అరుణాచల శివుడిని దర్శించుకుంటే మనసు ప్రశాంతంగా ఉంటుందంటారు. అరుణాచలం దర్శనానికి ముందు, దర్శనం తర్వాత.. అన్నంతగా జీవితం మారిపోతుందంటారు. విక్టరీ వెంకటేశ్‌, కిరణ్‌ అబ్బవరం.. ఇలా ఎందరో సెలబ్రిటీలు ఆ ప్రదేశాన్ని ఎంతగానో ఆరాధిస్తారు. తాజాగా హీరోయిన్‌ స్నేహ (Actress Sneha) కూడా అరుణాచలం వెళ్లింది. భర్త ప్రసన్నకుమార్‌తో కలిసి గిరిప్రదక్షిణ చేసింది. గిరి ప్రదక్షిణసూర్యుడు ఉదయించడానికి ముందే ముఖానికి మాస్కులు ధరించి భార్యాభర్తలిద్దరూ కాలినడకన గిరి ప్రదక్షిణ చేశారు. దారిలో ఎదురయ్యే ఆలయాల దగ్గర ఆగి కొబ్బరికాయలు కొడుతూ తర్వాత నడక సాగించారు. ఈ క్రమంలో తమకు ఎదురైన హిజ్రాలతో నవ్వుతూ ఫోటోలు కూడా దిగారు. అంతా బాగుంది కానీ కొండ చుట్టూ ప్రదక్షిణ చేసేటప్పుడు వీళ్లిద్దరూ చెప్పులు, శాండిల్స్‌ ధరించారు. కాస్తయినా బుద్ధి లేదా?అందుకు సంబంధించిన వీడియో సోషల్‌ మీడియాలో వైరల్‌గా మారింది. ఇది చూసిన భక్తులు, అభిమానులు స్నేహ దంపతులపై మండిపడుతున్నారు. కాళ్లకు చెప్పులు వేసుకుని గిరి ప్రదక్షిణ చేయడమేంటి? కొంచెమైనా బుద్ధి లేదా? ఇది మహాపాపం అని ఆగ్రహం వ్యక్తం చేస్తున్నారు. కొందరు అభిమానులు మాత్రం.. వారు తెలియక చేసుంటారని వెనకేసుకొస్తున్నారు.సినిమా- పర్సనల్‌ లైఫ్‌స్నేహ తెలుగు, తమిళంలో టాప్‌ హీరోయిన్‌గా రాణించింది. ప్రియమైన నీకు చిత్రంతో తెలుగులో ఎంట్రీ ఇచ్చింది. హనుమాన్‌ జంక్షన్‌, వెంకీ, శ్రీరామదాసు, రాధాగోపాలం, పాండురంగడు, అమరావతి, రాజన్న, సన్నాఫ్‌ సత్యమూర్తి, వినయ విధేయ రామ.. ఇలా అనేక చిత్రాల్లో నటించింది. ఇటీవల వచ్చిన డ్రాగన్‌ మూవీలో డాక్టర్‌గా అతిథి పాత్రలో కనిపించింది. ఇకపోతే స్నేహ కథానాయికగా సక్సెస్‌ఫుల్‌ కెరీర్‌ లీడ్‌ చేస్తున్న సమయంలోనే నటుడు ప్రసన్నకుమార్‌తో ప్రేమలో పడింది. అనంతరం వీరిద్దరూ పెళ్లి చేసుకున్నారు. వీరి ప్రేమకు గుర్తుగా ఒక కుమారుడు, కూతురు జన్మించారు. AK Fan Boy Prasanna Sir and Sneha Mam went to Girivilam.Prasanna sir will be eyeing for huge success for his character in GBU.#Ajith#AjithKumar#GoodBadUgly#Prasanna#SnehaPrasanna pic.twitter.com/fxQWoQvNzS— Deepak Kaliamurthy (@Dheeptweet) March 28, 2025 చదవండి: బాలీవుడ్‌లో అంతా గొర్రెలే.. సౌత్‌ను చూసి నేర్చుకోండి: నటుడు

జంగారెడ్డిగూడెం(ఏలూరు): మండలంలోని పేరంపేటలో ఆత్మహత్యకు పాల్పడిన వివాహిత చికిత్స పొందుతూ మృతిచెందింది. దీనికి సంబంధించి ఎస్సై షేక్‌ జబీర్‌, కుటుంబ సభ్యులు తెలిపిన వివరాల ప్రకారం.. పేరంపేటకు చెందిన హేమదుర్గా అనంత ప్రసన్నకు, కొయ్యలగూడెం మండలం యర్రంపేటకు చెందిన దార్ల రాంప్రసాద్‌తో 2014లో వివాహమైంది. వీరికి 11 సంవత్సరాల కుమార్తె ఉంది. కొయ్యలగూడెం మండలం గంగన్నగూడెంకు చెందిన మోదుగ పెద్దసాయి.. ప్రసన్నను ప్రేమిస్తున్నానంటూ వెంటపడేవాడు. వారు ఏకాంతంగా ఉన్న సమయంలో పొటోలు, వీడియోలు తీసి బ్లాక్‌మెయిల్‌ చేసేవాడు. ఫిబ్రవరి 7న ప్రసన్న ఇంటికి వెళ్లి మనిద్దరం చనిపోదాం! అంటూ పురుగుల మందు తాగించాడు. కుటుంబ సభ్యులు ఆమెను కొయ్యలగూడెం ఆసుపత్రికి తీసుకువెళ్లగా, అక్కడ చికిత్స పొందిన తరువాత తండ్రి ఈశ్వరాచారి కుమార్తె ప్రసన్ననను జంగారెడ్డిగూడెం మండలం పేరంపేటకు తీసుకొచ్చాడు. 15 రోజుల తరువాత పెద్దసాయి పేరంపేటకు వచ్చి గొడవ పడ్డాడు. మార్చి 26న ఇంట్లో ఎవరూ లేని సమయంలో ప్రసన్న ఇంటికి వచ్చిన సాయి చనిపోదాం.. అని నమ్మించి ప్రసన్నతో కలుపుమందు తాగించాడు. మందు ప్రభావాన్ని తట్టుకోలేక ప్రసన్న కేకలు వేయగా, ఆమె తల్లి పరుగున అక్కడికి వచ్చింది. ఆమెను చూసిన సాయి అక్కడినుంచి పారిపోయాడు. ప్రసన్నను వెంటనే జంగారెడ్డిగూడెంలోని ప్రైవేట్‌ ఆసుపత్రికి తరలించారు. అక్కడ చికిత్స పొందుతూ 27న చనిపోయింది. తండ్రి ఇచ్చిన ఫిర్యాదు మేరకు కేసు నమోదు చేసినట్లు ఎస్సై తెలిపారు.మృతదేహంతో ధర్నాకొయ్యలగూడెం: ప్రసన్న కుటుంబానికి న్యాయం చేయాలంటూ గంగన్నగూడెంలో బంధువులు ఆందోళన చేపట్టారు. జంగారెడ్డిగూడెం నుంచి గంగన్నగూడెంకు ప్రసన్న మృతదేహాన్ని అంబులెన్స్‌లో తరలిస్తుండగా, పోలీసులు అంబులెన్స్‌ డ్రైవర్‌కు ఫోన్‌ చేసి మధ్యలోనే ఆపించారు. దీంతో మృతదేహాన్ని మోటార్‌సైకిళ్లపై గంగన్నగూడెం తీసుకువెళ్లి ధర్నా చేశారు. ప్రసన్న మృతికి గంగన్నగూడెం గ్రామానికి చెందిన సాయి కారణమని అతని ఇంటి ముందు మృతదేహాన్ని ఉంచి ధర్నా చేశారు. ఆ సమయంలో యువకుడితో సహా అతని ఇంట్లో ఎవరూ లేకపోవడంతో బయటే ఉండి ఆందోళన చేశారు. పోలీసులు సంఘటన స్థలానికి వచ్చి వారితో చర్చించి మృతదేహాన్ని తరలించేలా ఒప్పించారు.

టీమిండియా మాజీ హెడ్‌కోచ్‌ రవిశాస్త్రి ప్రస్తుతం ఆస్ట్రేలియాలో ఉన్నాడు. భారత్‌- ఆసీస్‌ మధ్య జరుగుతున్న బోర్డర్‌- గావస్కర్‌ ట్రోఫీ సిరీస్‌కు కామెంటేటర్‌గా ‍వ్యవహరిస్తున్నాడు. ఈ క్రమంలో రవిశాస్త్రికి ఓ ప్రశ్న ఎదురైంది. భారత క్రికెట్‌ జట్టులోని ముగ్గురు అత్యుత్తమ స్పిన్నర్ల పేర్లు చెప్పాలని కోరగా.. రవిశాస్త్రి ఆసక్తికర సమాధానం ఇచ్చాడు.కాగా ప్రస్తుతం టీమిండియా తరఫున టెస్టుల్లో అత్యధిక వికెట్ల వీరుల జాబితాలో రెండో స్థానంలో ఉన్నాడు రవిచంద్రన్‌ అశ్విన్‌. మరోవైపు.. మాజీ ఆఫ్‌ స్పిన్నర్‌ హర్భజన్‌ సింగ్‌ సైతం 103 టెస్టుల్లో 417 వికెట్లు పడగొట్టి లెజెండరీ బౌలర్‌గా పేరు సంపాదించాడు.ఇక అశ్విన్‌తో పాటు జట్టులో ​కొనసాగుతున్న మరో స్పిన్‌ బౌలింగ్‌ ఆల్‌రౌండర్‌ రవీంద్ర జడేజా కూడా 319(77 టెస్టుల్లో) వికెట్లు పడగొట్టి సత్తా చాటుతున్నాడు.అనిల్‌ కుంబ్లే ప్రమాదకారిఅయితే, రవిశాస్త్రి ఈ ముగ్గురిలో ఒక్కరి పేరు కూడా చెప్పకపోవడం విశేషం. తన దృష్టిలో బిషన్‌ సింగ్‌ బేడి, ఎర్రాపల్లి ప్రసన్న, అనిల్‌ కుంబ్లే టీమిండియా అత్యుత్తమ స్పిన్నర్లు అని పేర్కొన్నాడు. ఈ మేరకు ఫాక్స్‌ స్పోర్ట్స్‌ షోలో మాట్లాడుతూ.. ‘‘ఉపఖండ పిచ్‌లపై అనిల్‌ కుంబ్లే ప్రమాదకారి. అత్యంత దూకుడుగా ఉంటాడు. అయితే, కేవలం ఇండియాలోనే కాదు.. ప్రపంచవ్యాప్తంగా సత్తా చాటిన స్పిన్నర్‌. 600కు పైగా టెస్టు వికెట్లు తీయడం అంటే మాటలు కాదు.అతడు బంతితో అద్భుతాలు చేయగలడుఇక ప్రసన్న. అతడి కెరీర్‌ చరమాంకంలో ఉన్నపటి పరిస్థితులను పరిశీలిస్తే.. అతడు జట్టు మేనేజర్‌గా ఆస్ట్రేలియా పర్యటనకు వచ్చాడు. నెట్స్‌లో బౌలింగ్‌ కూడా చేశాడు. అతడు బంతితో అద్భుతాలు చేయగలడు. బాల్‌ను రిలీజ్‌ చేసే విషయంలో ఎప్పుడు ఏం చేయాలో అతడికి బాగా తెలుసు.ఆయన బౌలింగ్‌ యాక్షన్‌ సూపర్‌వీరిద్దరు నా లిస్టులో టాప్‌-3లో ఉంటే.. టాప్‌-1లో బిషన్‌ సింగ్‌ బేడి ఉంటాడు. ఆయన బౌలింగ్‌ యాక్షన్‌ గురించి ఎంత చెప్పినా తక్కువే’’ అని రవిశాస్త్రి పేర్కొన్నాడు. తన అభిప్రాయం ప్రకారం బిషన్‌ బేడి, ప్రసన్న, కుంబ్లే అత్యుత్తమ భారత స్పిన్నర్లు అని పేర్కొన్నాడు. కాగా బిషన్‌ బేడీ తన కెరీర్‌లో 67 టెస్టుల్లో 266 వికెట్లు పడగొట్టగా.. ప్రసన్న 49 టెస్టుల్లో 189 వికెట్లు తీశాడు. మరోవైపు.. కుంబ్లే 132 టెస్టుల్లో 619 వికెట్లు కూల్చి టెస్టుల్లో భారత లీడింగ్‌ వికెట్‌ టేకర్‌గా కొనసాగుతున్నాడు. ఇక 536 వికెట్లతో అశూ రెండోస్థానంలో ఉన్నాడుచదవండి: IPL 2025: ఆర్సీబీ కెప్టెన్‌ అతడే!

రొంపిచెర్ల: ప్రేమ వివాహం వద్దని ప్రియుడు కట్టిన తాళిబొట్టును తెంచినా ఆ యువతి కన్నతల్లిని ఎదిరించి ప్రేమికుడి వెంట వెళ్లిన సంఘటన రొంపిచెర్ల మండలంలో మంగళవారం జరిగింది. స్థానికుల కథనం మేరకు.. గానుగచింతకు చెందిన యువకుడు రెడ్డెప్ప (21), తిరుపతి జిల్లా చిన్నగొట్టిగల్లు మండలం భాకరాపేటకు చెందిన చిట్టి ప్రసన్న(19) అన్నమ్మయ్య జిల్లా పీలేరులో డిగ్రీ చదువుతున్నారు. వీరిద్దరూ ఐదేళ్లుగా ప్రేమించుకుంటున్నారు. అయితే చిట్టి ప్రసన్నకు వివాహం చేయాలని తల్లిదండ్రులు నిర్ణయించారు. దీంతో చిట్టి ప్రసన్న ఇంటి నుంచి మంగళవారం ఉదయం రొంపిచెర్లకు చేరుకుని జరిగిన విషయం ప్రియుడు రెడ్డెప్పకు చెప్పింది. దీంతో వారిద్దరూ కట్టకింద శివాలయంలో వివాహం చేసుకున్నారు. ఈ విషయం తెలుసుకున్న చిట్టి ప్రసన్న తల్లి కుమారై మెడలో ఉన్న తాళిబొట్టును తెచ్చి ఇంటికి రావాలని కుమారైను పిలిచింది. అయితే దీనికి కుమారై అంగీకరించలేదు. దీంతో ఈ పంచాయితీ రొంపిచెర్ల పోలీసుస్టేషన్‌కు చేరింది. ఎస్‌ఐ సుబ్బారెడ్డి ప్రేమికులను విచారించారు. పోలీసుల విచారణలో ప్రేమికురాలు తన ఇష్ట ప్రకారమే వివాహం చేసుకున్నాని తెలిపింది. తాను మేజర్‌నని తనకు తన భర్త కావాలని తెగేసి చెప్పింది. దీంతో పోటీసులు చేసేదేమీ లేక వారిని కలసి ఉండమని చెప్పారు. దీంతో ఇరువురు గానుగచింతకు చేరుకున్నారు.

ఇటీవల అంబాజీపేట మ్యారేజ్‌ బ్యాండ్‌ మూవీతో ప్రేక్షకులను అలరించిన సుహాస్‌ హీరో మరో చిత్రంతో ప్రేక్షకుల ముందుకు రానున్నారు. సుహాస్, పాయల్ రాధాకృష్ణ, రాశి సింగ్ హీరో, హీరోయిన్లుగా నటిస్తోన్న తాజా చిత్రం ప్రసన్న వదనం. ఈ సినిమాకు అర్జున్‌ దర్శకత్వం వహిస్తున్నారు. ఈ చిత్రాన్ని జేఎస్ మణికంఠ, టీఆర్ ప్రసాద్ రెడ్డి నిర్మిస్తున్నారు. ఇప్పటికే విడుదల ఈ సినిమా ఫస్ట్ లుక్ టీజర్‌కు అదిరిపోయే రెస్పాన్స్ వచ్చింది. ఇవాళ ఉగాది శుభ సందర్భంగా ఈ చిత్రంలోని 'నిన్నా మొన్న' అనే సాంగ్‌ను విడుదల చేశారు. విజయ్ బుల్గానిన్ ఈ పాటని ఆకట్టుకునే లవ్లీ మెలోడీగా కంపోజ్ చేశారు. కిట్టు విస్సాప్రగడ అందించిన సాహిత్యం మరో ఆకర్షణగా నిలిచింది. ఈ సాంగ్‌లో సుహాస్, పాయల్ కెమిస్ట్రీతో ఆకట్టుకున్నారు. సస్పెన్స్‌ థ్రిల్లర్‌గా తెరకెక్కిస్తోన్న ఈ చిత్రం మే 3న థియేటర్లలో సందడి చేయనుంది. 

