం కలిగిన లిప్‌బామ్‌ సూర్యుని నుంచి వెలువడే ప్రమాధకర కిరణాల నుంచి రక్షణ కల్పించి సహజ కండిషనింగ్‌లా పనిచేస్తుంది. ►పెదాలపై డెడ్‌ స్కిన్‌ పొరను తొలగించాలంటే వారానికి ఒకసారైనా టూత్‌ బ్రష్‌తో షుగర్ స్క్రబ్‌ను అప్లై చేయాలి. ►వెన్నను పెదాలపై రాయడం వల్ల ఎల్లప్పుడూ తేమగా, మృదువుగా కనిపిస్తాయి. ►విటమిన్లు పుష్కలంగా ఉండే పండ్లు ఆకుకూరలు తినాలి. అలాగే అధికంగా నీళ్లు తాగడం మంచిది. ►వేసవి వేడిలో పెదవులు నల్లగా మారతాయి. కాబట్టి మీ సహజమైన పెదాల రంగును కాపాడుకోవాలంటే.. కుంకుమపువ్వు, పెరుగును కలిపి రోజుకి 2, 3 సార్లు అప్లై చేస్తే, మీ పెదాల సహజ కాంతి చెక్కుచెదరదు. ►అర టీస్పూన్ గ్లిజరిన్, ఆముదం, నిమ్మరసం తీసుకుని, వీటిని బాగా కలపాలి. ఈ మిశ్రమాన్ని పెదవులపై అప్లై చేసి రాత్రంతా అలాగే ఉంచండి. ఇలా చేయడం ద్వారా పెదాలపై పేరుకుపోయిన ట్యాన్‌ తొలగిపోతుంది. ►రోజుకి 12 గ్లాసుల నీరు త్రాగడం వలన మీ శరీరం మాత్రమేకాకుండా పెదవులు హైడ్రేట్ అవుతాయి. చర్మం రక్త ప్రసరణను ఉత్తేజపరచడంలో సహాయపడుతుంది కూడా. చదవండి: Health Tips: జంక్‌ఫుడ్‌ తింటున్నారా? అల్జీమర్స్‌, డిప్రెషన్‌.. ఇంకా..

