పేరు మోసిన సారా వ్యాపారి అరెస్టు

చిత్తూరు అర్బన్‌: చిత్తూరు నగరంలో పేరుమోసిన సారా వ్యాపారి చిన్నయ్య అలియాస్‌ విజయరాజును ఎక్సైజ్‌ అండ్‌ ప్రొహిబిషన్‌ పోలీసులు సోమవారం అరెస్టు చేశారు. నగరంలోని మూడో గేటు సమీపంలో సారా విక్రయిస్తున్నట్లు ఎన్‌ఫోర్స్‌మెంట్‌ సీఐ పవన్‌కు సమాచారం అందింది. దీనిపై స్పదించిన ఆయన వన్‌టౌన్‌ పోలీసులు, తన సిబ్బందితో కలిసి భరత్‌నగర్‌ ప్రాంతంలో తనిఖీలు నిర్వహించారు. చిన్నయ్య అనే వ్యక్తి 150 సారా ప్యాకెట్లు లభించడంతో అతన్ని అరెస్టు చేశారు. కాగా చిన్నయ్యపై సారా కేసులు పెద్ద సంఖ్యలో ఉన్నాయి. గత 40 రోజుల్లో రెండుమార్లు ఇతన్ని పోలీసులు అరెస్టు చేయడం గమనార్హం. ఈ దాడుల్లో ఎన్‌ఫోర్స్‌మెంట్‌ ఎస్‌ఐ సుబ్ర మణ్యం, సిబ్బంది దేవప్రసాద్‌, రాజేష్‌, ఢిల్లీబాబు, తంబీష్‌, కృష్ణవేణి, దీప తదితరులు పాల్గొన్నారు.