కరుడు కట్టిన ‘ఖాకీవనం’లోకి అడుగుపెట్టడానికి చాలా మంది యువకులు వెనకడుగు వేస్తారు. కేసులు, కోర్టులు, నేరస్తులతో బెంబేలెత్తిపోతారు. అయితే, ఆత్మవిశ్వాసమే వెన్నుదన్నుగా, అకుంఠిత దీక్షతో భానుప్రసన్న ధైర్యంగా అడుగుపెడుతోంది. ఇటీవల వెలువడిన ఫలితాల్లో ర్యాంకు సాధించి పోలీసు డిపార్ట్‌మెంట్‌లో చేరాలన్న చిన్ననాటి కలను సాకారం చేసుకుంది. మార్టూరు: ‘ఆడపిల్లవు నీవు ఎస్‌ఐ అవుతావా ? ఎందుకమ్మా పెళ్లి చేసుకుని హాయిగా కాపురం చేసుకోక ! ’ అంటూ అయిన వారి హేళన మాటల్ని ఆమె చాలెంజ్‌గా తీసుకుంది. అనుకున్నది సాధించింది. విజయానికి అడ్డదారులు, దొడ్డిదారులు ఉండవని నిరూపించింది. అకుంఠిత దీక్ష, పట్టుదలలతో ప్రయత్నిస్తే ఏదైనా సాధించవచ్చని నేటి తరం యువతకు ఆదర్శంగా నిలిచింది బాపట్ల జిల్లా మార్టూరు మండలం జొన్నతాళి గ్రామానికి చెందిన శివరాత్రి భాను ప్రసన్న. స్థానిక బీసీ కాలనీకి చెందిన శివరాత్రి శ్రీనివాసరావు, గంగమ్మ దంపతులు తమకున్న ఒకటిన్నర ఎకరా వ్యవసాయ భూమి సాగు చేసుకుంటూ చిన్నపాటి బడ్డీ కొట్టును నడుపుకుంటున్నారు. ఇద్దరు కుమార్తెలను చదివించుకున్నారు. పెద్ద కుమార్తె భాను ప్రసన్న జొన్నతాళి గ్రామంలోని ప్రభుత్వ యూపీ పాఠశాలలో ఏడో తరగతి వరకు చదివి, మార్టూరు కాకతీయ విద్యాసంస్థలో ఇంటర్మీడియట్‌ పూర్తి చేసింది. తరువాత నర్సరావుపేట కృష్ణవేణి ఇంజినీరింగ్‌ కళాశాలలో బీటెక్‌ నిమిత్తం చేరింది. పోలీసు డిపార్ట్‌మెంట్‌లో ఉద్యోగం సాధించాలనే చిన్ననాటి కల సాకారం కోసం ఇంజినీరింగ్‌లో ఉన్నప్పుడే కానిస్టేబుల్‌ ఉద్యోగం కోసం ప్రయత్నాలు ప్రారంభించింది. బీటెక్‌ పూర్తి చేశాక లక్ష్యాన్ని మరింత విస్తృత పరచుకుంది. ఎస్‌ఐ కావాలనే తలంపుతో ప్రయత్నాలు ప్రారంభించింది. పెళ్లి తన కెరీర్‌కు అడ్డంకిగా మారకూడదని భావించి తల్లిదండ్రులను ఒప్పించింది. చెల్లెలు కోమలికి ముందుగా వివాహం జరిపించింది భాను ప్రసన్న. మగరాయుడులా ప్యాంటు, టీషర్టు వేసుకుని పోలీసు అవుతుందంటా అనే ఇరుగు పొరుగు వారి మాటల్ని ఆమె పట్టించుకోలేదు. కూతురుకు బాసటగా శ్రీనివాసరావు నిలిచాడు. ఆయన నమ్మకం, పట్టుదలను సాకారం చేస్తూ భానుప్రసన్న మొక్కవోని దీక్షతో ఎస్‌ఐ పోటీ పరీక్షలో విజయం సాధించింది. ఇటీవల వెలువడిన ఫలితాల్లో మెరుగైన ర్యాంకుతో ఉద్యోగం సాధించి తానేమిటో నిరూపించుకుంది. తమ గ్రామానికి చెందిన ఓ యువతి ఎస్‌ఐగా ఎంపిక కావడంపై గ్రామస్తులంతా ఇప్పుడు హర్షం వ్యక్తం చేస్తుడడం విశేషం. ఎస్‌ఐతో సరిపెట్టుకోను ఓ పల్లెటూరుకు చెందిన నేను ఎస్‌ఐగా ఎంపికయ్యే దాకా జరిగిన ప్రయాణంలో కుటుంబ సభ్యుల సహకారం ఎంతో ఉంది. ఈ తరం ఆడపిల్లలు ఆత్మవిశ్వాసంతో ప్రయత్నిస్తే సాధించలేనిది ఏమీ ఉండబోదని ప్రయత్నపూర్వకంగా తెలుసుకున్నా. నిజాయతీ కలిగిన పోలీసు అధికారిగా పని చేస్తూ మహిళలు ఎదుర్కొనే సమస్యల నుంచి వారికి అండగా ఉంటా. వృత్తిపరంగా మరింతగా ఎదగడం కోసం ప్రస్తుతం కాకినాడలో పోటీ పరీక్షలకు ప్రిపేర్‌ అవుతున్నా. నా వెనుక సూటిపోటి మాటలు అన్నవారే నేడు అభినందిస్తుంటే ప్రస్తుతం నాకు ఎంతో అనందంగా ఉంది. నా గ్రామానికీ, నా కుటుంబానికీ మంచి పేరు తీసుకు వచ్చేందుకు కృషి చేస్తా. – భాను ప్రసన్న

‘దేశం కాని దేశంలో మన దేశ వంటకాలను చూస్తే ప్రాణం లేచి రావడమే కాదు బ్రహ్మాండంగా భరతనాట్యం  కూడా చేస్తుంది’ అంటున్నాడు ప్రసన్న కార్తిక్‌. ఈ ట్విట్టర్‌ ఖాతాదారుడు ఏదో పని మీద జపాన్‌లోని క్యోటో నగరానికి వెళ్లాడు. అక్కడ కనిపించిన ‘తడ్క’ అనే రెస్టారెంట్‌ను చూసి ‘కలయా? నిజమా? అనుకున్నాడు. ఈ రెస్టారెంట్‌ దక్షిణ భారతీయ వంటకాలకు ప్రసిద్ధి. దోశ, ఇడ్లీలకు ఇక్కడ మంచి డిమాండ్‌ ఉంది. అయితే ఈ రెస్టారెంట్‌ నిర్వాహకులు భారతీయులు మాత్రం కాదు... జపానీయులే. వీరు ప్రతి ఆరునెలలకు ఒకసారి చెన్నైకి వచ్చి కొత్త వంటకాలు నేర్చుకొని వెళుతుంటారు. ‘దోశ అండ్‌ ఇడ్లీ అన్‌బిలీవబుల్‌ అథెంటిక్‌. రెస్టారెంట్‌లో భారతీయుల కంటే జపాన్‌ వాళ్లే ఎక్కువమంది కనిపించారు. జపాన్‌లో తినడానికి చాప్‌–స్టిక్స్‌ ఉపయోగిస్తారు. అయితే ఈ రెస్టారెంట్‌ వాళ్లు మాత్రం చేతితో తినడంలోని మజాను బాగానే ప్రమోట్‌ చేసినట్లు ఉన్నారు. ఎవరూ చాప్‌–స్టిక్స్‌ను ఉపయోగించడం లేదు’  అని ట్విట్టర్‌లో పోస్ట్‌ పెట్టాడు కార్తిక్‌.

మహబూబ్‌నగర్‌: ఆర్టీసీ బస్సులో దొరికిన బంగారు ఆభరణాల పర్సును బాధిత మహిళకు అందజేసి నిజాయితీ చాటుకుంది ఓ ప్రయాణికురాలు. వివరాల్లోకి వెళ్తే.. ఉప్పునుంతల మండలం కాంసానిపల్లికి చెందిన నెల్లోజు ప్రసన్న ఆదివారం ఓ శుభకార్యానికి వెళ్లి తిరిగి కల్వకుర్తి నుంచి ఉప్పునుంతల వరకు అచ్చంపేట ఆర్టీసీ డిపోకు చెందిన బస్సులో ఎక్కింది. ఉప్పునుంతలలో దిగి గ్రామానికి వెళ్లి హ్యాండ్‌బ్యాగ్‌లో చూడగా బంగారు ఆభరణాలు (సుమారు రూ.3 లక్షల విలువ)న్న పర్సు కనిపించలేదు. అదే బస్సులో ప్రయాణించిన సదగోడుకు చెందిన శోభకు బస్సులోనే ఆభరణాల పర్సు దొరకగా కండక్టర్‌ నారాయణమ్మకు అందజేసింది. సోమవారం అచ్చంపేట డిపో ఆవరణలో బాధితురాలు ప్రసన్నకు పర్సును అందజేసి నిజాయితీని చాటుకుంది.

కృష్ణా జిల్లా సీతానగరం స్వగ్రామమైనప్పటికీ తండ్రి రైల్వేలో ఉద్యోగ రీత్యా పశ్చిమ బెంగాల్, బిహార్‌లలో పెరిగా. చదువు కొనే వయసు వచ్చే నాటికి ఆంధ్రప్రదేశ్‌లో స్థిరపడ్డాం. తాత స్కూలు హెడ్‌మాస్టర్‌ కావడంతో నాకు కూడా విద్యాబోధన పట్ల ఆసక్తి పెరిగింది. గిరిజనులు ఉన్నత విద్య అభ్యసించాలంటే ఎన్నో వ్యయప్రయాసలు, అవమానాలు పడాల్సి వచ్చేది. వాటిని అధిగమిస్తూ ఉన్నత విద్య పూర్తిచేశా. సత్తుపాటి ప్రసన్న శ్రీ ఆంధ్రా విశ్వవిద్యాలయంలోని బోర్డ్‌ ఆఫ్‌ స్టడీస్‌ ప్రొఫెసర్‌ – చైర్‌పర్సన్‌గా పనిచేస్తున్నారు. మైనారిటీ గిరిజన భాషలను సంరక్షణ, గిరిజన భాషలకు నూతన రచనా విధానాలు అభివృద్ధి చేస్తుంటారు. భగత, గదభ, కొలామి, కొండ దొర మొదలైన 19 గిరిజన భాషలకు లిపి (అక్షరాలను) రూపొందించిన ప్రపంచంలోనే తొలి మహిళ. ఆమె సాహిత్య రచనలలో ’ఈస్ట్‌ అండ్‌ వెస్ట్‌ పోస్ట్‌ మాడర్న్‌ లిటరేచర్‌లో మహిళల సైకోడైనమిక్స్‌’ వంటి రచనలు ఉన్నాయి. ’షేడ్స్‌ ఆఫ్‌ సైలెన్స్‌’,  ’ఉమెన్‌ ఇన్‌ శశి దేశ్‌పాండే నవల – ఒక అధ్యయనం,’ రచించారు. వరల్డ్‌ అట్లాస్‌ ఆఫ్‌ ఎన్‌డేంజర్డ్‌ ఆల్ఫాబెట్స్, యూఎస్‌ఏ (2019)లో ప్రదర్శించబడిన తొలి భారతీయ, ఆసియా మహిళ. మైనారిటీ గిరిజన భాషలను పరిరక్షణ నిమిత్తం చేసిన విశేష కృషికి నారీ శక్తి పురస్కారం లభించింది.   ‘గిరిజనురాలివి అందులోనూ మహిళవి.. ఏం సాధిద్దామని, ఎవరిని ఉద్ధరిద్దామని బయల్దేరావు.. నీకు ఇంక వేరే పనిలేదా.. వంటి అనేక అవహేళనలు, అవమానాలు దిగమింగి గిరిజనుల కోసం లిపిని రూపొందించా’ అంటున్నారు నారీశక్తి–2021 పురస్కార గ్రహీత సత్తుపాటి ప్రసన్నశ్రీ. ఇలాంటి అవమానాలు ఎన్ని ఎదురవుతున్నా తన పని తాను చేసుకుంటూ ముందుకెళ్తానని ధీమాగా చెబుతున్నారు. మంగళవారం రాష్ట్రపతి రామ్‌నాద్‌ కోవింద్‌ చేతుల మీదుగా పురస్కారాన్ని అందుకొన్న సందర్భంగా ఆమె సాక్షితో ముచ్చటించారు. గిరిజనుల సంక్షేమం, విద్య కోసం చేసిన ప్రస్థానం ఆమె మాటల్లోనే... ‘‘గిరిజనుల కోసం చేస్తున్న కృషికి బూస్టప్‌ డోస్‌లా నారీశక్తి పురస్కారం దక్కింది. సుమారు మూడున్నర దశాబ్దాలుగా గిరిజనుల కోసం చేసిన ఒంటరి పోరాటంలో ఎన్నో ఒడిదొడుకులు ఎదుర్కొన్నా. ఎన్ని అవమానాలు ఎదురైనా విద్య ఒక్కటే శాశ్వతమని నమ్మి నాలాగా ఇతర గిరిజనులు ఇబ్బందులు పడరాదనే ఉద్దేశ్యంతో పట్టుదలతో ముందుకెళ్లా. నాన్న నా చదువుకోసం ఎన్నో త్యాగాలు చేస్తే, భర్త నా ఆశయ సాధన కోసం ఎంతో ఆసరా ఇచ్చారు. ఆయన ప్రోత్సాహంతో కొండ ప్రాంతాల్లోని గిరిజనులను కలిసి వారికి చదువు పట్ల ఆసక్తి కలిగించా. ఈ క్రమంలో సెలవు రోజుల్లో ఉదయానికే విశాఖపట్నం చేరుకొని రైల్వేస్టేషన్‌లోనే కొండప్రాంతాల వారి మాదిరి దుస్తులు ధరించి అరకు గిరిజన ప్రాంతాలకు వెళ్లేదాన్ని. ఆంధ్ర యూనివర్సిటీలో అసిస్టెంట్‌ ప్రొఫెసర్‌ అయిన తర్వాత గిరిజన ప్రాంతాలకు వెళ్లడానికి మరింత సులభమైంది. తెలిసిన వారు ‘ఇదంతా ఎందుకమ్మా పనిపాటా లేదా’ అని హేళన చేసేవారు. ‘నిన్ను ప్రోత్సహిస్తే మాకు ఎన్ని ఓట్లు పడతాయి?’ అని అడిగిన రాజకీయ నేతలు కూడా ఉన్నారు. అవమానాలకు, అవహేళనలకు తట్టుకోలేక వెనక్కి తగ్గి ఉంటే 30కిపైగా దేశాల్లో విజిటింగ్‌ ప్రొఫెసర్‌ అయ్యేదాన్ని కాదు. 106 రిసెర్చి ఆర్టికల్స్, 18 ఎంఫిల్స్, 32 పీహెచ్‌డీలు 32 పుస్తకాలు రచించాను. అంతర్జాతీయంగా అనేక పరిశోధనలు చేశా. అల్జీరియా, అమెరికా ఫ్రాన్స్, ఇథియోపియా తదితర దేశాల్లో నా పొయిట్రీని పాఠ్యాంశంగా పెట్టుకున్నారు. సమానత్వం కోసం మాట్లాడేవారు గిరిజనుల సమానత్వం కోసం కూడా అదేస్థాయిలో పోరాడాలి.  నేను రూపొందించిన లిపిని పాఠ్యపుస్తకాలుగా మార్చితే గిరిజనులు మాతృభాషలో విద్యాభ్యాసం చేయొచ్చు. గిరిజన విద్యార్థుల డ్రాపవుట్‌ సంఖ్య తగ్గించొచ్చు. నూతన విద్యా విధానంలో మాతృభాషలోనే బోధన అని చేర్చారు. భవిష్యత్తులో గిరిజనులకు మాతృభాషలో విద్యాబోధన జరుగుతుందని ఆశిస్తున్నా. ఒకానొక సమయంలో దివంగత ముఖ్యమంత్రి వైఎస్‌ రాజశేఖర్‌రెడ్డికి నా ప్రయత్నం గురించి చెప్పా. ఎనిమిది భాషల లిపి రూపొందిస్తున్నా అని చెబితే.. అవన్నీ పూర్తిచేసి వస్తే సముచిత గౌరవం దక్కేలా చేస్తానన్నారు. తొలిసారి గిరిజన మహిళకు వైస్‌ చాన్సలర్‌ హోదా దక్కేలా చూస్తానంటూ నన్ను ప్రోత్సహించారు.     గిరిజనుల్లో కొండ, మైదాన ప్రాంతాల వారి విధానాలు వేర్వేరుగా ఉంటాయి. కొండప్రాంతాలవారు మనల్ని నమ్మితే∙కానీ ఏమీ చేయలేం. వారిని అర్థం చేసుకోవడానికి చాలా సమయం పట్టింది. వారికి నాగరక సమాజంతో తక్కువ సంబంధం ఉండటం వల్ల వారిలో విద్య పట్ల ఆసక్తి పెంచడానికి కొంత శ్రమించాల్సి వచ్చింది. ప్రస్తుతం సెలవుల సమయంలో ఉత్తరాది నుంచే కాదు క్యూబా, కొరియా, జర్మనీ తదితర  విదేశాల నుంచి కూడా యువత వచ్చి గిరిజనులకు చదువు చెబుతున్నారు. గిరిజన లిపిని పాఠ్యాంశాలుగా మార్చితే వారెంతో రుణపడి ఉంటారు. ప్రధాని నరేంద్రమోదీతో సమావేశ సమయంలో ఇదే అంశాన్ని ప్రస్తావించా. సమావేశం అనంతరం ప్రధాని మోదీ స్వయంగా నా దగ్గరకు వచ్చి ఇందాకా ఏదో చెబుతున్నారంటూ ఆసక్తిగా అన్ని విషయాలు విన్నారు. ప్రధాని సిబ్బంది నా ఫోన్‌ నంబరు కూడా తీసుకున్నారు. ఇదే స్థాయిలో ప్రోత్సాహం ఉండాలని కోరుకుంటున్నా’’ అంటూ సాక్షితో తన భాషా సేవ గురించి వివరించారు ప్రసన్నశ్రీ.  – సూర్యప్రకాశ్‌ కూచిభట్ల, సాక్షి, న్యూఢిల్లీ

స్నేహ..తెలుగు ప్రేక్షకులకు ప్రత్యేకంగా పరిచయం అవసరం లేని పేరు. ప్రియమైన నీకు చిత్రంతో తెలుగునాట ఎంట్రీ ఇచ్చిన స్నేహ తొలి చిత్రంతోనే బంపర్‌ హిట్‌ అందుకుంది. దీంతో తెలుగులో వరుస అవకావాలు ఆమెను వరించాయి. ‘శ్రీ రామదాసు’, ‘సంక్రాంతి’,‘రాధా గోపాలం’ వంటి వరుస విజయాలతో స్నేహ టాలీవుడ్‌లో స్టార్‌ హీరోయిన్‌గా గుర్తింపు పొందింది. మొదట్నుంచి  గ్లామర్ షోలకు దూరంగా ఉంటూ తన అభినయం, చీరకట్టుతో ఎంతోమంది అభిమానులను సంపాదించుకున్న స్నేహను చాలామంది సౌందర్యతో పోల్చేవారు. ఇక అదే సమయంలో తమిళంలో ఆపర్లు వస్తుండటంతో కోలీవుడ్‌కు వెళ్లిన స్నేహ ఆ తర్వాత టాలీవుడ్‌కు గుడ్‌బై చెప్పింది. తమిళంలో ‘అచ్చాముందు అచ్చాముందు’ అనే సినిమా షూటింగు సమయంలో హీరో ప్రసన్నతో ఏర్పడిన పరిచయం ప్రేమగా మారింది. అలా పెద్దల అంగీకారంతో 2012లో వీరు వివాహం చేసుకున్నారు. అప్పటి నుంచి ఓ వైపు సినిమాల్లో నటిస్తూనే ఇద్దరూ జంటగా పలు అడ్వర్టైజ్‌మెంట్‌లలో మెరిశారు. ఇక స్నేహ-ప్రసన్న జోడీకి ప్రత్యేకంగా అభిమానులున్నారు. దీంతో పలు యాడ్‌ కంపెనీలు కూడా వీరిని తమ బ్రాండ్‌ అంబాసిడర్‌లుగా నియమించుకున్నాయి. అలా ఇద్దరూ జోడీగా ఇప్పటికే పలు యాడ్‌ షూట్‌లలో నటించారు. కేవలం యూడ్స్‌ రూపంలోనే వీరు రూ. 3.50కోట్లు సంపాదించినట్లు టాక్‌ వినిపిస్తోంది. దీనికి తోడు యాడ్‌ షూటింగ్‌లోనూ ఎంతో డెడికేషన్‌గా పనిచేస్తారని స్నేహ కపుల్స్‌కు మంచి పేరుంది. దీంతో వీరితో యాడ్స్‌ తెరకెక్కించేందుకు కంపెనీలు కూడా ఆసక్తిని చూపిస్తాయని సమాచారం. మొత్తానికి స్నేహ-ప్రసన్న దంపతులు అటు సినిమాలతో పాటు యాడ్‌ షూటింగ్స్‌లతో రెండు చేతులా సంపాదిస్తున్నారు. 