కడుపులో వికారంగా, వాంతికొచ్చేటట్లు ఉంటే అలసటగా అనిపిస్తుంది. ఏపని చేయడానికి శరీరం సహకరించదు. అప్పటికే ఆనారోగ్యంతో ఉంటే ఇక స్థిమితంగా ఉండలేం.. ఈ పరిస్థితి మనలో చాలా మందికీ అనుభవమే! ఐతే వంటింటి చిట్కాలతో ఏ విధంగా దీని నుంచి సత్వర ఉపశమనం పొందవచ్చో నిపుణుల మాటల్లో మీకోసం.. పుదీనా తాజా పుదీనా ఆకులు నమలడం ద్వారా డోకు లేదా వాంతిని నివారించవచ్చు. పుదీనా ఘాటైన రుచి కడుపులోని వికారాన్ని తొలగించి సేదతీరేలా ప్రేరేపిస్తుందని హెల్త్‌ కోచ్‌, నూట్రీషనిస్ట్‌ శిల్పా ఆరోరా సూచించారు. అల్లం పొట్టలోని చికాకును ఉపశమింపచేయడంలో అల్లం ఎంతో ఉపయోగపడుతుంది. దంచిన అల్లంను నీళ్లలో కలిపి తాగితే వాంతిని నివారించవచ్చని ఆయుర్వేద నిపుణులు డా. బీఎన్‌ సిన్హా తెలిపారు. కొబ్బరి నీళ్లు కొబ్బరి నీళ్లలోని అధిక పోషకాలు ఎన్నో ఆరోగ్య ప్రయోజనాలను చేకూరుస్తుంది. కప్పు కొబ్బరి నీళ్లలో ఒక టేబుల్‌ స్పూన్‌ నిమ్మరసం కలిపి ప్రతి 15 నిముషాలకొకసారి తాగితే కడుపులో వికారం తొలగిపోతుందని డా. వసంత్‌ లాద్‌ రాసిన ఆయుర్వేదిక్‌ హోమ్‌ రెమెడిస్‌ అనే పుస్తకంలో పేర్కొన్నారు. లవంగం ఇది మన తాతముత్తాతల కాలం నుంచి చెబుతున్నదే! లవంగం మొగ్గలను నమలడం ద్వారా వాంతిని నివారించవచ్చు. లవంగం  రుచి, సువాస వికారాన్ని తొలగిస్తుంది. సోంపు గింజలు భోజనం తర్వాత సోంపు గింజలు నోటిలో వేసుకుంటే నోటిని తాజాగా ఉంచడమేకాకుండా ఆరోగ్య ప్రయోజనాలు చేకూరుతాయి. సోంపు గింజలను నమిలినా లేదా వీటితో తయారుచేసిన టీ తాగినా కడుపులో వికారాన్ని నివారించి, వాంతికి రాకుండా అడ్డుకుంటుంది. యాలకులు యాలకులు కూడా వాంతిని నిరోధించడంలో సహాయపడతాయి. ఆయుర్వేదం ప్రకారం యాలకుల విత్తనాలను నమలడం వల్ల వాంతివికారాలను నుంచి ఉపశమనం పొందవచ్చు. అలాగే తేనెతో కలిపి కూడా యాలకులను తినొచ్చు. నిమ్మరసం ఆమ్లాలను తటస్థీకరించి లేదా స్వభావం కోల్పోయేలా ప్రేరేపించి, బైకార్బొనేట్స్‌ విడుదలయ్యేలా చేయడంలో నిమ్మరసం బెస్ట్‌. బైకార్బొనేట్స్‌ వాంతివికారాలను నివారించే గుణం కలిగి ఉంటాయి. కేవలం వాంతి నుంచి ఉపశమింపచేయడమేకాకుండా శరీరాన్ని హైడ్రేటెడ్‌గా ఉంచడానికి సహాయపడుతుంది. చదవండి: Kolkata Rasgulla: ఈ స్వీట్‌ తినడం మాత్రం మర్చిపోకండి.. అద్భుతం.!

