విద్యార్థులు ఉన్నతంగా ఎదగాలి

విద్యార్థులు ఉన్నతంగా ఎదగాలి

చేగుంట(తూప్రాన్‌): విద్యార్థులు బాగా చదివి ఉన్నతంగా ఎదగాలని డీఈఓ రాధాకిషన్‌ అన్నారు. గురువారం మండలంలోని చందాయిపేట ప్రభు త్వ ఉన్నత పాఠశాలలో బాలల దినోత్సవం సందర్భంగా ప్రతిభ కలిగిన ఉత్తమ విద్యార్థులకు చావలి లక్ష్మీ సుబ్రహ్మణ్యం ఫౌండేషన్‌ ఆధ్వర్యంలో నగదు ప్రోత్సాహకం అందించారు. ఈసందర్భంగా ఆయన మాట్లాడుతూ.. ఉపాధ్యాయులు చెప్పిన పాఠా లను క్రమం తప్పకుండా వినడం అలవాటు చేసుకోవాలని సూచించారు. ప్రభుత్వం విద్యార్థుల చదువు కోసం ప్రత్యేక శ్రద్ధ కనబరుస్తుందని పేర్కొన్నారు. పాఠశాలకు చెందిన 64 మంది విద్యార్థులకు రూ. 64 వేలను నగదు ప్రోత్సాహకంగా అందించారు. ఎంఈఓ నీరజ, కాంప్టెక్స్‌ ప్రధానోపాధ్యాయులు అమర్‌శేఖర్‌రెడ్డి, ప్రధానోపాధ్యాయులు కిషన్‌, ఉపాధ్యాయులు పాల్గొన్నారు.