భర్త ప్రసన్న పుట్టినరోజు సందర్భంగా తమ కుమార్తె ఆద్యంత ఫొటోలను సోషల్‌ మీడియాలో షేర్‌ చేశారు స్నేహ. 2012లో తమిళ నటుడు ప్రసన్న, హీరోయిన్‌ స్నేహ ప్రేమ వివాహం చేసుకున్న విషయం తెలిసిందే. 2015లో స్నేహ ఓ బాబుకి జన్మనిచ్చారు. బాబు పేరు విహాన్‌. ఈ ఏడాది జనవరిలో పాపకు జన్మనిచ్చారు స్నేహ. శుక్రవారం ప్రసన్న పుట్టినరోజుని పురస్కరించుకుని పాప ఆద్యంత ఫొటోలను సోషల్‌ మీడియా ద్వారా షేర్‌ చేశారు స్నేహ. అలాగే ‘‘నా సోల్‌మేట్‌ (ప్రసన్నని ఉద్దేశించి)కి పుట్టినరోజు శుభాకాంక్షలు. నా జీవితాన్ని ఆనందమయం చేసిన నా లవర్‌ బాయ్, నా గార్డియన్‌ ఏంజిల్‌ తను. మేం ఆనందంగా ఉండాలని దీవిస్తున్న అందరికీ ధన్యవాదాలు. మా జీవితం ఎప్పటికీ ఇలా ఆనందంగా సాగాలని కోరుకుంటున్నాను’’ అని రాసుకొచ్చారు స్నేహ.

కుటుంబ కథా చిత్రాలతో తెలుగు ప్రేక్షకులకు దగ్గరయ్యారు నటి స్నేహ. చెరగని చిరునవ్వుకి కెరాఫ్‌ అడ్రస్‌గా నిలుస్తారు. తమిళం, తెలుగు, కన్నడ, మలయాళం భాషల్లో కథానాయకిగా రాణించారు. నటిగా ఫుల్‌ క్రేజ్‌లో వుండగానే నటుడు ప్రసన్నను ప్రేమించి, పెళ్లి చేసుకున్న సంగతి తెలిసిందే. ఈ ఏడాది జనవరిలో రెండో సంతానంగా పండంటి ఆడబిడ్డకు జన్మనిచ్చారు స్నేహ. పాప పుట్టి ఏడు నెలలకు పైనే అవుతున్నా ఇంతవరకు చిట్టితల్లి ఫోటోలు ఎక్కడా షేర్‌ చేయలేదు. ఈ క్రమంలో భర్త, నటడు ప్రసన్న 38వ పుట్టిన రోజు సందర్భంగా కుమార్తెను ప్రపంచానికి పరిచయం చేశారు స్నేహ. పాప పేరు ఆద్యంత. తల్లిదండ్రులు, అన్న విహాన్‌తో కలిసి ఉన్న చిన్నారి ఆద్యంత ఫోటోలను ఇన్‌స్టాగ్రామ్‌లో షేర్‌ చేస్తూ భర్తకు పుట్టినరోజు శుభాకాంక్షలు తెలిపారు స్నేహ. (చదవండి: స్నేహలోని కొత్త కోణం) ‘హ్యాపీ బర్త్‌డే టూ మై సోల్‌ మేట్‌.. మై లవర్‌ బాయ్‌.. గార్డియన్‌ ఏంజిల్‌.. సూపర్‌ డాడా. ఈ లడ్డులతో(పిల్లలు) నా జీవితాన్ని అందంగా మలిచినందుకు ధన్యవాదాలు. సదా మనం ఉన్నతంగా ఉండాలని దీవించి.. శుభాకాంక్షలు తెలిపే వారికి ఈ రోజు నా చిట్టితల్లి ఆద్యంతను పరిచయం చేస్తున్నందుకు ఎంతో సంతోషంగా ఉంది’ అంటూ కుమార్తె ఫోటోలు షేర్‌ చేశారు స్నేహ. ప్రస్తుతం ఇవి తెగ వైరలవుతున్నాయి.  View this post on Instagram Happy birthday to my soul mate my lover boy my guardian angel 😇 n my super dada. Thanx for making my life beautiful with these laddos. Love you somuch. And very happy to introduce our little laddo #Aadhyantaa to all the lovely people who have always blessed us and wished us the best. @prasanna_actor @mommyshotsbyamrita @perfektmakeover A post shared by Sneha Prasanna (@realactress_sneha) on Aug 27, 2020 at 8:50pm PDT

కొత్తపల్లె (పామూరు): తండ్రి మందలించాడని కుమార్తె ఆత్మహత్య చేసుకుంది. ఈ సంఘటన మండలంలోని బొట్లగూడూరు గ్రామ పంచాయతీ పరిధిలోని కొత్తపల్లె గ్రామంలో ఆదివారం ఉదయం వెలుగుచూసింది. వివరాల్లోకి వెళితే..గ్రామానికి చెందిన చీమలదిన్నె మాధవరావు, పద్మలు కిరాణాదుకాణం నిర్వహిస్తూ పిల్లలను చదివిస్తున్నారు. కుమార్తె దేవీ ప్రసన్న(20) ఒంగోలులో అగ్రికల్చల్‌ బీఎస్సీ, కుమారుడు విజయవాడలో ఇంటర్మీడియెట్‌ చదివిస్తున్నారు. ఇటీవల లాక్‌డౌన్‌తో ఇద్దరూ ఇంటికి వచ్చారు. ఈ క్రమంలో శనివారం రాత్రి 8 గంటల సమయంలో టీవీ చూస్తున్న ప్రసన్నను తండ్రి మాధవరావు మందలించాడు. త్వరలో ఉద్యోగాల నోటిఫికేషన్‌ ఉందని, చదువుకొని మంచి ఉద్యోగం సాధించాలని చెప్పాడు. అనంతరం ఎప్పటిలాగే రాత్రి భోజనం చేసి నిద్రపోయారు. దేవీ ప్రసన్న వరండాలో నిద్రపోగా మిగిలిన వారంతా పంచలో పడుకున్నారు. ఆదివారం తెల్లవారుజామున 5 గంటల సమయంలో పద్మ నిద్ర లేచి ఇంట్లోకి వెళ్లగా కుమార్తె ప్రసన్న ఉరేసుకొని వేలాడుతూ కనిపించడంతో కేకలు వేసింది. దీంతో కుటుంబసభ్యులు ఆమెను కింద దించగా అప్పటికే మృతి చెందింది. దీంతో ఒక్కసారిగా కుటుంబంలో విషాదఛాయలు అలుముకున్నాయి. సమాచారం అందుకున్న ఎస్సై అంబటి చంద్రశేఖర్, ఏఎస్సై డి.లక్ష్మీప్రసాద్‌లు సంఘటనా స్థలానికి చేరుకుని మృతురాలి తల్లి ఇచ్చిన ఫిర్యాదుమేరకు కేసునమోదుచేసి దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం కనిగిరి వైద్యశాలకు తరలించారు.  బాగా చదువుకొని ఉద్యోగం సాధిస్తుదనుకుంటే.. ‘మాకష్టం మాపిల్లలకు ఉండకూడదని కష్టపడి పిల్లలను చదివిస్తున్నాం. చదువుకుని మంచి ఉద్యోగస్తురాలవుతుందనుకున్న మా కుమార్తె ఇలా మాకు దూరమవుతుందనుకోలేదు. కష్టపడి చదివితే ఉద్యోగమొస్తుందనే టీవీ ఎక్కువగా చూడద్దని చెప్పా. కానీ ఇలా మమ్ములను మా కుమార్తె విడిచి శాశ్వతంగా దూరమవుతుందనుకోలేదని’ తల్లిదండ్రులు విలపించిన తీరు స్థానికులను కంట తడి పెట్టించింది. విద్యార్థిని ఆత్మహత్య మద్దిపాడు: ఇంటర్‌ పరీక్షలు ఫెయిల్‌ కావడంతో మనస్తాపానికి గురై విద్యార్థిని ఇంట్లో ఉరేసుకొని ఆత్మహత్య చేసుకుంది. ఈ సంఘటన మండల పరిధిలోని మల్లవరం ఎస్సీ కాలనీలో ఆదివారం ఉదయం జరిగింది. పోలీసుల వివరాల ప్రకారం...మల్లవరం ఎస్‌సీ కాలనీకి చెందిన బోడిపాక కీర్తి అద్దంకిలోని ప్రైవేట్‌ జూనియర్‌ కళాశాలలో ఇంటర్‌ మొదటి సంవత్సరం చదువుకుంది. రెండు రోజుల క్రితం విడుదలైన పరీక్షా ఫలితాల్లో ఫెయిల్‌ కావడంతో మనస్తాపం చెందింది. ఈ క్రమంలో ఆదివారం తెల్లవారుజామున ఇంట్లో ఉరేసుకొని ఆత్మహత్య చేసుకుంది. మద్దిపాడు పోలీసులు ఘటనా స్థలానికి చేరుకొని మృతదేహాన్ని పోస్టుమార్టం నిమిత్తం ఒంగోలు రిమ్స్‌కు తరలించారు. మృతురాలి తల్లిదండ్రులకు ఒక్కటే కుమార్తె, ముగ్గురు కుమారులు కావడంతో  ఇంటి మహాలక్ష్మి మరణించిందంటూ  విలపించిన తీరు స్థానికులను కలచివేసింది. ఈ మేరకు పోలీసులు కేసు నమోదు చేసుకొని దర్యాప్తు చేస్తున్నారు.

శుక్రవారం నటి స్నేహ ఇంట్లో ఆనందం రెండింతలయింది. ఆమె రెండోసారి తల్లి కావడమే అందుకు కారణం. శుక్రవారం ఓ పాపకు జన్మనిచ్చారు స్నేహ. ‘దేవత వచ్చింది’ అంటూ  ఈ విషయాన్ని తన ఇన్‌స్టాగ్రామ్‌ అకౌంట్‌ ద్వారా తెలియజేశారు స్నేహ భర్త ప్రసన్న. 2012లో తమిళ నటుడు ప్రసన్న, స్నేహ ప్రేమ వివాహం చేసుకున్నారు. 2015 ఆగస్ట్‌లో స్నేహ ఓ బాబుకి జన్మనిచ్చారు. కుమారుడికి విహాన్‌ అని పేరు పెట్టారు.  

ప్రముఖ నటి స్నేహ రెండోసారి తల్లయ్యారు. శుక్రవారం రోజున ఆమె పాపకు జన్మనిచ్చారు. ఈ విషయాన్ని ఆమె భర్త నటుడు ప్రసన్న ఇన్‌స్టాగ్రామ్‌ పోస్ట్‌ ద్వారా  ఈ విషయాన్ని వెల్లడించారు. ఏంజెల్‌ వచ్చేసిందని అన్నాడు. దీంతో పలువురు సినీ ప్రముఖులు స్నేహ-ప్రసన్న దంపతులకు శుభాకాంక్షలు తెలుపుతున్నారు. తమిళ చిత్రం అచ్చముండు అచ్చముండు షూటింగ్‌ సమయంలో నటుడు ప్రసన్నతో స్నేహ ప్రేమలో పడ్డారు. 2012 వీరిద్దరి విహహ బంధంతో ఒకటయ్యారు. వీరికి ఇప్పటికే విహాన్‌ అనే బాబు ఉన్న సంగతి తెలిసిందే. కాగా, బాబు పుట్టిన తర్వాత సినిమాల గ్యాప్‌ ఇచ్చిన స్నేహ.. ఆ తర్వాత సెకండ్‌ ఇన్నింగ్స్‌ ప్రారంభించారు. ఇటీవల ధనుష్‌ హీరోగా తెరకెక్కిన తమిళ చిత్రం పటాస్‌లో ఆమె నటించారు. సంక్రాంతి కానుకగా విడుదలైన ఈ చిత్రం హిట్‌ టాక్‌ తెచ్చుకుంది.

నటి స్నేహా రెండోసారి తల్లి కాబోతున్న విషయం తెలిసిందే. ఈ సందర్భంగా ఆమె సీమంతం వేడుక ఇటీవల చెన్నైలో కుటుంబసభ్యులు, బంధువులు, మిత్రుల సమక్షంలో జరిగింది. 2012లో తమిళ నటుడు ప్రసన్నను ఇరు కుటుంబాల పెద్దల అంగీకారంతో వివాహం చేసుకున్నారు స్నేహ. వీరికి ఇప్పటికే కుమారుడు నిహాస్‌ ఉన్నాడు. సీమంతం వేడుక ఫోటోలను స్నేహా షేర్‌ చేయడంతో ...ఆమెకు శుభాకాంక్షలు వెల్లువెత్తుతున్నాయి. వివాహం అయిన తర్వాత కొంతకాలం సినిమాలకు బ్రేక్‌ ఇచ్చిన ఆమె... ఓ బిడ్డకు జన్మినిచ్చారు. ఆ తర్వాత స్నేహా నటనలో సెకెండ్‌ ఇన్నింగ్స్‌ ప్రారంభించారు. ప్రస్తుతం సీమంతం ఫోటోలు సోషల్‌ మీడియాలో చక్కెర్లు కొడుతున్నాయి.

కొన్ని రోజులుగా కంగ్రాచులేషన్‌ మెసేజ్‌లు, ఫోన్లతో బిజీ బిజీగా ఉన్నారు స్నేహ. రెండోసారి తల్లి కానుండటమే అందుకు కారణం. ఇటీవల ఓ ఇంటర్వ్యూలో మరోసారి తల్లి కాబోతున్నట్టు ప్రకటించారు స్నేహ. తమిళ నటుడు ప్రసన్న, స్నేహ ‘అచ్చముండు అచ్చముండు’ సినిమా షూటింగ్‌ సమయంలో ప్రేమలో పడ్డారు. 2012లో వివాహం చేసుకున్న ఈ జంటకు విహాన్‌ అనే నాలుగేళ్ళ బాబు కూడా ఉన్నాడు.

సాక్షి, అమరావతి: ప్రకాశం జిల్లా చీరాల టీడీపీ ఎమ్మెల్యే కరణం బలరామకృష్ణ మూర్తి ఎన్నికను సవాలు చేస్తూ వైఎస్సార్‌ కాంగ్రెస్‌ పార్టీ అభ్యర్థి ఆమంచి కృష్ణమోహన్‌ హైకోర్టును ఆశ్రయించారు. కరణం బలరాం ఎన్నికను రద్దు చేయాలని కోరుతూ ఆయన ఎన్నికల పిటిషన్‌ (ఈపీ) దాఖలు చేశారు. ఇందులో కరణంతోపాటు ఎన్నికల్లో పోటీ చేసిన పలువురు అభ్యర్థులను, రిటర్నింగ్‌ అధికారిని ప్రతివాదులుగా పేర్కొన్నారు.  వాస్తవాలు చెప్పకపోతే ఎన్నికను రద్దు చేయొచ్చు  ‘కరణం బలరాం సమర్పించిన నామినేషన్‌ ప్రజాప్రాతినిధ్య చట్టం, ఎన్నికల నిబంధనలకు అనుగుణంగా లేదు. చట్టప్రకారం బహిర్గతం చేయాల్సిన వాస్తవాలను వెల్లడించకపోయినప్పటికీ ఆయన నామినేషన్‌ను రిటర్నింగ్‌ అధికారి ఆమోదించారు. కరణం బలరాం తన నామినేషన్‌లో తప్పుడు సమాచారం ఇచ్చారు. వాస్తవాలను దాచిపెట్టారు. భార్య, తనపై ఆధారపడి జీవిస్తున్న వారి వివరాలను బహిర్గతం చేయకుండా తొక్కిపెట్టారు. నామినేషన్‌లో భార్య పేరును కరణం సరస్వతిగా పేర్కొన్నారు. ఇదే సమయంలో ఆయనకున్న మరో భార్య ప్రసూన గురించి ప్రస్తావించలేదు. తనపై ఆధారపడి జీవిస్తున్నవారు ఎవరూ లేరని తెలిపారు. ప్రసూన గురించి, ఆమె ఆదాయం, ఆస్తి, అప్పుల గురించి వివరించలేదు. పలువురు ప్రముఖులు, కుటుంబసభ్యుల సమక్షంలో 1985లో ప్రసూనతో బలరామకృష్ణ మూర్తి వివాహం శ్రీశైలంలో జరిగింది. కరణం బలరాం, ప్రసూనలకు అంబిక కృష్ణ 1989లో హైదరాబాద్‌లోని సెయింట్‌ థెరిస్సా ఆస్పత్రిలో జన్మించింది.  అంబిక ఎస్‌ఎస్‌సీ సర్టిఫికెట్‌లో, ఆధార్‌ కార్డులో తండ్రి పేరు కరణం బలరామకృష్ణ మూర్తి అని ఉంది. అంబిక అన్నప్రాసన, మొదటి పుట్టినరోజు వేడుకలు, అక్షరాభ్యాస వేడుకలకు సంబంధించిన ఫొటోల్లోనూ బలరాం ఉన్నారు. అంబిక కృష్ణ ప్రస్తుతం ఎల్‌ఎల్‌బీ చదువుతోంది. బలరాం తన నామినేషన్‌లో ప్రసూన, అంబిక కృష్ణల వివరాలను పొందుపరచకుండా దాచిపెట్టారు. ఎన్నికల చట్ట నిబంధనల ప్రకారం.. కరణం నామినేషన్‌ను చట్ట ఆమోదయోగ్యమైన నామినేషన్‌గా పరిగణించడానికి వీల్లేదు. అందువల్ల ఆయన నామినేషన్‌ను చెల్లనిదిగా ప్రకటించాలి. బలరాం ఎన్నికను రద్దు చేయండి. అంతేకాకుండా చీరాల నియోజకవర్గం నుంచి నేను ఎన్నికైనట్లు ప్రకటించండి’ అని కృష్ణమోహన్‌ తన పిటిషన్‌లో వివరించారు.  