ఎండ, కాలుష్యం వల్ల శరీర ఆరోగ్యంతోపాటు చర్మానికి చాలా నష్టం వాటిల్లుతుందని మీకు తెలుసా? చర్మం​ ఆరోగ్యంగా, తాజాగా మెరవడానికి మానసిక ఆరోగ్యంతోపాటు, ఆహారపు అలవాట్లు కూడా ప్రత్యక్ష ప్రభావం చూపుతాయి. ఐతే మీ రోజువారీ ఆహార అలవాట్లతో చర్మం సహజంగా కాంతులీనాలంటే ఈ కొద్దిపాటి మార్పులు అవసరం అంటున్నారు నిపుణులు. అవేంటో తెలుసుకుందామా.. బీట్‌ రూట్‌ బీట్‌ రూట్‌లో యాంటీ ఆక్సిడెంట్స్‌ పుష్కలంగా ఉంటాయి. మృతకణాల స్థానంలో కొత్తవి నిలపడంలో, ఫ్రీ రాడికల్స్‌తో పోరాడటంలో, పిగ్మెంటేషన్‌ తొలగింపులో బీట్‌ రూట్‌ రసం కీలకంగా వ్యవహరిస్తుంది. రక్తాన్ని శుభ్రపరచడమేకాకుండా శరీరంలో రక్త ప్రవాహాన్ని ఉత్తేజపరచి, చర్మం మెరిసేలా చేస్తుంది. శరీరంలో హానికారక టాక్సిన్స్‌ను తొలగించి మీ ముఖం మీద ఆరోగ్యకరమైన కాంతి నిలిచిఉండేలా ప్రేరేపిస్తుంది. పెరుగు చర్మ సంబంధిత సమస్యలకు పెరుగు చక్కని ఔషధంలా పనిచేస్తుంది. దీనిలో లాక్టిక్‌ ఆమ్లం, జింక్‌, విటమిన్‌ ‘బి’, యాంటీ ఆక్సిడెంట్స్‌ అధికంగా ఉంటాయి. ప్రతి రోజూ ఒక కప్పు పెరుగు ఆహారంలో భాగంగా తీసుకుంటే మీ చర్మ కాంతి మరింత మెరుపులీనుతుంది. చదవండి: Period Pain Relief: భరించలేని నెలసరి సమస్యలా? ఈ 10 చిట్కాలు ట్రై చేయండి.. పసుపుకలిపిన పాలు ప్రాచీనకాలం నుంచే ఎన్నో రకాల ఆరోగ్య సమస్యలకు ఇది ఆచరణలో ఉంది. పసుపుకలిపిన పాలు ప్రతిరోజూ తాగడం వల్ల ముఖంపై పేరుకుపోయిన సన్‌టాన్‌ తొలగించి, చర్మానికి సహజమైనమెరుపును అందిస్తుంది కూడా.  పాలకూర పాలకూరలో విటమిన్లు, మినరల్స్‌ నిండుగా ఉంటాయి. చర్మంపై మచ్చలను తగ్గించడంలో ఇది ఎంతో సహాయపడుతుంది. పాలకూరలోని యాంటీఆక్సిడెంట్లు వృద్ధాప్య ఛాయలు దరిచేరకుండాచేసి చర్మం ఆరోగ్యంగా ఉండేలా కాపాడుతుంది. నిమ్మ ‘సి, బి’ విటమిన్లు, పాస్ఫరస్‌ నిమ్మలో పుష్కలంగా ఉంటాయి. సహజమైన చర్మకాంతికి ఇది చక్కని పోషకం. నిమ్మలోని సహజ ఆమ్లాలు మృతకణాలను తొలగించి, వయసు పెరిగేకొద్ది చర్మంపై ఏర్పడే ముడతలను నివారిస్తుంది. అవిసెగింజలు ఒమేగా -3 ఆమ్లాలు అధికంగా ఉండే అవిసె గింజలు మీ చర్మాన్ని హైడ్రేటెడ్‌గా, తేమగా ఉండేలా చేస్తుంది. అవిసె గింజలు నేరుగా తిన్నా లేదా వంటలలో వాడినా ఏ విధంగా తీసుకున్నా మీ చర్మ ఆరోగ్యానికి దోహదపడుతుంది. దానిమ్మగింజలు దానిమ్మపండు గింజలు రక్తంలో హిమోగ్లోబిన్‌ స్థాయిలు పెరగడానికి ఉపకరిస్తాయి. వృద్ధాప్య ఛాయలనుంచి రక్షణ కల్పించడమేకాకుండా సూర్య రశ్మి వల్ల దెబ్బతిన్న చర్మానికి చికిత్సనందిస్తుంది. దానిమ్మను జ్యూస్‌ రూపంలో తాగొచ్చు లేదా గింజలను నేరుగా తిన్నా ఫలితం ఉంటుంది. ఈ ఆహార అలవాట్లతో మీ చర్మం కాంతులీనుతుందనేది నిపుణులు మాట. చదవండి: 7 యేళ్లలో 17 లక్షలు సంపాదించిన రైతు.. ఏం పండించాడో తెలిస్తే షాక్‌!!

