TV
‘సంకాంత్రికి వస్తున్నాం’ సందడి
నిజామాబాద్‌ రూరల్‌ : నగరంలో ‘సంక్రాంతికి వస్తున్నాం’ చిత్ర యూనిట్‌ సందడి చేసింది. పాత కలెక్టరేట్‌ మైదానంలో సోమవారం సాయంత్రం సినిమా ట్రైలర్‌ లాంచ్‌ ఈవెంట్‌ను అట్టహాసంగా నిర్వహించారు. అనిల్‌ రావిపుడి దర్శకత్వంలో వెంకటేశ్‌ హీరోగా నిర్మాతలు దిల్‌రాజు, శిరీష్‌ ఈ సినిమాను తెరకెక్కించారు. ఐశ్వర్య రాజేశ్‌, మీనాక్షి చౌదరి హీరోయిన్లుగా నటిస్తున్న ఈ మూవీ సంకాంత్రి పండుగకు (ఈ నెల14న) ప్రేక్షకుల ముందుకు రానుంది. ఈ నేపథ్యంలో నగరంలో ట్రైలర్‌ రిలీజ్‌ చేశారు. ఈ కార్యక్రమానికి ప్రజలు భారీగా తరలివచ్చారు. నిర్మాత దిల్‌రాజు మాట్లాడుతూ తాను వెంకటేశ్‌తో తీసిన సినిమాలు అన్నీ హిట్‌ అయ్యాయ న్నారు. ‘సంక్రాంతికి వస్తున్నాం’ ప్రేక్షకులను ఆకట్టుకుంటుందన్నారు. తక్కువ రోజుల్లో సినిమాను తీసిన డైరెక్టర్‌ అనిల్‌ రావిపూడిని అభినందించారు. ఇందూరు గడ్డపై సంక్రాంతికి వస్తున్నాం సినిమా ట్రైలర్‌ను విడుదల చేయడం ఎంతో గర్వంగా ఉందన్నారు. అర్బన్‌ ఎమ్మెల్యే ధన్‌పాల్‌ సూర్యనారాయణ మాట్లాడుతూ సినిమా హిట్‌ అవ్వాలని ఆకాంక్షించారు. హీరోయిన్లు ఐశ్వర్య రాజేష్‌, మీనాక్షి చౌదరిలతో కలిసి వెంకటేశ్‌ డ్యాన్స్‌ చేసి అభిమానులను అలరించారు. కార్యక్రమంలో వివిధ సంఘాల ప్రతినిధులు నరాల సుధాకర్‌, సంతోష్‌, కొయ్యాడ శంకర్‌, నరాల రత్నాకర్‌ పాల్గొన్నారు.
నగరంలో అట్టహాసంగా
ట్రైలర్‌ లాంచ్‌ ఈవెంట్
హాజరైన హీరో వెంకటేశ్‌, హీరోయిన్లు ఐశ్వర్య రాజేశ్‌, మీనాక్షి చౌదరి
తారలను చూసేందుకు
తరలివచ్చిన ప్రజలు
Comments
Please login to add a commentAdd a comment