‘‘35 సంవత్సరాల సినీ కెరీర్‌లో ఎంతో మంది దర్శక–నిర్మాతలతో పనిచేశా. స్థిరంగా కష్టపడుతూ వస్తే దాని ఫలితం తప్పకుండా ఉంటుంది. ‘కురుక్షేత్రం’ నా 150వ సినిమా. నేను నటించిన టాప్‌ టెన్‌ మూవీస్‌లో ఇదొకటిగా నిలుస్తుంది. ఈ చిత్రంలో రియాలిటీకి దగ్గరగా ఉండే పోలీస్‌ పాత్ర చేశా. మంచి సినిమాలను ప్రోత్సహించే తెలుగు ప్రేక్షకులు మా సినిమాను ఆదరిస్తారనే నమ్మకం ఉంది’’ అని అర్జున్‌ అన్నారు. అర్జున్‌ హీరోగా అరుణ్‌ వైద్యనాథన్‌ దర్శకత్వంలో తెరకెక్కిన చిత్రం ‘కురుక్షేత్రం’. ప్యాషన్‌ స్టూడియోస్‌ సమర్పణలో శ్రీనివాస్‌ మీసాల ఈ చిత్రాన్ని ఈ నెల 13న విడుదల చేస్తున్నారు. హైదరాబాద్‌లో నిర్వహించిన ప్రీ–రిలీజ్‌ ఫంక్షన్‌లో అరుణ్‌ వైద్యనాథన్‌ మాట్లాడుతూ– ‘‘తమిళంలో మంచి విజయం సాధించిన ‘నిబునన్‌’ చిత్రాన్ని సాయిక్రిష్ణ, మీసాల శ్రీనివాస్‌గారు తెలుగులో విడుదల చేస్తున్నందుకు నా కృతజ్ఞతలు. అర్జున్‌గారు డైరెక్టర్స్‌ యాక్టర్‌. 150 సినిమాలు చేసినా ఎక్కడా గర్వం లేకుండా డౌన్‌ టు ఎర్త్‌ పర్సన్‌లా ఉంటారు. ప్రసన్న, వరలక్ష్మి, చందన అద్భుతంగా నటించారు’’ అన్నారు. ‘‘అర్జున్‌గారి 150వ సినిమా ‘కురుక్షేత్రం’ను మా బ్యానర్‌లో విడుదల చేయడం గర్వంగా ఉంది’’ అన్నారు ప్యాషన్‌ స్టూడియోస్‌ అధినేత ఉమేష్‌ రెడ్డి. ‘‘దండుపాళ్యం 3’ సినిమా తర్వాత మేం తెలుగులో విడుదల చేస్తున్న చిత్రం ‘కురుక్షేత్రం’’ అన్నారు మీసాల శ్రీనివాస్‌. ‘‘అర్జున్‌ అంటే నాకు ఎంతో అభిమానం. మంచి మనిషి. మా అందరికీ ఎంతో స్ఫూర్తి. ఈ సినిమా పెద్ద సక్సెస్‌ కావాలి’’ అన్నారు హీరో శ్రీకాంత్‌. నిర్మాతలు తమ్మలపల్లి రామసత్యనారాయణ, సాయికృష్ణ పాల్గొన్నారు.

సాక్షి, అమరావతి: ఎస్సీ, ఎస్టీ గురుకుల విద్యాసంస్థల్లో చదువుకుంటున్న ఐదుగురు విద్యార్థులు గురువారం ఉదయం 4 గంటల నుంచి 7 గంటల మధ్య ఎవరెస్ట్‌ శిఖరాన్ని అధిరోహించారు. మొత్తం 22 మంది ఎవరెస్ట్‌ శిఖరాన్ని అధిరోహించేందుకు వెళ్లగా వారిలో ఒకరు విరమించుకున్నారు. మిగిలిన 21 మందిలో సాంఘిక సంక్షేమ శాఖ గురుకుల విద్యా సంస్థ నుంచి పశ్చిమ గోదావరి జిల్లా పెదవేగిలో బైపీసీ రెండో సంవత్సరం చదువుతున్న జె.ప్రవీణ్, కొత్తూరు గురుకులంలో చదువుతున్న పి.భానుసూర్యప్రకాష్, విశాఖపట్నం జిల్లా వెలుగొండ గురుకులంలో జూనియర్‌ ఎంపీసీ చదువుతున్న జి.రాజు, గిరిజన సంక్షేమ గురుకుల విద్యాలయ సొసైటీలోని నెల్లూరు జిల్లా చిట్టేడు గురుకులంలో సీనియర్‌ ఇంటర్‌ చదువుతున్న వెంకటేష్, తూర్పుగోదావరి జిల్లా అడ్డతీగల గురుకులంలో సీనియర్‌ ఇంటర్‌ చదువుతున్న ప్రసన్నకుమార్‌లు ఎవరెస్ట్‌ను అధిరోహించిన వారిలో ఉన్నారు. గతేడాది 9 మంది విద్యార్థులు ఈ రెండు విద్యా సంస్థల నుంచి ఎవరెస్ట్‌ను అధిరోహించి ప్రపంచ రికార్డు నెలకొల్పారు. వీరు లడక్‌లో మైనస్‌ 30 డిగ్రీల ఉష్ణోగ్రతలో శిక్షణ పొందారు. మూడు బృందాలుగా బయల్దేరిన వీరిలో మొదటి బృందం విజయం సాధించింది. రెండో బృందం ఈ నెల 19వ తేదీ ఎవరెస్ట్‌ను అధిరోహించనుంది. ఎవరెస్ట్‌ను అధిరోహించిన విద్యార్థులకు సాంఘిక, గిరిజన సంక్షేమ శాఖ మంత్రి నక్కా ఆనందబాబు గురువారం అభినందనలు తెలిపారు. ఆత్మ విశ్వాసం పెరగాలి: సీఎం విద్యార్థులు శిఖరమంతటి ఆత్మ విశ్వాసాన్ని పెంచుకోవాలని రాష్ట్ర ముఖ్యమంత్రి చంద్రబాబునాయుడు అన్నారు. ఎవరెస్ట్‌ను అధిరోహించిన విద్యార్థులను అభినందిస్తూ గురువారం సీఎం కార్యాలయం ఓ ప్రకటన విడుదల చేసింది. అత్యంత కఠినమైన శిక్షణను తట్టుకొని అనుకున్న గమ్యం చేరుకున్న విద్యార్థుల మనోస్థైర్యాన్ని సీఎం చంద్రబాబు కొనియాడారు. శిఖరారోహణ ద్వారా విద్యార్థుల్లో ఆత్మవిశ్వాసం, నాయకత్వ లక్షణాలు, పట్టుదల, కష్టాలను తట్టుకునే ధృడత్వం అలవడుతుందన్నారు. విద్యార్థులకు శిక్షణ ఇచ్చిన శేఖర్‌బాబును, ఆయా శాఖల అధికారులను సీఎం అభినందించారు.   మరిన్ని అధిరోహణలు సాధించాలి: వైఎస్‌ జగన్‌ ఎవరెస్ట్‌ను అధిరోహించిన ఎస్సీ, ఎస్టీ గురుకులాల విద్యార్థులకు వైఎస్సార్‌ కాంగ్రెస్‌ పార్టీ అధ్యక్షుడు, ప్రతిపక్ష నేత వైఎస్‌ జగన్‌మోహన్‌రెడ్డి అభినందనలు తెలిపారు. విద్యార్థులు భవిష్యత్తులో మరిన్ని అధిరోహణలు సాధించాలని ఆకాంక్షించారు. ఈ మేరకు గురువారం వైఎస్‌ జగన్‌ ఓ ప్రకటన విడుదల చేశారు.    

