TV
విధుల్లో క్రమశిక్షణ ముఖ్యం
డిచ్‌పల్లి: పోలీసు విధుల్లో క్రమశిక్షణ ముఖ్యమని నిజామాబాద్‌ ఇన్‌చార్జి పోలీస్‌ కమిషనర్‌ సింధుశర్మ అన్నారు. డిచ్‌పల్లిలోని తెలంగాణ రాష్ట్ర ప్రత్యేక పోలీస్‌ ఏడో బెటాలియన్‌ శిక్షణ కేంద్రంలో తొమ్మిది నెలల పాటు శిక్షణ పూర్తి చేసుకున్న 463 మంది కానిస్టేబుళ్లకు శుక్రవారం ‘దీక్షాంత్‌ పరేడ్‌’ నిర్వహించారు. ఈ కార్యక్రమానికి ఇన్‌చార్జి సీపీ ముఖ్య అతి థిగా హాజరయ్యారు. శిక్షణలో ఉత్తమ ప్రతిభ కనబరిచిన బెస్ట్‌ ఫైరర్‌ (జి.శివకృష్ణ), బెస్ట్‌ అవుట్‌ డోర్‌ అండ్‌ ఆల్‌రౌండర్‌ (బి.రవి), బెస్ట్‌ ఇండోర్‌ (కె.నవీన్‌కుమార్‌ రెడ్డి), పరేడ్‌ కమాండర్‌ (జి.నిరంజన్‌రెడ్డి)లకు కమాండెంట్‌ సత్యనారాయణతో కలి సి బహుమతులు అందజేశారు. శిక్షణ అందించిన పోలీసు, వైద్య సిబ్బందికి ప్రశంసపత్రాలు అందించారు. ఈ సందర్భంగా సింధుశర్మ మాట్లాడుతూ అంకితభావం, నిజాయితీతో విధులు నిర్వహించాలని సూచించారు. పోలీసు సేవలో ప్రతిఒక్కరూ అంతర్భాగమేనని, వ్యవస్థలో విజయం సాధించాలంటే కుటుంబ సభ్యుల సహకారం ఎంతో అవసరమన్నారు. శిక్షణ పూర్తి చేసుకున్న కానిస్టేబుళ్లలో రాచకొండ కమిషనరేట్‌, మహబూబ్‌నగర్‌, జయశంకర్‌ భూపాలపల్లి జిల్లాలకు చెందిన వారు ఉన్నారు. కమాండెంట్‌ పి.సత్యనారాయణ మాట్లాడుతూ 2002 లో బెటాలియన్‌ ట్రైనింగ్‌ సెంటర్‌గా గుర్తింపు పొందిందని తెలిపారు. ఇప్పటి వరకు 14 బ్యాచ్‌లకు శిక్షణ పూర్తి చేయడం గర్వకారణమన్నారు. ప్రస్తుతం అసిస్టెంట్‌ కమాండెంట్‌ కేపీ సత్యనారాయణ పర్యవేక్షణలో ఆర్‌ఐ త్రిముఖ్‌ ఆధ్వర్యంలో 53 మంది అవుట్‌డోర్‌, ఆరు గురు ఇండోర్‌ ఫ్యాకల్టీ శిక్షణనిచ్చినట్లు తెలిపారు. అంతకుముందు ఇన్‌చార్జి సీపీ పోలీసుల గౌరవ వందనం స్వీకరించారు. అసిస్టెంట్‌ కమాండెంట్స్‌ కేపీ శరత్‌కుమార్‌, కేపీ సత్యనారాయణ, ఏవో అయ్యవారయ్య, మెడికల్‌ ఆఫీసర్‌ అనుపమ తదితరులు పాల్గొన్నారు.
ఇన్‌చార్జి సీపీ సింధుశర్మకు గౌరవ వందనం చేస్తున్న శిక్షణ పూర్తి చేసిన కానిస్టేబుళ్లు
నిజామాబాద్‌ ఇన్‌చార్జి సీపీ సింధుశర్మ
బెటాలియన్‌లో ఘనంగా దీక్షాంత్‌ పరేడ్‌
శిక్షణ పూర్తి చేసుకున్న 463 మంది కానిస్టేబుళ్లు
విధుల్లో క్రమశిక్షణ ముఖ్యం
Comments
Please login to add a commentAdd a comment