సదర్‌ సంబరం

సదర్‌ సంబరం

కరీంనగర్‌కల్చరల్‌: నగరంలోని 32వ డివిజన్‌లో ఆదివారం కాంగ్రెస్‌ రాష్ట్ర మహిళా ఉపాధ్యక్షురాలు చెర్ల పద్మ యాదవ్‌ ఆధ్వర్యంలో సదర్‌ ఉత్సవాలు జరిగాయి. ఈ వేడుకలకు రాజ్యసభ సభ్యుడు అనిల్‌కుమార్‌ యాదవ్‌ హాజరయ్యారు. యాదవులు తమ వద్ద గల దున్నపోతులలో బలమైన, అందమైన దున్నపోతును ఈ పండుగలో ప్రదర్శించారు. దున్నపోతులను పూల దండలు, గజ్జెలు, ముత్యాల మాలలు, పసుపు, కుంకుమ, పట్టు పరదాలతో ముస్తాబు చేసి వీధుల్లో ఉరేగించారు. వాటి చుట్టూ స్టెప్పులు వేస్తూ సంబరాలు చేసుకున్నారు. వేడుకల్లో సుడా చైర్మన్‌, కాంగ్రెస్‌ నగర అధ్యక్షుడు కోమటిరెడ్డి నరేందర్‌రెడ్డి, నాయకులు మేనేని రోహిత్‌రావు తదితరులు పాల్గొన్నారు.

1/1

సదర్‌ సంబరం