స్నేహ తన పుట్టినింట్లో గౌరవం అనే పుట్టుమచ్చ. ఏ మచ్చ లేకుండా ఎదగడమే పుట్టినింటి వైభవం. పెళ్లయ్యాక మెట్టినింటిని మేటి ఇల్లుగా చక్కదిద్దిన ఈ స్నేహ.. అత్తకు స్నేహితురాలు.. భర్తకి ప్రియనేస్తం. బిడ్డకు అమృతహస్తం.. మెట్టినిల్లు మెచ్చిన కోడలు. చాలా కూల్‌గా.. ఇంతకుముందుకన్నా ఇంకా అందంగా కనిపిస్తున్నారు.. మంచి స్పేస్‌లో ఉన్నారనిపిస్తోంది? స్నేహ: దేవుడు నా విషయంలో కైండ్‌గా ఉన్నాడు. ఇప్పుడనే కాదు నేనెప్పుడూ ఇలానే అంటుంటా. ఎందుకంటే మ్యారేజ్‌కి ముందు ఆ తర్వాత నా లైఫ్‌ స్మూత్‌గా ఉంది. ఇప్పుడైతే ఇంకా బ్యూటిఫుల్‌గా ఉంది. దానికి కారణం మా అబ్బాయి ‘విహాన్‌’. మా (భర్త ప్రసన్న) లైఫ్‌లోకి విహాన్‌ వచ్చాక మా హ్యాపీనెస్‌ డబుల్‌ అయింది. మ్యారీడ్‌ లైఫ్‌ గురించి ఇంత హ్యాపీగా మాట్లాడుతున్నారు. ఒక వివాహ బంధం సక్సెస్‌ అవ్వాలంటే మీరిచ్చే సలహా? అది చెప్పడం కష్టం. ఎందుకంటే ఒక్కో కపుల్‌ ఒక్కోలా ఉంటారు. మా ఫ్యామిలీలోనే చూడండి నేనొకలా, ప్రసన్న ఒకలా ఉంటాం. ‘ఇది చేస్తే మ్యారేజ్‌ సక్సెస్‌ అవుతుంది, ఇలా చేస్తే అవ్వదు’ అని రూల్స్‌ చెప్పలేం.  మా పెళ్లయి జస్ట్‌ ఆరేళ్లే అయింది. ఈ ఆరేళ్లలో నేను తెలుసుకున్నది ఒకటే. మ్యారీడ్‌ లైఫ్‌ సక్సెస్‌ఫుల్‌గా సాగాలంటే ‘గివ్‌ అండ్‌ టేక్‌ పాలసీ’ ఉండాలి. మా మ్యారేజ్‌లో బెస్ట్‌ థింగ్‌ ఏంటంటే భార్యా భర్తలు కావడానికన్నా ముందు మేం మంచి ఫ్రెండ్స్‌. మేం ఎప్పుడూ గొడవపడలేదనను. ప్రతీ భార్య భర్త గొడవపడతారు. ఆ గొడవ తర్వాత మళ్లీ ఎలా కలుస్తాం అన్నది ముఖ్యం. కొన్నిసార్లు ఒక పూటలో మాట్లాడుకుంటాం. ఇంకోసారి రెండు రోజులు పడుతుంది. అయితే వారాలు, నెలలు సాగనివ్వకూడదు. ‘క్షమించడం– మర్చిపోవడం’ అన్నది చాలా ముఖ్యం. లవర్స్‌ నుంచి ‘మిస్టర్‌ అండ్‌ మిసెస్‌’ అవ్వాలనుకున్నాక ‘మ్యారేజ్‌ లైఫ్‌’ గురించి మీ ఇద్దరూ మాట్లాడుకున్న ముఖ్యమైన విషయం ఏంటి? ‘ఎలాంటి పరిస్థితుల్లో అయినా, ఎంత గొడవపడ్డా మనం మాత్రం విడాకులు తీసుకోకూడదు’ అని మాట్లాడుకున్నాం. అది కేవలం ఒక మాటగా అనుకోవడం కాదు.. మా స్ట్రాంగ్‌ డెసిషన్‌ అది. మేమిద్దరం ఎంతో కష్టపడి మా అమ్మా నాన్నల్ని ఒప్పించి పెళ్లి చేసుకున్నాం. అంత కష్టపడి ఒప్పించి, పెళ్లి చేసుకొని చిన్న గొడవ కోసం విడిపోతే ఇక ఆ కష్టానికి అర్థం ఏముంటుంది? నా భర్త 100% పర్ఫెక్ట్‌ అని ఎవ్వరూ చెప్పలేరు. నా భార్య 100% కరెక్ట్‌ అని ఎవరూ చెప్పలేరు. కొన్నిసార్లు భర్తది తప్పు అవ్వొచ్చు, కొన్నిసార్లు భార్యది అవ్వొచ్చు. తప్పులను క్షమించుకోవాలి. ఒక బంధం ఏర్పడాలంటే ఎన్నో కుదరాలి. అందుకే ఆ బంధాన్ని ఈజీగా తుంచేసుకోకూడదు. ఇంతకీ మీరు ‘అత్త ఉన్నా ఉత్తమ కోడలు’ అనిపించుకోగలిగారా? ఒకసారి మా మామయ్యగారు మా నాన్నగారితో ‘ఒకవేళ మా అబ్బాయికి మేం ఏరికోరి ఒక అమ్మాయిని సెలెక్ట్‌ చేసి, పెళ్లి చేసినా మీ స్నేహ అంత మంచి అమ్మాయిని తీసుకురాలేకపోయేవాళ్లమేమో’ అన్నారట. ఆ మాటలు విని, అత్తింట్లో తన కూతురు మంచి పేరు తెచ్చుకున్నందుకు నాన్నగారు చాలా ఆనందపడ్డారు. నిజానికి నన్ను ప్రసన్న పెళ్లి చేసుకోవడానికి వాళ్ల నాన్నగారు ఒప్పుకోవడానికి చాలా టైమ్‌ పట్టింది. అలాంటి ఆయన నా గురించి అలా అన్నారని మా నాన్నగారు చెప్పగానే ఆనందపడ్డాను. ఏ కోడలికైనా అత్తింటి నుంచి ఇంతకన్నా బెస్ట్‌ కాంప్లిమెంట్‌ ఏం ఉంటుంది? ఆ మాట నిలబెట్టుకోవడానికి నేను ట్రై చేస్తుంటాను. అత్తా–కోడళ్లంటే గొడవలే అని కాకుండా అత్తింట్లో ఇలా మంచి పేరు తెచ్చుకుంటే లైఫ్‌ స్మూత్‌గా ఉంటుంది కదా.. అవును. అత్తగారిలో అమ్మను చూడక్కర్లేదు. అలా చూడలేం కూడా. అయితే పెళ్లయిన కొన్నేళ్లకు ఇది సాధ్యపడుతుంది. అప్పుడు అత్తను కోడలు అమ్మలా.. కోడలిని అత్త కూతురిలా అంగీకరించగలుగుతారు. అత్తింట్లోకి వెళ్లేటప్పుడే ‘అత్త మనకు శత్రువు’ అనే ఫీలింగ్‌తో కోడలు వెళ్లకూడదు. ‘కొడుకుని మన నుంచి దూరం చేయడానికి ఓ అమ్మాయి వచ్చింది’ అని అత్త ఫీల్‌ అవ్వకూడదు. మంచి, చెడు ఏం జరిగినా కుటుంబంలో అందరూ కలసి ఎక్స్‌పీరియన్స్‌ చేయాల్సిందే కాబట్టి.. అత్తింటి బంధంలో మంచిని చూడటం అలవాటు చేసుకోవాలి. ఓ ఇంటర్వ్యూలో ‘స్నేహ నన్ను చాలా మార్చింది’ అని ప్రసన్నగారు అన్నారు. ఏం మార్చారు? చాలా. డ్రెస్సింగ్‌ నుంచి వాకింగ్‌ వరకూ అన్నీ మార్చేశాను. ప్రసన్న గారి వాకింగ్‌ స్టైల్‌ బావుండదా? బావుండదని కాదు. ఇలా అయితే ఇంకా బావుంటుందని. ‘నేను చాలా మారాను. అంతా నీవల్లే. ఈ మార్పు చాలా బాగుంది’ అని ప్రసన్న నాతో చాలాసార్లు అన్నాడు. ఐ యామ్‌ హ్యాపీ. తనకోసం మీరేమైనా మారారా? ఏమీ లేదు (నవ్వుతూ). జన్రల్‌గా భర్తకి తగ్గట్టు మారే భార్యలే ఎక్కువ. అలాంటి ప్రెజర్‌ లేదంటే మీరు లక్కీయే? ఐ యామ్‌ హ్యాపీ. అలాగని మార్పు విషయంలో నేనూ ప్రసన్నను ఒత్తిడి చేయలేదు. నేను చెప్పింది కరెక్ట్‌ అనిపించి, మారాడు. పెళ్లి తర్వాత సినిమాలు మానేసి ఇంట్లోనే ఉండాలనుకున్నాను. ‘నో నో. ఎక్కువ సినిమాలు కాకపోయినా అప్పుడప్పుడు సినిమాలు చేస్తుండాలి’ అన్నాడు. ఏ పని చేసినా చాలా ఎంకరేజ్‌ చేస్తాడు. ఒక యాడ్‌లో ప్రసన్నగారు మీ కాలి గోళ్లకు నెయిల్‌ పాలిష్‌ వేస్తూ ఉంటారు. రియల్‌ లైఫ్‌లో అలా చేస్తారా? పాలిష్‌ మాత్రమే కాదు కాళ్లకు ఆయిల్‌ మసాజ్‌ కూడా ఇస్తుంటారు (నవ్వుతూ). భవిష్యత్తులో మీరు కూడా ఒక అమ్మాయికి అత్తగారే. అప్పుడు మీ కోడలితో ఎలా ఉండాలనుకుంటున్నారో ఎప్పుడైనా ఆలోచించారా? నేను వెరీ కూల్‌ అత్త. కొందరు అత్తల్లా ‘ఈ టైమ్‌లో ఎక్కడికి వెళ్తున్నావు? ఏ డ్రెస్‌  వేసుకుంటున్నావు? ఏం తింటున్నావు’ అంటూ ప్రతిదీ ప్రశ్నించే అత్తలా ఉండను. మా అబ్బాయి తనతో హ్యాపీగా ఉంటే నేను హ్యాపీ. ‘నేనెక్కువా? నీ భార్య ఎక్కువా?’ అనే  సిచ్యుయేషన్స్‌ మా అబ్బాయికి క్రియేట్‌ చేయను. అసలు ఏ ఇంట్లో అయినా ఈ విషయంలోనే ఎక్కువ ప్రాబ్లమ్‌ వచ్చేది. మావాడికి తన భార్యే ఎక్కువ కావాలి. ఎందుకంటే వాడి జీవితాంతం నేను ఉండలేను. భార్య మాత్రం వాడి జీవితం ఆఖరి వరకూ ఉంటుంది. ఈ విషయం అర్థం చేసుకుంటే అందరి లైఫ్‌ చాలా బావుంటుంది. బాగా చెప్పారు. ఇక సినిమాల గురించి మాట్లాడుకుందాం.. ఎలాంటి రోల్స్‌ చేయాలనుకుంటున్నారు. డ్రీమ్‌ రోల్స్‌ ఏమైనా?   అలాంటివి ఏమీ లేవు.  ఇంకా మంచి రోల్స్‌ చేసి ఇంకా మంచి పేరు తెచ్చుకోవాలి. ఇప్పటిదాకా తెచ్చుకున్న పేరును పోగొట్టుకోకూడదు. నెగటివ్‌ క్యారెక్టర్‌ చేయాలని ఉంది. మిమ్మల్ని నెగటివ్‌గా చూడటం కష్టమేమో? ఆ ఇమేజ్‌ బ్రేక్‌ చేయాలనుకుంటున్నాను (నవ్వుతూ). పాజిటివ్‌ క్యారెక్టర్స్‌ చాలా చేశాను. ఒక నెగటివ్‌ క్యారెక్టర్‌ కూడా ట్రై చేయాలని ఉంది. గ్లామర్‌ ఫీల్డ్‌లో క్లీన్‌ ఇమేజ్‌ తెచ్చుకోవటం చాలా కష్టం. కానీ మీరది అచీవ్‌ చేయగలిగారు. ఈ ఇమేజ్‌ ‘రెస్పాన్సిబుల్‌గా ఉండాలి’ అని ఎప్పుడూ గుర్తు చేస్తుంటుంది కదా? అవును. యాక్చువల్‌గా నాది ట్రెడిషనల్‌ ఫ్యామిలీ బ్యాగ్రౌండ్‌. మా ఇంట్లో స్లీవ్‌లెస్‌ వేసుకోవడం అంటే పెద్ద విషయం. మా నాన్నగారు చాలా స్ట్రిక్ట్‌. నేను ఇండస్ట్రీలోకి రావడం మా ఫ్యామిలీకి పెద్ద షాక్‌. మా నాన్నగారు నాతో రెండు నెలలు మాట్లాడలేదు. ఆ తర్వాత నేను రెస్పాన్సిబుల్‌గా ఉండటం చూసి, మాట్లాడటం మొదలుపెట్టారు. నా ఫస్ట్‌ మూవీలో ఒక సీన్‌లో  స్లీవ్‌లెస్‌ వేసుకోవల్సి వచ్చింది. అప్పుడు మా నాన్నకు ఫోన్‌ చేసి ‘డాడీ నేను స్లీవ్‌లెస్‌ వేసుకున్నా.. ఐయామ్‌ సారీ’ అన్నాను. ‘నువ్వు కంఫర్ట్‌ అంటే ఓకే’ అన్నారు.. కానీ ఇప్పుడాయన గర్వంగా ఫీల్‌ అవుతున్నారు. అప్పటి నుంచి ఇప్పటి వరకు కూడా నేను గ్లామరస్‌ రోల్‌ చేయలేదు. ఇప్పుడు అసలే చేయను. ఎందుకంటే మా అబ్బాయి చూస్తుంటాడు, మా అత్తగారు చూస్తారు. నేనెలా చేస్తాను? ఇప్పుడింకా రెస్పాన్సిబులిటీ పెరిగింది నాకు. మీ కెరీర్‌లో కాంట్రవర్శీ లేదు. కానీ ఈ మధ్య కొందరు హీరోయిన్లు ‘క్యాస్టింగ్‌ కౌచ్‌’ ఉందని, కొందరు లేదని అంటున్నారు. మరి.. మీరు? నమ్మరేమో.. ఫస్ట్‌ టైమ్‌ మీ నుంచే ‘క్యాస్టింగ్‌ కౌచ్‌’ అనే వర్డ్‌ వింటున్నా. వేరేవాళ్లు చెబుతున్న విషయాల గురించి నేను కామెంట్‌ చేయలేదు. నా కెరీర్‌ మాత్రం సాఫీగానే సాగుతోంది. కొత్త హీరోయిన్స్‌ మీతో ఫ్రెండ్లీగా ఉంటారా? నేను చాలామంది కొత్త హీరోయిన్స్‌ని చూశాను. వాళ్లను కలిసినప్పుడో, ట్రావెల్‌ చేస్తున్నప్పుడో నవ్వితే.. తిరిగి నవ్వరు కూడా. షాకింగ్‌గా అనిపిస్తుంది. నన్ను స్నేహాలాగా గుర్తించాల్సిన అవసరం లేదు. ఒక అమ్మాయి నవ్వినప్పుడు తిరిగి నవ్వితే ఏమవుతుంది? అంత యాటిట్యూడ్‌ ఎందుకు? వాళ్ల దగ్గరికి వెళ్లి ‘మీ సినిమాలు ఇచ్చేయండి’ అని అడగం కదా. మరి.. ఆ యాటిట్యూడ్‌ వాళ్లను ఎక్కడికి తీసుకెళుతుందో? పెళ్లి చేసుకున్న హీరో సినిమాలకు దూరమయ్యే ప్రసక్తే లేదు. మీలా పెళ్లి చేసుకున్న హీరోయిన్లు సినిమాలు తగ్గించాల్సిందేనా? అలా అని కాదు. నన్ను సినిమాలు మానేయమని నా అత్తింటివాళ్లు అనలేదు. ప్రసన్న కూడా ఎప్పుడూ ఆ మాట అనలేదు. మంచి రోల్స్‌ అనిపిస్తేనే చేస్తు్తన్నాను. ఎందుకంటే నెలలో 15–20రోజులు యాక్ట్‌ చేస్తూ మిగిలిన పది రోజులు విహాన్‌కి ఇచ్చేయాలనుకున్నా. విహాన్‌కి కేటాయించాల్సిన టైమ్‌ని ఓ సినిమాకి ఇచ్చానంటే ఆ సినిమా, నా క్యారెక్టర్‌ ఎంతో గొప్పవై ఉండాలని ఫిక్స్‌ అయ్యాను. మీరు షూటింగ్స్‌కి వెళ్లినప్పుడు విహాన్‌ని ఎవరు చూసుకుంటారు? మా అత్తగారు లేకపోతే అమ్మగారు. వాడికి జస్ట్‌ రెండున్నరేళ్లే. ఈ వయసు పిల్లలకు ఎక్కువ కేర్‌ అవసరం. నేను, అమ్మ, అత్తయ్య.. ఎవరో ఒకరు వాళ్లతో పాటు ఉండాల్సిందే. ఇంట్లో ఆడవాళ్లెవ్వరికీ వీలు పడకపోతే అప్పుడు విహాన్‌తో పాటు ప్రసన్న ఉంటాడు. ‘న్యూ జర్నీ స్టార్ట్‌ చేశా’ అంటూ ఈ మధ్య జిమ్‌లో వర్కవుట్స్‌ చేస్తున్న ఫొటోలు ట్వీటర్‌లో షేర్‌ చేశారు. ఈ కొత్త జర్నీ దేనికోసం? నేనెప్పట్నుంచో జిమ్‌ చేస్తున్నాను. కానీ హెవీ వెయిట్స్‌ చేయలేదు. వాటివల్ల ఇంకా ఫిట్‌గా ఉండొచ్చనిపించింది. అందుకే మొదలుపెట్టాను. కొంత గ్యాప్‌ తర్వాత తెలుగులో సినిమా సైన్‌ చేయడంతో మీ ఫ్యాన్స్‌ హ్యాపీ. రామ్‌చరణ్‌ హీరోగా బోయపాటి దర్శకత్వం వహిస్తున్న సినిమాలో మీ పాత్ర? క్యారెక్టర్‌ని రివీల్‌ చేయలేను. అయితే నన్ను ఆశ్చర్యపరిచిన విషయం ఏంటంటే.. ఆడియన్స్‌ ఇంకా నన్ను ప్రేమగా వెల్కమ్‌ చేస్తున్నారు. ‘ఏ సినిమా చేస్తున్నారు? ఏ క్యారెక్టర్‌ ప్లే చేస్తున్నారు?’ అని ఆసక్తిగా అడుగుతున్నారు. ఈ ప్రేమ చూస్తుంటే ఎప్పటికీ మంచి రోల్స్‌ చేయాలనిపిస్తోంది. ‘సన్నాఫ్‌ సత్యమూర్తి’ సినిమాలో నా రోల్‌ చిన్నదైనా ఒప్పుకోవడానికి కారణం ఆ పాత్ర బాగుంటుంది. ఆ మూవీలో ‘సూపర్‌ మచ్చీ...’ సాంగ్‌ పెద్ద హిట్టయిన విషయం గుర్తుండే ఉంటుంది. యాక్చువల్లీ ‘సూపర్‌ మచ్చీ..’ మీ స్టైల్‌ సాంగ్‌ కాదు. ఆ సాంగ్‌ షూట్‌ చేసే అప్పుడు ఎలా అనిపించింది? కరెక్టే. పైగా ఆ సాంగ్‌ షూట్‌ చేస్తున్నప్పుడు నేను ఫైవ్‌ మంథ్స్‌ ప్రెగ్నెంట్‌. అందుకే ‘సూపర్‌ మచ్చీ..’ నా మనసుకి చాలా దగ్గరైంది. ప్రెగ్నెన్సీ తాలూకు స్వీట్‌ మెమొరీస్‌లో ఈ సాంగ్‌ ఒకటి. ఫైనల్లీ మీ అల్లరి పిల్లాణ్ణి హీరోని చేస్తారా? హీరో అయితే హ్యాపీనే. చూద్దాం ఏమవుతాడో (నవ్వుతూ). – డి.జి. భవాని

‘‘అందరి అమ్మాయిల్లాగే ఆ అమ్మాయికి జీవితంపై మంచి కలలు, ఆశలు, కోరికలు ఉంటాయి. సోషల్‌ మీడియా కారణంగా ఆ అమ్మాయి జీవితం ఎలా మారింది? అన్నదే ‘దొంగోడొచ్చాడు’ కథాంశం’’ అని కథానాయిక అమలాపాల్‌ అన్నారు. బాబీ సింహా, అమలాపాల్, ప్రసన్న ముఖ్య పాత్రల్లో ‘మల్లన్న’ ఫేమ్‌ సుశీ గణేశన్‌ దర్శకత్వంలో రూపొందిన తమిళ చిత్రం ‘తిరుట్టుపయలే 2’. కల్పాతి ఎస్‌.అఘోరమ్‌ సమర్పణలో కల్పాతి ఎస్‌. అఘోరమ్, కల్పాతి ఎస్‌.గణేశ్, కల్పాతి ఎస్‌.సురేష్‌ నిర్మాతలు. ఈ సినిమాని ‘దొంగోడొచ్చాడు’ పేరుతో తెలుగులో రిలీజ్‌ చేస్తున్నారు. ఈ సందర్భంగా హైదరాబాద్‌లో చిత్రబృందం విలేకరులతో మాట్లాడారు. అమలాపాల్‌ మాట్లాడుతూ– ‘‘చాలారోజుల తర్వాత మళ్లీ టాలీవుడ్‌కి రావడం హ్యాపీ. సుశీగారితో ఏడాదికి ఒక సినిమా అయినా చేయాలనుంది. ఆయనతో సినిమా చేస్తే చాలా విషయాలు నేర్చుకోవచ్చు. విద్యాసాగర్‌తో మలయాళంలో పనిచేసిన రెండు సినిమాలు పెద్ద హిట్‌ అయ్యాయి. ఈ సినిమా కూడా పెద్ద హిట్‌ అవుతుందని అనుకుంటున్నాను’’ అన్నారు. ‘‘సోషల్‌ క్రైమ్‌ నేపథ్యంలో సాగే చిత్రమిది. తమిళంలో ఈ సినిమా నవంబర్‌ 30న విడుదలవుతోంది. డిసెంబరు రెండో వారంలో తెలుగులో విడుదలవుతుంది’’ అన్నారు బాబీ సింహా. ‘‘అవకాశం రావాలే కానీ.. ప్రతి ఒక్కరిలో ఓ దొంగోడు ఉంటాడు. అలాంటి మనిషి నైజాన్ని చూపించే సినిమా ఇది’’ అన్నారు సుశీ గణేశన్‌. నటుడు ప్రసన్న, సంగీత దర్శకుడు విద్యాసాగర్‌ పాల్గొన్నారు.

తమిళసినిమా: బాబిసింహా, ప్రసన్నా, అమలాపాల్‌ నటించిన చిత్రం తిరుట్టుపయలే–2. తిరుట్టుపయలే మొదటి భాగాన్ని  నిర్మించిన ఏజీఎస్‌ ఎంటర్‌ ప్రైజెస్‌ సంస్థ కల్పాత్తి అగోరమే తిరుట్టుపయలే–2కు కూడా నిర్మాణ బాధ్యతలు చేపట్టారు. జీవన్, అబ్బాస్, సోనియా అగర్వాల్‌ కలిసి నటించిన తిరుట్టుపయలే చిత్రం తొలి భాగం 2006 ఏప్రిల్‌లో విడుదలైంది. సాధారణంగా ఒక చిత్రం మొదటి భాగం విడుదలైన ఒకటి రెండు సంవత్సరాల్లోనే రెండో భాగం కూడా విడుదల చేస్తారు. అయితే తిరుట్టుపయలే చిత్రం 11 ఏళ్ల తర్వాత ఇప్పుడు రెండో భాగం విడుదలకు సిద్ధమవుతుండడం విశేషం. ఈ చిత్రాన్ని డిసెంబర్‌ 2న విడుదల చేయాలని నిర్ణయించినట్టు చిత్ర యూనిట్‌ తెలిపింది.


 తిమిళసినిమా: తిరుట్టుప్పయలే–2 చిత్ర ఫస్ట్‌లుక్‌ పోస్టర్‌ను గురువారం విడుదల చేశారు. సుశీగణేశన్‌ దర్శకత్వంలో తెరకెక్కిన తిరుట్టుప్పయలే సంచలన విజయాన్ని సాధించింది. ఇప్పుడా చిత్రానికి సీక్వెల్‌గా తిరుట్టుప్పయలే–2 రూపొందుతున్న విషయం తెలిసిందే. సుశీగణేశన్‌ చిన్న గ్యాప్‌ తరువాత దర్శకత్వం వహిస్తున్న ఈ చిత్రంలో బాబీసింహా, ప్రసన్న, అమలాపాల్‌ ప్రధాన పాత్రలు పోషిస్తున్నారు. ఏజీఎస్‌ సంస్థ నిర్మిస్తున్న ఈ చిత్ర నిర్మాణ కార్యక్రమాలు చివరి దశకు చేరుకున్నాయి.
 
 త్వరలో ఆడియోను విడుదల చేయడానికి చిత్ర యూనిట్‌ సన్నాహాలు చేస్తోంది. చిత్ర ఫస్ట్‌లుక్‌ పోస్టర్‌ను గురువారం విడుదల చేశారు. నటుడు విజయ్‌సేతుపతి ఆవిష్కరించిన ఈ పోస్టర్‌కు మంచి రెస్పాన్స్‌ వస్తోందని దర్శకుడు తెలిపారు. చిత్రం గురించి ఆయన తెలుపుతూ చిల్లర దొంగతనాలు చేసుకుంటూ తిరిగే అబ్బాయి సాంకేతిక పరిజ్ఞానాన్ని ఉపయోగించుకునే స్థాయికి ఎదిగితే ఎలా ఉంటుందనే తిరుట్టుప్పయలే–2 చిత్రం అని తెలిపారు. ఇది తన ఊహకన్నా సమాజంలో జరుగుతున్న సంఘటనలతో సహజత్వంగా తెరకెక్కిస్తున్న చిత్రం అని చెప్పారు. ఈ చిత్రానికి విద్యాసాగర్‌ సంగీతాన్ని అందిస్తున్నారు.


 తమిళసినిమా: దక్షిణాదిలో యాక్షన్‌ కింగ్‌గా ముద్ర వేసుకుని కథానాయకుడిగా 150 చిత్రాల మైలురాయి చేరుకున్న నటుడు అర్జున్‌. నటుడిగానే కాకుండా, నిర్మాత, దర్శకుడిగానూ సత్తా చాటుకున్న ఈయన తాజాగా నటించిన నిపుణన్‌ చిత్రం 150వ చిత్రంగా నమోదు చేసుకుంది. ఇందులో అర్జున్‌తో పాటు ప్రసన్న, నటి వరలక్ష్మీశరత్‌కుమార్, వైభవ్, కృష్ట వంటి యువ నటీనటులు నటించారు. అరుణ్‌వైద్యనాథన్‌ కథ, కథనం, దర్శకత్వం బాధ్యతలను నిర్వహించిన ఈ చిత్రం గతవారం తెరపైకి వచ్చి విశేష ప్రేక్షకాదరణ పొందుతున్న నేపథ్యంలో మంగళవారం సాయంత్రం చిత్ర యూనిట్‌ సక్సెస్‌మీట్‌ను నిర్వహించింది.
 
