దొంగల ముఠాల ఆటకట్టు

దొంగల ముఠాల ఆటకట్టు

బనశంకరి: బెంగళూరు నగరంలోని కొత్తనూరు, బేగూరు, తలఘట్టపుర, హెణ్ణూరు తదితర పోలీస్టేషన్ల పోలీసులు 7 మంది దొంగలను అరెస్ట్‌చేశారు. వీరి వద్ద నుంచి రూ.80 లక్షల విలువచేసే నగదు, నగలను స్వాధీనం చేసుకున్నట్లు పోలీస్‌ కమిషనర్‌ బీ.దయానంద్‌ తెలిపారు. బుధవారం చోరీ సొత్తును పరిశీలించి విలేకరులతో మాట్లాడారు.

ఎక్కడెక్కడ చోరీలు

● కొత్తనూరుకు చెందిన వ్యక్తి బ్యాంక్‌ లాకర్‌ నుంచి బంగారు, వెండి ఆభరణాలు తీసుకుని వెళుతుండగా దుండగులు అడ్డుకుని దోచుకున్నారు. ఈ కేసులో దొంగలను అరెస్ట్‌ చేసి రూ.1.10 లక్షలు విలువచేసే బంగారాన్ని సీజ్‌చేశారు. బాలాజీ లేఔట్‌, ఇతర చోట్ల చోరీకి పాల్పడిన రూ.23 లక్షల విలువైన చోరీ సొత్తును స్వాధీనం చేసుకున్నారు.

● బేగూరులో ఇంటి తాళం పగలగొట్టి రూ.18.53 లక్షలు విలువచేసే 261 గ్రాములు బంగారాన్ని ఎత్తుకెళ్లి ఫైనాన్స్‌ సంస్థల్లో కుదువ పెట్టారు. ఆ దొంగలను పోలీసులు అరెస్టు చేశారు.

● తలఘట్టపురలో ఒంటరిగా వెళుతున్న మహిళలను వెంబడించి చైన్‌స్నాచింగ్‌కు పాల్పడుతున్న ముగ్గురిని అరెస్ట్‌చేశారు. వీరి వద్ద నుంచి రూ.20 లక్షల విలువైన 260 గ్రాముల నగలను సీజ్‌ చేశారు.

● హెణ్ణూరులో ఇంటి కిటికీ పక్కన పెట్టిన తాళం తో ఇంటి తలుపుతీసి నగలు ఎత్తుకెళ్లిన మహిళా దొంగ పట్టుబడింది. ఆమె నుంచి రూ.7.80 లక్షల విలువచేసే 110 గ్రాముల నగలను స్వాధీనం చేసుకున్నారు.

రూ.80 లక్షల నగదు, నగలు సీజ్‌