TV
ముగిసిన మెగా ఇంపాక్ట్‌ ప్రోగ్రాం
కరీంనగర్‌: కరీంనగర్‌లోని వీ కన్వెన్షన్‌ హాల్‌లో జరుగుతున్న మెగా ఇంపాక్ట్‌ ప్రోగ్రాం రెండో రోజు ఘనంగా ముగిసింది. బుధవారం మెగా ఇంపాక్ట్‌లో సినిమా యాక్టర్‌ ప్రదీప్‌, రజిత, శ్రీపాద రామ్‌, ఏసీపీ వెంకటరమణ, సుధీర్‌ సండ్ర, వెంకట్రావు, కుతాడి తిరుపతి, ఇంపాక్ట్‌ ట్రైనర్లు వివిధ అంశాలపై మోటివేషన్‌ తరగతులు బోధించారు. సుమారు 2వేల మంది విద్యార్థులు, యువత పాల్గొన్నారు. ఇంపాక్ట్‌ ఫౌండర్‌ గంపా నాగేశ్వర్‌రావు మాట్లాడుతూ.. వర్షం పడుతున్నా కూడా ఈ కార్యక్రమానికి ఇంతమంది హాజరవడం ఎంతో ఆనందంగా ఉందన్నారు. వెంకట్‌ ఫౌండేషన్‌ ఫౌండర్‌ గంపా వెంకట్‌ ఆధ్వర్యంలో రక్తదానం శిబిరం ఏర్పాటు చేయగా.. చాలామంది యువకులు రక్తదానం చేశారన్నారు. మెగా ఇంపాక్ట్‌ ప్రోగ్రాం ఇన్‌చార్జి కుతాడి తిరుపతిని రీజినల్‌ డైరెక్టర్‌ నుంచి రీజినల్‌ ప్రెసిడెంట్‌గా ప్రమోట్‌ చేస్తున్నట్లు ఇంపాక్ట్‌ నేషనల్‌ ప్రెసిడెంట్‌ శ్రీనివాస్‌ సోను వెల్లడించారు. జాతీయ గీతంతో ముగించారు. వెంకటేశ్వర్‌రావు, శ్రీనివాస్‌, వెంకట్రావ్‌ పాల్గొన్నారు.
Comments
Please login to add a commentAdd a comment