 ఈ సందర్భంగా చిత్ర దర్శకుడు అరుణ్‌వైద్యనాథన్‌ మాట్లాడుతూ నిపుణన్‌ చిత్ర కథను తయారు చేసుకున్నప్పుడే మంచి చిత్రం అవుతుందనే నమ్మకం కలిగిందన్నారు. నటుడు అర్జున్‌ 150వ చిత్రానికి తాను దర్శకత్వం వహించడం గర్వంగా ఉందన్నారు. ఈ చిత్రంలో తనతో పనిచేసిన కళాకారులు, సాంకేతిక వర్గం అందరికీ ధన్యవాదాలు చెప్పుకుంటున్నానని అన్నారు. చిత్ర నిర్మాత ఉమేష్‌ మాట్లాడుతూ చిత్రం చూసిన పత్రికల వారి అభిప్రాయం, ప్రేక్షకుల అభిప్రాయం ఒకటే కావడంతోనే ఈ నిపుణన్‌ ఇంత విజయం సాధించిందని పేర్కొన్నారు.
 
 చిత్ర హీరో అర్జున్‌ మాట్లాడుతూ నిపుణన్‌ చిత్ర సక్సెస్‌ మీట్‌ ఏర్పాటు చేయడం సంతోషంగా ఉందన్నారు. దర్శకుడు అరుణ్‌వైద్యనాథన్‌ నిపుణన్‌ చిత్ర స్క్రిప్ట్‌ను చెప్పిన విధంగానే తెరకెక్కించినందుకు ఆయనకు కృతజ్ఞతలు చెప్పుకుంటున్నానని అన్నారు. ఈ చిత్రంలో తనతో పనిచేసిన కథాకారులకు, అదే విధంగా తన 150 చిత్రాలకు పనిచేసిన వారందరికీ ఈ సందర్భంగా ధన్యవాదాలు తెలుపుకుంటున్నానన్నారు.
 
 ఇకపై కూడా నటుడిగా కొనసాగాలనుకుంటున్నానని, నిపుణన్‌ లాంటి వైవిధ్యభరిత కథా చిత్రాల్లో నటించాలని ఆశిస్తున్నానని అర్జున్‌ పేర్కొన్నారు. అదే విధంగా దర్శకుడిగా ప్రముఖ హీరోలతో పనిచేయాలని కోరుకుంటున్నానని, అలాంటి సందర్భం కోసం ఎదురు చూస్తున్నానని అన్నారు. కాగా ప్రస్తుతం ఈయన తన కూతురు ఐశ్వర్య అర్జున్‌ హీరోయిన్‌గా సొల్లివిడవా అనే పేరుతో ఒక యూత్‌ఫుల్‌ ప్రేమ కథా చిత్రాన్ని తెరకెక్కిస్తున్నారు. అందులో తాను ఒక అతిథి పాత్రలో కనిపించనున్నట్లు అర్జున్‌ వెల్లడించారు.


 ఇప్పుడు మా కుటుంబంలో నేనొక్కతినే..
 మా వాళ్లంతా దేవుని దగ్గరికి వెళ్లారు.
 మేము ముగ్గురం ఆడ పిల్లలమే..
 మగ పిల్లల్లానే పెంచింది మమ్మల్ని.
 ఉన్నత స్థానంలో చూడాలని తపించింది.
 కష్టానికి తగ్గట్లే బాగా చదువుతున్నాం.
 విధి కన్నుకుట్టింది.
 అమ్మ.. నాన్న.. ఇద్దరు చెల్లెలను దూరం చేసింది.
 ఇప్పటికీ అంతా కలగానే ఉంది.
 ఈ లోకం వీడాలనుకున్నా.
 అమ్మ గుర్తొచ్చింది.
 ఆమె కల ఆత్మస్థైర్యం నింపింది.
 ఇప్పుడు నా ముందున్నది ఆ లక్ష్యం ఒక్కటే.
 నాన్న కూడా మా ఉన్నతికి ఎంతో తపించారు.
 వాళ్ల ఆశయాన్ని బతికిస్తా.
 - ఉబికివచ్చే కన్నీళ్లతో తాడిపత్రి ప్రసన్న చెప్పిన మాటలివి.
 
 తాడిపత్రి టౌన్‌ : పట్టణంలోని కృష్ణాపురం 3వ రోడ్డులో ఉంటున్న సులోచనమ్మ, ఇద్దరు కూతుళ్లు ప్రత్యూష, సాయి ప్రతిభ మంగళవారం దారుణ హత్యకు గురి కాగా.. సులోచనమ్మ భర్త రామసుబ్బారెడ్డి బుధవారం పురుగుల మందు తాగి ఆత్మహత్యకు పాల్పడ్డాడు. ఈ కుటుంబంలో పెద్ద కుమార్తె ప్రసన్న మాత్రమే ఇప్పుడు ఒంటరిగా మిగిలింది. ఈమె తిరుపతి ఎస్వీ యూనివర్సిటీలో ఎంఎస్సీ చదువుతోంది. కుటుంబ సభ్యులంతా మరణించడంతో ప్రసన్న బిక్కుబిక్కుమంటోంది. బుధవారం విలేకరులు ఆమెను కదిలించే ప్రయత్నం చేయగా కన్నీటి పర్యంతమయింది. ఆ రోజు ఏమి జరిగిందో ఇలా చెప్పింది.
 
 ‘‘మంగళవారం ఉదయం 7.30 గంటలకు యూనివర్సిటీకి బంధువులు ఫోన్‌ చేశారు. అమ్మకు ఆరోగ్యం బాగోలేదన్నారు. ఏమయిందోనని ఆందోళన పడ్డా. 10.30 గంటల సమయంలో తాడిపత్రి పోలీసుల నుండి అమ్మా,చెల్లెళ్లు హత్యకు గురైనట్లు ఫోన్‌ వచ్చింది. బోరున ఏడ్చేశా. తిరుపతి పోలీసుల సహకారంతో సాయంత్రానికి తాడిపత్రి చేరుకున్నా. విగతజీవులుగా పడి ఉన్న అమ్మా చల్లెళ్లను చూసి తట్టుకోలేకపోయాను. నాన్నే కారణమని బంధువులు చెప్పడంతో విపరీతమైన కోపం వచ్చింది. బుధవారం నాన్న నుంచి రెండు సార్లు ఫోన్‌ వచ్చింది. ఆత్మహత్య చేసుకుంటున్నట్లు చెప్పారు. పుట్లూరు రోడ్లులోని కంపచెట్ల మధ్య పడి ఉన్నానన్నారు. అంతే ఫోన్‌ కట్‌ అయింది. మళ్లీ నేను ఫోన్‌ చేస్తే మాట్లాడలేదు. పోలీసులకు చెప్పా. ఆ తర్వాత అనంతపురం ప్రభుత్వాసుపత్రిలో నాన్న చనిపోయినట్లు పోలీసులు తెలిపారు. ఎంతయినా నాన్న కదా. చూడాలనిపిస్తోంది. తప్పకుండా వెళ్తా. మా ఉన్నతికి అమ్మానాన్న ఎంతో తపించారు. వాళ్ల ఆశయాన్ని బతికిస్తా.


 ఓ యువకుడి ముందు రెండు ఆప్షన్స్‌ ఉన్నాయి. ఒకటి కుటుంబం, మరొకటి దేశం! రెండిటిలో ఏదో ఒక్కదాన్నే ఎంచుకోవాల్సిన టైమ్‌లో అతను ఏం చేశాడనే కథతో రూపొందుతోన్న సినిమా ‘జవాన్‌’. ఇంటికొక్కడు... అనేది ఉపశీర్షిక. సాయిధరమ్‌ తేజ్, మెహరీన్‌ జంటగా ‘దిల్‌’ రాజు సమర్పణలో కృష్ణ నిర్మిస్తున్న ఈ సినిమాకు బీవీయస్‌ రవి దర్శకుడు. ఈరోజు దర్శకుడి పుట్టినరోజు సందర్భంగా హీరో ఫస్ట్‌ లుక్‌ విడుదల చేశారు. దర్శకుడు మాట్లాడుతూ – ‘‘ఫ్యామిలీ ఎమోషన్స్‌తో కూడిన కమర్షియల్‌ చిత్రమిది.
 
 ఓ మధ్య తరగతి యువకుడు తనకెదురైన కష్టాలను మనోధైర్యంతో, బుద్ధిబలంతో ఎదుర్కొని కుటుంబాన్ని ఎలా కాపాడుకున్నాడనేది చిత్రకథ’’ అన్నారు.‘‘సాయిధరమ్‌ తేజ్‌కి తగ్గ కథ. షెడ్యూల్‌ ప్రకారం షూటింగ్‌ జరుగుతోంది. సినిమా బాగా వస్తోంది’’ అన్నారు ‘దిల్‌’ రాజు. నిర్మాత కృష్ణ మాట్లాడుతూ – ‘‘మా ధైర్యం ‘దిల్‌’ రాజు గారే. ఆయన ముందుండి మా సినిమాను నడిపిస్తున్నారు. ఇటీవల ఇటలీలో రెండు పాటలు చిత్రీకరించాం. రేపటి నుంచి హైదరాబాద్‌లో యాక్షన్‌ సీన్స్‌ తీస్తాం. జూలై కల్లా చిత్రీకరణ పూర్తిచేసి, ఆగస్టులో సినిమాను విడుదల చేస్తాం’’ అన్నారు. తమిళ హీరో ప్రసన్న విలన్‌గా నటిస్తున్న ఈ చిత్రానికి కెమెరా: కేవీ గుహన్, సంగీతం: ఎస్‌.ఎస్‌. తమన్‌.


 పశ్చిమగోదావరి: జిల్లాలోని కొవ్వూరు సంస్కృత పాఠశాలలో సోమవారం ఘోరం చోటు చేసుకుంది. పాఠశాలలో చదువుకుంటున్న ఇంటర్‌ విద్యార్థిని ప్రసన్న ఆత్మహత్యకు పాల్పడింది. ప్రసన్న సొంతవూరు జీలుగుమల్లి మండలం పాములువారిగూడెం. కాగా, ఘటనకు సంబంధించిన పూర్తి వివరాలు తెలియాల్సివుంది.


 ‘‘ఆస్ట్రేలియాలో పుట్టి పెరిగినా.. నేను తెలుగమ్మాయినే. ఈ సినిమాలో పక్కా లోకల్‌ అమ్మాయిగా నటించా’’ అన్నారు ప్రసన్న. ప్రశాంత్, సన్ని హీరోలుగా.. ప్రసన్న, అక్ఛిత హీరోయిన్లుగా శివశ్రీ దర్శకత్వంలో మళ్ల విజయప్రసాద్‌ నిర్మించిన ‘ఇంకేంటి నువ్వే చెప్పు’ ఈ నెల 31న రిలీజవుతోంది. ప్రసన్న మాట్లాడుతూ – ‘‘మా అమ్మ హైదరాబాదీ, నాన్న ఆస్ట్రేలియన్‌. రెండేళ్లకోసారి హైదరాబాద్‌ వచ్చి వెళ్తుంటాను. నాలుగేళ్లు భరతనాట్యం నేర్చుకున్నా. ఓ తెలుగు అసోసియేషన్‌ ఫంక్షన్‌లో నన్ను చూసిన హీరో ప్రశాంత్‌ ఫ్యామిలీ దర్శక–నిర్మాతలకు నా పేరు సూచించారు. అప్పటికి హీరోయిన్‌ పాత్ర కోసం సుమారు 200 మందిని ఆడిషన్‌ చేశారట!
 
 ఇందులో నేను చేసిన నీలు పాత్ర ‘బొమ్మరిల్లు’లో జెనీలియా తరహాలో ఉంటుంది. అందుకని ఆడిషన్స్‌ టైమ్‌లో నన్ను ‘బొమ్మరిల్లు’లో సీన్‌ చేసి చూపించమన్నారు. ఆ తర్వాతే సెలక్ట్‌ చేశారు. సినిమా షూటింగ్‌ అంతా విశాఖలో చేశారు. తెలుగు డైలాగులు చెప్పడంలో ప్రశాంత్, అతని సిస్టర్‌ నాకు బాగా హెల్ప్‌ చేశారు. మంచి ప్రేమకథా చిత్రమిది. నటిగా నాకు పేరు తీసుకొస్తుందని ఆశిస్తున్నా. నాకు చిన్న ఎన్టీఆర్‌ యాక్టింగ్, డ్యాన్స్‌ అంటే ఇష్టం. ‘నాన్నకు ప్రేమతో’లో డిఫరెంట్‌గా చేశారు. నాగార్జునగారన్నా ఇష్టమే’’ అన్నారు.


 సన్ని, అక్షిత, ప్రశాంత్, ప్రసన్న ముఖ్య తారలుగా తెరకెక్కిన చిత్రం ‘ఇంకేంటి నువ్వే చెప్పు’. శివ శ్రీ దర్శకత్వంలో వెల్ఫేర్‌ క్రియేషన్స్‌ పతాకంపై డా. మళ్ల విజయ్‌ ప్రసాద్‌ నిర్మించారు. వికాస్‌ స్వరాలందించిన ఈ చిత్రం ప్లాటినమ్‌ డిస్క్‌ వేడుక హైదరాబాద్‌లో జరిగింది. చిత్ర నిర్మాత మాట్లాడుతూ– ‘‘యూత్‌ఫుల్‌ ఎంటర్‌టైనర్‌గా తెరకెక్కిన చిత్రమిది. వినోదం పంచుతూనే సందేశం ఇచ్చేలా ఉంటుంది. మా బ్యానర్‌ విలువకు ఏ మాత్రం తగ్గకుండా ఈ చిత్రం ఉంటుంది. ఈ నెలలో పెద్ద చిత్రాల విడుదల ఉన్నప్పటికీ, మా సినిమాపై ఉన్న నమ్మకంతో మేం కూడా ఈ నెలలోనే రిలీజ్‌ చేస్తున్నాం’’ అని చెప్పారు.
 ‘‘కొత్త వాళ్లతో సినిమా తీయాలంటే ధైర్యం ఉండాలి. విజయ్‌ప్రసాద్‌ ఆ ధైర్యంతోనే ఈ చిత్రం తీశారు. అనుభవం ఉన్నవాడిలా దర్శకుడు ఈ చిత్రం తెరకెక్కించారు’’ అని ప్రముఖ నిర్మాత సి.కల్యాణ్‌ అన్నారు. చిత్ర దర్శకుడు శివ శ్రీ, నిర్మాత కె.ఎస్‌.రామారావు, సన్ని, అక్షిత, ప్రశాంత్, ప్రసన్న, వికాస్‌ తదితరులు పాల్గొన్నారు.


 గోరంట్ల : పట్టణంలోని కదిరి–హిందూపురం రహదారిలోని హెచ్‌పీ పెట్రోల్‌ బంక్‌ వద్ద  శనివారం సాయంత్రం ద్విచక్రవాహనం అదుపుతప్పి బోల్తా పడింది. ఈ ప్రమాదంలో ఓడీసీ మండలం నాయనికోటకు చెందిన యువకుడు ప్రసన్నకు తీవ్ర గాయాలయ్యాయి. ద్విచక్రవాహనంలో బెంగుళూరు వెళ్తుండగా ఈ ప్రమాదం జరిగింది.క్షతగాత్రున్ని స్థానికులు 108లో ఆస్పత్రికి తరలించారు.


 సృష్టిలో అమ్మతనాన్ని మించిన కమ్మదనం మరొకటి ఉండదంటారు. అలాంటి మాతృత్వపు ఆనందాన్ని ఆస్వాదిస్తున్నారు నటి స్నేహ. నవ్వితే నోటి నుంచి ముత్యాలు రాలుతున్నాయా అన్నంత ఆకర్షణ ఈమె నవ్వులో ఉంది. ఇటు తమిళంలోనూ, అటు తెలుగులోనూ కుటుంబ కథా చిత్రాల నాయకి ఇమేజ్‌ను సంపాదించుకున్న స్నేహ మలయాళంలోనూ పలు మంచి చిత్రాలను చేసి బహుభాషా నటిగా గుర్తింపు పొందారు. 2000వ సంవత్సరంలో విరుంబుగిరేన్(ఇష్టపడుతున్నాను)అంటూ నాయకిగా కోలీవుడ్‌లోకి అడుగు పెట్టిన ఈ భామ తొలి చిత్రంలోనే చక్కని అభినయాన్ని చూపి మంచి నటిగా ప్రశంసలు అందుకున్నారు.  ఆ తరువాత నటిగా తను వెనుదిరిగి చూసుకోవలసిన అవసరం లేకపోయింది. తమిళంలో అచ్చముండు అచ్చముండు చిత్ర షూటింగ్ సమయంలో ఆ చిత్ర కథానాయకుడు ప్రసన్నతో పరిచయం ప్రేమగా మారడంతో అది పెళ్లికి దారి తీసింది. 2012లో ప్రసన్నతో ఏడడుగులు నడిచారు. 2015 ఆగస్ట్‌లో పండంటి బిడ్డకు జన్మనిచ్చారు. వివాహానంతం నటనకు దూరంగా ఉన్న స్నేహ మధ్యలో భర్తతో కలిసి వాణిజ్య ప్రకటనలు, ఫ్యాషన్‌షోలు లాంటివి చేశారు. ఎక్కువగా కుటుంబానికే సమయాన్ని కేటాయించిన స్నేహ ఇటీవల మళ్లీ నటనకు తిరిగారు. ఒక టీవీ డాన్స్ కార్యక్రమానికి న్యాయనిర్ణేతగా వ్యవహరిస్తున్నారు. ఈ సందర్భంగా స్నేహ ఇచ్చిన భేటీ చూద్దాం..
 
 
 ప్ర: సంసార జీవితం ఎలా ఉంది:
 జ : చాలా చాలా హ్యాపీగా సాగుతోంది.
 
 ప్ర: మీ అబ్బాయి విహాన్ ముచ్చట్లేమిటీ?
 జ : విహాన్ ఒట్టి అల్లరివాడు. చాలా చలాకీగా ఉంటారు. వాడి ప్రతి మూమెంట్‌ను మేము చాలా ఎంజాయ్ చేస్తున్నాం. విహాన్‌కిప్పుడు ఏడాది దాటింది.అందుకే నేను మళ్లీ నటించడానికి సిద్ధమయ్యాను. వృత్తి రీత్యా మాకు ఎంత ఒత్తిడి ఉన్నా విహాన్ నవ్వుతో అంతా మటుమాయం అయిపోతుంది.
 
