పెరుగుతున్న మిర్చి విక్రయాలు

పెరుగుతున్న మిర్చి విక్రయాలు

ఖమ్మంవ్యవసాయం: ఖమ్మం వ్యవసాయ మార్కెట్‌లో మిర్చి విక్రయాలు క్రమంగా పెరుగుతున్నాయి. సంక్రాంతి పండుగ ముందు రోజుకు 10 వేల బస్తాల వరకు తీసుకురాగా, గురువారం సుమారు 20 వేల బస్తాల మిర్చిని రైతులు తీసుకొచ్చారు. ఇదే సమయాన ధర పడిపోతుండడం గమనార్హం. ప్రస్తుతం విదేశాల్లో మిర్చికి డిమాండ్‌ లేకపోవడం, ప్రధానంగా చైనా నుంచి ఆర్డర్లు రాకపోవడం ధరపై ప్రభావం చూపుతున్నట్లు తెలుస్తోంది. అంతేకాక తొలికోత మైలకాయ కావడం కూడా ధర పతనానికి మరో కారణంగా చెబుతున్నారు. ఈనెల 9వ తేదీ వరకు మిర్చి ధర క్వింటాకు రూ.15,700 ఉండగా, గురువారం ఽగరిష్ట ధర రూ.14వేలుగానే నమోదైంది. అలాగే, ఏసీ మిర్చి ధర రూ.15,400 గా పలకడంతో రైతులు ఆందోళన చెందుతున్నారు.

ఇదే సమయాన తగ్గుతున్న ధర