ముగిసిన సింగరేణి కల్చరల్‌ మీట్‌

ముగిసిన సింగరేణి కల్చరల్‌ మీట్‌

సింగరేణి(కొత్తగూడెం): సింగరేణి కొత్తగూడెం ఏరియాలోని ఆర్‌సీవోఏ క్లబ్‌లో రెండు రోజులుగా జరుగుతున్న కంపెనీ లెవల్‌ కల్చరల్‌ మీట్‌ శుక్రవారం ముగిసింది. ఈ కార్యక్రమానికి ఏరియా జీఎం శాలేంరాజు ముఖ్యఅతిథిగా హాజరై విజేతలు, కోలిండియా పోటీలకు ఎంపికై న క్రీడాకారులకు బహుమతులు అందజేశారు. అనంతరం ఆయన మాట్లాడుతూ మీట్‌లో పాల్గొన్న కళాకారులను ఆదర్శంగా తీసుకోవాలని మిగతా కార్మికులు కళల పట్ల అవగాహన పెంచుకోవాలన్నారు. సాంస్కృతిక కార్యక్రమాలు నిర్వహించుకునేందుకు వేదిక ఏర్పాటు చేయాలని కళాకారులు కోరగా, ఖాళీగా ఉన్న క్వార్టర్‌ను కేటాయిస్తామని జీఎం హామీ ఇచ్చారు. ఈ కార్యక్రమంలో అధికారులు కోటిరెడ్డి, బి.శివకేశవరావు, ఎన్‌.యోహాన్‌, నాయకులు రజాక్‌, గట్టయ్య, ఉపేందర్‌బాబు, శ్రావణ్‌ కుమార్‌ పాల్గొన్నారు.