సాధారణంగా సీజనల్‌ వ్యాధులను నివారించుకోవడానికి మన ఇళ్లలోనే ఎన్నో చిట్కాలు ఉంటాయి. జలుబు, దగ్గు, తుమ్ములు వంటి సాధారణ వ్యాధులకు ఇంట్లోని పెద్దవాళ్లు వంటింటి వస్తువులతోనే చిటికెలో ఉపశమనం కలిగించే ఔషధాన్ని తయారు చేసి ఇస్తుంటారు. వీటి వల్ల రోగనిరోధక శక్తి కూడా పెరుగుతుందని వారు తరచూ చెబుతుంటారు. కానీ వాటిపై ఈ తరం వారు అంతగా నమ్మకం ఉంచరు. అయితే పెద్దలు చెప్పినట్లుగానే వంటింటి పదార్థాలలో తక్షణ ఉపశమనం పొందే ఎన్నో గుణాలు ఉన్నాయన్న విషయాన్ని ప్రతి ఒక్కరు గుర్తు పెట్టుకోవాలంటున్నారు నిపుణులు. అందులో ఒకటి ఉల్లిపాయ టీ కూడా. ఉల్లిపాయలు వంటల్లో రుచిని ఇవ్వడమే కాక,  మంచి ఆరోగ్యాన్నిచ్చే ఎన్నో లక్షణాలను ప్రేరేపిస్తుందట. అందుకే ఉల్లి చేసే మేలు తల్లి కూడా చేయదనే నానుడి కూడా ఉంది.  అయితే ప్రస్తుతం చలికాలంలో చాలా మంది జలుబు, తగ్గు, గొంతునొప్పి, ముక్కు కారడం వంటి సమస్యలతో బాధపడుతుంటారు. అలాంటి వారంతా తక్షణ ఉపశమనం కోసం ఈ ఉల్లిపాయ టీ తీసుకుంటే మంచిదని నిపుణులు సూచిస్తున్నారు. ఆనియన్‌ టీ రోగనిరోధక శక్తిని పెంచడంలో ప్రభావంతంగా పనిచేస్తుందని పరీశోధనలో కూడా వెల్లడైందట. అంతేగాక ఉల్లిపాయ విటమిన్ సి, యాంటీఆక్సిడెంట్లు, మెగ్నీషియం, ఐరన్, జింక్ వంటి రోగనిరోధక శక్తిని పెంచే పోషకాలకు కూడా అమూల్యమైన వనరుగా నిపుణులు పేర్కొంటున్నారు. ఓ కప్పు టీని మీ రోజువారి ఆహారపు అలవాట్లలో చేర్చుకుని రోగనిరోధక శక్తిని పెంచుకోవాలని సూచిస్తున్నారు. అయితే ఈ టీని ఉల్లిపాయతో లేదా వాటి తొక్కలతో కూడా చేసుకోవచ్చు. ఉల్లిపాయ టీ: ఒక గ్లాసు నీరు మరిగించి అందులో తరిగిన ఉల్లిపాయ, 2-3 నల్ల మిరియాలు, 1 యాలుకతో పాటు సగం చెంచా సోపు గింజలను జోడించాలి. దీనిని 15-20 నిమిషాల పాటు మరగించి తర్వాత వడకట్టుకుని తాగాలి.  ఉల్లిపాయ పీల్ టీ:  టీ పొడి లేదా గ్రీన్‌ టీ ఆకులు వేసి నీటిని మరగించాలి, ఆ తర్వాత మరిగించిన నీటిని చిన్న ఉల్లిపాయ లేదా సగం ఉల్లిపాయ తొక్కలు తీసి ఉంచుకున్న కప్పులో పోయాలి. వేడి వేడి నీటిలో సుమారు 10 నిమిషాలు పాటు ఈ ఉల్లిపాయ తొక్కలు నానబెట్టాలి. ఆ తర్వాత ఈ నీటిని వడకట్టి తేనె, నిమ్మరసం కలుపుకుని తాగాలి. 