 ప్ర: వాళ్ల నాన్న ప్రసన్నతో విహాన్ ఎట్రాసిటి ఎలా ఉంటుంది?
 జ: కాళీ సమయాల్లో ప్రసన్న విహాన్‌తోనే గడుపుతారు. తండ్రికొడుకులిద్దరూ తరచూ సెల్ఫీలు తీసుకుంటారు. విహాన్ వాళ్ల నాన్న మాదిరిగానే సెల్ఫీకి ఫోజులిస్తాడు. నేను ఎప్పుడైనా వారితో సెల్ఫీ తీసుకుంటాను. సాధారణంగా నాకు సెల్ఫీ అంటే అంత నచ్చదు.
 
 ప్ర: ఈ మధ్య ఎవరి నుంచి అయినా ప్రశంసలు అందుకున్నారా?
 జ: ఇంట్లో మంచి కోడలిగా పేరు తెచ్చుకున్నాను.
 
 ప్ర: ప్రస్తుతం చేస్తున్న చిత్రాల వివరాలు?
 జ: ఇంతకు ముందు మలయాళంలో మమ్ముట్టితో కలిసి రెండు చిత్రాలు చేశాను. మళ్లీ ఇప్పుడు ఆయనతో కలిసి గ్రేట్ ఫాదర్ అనే చిత్రంలో నటిస్తున్నాను. నిజానికి మళ్లీ నటించడంపై నాకు ఆసక్తి లేదు.
 
 ప్ర: ప్రస్తుత నటీనటుల్లో మీకు ఎవరంటే ఇష్టం?
 జ: నటుడు విజయ్‌సేతుపతి అంటే చాలా ఇష్టం. ఇటీవల కలిసినప్పుడు ఆయనతో ఇదే విషయాన్ని చెప్పాను.ఆయన ఎంచుకుంటున్న కథలు, పాత్రల పోషణ, సంభాషణలు చెప్పే విధానం, ఎక్కడా ఓవర్ యాక్షన్ లేకుండా సహజ నటన నాకు నచ్చాయి. ఇక హీరోయిన్లు అందరూ చక్కగా నటిస్తున్నారు.


 డబ్లిన్: ఐర్లాండ్‌తో జరిగిన రెండు వన్డే మ్యాచ్‌ల సిరీస్‌ను శ్రీలంక సొంతం చేసుకుంది. శనివారం జరిగిన రెండో వన్డేలో శ్రీలంక 136 పరుగుల తేడాతో విజయం సాధించి 2-0తో సిరీస్‌ను కైవసం చేసుకుంది. తొలుత బ్యాటింగ్‌కు దిగిన శ్రీలంక నిర్ణీత 50 ఓవర్లలో 8 వికెట్లకు 377 పరుగులు చేసింది. ఓపెనర్ కుశాల్ పెరీరా (128 బంతుల్లో 135; 16 ఫోర్లు, 2 సిక్సర్లు) సెంచరీతో చెలరేగగా... ప్రసన్న (46 బంతుల్లో 95; 5 ఫోర్లు, 9 సిక్సర్లు) త్రుటిలో సెంచరీని చేజార్చుకున్నాడు.
 
 గుణతిలక (78 బంతుల్లో 63; 6 ఫోర్లు, ఒక సిక్సర్)తో కలిసి పెరీరా తొలి వికెట్‌కు 147 పరుగులు జోడించాడు. ఐర్లాండ్ బౌలర్లలో ముర్తాగ్ మూడు, మెకార్తీ రెండు వికెట్లు తీశారు. అనంతరం ఐర్లాండ్ జట్టు 45 ఓవర్లలో 241 పరుగులకు ఆలౌటైంది. మెక్‌బ్రైన్ (64 బంతుల్లో 79; 7 ఫోర్లు, 2 సిక్సర్లు) టాప్ స్కోరర్‌గా నిలిచాడు. లంక బౌలర్లలో లక్మల్ నాలుగు వికెట్లు పడగొట్టాడు.


 మేదరమెట్ల : ప్రకాశం జిల్లా కొరిసిపాడు మండలం మేదరమెట్లలో ఓ విద్యార్థిని ఆత్మహత్యకు పాల్పడింది. స్థానిక సెయింట్ ఆర్నాల్డ్ ఇంగ్లిష్ మీడియం స్కూల్లో పదో తరగతి చదువుతున్న చీమకుర్తి ప్రసన్న(15) అనే విద్యార్థిని ఆత్మహత్య చేసుకుంది. స్కూల్ హస్టల్లో ఫ్యానుకు ఉరివేసుకుని బలవన్మరణానికి పాల్పడింది. విద్యార్థిని స్వస్థలం గుంటూరు జిల్లా బాపట్ల. ఆత్మహత్యకు గల కారణాలు తెలియరాలేదు. విషయం తెలిసిన పోలీసులు సంఘటనాస్థలానికి చేరుకున్నారు. ఈ విషయాన్ని విద్యార్థిని తల్లిదండ్రులకు తెలియజేశారు.


 అక్కెనపల్లి(నార్కట్‌పల్లి): వివాహానికి పెద్దలు ఒప్పుకోలేదని ఓ ప్రేమజంట బలవన్మరణానికి పాల్పడింది. నల్లగొండ జిల్లా నార్కట్‌పల్లి మండలంలో మంగళవారం వెలుగుచూసిన విషాదకర ఘటన వివరాలు.. నల్లగొండ మండలం దోమలపల్లి గ్రామానికి చెందిన మేడి రమేష్(21) కారుడ్రైవర్‌గా పనిచేస్తున్నాడు. అదే గ్రామానికి చెందిన ప్రసన్న(18) నల్లగొండలోని ఓ ప్రైవేటు కాలేజీలో ఇంటర్ రెండో సంవత్సరం చదువుకుంటోంది. వీరిద్దరూ కొంత కాలంగా ప్రేమించుకుంటున్నారు. కులాలు వేరు కావటంతో ఈ విషయం తెలిసిన కుటుంబ పెద్దలు మందలించారు. రెండు నెలలుగా రమేష్ హైదరాబాద్‌లో కారు డ్రైవర్‌గా పనిచేస్తున్నాడు.
 
 సంక్రాంతి పర్వదినానికి రమేష్ స్వగ్రామానికి వచ్చాడు. అప్పటికే ప్రసన్నకు వారి కుటుంబ సభ్యులు పెళ్లి సంబంధాలు చూస్తున్నారన్న విషయం తెలిసింది. దీంతో ఇద్దరూ కలిసి చనిపోవాలని నిర్ణయించుకున్నారు. సోమవారం ఇంటి నుంచి బయలుదేరి నార్కట్‌పల్లి మండలం అక్కెనపల్లి గ్రామ శివారులోని శ్రీ వెంకటేశ్వరస్వామి దేవాలయానికి చేరుకున్నారు. కోనేరు సమీపంలో వెంట తెచ్చుకున్న పురుగులమందు తాగి బలవన్మరణానికి పాల్పడ్డారు. ఆలయ సిబ్బంది మంగళవారం వచ్చి చూడడంతో విషయం వెలుగులోకి వచ్చింది. దీంతో మృతుల స్వగ్రామంలో విషాదఛాయలు అలుముకున్నాయి.


 నార్కెట్‌పల్లి: కులాలు వేరు కావడంతో తమ ప్రేమను పెద్దలు అంగీకరించని కారణంగా ఓ ప్రేమజంట ఆత్మహత్యకు పాల్పడింది. ఈ సంఘటన నల్గొండ జిల్లా అక్కినపల్లి గ్రామంలోని రామాలయం పక్కన ఉన్న కోనేరు వద్ద మంగళవారం ఉదయం వెలుగు చూసింది. నల్గొండ మండలం దోమలపల్లికి చెందిన రమేష్, ప్రసన్న ప్రేమించుకున్నారు. రమేష్ ఆటో డ్రైవర్‌గా పనిచేస్తుండగా, ప్రసన్న ఇంటర్ ఫైనలియర్ చదువుతోంది.
  
 ఇద్దరి కులాలు వేరు కావడంతో వీరి పెళ్లికి పెద్దలు అంగీకరించలేదు. దాంతో జీవితంపై విరక్తి చెందిన ఇద్దరూ సోమవారం రాత్రి అక్కినపల్లికి వెళ్లి అక్కడి రామాలయం వద్ద కోనేటి గట్టుపై పురుగుల మందు తాగి మృతి చెందారు. మంగళవారం ఉదయం మృతదేహాలను గమనించిన స్థానికులు పోలీసులకు సమాచారం అందించారు. పోలీసులు సంఘటన స్థలాన్ని పరిశీలించి మృతదేహాలను పోస్టుమార్టం నిమిత్తం ఆస్పత్రికి తరలించారు.
  


 చెన్నై :  హాస్య నటనతో అశేష సినీ అభిమానుల్ని సంతోషపరచిన వివేక్ పుత్రశోకంతో తల్లడిల్లిపోతున్నారు. ఆయన కొడుకు ప్రసన్నకుమార్(13) అనారోగ్యం కారణంగా గురువారం చెన్నైలో మృతి చెందారు. విషజ్వరంతో బాధపడుతూ 40 రోజులుగా నగరంలోని ఒక ప్రయివేట్ ఆస్పత్రిలో అత్యవసరం వైద్య చికిత్స పొందుతు వచ్చాడు. కోలుకోలేక గురువారం కన్ను మూశారు. వివేక్ కొడుకు మరణ వార్తతో తమిళ చిత్రపరిశ్రమ దిగ్భ్రాంతికి గురైంది. సినీ ప్రముఖలు తీవ్ర సంతాపం వ్యక్తం చేశారు.
  
  


 హీరోయిన్ స్నేహ హోదా ఇప్పుడు పెరిగింది. పెరిగిన హోదా ఏమిటబ్బా అనుకుంటున్నారా? వృత్తి జీవితంలో పైకి ఎదిగిన ఈ అందాల నాయిక వ్యక్తిగత జీవితంలో మెట్టు పెకైక్కింది. సోమవారం నాడు ఆమె తల్లి అయింది. తల్లి, బిడ్డ క్షేమంగా ఉన్నట్లు చెన్నై వర్గాలు తెలిపాయి. కథానాయిక స్నేహ, తమిళ హీరో ప్రసన్నను పెళ్ళాడిన సంగతి తెలిసిందే. ‘‘నిన్న మా జీవితంలో సుదీర్ఘమైన రోజు. గడచిన రాత్రి మా జీవితంలో అత్యంత కాంతి నింపిన రాత్రి. జీవితంలో ఇవాళ అత్యంత సంతోషకరమైన ఉషోదయం. ఇవన్నీ ఎందుకంటే... మా ఆవిడ స్నేహ మగపిల్లాణ్ణి కన్నది’’ అంటూ మంగళవారం నాడు హీరో ప్రసన్న ట్వీట్ చేశారు.
  
  హీరో ప్రసన్న, స్నేహలది ప్రేమ వివాహం. 2009లో తమిళ చిత్రం ‘అచ్చముండు... అచ్చముండు’లో కలసి పనిచేసినప్పటి నుంచి వాళ్ళిద్దరికీ స్నేహం. ఆ స్నేహం ప్రేమగా మారింది. ఈ ప్రేమకబుర్ల గురించి అప్పట్లో వచ్చిన వార్తలను వారిద్దరూ మొదట్లో ఖండించారు. అయితే, 2011 చివరకు వచ్చాక, తమ ప్రేమ విషయాన్ని స్నేహ నిర్ధారించారు. 2012 మే 11న పెద్దల అనుమతితో, స్నేహ, ప్రసన్న దంపతులయ్యారు. మూడేళ్ళ తరువాత ఇప్పుడు అమ్మానాన్న అయ్యారు.
  
  ఈ దంపతులకు ఇదే తొలి సంతానం. తమిళంతో పాటు తెలుగులోనూ పలువురు హీరోల సరసన నటించిన స్నేహ నటించిన తాజా చిత్రం - త్రివిక్రమ్ - అల్లు అర్జున్‌ల కాంబినేషన్‌లో వచ్చిన ‘సన్నాఫ్ సత్యమూర్తి’. మొన్న సమ్మర్‌కు రిలీజైన ఈ చిత్రంలో ఉపేంద్ర భార్యగా, తమిళనాడులో స్థిరపడ్డ తెలుగు కుటుంబానికి చెందిన మహిళగా స్నేహ నటన ఆకట్టుకుంది. ప్రస్తుతం మాతృత్వపు మాధుర్యాన్ని అనుభవిస్తున్న స్నేహ కొద్దికాలం విరామం తరువాత మళ్ళీ కెమేరా ముందుకు వస్తారని ఆశ.


 చెన్నై: హోమ్లీ హీరోయిన్‌గా  మంచి గుర్తింపు తెచ్చుకున్న నటి స్నేహ  సీమంతం గురువారం  అట్టహాసంగా  జరిగింది.  ఈ విషయాన్ని స్నేహ భర్త, నటుడు ప్రసన్న ట్విట్టర్లో తన అభిమానులతో పంచుకున్నారు.  దీనికి సినీ పరిశ్రమ పెద్దలు హాజరై ఆమెకు ఆశీస్సులు అందించారు.  టాలీవుడ్  హీరోయిన్ కాజల్ కూడా హాజరైన  వారిలో ఉన్నారు.  కాంజీవరం చీరలో  స్నేహ   వెలిగిపోయింది.  బంగారు నగలతో  ఆమె మొహం కాంతులీనింది.
 
 'చాలా తక్కువ సమయంలో ఉండటం వల్ల ఈ ఫంక్షన్కు అందర్నీ  ఆహ్వానించలేకపోయాను, క్షమించాలి...  మీ అందరి ఆశీస్సులు మాకు  తప్పకుండా ఉంటాయి. అది నాకు తెలుసు' అంటూ స్నేహ ట్వీట్ చేశారు.  ఈ సందర్భంగా కొన్ని ఫోటోలను కూడా   సోషల్ మీడియాలో పోస్ట్ చేశారు.
 
  తెలుగు , తమిళం భాషల్లో ప్రముఖ హీరోయిన్‌గా వెలుగొందిన నటి స్నేహ. పక్కింటి అమ్మాయి ఇమేజ్‌ను సొంతం చేసుకున్న ఈ బ్యూటీ తెలుగులో శ్రీరామదాస్ సినిమాతో ప్రేక్షకులకు మరింత  దగ్గరైంది.  స్నేహి తెలుగులో  నటించిన చివరి చిత్రం సన్ ఆఫ్ సత్యమూర్తి.
 కాగా   తెలుగు, తమిళ  భాషల్లో  అగ్ర కథానాయికగా చలామణి అవుతున్న రోజుల్లో  తమిళ హీరో ప్రసన్నను ప్రేమించి, పెళ్లి చేసుకున్న విషయం తెలిసిందే. 2012  మే 11న వీరి వివాహం జరిగింది. అంటే  సంసార జీవితంలోకి అడుగుపెట్టిన మూడేళ్ల తర్వాత ఈ ముద్దుగుమ్మ తొలిసారి అమ్మకాబోతుంది.
 
 


  గత వారం విడుదలైన ‘సన్నాఫ్ సత్యమూర్తి’లో తమిళనాట స్థిరపడిన తెలుగింటి ఇల్లాలి పాత్ర చూశారుగా! ఆ పాత్రకు అచ్చంగా సరిపోయిన నటి - నిజజీవితంలో కూడా తమిళనాట స్థిరపడిన తెలుగు కుటుంబానికి చెందిన స్నేహ. తమిళ యాస కాస్తంత కలిసినా చక్కటి తెలుగు మాట్లాడే స్నేహ ఆ సినిమాలో తానే స్వయంగా తెలుగు డబ్బింగ్ కూడా చెప్పింది. ‘‘నా మాతృభాషలో నేనే డబ్బింగ్ చెప్పుకోవడం ఆనందంగా అనిపించింది’’ అని స్నేహ అన్నారు.
  
  ఆ సినిమాకూ, పాత్రకూ కుటుంబ ప్రేక్షకుల నుంచి వస్తున్న ఆదరణతో పాటు ఇప్పుడు మరో ఆనందం ఆమెకు త్వరలోనే అందనుంది. అది ఏమిటంటే - త్వరలోనే ఆమె నిజజీవితంలో అమ్మ పాత్రలోకి ప్రవేశిస్తున్నారు. అందంతో, అభినయంతో అందరినీ ఆకట్టుకున్న స్నేహ, ప్రముఖ తమిళ నటుడు ప్రసన్నను మూడేళ్ళ క్రితం 2012లో పెళ్ళాడిన సంగతి తెలిసిందే. ఆ తరువాతా ఆమె ఎంపిక చేసుకున్న మంచి పాత్రలను పోషిస్తూనే, ఆనందంగా కుటుంబ జీవితాన్ని గడుపుతున్నారు.
  
  ఆ దంపతులకు ఇప్పుడు తొలి సంతానం కలగనుంది. తమిళ సంవత్సరాది అయిన మంగళవారం నాడు ప్రసన్న ఈ సంతోషకరమైన వార్తను అందరితో పంచుకుంటూ, ‘‘ఈ శుభదినాన మీ అందరితో మరో తీపి కబురు పంచుకోవడం చాలా ఆనందంగా ఉంది. త్వరలోనే మా ఇంటికి మరో కొత్త వ్యక్తి వచ్చి చేరుతున్నారు. దాని కోసం మేమంతా ఎదురుచూస్తున్నాం’’ అని పేర్కొ న్నారు. అంటే, త్వరలోనే నిజజీవిత తల్లి పాత్రలో స్నేహ మార్కులు కొట్టేయనున్నారన్నమాట!
  


