ఇద్దరు గంజాయి విక్రేతల అరెస్ట్‌

మెట్‌పల్లి(కోరుట్ల): నిజామాబాద్‌ నుంచి గంజాయిని తీసుకవచ్చి మెట్‌పల్లి ప్రాంతంలో విక్రయిస్తున్న ఇద్దరు యువకులను శుక్రవారం పోలీసులు అరెస్ట్‌ చేశారు. సీఐ నిరంజన్‌రెడ్డి కథనం ప్రకారం.. పట్టణానికి చెందిన పోతు అక్షయ్‌, బండి సాయిరాం కొంతకాలంగా నిజామాబాద్‌ రైల్వే స్టేషన్‌ వద్ద గుర్తు తెలియని వ్యక్తి నుంచి గంజాయి కొనుగోలు చేస్తున్నారు. అనంతరం దానిని మెట్‌పల్లికి తీసుకవచ్చి స్థానిక అర్బన్‌ హౌజింగ్‌ కాలనీలో చిన్న ప్యాకెట్లలో పెట్టి ఒక్కో దానిని రూ.500 చొప్పున విక్రయిస్తూ వస్తున్నారు. ఈ సమాచారమందుకున్న పోలీసులు దాడి జరిపి ఇద్దరిని అరెస్ట్‌ చేశారు. వారి నుంచి 200 గ్రాముల గంజాయి స్వాధీనం చేసుకున్నారు.