కోల్‌క‌తా :  ప్ర‌పంచాన్ని గ‌డ‌గ‌డ‌లాడిస్తున్న క‌రోనా వైర‌స్‌ను నియంత్రించేందుకు పూర్తిస్థాయిలో వ్యాక్సిన్‌ ఇంకా అందుబాటులోకి రాలేదు. కేవ‌లం చికిత్స‌లో ఉప‌యోగించే ఔషధాలు మాత్ర‌మే అందుబాటులో ఉన్నాయి. దీంతో ఫ్రంట్‌లైన్ వారియ‌ర్స్‌గా ఉన్న పోలీసులు సైతం అధిక సంఖ్య‌లో ఈ వైర‌స్ బారిన ప‌డ‌తున్నారు. ఈ నేప‌థ్యంలో కోవిడ్‌ను స‌మ‌ర్థ‌వంతంగా ఎదుర్కొనేలా బెంగాల్ పోలీసులు కొత్త ప‌ద్ద‌తుల‌ను క‌నుగొన్నారు. ఆవ‌నూనె, నిమ్మకాయ క‌లిపిన వేడినీళ్లు తీసుకోవ‌డం వ‌ల్ల కోవిడ్ నుంచి త్వ‌ర‌గా కోలుకుంటామ‌ని ఉత్తర బెంగాల్‌లోని సిలిగురి పోలీస్ కమిషనరేట్ ప‌రిధిలోని ఉన్న‌తాధికారులు పేర్కొన్నారు. ఇది ఎంతో మందికి ప్ర‌యోజ‌నం చేకూర్చింద‌ని అన్నారు. మిగ‌తా అధికారులు, సిబ్బంది కూడా ఈ విధానాన్ని ఆచ‌రించాల‌ని పేర్కొంటూ ఓ స‌ర్క్యుల‌ర్ విడుదల చేశారు. క‌మిష‌న‌రేట్‌లోని డిప్యూటీ పోలీస్ క‌మిష‌న‌ర్ బంధువు, ఓ పోలీసు హెడ్ కానిస్టేబుల్ క‌రోనా బారిన‌ప‌డ‌గా వాళ్లు ఈ ప‌ద్ధ‌తుల‌ను అనుస‌రించి త్వ‌ర‌గా కోలుకొని పూర్తి ఆరోగ్యంగా ఉన్నార‌ని అధికారులు వెల్ల‌డించారు. (రాందేవ్‌ బాబాకు మహా వార్నింగ్‌ ) అంద‌రికి  అందుబాటులో ఇంట్లోనే దొరికే ఆవ‌నూనె, నిమ్మ‌ర‌సం కలిపిన నీళ్లు తాగ‌డం వ‌ల్ల రోగ నిరోధ‌క శ‌క్తి మెరుగ‌వుతుంద‌న‌డానికి ఇలాంటివి  ఉదాహ‌ర‌ణ‌లు ఉన్నాయ‌ని పేర్కొన్నారు. గ‌త‌వారం రోజుల క్రిత‌మే డార్జిలింగ్ జంక్షన్ సమీపంలో ఉన్న పోలీసుకు, ఆయ‌న భార్య‌కు క‌రోనా పాజిటివ్ అని తేల‌డంతో వారు ఈ చిట్కాల‌నే  పాటించారు. దీంతో  రెండురోజుల్లోనే వారి ఆరోగ్యం మెరుగయ్యిందని పోలీస్ కమిషనర్ త్రిపురారీ ఆర్ధవ్ పేర్కొన్నారు. 'మేం డాక్ట‌ర్లు కాక‌పోయినా చిన్న‌ప్ప‌టి నుంచి మ‌న పెద్ద వాళ్లు అనుస‌రించేవి చూస్తూ పెరిగిన‌వాళ్లం. మ‌న మూలాల‌ను ఎప్ప‌టికీ మ‌ర‌వ‌ద్దు. క‌రోనా నియంత్ర‌ణ‌లో ఇవి ఎంతో ఉప‌యోగ‌క‌రంగా ఉన్నాయి. కాబ‌ట్టి మా ఉద్యోగులు, ఇత‌ర సిబ్బందికి ఈ జాగ్ర‌త్త‌లు పాటించ‌మ‌ని సెర్య్యుల‌ర్ విడుద‌ల చేశాం. వీటిని పాటించి క‌రోనాను ధీటుగా ఎదుర్కొన్న వారి అనుభ‌వాల‌ను కూడా జోడించాం 'అని ఆర్థ‌ద్ తెలిపారు. (ట్రాన్స్‌ జెండర్‌ల కోసం ప్రత్యేక రైల్వే స్టేషన్‌ )


 గృహవైద్యం
  
 జీర్ణాశయంలో ఒడుదొడుకులు మొదలైతే తక్షణ ఉపశమనానికి క్యారట్- పుదీనా రసం తీసుకోవాలి. నాలుగు కప్పుల నీటిలో నాలుగు క్యారట్ ముక్కలు, నాలుగైదు తాజా పుదీనా ఆకులు (లేకపోతే ఎండిన పుదీనా ఆకుల పొడి ఒక టీ స్పూను) వేసి సన్నమంట మీద ఓ 15 నిమిషాల పాటు మరిగించాలి (క్యారట్ మెత్తబడే వరకు). వేడి తగ్గిన తర్వాత అన్నింటినీ కలిపి మిక్సీలో వేసి చెంచాడు అల్లం తురుము, కొద్దిగా నిమ్మరసం కలిపి తాగాలి. సాధారణంగా ఒక గ్లాసు తాగితే సరిపోతుంది. అవసరమైతే నాలుగు గంటల విరామంతో మరో గ్లాసు తాగవచ్చు.
  