 బెంగళూరు(బనశంకరి) : ప్రేమించి పెళ్లి చేసుకున్న భార్య మరో వ్యక్తితో వెళ్లిపోవడంతో మనస్థాపం చెందని భర్త, తన కుమార్తెతో కలిసి ఆత్మహత్య చేసుకున్నాడు. ఆలస్యంగా వెలుగు చూసిన ఘటన వివరాలు... హున్నేనహళ్లికి చెందిన గ్రాఫిక్ డిజైనర్ ప్రసన్నకుమార్(38), ఉషా ఏడేళ్ల క్రితం ప్రేమించి పెళ్లి చేసుకున్నారు. ప్రస్తుతం వీరికి కీర్తి(7) అనే కూతురు ఉంది. ఆరు నెలలుగా గుల్బర్గాకు చెందిన మల్లికార్జునతో ఉషా వివాహేతర సంబంధం కొనసాగిస్తోంది. ఈ నేపథ్యంలోనే భర్తతో గొడవపడి నెల క్రితం మల్లికార్జునతో కలిసి వెళ్లిపోయింది. విషయం తెలుసుకున్న కుటుంబ పెద్దలు జోక్యం చేసుకుని ఉషాను పిలుచుకువచ్చి దంపతుల మధ్య రాజీ చేసి, వదిలి వెళ్లారు. అయినా ఉషాలో మార్పు రాలేదు.
 
 తనకు విడాకులు కావాలంటూ వేధించేది. ఈ విషయంపై కోర్టుకు కూడా వెళ్లింది.  విడాకులు ఇచ్చేందుకు ప్రసన్నకుమార్ అంగీకరించలేదు. దీంతో మూడ్రోజుల క్రితం ఉషా మళ్లీ మల్లికార్జునతో వెళ్లిపోయింది. దీంతో మనస్థాపం చెందిన ప్రసన్నకుమార్, కుమార్తె కీర్తితో కలిసి ఇంటిలో ఉరి వేసుకున్నాడు. సోమవారం ఉదయం ప్రసన్నకుమార్ తండ్రి ఇంటికి చేరుకుని తలుపు తట్టినా తెరవకపోవడంతో బద్దులు గొట్టి లోపలకు వెళ్లి చూశాడు. తండ్రి, కూతురు ఆత్మహత్యకు పాల్పడినట్లు తెలిసింది. ఘటనపై రాజానుకుంట పోలీసులు దర్యాప్తు చేపట్టారు.
  
  


 హైదరాబాద్ : నిద్రపోతున్న చిన్నారిపై కుక్క దాడి చేసి...చెవి, తల భాగాలను కొరికి తినేసింది. వివరాల్లోకి వెళితే బేగంపేట శ్యాంలాల్ బిల్డింగ్స్లో ఉండే మంజుల తన ఏడాదిన్నర పాప ప్రసన్నను నిద్ర పుచ్చి బయటకు వెళ్లింది. ఇంతలో ఇంట్లోకి చొరబడ్డ ఓ కుక్క చిన్నారి చెవిని 90 శాతం తినేసింది. తర్వాత తల కొరికింది. పీక పట్టుకునేందుకు యత్నిస్తుండగా పాప ఏడుపు విని తల్లి పరిగెత్తుకొచ్చింది. దీంతో కుక్క పారిపోయింది.
 
 పాపను చికిత్స నిమిత్తం సమీపంలోని పేస్ ఆస్పత్రికి తీసుకెళ్లగా...వైద్యులు యాంటీ రాబిస్ వ్యాక్సిన్ చేశారు. తల భాగంలో కుక్క కరవడంతో రాబిస్ త్వరగా శరీరంలోకి వ్యాపించే అవకాశం ఉందని, 48 గంటల తర్వాత మాత్రమే పాప ఆరోగ్య పరిస్థితిపై ఒక అవగాహన వస్తుందని చెప్పారు.


 చంద్రబాబు పాలనపై వైఎస్సార్‌సీపీ జిల్లా అధ్యక్షుడు ప్రసన్న ధ్వజం
  
  సాక్షి, నెల్లూరు :‘పైసా నిధుల్లేవు. అభివృద్ధి పనుల్లేవు. కల్లబొల్లి మాటలతో చంద్రబాబు ప్రభుత్వం కాలం నెట్టుకొస్తోంది’ అని వైఎస్సార్‌సీపీ జిల్లా అధ్యక్షుడు నల్లపరెడ్డి ప్రసన్నకుమార్‌రెడ్డి ధ్వజమెత్తారు. ఆదివారం ఆయన ‘సాక్షి’తో మాట్లాడారు. ఇప్పటి వరకు జిల్లా అభివృద్ధి పనులకు ప్రభుత్వం పైసా కూడా విడుదల చేయలేదన్నారు. స్మార్ట్‌సిటీలు, ఓడరేవులు, విమానాశ్రయాలు, కోస్తా కారిడార్‌లు అంటూ ముఖ్యమంత్రి, మంత్రులు మాటల గారడీతో కనికట్టు చేస్తున్నారని ప్రసన్న ఆగ్రహం వ్యక్తం చేశారు. ఎన్నికల్లో భేషరతుగా రుణమాఫీ, డ్వాక్ర రుణాల రద్దు, ఇంటికో ఉద్యోగం ఇస్తామంటూ గొప్పలు పోయిన చంద్రబాబు అధికారం చేతికొచ్చాక రైతులు, డ్వాక్రా మహిళలను వంచించాడన్నారు. ఇంటికో ఉద్యోగం సంగతి దేవుడెరుగు, ఉన్న ఉద్యోగాలను పీకి పారేసి నడివీధుల్లోకి నెడుతున్నారని ప్రసన్న విమర్శించారు. ఇప్పటికే గృహ నిర్మాణశాఖ, ఆదర్శ రైతులు, ఉపాధ్యాయులతోపాటు పలు విభాగాల్లో తాత్కాలిక ఉద్యోగులందరినీ వీధిపాలు చేశారని ఆయన ఆవేదన వ్యక్తం చేశారు. నిరుద్యోగ భృతి అంటూ ఎన్నికల హామీ ఇచ్చిన బాబు వారి గురించి పట్టించుకునే పరిస్థితి లేదన్నారు. చివరకు విద్యార్థులకు ఎంసెట్‌లో రెండో విడత కౌన్సెలింగ్ నిర్వహించలేని దుస్థితిలో ప్రభుత్వం ఉందన్నారు. మళ్లీ పంట కాలం వచ్చినా రైతులు బ్యాంకుల వద్దకు రుణానికి వెళ్లలేని పరిస్థితి నెలకొందన్నారు. ప్రీమియం చెల్లించకపోవడంతో పంటల బీమా వర్తించే పరిస్థితి లేదన్నారు. పండించిన పంటకు గిట్టుబాటు ధర కూడా లేదని, ధాన్యానికి పుట్టి రూ.14 వేలు గిట్టుబాటు ధర కల్పించాలని ప్రసన్న డిమాండ్ చేశారు. దివంగత సీఎం వైఎస్సార్ ఏ ఆసరాలేని వృద్ధులు, వితంతువులు, వికలాంగులకు పింఛన్లు కల్పిస్తే ఆర్థిక భారాన్ని తగ్గించుకునేందుకు చంద్రబాబు ప్రభుత్వం వాటిలో దారుణంగా కోతలు విధిస్తోందని ప్రసన్న విమర్శించారు. ఈ ప్రభుత్వానికి పేదల ఉసురు తప్పదన్నారు.  ఇప్పటికైనా బాబు మనసు మార్చుకొని ప్రజలకు మంచి జరిగే పనులు చేయాలని హితవు పలికారు.
  3న వైఎస్సార్ కాంగ్రెస్ పార్టీ జిల్లా కార్యాలయం ప్రారంభం
  అక్టోబర్ మూడో తేదీన స్థానికి మాంగుట లేఅవుట్ లోని వెంకటేశ్వర దేవస్థానం వెనుకన వైఎస్సార్‌సీపీ జిల్లా కార్యాలయాన్ని ప్రారంభించనున్నట్లు ఆ పార్టీ జిల్లా అధ్యక్షుడు  నల్లపరెడ్డి ప్రసన్నకుమార్ రెడ్డి తెలిపారు.  మూడో తేదీ ఉదయం 11:45 గంటలకు ప్రారంభమయ్యే కార్యక్రమానికి ఎంపీలు, ఎమ్మెల్యేలు, జెడ్పీ చైర్మన్, మాజీ శాసనసభ్యులు, రాష్ట్ర పార్టీ పరిశీలకులు, కమిటీ సభ్యులు, జిల్లా కమిటీ సభ్యులు, జెడ్పీటీసీ సభ్యులు, మండల పరిషత్ అధ్యక్షులు, కార్పొరేటర్లు, పార్టీ మండల అధ్యక్షులు, జిల్లా స్టీరింగ్ కమిటీ సభ్యులు పాల్గొని జయప్రదం చేయాలని ఆయన కోరారు.
 
 
 
  


 తిరుమల : సినీనటి స్నేహ శనివారం ఉదయం తన కుటుంబంతో తిరుమల శ్రీవారి దర్శనం చేసుకుంది. వీఐపీ  బ్రేక్‌ దర్శనం సమయంలో ఆమె తన భర్త ప్రసన్నతో కలిసి ఆమె వీఐపీ బ్రేక్ దర్శన సమయంలో స్వామివారిని దర్శించుకుంది. అనంతరం స్నేహను రంగనాయకుల మండటంలో అర్చకులు ఆశీర్వదించి శ్రీవారి ప్రసాదాలు అందించారు. వివాహం అనంతరం స్నేహ ....ప్రకాష్ రాజ్ దర్శకత్వంలో వచ్చిన 'ఆవకాయ బిర్యానీ'లో నటించిన విషయం తెలిసిందే. కాగా స్నేహ దంపతులను చూసేందుకు భక్తులు ఆసక్తి చూపించారు. మరోవైపు ఆమెను మాట్లాడాలని మీడియా ప్రతినిధులు కోరగా సున్నితంగా తిరస్కరించారు.
 
  


 నటీనటులు:
 ప్రకాశ్ రాజ్,
 రాధిక,
 శరత్ కుమార్,
 సూర్య (గెస్ట్ అప్పియరెన్స్)
 చెరన్,
 ప్రసన్న,
 పార్వతి మీనన్,
 ఇనియా
 నిర్మాత: రాధిక శరత్ కుమార్, లిసిన్ స్టిఫెన్
 కథ: బాబీ సంజయ్
 ఫోట్రోగ్రఫి: షెహనాద్ జలాల్
 మ్యూజిక్: మేజో జోసెఫ్
 దర్శకత్వం: షాహిద్ ఖాదర్
  
 ఓ యాక్సిడెంట్ సంఘటనకు అనేక ట్విస్ట్ లను జోడించి ప్రకాశ్ రాజ్, రాధిక, శరత్ కుమార్, చెరన్, ప్రసన్నలతో కలిసి రూపొందించిన చిత్రం ట్రాఫిక్. తమిళంలో విజయవంతమైన చెన్నాయిల్ ఓరు నాల్ చిత్రం తెలుగులో 'ట్రాఫిక్'గా ఫిబ్రవరి 14న విడుదలైంది. అన్ని దానాలలో అవయవ దానం గొప్పదనే ఓ సందేశంతో రూపొందిన కథేంటో ముందు చూద్దాం. 
  
 యాంకర్ గా రాణించాలనే కార్తీక్ (సచిన్) కు ఓ టెలివిజన్ చానెల్ లో అవకాశం లభిస్తుంది. ఉద్యోగంలో చేరిన కార్తీక్ కు టాలీవుడ్ సూపర్ స్టార్ గౌతమ్ కృష్ణ (ప్రకాశ్ రాజ్)ను ఇంటర్వ్యూ చేసే అవకాశం వస్తుంది. కానీ కార్తీక్ ఓ యాక్సిడెంట్ కు గురై.. అతని బ్రెయిన్ డెడ్ అవుతుంది. గుండె సంబంధిత వ్యాధితో బాధపడుతున్న గౌతమ్ కృష్ణ కూతురుకు గుండె మార్పిడి చికిత్స అవసరమవుతుంది. బ్రెయిన్ డెడ్ అయిన కార్తీక్ తల్లి తండ్రులను గుండె మార్పిడికి ఒప్పించడంలో వైద్యులు సఫలమవుతారు.  కోదాడలో విషమ పరిస్థితిని ఎదుర్కొంటున్న గౌతమ్ కృష్ణ కూతురుకు గంటన్నరలోనే గుండెను అమర్చాలి. స్వల్ప వ్యవధిలో గుండె మార్పిడి జరిగిందా? హైదరాబాద్ నుంచి కోదాడకు గంటన్నరలో ఎలా చేరుకున్నారు?. మార్గమధ్యంలో ఎదురైన సంఘటనలు ఏంటి? ప్రయాణంలో ట్రాఫిక్ ఇబ్బందులను ఎలా అధిగమించారు? అనే ప్రశ్నలకు సమాధానమే ట్రాఫిక్ చిత్రం. 
  
 సూపర్ స్టార్ ఇమేజ్ ఉన్న గౌతమ్ కృష్ణ పాత్రలో ప్రకాశ్ రాజ్, ఆయన భార్యగా రాధిక, పోలీస్ ఆఫీసర్ గా శరత్ కుమార్, ట్రాఫిక్ కానిస్టేబుల్ గా చెరన్ లు తమ పాత్రలను గొప్పగా పోషించారు. క్లైమాక్స్ లో సూర్య ఎంట్రీ ప్రేక్షకులను మరింత ఆలరించింది. 
  
 విశ్లేషణ:
 పరిమితమైన సమయంలో గమ్యం చేరుకోవాలనే ఓ టార్గెట్ ను ప్రేక్షకులకు ముందే నిర్దేశించి.. ముందే కథలో లీనమయ్యేలా చేయడంలో సఫలమయ్యారు దర్శకులు షాహిద్ ఖాదర్. తొలి భాగంలో పాత్రలు వాటి స్వరూపాలను చక్కగా చిత్రీకరించిన దర్శకుడు.. రెండో భాగంలో తన నైపుణ్యానికి పనిచెప్పారు. హైదరాబాద్ - కోదాడ ప్రయాణంలో ఓ టెంపోను క్రియేట్ చేయడంలో దర్శకుడు సక్సెస్ అయ్యారు. ఈ ప్రయాణంలో ఎదురయ్యే సంఘటనలు, అడ్డంకులు సహజంగా ఉండటంతో ప్రేక్షకుల్లో ఉత్కంఠ రేపింది. హృదయ సంబంధిత వ్యాధితో బాధపడుతున్న అమ్మాయికి గుండె మార్పిడి జరుగుతుందా లేదా అనే ఆసక్తిని రేకెత్తించడం దర్శకుడి ప్రతిభకు అద్దంపట్టింది. దర్శకుడి టేకింగ్ కు మేజో జోసెఫ్ బ్యాంక్ గ్రౌండ్ స్కోరు అదనపు అకర్షణగా మారింది. ప్రేక్షకుడికి చక్కటి ఫీల్ తోపాటు చిత్రాన్ని అందంగా, ఉత్కంఠను రేపే ఫొటోగ్రఫితో హెహనాద్ జలాల్ ఆకట్టుకున్నారు. రాధిక శరత్ కుమార్, లిసన్ స్టిఫెన్ నిర్మాణాత్మక విలువలు బాగున్నాయి. ఈ చిత్రంలో ఇగో ఉన్న నటుడిగా ప్రకాశ్ రాజ్, పోలీస్ ఆఫీసర్ గా శరత్ కుమార్, డ్రైవర్ పాత్రను పోషించిన చెరన్ లు అతి కీలకమైన పాత్రలు.  వైద్యుడుగా ప్రసన్న కటుంబ వ్యవహారాలు, ట్రాఫిక్ కానిస్టేబుల్ చెరన్ జీవితం, కార్తీక్ ప్రేమకథ, కార్తీక్ తల్లితండ్రుల భావోద్వేగం, కూతురు రక్షించుకోవాలనే బాధతో గౌతమ్ కృష్ణ గా ప్రకాశ్ రాజ్ లాంటి అంశాలు, పలు కోణాలు ఈ కథకు మరింత బలాన్నిచ్చాయి. చక్కటి ఫీల్, భావోద్వేగం, ఓ సామాజిక నేపథ్యమున్న అంశాలను జోడించి నిర్మించిన ట్రాఫిక్ చిత్రం ప్రేక్షకులకు ఓ మంచి చిత్రం చూశామనే భావన కలిగిస్తుంది. ప్రస్తుతం వస్తున్న రొటీన్ చిత్రాలకు భిన్నంగా ఓ మంచి  చిత్రాన్ని చూడాలనుకునే ప్రేక్షకులకు కేరాఫ్ అడ్రస్ ట్రాఫిక్ అని చెప్పవచ్చు.  


  హోమ్లీ హీరోయిన్‌గా మంచి గుర్తింపు తెచ్చుకున్న స్నేహ హీరో ప్రసన్నను ప్రేమించి, పెళ్లి చేసుకున్న విషయం తెలిసిందే. ఈ ఇద్దరూ తొలిసారి కలిసి నటించిన చిత్రం ‘అచ్చముండు అచ్చముండు’.  ఆ చిత్రం షూటింగ్ సమయంలోనే ప్రసన్న, స్నేహల మధ్య ప్రేమ చిగురించింది. 
  
  పెద్దలు ససేమిరా అన్నప్పటికీ ఎలాగోలా ఒప్పించి, ఈ ఇద్దరూ ఒకింటి వారయ్యారు. పెళ్లి తర్వాత సినిమాలకు ఫుల్‌స్టాప్ పెట్టలేదు స్నేహ. తనకు నప్పేట్లు హోమ్లీ కేరక్టర్స్‌ని అంగీకరిస్తున్నారామె. కాగా... పెళ్లి తర్వాత ప్రసన్న, స్నేహల కాంబినేషన్‌లో సినిమా చేయాలని కొంతమంది దర్శక, నిర్మాతలు భావించారట. కానీ, ఈ ఇద్దరూ ఇప్పటివరకు తిరస్కరించుకుంటూ వచ్చారని సమాచారం. 
  
  అయితే ఇటీవల ఓ సిని మాలో కలిసి నటించడానికి అంగీకరించారట. ఈ చిత్రానికి అరుణ్ వైద్యనాథన్ దర్శకత్వం వహించబోతున్నారని వినికిడి. ప్రసన్న, స్నేహ కాంబినేషన్‌లో రూపొందిన ‘అచ్చముండు అచ్చముండు’ చిత్రానికి దర్శకత్వం వహించింది అరుణే. ఆయన చెప్పిన కథ నచ్చి, తాజా చిత్రానికి గ్రీన్ సిగ్నల్ ఇచ్చారట ఈ దంపతులు.