గ్రూప్‌–3 పరీక్షలకు పకడ్బందీ ఏర్పాట్లు చేయాలి

గ్రూప్‌–3 పరీక్షలకు పకడ్బందీ ఏర్పాట్లు చేయాలి

ఎదులాపురం: గ్రూప్‌–3 పరీక్షలకు పకడ్బందీ ఏర్పాట్లు చేయాలని రాష్ట్ర ప్రభుత్వ ప్రధాన కార్యదర్శి శాంతికుమారి అన్నారు. హైదరాబాద్‌ నుంచి ఆయా జిల్లాల కలెక్టర్లతో బుధవారం వీడియో కాన్ఫరెన్స్‌ ద్వారా పలు అంశాలపై సమీక్షించారు. ఈనెల 17, 18వ తేదీల్లో నిర్వహించనున్న గ్రూప్‌–3 పరీక్ష నిర్వహణకు అన్ని ఏర్పాట్లు పూర్తి చేయాలన్నారు. ఈ సందర్భంగా కలెక్టర్‌ రాజర్షి షా మాట్లాడుతూ జిల్లాలో 10,488 మంది అభ్యర్థుల కోసం 29 పరీక్ష కేంద్రాలను ఏర్పాట్లు చేసినట్లు తెలిపారు. ఇందులో ఎస్పీ గౌస్‌ ఆలం, ఐటీడీఏ పీవో ఖుష్బూగుప్తా, అదనపు కలెక్టర్‌ శ్యామలాదేవి, సబ్‌ కలెక్టర్‌ యువరాజ్‌ మర్మట్‌ తదితరులు పాల్గొన్నారు.