  గృహవైద్యం
  
 పైల్స్ రావడానికి అనేక కారణాలు ఉంటాయి. మలవిసర్జనలో రక్తం పడడానికి మలబద్ధకం కూడా ఒక కారణమే. పైల్స్ సమస్య అనేక అనుబంధ సమస్యలకు కూడా దారితీయవచ్చు. తొలిదశలో ఉన్న వారికి తక్షణ ఉపశమనం కోసం...
  
 కాకర కాయ ఆకులను నలిపి రసం తీయాలి. మూడు టీ స్పూన్ల రసాన్ని ఒక గ్లాసు మజ్జిగలో కలిపి ఉదయం పరగడుపున తాగాలి. ఇలా నెలరోజులు చేస్తే సమస్య పరిష్కారమవుతుంది.
  
 పండిన అరటిపండు ఒక కప్పు పాలలో వేసి ఉడికించాలి. చల్లారిన తర్వాత మెదిపి ఆ మిశ్రమాన్ని తీసుకోవాలి. ఇలా రోజుకు మూడు -నాలుగుసార్లు చేయాలి.
  
 మూడు అంజూర్‌పండ్లను గ్లాసు నీటిలో రాత్రంతా నానబెట్టాలి. ఉదయం లేవగానే వీటినే తొలి ఆహారంగా తినాలి. అలాగే పగలు కూడా నానబెట్టి... ఆ పండ్లను రాత్రి పడుకోవడానికి ముందు తినాలి.
  


 గృహవైద్యం
  
 *భోజనం తర్వాత చిన్న బెల్లం ముక్క చప్పరిస్తే ఛాతీమంట రాదు.
 
 *కప్పు నీటిలో ఒక టీ స్పూన్ సోంపు వేసి మరిగించి మూతపెట్టాలి. రాత్రంతా అలాగే ఉంచి, ఉదయం వడపోసి టీ స్పూన్ తేనె కలిపి పరగడుపున తాగితే అసిడిటీ తగ్గుతుంది.
 
 *ఒక లవంగం ఒక ఏలక్కాయను పొడి చేసి బుగ్గన పెట్టుకుంటే ఛాతీమంట రాదు. ఇది నోటి శుభ్రతకు (మౌత్‌ఫ్రెషనర్) కూడా ఉపకరిస్తుంది.
 
 * అర లీటరు నీటిలో ఒక టీ స్పూన్ షాజీర వేసి సన్నటి మంట మీద 15 నిమిషాల సేపు మరిగించాలి. గోరు వెచ్చగా ఉన్నప్పుడు తాగాలి. ఇలా రోజుకు రెండు - మూడు సార్లు ఐదారు రోజులపాటు తాగితే అసిడిటీ సమస్య పూర్తిగా తగ్గిపోతుంది.
 
 * అసిడిటీ ఉంటే జీర్ణరసాలు జీర్ణాశయం నుంచి పైకి ఎగజిమ్మి ఆహారనాళంలోకి వస్తుంటాయి. దీంతో ఛాతీలో మంట అనిపిస్తుంది.
 కడుపులో జీర్ణరసాలు వాటి నియమిత సమయానికి విడుదలవుతుంటాయి. కానీ  సమయానికి భోజనం చేయకపోతే... ఆమ్లపూరిత రసాల కారణంగా కడుపులో మంట వస్తుంటుంది. అలాగే ఘాటు మసాలాలతో కూడిన ఆహారాన్ని ఎక్కువ మోతాదులో తీసుకున్నప్పుడు ఆమ్లాలు పైకి ఎగజిమ్మడంతో ఛాతీలో మంట వస్తుంది.