రేపు ఎన్‌డీ పార్టీల విలీన సదస్సు

రేపు ఎన్‌డీ పార్టీల విలీన సదస్సు

ఖమ్మం మామిళ్లగూడెం: ఒకే అజెండా, సిద్ధాంత రాజకీయంతో కొనసాగుతున్న రెండు న్యూడెమోక్రసీ పార్టీల విలీనం సందర్భంగా శనివారం హైదరాబాద్‌లో సదస్సు నిర్వహిస్తున్నట్లు న్యూడెమోక్రసీ రాష్ట్ర కార్యదర్శి వర్గ సభ్యుడు ఆవునూరి మధు తెలిపారు. ఈ సందర్భంగా సదస్సు పోస్టర్లను గురువారం ఖమ్మంలో ఖమ్మంలో ఆవిష్కరించారు. అనంతరం ఎన్‌డీ జిల్లా కార్యదర్శి మందుల రాజేంద్రప్రసాద్‌ అధ్యక్షతన జరిగిన సమావేశంలో ఆయన మాట్లాడుతూ రెండు పార్టీల విలీనంతో దేశంలోనే బలమైన విప్లవ పార్టీగా అవతరించబోతుందని తెలిపారు. ఈ మేరకు జిల్లా నుంచి సదస్సుకు భారీగా తలివచ్చి విజయవంతం చేయాలని కోరారు. ఈసమావేశంలో నాయకులు కోలా లక్ష్మీనారాయణ, వీ.వీ.రావు, మోహన్‌రావు, సుభాన్‌, సురేష్‌, జానకి, మురళి, పటేల్‌, షబ్బీర్‌, మస్తాన్‌, వెంకటేశ్వర్లు, బేతంపూడి నాగరాజు పాల్గొన్నారు.