భవనం పైనుంచి పడి వృద్ధుడి మృతి

జగిత్యాలక్రైం: జగిత్యాలలోని గణేశ్‌నగర్‌లో నివాసముంటున్న బండారి నర్స య్య (70) ఇంటిపై నుంచి పడి మృతిచెందాడు. మంచిర్యాల జిల్లా కాసిపేట మండలం దేవపూర్‌కు చెందిన సత్యనారాయణ వ్యాపారం నిమిత్తం గణేశ్‌నగర్‌లో నివసిస్తున్నాడు. ఆయన తండ్రి నర్సయ్య కొద్దిరోజుల క్రితం ఇక్కడకు వచ్చాడు. సోమవారం రాత్రి సమయంలో ఇంటిపైకి వెళ్లేందుకు మెట్లు ఎక్కుతుండగా ప్రమాదవశాత్తు కిందపడ్డాడు. ఆయనను జగిత్యాల ప్రభుత్వ ఆస్పత్రికి తీసుకెళ్లగా అప్పటికే మృతిచెందినట్లు వైద్యులు తెలిపారు. సత్యనారాయణ ఫిర్యాదు మేరకు కేసు నమోదు చేసినట్లు పట్టణ ఎస్సై గీత తెలిపారు.